December 2014

11 December 2014

Кор дар иншоотҳои ҷашнӣ бо дили гарм ва эҳсоси масъулият идома меёбад…

 Тавре маълум аст, таҷлили Наврӯзи байналмилалии соли 2015-ум бо ибтикори Президенти мамлакат дар давлати Тоҷикистон баргузор гардида, тантанаҳои асосӣ дар шаҳри Хуҷанд доир мешаванд. Меҳвари тантанаҳо Боғи фарҳангӣ-фароғатии ба номи Камоли Хуҷандӣ хоҳад гардид, ки алҳол, дар ин рӯзҳои сарди моҳи декабр низ дар ин мавзеъ кор аз доғаш нафаромада, устоҳои чирадаст баҳри бунёди иншоотҳои ҷашнӣ монда нашуда заҳмат мекашанд.

Тавре ба мухбири рӯзномаи «Хаrиrати Суғд» роҳбарони идораҳои сохтмонӣ иттилоъ доданд, алҳол бо rувваи беш аз 70 нафар устоҳо ба се адад айвон таҳкурсӣ гузошта ва сутунҳояш бардошта шуда ба гузоштани сутунҳои кандакорӣ омода аст, маrбараи Камол низ бардошта шуда, бомпӯшкуни он, ҳамчунин бо сангҳои кӯҳҳои Тоҷикистон оро додани фарши он идома дорад. Ҳамчунин ҳавлии Хоҷа Камол, ҳуҷраҳҳои он сохта шуда, корҳои пардоз идома дорад. Бо ҳунари дастони устоҳо аз ноҳияи Бобоҷон Fафуров ва Исфара кандакорӣ ва наrшу нигори ҳуҷраҳо анҷом дода шуда истодаанд. Дар rафои се адад айвони кандакорӣ сохтани ду шаршара низ дар назар аст.

Дар ҳудуди боғ дар 3 гектар сабзазор (газон) бунё два бештар аз 100 ҳазор бех гулу ва 1000 бех дарахтони ороишӣ аз гӯшаву канори кишварамон оварда шинонда хоҳанд шуд. Кор дар бунёди иншооти ҷашнӣ бо ҷӯшу хурӯш идома дорад.

Р. Мӯъминова

 

Читать далее

10 December 2014

«Мақоми омӯзгор дар ташаккули ҷомеа»

 Маҳфили илмию адабӣ бахшида ба 75-солагии рӯзи мавлуди омӯзгори синфҳои ибтидоии МТМУ №31-уми ноҳияи Бобоҷон Fафуров, Аълочии маорифи Ҷумҳурии Тоҷикистон Мунаввара Назарова гузаронида шуд.

Чорабиниро раиси Ҷамоати деҳоти Ёва Саидумрон Саидов оғоз намуд. Муовини раиси ноҳия Мастура Комилова аз номи мақомоти иҷроияи ҳокимияти давлатии ноҳия хоса раиси ноҳия Абдусамад Маннонзода соҳибҷашнро шодбош гуфта, ба ӯ сиҳатмандиву хотирҷамъӣ ва сарбаландӣ таманно кард. Инчунин намояндаи Раёсати маорифи вилояти Суғд Аҳмадҷон Солиҷонов, мудири шӯъбаи маорифи ноҳия Малоҳат Бобоева, сарвари гимназияи 4-уми шаҳри Хуҷанд Зулфия Ашӯрова, директори мактаби таҳсилоти умумии №31 Муродҷон Азимов ва дигарон соҳибҷашнро табрик гуфтанд. Гуфтан ҷоиз аст, ки аксари нафароне, ки ба шодбошии соҳибҷашн омадаанд, шогирдони омӯзгори соҳибтаҷриба Мунаввара Назарова мебошанд.

Ҳозирон маърӯзаи муаллима Б.Назароваро дар мавзӯи «Устод, тарбиятгар ва раҳнамои ҷавонон» ва суханронии рӯзноманигор Карим Шарифро дар мавзӯи «Нақши муаллим дар тарбияи насли фардо» бо мароқ шуниданд. Боиси зикр аст, ки Мунаввара Назарова 58 сол инҷониб дар мактабҳои деҳа омӯзгори синфҳои ибтидоиро дар ӯҳда дорад ва шогирдони ӯ дар ҷабҳаҳои мухталифи хоҷагии халқи кишвар фаъолият дошта, даҳҳо нафар касби пуршарафи омӯзгориро интихоб ва дар таълиму тарбияи насли наврас саҳм мегирад. Омӯзгори ботаҷриба бо Ифтихорномаи Ҷумҳурии Тоҷикистон тақдиронида шудааст.

