21 April 2016

Пайвандҳои маънавиро тақвият мебахшем!

Абдураҳмон Қодирӣ - Раиси вилояти Суғд:

Рўзҳои фарҳанги вилоятҳо бешубҳа ба рушди муносибатҳои мутақобилан судманд, барқарорсозии рафтуомади хешутаборӣ, сарҷамъ кардани нерўҳои солимфикри ҷомеа, мустаҳкамшавии ҳусни ҳамҷаворӣ ва бародарии минтақаҳо, муҳимтар аз ҳама, ҳифзи истиқлолияти давлатӣ ва ғояҳои ҷовидонаи он, таъмини амнияти миллӣ ва пойдории ваҳдат, таъмини сулҳу субот мусоидат менамояд.

Аз ин рў, ҳар яки мо вазифадор ҳастем, ки дар ин шароити пуртазоди зиндагӣ, вақте ки манфиатҳои геополитикии давлатҳои абарқудрат пешорўи ҷомеаи ҷаҳонӣ хатарҳои гуногунро эҷод мекунанд, ҳифзи манфиатҳои миллат, давлати миллӣ ва Ватани ободамонро таъмин карда тавонем ва ба наслҳои ояндаи худ як кишвари ободу пешрафтаро ба ёдгор гузорем.

Читать далее

Бадахшон чатри самини замин аст!

Шодихон ҶАМШЕД - Раиси Вилояти Мухтори Кӯҳистони Бадахшон:

Сокинони Вилояти Мухтори Кӯҳистони Бадахшон чун тамоми мардуми шарифи кишвари биҳиштосо ва сарзамини пургганҷамон ба ҷашнҳои муқаддаси миллӣ-19-умин солггарди Рӯзи Ваҳдати миллӣ ва 25 - солаггии Истиқлолияти давлатии Тоҷикистон омодаггӣ мебинанд. Мардуми сарбаланду меҳмоннавози Боми Ҷаҳон аз он ифтихорманданд, ки бо ҳидояти Асосггузори сулҳу Ваҳдати миллӣ - Пешвои миллат Эмомалӣ Раҳмон маротибаи дуюм ҷашни ҷумҳуриявии Ваҳдати миллӣ дар Бадахшон таҷлил меггардад ва ин шаҳодати он аст,, ки Сарвари давлат чун тамоми минтақаи кишвар ба ин минтақаи пургганҷу пурасрор ҳусни таваҷҷӯҳи хоса дорад.

Бадахшон бо қуллаҳои сафеду осмонбӯс, рӯду дарёҳои пуртуғён, чашмаҳои обашон софу дармонбахш ва муҳимтарин аз ҳама бештар бо одамони ганҷофару меҳмонпарвараш дар олам машҳур аст. Чуноне шоири ширинсухану ширинбаён, Қаҳрамони Тоҷикистон Мирзо Турсунзода фармудаанд:

Читать далее

Фестивал-озмуни «Либосҳои миллӣ»

Бо дастуру ҳидоятҳои Пешвои миллат, Президенти кишвар, мӯҳтарам Эмомалӣ Раҳмон анъанаву ҳунарҳои миллӣ ва меҳнати хонагии занону духтарон эҳё гардида, тавассути таъсиси коргоҳҳои истеҳсолӣ ба касбомӯзию шуғли доимӣ фаро гирифта шудани занону духтарон эҳё гардида, тавассути таъсиси коргоҳҳои истеҳсолӣ ба касбомӯзию шуғли доимӣ фаро гирифта шудани занону бонувон мусоидат намуд.

