26 April 2016

Шиносоӣ бо рафти корҳои барқарорсозии Беморхонаи минтақавии мубориза бо бемориҳои сили Деҳмой

Раиси вилояти Суғд Абдураҳмон Қодирӣ аз ноҳияи Спитамен ба ноҳияи Ҷаббор Расулов ташриф оварда, рафти корҳои таъмиру барқарорсозии Беморхонаи минтақавии мубориза бо бемориҳои сили Деҳмойи ноҳияи Ҷаббор Расуловро мавриди таваҷҷӯҳ қарор дод.

Бояд гуфт, ки қисми асосии беморхонаи мазкур бо сабаби хеле таъмирталаб гардидан аз соли 2010 инҷониб аз фаъолият боз монда буд. Ниҳоят соли 2014 Ҳукумати мамлакат бо дастгирии молиявии Бонки рушди Олмон ба маблағи 27 миллион сомонӣ лоиҳаи барқарорсозӣ ва муҷаҳҳазонии беморхонаро роҳандозӣ намуд. Беморхонаи мубориза бо касалиҳои сили Деҳмой соли 1971 таъсис ёфта, азнавсозии он дар доираи Барномаи миллии ҳимояи аҳолӣ аз бемориҳои сил дар Ҷумҳурии Тоҷикистон барои солҳои 2010-2015 амалӣ карда мешавад. Беморхона барои 200 кати беморӣ пешбинӣ шуда, дар он 18 нафар духтурони соҳибихтисос ба мӯҳтоҷони табобат хизмат хоҳанд расонид.

Читать далее

Шиносоӣ бо рафти сохтмони мактаби хусусӣ ва гармхонаи ҶСШК «Нексигол» дар Спитамен

Зимни сафар ба ноҳияи Спитамен Раиси вилояти Суғд Абдураҳмон Қодирӣ дар шаҳраки Нов бо рафти сохтмони муассисаи таълимӣ шинос шуд.

Мактаби хусусӣ аз ҷониби соҳибкори маҳаллӣ Анвар Ишонқулов бунёд карда шуда, дуошёна мебошад ва барои 200 нафар дар як баст пешбинӣ шудааст. Раиси вилоят ба масъулини соҳаи маориф ва худи соҳибкор тавсия дод, ки фаъолияти мактабро бо усули инноватсионӣ ба роҳ монанд ва ба он беҳтарин толибилмону омӯзгоронро ҷалб намоянд.

Читать далее

Ифтитоҳи мактаби нав дар ҷамоати Сарбанди ноҳияи Спитамен

Зимни сафари корӣ ба ноҳияи Спитамен, ки имрӯз, 26 апрел ба вуқӯъ пайваст, Раиси вилоят Абдураҳмон Қодирӣ дар маросими ифтитоҳи як мактаби нав дар шаҳраки Ҷомии ҷамоати Сарбанд иштирок намуд.

Шаҳраки Ҷомӣ аз нуктаҳои наздисарҳадӣ ба ҳисоб рафта, моҳи ноябри соли гузашта тибқи дархости сокинону омӯзгорони маҳал барои бунёди муассисаи нави таълимӣ дар ин мавзеъ санги асос гузошта шуд. Инак, бо маблаггузории мақомоти иҷроияи ҳокимияти давлатии вилоят дар ҳаҷми 2 миллиону 800 ҳазор сомонӣ давоми 4 моҳ аллакай  мактаби нави рақами 32 қомат афрохт. Бинои мактаб якошёна буда, аз ҳашт синфхона иборат мебошад ва барои 480 хонанда дар ду баст пешбинӣ шудааст.

Читать далее

Кирмакпарварӣ: Омилҳои рушди соҳа

Бо дастуру супориши Раиси вилоят Абдураҳмон Қодирӣ соли равон ҷараёни тақсимоти кирмак дар шаҳру ноҳияҳо дар давоми 2-3 рўз анҷом дода шуд, ки ин ба пурра риоя гардидани агротехникаи парвариши кирмак мусоидат кард.

Тибқи дастуру супоришҳои Президенти мамлакат, Ҷаноби Олӣ Эмомалӣ Раҳмон тайи чанд соли охир ба рушду равнақи соҳаи кирмакпарварӣ дар мамлакат эътибори ҷиддӣ дода мешавад. Зеро тайёр намудани бирешими хом аз касбу ҳунарҳои миллии қадимии мардуми кишвар ба ҳисоб рафта, равнақ бахшидани он ба рушду такомули саноати сабук мусоидат хоҳад кард.

Бо дарки муҳимияти ин масъала дар вилояти Суғд имсол мувофиқи нақшаи дурнамо 14.622 қуттӣ тухмии кирмак ба кирмакпарварони шаҳру навоҳӣ тақсим карда шуда, бояд аз он 658 тонна ашёи хоми гаронбаҳо-пилла ба даст оварда шавад. То имрўз, чӣ хеле сариқтисодчии идораи «Пилла»-и вилоят Муҳаббат Fаниева изҳор дошт, 11.592 қуттӣ тухмии кирмак ба шаҳру навоҳии Конибодом, Бобоҷон Fафуров, Ашт, Деваштич, Зафаробод, Исфара, Мастчоҳ, Спитамен тақсим карда шуд. Дар ин шаҳру ноҳияҳо кирмак то синни 5-ум расида, дар бархе шаҳру навоҳӣ, аз ҷумла Конибодом, Мастчоҳ, Спитамен аз 28 апрел то 1-уми май аллакай ба пиллачинӣ шурўъ мекунанд. Дар шаҳру навоҳии Истаравшан, Панҷакенту Айнӣ бо сабаби шароити обу ҳаво тақсимот дертар сурат мегирад. Дар шаҳри  Исфара бошад, тақсимоти қуттии тухмӣ имрўзҳо идома дорад.

