December 2015

31 December 2015

Паёми табрикии Раиси вилоят бахшида ба Соли нави 2016

Ҳамдиёрони азиз!
Соли 2015, ки мо онро дар китоби навини таърихи давлатдории халқамон номнавис менамоем, бо воқеаи фараҳбахши аз тарафи Парлумони кишвар пазируфта шудани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат», ки дар заминаи арҷгузорӣ ба хизматҳои Президенти мамлакат, Ҷаноби Олӣ, мӯҳтарам Эмомалӣ Раҳмон ва расман Пешвои миллат эълон гардидани ин шахсияти беназир рост омад. Дар ин соли пурфайз мардуми вилоят ба дастовардҳои назарраси меҳнатӣ ноил гардида, дар шукуфоии кишвар ва рушди ҷомеа саҳми муассир гузоштанд.

Читать далее

30 December 2015

Ҳақиқати Суғд №156

 
Читать далее

Пешвои миллат-бахтофари миллат

Дар тараққӣ ва пешрафти ҳар як давлату миллати алоҳида шахсиятҳое буданд, ки дар дастовардҳои бузурги он миллату халқиятҳо нақши босазо ва калидӣ гузоштаанд. Хусусан, барои рушди кишварҳои тараққикардаи имрўза низ замоне сарсупурдагоне буданд, ки саҳми бориз ва раҳнамоии худро доштанд. Барои мисол дар рушди Россия Пётри кабир, дар рушди ИМА падарони асосгузор – Ҷорҷ Вашингтон, Ҷеферсон, барои рушди Олмон Отофон Бисмарк, барои рушди Фаронса Наполеон, барои пешрафт ва озодиҳои халқи Ҳиндустон - Махатма Ганди, Ҷавоҳирлал Неҳру ва барои рушди имрўзаи Ҷумҳурии халқии Хитой Ден Сяо Пин саҳми бузурге доштанд. Онҳо тавонистанд бо кўшишу амалҳои наҷиби худ ва бо сарсупурдагияшон миллаташон ва давлаташонро аз ҳолати бўҳронӣ ва ақибмондагӣ, аз зулму ситам раҳонанд ва онро ба дараҷаи пешрафту абарқудрат бирасонанд.

Дар таърихи халқи тоҷик низ чунин абармардоне буданд, ки барои дар ҷодаи таърих боқӣ мондани миллати мо саҳми худро гузоштаанд. Аз ҷумла, чунин нақшро дар гузашта амир Исмоили Сомонӣ дошт. Пас аз ҳазорсолаҳо, дар эҳёи нави миллати тоҷик чунин нақши барҷастаро Президенти кишвар, мўҳтарам Эмомалӣ Раҳмон бозидааст. Аз рўзи аввали расидан ба қудрати сиёсӣ то ба имрўз Президенти кишвар ҳамеша кўшиш бар он намуда истодааст, ки давлатдории миллиро тақвият бахшад, осоишу сулҳу субот ва ҳаёти арзандаро барои миллати тоҷик фароҳам оварад. Дар ин ҷода месазад, ки хизматҳои арзишманди Президенти кишварро зикр намоем. Пеш аз ҳама Эмомалӣ Раҳмон тавонист, ки миллатро аз ҳолати нобуд шудан ва ба коми фано рафтан наҷот бахшад. Расидан ба истиқрори сулҳ дар кишвар маҳз натиҷаи хиради воло ва ташаббусҳои сулҳофаринии Президенти кишвар Эмомалӣ Раҳмон буд. Бо кўшиш ва талошҳои пайдарҳами Президенти кишвар Тоҷикистон аз бўҳрони ҳамаҷонибаи сиёсӣ, иқтисодию иҷтимоӣ ва фарҳангию маънавӣ раҳо ёфт ва тадриҷан, зина ба зина сўи пешрафту тараққиёт аст. Дар фазои орому осуда ҳаёти шаҳрвандони кишвар рўз аз рўз рў ба беҳбудӣ мениҳад ва бо шукргузорӣ аз суботи мавҷуда шаҳрвандони кишвар баҳри зиндагии арзанда дар ҷомеа ва мустаҳкамии давлатдории миллиамон камари ҳиммат мебанданд.