Бо мақсади тарғиб ва муаррифии намудҳои гуногуни матоъҳои миллие, ки дар ҳудуди ҷумҳурӣ истеҳсол карда мешавад, аз ҷумла, атлас ва адраси тоҷик, рушд ва истеҳсоли матоъҳои миллӣ ва ба ҳифзи истеҳсоли маҳсулоти ватанӣ дар миқёси вилоят фестивал-озмуни «Либосҳои миллӣ» эълон гардидааст. Шӯъбаи кор бо занон ва оилаи мақомоти иҷроияи ҳокимияти давлатии шаҳри Конибодом ҷиҳати иҷрои супоришҳои Кумитаи кор бо занон ва оилаи назди ҳукумати Ҷумҳурии Тоҷикистон ва қарори Раиси вилояти Суғд ва дар асоси нақшаи чорабиниҳои тасдиқгардидаи Раёсати кор бо занон ва оилаи Мақомоти иҷроияи ҳокимияти давлатии вилояти Суғд 15 апрел Фестивали шаҳрии «Либосҳои миллӣ»-ро  бо риояи ҳамаи талаботҳо ташкил ва баргузор намуд. Озмун дар литсейи касбии саноатӣ - кишоварзии шаҳр баргузор гардида,  тарроҳони беҳтарин маҳсули меҳнати худро нишон доданд. Озмун аз рӯи 5 намуди либосҳои миллӣ – беҳтарин либоси кӯдакона, беҳтарин либоси рӯзмарра, беҳтарин либоси расмӣ, беҳтарин либоси идона ва беҳтарин либоси қадимаи миллӣ ташкил гардида, 8 нафар тарроҳон аз ҳудуди шаҳр ва ҷамоатҳои деҳот ширкат варзиданд.   

Тарроҳи ҷавон Дилафрӯз Акбарова (аз Ҷамоати деҳоти Пӯлодон) ғолиби фестивал- озмун дониста шуд. Ҷои дуюм насиби Дилором Собирова (аз ҷамоати деҳоти Пӯлодон) гардид ва мавқеи сеюмро Муқаддас Мардонова (аз ҳудуди шаҳр)  ишғол намуд.

Дар чорабинии фарҳангӣ сардори Раёсати кор бо занон ва оилаи вилояти Суғд Нодира Мирзозода иштирок намуда, диплом ва тӯҳфаҳои хотиравии раиси шаҳри Конибодомро ба ғолибон ва иштирокчиёни фаъол  супурд.

Парвина АБДУЛЛОЕВА,
шаҳри Конибодом

Читать далее

Натиҷабардорӣ аз фаъолияти семоҳа

Дар маҷлисгоҳи мақомоти иҷроияи ҳокимияти давлатии шаҳри Конибодом бо иштироки муовини Раиси вилояти Суғд Назира Ғаффорӣ, роҳбарияти шаҳр, фаъолон, сарварони сохторҳо ва ташкилоту муассисаҳо ҷаласаи ҷамъбастӣ баргузор гардид.

Дар он натиҷаи фаъолияти хоҷагии халқи шаҳр дар се моҳи аввали соли ҷорӣ мавриди баррасӣ қарор дода шуд. Муовини раиси шаҳр Асрор Ғуфронзода дар назди иштирокдорон маърӯза намуд. Чуноне, дар ҷараёни ҷаласа зикр шуд, дар самти корҳои ободонӣ соли 2016 сохта, ба истифода додани 25 иншооти таъиноташон гуногун ба нақша гирифта шуда, дар давраи ҳисоботӣ 7 иншоот мавриди баҳрабардорӣ қарор гирифтааст. Оид ба таъмиру нигаҳдории роҳҳо ба маблағи 129743 сомонӣ корҳо ба иҷро расонида шуданд.

Раиси шаҳр Ғайбулло Боҳирӣ аз роҳбарони корхонаҳое, ки дар ин давра тамоман фаъолият накарда, сабабҳои пастравию кашолкориҳо шудаанд, пурсон шуда, барои беҳтар ба роҳ мондани истеҳсолот супоришҳои қатъӣ дод.

Дар ҷаласа ҳамчунин муовини Раиси вилоят Назира Ғаффорӣ баромад намуда, оид ба дастовардҳо ва камбудиҳои ҷойдошта сухан ронд ва баҳри ислоҳи онҳо дастурҳои мушаххас дод.

Парвина АБДУЛЛОЕВА,
шаҳри Конибодом

Читать далее

Хонаводаи солим - ҷомеаи солим

ё Сарчашмаи ба камолот расонидани фарзанд.