Толибилмони мактаби таҳсилоти умумии № 31 ва гимназияи № 4-уми шаҳри Хуҷанд дар васфи Ватан, модар, устод шеърҳо қироат карда, суруду таронаҳо иҷро карданд. Аълочии фарҳанги ҷумҳурӣ Мирсалим Ашӯров бо сурудҳои дилнишин табъи ҳозиринро шод намуд.

Фаридун КАРИМЗОДА

 

 

 

Читать далее

09 December 2014

Қарори Раиси вилояти Суғд аз 6 декабри соли 2014 шаҳри Хуҷанд № 474

Дар бораи даъвати иҷлосияи бистуми (ғайринавбатии) Маҷлиси вакилони халқи вилояти Суғд, даъвати чорум

Мутобиқи моддаҳои 12, 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», Фармони Президенти Ҷумҳурии Тоҷикистон аз 5 декабри соли 2014, №306 «Дар бораи таъин намудани интихоботи даъвати нави Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ», қарор мекунам:

1. Иҷлосияи бистуми (ғайринавбатии) Маҷлиси вакилони халқи вилояти Суғд, даъвати чорум 10 декабри соли 2014, соати 9:00 дар шаҳри Хуҷанд даъват карда шавад.

2. Ба баррасии иҷлосияи бис-туми (ғайринавбатии) Маҷлиси вакилони халқи вилоят масъалаҳои зерин пешниҳод гарданд:

– дар бораи таъин намудани интихоботи вакилони Маҷлиси вакилони халқи вилояти Суғд, даъвати панҷум;

– оид ба ташкили комиссияи вилоятии интихобот доир ба интихоботи Маҷлиси вакилони халқи вилояти Суғд, даъвати панҷум;

– дар бораи миқдори ҳавзаҳои ҳудудии интихоботӣ оид ба интихоботи Маҷлиси вакилони халқи вилояти Суғд, даъвати панҷум.

3. Назорати иҷрои қарори мазкур ба зиммаи роҳбари дастгоҳи Раиси вилоят Зоиров F.М. гузошта шавад.

Раиси вилоят Абдураҳмон Қодирӣ

Читать далее

Мубориза бо коррупсия кори дастаҷамъист...

Бо иқдоми Созмони Милали Муттаҳид санаи 9 декабри соли 2003 дар шаҳри Меридаи давлати Мексика ҳамоиши баландпояи сиёсӣ бо ширкати намояндаи зиёда аз сад давлати ҷаҳон баргузор гардид. Дар конгресс Конвенсияи Созмони Милали Муттаҳид бар зидди коррупсия таҳия гардид, ки кулли намояндагони давлатҳои иштирокчӣ ҷиҳати тарафдорӣ ба Конвенсия имзои худро гузоштанд.

Читать далее

Баҳром Зубайдуллоев: Моҳияти андозро бояд донист...

Fановати буҷет ва баракати хазинаи давлат дар замони муосир аз бисёр ҷиҳат ба андозҳо ва дигар пардохтҳои ҳатмии давлатӣ вобаста аст. Маҳз ба шарофати сари вақт ҷамъ оварда шудани онҳо давлат метавонад иқтидори мудофиавии худро мустаҳкам намуда, сиёсати иқтисодию иҷтимоиашро роҳандозӣ кунад. Дар ин радиф бояд таъкид намуд, ки ҳар қадар ба буҷет бештар маблағ ворид гардад, ҳамон андоза бунёдкорию созандагӣ ривоҷ гирифта, дараҷаи зисту зиндагии халқ болотар меравад.

Эмомалӣ РАҲМОН

Читать далее

Нигаронии аҳолӣ аз чист?

Бо ба даст овардани истиқлолият ҳаёти мардуми осоиштаи кишвар рў ба беҳбудӣ овардааст. Дар шаҳру ноҳияҳои ҷумҳурӣ иншоотҳои бошукўҳу зебо қомат афрохта, ҳар бинандаро мафтун месозад. Аксарият кўшиш ба харҷ медиҳанд, ки манзилашон зебо, дорои шароитҳои хуби зиндагӣ бошад, бахусус, бинову ҳавлиҳои наву зебо бунёд шаванд. Аз ин ҷиҳат, шаҳри Хуҷанд ба худ солҳои охир рангу ҳусни тоза мегирад.

