18 April 2016

Нишасти 138-уми «Ганҷи сухан»

Санаи 15-уми апрели соли равон дар толори факултети филологияи тоҷики ДДХ ба номи академик Бобоҷон Fафуров нишасти 138-уми маҳфили «Ганҷи сухан» бахшида ба зодрeзи асосгузори адабиёти муосири тоҷик, Қаҳрамони Тоҷикистон Садриддин Айнӣ, рeзи илм ва таъсисёбии маҳфил баргузор гардид.

Дар маҳфил Тeтинисо Дадобоева, - намояндаи ҳокимияти давлатии вилояти Суғд, Матлуба ҳоҷаева – номзади илмҳои филологӣ профессор, Анвар Мақсудов – ректор ДДХ ба номи академик Бобоҷон Fафуров, Саидмаҳмадии Ризо, собиқ сардори Сафоратхонаи Эрон дар Тоҷикистон ва Масъуди Аҳмадванд, ки ҳоло сардори Сафоратхонаи мазкур аст, иштирок доштанд.

Нахуст маҳфилро А.Мақсудов оғоз намуда, ҳамаи ҳозиронро табрик кард. Баъдан Тeтинисо Дадобоева, намояндаи Мақомоти иҷроияи ҳокимияти давлатии Суғд баромад намуда, аз ҷумла зикр кард: «Саҳми устод С.Айнӣ дар пешрафти адабиёти муосир басо назаррас мебошад, ки ҳар касс ҳангоми мутолиаи китобҳояш инро дарк мекунад. Меҳнату заҳматҳои ватандeстонаи e қобили қадршиносии мост».

Мирзохабиб Аҳмадов ва Баҳром Мирсаидов номзадҳои илмҳои филологӣ оид ба «Арзиши илмиву амалии «Луғати нимтафсилии забони адабии тоҷик»-и Садриддин Айнӣ», «Мулоҳизаҳо доир ба рeзгори устоди Садриддин Айнӣ» ва нависанда Маъруфи Бобоҷон дар бораи «Нависанда ва замон» маърeза намуданд.

Дар маҳфил Сорбон Азизов, муаллими кафедраи адабиёти классикӣ оид ба навигариҳои илмиву адабӣ ва фарҳангӣ сухан ронд.

Дар охир, донишҷeён лаҳзае аз хотироти нависандаро нишон дода, баҳри болидахотирии аҳли нишаст сурудҳои классикӣ замзама намуданд. 

Мижгона Шукурова

Читать далее

Суғд: Зинаҳои пешрафт аз масъулияти воқеист!

АХБОРИ САРРАЁСАТИ АГЕНТИИ ОМОРИ НАЗДИ ПРЕЗИДЕНТИ ҶУМҲУРИИ ТОҶИКИСТОН ДАР ВИЛОЯТИ СУFД

«Дар бораи вазъи иҷтимоию иқтисодии вилояти Суғд дар моҳҳои январ-марти соли 2016»

МАКРОИҚТИСОДИЁТ ВА МОЛИЯ

Мувофиқи маълумоти фаврии Сарраёсати молияи вилояти Суғд қисми даромади буҷети вилоят ба 1-уми апрели соли 2016 ба андозаи 103,4 фоизи нақша иҷро гардида, 299975,8 ҳазор сомониро ташкил кард.

Иҷроиши қисми хароҷоти буҷети вилоят дар ин давра 302781,5 ҳазор сомониро ташкил карда, нисбат ба нақша 99,6 фоиз мебошад.

Барои маблағгузории соҳаҳои маориф - 99,8 фоизи ҳамаи маблағҳо, нигаҳдории тандурустӣ - 99,7 фоиз, хоҷагии коммуналӣ - 99,7 фоиз, чорабиниҳои фарҳангию варзишӣ - 99,9 фоиз, суғуртаи иҷтимоӣ ва ҳифзи иҷтимоӣ - 99,9 фоиз ва ғайра маблағ сарф карда шудааст.

САНОАТ

Дар моҳҳои январ-марти соли 2016 корхонаҳои саноатӣ ба маблағи 1251278,9 ҳазор сомонӣ маҳсулот истеҳсол кардаанд, ки ҳаҷми истеҳсоли маҳсулотисаноатӣ нисбат ба ҳамин давраи соли 2015-ум бо назардошти индекси нархҳои истеҳсолкунандагони маҳсулоти саноатӣ 131,2 фоизро ташкил кард.

 Ба афзоиши ҳаҷми маҳсулоти саноатӣ дар моҳҳои январ-марти соли 2016 нисбат ба моҳҳои январ-марти соли 2015 афзоиши истеҳсоли маҳсулоти хӯрокворӣ, якҷоя бо нӯшокиҳо ва тамоку, истеҳсоли ҳаргуна маҳсулоти ғайрифилизии маъданӣ, истеҳсоли металлургӣ ва истеҳсоли маснуоти тайёри филизӣ, коркарди чӯбу тахта ва истеҳсоли маснуот аз чӯб ва ғайраҳо мусоидат намуданд.

Аз 611 корхонаҳои саноатии ҳисоботдиҳанда дар моҳҳои январ - марти соли 2016-ум 254 корхона (41,6 фоиз) нисбат ба моҳҳои январ-марти соли гузашта сатҳи истеҳсолро баланд бардоштаанд. Дар айни замон, миқдори корхонаҳои бозистода дар моҳҳои январ-марти соли 2016-ум 246 воҳид ё 40,2 фоизро ташкил карда, 111 ё 18,2 фоиз сатҳи истеҳсолро нисбати ҳамин давраи соли гузашта кам кардаанд.

Дар моҳҳои январ-марти соли 2016-ум дар ҳаҷми умумии истеҳсолоти саноатӣ ҳиссаи маҳсулоти саноати коркард 62,5 фоиз, саноати истихроҷи маъдан 32,2 фоиз, истеҳсол ва тақсими қувваи барқ, газ ва об 5,3 фоизро ташкил дод.

Дар саноати истихроҷи маъдан дар моҳҳои январ-марти соли 2016 ба маблағи 403423,0 ҳазор сомонӣ маҳсулот истеҳсол карда шудааст, истеҳсоли маҳсулоти саноатӣ нисбат ба моҳҳои январ-марти соли 2015-ум 69,2 фоиз, аз он ҷумла истихроҷи ғайри энергетикӣ 73,1 фоиз, энергетикӣ 7,8 фоиз зиёд шудааст.

Ҳаҷми истеҳсолот дар саноати коркард дар моҳҳои январ-марти соли 2016 –ум 781737,5 ҳазор сомонӣ, аз он маҳсулоти хӯрокворӣ якҷоя бо нӯшокиҳо ва тамоку 413510,5 ҳазор сомонӣ, истеҳсоли маҳсулоти нассоҷӣ ва дӯзандагӣ 48311,7 ҳазор сомонӣ, ҳаргуна маснуоти ғайрифилизии маъданӣ 37481,8 ҳазор сомониро ташкил дод. ҳаҷми истеҳсоли маҳсулоти саноатӣ умуман дар соҳаи коркард 20,5 фоиз зиёд шудааст.

Дар моҳҳои январ-марти соли 2016 ҳаҷми истеҳсоли маҳсулоти хӯрокворӣ - 24,9 фоиз зиёд шуд, ки он аз ҳисоби истеҳсоли ҳасиб - 2,2 баробар, равғани маска - 62,4 фоиз, маҳсулоти ширӣ - 34,5 фоиз, гӯшт - 27,1 фоиз, нӯшокиҳои ташнашикан - 21,3 фоиз, маҳсулоти қаннодӣ - 19,7 фоиз, яхмос - 19,6 фоиз, нон ва маҳсулоти нонӣ - 9,4 фоиз ба вуҷуд омадааст.

Дар моҳҳои январ-марти соли 2016 индекси истеҳсоли маҳсулоти нассоҷӣ ва дӯзандагӣ ҳамагӣ 47,3 фоизро ташкил дод, ки ин асосан аз ҳисоби зиёд истеҳсол шудани матоъҳои нобофта 3,3 баробар, қолин ва маснуоти қолинӣ 1,1 фоиз ба вуҷуд омадааст.

Ҳаҷми истеҳсол ва тақсимоти нерӯи барқ, газ ва об дар моҳҳои январ-марти соли 2016-ум 66118,4 ҳазор сомониро ташкил кард, ҳаҷми истеҳсолот аз рӯи намуди фаъолияти мазкур 91,8 фоизро ташкил дод. Аз он ҷумла, ҳаҷми тақсимоти нерӯи барқ, газ ва об дар моҳҳои январ-марти соли ҷорӣ 44597,8 ҳазор сомонӣ ё нисбат ба ҳамин давраи соли гузашта 96 фоизро ташкил кард.