Хонавода муҳимтарин мактаби урфу одат мебошад. Инсон қадамҳои аввалини худро дар  оила гузошта, тамоми хусусиятҳои ҳаёти хонаводагӣ, равиши маънавию ҷамъиятӣ, майлу рағбат, муносибатҳои байниинсонӣ, сифатҳои ахлоқию сиёсии шахсият маҳз он ҷо инкишоф меёбад. Маҳз дар хонавода фарзандон ба камол расида, дар ҳастии онҳо хислатҳои неки инсонӣ, қобилияти бадеиву эҷодӣ, дарки воқеӣ, нерўи маънавӣ, фикрӣ, ҷисмонӣ ва тамоми паҳлўҳои санъат, хосатан, зебоифаҳмӣ  инкишоф меёбанд. Бинобар ин, ба омодасозии насли наврас ба ҳаёти хонаводагӣ эътибори бағоят ҷиддӣ додан лозим аст.

Мақсади ҷомеаи мо саодати мардум буда, яке аз муҳимтарин ҷузъҳои он хонаводаи қавию солим ба шумор меравад.

Дар кишвари мо ба шарофати сиёсати созандагӣ ба ҳаёти хонаводагӣ эътибори ҷиддӣ дода мешавад. Хонавода, яъне оила дар ҳимояи давлат қарор дорад. Аз ин ҷиҳат тарбия намудан ва ба камол расонидани фарзандон қарзи муҳим ва вазифаи масъулиятталаби волидон дар назди ҷомеа, миллату Ватан, умуман инсоният мебошад.

Ҳаёти хонавода аз одамон донишу малака ва ҳунару маҳорат талаб мекунад, ки ин ҳама аз вазифаи масъули падару модар ибтидо гирифта, минбаъд дар зиндагии ҳаррўза ташаккул меёбад.

Эҳтиром ва эҳтиёти муқаддасот сарчашмаи нерўи маънавӣ, эътиқоди ғоявӣ ва меросбари ахлоқии наслҳо ба ҳисоб меравад. Барои сиҳатии ҷисмонӣ ва равонии фарзанд пайваста ғамхорӣ намуда, ўро ба мактаб омода кардан ва барои инкишофи қобилияташ шароити зарурӣ муҳайё намудан зарур аст. ҳуқуқ ва қадру қиммати  фарзандонро низ ҳимоя бояд кард. Инак, ҳама гуна принсипи маънавиеро, ки дар синни хурдӣ дар хонавода азхуд мешавад, насли наврас аз ҳаракату муносибат ва рафтору гуфтори одамон дарси маънавӣ мегирад ё қонунҳои ахлоқро меомўзад.

 Никоҳи хешутаборӣ миёни мардум чун оини веҷа мўҳтарам буд ва хонаводаҳо  баъзан фарзандони худро аз гаҳвора бо ҳам ба истилоҳ « бахш, ҷуфт» мекарданд. Ба ҷурми ин оин миёни хешутабор низоъ бархоста, чунин аҳду паймон боиси бунёди хонаводаҳои маҷбурӣ мегаштанд ва оқибат ба номуродиҳо  мерасонданд. ҳангоми хонадоршавӣ ризогии падару модарро гирифтан неку савоб аст ва онҳоро роҳнамои некбахтию хушрўзӣ медонанд, Аммо боз саволҳои дигар пеши рў меоянд, ки посухи амиқу муътамад мехоҳанд. Масалан, чаро  писарамонро бо духтари писандидааш хонадор намекунем ё баръакс?  Чаро онҳо маҷбуран духтари амма, тағо, холаро ба занӣ гиранд? Оё ин раво бошад?

Барои бунёди оилаи ҷавон бояд муҳаббат, дўстиву рафоқати бехалал пойдор бошад. Он вақт фарзандони солим ба дунё меоянд.