Читать далее

08 December 2014

Ваҳдат-омили пешрафти ҷомеа

Таърих исбот намудааст, ки Ваҳдати миллӣ яке аз омилҳои пешравии ҷомеа ба шумор меравад. Ваҳдати миллӣ пояи боэътимоди тавоноӣ ва шикастнопазирии давлат мебошад. Мавзўи ваҳдати ҷомеа ҳамчун мавзўи сиёсӣ, фалсафӣ ва ахлоқӣ мавриди чашмандозии шоирони бузурги гузашта қарор мегирифтанд. Мавлоно Абдураҳмони Ҷомӣ мунофиқӣ, дурўягии мавқеи ҷамъиятии одамонро ба ваҳдат номуносиб мешуморад.

Мирзо Абдулқодири Бедил дар замони худ мушоҳида мекард, ки дар Ҳиндустон уламои мутаассиб дар байни мусулмонон ва ҳиндуҳо оташи кинаву адоват, низою нифоқ, ҷангу бедодиро меафрўхтанд.

Бедил дар асарҳои худ ғояи «сулҳи кулл»-ро ҷонибдорӣ ва ташвиқ мекард. Ҳофизи Шерозӣ дўстиро шарти асосии хушбахтии аҳли ҷомеа меҳисобад. Камоли Хуҷандӣ дўстро қувваи бузург мешуморад.

Президенти Тоҷикистон Эмомалӣ Раҳмон, ки аз таърих ва арзишҳои маънавии халқи худ огоҳ аст, аз рўзи аввали ба сари ҳокимият омаданаш дўстию рафоқат ва Ваҳдатро асоси оромию осоиштагии ҷомеа меҳисобад.

Президенти кишвар ба вуҷуд овардани фазои нави сиёсӣ, маънавию ахлоқиро дар ҷомеа пешниҳод намуд, ки он омили муҳимтарини тавлиди мафкураи ваҳдати миллӣ ба шумор меравад.

Набояд фаромўш кард, ки дар Тоҷикистон барои ташаккули ваҳдати устувори миллӣ монеаҳои зиёде дар гузашта ҷой доштанд, ки он миллатро дар охир ба ҷанги бародаркуш оварда расонид.

Бояд тазаккур дод, ки барои тақвият ёфтани Ваҳдати миллӣ эҳсосоти худшиносии миллӣ аҳамияти муҳим дорад. Ҳар фард бояд худро бишносад. Агар шахс худро нашиносад, аслу насаб ва таърихи халқу Ватани хешро надонад, вай моҳияту зарурияти Ваҳдати миллиро фаҳмида наметавонад.

Худшиносии ҳар як фарди ҷомеа дар маҷмўъ ифтихори миллии ўро ташкил медиҳад, эҳсосоти ватандўстию миллатпарастии шахсро баланд мебардорад ва пурқувват менамояд.

Талошу набардҳои мардонаи гузаштагони халқамон Спитамен, Муқаннаъ, Исмоили Сомонӣ, Темурмалик, Восеъ ва дигарон баҳри ҳифзи Ватани азиз, баҳри хештаншиносӣ, дифоъ аз қадру эътибори халқи худ буд.

Талошу набардҳои Садриддин Айнӣ, Шириншо Шоҳтемур, Нусратулло Махсум, Чинор Имомов, Бобоҷон Ғафуров ва даҳҳо сиёсатмадорону зиёиёни тоҷик маҳз барои ҳимояи манфиатҳои миллии Тоҷикистони азиз нигаронида шуда буданд.

Дар давраи сиҳибистиқлолии ҷумҳурӣ фарзанди фарзонаи миллат Эмомалӣ Раҳмон баҳри Ваҳдати миллӣ ва эҳёи Тоҷикистон то имрўз ҷонбозиҳои қаҳрамонона карда истодааст.

Баъди имзои Созишномаи сулҳи тоҷикон дар ҷумҳурӣ дар ҷодаи иқтисодӣ, иҷтимоӣ, фарҳангӣ дигаргуниҳои бузургу назаррас ба амал омаданд. Чунончӣ, хароҷоти буҷети давлатӣ дар соли 2013 ба 12,2 миллиард сомонӣ афзоиш ёфт, ки нисбат ба соли 2006-ум беш аз 7 баробар зиёд мебошад.