Аз 103 намуди муҳимтарини маҳсулоти саноатии истеҳсолшаванда дар моҳҳои январ-марти соли 2016 истеҳсоли 57 номгӯй (55,3 фоиз) афзуда, 32 номгӯй (31,1 фоиз) кам шуда, 14 номгӯй (13,6 фоиз) истеҳсол карда нашудааст.

КИШОВАРЗӢ, ШИКОР ВА ХОҶАГИИ ҶАНГАЛ

Ҳаҷми маҳсулоти умумии кишоварзӣ дар моҳҳои январ-марти соли 2016 дар ҳамаи бахшҳои хоҷагӣ 390075 ҳазор сомонӣ (бо нархҳои соли 2015) нисбат ба ҳамин давраи соли 2015-ум 8,1 фоиз, аз он ҷумла, дар соҳаи растанипарварӣ 1090 ҳазор сомонӣ ё 39,4 фоиз ва чорводорӣ 388985 ҳазор сомонӣ ё 8 фоиз зиёд шудааст.

Растанипарварӣ

Дар моҳҳои январ-марти соли 2016 дар ҳамаи категорияҳои хоҷагӣ 217,1 тонна сабзавот истеҳсол карда шудааст, ки нисбат ба моҳҳои январ-марти соли 2015-ум 38,3 фоиз зиёд аст.

Кишти баҳорӣ

Дар хоҷагиҳои кишоварзӣ ва хоҷагиҳои деҳқонии вилоят мавсими кишту кори баҳорӣ идома дорад.

То 1-уми апрели соли 2016 ҳамагӣ дар майдони 58001,4 гектар замин кишти зироатҳои баҳорӣ гузаронида шудааст: аз он ҷумла, дар 44726,8 гектар ғалладона ва лӯбиёгиҳо (бе ҷуворимакка), аз онҳо гандум – 12653,8 гектар, ҷав – 29821,7 гектар, дигар зироати ғалладонагиҳо – 2251,3 гектар, ҷуворимакка барои дон – 710,1 гектар, зироатҳои техникӣ – 5433,6 гектар, аз он пахта – 1871,3 гектар, картошка – 1143,8 гектар, сабзавот – 3614,8 гектар, полезҳои озуқаворӣ – 298,9 гектар ва зироати хӯроки чорво – 2067,3 гектар мебошад. Майдони кишти зироатҳои баҳорӣ нисбати ҳамин давраи соли 2015-ум 32,0 фоиз зиёд кишт шудааст.

Бунёди боғу токзорҳои нав

Ҳамагӣ хоҷагиҳои вилоят то 1 апрели соли2016-ум дар майдони 1238,8 гектар замин ниҳолҳои бисёрсола шинонданд. То 1-уми апрели соли 2016 дар ҳамаи бахшҳои хоҷагиҳо 1166,8 гектар боғҳои нав бунёд карда шудаанд, ки нисбат ба ҳамин давраи соли 2015-ум 2 фоиз кам иҷро шудааст. Аз масоҳати умумии боғҳо дар 225 гектар ниҳолҳои мевагиҳои тухмдор, дар 924 гектар ниҳолҳои мевагиҳои донакдор ва дар 15,7 гектар субтропикӣ шинонида шудааст.

То 1-уми апрели соли 2016-ум 69 гектар токзорҳои нав бунёд карда шудаанд. ҳамагӣ то 1-уми апрели соли 2016-ум 494,1 гектар боғҳо ва 29 гектар токзорҳо аз нав барқарор карда шудаанд.

Ҳамагӣ 5,7 ҳазор дона ниҳолҳои тут шинонида шудааст.

Ҳолати техникаи кишоварзӣ

То 1-уми апрели соли 2016-ум дар хоҷагиҳои ҷамъиятӣ ва деҳқонӣ 3960 адад трактори гуногунтамға мавҷуд буда, аз онҳо 2833 адад ё 72 фоиз дар ҳолати коршоямӣ қарор доранд.

То 1-уми апрели соли 2016 ба хоҷагиҳои ҷамъиятӣ ва деҳқонӣ 314,6 тонна сӯзишвории дизелӣ ворид шудааст, ки нисбат ба ҳамин давраи соли гузашта 145,4 тонна кам аст.

Сӯзишвории мавҷудаи дизелӣ ба 1 трактор ба ҳисоби миёна 79,4 кг рост меояд, ки нисбати ҳамин дав-раи соли гузашта 19,2 кг кам аст.

Чорвопарварӣ

Ба 1-уми апрели соли 2016 дар ҳамаи бахшҳои хоҷагӣ саршумори чорвои калон 628,9 ҳазор сарро ташкил кардааст, ки нисбати ҳамин давраи соли гузашта 28,8 ҳазор сар, ё 4,8 фоиз, саршумори гӯсфанду буз 89,9 ҳазор сар ё 6,4 фоиз ва саршумори мурғ 54,4 ҳазор сар ё 3,6 фоиз афзуд. Аз саршумори умумӣ 92,8 фоизи саршумори чорвои калон ва 84,6 фоизи саршумори гӯсфанду буз ба хоҷагиҳои аҳолӣ рост меояд.

Афзоиши саршумори чорвои калон дар хоҷагиҳои ноҳияи Спитамен – 11,3 фоиз, Кӯҳистони Мастчоҳ – 8,9 фоиз, Мастчоҳ – 8,8 фоиз, Шаҳристон – 7,3 фоиз, Истаравшан – 6,3 фоизро ташкил дод.

Ба 1-уми апрели соли 2016 ҳаҷми истеҳсоли гӯшт дар ҳамаи бахшҳои хоҷагӣ 10371,1 тоннаро ташкил намуд, ки нисбат ба 1-уми апрели соли 2015 - ум 8,6 фоиз зиёд аст. Истеҳсоли гӯштро хоҷагиҳои ноҳияҳои Кӯҳистони Мастчоҳ – 39,6 фоиз, Мастчоҳ – 28,5 фоиз, Панҷакент – 21 фоиз, Бобоҷон Ғафуров – 17,5 фоиз, Шаҳристон – 15,6 фоиз, Зафаробод – 11,4 фоиз, Спитамен – 6,7 фоиз зиёд намуданд.

Ҳаҷми умумии истеҳсоли шир бошад, дар вилоят 62693,2 тоннаро ташкил намуд, ки нисбат ба 1-уми апрели соли 2015-ум 5,6 фоиз зиёд аст, аз он ҷумла дар хоҷагиҳои ноҳияҳои Кӯҳистони Мастчоҳ – 57,4 фоиз, Шаҳристон – 28,9 фоиз, Исфара – 10,8 фоиз, Конибодом – 9,2 фоиз, Ашт – 8,9 фоиз афзудааст.

Таносуби шири истеҳсолнамудаи хоҷагиҳои аҳолӣ дар ҳаҷми умумӣ 93,4 фоизро ташкил менамояд.

Ба 1-уми апрели соли 2016 ба миқдори 33617,9 ҳазор дона тухм истеҳсол карда шудааст, ки нисбат ба 1-уми апрели соли 2015 -ум 5,7 фоиз зиёд аст. Истеҳсоли тухмро хоҷагиҳои ноҳияҳои Спитамен – 90 фоиз, Конибодом – 65,5 фоиз, Деваштич – 43 фоиз, Шаҳристон – 18,2 фоиз, Зафаробод – 18 фоиз, Кӯҳистони Мастчоҳ – 15,7 фоиз, Исфара – 14,6 фоиз, Ашт – 13,8 фоиз, Истаравшан – 13,7 фоиз зиёд намуданд.

Ба 1-уми апрели соли 2016 дар хоҷагиҳои ҷамъиятию деҳқонӣ бошад, 2549 сар гӯсола насл гирифта, парвариш карда шудааст. Нисбат ба 1-уми апрели соли 2015 хоҷагиҳои вилоят 3,9 фоиз ва ноҳияҳои Деваштич – 17 фоиз, Конибодом – 16,5 фоиз, Айнӣ – 8,5 фоиз, Исфара – 7,2 фоиз, Мастчоҳ – 2,1 фоиз, Истаравшан – 1,6 фоиз зиёд гӯсола насл гирифтаанд.