Охири ҳазораи дуюм ва ибтидои ҳазорсолаи сеюм илми тиб исбот кард, ки аксари бемори хусусияти ирсӣ дораду аз насл ба насл мегузарад. Сироят ёфтан аз чунин бемориҳо миёни оилаҳое, ки бо никоҳи хешутаборӣ бунёд шудаанд, хеле зиёд мебошад. Эҳтимоли таваллуди кўдакони носолим дар ин хонаводаҳо ба фоиз, болост! Генҳое, ки дар ҷавонони зану шавҳаршуда носолим ҳастанд, боиси пайдоиш ва тавлиди тифли носолим мегарданд. ҳар инсон ҳазорҳо ген дорад, ки дорои хусусиятҳои манфӣ ва ё мусбат ҳастанд. Фаъолияти баъзе генҳо нодуруст ҷараён мегирад, ки ин аз таъсири муҳити зист ба зуҳур меояд. Агар  инкишофи ҷанин ба ҳукми чунин ген бошад, албатта, кўдаки носолим тавлид мешавад. Агар таъсири табиати атроф ба яке аз генҳо расад, он вақт дар  кўдакон вайроншавии аломатҳо, ба мисли ранги мўй, афту андом, қаду баст, хислат ва ғайра ба мушоҳида мерасанд. Аз ин рӯ,  ин гуна бемориҳо ва ноҷўрии ҷисму рўҳ ба насли оянда ба таври ирсӣ мегузарад. Ба андешаи баъзе олимон, агар аз никоҳи хешутаборӣ фарзандони солим таваллуд шаванд ҳам, аммо дар ҷараёни ба воя расидан ва камол ёфтан эҳтимоли гирифторӣ  ба бемориҳои гуногун ҳаст ва ин аз қабили камақлӣ, инкишофи сусти организм, каҷшавии устухонҳо ва ғайраҳо зуҳур мекунад. Никоҳи хешутабориро имрўз аз паҳлўҳои мухталифаш бояд таҳқиқ ва тадбир кард, зеро сухан натанҳо оид ба кўдакони носолим меравад, балки ҷанбаҳои иҷтимоӣ, иқтисодӣ, равонӣ ва фарҳангии он низ пеши назаранд. Ин омил танҳо раванди хурди биологӣ ё психологӣ набуда, ба сохтори ҷамъиятӣ низ таъсир мерасонад. Баъзе бемориҳо на дар насли аввали издивоҷи хешутаборӣ, балки дар насли баъдӣ хурўҷ мекунанд.

Бо мақсади пешгирӣ аз оқибатҳои чунин издивоҷи хешу таборӣ дар қисме аз давлатҳои пешрафта машваратгоҳҳои махсуси тиббию генетикӣ фаъолият мекунанд, то ки арўсу домод қаблан аз ташхис гузашта, оилаи солим бунёд созанд. Дар Тоҷикистон бо вуҷуди таблиғоту дастурҳо ва ҳидоятҳои пайваста нигоҳи хешутаборӣ коҳиш намеёбад. ҳарчанд машваратгоҳҳои махсуси тиббию генетикӣ  таъсис додаанд, аммо одамон ба ҷурми боз ҳамон мафкураи қаблӣ машварат маслиҳат шунидан намехоҳанд. ҳанўз ҳам донистанӣ нестанд, ки издивоҷи хешутаборӣ метавонад паёмадҳои нохуш бидиҳад. 

Матлюбахон Умарова,
номзади илмҳои педагогӣ, устоди кафедраи педагогикаи
умумии ДДХ ба номи Бобоҷон Fафуров

Читать далее

Пули миллӣ рукни муҳими асосии рӯзгор аст!

Тавассути он симои хосу фарқкунандаи халқу давлат шинохта мешавад.

Тибқи меъёрҳои Конунститутсия ва қонунгузориҳои ҷорӣ Пули миллӣ  аз ҷумлаи  нишонаҳои асосии миллат ва давлат ба ҳисоб рафта ҳар, фарди ҷомеа вазифадор аст, нисбат ба он эҳтиром дошта бошад. Эҳтироми пули миллӣ эҳтироми миллату давлат буда, баланд бардоштани устувории он вазифаи ҳар як шаҳрванди Тоҷикистон аст.

Баъди соҳибистиқлол гардидани Ҷумҳурии Тоҷикистон, дар асоси Фармони Президенти Ҷумҳурии Тоҷикистон аз 30 октябри соли 2000  воҳиди пулии Ҷумҳурии Тоҷикистон сомонӣ муайян карда шуда. Талаб гардид, ки дар қаламрави Тоҷикистон ҳама ҳисоббаробаркуниҳо бояд бо пули сомонӣ амалӣ гардонида шавад. Зеро мусаллам аст, ки дар муомилот будани асъори хориҷӣ дар ҷумҳурӣ ҳамчун воситаи харид, ба ноустуворӣ ва беқурбшавии  асъори миллӣ  расонида, дар натиҷа  ба иқтисодиёти давлат ва низоми молиявии он таъсири ҷиддӣ меорад.

