19 April 2016

Одамият ин бувад!

Хидмати шоиста кардан бар Ватан,

Даргузаштан баҳри ў аз хештан,

Аз матои меҳр кардан пираҳан,-

                         Одамият ин бувад!

Абдурауф Муродӣ

Дар МТМУ №12 шаҳраки Адрасмон бо сармавзӯи «Ватанам-Тоҷикистон» машғулияти 93-умини маҳфили муштараку сайёр, илмию методӣ, амалию назариявӣ ва ҳуқуқию доимоамалкунандаи «Корвони маънавиёт» ба ифтихори 25-умин солгарди Истиқлолияти давлатии Ҷумҳурии Тоҷикистон ва Соли 2016-«Соли фарди солим» баргузор гардид.

Сараввал  роҳбари маҳфил Акбаралӣ Усмоналиев роҷеъ ба нақшаву ҳадафҳои маҳфил ибрози андеша карда, роҳбарон ва нўҳ аъзои  зермаҳфилҳоро доир ба ҷараёни он тибқи нақша муваззаф намуд.

Дар саҳифаи «Минбари роҳбар» директори МТМУ №12 Улуғбек Ҳоҷаев аз фанни «Ҳифзи меҳнат»  дар доираи мавзӯи «Ташкили кор оид ба ҳифзи меҳнат ва бехатари аз сӯхтор дар МТМУ № 12»   бо мавзўи «Оид ба тартиб додани шиносномаи иҷтимоии МТМУ № 12» барои кулли шитирокчиёни маҳфил аз рўи таҷрибаи кории роҳбарии худашон дарси кушод гузаронд.

Иштирокчиёни маҳфил дар дарсҳои кушоди омӯзгорони муассисаи таълимӣ, аз ҷумла Гўзал Маматқулова (аз фанни математика), Дилфуза Тўйқулова  (аз фанни адабиёт), Маҳфират Ёрматова (аз фанни забони давлатӣ) ва Севара Нуритдинова (аз фанни ҳуқуқи инсон) иштирок намуданд. Дар фарҷоми тадрис дар атрофии дастовардҳои омӯзгорон ва паҳлӯҳои дарсҳои кушод мубодилаи афкор ба вуқӯъ пайваст.

Дар бахши «Имкон» Ўктамой Раҳмонова – собиқадори меҳнат, мушовири бойгонии шаҳр дар мавзўи «Аҳамияти нигоҳдории ҳуҷҷатҳои шахсии корманд дар ҳаёти минбаъдаи ў» баромад намуд. 

Дар поёни фаъолияти якрўзаи  «Корвони маънавиёт» директори МТМУ № 4 –уми шаҳраки Адрасмон Худойбердӣ Мирзоев аҳли нишастро ба машғулияти 94-умин «Корвони маънавиёт», ки санаи 12 октябри соли 2016 дар муассисаи мазкур баргузор мегардад, даъват намуд ва шукургузории давру замон, ифтихор аз Истиқлолияти давлати худ кард.

Дар машғулияти навбатии маҳфили «Корвони маънавиёт» собиқадори меҳнат, ходими ҳизбӣ ва давлатӣ, муовини раиси Ҳаракати ҷамъиятии Ваҳдати миллӣ ва эҳёи Тоҷикистони шаҳри Гулистон  Санавбар Нуруллоева  оид ба сиёсати давлати Ҷумҳурии Тоҷикистон дар рушди соҳаи маориф баромад кард.

Акбаралӣ Усмоналиев,
Раиси Кумитаи иттифоқи касабаи
маорифи шаҳри Гулистони вилояти Суғд,
роҳбари маҳфили «Корвони маънавиёт»

 

Читать далее

Низоми кредитии таҳсилот: ҳолат, муаммоҳо ва роҳҳои инкишоф

«Воридшавии Ҷумҳурии Тоҷикистон ба низоми кредитии таҳсилот: ҳолат, муаммоҳо ва роҳҳои инкишоф» - чунин унвон дорад конференсияи илмию методии ҷумҳуриявӣ, ки санаи 22-уми апрели соли равон дар Донишгоҳи давлатии ҳуқуқ, бизнес ва сиёсати Тоҷикистон (ДДҲБСТ)баргузор хоҳад шуд.