Ба 1-уми апрели соли 2016 дар хоҷагиҳои ҷамъиятӣ ва хоҷагиҳои деҳқонӣ бошад, 43014 сар барраю бузғола насл гирифтаанд. Нисбат ба 1-уми апрели соли 2015 хоҷагиҳои вилоят 17,1 фоиз ва хоҷагиҳои ноҳияҳои Кӯҳистони Мастчоҳ – 5,4 баробар, Мастчоҳ – 15,9 фоиз, Деваштич– 15,4 фоиз, Конибодом – 11,3 фоиз, Ашт – 7,2 фоиз, Айнӣ – 2,3 фоиз зиёд барраю бузғола насл гирифтанд.

Ба 1-уми апрели соли 2016 дар хоҷагиҳои ҷамъиятӣ ва хоҷагиҳои деҳқонӣ ба ҳисоби миёна аз ҳар сар модагов 325 кг шир дӯшида шудааст, ки нисбат ба1-уми апрели соли 2015-ум 1,9 фоиз ё 6 кг зиёд аст.

Ҳисоби миёнаи ширдӯшӣ аз ҳар сар модагов нисбат ба 1-уми апрели соли 2015 дар хоҷагиҳои ноҳияҳои Исфара – 33 кг, Мастчоҳ – 26 кг, Конибодом – 23 кг, Ҷаббор Расулов – 9 кг, Шаҳристон – 7 кг, Панҷакент – 4 кг, Ашт – 2 кг зиёд шудааст.

Аз ҳар сар мокиёни тухмдиҳанда бошад, 54 донагӣ тухм гирифта шудааст, ки нисбат ба 1-уми апрели соли 2015 16,9 фоиз ё 11 донагӣ кам аст.

Ба 1-уми апрели соли 2016 дар вилоят ба ҳисоби миёна аз 100 сар модагов 16 сарӣ гӯсола гирифта шудааст, ки нисбати ҳамин давраи соли гузашта баробар аст.

Ба 1-уми апрели соли 2016 дар хоҷагиҳои ҷамъиятӣ ва хоҷагиҳои деҳқонӣ ба ҳисоби миёна аз ҳар 100 сар меш 47 сарӣ барра ва бузғола гирифта шудааст. Нисбат ба сатҳи миёнаи нишондиҳандаи вилоят дар хоҷагиҳои ноҳияҳои Ашт - 24 сарӣ, Бобоҷон Ғафуров - 7 сарӣ, Зафаробод – 2 сарӣ кам барраю бузғола гирифта шудааст.

ХОҶАГИИ ҶАНГАЛ

Мувофиқи Таснифоти умумии намуди фаъолияти иқтисодӣ маҳсулоти хоҷагии ёрирасони ҷангалпарварӣ ба соҳаи кишоварзӣ дохил мешаванд.

Аз ҳаҷми умумии маҳсулоти кишоварзӣ, соҳаи ҷангалпарварӣ дар моҳҳои январ-марти соли 2016-ум 50,3 ҳазор сомониро ташкил кардааст, ки нисбат ба ҳамин давраи соли 2015-ум 66,5 фоизро ташкил намудааст.

Дар моҳҳои январ-марти соли 2016-ум аз истеҳсоли умумӣ, гӯшт - 0,6 тонна ва шир - 1,5 тонна ба хоҷагиҳои ҷангалпарварии вилоят рост меояд.

Аз саршумори умумии чорвои хоҷагиҳои ҷамъиятӣ 94 сар чорвои калон, 3643 сар гӯсфанду буз, 92 сар асп ва 18 сар мурғ дар сатҳи хоҷагиҳои ёрирасони ҷангалпарварӣ ба ҳисоб гирифта шудааст.

МОҲИПАРВАРӢ

Ҳаҷми маҳсулоти моҳипарварӣ дар моҳҳои январ-марти соли 2016-ум 118 ҳазор сомониро ташкил кардааст, ки нисбат ба ҳамин давраи соли 2015-ум 21,1 фоиз иҷро шудааст.

Дар моҳҳои январ-марти соли 2016 дар хоҷагиҳои моҳипарварии вилоят сайди моҳӣ 5,9 тоннаро ташкил намуд.

Дар ҳаҷми умумии истеҳсоли моҳӣ намуди моҳии пешонағафси сафед – 15,5 фоиз, намуди зағорамоҳӣ – 41,9 фоиз, намуди суфмоҳӣ – 5,3 фоиз ва дигар намуди моҳӣ – 37,3 фоизро ташкил намудааст.

СОХТМОНИ АСОСӢ

Сармоягузорӣ ба сармояи асосӣ

Дар моҳҳои январ-марти соли 2016 сармоягузории сармояи асосӣ аз ҳисоби ҳамаи манбаъҳои маблағ- гузорӣ ба маблағи 469225,2 ҳазор сомонӣ исти-фода карда шудааст, ки нисбат ба моҳҳои январ-марти соли 2015-ум 1,7 баробар зиёд аст (бо нархҳои муқоисавӣ).

Дар моҳҳои январ-марти соли 2016 дар иншоотҳои таъиноти истеҳсолӣ ба маблағи 383983,3 ҳазор сомонӣ, ё ба андозаи 81,8 фоизи ҳаҷми умумии сармоягузориҳои вилоят иҷро гардидааст. Дар сохтмони иншооти энергетикӣ 63868,3 ҳазор сомонӣ сармоягузориҳои сармояи асосӣ аз худ карда шудааст.

Ба кор андохтани фондҳои асосӣ

Дар моҳҳои январ-марти соли 2016 аз ҳисоби ҳамаи манбаъҳои сармоягузорӣ фондҳои асосӣ бамаблағи 61624,5 ҳазор сомонӣ ба кор андохта шудаанд, ки нисбат ба ҳамин давраи соли 2015-ум 100,7 фоизро ташкил медиҳад.

Аз рӯи иншоотҳои таъиноти истеҳсолӣ ба маблағи 14769,5 ҳазор сомонӣ ё 24 фоизи ҳаҷми умумии фондҳои асосии ба кор андохташудаи вилоятро ташкил кардааст. Дар ноҳияи Бобоҷон Ғафуров фабрикаи истихроҷи нуқра ва дигар металҳо бо иқтидори коркарди 5 тонна дар як сол, аз тарафи фармоишгар ҶДММ «Нуқрафом», дар шаҳри Гулистон сехи истеҳсоли қубурҳои оҳанини даврашакл ва чоркунҷа аз тарафи фармоишгар ҶДММ «Хайри Хуршед» ва дар шаҳру ноҳияҳои вилоят сохтмони як қатор нуқтаҳои сӯзишворӣ ва савдо сохта, ба истифода дода шудааст.

Фондҳои асосӣ аз ҳисоби маблағҳои соҳибкорони хусусӣ – 21659,6 ҳазор сомонӣ ё 35,1 фоиз, давлатӣ – 13926,5 ҳазор сомонӣ, ё 22,6 фоиз, ҷамъиятҳои саҳҳомӣ -1383,7 ҳазор сомонӣ, ё 2,2 фоиз, ҶДММ – 7223 ҳазор сомонӣ, ё 11,7 фоиз, корхонаҳои муштарак – 1612,4 ҳазор сомонӣ, ё 2,6 фоиз, маблағҳои аҳолӣ – 10426,8 ҳазор сомонӣ, ё 16,9 фоиз, аз ҳисоби корхонаҳои хориҷӣ - 5392,5 ҳазор сомонӣ, ё ин ки 8,9 фоиз аз ҳаҷми умумии фондҳои асосии ба кор андохташудаи вилоят мебошанд.

Сохтмони иншоотҳои соҳаҳои иҷтимоӣ – фарҳангӣ

Дар моҳҳои январ-марти соли 2016 барои инкишофи соҳаҳои иҷтимоӣ сармоягузорӣ ба маблағи 85241,9 ҳазор сомонӣ равона карда шудааст, ки 18,2 фоизи ҳаҷми умумии сармоягузории вилоятро ташкил медиҳад (бо нархҳои аслии амалкунанда).

Дар моҳҳои январ-марти соли 2016 ба масоҳати 46958 метри мураббаъ хонаҳои истиқоматӣ ба истифода дода шуданд, ки нисбат ба ҳамин давраи соли гузашта 132 фоизро ташкил медиҳад. Хонаҳои истиқоматӣ аз ҳисоби маблағҳои аҳолӣ ба масоҳати 40623 метри мураббаъ, аз ҳисоби маблағҳои ҶДММ - 2170 метри мураббаъ ва аз ҳисоби маблағҳои соҳибкорони инфиродӣ - 4165 метри мураббаъ ба истифода дода шудааст.