Мувофиқи  талаботи моддаи 1 Қонуни Ҷумҳурии Тоҷикистон “Дар бораи иҷозатномадиҳӣ ба баъзе намудҳои фаъолият” иҷозатнома (литсензия)-иҷозати махсусе, ки барои амалӣ намудани фаъолияти мушаххас бо риояи ҳатмии шарту талаботи иҷозатномадиҳӣ онро мақомоти иҷозатномадиҳанда ба шахси ҳуқуқӣ ё соҳибкори инфиродӣ додааст, мебошад.

Фаъолият оид ба анҷомдиҳии амалиёт бо асъори хориҷӣ ба номгӯи махсуси намудҳои фаъолияте, ки барои амалӣ намудани онҳо иҷозатнома зарур аст, шомил буда, иҷозатнома аз тарафи мақомоти ваколатдори соҳа- Бонки миллии Тоҷикистон дода мешавад.

Нуқтаи мубодилаи асъор – ҷои махсусест, ки дар он ташкилоти қарзӣ ва шахси воқеӣ-соҳибкори инфиродӣ дар асоси Иҷозатномаи Бонки миллии Тоҷикистон амалиёти мубодилаи асъорро бо муштариён анҷом медиҳад. Қонунгузорӣ анҷом додани мубодилаи асъорро дар ҷои дигар манъ намудааст.

Дар асъори миллии мо, расми шахсони барўманди миллат, ҷойҳои таърихӣ таҷассум ёфтаанд. Ин ҳама ифтихори ватандорӣ, ҳисси баланди миллӣ, эҳтиром ба арзишҳои фарҳангу миллат буда, мо вазифадорем, ки ин муқаддасотро гиромӣ дорем.

Мутаасифона, гоҳо шаҳрвандон ҳамин рисолати асили хешро фаромӯш месозанд ва талаботи қонунгузориҳоро риоя намекунанд, дидаву дониста қонуншиканӣ менамоянд. Аз ҷониби баъзе аз шаҳрвандон ва соҳибкорони алоҳида бар хилофи талаботҳои дар боло зикргардида, дар марказҳои савдо, нуқтаҳои фурӯш ва бозорҳои шаҳри Хуҷанд бе ягон асос ба хариду фурӯши асъори хориҷӣ машғул

Чунин муносибати шаҳрвандон ҷиҳати эҳтироми пули миллӣ ва дигар арзишҳои миллии хеш боиси рӯз, ки рӯз аз рӯз беқуршавии асъори миллӣ гардида истодааст.

Аз ҷониби прокуратураи шаҳри Хуҷанд бо мақсади баланд бардоштани қурби асъори миллӣ, муташаккилона гузаронидани санҷишҳо дар ин самт ва бартараф намудани қонуншиканиҳои ҷойдошта бо ҷалби кормандони мақомотҳои ҳифзи ҳуқуқ ва назоратӣ гурӯҳи корӣ созмон дода шуд. Гурӯҳи корӣ барои барҳам додани саррофоне, ки ғайриқонунӣ дар гирду атрофи бозори “Панҷшанбе” ва бозори “Баракат”-и маҳаллаи 34-и шаҳри Хуҷанд ба хариду фурӯши асъори миллию хориҷӣ машғул мебошанд, санҷишҳои ҷиддӣ гузаронида, як қатор қонуншиканиҳо ошкор ва бартараф карда шуданд.

Чунончӣ, зимни гузаронидани санҷишҳо муайян карда шуд, ки шаҳрванд Сиддиқов Толиб Тоҳирович - истиқоматкунандаи шаҳри Хуҷанд, бархилофи талаботҳои қонунҳои амалкунандаи Ҷумҳурии Тоҷикистон ғайриқонунӣ бе қайди мақомоти андоз ва бе иҷозатномаи махсус дар кӯчаи ба номи Ҷӯра Зокирови шаҳри Хуҷанд ба фаъолияти ғайриқонунии ивази асъори хориҷӣ машғул гардида, бо чунин фаъолияти худ ба коста гардонидани қурби асъори миллӣ даст зада, рисолати шаҳрвандиашро гиромӣ намедорад. Дар натиҷаи гузаронидани санҷиш санаи  7-уми январи соли 2016 ӯ аз ҷониби кормандони мақомоти ҳифзи ҳуқуқ боздошт ва нисбаташ бо моддаи 541 КҳМ ҶТ парвандаи ҳуқуқвайронкунии маъмурӣ оғоз карда шуд.