Хизмати арзандаи дигаре, ки Президенти кишвар, мўҳтарам Эмомалӣ Раҳмон ба сомон расонид, ин раҳоӣ бахшидани ҷумҳурӣ аз бунбасти коммуникатсионӣ мебошад. Бо пеш гирифтан ва амалӣ намудани ин сиёсат Сарвари мамлакат тавонист, алоқаҳои миёни тоҷиконро боз ҳам қавитар ва мутамарказияти давлатдориямонро мустаҳкамтар созад. Имрўз низ ин сиёсати босамар идомаи худро дорад ва Сарвари кишвар ҳарчи зудтар мекўшад, ки Тоҷикистонро аз бунбасти коммуникатсионӣ берун оварад. Кўшишҳои Сарвари кишвар барои баромадан ба бандарҳои бузург бозгўи ин гуфтаҳост. Дар умум Сарвари кишварамон, мўҳтарам Эмомалӣ Раҳмон бо сиёсати пешгирифтаи худ бар он мекўшад, ки иқтисоди кишварамон боз ҳам рушди баланд дошта бошад ва Тоҷикистон ба қатори кишварҳои пешрафта ворид гардад.

Дар сиёсати хориҷии худ низ Президенти кишвар Эмомалӣ Раҳмон дастовардҳои зиёдеро касб намуд ва бо ташаббусҳои сатҳи байналхалқии ў эътибору нуфузи кишвари азизамон афзуд. Дар ин замина метавон ташаббусҳои Сарвари давлатро оид ба эълони «Соли оби тоза» (2003), «Даҳсолаи амалиёти об барои ҳаёт» (2005-2015), «Ҳамкорӣ дар соҳаи об» (2013) ва ғайраро зикр намуд, ки аз ҷониби ҷомеаи ҷаҳонӣ эътироф ва мавриди дастгирӣ қарор гирифт.

Сарвари кишварамон Эмомалӣ Раҳмон ҷонибдори он аст, то ҳар шаҳрванди кишвар худшиносу худогоҳ бошад ва дар ободии кишвари азизамон, ки хонаи умумии ҳамаи тоҷикистониён ва тоҷикони бурунмарзӣ ҳаст, саҳмгузор бошад. Дар умум бояд зикр кард, ки хизматҳои Президенти кишвар назди миллатамон хеле бузург аст ва моро зарур аст, ки ҳамеша қадрдонии онро намоем, ба қадри сулҳу осоиштагӣ бирасем.

Қабул гардидани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат» аз ҷониби тамоми қишрҳои ҷомеа ҳамовозии хуб гирифт. Маълум гардид, ки ҳар як шаҳрванди кишвар, ҳам пиру ҳам барно ин иқдомро дастгирӣ менамоянд ва сиёсати пешгирифтаи Сарвари кишварамонро ҳамаҷониба тарафдорӣ менамоянд, чунки Президенти кишвар, мўҳтарам Эмомалӣ Раҳмон ба ин унвон арзанда мебошад.

Мунира Акмалова,
дотсент, номзади илми сиёсатшиносӣ, мудири кафедраи сиёсатшиносии ДДҲБСТ

Читать далее

Ҳарорати дили гарми тифлон

 Ба пешвози Соли нави мелодии 2016 дар тарабхонаи «Хушбахтӣ»-и шаҳри Хуҷанд консерти хайриявӣ барои кўдакони маъюби мактаб-парваришгоҳи маркази вилоят баргузор гардид. Дар чорабинӣ зиёда аз 30 нафар толибилмон бо мураббиёни худ иштирок намуданд.

Барои иштирокчиён аз ҷониби бахши шаҳрӣ ва вилоятии Ҷамъияти Ҳилоли Аҳмар дастархони идона густурда шуда, сару либос тўҳфа гардид. Барои боз ҳам рангину хотирмон гузаронидан кормандон ва ихтиёриёни Ҷамъияти вилоятии Ҳилоли Аҳмари Тоҷикистон бо кўдакон ҳар гуна бозиҳои шавқовар ташкил намуданд, ки хурсандии кўдакон ҳадду канор надошт.

Ҳамзамон, дар чорабинӣ санъаткорон бо сурудҳои худ табъи ҳозиринро болида намуданд. Бояд қайд намуд, ки чорабинии мазкур бо дастгирии намояндагони ширкатҳои хусусии шаҳри Хуҷанд, соҳибкорони инфиродӣ баргузор гардида, он ба муносибати Рўзи Ҷамъияти Ҳилоли Аҳмари Тоҷикистон ва Соли нав доир гардид. Дар анҷоми чорабинӣ ба кўдакони маъюб тўҳфаҳои солинавӣ ва либоси гарм ба маблағи зиёда аз 5000 сомонӣ тақдим карда шуд.