Корҳои пудратӣ

Ташкилотҳои пудратии вилоят дар моҳҳои январ-марти соли 2016 бо қувваи худ ба маблағи 127489,4 ҳазор сомонӣ корҳои пудратиро иҷро кардаанд, ки нисбат ба моҳҳои январ-марти соли 2015-ум ба маб-лағи 9658,6 ҳазор сомонӣ ё 7 фоиз кам шудааст.

Ҳаҷми корҳои пудратӣ, ки ташкилотҳои шакли моликияташон гуногун иҷро кардаанд, чунин тавсиф мешавад: давлатӣ 481,1 ҳазор сомонӣ (0,4 фоиз), саҳҳомӣ - 2241,1 ҳазор сомонӣ (1,8 фоиз), ҷамъиятҳои масъулияташон маҳдуд - 107076 ҳазор сомонӣ (84 фоиз), соҳибкорони инфиродӣ 10690,4 ҳазор сомонӣ (8,4 фоиз), хориҷӣ 7000,8 ҳазор сомонӣ (5,4 фоиз) ҳаҷми умимиро ташкил медиҳанд.

НАҚЛИЁТ

Дар моҳҳои январ-марти соли 2016 бо ҳамаи намудҳои нақлиёт 6,9 миллион тонна бор кашонида шудааст, ки он нисбат ба ҳамин давраи соли 2015-ум 100,9 фоизро ташкил медиҳад. Аз он ҷумла бонақлиёти автомобилии ҳамаи вазорату идораҳо, корхонаву ташкилотҳои ҳамаи шаклҳои моликият, инчунин бо нақлиёти автомобили шахсони воқеӣ, ки бо боркашонии тиҷоратӣ машғуланд, 5,9 миллион тонна (нисбат ба соли гузашта 102,3 фоиз) ва бо нақлиёти роҳи оҳан 1 миллион тонна (нисбат ба соли гузашта 93,8 фоиз) бор кашонида шудааст.

Гардиши бор бо ҳамаи намудҳои нақлиёт дар ҳаҷми 552 миллион тонна км ба қайд гирифта шудааст, ки нисбат ба соли гузашта 5 фоиз зиёд шудааст.

Бо ҳамаи намудҳои нақлиёт дар моҳҳои январ-марти соли 2016-ум 38,4 миллион нафар мусофир кашонида шудааст, ки нисбат ба соли 2015-ум 104,5 фоизро ташкил медиҳад. Аз он ҷумла: бо нақлиёти автомобилии ҳамаи вазорату идораҳо, корхонаву ташкилотҳои ҳамаи шаклҳои моликият, соҳибкорони хусусӣ 38,4 миллион нафар мусофир (нисбат ба соли гузашта 104,5 фоиз), бо нақлиёти роҳи оҳан 5,5 ҳазор нафар мусофир (нисбат ба соли гузашта 1,5 баробар), бо нақлиёти ҳавоӣ 43,1 ҳазор нафар (нисбат ба соли гузашта 108,3 фоиз) мусофир кашонида шудааст.

Гардиши мусофирон бо ҳамаи намудҳои нақлиёт 644,2 миллион мусофирон км-ро ташкил дода, нисбат ба соли гузашта 104 фоиз мебошад.

ХИЗМАТРАСОНИИ ПУЛАКӢ

Дар моҳҳои январ-марти соли 2016 ҳаҷми хизмати пулакӣ, ҳамаи соҳаҳои хизматгузор, ки ба аҳолиивилоят расонидаанд, 716 миллион сомониро ташкил дод, ки ин бо нархҳои муқоисавӣ нисбат ба соли 2015-ум 1,9 фоиз зиёд шудааст.

Корхонаю ташкилотҳои расман ба қайд гирифташуда бошад, ба маблағи 263,5 миллион сомонӣ хизматгузорӣ кардаанд, ки 36,8 фоизи ҳаҷми умумии хизматро ташкил намуда, нисбат ба соли 2015-ум бонархҳои муқоисавӣ 14,1 фоиз зиёд шудааст.

Дар моҳҳои январ-марти соли 2016 аз ҳаҷми умумии хизматрасонии пулакӣ ба ҳисоби миёна ба ҳар як нафар аҳолии вилоят 285,4 сомонӣ рост меояд.

САВДОИ ЧАКАНА, ТАЪМИРИ АВТОМОБИЛҲО ВА МОЛҲОИ МАИШӢ

Дар моҳҳои январ-марти соли 2016 гардиши савдо, таъмири мошинҳо, молҳои маишӣ ва ашёҳои истифодаи шахсӣ ҳамагӣ дар вилоят 1577,1 миллион сомониро ташкил дод. Нисбати ҳамин давраи соли 2015-ум суръати афзоиши гардиши моли чакана, таъмири мошинҳо, молҳои маишӣ ва ашёҳои истифодаи шахсӣ бо нархҳои муқоисавӣ 3,1 фоиз ё ба маблағи 124,1 миллион сомонӣ зиёд шудааст. ҳаҷми гардиши савдои чакана дар моҳҳои январ - марти соли 2016-ум 1545,7 миллион сомонӣ буда, нисбат ба ҳамин давраи соли 2015-ум 2,5 фоиз афзудааст, таъмири мошинҳо низ дар ин давра - 47,5 фоиз афзудааст. ҳаҷми гардиши корхонаҳои таъмири молҳои маишӣ ва ашёҳо барои истифодаи шахсӣ бошад, 29,3 фоиз зиёд шудааст.

Таносуби гардиши моли чакана дар сектори ғайридавлатӣ 99,9 фоизи ҳаҷми умумиро ташкил кард. Дар бозорҳои озуқаворӣ, ашё ва омехтаи вилоят ба маблағи 849,7 миллион сомонӣ мол фурӯхта шуд.

Таносуби молҳои озуқа, дар ҳаҷми умумии гардиши моли чакана 54,3 фоиз ё 839,3 миллион сомониро ташкил кард.

Дар ҳаҷми умумии фурӯши озуқаворӣ молҳои зерин афзалият доранд: гӯшту ҳасиб (17,9 фоиз), орд (8,9 фоиз), маҳсулоти қаннодӣ (7,8 фоиз), равғани растанӣ (5,6 фоиз), сабзавот (2,9 фоиз).

Таносуби молҳои ғайриозуқа 45,7 фоиз ё 706,4 миллион сомониро ташкил кардааст, ки аз молҳои ғайриозуқа аҳолӣ бештар масолеҳи сохтмонӣ (17 фоиз), маҳсулоти нафтӣ (15,5 фоиз) газвор (11,7 фоиз), пойафзол (7,8 фоиз), мебел ва маснуотҳои қолинӣ (6,6 фоиз), асбобу анҷоми барқии маишӣ (3,3 фоиз) ва либос (3,1 фоиз)-ро харидорӣ мекунанд.

Манбаҳои ташаккули гардиши моли чакана:

Аз ҳама зиёд таносуби гардиши моли чакана дар шаҳрҳои Хуҷанд, Исфара, Истаравшан, Бӯстон, Конибодом ва ноҳияи Бобоҷон Ғафуров мушоҳида карда мешавад.

Дар моҳҳои январ-марти соли 2016 аз ҳаҷми умумии гардиши савдои чакана ба ҳисоби миёна ба ҳар як нафар аҳолии вилоят 616,1 сомонӣ рост меояд.

Ҳаҷми хизматрасонии меҳмонхонаҳо ва тарабхонаҳо дар моҳҳои январ-марти соли 2016-ум 74,5 миллион сомониро ташкил дод, ки нисбат ба ҳамин давраи соли гузашта 0,7 фоиз кам шудааст.

ФАЪОЛИЯТИ ИҚТИСОДИИ ХОРИҶӢ

Дар моҳҳои январ-марти соли 2016 гардиши савдои хориҷии вилояти Суғд 358296,3 ҳазор доллари ИМА-ро ташкил дод, ки нисбат ба моҳҳои январ-марти соли 2015-ум 31,3 фоиз ё 163315,3 ҳазор доллар кам аст. Тарози савдо манфӣ буда, 196304,7 ҳазор долларро ташкил кард. Вилояти Суғд бо 40 мамолик, аз он ҷумла, бо 9 мамолики ИДМ ва 31 мамолики хориҷи дур муносибати савдои хориҷӣ дорад.