Айнан ба ҳамин монанд дар назди бозори “Баракат”-и маҳаллаи 34-ум 3 нафар ва дар минтақаи бозори “Панҷшанбе”-и шаҳри Хуҷанд 8 нафар саррофони ба фаъолияти ғайриқонунӣ машғул буда, боздошт шуда, нисбаташон бо моддаи 541 КҳМ Ҷумҳурии Тоҷикистон парвандаҳои ҳуқуқвайронкунии маъмурӣ оғоз ва барои барраси ба суди шаҳри Хуҷанд ирсол карда шуданд.

Ҷоиз ба зикр аст, ки тибқи талаботи моддаи 541 КҳМ Ҷумҳурии Тоҷикистон барои муомилоти ғайриқонунӣ бо асъори хориҷӣ бо роҳи харид, фурӯш, иваз ё истифодаи он ба сифати дигар воситаҳои пардохт ҷавобгарии маъмурӣ ба андозаи аз 10 то 20 нишондиҳанда барои ҳисобҳо бо мусодираи ашёи ҳуқуқвайронкунии маъмурӣ пешбинӣ шудааст. Агар давоми сол баъд аз ҷавобгарии маъмурӣ кашидан, чунин кирдор такроран содир шавад, тибқи қисми 1 моддаи 286 КҶ Ҷумҳурии Тоҷикистон ҷавобгарии ҷиноятӣ пешбинӣ шудааст.  Дар сурати арзиши ашёи муомилот аз панҷсад нишондиҳанда барои ҳисобҳо зиёд бошад, ҷавобгарии ҷиноятии дар қисми 2 моддаи 286-и Кодекси Ҷиноятӣ пешбинӣ шуда, татбиқ мегардад. Таҳлилҳо нишон доданд, ки новобаста аз оне, ки қонунгузорӣ нисбати нафароне, ки ба муомилоти ғайриқонунӣ бо асъори хориҷӣ даст доранд, чунин ҷавобгариҳоро пешбинӣ карда бошанд ҳам, ҳастанд нафароне, ки дидаю дониста ба чунин амалҳои ғайриқонунӣ даст мезананд.

Чунончӣ, зимни гузаронидани санҷишҳо дар маҳаллаи 34-и шаҳр муайян карда шуд, ки новобаста аз он, ки дар асоси қарори Суди шаҳри Хуҷанд аз 9-уми апрели соли 2015 шаҳрванд Исломов Саидамир Асрорович бо моддаи 541 КҳМ Ҷумҳурии Тоҷикистон ба ҷавобгарии маъмурӣ кашида, ба андозаи даҳ нишондиҳанда барои ҳисобҳо баробар ба 400 сомонӣ ба фоидаи давлат ҷарима таъин карда шуда бошад ҳам, хулосаи зарурӣ набароварда, боз кирдорҳои ғайриқонунии худро идома дод. Дар раванди гузаронидани санҷишҳо санаи 8-уми январи соли 2016  тақрибан соати 11-30 дақиқа шаҳрванд Исломов С.С. ҳангоми иваз намудани маблағи 100 доллари ИМА аз ҷониби кормандони ҳифзи ҳуқуқ боздошт ва нисбаташ аз ҷониби прокуратураи шаҳри Хуҷанд бо моддаи 286 КҶ Ҷумҳурии Тоҷикистон парвандаи ҷиноятӣ оғоз карда шуд.