Бояд қайд намуд, ки мақсаду мароми Ҷамъияти Ҳилоли Аҳмари Тоҷикистон ҳамчун сохтори мададгори иҷтимоӣ дар самти фаъолияти башардўстона, ба аҳволи табақаҳои ниёзманд ва мўҳтоҷтарини аҳолӣ беҳбудӣ бахшидан аст.

Истамҷони НАҶМИДДИН

 

 

 

Читать далее

Бозтоби ҳақиқат

Чунин ном дорад китобе, ки ба муносибати ҷашни 85-солагии ба чоп расидани шумораи нахустини рўзномаи вилоятии «Ҳақиқати Суғд» барои муштариёнаш ҳамчун барги сабз интишор гашт. Он аз се фасл иборат буда, дар боби аввал намунаҳо аз чакидаҳои қалами эҷодкорони нашрия оварда шудааст.

Читать далее

Ҳақиқати Суғд №155

 
Читать далее

28 December 2015

Заҳмати ватандўстона ба хотири ободии сарзамин

Дар идомаи сиёсати бунёдкоронаи Ҳукумати Ҷумҳурии Тоҷикистон, соли ҷорӣ дар қаламрави вилояти Суғд корҳои муҳиму созандае анҷом дода шуданд, ки дар беҳдошти вазъи зиндагии мардум таъсири мусбат хоҳанд гузошт. Таҳлилҳо нишон медиҳанд, ки новобаста аз мавҷи бўҳрони иқтисодии саросари ҷаҳон, дар бахшҳои гуногуни хоҷагии халқи вилоят пешрафтҳои назаррас ба миён омадаанд ва дар маҷмўъ барои вилоят соли 2015 соли дастовардҳои хубе буд.

Читать далее

Меҳру муҳаббати саршор

Дар ҳақиқат, мо - тоҷикон дар замони кунунии ҷаҳонишавӣ ва пуртазод хушбахтем, зеро маҳз бо талошу заҳматҳо, сиёсати оқилонаи Сарвари давлат Эмомалӣ Раҳмон дар фазои орому осоишта умр ба сар мебарем. Фикру ақида ва мароми мардуми тоҷик танҳо ба ободкориву созандагӣ нигаронида шудааст.

Оид ба хизматҳои шоиста ва корнамоии бузурги Сарвари давлат ҳар як шаҳрванди Тоҷикистон боифтихор ҳарф мезанад. Дар ҳар вохўриҳояшон бо мардум шоҳид мегардем, ки ҳазорҳо дастҳо бо меҳр сўяшон - дастфишонӣ мекунанд ва ҷавобан Сарвари халқпарвар даст рўи сина, меҳру муҳаббати хешро тақдим медоранд.

Ин инсони наҷиб атои Худованд барои мо-тоҷикон мебошанд, зеро эшон умри бобаракати хешро ба мардум бахшидаву роҳати онро аз осоиштагии халқашон дида.

Мардуми Панҷакенти бос-тонӣ чун дигар сокинони Тоҷи-кистон ҳар рўзу ҳар соат дастгирӣ ва ғамхориҳои Сарвари давлатро дар ҳаёташон эҳсос мекунанд, ободии диёри Суғдзаминро аз талошҳояшон мебинанд.

Бахусус, таъмиру таҷдиди роҳи Панҷакент- Айнӣ, ки мушкилоти вазнинро ба миён меовард, имрўз ба як роҳи обод табдил ёфта, аз ин шодиву сурури халқ интиҳо надорад. Пирони солдида, модарон, пиру ҷавон шабу рўз дуогўи Сарвари халқпарвари хешанд.

Тамоми хизматҳои Президенти кишвар дар саҳифаҳои таърихи шаҳри бостонӣ бо хатти заррин сабт ёфтаанд. Сарвари оқилу доно байрақи ваҳдату сулҳро абадан болои сари тоҷикон парафшон намуданд.

Мо, панҷакентиён аз лоиқ шудани Сарвари хеш ба унвони Пешвои миллат хеле мамнун буда, аз ин ному унвон дар ифтихорем.