Дар гардиши савдои хориҷӣ ба ҳиссаи мамлакатҳои ИДМ 76,7 фоиз ё 274892 ҳазор доллар ва ба ҳиссаи мамлакатҳои хориҷи дур 23,3 фоиз ё 83404,3 ҳазор доллар рост меояд.

Таносуби содирот дар моҳҳои январ-марти соли 2016 нисбат ба гардиши савдои хориҷии вилояти Суғд 22,6 фоиз ва воридот бошад, 77,4 фоизро ташкил мекунад, ки касри тарози савдо бо мамлакатҳои ИДМ –191366,6 ҳазор доллар, бо мамлакатҳои хориҷи дур – 4938,1 ҳазор долларро ташкил додааст.

Умуман, ҳаҷми гардиши савдои хориҷӣ дар моҳҳои январ-марти соли 2016 нисбат ба моҳҳои январ - марти соли 2015 бо мамлакатҳои ИДМ 33,7 фоизё 139998,3 ҳазор доллар, бо мамлакатҳои хориҷидур бошад, 21,8 фоиз ё 23317 ҳазор доллар камшудааст.

Дар моҳҳои январ - марти соли 2016 содироти мол 80995,8 ҳазор долларро ташкил кард, ки нисбат ба моҳҳои январ-марти соли 2015-ум 44,9 фоиз ё 65909,5 ҳазор доллар кам шудааст. Воридоти мол ба вилоят 277300,5 ҳазор долларро ташкил кардааст, ки нисбат ба моҳҳои январ - марти соли 2015-ум 26 фоиз ё 97405,8 ҳазор доллар кам мебошад.       

Дар айни ҳол, нисбат ба моҳҳои январ – марти соли 2015 содироти маҳсулоти маъданӣ 15,3 фоиз ё 5142,2 ҳазор доллар зиёд, нахи пахта бошад, 37,3 фоиз ё 5615,7 ҳазор доллар кам шудааст.

Воридоти мошинолот ва таҷҳизот 32,8 фоиз ё 5351 ҳазор доллар кам шудааст, воридоти гандум низ 0,6 фоиз ё 313,5 ҳазор доллар кам шудааст.

Чӣ хеле, ки аз маълумоти овардашуда дида мешавад, оид ба содирот шарикони асосӣ инҳоянд: Қазоқистон - 42,3 фоиз, Шветсария – 29,9 фоиз, Чин – 5,3 фоиз, Русия – 4,3 фоиз, Туркия – 3,3 фоиз, Италиё - 3,3 фоиз, Эрон - 1,9 фоиз.

Воридоти мол асосан аз мамлакатҳои зерин сурат гирифтааст: аз Русия - 44,5 фоиз, Қазоқистон – 35,9 фоизи ҳаҷми умумии воридот, Чин - 10 фоиз, Литва – 1,8 фоиз, ӯзбекистон-1,3 фоиз,Туркия-1 фоиз ва ғайраҳо.

ЁРИИ БАШАРДӮСТОНА

Дар моҳҳои январ - марти соли 2016 ба вилояти Суғд аз мамлакатҳои хориҷи дуру наздик ба маблағи 764,6 ҳазор доллар ё 1043 тонна ёрии башардӯстона расонида шуд, аз он ҷумла маҳсулоти озуқа 728,5 ҳазор доллар ё 1001,1 тонна, воситаҳои нақлиёт 20,5 ҳазор доллар ё 1,9 тонна мебошад.

БОЗОРИ МЕҲНАТ ВА МУЗДИ МЕҲНАТ

Шумораи қувваҳои корӣ (ба ғайр аз шахсони дар хоҷагиҳои ёрирасон ва деҳқонӣ машғулбуда ва шахсони бо фаъолияти мустақилонаи касбӣ машғулбуда) дар моҳҳои январ - феврали соли 2016-ум 396,3 ҳазор нафарро ташкил дод, ки аз онҳо 249,8 ҳазор нафарашон дар бахши воқеӣ ва 146,5 ҳазор нафарашон дар бахши хизматрасонӣ машғуланд.

Шумораи бекорони расмӣ ба қайд гирифташуда то1 марти соли 2016-ум 11,2 ҳазор нафар буда, аз он ҷумла 51,1 фоизашро зан ташкил додаанд.

Сатҳи бекорони расмӣ ба қайд гирифташуда 1,4 фоизи шумораи қувваи кориро ташкил кардааст.

Музди миёнаи ҳармоҳаи номинали (ҳисобшуда)-и меҳнат дар моҳҳои январ – феврали соли 2016-ум 754,62 сомониро ташкил кард ва нисбат ба ҳамин дав-раи соли гузашта 6,7 фоиз афзудааст.

Музди миёнаи ҳармоҳаи меҳнат дар вилояти Суғд дар солҳои 2010-2016 (сомонӣ)

Маблағи умумии қарздорӣ аз пардохти музди меҳнат бо назардошти солҳои гузашта то 1 марти соли 2016-ум 10307,6 ҳазор сомонӣ, аз ҷумла дар соли 2016-ум 1287,9 ҳазор сомонӣ (12,5 фоиз)-и маблағи умумии қарздориро ташкил додааст.

Қарздории аз ҳама зиёд дар саноати истихроҷи маъданҳои кӯҳӣ ва коркарди конҳо 4803,1 ҳазор сомонӣ (46,6 фоизи маблағи умумии қарздорӣ), дар кишоварзӣ, шикор ва ҷангалпарварӣ 4163,3 ҳазор сомонӣ (40,4 фоиз) ва дар саноати коркард 1111,5 ҳазор сомонӣ (10,8 фоиз)- ро ташкил додааст.

НАРХҲОИ ИСТЕЪМОЛӢ

Индекси нархҳои истеъмолӣ дар моҳҳои январ - марти соли 2016-ум нисбат ба ҳамин давраи соли гузашта 104,4 фоиз, аз он ҷумла: молҳои озуқа – 104,7 фоиз, молҳои ғайриозуқа – 106,2 фоиз ва хизматрасонии пулакӣ ба аҳолӣ – 103,7 фоизро ташкил дод.

Аз аввали соли 2016 индекси нархҳои истеъмолӣ 2,1 фоиз афзуд. Суръати миёнаи моҳонаи беқурбшавӣ дар бахши истеъмолӣ 0,7 фоизро ташкил кард (дар ҳамин давраи соли гузашта 0,2 фоиз буд).

Аз аввали соли 2016 сатҳи таваррум дар вилоят 2,1 фоизро ташкил дод.

Аз аввали соли 2016 аз нархҳои мушоҳидашудаи молҳои озуқа бештар қимат шудаанд: нахӯд – 52,3 фоиз, ангур – 38,8 фоиз, лимӯ – 19,1 фоиз, себ – 18,6 фоиз, чормағз – 18,2 фоиз, намак – 15,1 фоиз, шири хушки баркашидашаванда – 13,6 фоиз, сирпиёз – 11,9 фоиз, пиёз – 11,4 фоиз, мош – 10,8 фоиз бодиринг – 10,5 фоиз, шакар – 9,3 фоиз, равғани пахта – 7,7 фоиз, ва лӯбиё – 4,8 фоиз. Зимнан дар ҳамин давра арзон шуд: лаблабу – 18,7 фоиз, помидор – 9,4 фоиз, тухм – 8,8 фоиз, думбаи гӯсфанд – 7,8 фоиз, картошка – 7,6 фоиз, орди навъи 1-ум – 5,5 фоиз, шир – 5,1 фоиз ва биринҷ – 3,1 фоиз.

Аз аввали соли 2016 нархи молҳои ғайриозуқаи зерин бештар қимат шудаанд: куртаи шабпӯши занона – 47,3 фоиз, ғаввакашаки (ползунки) кӯдакона – 27,7 фоиз, мактуби кушода, табрикотӣ – 25 фоиз, куртаи писарбачаҳо аз матои пахтагин – 24,1 фоиз, пойафзоли хонапӯши мардона – 22,6 фоиз, газвор аз абрешими асл, куртаворӣ – 21,6 фоиз, ҷилди болишт – 19 фоиз, чойники барқӣ – 18 фоиз, кросовкаи фирмавии намуди “Адидас” – 15,1 фоиз, печи гармкунандаи равғанини истеҳсоли хориҷа – 13,3 фоиз ва пойафзоли варзишӣ (кедӣ)- 9,7 фоиз. Зимнан дар ҳамин давра ангишт – 13,1 фоиз, семент – 9,3 фоиз, ҳезум – 6,9 фоиз, гази моеъ – 6,8 фоиз ва бензин АИ-92 – 5 фоиз арзон шудааст.