Бино ба иттилои масъулини бахши таълим ва илми донишгоҳ дар кори конференсия олимону мутахассисони соҳа, устодони муассисаҳои таҳсилоти олии касбии мамлакат ширкат варзида, масоили таҷрибаи муассисаҳои таҳсилоти олии кишвар дар ҷорӣ намудани низоми кредитии таҳсилот, методикаи таълим, таҷрибаомўзӣ ва роҳҳои такмили он дар низоми мазкур, таҳсилоти ғоибона ва ҷорӣ намудани низоми фосилавӣ дар муассисаҳои таҳсилоти олии касбӣ ва амсоли инҳо самтҳо ва мавзўъҳои меҳварии ҳамоишро ташкил хоҳанд дод. Аз рўи маводи пешниҳодшуда ба нашр расонидани маҷмўаи мақолаҳои конференсия дар назар аст.

Сорбон Амаков

Читать далее

«БАҲОРИСТОН» ЧАМАНИСТОН ХОҲАД ШУД!

Тибқи нақша “Баҳористон” ҳамчун шаҳраки замонавӣ бунёд карда мешавад, аз ин рӯ, зарур аст, ки масъалаи бо риояи меъёрҳои муосир ва тарҳи зебои меъмории миллӣ бунёд намудани биноҳои истиқоматӣ бояд дар маркази диққати мутахассисону масъулон қарор дошта бошад.

Эмомалӣ РАҲМОН

Дар баробари бунёди шаҳракҳои Сайҳун, Моҳпарӣ ва Меҳробод барои мардуми шаҳри Истаравшан ва ноҳияи Деваштич низ бунёди шаҳраки Баҳористон як воқеаи фараҳманд ва ҳам хурсандиовар буд.

Читать далее

Зебу ороиш муҳим ё саломатӣ?

Вақте ба бозор барои харидани сару либос меравем, ба таркиб ва намудаш назар андозем. Либос бояд ба саломатӣ зарар нарасонад.

Боиси тааҷҷуб аст, ки имрӯз ба арзонии сару либос таваҷҷӯҳ зоҳир мешаваду мутаассифона, ба сифати он аҳамият дода намешавад. Хусусан, ба либоси кӯдакон бояд аҳамияти хоса зоҳир намуд. Зеро кӯдакон бисёр нозуканд ва пӯсту узвҳояшон аз либосҳои синтетикӣ зарар дида, ба касалиҳои пӯст, бадан ва дигар намуди беморҳо гирифтор шуданаш мумкин аст. Боиси афсӯс, ки либосҳои пастсифат ба талаботи санитариву истеҳсолӣ ҷавобгӯ набуда, бо вуҷуди ин мардум онро харидорӣ мекунанд.

Читать далее

Кӯдакон дар паноҳи давлатанд…

Бахш оид ба ҳуқуқи кўдаки Мақомоти иҷроияи ҳокимияти давлатии вилояти Суғд ҳамкории худро баҳри коҳиш додани ҷинояткории ноболиғон бо Хадамоти пешгирии ҳуқуқвайронунӣ байни ноболиғон ва ҷавонони Раёсати Вазорати корҳои дохилии Ҷумҳурии Тоҷикистон дар вилояти Суғд, Раёсати ҷавонон, варзиш ва сайёҳии вилоят ва дигар сохторҳо ба роҳ мондааст.