Аз ҷумла маблағгузории соҳаи маориф 6,7 баробар, тандурустӣ 8,6, ҳифзи иҷтимоӣ 6,8 баробар афзоиш ёфтааст. Дар натиҷаи сиёсати мақсадноки Ҳукумати ҷумҳурӣ сатҳи камбизоатӣ дар мамлакат аз 81 фоизи соли 1999-ум то 38 фоиз паст гардид.

Яке аз рисолати назарраси ваҳдату худшиносии миллӣ оғози корҳои созандагию бунёдкорӣ дар кори рушди соҳаи энергетика ба шумор меравад. Солҳои охир нерўгоҳҳои барқи обии «Сангтўда-1», «Сангтўда-2» бо ширкати давлатҳои Русия ва Эрон сохта ба истифода дода шуд.

Бечунучаро аз худ намудани захираҳои энергетикии мамлакат имкон медиҳад, ки истиқлолияти энергетикии ҷумҳурӣ таъмин карда шавад. Дар баробари таҳким бахшидани соҳаи иқтисодиёт ва энергетика дар ҷумҳурӣ соҳаи маориф низ рушд ёфт. Маблағгузории соҳаи маориф дар натиҷаи ғамхории пайвастаи ҳукумат сол аз сол афзоиш ёфта, дар соли 2014 вай 2 миллиарду 131 миллион сомониро ташкил дод, ки ин рақам назар ба соли 2000-ум 57 баробар зиёд мебошад.

Қайд кардан лозим аст, ки чунин пешравиҳо дар соҳаҳои тандурустӣ, иҷтимоиёт, фарҳанг низ ба амал омаданд, ки онҳо самараи файзбори фароҳам омадани сулҳу ваҳдат дар кишвар мебошанд.

Боиси ифтихор аст, ки ваҳдат боиси боз ҳам тақвият ёфтани сиёсати байналхалқии ҷумҳурӣ ва устувор гардидани мавқеи кишварамон дар ҷомеаи ҷаҳонӣ гардида истодааст.

Тоҷикистон дар сиёсати хориҷии худ бо шарикони санҷида Русия, Ҷумҳурии Халқии Хитой, кишварҳои Осиёи Марказӣ, Иттиҳоди Давлатҳои Мустақил ва Иттиҳоди Иқтисодии Авроосиё муносибати дуҷониба ва бисёрҷониба барқарор карда, бо Созмони Ҳамкории Шанхай, Созмони Аҳдномаи Амнияти Дастаҷамъӣ ва дигар созмонҳои байналмилалӣ ҳамкорӣ намуда истодааст.

Ҳамчун узви Созмони Милали Муттаҳид Тоҷикистон дар ҳалли проблемаҳои глобалии ҷаҳонӣ – терроризм, экстремизм, қоҷоқи маводи мухаддир ва дигарҳо фаъолона ҳамкорӣ дорад.

Оре, ба шарофати Ваҳдати миллӣ дар ҷумҳурӣ дар кори бунёди ҷомеаи демократӣ корҳои назаррас амалӣ гардонида шуданд. Ин бори дигар гувоҳи он аст, ки ғояи ваҳдату дўстӣ барои халқи тоҷик дар кори бунёди ҷомеаи демократӣ ва баҳри расидан ба комёбиҳои нави хурсандибахш нерўи тавонои пешбаранда гардидааст.

Алиҷон ОДИНАЕВ,
номзади илмҳои таърих, дотсенти кафедраи сиёсатшиносии ДДҲБСТ

Читать далее

Тарбияи фарзанд: беэътиборӣ нашояд!

 Дар 8 моҳи соли 2014-ум 169 ҳолати содиршавии ҷиноят аз ҷониби 141 нафар ноболиғ ба қайд гирифта шудааст, ки боиси нигаронӣ аст… Президенти кишвар, Ҷаноби Олӣ, мўҳтарам Эмомалӣ Раҳмон ва Раиси вилояти Суғд, мўҳтарам Абдураҳмон Қодирӣ нисбат ба тарбияи насли наврас аҳамияти хоса зоҳир намуда, ҳамеша таъкид мекунанд, ки насли ҷавон ояндаи кишвари мо мебошанд.