Аз аввали сол нарху таррифаи хизматрасонии пулакии зерин бештар қимат шудаанд: хизматрасонии нақлиёти ҳавоӣ – 50,7 фоиз, нақлиёти мусофиркашии роҳи оҳан 13,8 фоиз.

ТАНДУРУСТӢ

Ба бемориҳои сирояткунандаи ҷудогона гирифтор шудани аҳолӣ дар моҳҳои январ-феврали соли 2016 (аз рӯи маълумоти Раёсати тандурустии вилояти Суғд)

Дар моҳҳои январ-феврали соли 2016-ум 2113 ҳодисаи ба бемории сирояткунанда гирифтор шудани аҳолӣ ба қайд гирифта шудааст, ки нисбат ба моҳҳои январ-феврали соли 2015-ум 31 фоиз кам аст. Ба ҳиссаи гепатитҳои шадиди вирусӣ 38,1 фоизи бемориҳо рост меояд, бемориҳои сирояткунандаи шадиди рӯда 10,7 фоизи шумораи умумии бемориҳои сирояткунандаро ташкил медиҳанд.

Дар моҳҳои январ-феврали соли 2016-ум 2309 ҳодисаи ба бемориҳои паразитарӣ гирифтор шудани аҳолӣ ба қайд гирифта шудааст, ки нисбат ба моҳҳои январ-марти соли 2015-ум 10,8 фоиз зиёд аст.

ПАРДОХТИ НАФАҚА ВА КӮМАКПУЛӢ

Мувофиқи маълумоти «Амонатбонк»-и вилоятмаблағи аз Раёсати Агентии давлатии суғуртаи иҷтимоӣ ва нафақа дар вилояти Суғд гузаронидашуда дар моҳҳои январ-марти соли 2016-ум 107,3 миллион сомониро ташкил додааст. Маблағи ба нафақа ва кӯмакпулӣ пардохташуда дар моҳҳои январ-марти соли 2016-ум бо назардошти бақияи аввали сол (20,4 миллион сомонӣ) 123,2 миллион сомониро ташкил кардааст. Шумораи нафақахӯрон то 1 апрели соли 2016-ум 203176 нафарро ташкил медиҳад.

ХУСУСИГАРДОНИИ АМВОЛИ ДАВЛАТӢ ВА МАНЗИЛ

Дар моҳҳои январ-марти соли 2016 дар вилоят 12 иншоот хусусӣ гардонида шуд ва ба буҷет 214,3 ҳазор сомонӣ маблағ гузаронида шудааст. Дар сохтори соҳавии хусусигардонии амволи давлатӣ ҳиссаи соҳаҳои кишоварзӣ 41,7 фоиз, савдо ва хӯроки умумӣ, хизмати маишӣ 16,6 фоиз ва дигар соҳаҳо 41,7 фоизиро ташкил кард.

То 1 апрели соли 2016 дар вилоят (аз аввали хусусигардонӣ) 42907 ҳуҷра хусусӣ карда шудааст, аз он ҷумла 21150 ҳуҷра фурӯхта шуда, 913 ҳуҷра бо пардохти қисми пулаш ба аҳолӣ дода шуд, 20844 ҳуҷра бошад, ба аҳолӣ бепул дода шудааст.

Масоҳати умумии ҳуҷраҳои хусусигардонидашуда 2591,6 ҳазор метри мураббаъро ташкил медиҳад.

САРРАЁСАТИ АГЕНТИИ ОМОРИ НАЗДИ
ПРЕЗИДЕНТИ ҶУМҲУРИИ ТОҶИКИСТОН
ДАР ВИЛОЯТИ СУFД

Читать далее

Гулчини хабар аз Гулистон

Саноат рушд меёбад

Дар се моҳи аввали соли равон ҳаҷми истеҳсоли маҳсулоти саноатӣ 384 млн. 617,9 ҳазор сомониро ташкил дод, ки нисбат ба нишондиҳандаи ҳамин давраи соли 2015-ум 113млн. 542,5 ҳазор сомонӣ зиёд буда, суръати афзоиши истеҳсолот баробари 141,9 фоиз мебошад. Музди маоши миёнаи кормандони корхонаҳои саноатӣ 2361 сомониро ташкил дода, дар муқоиса бо соли сипаригардида 565 сомонӣ афзудааст.

Дар давраи ҳисобӣ 29 корхонаи саноатии шаклҳои моликияташон гуногун фаъолият намуда, аз онҳо, 14 корхона пешравии истеҳсолиро нисбат ба ҳамин давраи соли гузашта аз 118,3 фоиз то 259,4 фоиз таъмин намуданд. ҶМ ТКММ «Апрелевка», ҶДММ «Ширкати кӯҳӣ – саноатии Тоҷикистону Хитой», «Зарфишон», «Фаровон», «Хубон», «Чархи гандумин» ва ҶСК «Комбинати фулузоти нодири Ленинобод» суръати афзоиши истеҳсоли маҳсулотро бо нишондиҳандаҳои назаррас ҷамъбаст намуданд.

Шаҳри Гулистон чун минтақаи рушдёфтаи саноат дар вилоят эътироф шудааст. Дар семоҳаи авали соли равон, корхонаҳои саноатии шаҳр 30,7 фоизи ҳаҷми истеҳсоли маҳсулоти саноатии вилоятро таъмин намуда, дар рушди иқтисодиёт саҳми намоён гузоштанд. Теъдоди миёнаи кормандони корхонаҳои саноатӣ 3750 нафарро ташкил дод, ки ин бо муқоиса ба ҳамин давраи соли гузошта 156 нафар зиёд аст.

Квота - имтиёз ба таҳсил

Бо мақсади татбиқи қарори ҳукумати Ҷумҳурии Тоҷикистон аз 2-юми июли соли 2015, таҳти №428 “Дар бораи қабули донишҷӯён ба муассисаҳои таҳсилоти олии Ҷумҳурии Тоҷикистон тибқи квотаи Президентӣ барои солҳои 2016-2020” ва дар асоси қарори Раиси шаҳри Гулистон таҳти №84, аз 29-уми марти соли 2016 “Оид ба таъсиси комиссия дар бораи қабули донишҷӯён ба муассисаҳои таҳсилоти олии Ҷумҳурии Тоҷикистон тариқи квотаи Президентӣ барои солҳои 2016-2020” чанде пеш дар Маркази  таҳсилоти иловагии шаҳр озмуни қабули хатмкунандагон баргузор гардид.

Дар озмун 70 нафар довталаби тибқи квота таҳсилкунанда фаъолона иштирок намуда, аз онҳо 41 нафар барои озмуни даври вилоятӣ пешниҳод шуданд.

ҳадаф аз ташкили квотаи Президентӣ таъмин намудани минтақаҳои дурдасти ҷумҳурӣ бо мутахассисони маълумоти олидор, аз ҷумлаи духтарону писарон ва ба низом даровардани ҷараёни қабул ба мактабҳои олӣ мебошад.

Барои таҳсил бо квота ба муассисаҳои таҳсилоти олии касбии ҷумҳурӣ ба шаҳри Гулистон 13 ҷой ҷудо шудааст.

Машварати судманд

Семинар – машварати Маркази дарёфт ва рушди истеъдодҳои шӯъбаи маориф, ки дар Гимназияи ба номи Бобоҷон Fафуров баргузор гардид, бо қироати шеъру манзумаҳои пурмазмун аз ҷониби толибилмон ифтитоҳ ёфт. Директори Марказ Фахриддин Фатҳиддинов тартиби баргузории семинарро шарҳ дода, сипас дар мавзӯи “Тавзеҳи истилоҳи истеъдод, лаёқат ва маҳорат”. “Нақши китоб ва худомӯзӣ дар рушди маънавии хонанда ва омилҳои бо он мусоидаткунанда” баромад намуд.

Баъдан перомуни мавзӯъҳои “Нақши равоншинос дар инкишофи зеҳнии хонандагони болаёқат” ва “Истифодаи шабакаи интернет ва аҳамияти он дар рушди истеъдоди наврасон” равоншиноси МТМУ №2 Маниҷа Очиқадамова ва  роҳбари Маркази дарёфт ва рушди истеъдодҳои МТМУ №12 Шоҳид Норматов фикру андешаҳои ҷолиб баён намуданд.

Аъзои фаъоли Марказ Ҷасур ҳаитқулов дар бораи “Роҳҳои дарёфт намудани қобилияти зеҳнии хонандагон” маърӯза намуд.