Халқи ин сарзамини аҷдодӣ аз худ бештар ба Сарвари нотакрораш боварӣ ва эътимоди бузург дорад. Пешвои миллати тоҷикон - Эмомалӣ Раҳмон азизи хонадони ҳар як тоҷику тоҷикистонӣ мебошанд.

Маҳз, дар баланд бардоштани обрўи давлату миллат ободкориву созандагӣ, силаи сари ятимон, кўмак ба эҳтиёҷмандон боис гардид, то ба дилу дидаи мардум ҷой ёбанд.

Зиҳӣ, халқи тоҷик, бо Пешвои миллати хеш!

Фотима Рофиева,
сокини шаҳри Панҷакент

 

 

 

Читать далее

Ба доди ҳаштсад нафар кӣ мерасад?

Бо таъкиди сокинони шаҳраки Ваҳдат, бо гузашти солҳо ҳанўз масъалаи мактаб, роҳ ва оби нўшокию бунгоҳи тиббӣ дар ин ҷо ҳалношуда боқӣ мондааст.

Масъалаҳои роҳу инфрасохтори шаҳраки Ваҳдат, дастрасӣ бо оби нўшокӣ, ҳолати бинои мактаби рақами 57 ва дигар камбудиҳои ҷойдошта барои зисту зиндагии 800 нафар аҳолии ин шаҳрак ҳамчун мушкилоти ҳалношуда боқӣ мондааст…

Соли 2003 бо сабаби фаромадани кўҳ ва осебпазир будани маҳалли зисташон аз деҳаи Вашани ноҳияи Айнӣ як қисми аҳолӣ ба мавзеи Даштикони Ҷамоати деҳоти Гули Сурхи шаҳри Истаравшан ҳамчун муҳоҷирони экологӣ кўчонида шуданд. Он замон дар биноҳое, ки қаблан дар ин мавзеъ мавҷуд буд ва қисман болопўш надошт, бо дастгирии Ҳукумати Ҷумҳурии Тоҷикистон обод карда шуда, сокинон дар ин хонаҳо ҷойгир гардида буданд. Сокинон мегўянд, ки аз сабаби набудани мактаби нав ва таъминоти пурраи аҳолӣ бо оби ошомиданӣ дар ҳамон давра ҷиҳати ҳалли ин масъалаҳо масъулин муваззаф шуда буданд. Вале, бо таъкиди сокинони шаҳраки Ваҳдат, бо гузашти солҳо ҳанўз масъалаи мактаб, роҳ ва оби нўшокию бунгоҳи тиббӣ дар ин ҷо ҳалношуда боқӣ мондааст. Аз сабаби набудани оби ошомиданӣ дар баъзан маврид сокинони деҳа наз-дик ду километр роҳро тай менамоянд, то об ба хона оранд.

Ягона нуқтаи оби нўшокии дар ҳудуди шаҳрак вуҷуддошта, ки аз он 800 нафар аҳолии ин шаҳрак бонавбат истифода мекунанд, бино ба гуфти сокинон, баъзан ҳафтаҳо об намеояд ва онҳо маҷбуранд аз ягона нуқтаи об, ки дар масофаи дур ҷойгир аст, истифода баранд. Умеда Хоҷаева - сокини шаҳраки Ваҳдат иброз дошт, ки аксар вақти худро барои гирифтани об дар навбатпойӣ сарф менамояд ва дар фасли зимистон бошад, мушкилоти онҳо дучанд мегар-дад. “Кўдаки шашмоҳаамро дар гаҳвора танҳо гузошта омадам, то ба хона об барам”.

Ба гуфти сокинони маҳал, дар ҳудуди шаҳ-рак, дар ҳар кўча на кам аз 3 ё 4 нуқтаи обгирӣ мавҷуд аст, вале бинобар корношоям будани қубурҳои обгузар ва ҳавзи нигоҳдории об танҳо як нуқтаи оби нўшокӣ (он ҳам дар мавсими гармо барои 140 оилаи шаҳрак) хизмат мерасонад. Масъалаи дигаре, ки боиси ташвиши бошандагони шаҳраки Ваҳдат гардидааст, ин набудани мактаби алоҳидаи замонавӣ ва синфхонаҳо барои фарогирии шумораи зиёди хонандагон аст.