ҳангоми гузаронидани санҷиш санаи 6-уми январи соли 2016 муайян карда шуд, ки шаҳрванд Наврӯзов Хуршед Абдураҳмонович - истиқоматкунандаи шаҳри Хуҷанд маҳаллаи 31, бинои 10, ҳуҷраи 44, ба сифати фурӯшанда дар Маркази савдои “Бадри Мунир” –и шаҳри Хуҷанд кор карда, бо роҳи муомилоти ғайриқонунӣ бо асъори хориҷӣ – доллари ИМА санаи 6-уми январи соли 2016 тақрибан соати 12-18 дақиқа ба шаҳрванд Абдуллоев Намозалӣ Қурбонхонович, мағозаи №16 воқеъ дар Маркази савдои “Баҳор”-и шаҳри Хуҷандро ба маблағи 9000 доллари ИМА нархгузорӣ намуда, баъди гирифтани маблағи 3000 доллари ИМА ҳамчун маблағи пешпардохт, охирин аз ҷониби кормандони ҳифзи ҳуқуқ боздошт ва далелҳои шайъӣ - маблағи 3000 доллари ИМА аз ӯ гирифта шуданд.

Айнан ба ҳамин монанд аз ҷониби прокуратураи шаҳри Хуҷанд нисбати шаҳрвандон Раззоқов Илҳом Абдувалиевич, Ахмедов ҳабибулло Негматович, Абдуллоев Орифҷон Фатҳуллоевич, Абдуллоев Толибҷон Абдураҳимович ва дигарон бинобар сабаби даст ба муомилоти ғайриқонунӣ бо асъори хориҷӣ заданашон бо моддаи 286 КҶ Ҷумҳурии Тоҷикистон парвандаҳои ҷиноятӣ оғоз карда шуд.

Дар давраи соли 2015 аз ҷониби прокуратураи шаҳри Хуҷанд нисбат ба 41 нафар шаҳрванд бо аломатҳои моддаи 541 Кодекси ҳуқуқвайронкунии маъмурии Ҷумҳурии Тоҷикистон парвандаҳои ҳуқуқвайронкунии маъмурӣ ва нисбат ба 13 нафар бо мддаи 286 КҶ Ҷумҳурии Тоҷикистон парвандаҳои ҷиноятӣ оғоз карда шудааст. Танҳо дар як моҳи соли 2016 бошад аз ҷониби прокуратураи шаҳри Хуҷанд нисбат ба 10 нафар чунин қонунвайронкунандагон бо моддаи 286-и Кодекси Ҷиноятӣ парвандаҳои ҷиноятӣ ва нисбат ба 15 нафар бо моддаи 541 Кодекси ҳуқуқвайронкунии маъмурии Ҷумҳурии Тоҷикистон парвандаҳои ҳуқуқвайронкунии маъмурӣ оғоз карда шуда, мавриди баррасӣ қарор гирифтаанд.

Таҳлилҳо нишон медиҳанд, ки сабаби асосии даст ба ҳуқуквайронкуниҳо ва қонуншиканиҳо задани шаҳрвандон аз он иборат мебошад, ки эҳтироми хосаи онҳо нисбат ба пули миллӣ то андозае коста гардида, аз тарафи дигар, аз ҷониби мақомотҳои марбута дар сатҳи зарурӣ ба роҳ намондани ӯҳдадориҳои хизматӣ мебошад. Мушоҳидаҳои вақтҳои охир худ гувоҳи онанд, ки дар ҳақиқат дар аксарияти нуқтаҳои савдои шаҳри Хуҷанд молу маҳсулот озодона бо асъори хориҷӣ ба фурӯш бароварда мешавад. Вале новобаста аз он, ки чунин ҳолатҳо мушоҳида шаванд ҳам, шахсони ба ҷавобгарӣ кашида намешаванд. Бинобар ин зарур аст, ки ба ҳар як ҳолати ошкор намудани қонунвайронкуниҳо тадбирҳои зарурӣ ва чораҳои дахлдор андешида шаванд.

Сӯҳроб САМИЗОДА,
ёрдамчии калони прокурори шаҳри Хуҷанд,
мушовири
 адлияи дараҷаи 3 

Читать далее

Ҷалби ҷавонон ба касбомӯзӣ

Дар асоси нақша-чорабиниҳои Вазорати меҳнат, муҳоҷират ва шуғли аҳолӣ ва Вазорати маориф ва илми Ҷумҳурии Тоҷикистон бо мақсади ҷалби ҷавонону хонандагон ба касбомӯзӣ дар литсейи касбии саноатӣ- кишоварзӣ шаҳри Конибодом рӯзи «Дарҳои кушод» баргузор гардид.