Семинар – машварат моҳияти методию дастурдиҳӣ дошта, он ба самти иҷрои Барномаи давлатии рушди истеъдодҳо нигаронида шуда буд.

Рустамҷон ОДИЗОДА,
шаҳри Гулистон

Читать далее

Мушовараи якҷояи вазоратҳои корҳои дохилии Тоҷикистону Қирғизистон

15-уми апрели соли 2016 дар Маркази таълимии Бонки миллии Ҷумҳурии Тоҷи-кистон дар шаҳри Гулистони вилояти Суғд Мушовараи якҷояи мақомотҳои корҳои дохилии ҳар ду кишвар бо иштироки Вазири корҳои дохилии Ҷумҳурии Тоҷикистон, генерал-лейтенанти милитсия Раҳимзода Рамазон Ҳамро ва Вазири корҳои дохилии Ҷумҳурии Қирғизистон, генерал-майори милитсия Турганбаев Мелис Токтомамбетович баргузор гардид.

Дар рафти ҷаласаи якуми Мушовараи якҷояи Вазоратҳои корҳои дохилии ҷумҳуриҳои Тоҷикистону Қирғизистон масъалаҳои муборизаи дастаҷамъона бар зидди хатарҳои ҷаҳони муосир, аз қабили терроризм, эктремизм, муомилоти ғайриқонунии маводи мухаддир, тақвият бахшидани ҳамкориҳои минбаъдаи мақомотҳои корҳои дохилии ду кишвари дўст ва ҳамсоя ва мубодилаи таҷриба дар самти ислоҳоти милитсия мавриди баррасӣ қарор гирифтанд.

Читать далее

Ҳар киро додам ба иззат ҷой дар болои чашм...

Сиёсати дарҳои кушоде, ки дар қаламрави ҷумҳурӣ бо сиёсати хирадмандонаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон татбиқ мегардад, имкон додааст, дар Ватани мо ширкатҳои хориҷии гуногун фаъолияти истеҳсолии худро бо таъсиси корхонаҳои муштарак ба роҳ монанд. Таҳлилҳо нишон медиҳанд, ки гоҳо баъзе аз ширкатҳои хориҷӣ иззату икроми халқи моро сўистеъмол карда, нисбати қонуну меъёрҳои амалкунанда беэҳтиромӣ зоҳир мекунанд.

Чунонки дар таҷрибаи на чандон тўлонии корам ба ҳайси суд ҳеҷ андеша намекардам, ба ҷуз баррасии қонуншиканиҳои шаҳрвандони маҳаллӣ бо амалҳои ғайриқонунии шаҳрвандони хориҷӣ низ сарукордор мешавам. Парвандаи ҷиноятие, ки дирўз мавриди баррасӣ қарор додем, марбут ба кирдори ғайриқонунии шаҳрванди Ҷумҳурии Мардумии Хитой Лин Ҷао аст, ки мавсуф муваққатан дар Намояндагии корхонаи васлгарии шаҳри Ченлэи музофоти Фуҷен дар Ҷумҳурии Тоҷикистон буда, ҳамчун шахси ҳуқуқӣ таи 2 сол аст, ки ба соҳибкорӣ машғул мебошад.

Лин Ҷао ҳамчун шахси ҳуқуқӣ бар хилофи талаботи моддаи 111, қисми 2 ва 129-и Кодекси андози Ҷумҳурии Тоҷикистон амал намуда, дар давраи аз 1-уми январи соли 2014 то январи соли 2015-ум дидаю дониста ба декларатсияҳои андоз дохил намудани маълумоти таҳрифшуда оид ба хароҷот ва пинҳон доштани дигар объектҳои андозбандишаванда ба маблағи умумии 1 млн. 433 ҳазору 535 сомонӣ аз супурдани андоз аз фоида саркашӣ намудааст. Илова бар ин Намояндагии корхонаи васлгарии шаҳри Ченлэ дар Ҷумҳурии Тоҷикистон тибқи талаботи моддаҳои 159-193-и Кодекси андози Ҷумҳурии Тоҷикистон ҳамчун андозсупор аз арзиши иловашуда эътироф гардидааст.

Лин Ҷао ҳамчун роҳбари намояндагӣ, ки шахси ҳуқуқӣ мебошад, бар хилофи талаботи моддаҳои зикршуда амал намуда, дар давраи муайяншуда бо роҳи дохил намудани маълумоти бардурўғ ба декларатсияи андоз, ба маблағи 687 ҳазору 940 сомонӣ манбаи андозбандишавандаро кам нишон дода, ба мақомоти андоз ҳисоботи таҳрифшударо пешниҳод кардааст. Бо ин роҳ Лин Ҷао дидаву дониста, ба маблағи 34 ҳазору 397 сомонӣ аз супурдани андоз аз арзиши иловашуда саркашӣ кардааст.

Ҳамин тариқ, роҳбари Намояндагии корхонаи шаҳри Ченлэи музофоти Фуҷен дар Ҷумҳурии Тоҷикистон Лин Ҷао аз 1-уми январи соли 2014 то 1-уми апрели соли 2015 аз супурдани андозҳои муқаррарнамудаи қонунгузории Ҷумҳурии Тоҷикистон саркашӣ карда, дар маҷмўъ, ба маблағи умумии 1 млн. 467  ҳазору 932 сомонӣ, бо назардошти ҷарима ва фоизҳояш ба маблағи махсусан калон, 2 млн. 004 ҳазору 590 сомонӣ ба буҷаи давлат зарар расондааст.

Дар мурофиа судшаванда Лин Ҷао худро дар содир намудани ҷинояти бо моддаи 292 қисми 2 банди «б»-и КҶ Ҷумҳурии Тоҷикистон гунаҳкор донист. Ин қонуншикании Лин Ҷао дар рафти санҷиши фаъолияти Намояндагии корхонаи васлгарии шаҳри Ченлэи музофоти Фуҷен дар Ҷумҳурии Тоҷикистон аз ҷониби сармутахассиси Кумитаи андози назди Ҳукумати Ҷум-ҳурии Тоҷикистон Раҳматулло Абдуллоев ошкор шуд. Маълум гардид, ки маблағи 2 млн. 411 ҳазору 291 сомонӣ ва бо назардошти ҷарима бо фоизҳояш 3 млн. 063 ҳазору 554 сомонӣ аз андозбандӣ рўйпўш карда шудааст.

Шаҳрванди Чин Лин Ҷао ба ин ошкоркунӣ розӣ нашуда, бо мактуби расмӣ ба Кумитаи андози назди Ҳукумати Ҷумҳурии Тоҷикистон норизогӣ баён кардааст. Дар натиҷаи санҷиши такрорӣ маблағи рўйпўш намудаи андозҳо ба маблағи 1 млн. 467 ҳазору 932 сомонӣ ва бо назардошти ҷарима бо фоизҳояш ба маблағи 2 млн. 004 ҳазору 590 сомонӣ бар илова ҳисоб карда шуд. Лин Ҷаоро ба ҷуз пардохти маблағҳои аз андоз пинҳонкардааш чорае намонд.

Ў дар мурофиаи судӣ изҳор дошт, ки ин кирдорро аз сабаби надонистани қонунҳои амал- кунандаи Ҷумҳурии Тоҷикистон роҷеъ ба супурдани маблағи андоз содир намудааст. Ҳамзамон, ў аз карда сидқан пушаймон буду аз суд хоҳиш намуд, ки нисбаташ ҷазои ғайриҳабсӣ бе маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян таъин карда шавад.

Суд ҳангоми муайян кардани намуд ва ҳаҷми ҷазо ба судшаванда Лин Ҷао бо моддаи 292, қисми 2 банди “б” КҶ Ҷумҳурии Тоҷикистон, ки ҷазоҳои алтернативӣ, яъне ҷарима ва маҳрум сохтан аз озодиро пешбинӣ менамояд. Бо назардошти ҳолатҳои содиршавии ҷиноят ва шахсияти ў, ки охирон бори аввал ҷиноят содир намудааст, аз кирдораш сидқан пушаймон мебошад, маблағи зарарро пурра талофӣ намудааст, ягона таъминкунандаи оила ба ҳисоб меравад, дар ошкор намудани ҷиноят фаъолона мусоидат кардааст, бо мақсади барқарор намудани адолати иҷтимоӣ, ислоҳи маҳкумшуда ва пешгирӣ намудани дигар кирдорҳои зидди ҳуқуқӣ, чӣ аз ҷониби судшаванда ва чӣ аз ҷониби дигар ашхос ба хулоса омад, ки бо дастрасии моддаи 63 Кодекси Ҷиноятии Ҷумҳурии Тоҷикистон ҷазоро дар доираи раводиди моддаи мазкур дар намуди ҷарима бе маҳрум кардан аз ҳуқуқи ишғоли мансабҳои муайян таъин бикунад.