Умарбек Каттабеков, яке аз омўзгорони муассисаи таҳсилоти миёнаи умумии № 57-и шаҳраки Ваҳдат мегўяд, ки мактаб ба талаботи замони муосир ҷавобгуй нест, зеро мактаб дар ду хонаи истиқоматӣ ҷой гирифтааст. Шумораи хонандагон аллакай ба 240 нафар расидааст, аммо дар баробари норасоии синфхонаҳо, ҳамчунин ҳуҷраҳои корӣ барои омўзгорон ва маҷлисгоҳ вуҷуд надорад.

Дар ду хонаи истиқоматӣ ҷойгир намудани 240 нафар хонанда аз рўйи адолат нест... - Насибулло Нуруллоев-сокини дигари шаҳраки Ваҳдат иброз медорад, ки 13 сол инҷониб ҳамчун муҳоҷири экологӣ дар шаҳраки Ваҳдат зиндагӣ менамояд. Ў аз чунин вазъи таълиму тадрис нигарон буда, ояндаи фарзандонаш вайро ба ташвиш гузоштааст. Бояд ёдовар шуд, ки дар шаҳрак бинои бузурги бекорхобида, ки қаблан ҳамчун мактаби нав ба нақша гирифта шуда, сохтмонаш нотамом боқӣ мондааст, мавҷуд мебошад. Сокинон изҳор медоранд, ки як иқдоми наҷиб ва ё як ташаббус зарур аст, то мушкилоти мактаб дар ин шаҳрак бартараф карда шавад.

Масъалаи дигар, ки боиси нигаронии мардуми ин шаҳрак гардидааст, ин вайрон будани ҳолати роҳҳо мебошад. Бошандагони шаҳраки Ваҳдат мегўянд, ки тибқи ваъдаи масъулини мақомоти иҷроияи ҳокимияти давлатии шаҳри Истаравшан, роҳи онҳо мебоист дар аввали соли 2015 аз таъмир бароварда мешуд, аммо ваъдаҳо дар ҳаво мондаанд…..

Бо таъкиди Фароғат Гулова - сокини шаҳраки Ваҳдат, агарчи сокинон борҳо барои ҳалли мушкилоташон дар самти обу роҳ, мактаб ва дигар масъалаҳои ҳалталаб ба мақомотҳои дахлдор муроҷиат намуда бошанд ҳам, вале то ба ҳол натиҷае надодааст. «Бо оби кашонида ин қадар сол зиндагонӣ намудем, азоб кашидем. Аз ҳукумат илтимос мекунем, ки барои мо кўмак намояд. Мушкилоти моро ҳал кунад, то фарзандони мо соҳиби илму дониш гардида, шаҳракашонро обод намоянд»,-изҳор дошт ў.

Сокинони ин маҳал мегўянд, ки дар оғози соли равон муовини ҳамонвақтаи раиси шаҳри Истаравшан Ўктам Ҷўраев зимни мусоҳиба бо рўзноманигорон оид ба ҷой доштани муаммоҳо дар шаҳрак ва ҳалли саривақтии мушкилоти мавҷуда изҳори андеша намуда, ҳалли онро дар соли ҷорӣ ваъда дода буд. Вале бо гузашти қариб як сол ҳанўз ҳам камбудиҳо бартараф нашудаанд.

Субҳиддин ҚОДИРОВ,
рўзноманигор, шаҳри Истаравшан

 

 

 

Читать далее

Абдураҳмон Қодирӣ: “Рушди босубот ва амнияту осоиштагӣ ба таҳкими рўзгори босаодат мусоидат менамояд”

Иҷлосияи чоруми Маҷлиси вакилони халқи вилояти Суғд, даъвати панҷум

Санаи 25 декабри соли 2015 дар маҷлисгоҳи Мақомоти иҷроияи ҳокимияти давлатии вилоят таҳти раёсати Раиси вилояти Суғд, Раиси Маҷлиси вакилони халқи вилоят Абдураҳмон Қодирӣ ва бо иштироки муовинони Раиси вилоят, раисони шаҳру навоҳӣ, роҳбарони сохторҳои мақомоти ҳифзи ҳуқуқ, андозу молия, ташкилоту муассисаҳои вилоятӣ ва дигар шахсони дахлдор Иҷлосияи чоруми Маҷлиси вакилони халқи вилояти Суғд, даъвати панҷум баргузор гардид.

Читать далее