Имрўз Ҳукумати кишвар бо сарварии Пешвои миллат Эмомалӣ Раҳмон баҳри таълиму тарбияи наврасону ноболиғон шароити мусоидро фароҳам оварда истодаанд. Сохта ба истифода додани кўдакистонҳои замонавӣ, мактабу китобхонаҳо далели гуфтаҳои боло мебошад. Тибқи мушоҳидаҳо маълум гардидааст, ки имрўз аз ҷониби бархе аз падару модар ҳуқуқуи кўдак поймол карда мешавад. Оид ба ин ва дигар муаммои ҳимояи ҳуқуқи кўдакон ба мудири бахш оид ба ҳуқуқи кўдаки Мақомоти иҷроияи ҳокимияти давлатии вилояти Суғд Муҳаббат Ҳомидова бо чанд суол муроҷиат намудем.

- Мўҳтарам муаллима имрўз бахш оид ба ҳуқуқи кўдаки Мақомоти иҷроияи ҳокимияти давлати вилояти Суғд фаъолияти худро чӣ гуна ба роҳ мондааст?

- Ташаккур: Бахш оид ба ҳуқуқи кўдаки Мақомоти иҷроияи ҳокимияти давлатии вилояти Суғд имрўз дар якҷоягӣ бо Кумитаи кор бо занон ва оила, Раёсати ҷавонон, варзиш ва сайёҳӣ, Хадамоти пешгирии ҳуқуқвайронунӣ байни ноболиғон ва ҷавонони Раёсати Вазорати корҳои дохилии Ҷумҳурии Тоҷикистон дар вилоят ва якҷоя бо худи падару модарон фаъолияташро ба роҳ мондааст. Ҳамчунин, баҳри пешгирӣ аз поймолшавии ҳуқуқи кўдак машварату вохўриҳо дар шаҳру ноҳияҳои вилоят ва ҷамоатҳои деҳот гузаронида мешавад.

 Дар баробари ин ҳамкориро бо кўдакистонҳо ба роҳ мондаем. Дар кўдакистон ҳамроҳи волидайн сўҳбатҳо гузаронида мешавад ва аз ҳуқуқҳои кўдак онҳоро бохабар менамоем. Зеро имрўз бисёре аз онҳо намедонанд, ки кўдак чӣ гуна ҳуқуқҳоро доро мебошад. Имрўз дар кишвар қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» қабул гардидааст. Баҳри мазмун ва моҳияти қонуни мазкурро фаҳмонидан дар ин самт вохўриҳо ташкил намудем ва оянда низ ин иқдомро давом медиҳем. Зеро яке аз масъалаҳои муҳим ин таълиму тарбия ва соҳибмаълумот намудани фарзанд мебошад.

- Дар ҷомеаи ҷаҳонӣ содир намудани ҷиноят аз ҷониби ноболиғон ба мушоҳида мерасад. Мегуфтед, ки ҷинояткорӣ дар байни ноболиғони вилоят чӣ гуна аст ва сабабҳои онро чӣ гуна шарҳ медиҳед?

- Мутассифона имрўз аз ҷониби ноболиғон содиркунии ҷиноят ба мушоҳида мерасад. Давоми соли гузашта аз ҷониби 155 ноболиғ 196 ҷиноят содир гардидааст. Ин нишондиҳандаҳо гарчанде нисбати соли 2014 коҳиш ёфта бошад ҳам, мо баҳри аз байн бурдани ҷинояткории ноболиғон кўшиш намуда истодаем. Асосан бештар дар шаҳрҳои Чкалов, Исфара, Истаравшану Панҷакент ва ноҳияи Бобоҷон Ғафуров ин амал бештар ба қайд гирифта шудааст. Албатта, агар кўшиш намоем ва ҳамкории худро бо ҷомеа мустаҳкамтар намоем, зина ба зина ин кор пеш меравад.