 Ниҳоятан шаҳрванди Ҷумҳурии Хитой Лин Ҷао бо моддаи 292, қисми 2 банди «б» Кодекси ҷиноятии Ҷумҳурии Тоҷикистон гунаҳгор дониста, суд ба ў бо дастрасии моддаи 63 Кодекси ҷиноятии Ҷумҳурии Тоҷикистон ҷазо дар намуди ҷарима ба андозаи 1100 нишондиҳанда барои ҳисобҳо, яъне 44 ҳазор сомонӣ ба фоидаи давлат бе маҳрум намудан аз ҳуқуқи ишғоли мансабҳои муайян ё машғул шудан бо фаъолияти муайян ҷазо таъин намуд.

Метавонистем дар ҳамин ҷо ба навиштаҳои хеш нуқтаи таммат гузорем. Аммо, чанд паҳлўи ҷинояти содиршуда касро ба андеша водор мекунад. Аниқтараш, ин ҳодиса ин ҳикмати мардумиро ба хотир меорад:

Ҳар киро додам ба иззат ҷой дар болои чашм,

Оқибат монанди абрў теғ бар рўям кашид.

Яъне, ки мо меҳмон гуфтему иззаташ кардем. Аммо, ҷаноби Лин Ҷао нисбат ба қонунгузориҳои мо беэҳтиромӣ карда, даст ба ҷиноят зад.

Фирўзҷон МАХСУДӢ,

судяи Суди шаҳри Панҷакент

Читать далее

Қарори Раиси вилояти Суғд аз 7 апрели соли 2016 №168

Дар бораи таҷлили Рӯзи Fалаба дар Ҷанги Бузурги Ватании солҳои 1941-1945 Мутобиқи моддаи 20 Қоуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», бо назардошти аҳамияти оламшумули Fалаба дар Ҷанги Бузурги Ватании солҳои 1941-1945, бо мақсади қадршиносӣ аз ҷасорату мардонагии иштирокчиёни ҷанг, посдории хотираи шаҳидон ва тарбия намудани наслҳои ҷавон дар рӯҳияи ватандӯстӣ, қарор мекунам:

1. Санаи 9 майи соли 2016 дар қаламрави вилоят Рӯзи Fалаба дар Ҷанги Бузурги Ватании солҳои 1941-1945 ботантана таҷлил карда шавад.

2. Ҳайати кумитаи тадорукот, нақшаи чорабиниҳои ҷашнӣ тасдиқ карда шавад.

3. Шӯъбаҳои рушди иҷтимоӣ ва робита бо ҷомеа, маъмурию ҳуқуқии дастгоҳи Раиси вилоят, Раёсатҳои кор бо занон ва оилаи мақомоти иҷроияи ҳокимияти давлатии вилоят, маориф, фарҳанг, ҷавонон, варзиш ва сайёҳии вилоят якҷоя бо Шӯрои собиқадорони ҷангу меҳнати вилоят ҷиҳати бошукӯҳ ва хотирмон доир намудани тантанаҳои ҷашнӣ бо иштирокчиёни Ҷанги Бузурги Ватанӣ дар муассисаҳои таҳсилоти олии касбӣ, миёнаи махсус, умумӣ, муассисаҳои фарҳангӣ, қисмҳои ҳарбӣ ва корхонаву ташкилотҳо силсилаи мулоқоту сӯҳбатҳо баргузор намуда, ҷиҳати аёдат, дастгирии моддию маънавии иштирокчиёну маъюбони Ҷанги Бузурги Ватанӣ ва шахсони ба онҳо баробар чораҷӯӣ намоянд.

4. Раёсати тандурустии вилоят якҷоя бо шӯъбаи Агентии давлатии ҳифзи иҷтимоии аҳолии мақомоти иҷроияи ҳокимияти давлатии вилоят ва Шӯрои собиқадорони ҷангу меҳнати вилоят барои расонидани хизмати кафолатноки тиббӣ, ҳифзи иҷтимоии иштирокчиёну маъюбони Ҷанги Бузурги Ватанӣ ва ашхоси ба онҳо баробар тадбирҳои зарурӣ андешанд.

5. Мақомоти иҷроияи ҳокимияти давлатии шаҳру ноҳияҳои вилоят:

- ба муносибати таҷлили Рӯзи Fалаба дар Ҷанги Бузурги Ватании солҳои 1941-1945 нақшаи мукаммали чорабиниҳои ҷашниро таҳия ва тасдиқ намоянд;

- дар доираи ҳафтаи «Поси хотир» ёдгориҳои шаҳидони ҷангро таъмиру тармим, маросимҳои ёдбуди шаҳидони ҷангро баргузор намуда, аз ҳисоби афсарон ва хонандагони мактабҳо дар пояи муҷассамаю ёдгориҳо посбонҳои фахрӣ ташкил намоянд;

- ташкили мулоқоту вохӯрӣ, мизҳои мудаввар, чорабиниҳои фарҳангиву сиёсиро баҳри тарғибу ташвиқи ҳаёту қаҳрамониҳои иштирокчиён ва маъюбони Ҷанги Бузурги Ватанӣ бо иштироки доираи васеи аҳолӣ ташкил намоянд.

6. Шӯъбаи иттилоотию таҳлилии дастгоҳи Раиси вилоят, идораи телевизион ва радиои вилоят, рӯзномаҳои вилоятии «ҳақиқати Суғд», «Согдийская правда», «Суғд ҳақиқати» оид ба корнамоӣ ва қаҳрамониҳои халқи тоҷик дар набардҳои Ҷанги Бузурги Ватании солҳои 1941-1945 маводу мақолаҳо ва барномаҳои ҷолибро таҳия ва инъикос намоянд.

7. Назорати иҷрои қарори мазкур ба зиммаи муовини якуми Раиси вилоят Раҳматзода Р.М. гузошта шавад.

Читать далее

Қарори Раиси вилояти Суғд аз 5 апрели соли 2016 № 162

Дар бораи тасдиқ намудани нақшаи чорабиниҳои татбиқи «Барномаи рушди муассисаҳои фарҳангӣ дар вилояти Суғд барои солҳои 2016-2020»

Мутобиқи моддаи 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», қарори ҳукумати Ҷумҳурии Тоҷикистон аз 9 феврали соли 2016, №53 «Дар бораи тасдиқи Барномаи рушди муассисаҳои фарҳангӣ дар вилояти Суғд барои солҳои 2016-2020» ва бо максади таъмини рушд ва фаъолияти бонизоми муассисаҳои фарҳангӣ дар вилоят   қ а р о р   м е к у н а м:

1. «Барномаи давлатии рушди муассисаҳои фарҳангӣ дар вилояти Суғд барои солҳои 2016-2020» ва Нақшаи чорабиниҳои барномаи мазкур дар вилояти Суғд тасдиқ карда шавад.

2. Ба Раёсати фарҳанги вилоят супорида шавад, ки дар робита бо сохторҳои марбутаи дахлдори вилоятӣ ва мақомоти иҷроияи ҳокимияти давлатии шаҳру ноҳияҳо дар доираи маблағҳои ҳамасола ба соҳаи фарҳанг пешбинишуда маблағгузории татбиқи чорабиниҳои «Барномаи рушди муассисаҳои фарҳангӣ дар вилояти Суғд барои солҳои 2016-2020»-ро таъмин намоянд.

3. Раисони шаҳру ноҳияҳои вилоят вазифадор карда шаванд, ки ҷиҳати татбиқи нақшаи чорабиниҳои «Барномаи давлатии рушди муассисаҳои фарҳангӣ дар вилояти Суғд барои солҳои 2016-2020» тадбирҳои зарурӣ андешанд.

4. Раёсати фарҳанги вилоят оид ба рафти иҷрои нақшаи чорабиниҳои татбиқи Барномаи мазкур ҳар нимсола ба Мақомоти иҷроияи ҳокимияти давлатии вилоят маълумоти муфассал пешниҳод намояд.

5. Назорати иҷрои қарори мазкур ба зиммаи муовини Раиси вилоят Fаффорӣ Н.А. гузошта шавад.

Читать далее