Барои дар амал татбиқ намудани ин сиёсати хирадмандонаи Сарвари давлат Ҳукумати кишвар, аз ҷумла Мақомоти иҷроияи ҳокимияти давлатии вилоят тамоми шароити моддиву маънавиро баҳри ҷавонон фароҳам овардааст. Бунёди даҳҳо муассисаҳои таълимиву томактабӣ, иншооти варзишӣ, марказҳои омўзишию ҳунармандӣ ва таъсиси омўзишгоҳҳои касбӣ далели ин гуфтаҳоянд. Албатта ҷавобан ба ин ғамхориҳо бояд ҷавонони мо ҳамқадами замони муосир гашта, ба омўзиши илму дониш, касбу ҳунар машғул бошанд ва ба роҳи дурусти зиндагӣ қадам гузоранд.

Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» низ ҳи- доятгар ба тарбияи наврасону ҷавонон аст. Омўзгорон ва падару модарон низ дар ин бобат ташаббус зоҳир намуда, барои тарбияи дурусти насли наврас шароитҳои мусоидро фароҳам месозанд. Бо вуҷуди он масоили ташвишовар он аст, ки ноболиғони синни то 18 – сола дар баъзе намуди ҷиноятҳо ҳамдастӣ доранд. Ҳол он ки дар ин давра онҳо бояд барои ҳифзи Ватан - Модар худро омода намуда, баъдан оилаи намунавие бунёд намоянд ва дар бунёди ҷомеаи солим саҳм гузоранд.

Давоми соли 2014 дар баробари дастовардҳо дар самти татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» баъзе камбудиҳо низ ба назар расиданд. Дар бобати ин мавзўъ мудири бахши кор бо ноболиғони Мақомоти иҷроияи ҳокимияти давлатии вилоят Муҳаббат Ҳомидова андешаҳои худро баён дошт.

Қайд гардид, ки дар соли 2014 нисбат ба соли сипаришуда ҷинояткорӣ аз тарафи ноболиғон зиёд шуд. Барои бартараф кардани чунин ҳодисаҳо Хадамоти пешгирии ҳуқуқвайронкунӣ байни ноболиғон ва ҷавонон хеле ҷиддӣ корбарӣ намуд. Бо вуҷуди гузаронидани корҳои фаҳмондадиҳӣ аз ҷониби масъулини соҳа ноболиғони мо даст ба ҷиноятҳои авбошӣ, дуздӣ, худкушӣ мезананд.

Чунончӣ теъдоди ноболиғони дар қайди Раёсати Вазорати корҳои дохилии вилоят буда, дар ин давраи соли 2014 нисбат ба соли гузашта 8 нафар зиёд гашт, ки миқдори он ба 72 нафар расидааст. Агар шумораи ноболиғони ҷинояткори мактабхон дар соли 2013-ум 54 нафар бошад, теъдодашон дар соли 2014-ум 4 нафар зиёд шудааст. Ҷиноятҳои гуногуне, ки давоми ҳашт моҳи соли 2014 ноболиғон содир кардаанд, нисбат ба ҳамин давраи соли гузашта 13 адад зиёд гашта, он ба 103 адад расидааст.

Масъулини соҳаро мебояд, ки ба хонандагони аз таҳсили ҳатмӣ берунмонда корҳои фаҳмондадиҳӣ гузаронда, ба мактабҳо ҷалб намоянд. Ногуфта намонад, ки дар шаҳру навоҳии вилоят, аз ҷумла шаҳрҳои Хуҷанд, Чкалов, Панҷакент ва ноҳияҳои Бобоҷон Fафуров, Мастчоҳ, Fончӣ нисбат ба падару модарони ноболиғони ҷинояткор парвандаҳо боз гардида, онҳо ба ҷавобгарӣ кашида шудаанд.

Бино ба иттилои Сардори Хадамоти пешгирии ҳуқуқвайронкунӣ байни ноболиғон ва ҷавонони Раёсати Вазорати корҳои дохилӣ дар вилоят Сўҳроб Аҳмедов соли равон баҳри пешгирии афзоиши ҳодисаҳои номатлуб байни ноболиғон аз ҷониби нозирони шўъбаи кор бо ноболиғони вилоят 703 санҷишҳои муштарак ва 316 амалиёти пешгирикунандаи «Наврас» ва «Оворагард» гузаронида шуд.