Дар он аз 38 муассисаи таълимии шаҳрамон хонандагон ҳамроҳи омӯзгорони худ ташриф оварда, бо шароити таълимгоҳ аз наздик шинос гардиданд. Зимни шиносоӣ онҳо дар ҷараёни соатҳои таълимӣ иштирок намуда, аз сехҳои истеҳсолӣ, базаи моддӣ-техникии таълимгоҳ, майдончаи автомобилронӣ, толори варзишӣ, ошхона ва хобгоҳ дидан намуданд.

Читать далее

Ҷонибдори иқдоми нек

Дар ҷаҳон 22 апрел ҳамчун Рӯзи умумиҷаҳонии Замин шинохта шуда, он дар Тоҷикистон аз соли 1988 қайд карда мешавад. Ин санаи экологӣ боз як имкониятест барои ёдрас намудан ба инсон оиди проблемаҳои ифлосшавии обу ҳаво, замин ва истифодаи захираҳои табиӣ. Чи хеле, ки Асосгузори сулҳу ваҳдати миллӣ – Пешвои миллат, Президенти кишвар, мӯҳтарам Эмомалӣ Раҳмон гуфтаанд:

«Заамин боигарии асосии мамлакати мост, зеро он олоти истеҳсоли масолеҳи кишоварзӣ, омили муҳими ғизоофарин, фаровонии дастархони мо мебошад. Ояндаи ҷумҳурӣ, ояндаи халқи Тоҷикистон аз бисёр ҷиҳат ба он вобаста аст, ки муносибат бо замин дар кишвари мо чӣ гуна ба роҳ монда мешавад.

Замин дар асоси Конститусия (Сарқонун)-и Ҷумҳурии Тоҷикистон моликияти истисноии давлат буда, давлат истифодаи самараноки онро ба манфиати халқ кафолат медиҳад.

Рӯзи Заамин ҳушдор медиҳад, ки муносибати ғамхорона доштан ба Сайёра – вазифаи ҷонии ҳар як инсони рӯи Заамин аст. Мақсади асосии таҷлили Рӯзи Замин такон додани фаъолияти одамон дар минтақаҳо, шаҳру шаҳракҳо ва маҳаллаҳо мебошад, то ки дар доираи ҳифзи муҳити зист кори мушаххасеро анҷом диҳанд.

Тибқи фарзия, асосгузори Рӯзи Замин шахсе бо исми Мортони амрикоӣ маҳсуб меёбад. Дар макони нав ӯ мавзеи беканореро дид, ки дарахтони тоқа ҳар ҷо-ҳар ҷо рӯида буданд. Мортон ҳамроҳи оилаи худ дар ҷойҳои холӣ ба шинонидани дарахт машғул шуд ва бо ин кораш таваҷҷӯҳи шахсони дигарро ҷалб намуд. Соли 1872 Мортони ташаббускор пешниҳод кард, ки як рӯзро ҳамчун Рӯзи Дарахт муқаррар намоянд, то шаҳрвандон он рӯзи худро ба шинонидани дарахт бахшанд. Ин иқдоми нек ҷонибдорони зиёд пайдо кард ва дар аввалин Рӯзи Дарахт аз ҷониби шаҳрвандон қариб 1 миллион бех дарахт шинонида шуд. Дар соли 1882 дар иёлоти Небраска 22 апрел ба таври расмӣ Рӯзи Дарахт эълон карда шуд. Соли 1970 диққати асосии ҷашнгирандагони Рӯзи Дарахт ба масъалаи тарғиботи муҳимиятии муҳити зист равона гардида буд. Ин воқеа боиси он гашт, ки Рӯзи Дарахт ба Рӯзи замин табдили ном кунад. Ҷашнгирии Рӯзи Заамин хусусияти байналмиллалӣ касб кард ва бо мақсади тарбияи экологии насли наврас гузаронидани ҳар гуна чорабиниҳо барои ҳалли проблемаҳои экологӣ нигаронида шуда буд.

Айни ҳол Рӯзи замин дар 170 кишвар таҷлил карда мешавад. Аз рӯи анъана дар ин рӯз ҳамаи мардум назди ҳавлиҳо ва кӯчаҳои худро ба тартиб медароранд ва ба кабудизоркунӣ машғул мешаванд.

Саодат ШАРИФОВА

Читать далее