Имрўз боз муаммои - ин худкушии ноболиғон мебошад. Давоми соли 2015-ум 39  нафар ноболиғ худкушӣ кардаанд. Аз ин миқдор  6-7 нафарашон бо сабаби касалии рўҳӣ даст ба худкушӣ заданд. Доир ба фаҳмидани сабаб ва омилҳои даст ба худкушӣ задани ноболиғон корҳо рафта истодааст. Дар ин самт дар мактабҳо ҳамроҳи омўзгорон ва волидайни хонандагон сўҳбатҳо мегузаронем. Чун ин ҳолат ҳам омўзгорон ва волидайнро ба андеша водор кардааст. Зеро ки аксарияти ноболиғони ба чунин кор дастзананда аз оилаҳои солиманд, ки ягон камбудӣ дар он оила мавҷуд нест.

- Имрўз аз ҷониби падар ва модар нисбати кўдак чӣ гуна ҳуқуқвайронкуниҳо ба мушоҳида мерасад ва нисбати ин шахсон кадом тадбирҳо андешида мешавад?

- Воқеан ҳам дар аксар маврид аз ҷониби падару модар ҳуқуқвайронкуниҳо нисбати кўдак ба мушоҳида мерасад. Тибқи Конвенсияи ҳуқуқи кўдак ва Қонуни Ҷумҳурии Тоҷикистон «Дар бораи ҳуқуқҳои кўдак» кўдакон дар паноҳи давлат ва Ҳукумат мебошанд. Имрўз баҳри онҳо ҳамагуна шароити мусоидро давлат ва Ҳукумати кишвар фароҳам овардааст.

Бо вуҷуди ин ҳам ҳастанд падару модароне, ки фарзандашонро ятим мегузоранд. Бо сабаби ба муҳоҷирати меҳнатӣ рафтани аксарияти онҳо фарзандашонро ба хонаи кўдакон ва ё хешовандон, ҳатто ҳамсоягон месупоранд. Ин як навъ поймол намудани ҳуқуқи кўдак ба ҳисоб меравад. Аз ҷиҳати дигар ҳангоми вайроншавии оила низ нисбати кўдак чунин амал содир карда мешавад. Дар ин ҳангом кўдак ё аз ҳуқуқи дидани падар ва ё модар маҳрум мегардад. Танҳо бо қарори суд метавонад ин кор ҳалли худро ёбад.

Ҳамчунин, имрўзҳо ба комиссияи мо аризаҳое ворид мешаванд, ки аз поймолшавии ҳуқуқи кўдак шаҳодат медиҳад. Чунин аризаҳоро дар

комиссия баррасӣ менамоем ва бо қарорҳои комиссия, агар масъала ҳалли судӣ дошта бошад, ба суд пешниҳод менамоем. Ин ҳам бошад, агар аз ҷониби падар ё модар кўдак таҳқир ва ё аз ҳаққи дидани падару модар маҳрум гардида бошад, ба ятимхонаҳо супорида мешавад. Дар ин ҳолат суд бо қарори худ метавонад ин масъаларо ҳал намояд. Ҳангоми бо қарори суд ҷудо шудани оилаҳо, аксар маврид ҳодисаи надодани алимент ба фарзанд ба вуҷуд меояд. Ин ҳолат барои кўдак норасоиро ба вуҷуд меорад. Аз чунин шахсон тариқи суд бо маблағи муайян ҷарима ситонида мешавад.

- Нақшаҳои Шумо баҳри ҳимояи ҳуқуқу манфиатҳои кўдак дар соли 2016-ум чӣ гуна аст?

- Бахш оид ба ҳуқуқи кўдаки Мақомоти иҷроияи ҳокимияти давлатии вилояти Суғд дар ҷаласаи комиссияи худ нақшаи кори хешро тасдиқ намудааст. Баҳри ҳимояи ҳуқуқу манфиатҳои кўдакон давоми сол нақшаи чорабиниҳои зиёд ба назар гирифта шудааст. Ташкил ва баргузории чорабиниҳо дар мактаб-интернатҳо барои кўдакони ятиму бепарастор, мусоидат ба сафарбаркунии кўдакони ятиму бепарастор ба истироҳатгоҳҳои беруназшаҳрӣ ва наздимактабӣ яке аз самтҳои кори мо аст. Ҳамчунин, бахшида ба Рўзи байналмилалии ҳифзи кўдакон дар маркази вилоят ва ноҳияҳо таҳти шиори «Кўдакон ояндаи миллатанд» чорабинии хосае баргузор мегардад. Умуман, комиссияи бахш оид ба ҳуқуқи кўдак баҳри беҳтар намудани кори хеш чорабиниҳо ва вохўриҳои судмандро амалӣ хоҳад кард.