Новобаста аз ин, имрўз ташвишовар аст, ки ҷавонон ва ноболиғон ба ҳар гуна ҷиноятҳо даст мезананд. Дар мактабҳои миёна толибилмони душвортарбия ва аз тарбияи падару модар дурмонда ё волидайнашон дар муҳоҷирати меҳнатӣ қарор дошта таҳсил менамоянд. Волидонро зарур аст, ки ба таълиму тарбияи фарзанд аҳамияти ҷиддӣ дода, нисбат ба рафтори фарзандашон бетараф набошанд. Зеро тарбияи нодурусти онҳо метавонад ба оқибатҳои нохуш оварда расонад.

Мутаассифона, дар 8 моҳи соли 2014-ум 169 ҳолати содиршавии ҷиноят аз ҷониби 141 нафар ноболиғ ба қайд гирифта шудааст, ки аз онҳо 71 нафарро хонандагони мактаб, 6 нафарро хонандаи омўзишгоҳҳои касбӣ - техникӣ, 64 нафарро шахсони бекор ташкил медиҳанд. Аксари ҷиноятҳо, аз ҷумла 99 ҳолати онҳоро дуздӣ, 10 ҳолати қаллобӣ, 6 ҳолати ғоратгарӣ, 1 ҳолати роҳзанӣ, 23 ҳолати авбошӣ, 35 ҳолати худкушӣ ва 3 ҳолати садамаҳои роҳу нақлиётӣ муайян гардидааст.

То ин дам нисбат ба волидайни ноболиғ 106 адад парванда боз гардидааст, ки онҳо аз шаҳрҳои Хуҷанд, Қайроққум, Исфара, ноҳияҳои Бобоҷон Fафуров, Мастчоҳ, Спитамен ва Ҷаббор Расулов мебошанд.

Бояд гуфт, ки ҷомеа низ дар ин самт бояд бетараф набошад… Кормандони мақомоти ҳифзи ҳуқуқ ҳамеша дар хизмати мардум буда, баҳри тинҷиву оромии кишвар саҳми шоиста мегузоранд, то ин ки фарзандони бонангу номуси халқи тоҷик номи бузургони хешро бадному сари худ ва атрофиёнро хам насозанд.

Шаҳноза ҲОМИДОВА

 

 

 

Читать далее

Ҳадафи мо - таъмини пешрафти ҷомеа ва шукуфоии диёр

Таҷлили 90-солагии таъсисёбии Вазорати молияи кишвар барои мо – кормандони соҳа санаи фархунда ва хотирмон аст ва бо ин рўйдоди наҷиб ҷамъи ҳамкорону ихлосмандони соҳаро самимона табрик гуфта, фатҳи қуллаҳои азими меҳнатӣ ва барору саодати рўзгорро таманно дорам.

Читать далее

05 December 2014

Роҳнамои муҳоҷирони меҳнатӣ

 Дар толори «Кохи матбуот» доир ба мавзӯи муҳоҷирати меҳнатӣ ва муаммоҳои он семинар машварат баргузор гардид. Консули Генералии Федератсияи Русия дар шаҳри Хуҷанд Валерий Бондаренко дар бораи муҳоҷирони меҳнатии тоҷик ва шарту шароитҳои будубоши онҳо дар қаламрави Русия дар соли 2015 сухан ронд.

Аз ҷумла ӯ гуфт, ки муҳоҷирати меҳнатии байни Тоҷикистону Русия бе раводид буда, тағйири макон кардани онҳо то ҳадде осон шуд. Ин маънои онро дорад, ки қувваи кории ду кишвар дар ҳаракати озод қарор дошта, шаҳрвандон метавонанд дар ҳудуди ду давлат кору фаъолият кунанд.

Хадамоти консулии Сафоратхона ба додани шиносномаҳои хориҷии умумишаҳрвандӣ ба шаҳрвандони Ҷумҳурии Тоҷикистон, ки дар Федератсияи Русия барои муҳоҷирати меҳнатӣ мераванд, оғоз кардааст. Дар кори семинар машварат намояндагони созмони ғайритиҷоратии бунёди рушди «Пажӯҳишгоҳи тадқиқоти Авросиё» дар Ҷумҳурии Тоҷикистон, Хадамоти муҳоҷират, идораи савдо ва рушди минтақавии иқтисодии Мақомоти иҷроияи ҳокимияти давлатии вилоят ва маркази ҳуқуқи инсон ширкат варзиданд.

Барно АБДУFАФФОРОВА

 

 

 

Читать далее