Баҳри кўдакони маъюб ва бепарастор ҳам аз ҷониби Пешвои миллат, мўҳтарам Эмомалӣ Раҳмон ва ҳам аз ҷониби Раиси вилоят, мўҳтарам Абдураҳмон Қодирӣ кўмакҳои ҳамаҷониба расонида мешавад…

- Барои сўҳбати самимӣ ба Шумо ташаккур мегўям.

- Саломат бошед.                                                                                                    

Сўҳбатнигор
Истамҷони НАҶМИДДИН

Читать далее

Маскани маърифат

Маориф яке аз соҳаҳои афзалиятноки  хоҷагии халқи кишвар буда, рушди он пайваста дар мадди таваҷҷӯҳи давлату ҳукумат қарор дорад. Дар доираи татбиқи дастуру нишондодҳои Асосгузори сулҳу Ваҳдати миллӣ - Пешвои миллат, мӯҳтарам Эмомалӣ Раҳмон ва Мақомоти иҷроияи ҳокимияти давлатии вилояти Суғд  оид ба таълиму тарбияи насли наврас дар ноҳияи Айнӣ тадбирҳои мушаххас андешида  мешавад.

Ҳамчун омӯзгори мактаб пешравиҳои соҳаи маорифро  ба хубӣ эҳсос менамоям. Ҷомеаи меҳнатии омӯзгорони таълимгоҳи моро, бахусус иқдомҳои пайвастаи Ҳукумати ҷумҳурӣ  дар хусуси ташкили  маҳфилҳои ҳунарӣ рӯҳбаланд сохт. Ташкили маҳфилҳои ҳунарӣ, аз қабили гулдӯзӣ, қолинбофӣ, сӯзанидӯзӣ, кулолгариву дуредгарӣ ва ҷалби хонандагон  ба омӯзиши он баҳри бедор кардани завқи зебоипа-растиву меҳнатдӯстии хонандагон мусоидат мекунад.

Дар муассисаи таҳсилоти миёнаи умумии 33-уми деҳаи Путхини  ноҳияи Айнӣ 168 нафар хонанда таълим  мегиранд.

Маҳз, ташкил шудани Маркази миллии тестии назди Президенти Ҷумҳурии Тоҷикистон дар таъмини  шаффофияти имтиҳоноти қабул ба донишгоҳҳои олии кишвар заминаи хуб гузошт.

Соли хониши сипарӣ 15 нафар хонанда мактаби моро хатм карда бошад, аз онҳо 7 нафарашон соҳиби унвони донишҷӯ гаштанд. Имсол бошад, теъдоди хатмкунандагони мо 27 нафаранд, ки аз онҳо 15 нафарашон  аз қайди  Маркази миллии тестӣ гузаштанд. Ҷорӣ шудани усулҳои фаъоли таълим  ва  истифода  аз аёниятҳои хониш яке аз омилҳои  асосии баланд бардоштани  сифати тадрис маҳсуб меёбад. Чун соҳаи маориф яке аз соҳаҳои муҳим арзёбӣ мегардад, мо - омӯзгорон мекӯшем, ки дар рушду нумӯи кишвар саҳмгузор бошему шахсони  созандаву ободкорро  тарбия намоем. Зеро, маҳз насли навраси имрӯза ва оянда ободгару бунёдкори Тоҷикистони навин аст.

Ибодулло МУҲИДДИНОВ,
омӯзгори МТМУ-и № 33,
ноҳияи Айнӣ

Читать далее