Солҳои пеш бо дарназардошти муҳимияти ин ашёи хоми саноатӣ барои пешбурди иқтисодиёт ва рўзгори мардум ба оилаҳои кирмакпарварон маблағи пешпардохт, маводи зарурӣ барои ҷиҳозонидани хонаи кирмакнигоҳдорӣ, ҳезум дода мешуд, ки ин боиси ҳавасманд гаштани сокинон, бахусус баҳри таъмин шудан бо ҳезум, орду равған мегардид. Оё ин анъанаҳо то ҳол риоя мешаванд?

Сариқтисодчии идораи «Пилла»-и вилоят гуфт, соли равон ҳини тақсимоти кирмак ба кирмакпарварон тибқи шартнома 50 сомонӣ пешпардохт карда шуд. Ҳамчунин, ба ҳар оила маводи зарурӣ, аз ҷумлаи ҳароратсанҷ, коғаз муҳайё карда шуд. Ҳангоми супоридани пилла бошад, аз кирмакпарвар маблағи тухми кирмак, ҳароратсанҷ, коғаз ситонида шуда, сипас ба ҳар кило 10 сомонӣ маблағ дода мешавад.

Тавре аз сухани сариқтисодчии идораи пилла аён гашт, имсол ба кирмакпарварон тухмии навъи хитоӣ тақсим карда шуда, он ба иқлими вилоят тобовар аст ва хурсандона, то ҳол ягон ҳодисаи ба касалӣ гирифтор шудани кирмак ба қайд гирифта нашудааст. Ҳамчунин, М.Fаниева иброз дошт, ки бо дастуру супориши Раиси вилоят Абдураҳмон Қодирӣ соли равон ҷараёни тақсимоти кирмак дар шаҳру ноҳияҳо дар давоми 2-3 рўз анҷом дода шуд, ки ин ба пурра риоя гардидани агротехникаи парвариши кирмак мусоидат кард.

Ҷоиз ба зикр аст, ки чанд хоҷагии ноҳияи Бобоҷон Fафуров, аз ҷумла «Пўлод Бобокалонов», ба номи Раҳбар Қосимов ва «Хоҷабоқирғон» пиллаи тухмӣ истеҳсол мекунанд ва ба ин хоҷагиҳо тухмии кирмак аз ҳисоби «Корхонаи фаръии истеҳсоли тухми кирмак»-и шаҳри Хуҷанд пешниҳод карда мешавад. Тавре сармуҳандиси муассиса Саиднисо Аҳмадова зикр кард, имсол 560 қуттӣ тухмии кирмак ба кирмакпарварони ин хоҷагиҳо тақсим мегардад. Ба хоҷагии ба номи Пўлод Бобокалонов аллакай тақсимот гузаронида шуда, баробари тақсимот ба ҳар қуттӣ 50 сомонӣ пули нақд дода шуд.

Тибқи суханони сармуҳандис дар кори зуд анҷом додани тақсимоти кирмак ба сокинон мутахассиси Ҷамоати деҳоти Fозиён Мунирахон Сатторова мусоидат намуд. Имрўзҳо бошад, тақсимот дар хоҷагиҳои Ҷамоати деҳоти Овчӣ-Қалъача идома дорад. Назар ба гуфти С. Аҳмадова соли гузашта баҳри ҳавасмандкунонӣ ба кирмакпарварон баробари тақсимоти кирмак ба ҳар қуттӣ 50 сомонӣ ва барилова 10 килогӣ равған дода буданд. Имсол бошад, шароити иқтисодии коргоҳ ба ин имкон надод. Сармуҳандиси корхонаи истеҳсоли тухми кирмак мегўяд, бо баназаргирии муҳимияти пешбурди соҳа, ки супориши роҳбарияти мамлакат аст, мебояд, кирмакпарварон аз ҷониби хоҷагиҳо ҳавасманд карда шаванд, яъне ба онҳо ба тариқи шолӣ, гандум ва ё ягон намуди зироат дода, ба пешбурди соҳа ҳавасманд карда шаванд.

Барои он, ки соли равон ҳосили дилхоҳи пилла ба даст оварда шавад, мувофиқи тавсияи мутахассисони соҳа кирмакпарваронро зарур аст, ки дар ҳавои гарми офтобӣ барг назананд, ҳамчунин аз он минтақаҳои хоҷагиҳо, ки зироатҳои кишоварзӣ бо заҳрхимикатҳо коркард карда шудааст, барг назананд, ки ба кирмак зарар дорад. Ҳавои хонаи кирмакнигоҳдориро ҳамеша тоза нигоҳ доранд, ҳарорат бояд аз 26 дараҷа гармӣ баланд ё паст нагардад, намнокии хона бошад, бояд 70 фоизро ташкил кунад. Барои нигоҳ доштани намӣ ба фарши хона матои намкарда густурда шавад. Нагузоранд, ки теғаи офтоб ба он хона  фарояд. Бо риояи доимиву қатъии ҳамаи ин нишондодҳо метавон ҳосили дилхоҳи ин ашёи хоми қиматбаҳоро ба даст овард.

Имрўзҳо, ки мавсими  парвариши кирмак аст, бо мақсади дар маҳалҳо қатъиян риоя гаштани ин нишондодҳо ва ба кирмакпарварон кўмак расондан 237 нафар мутахассисони соҳаи пиллачигии вилоят дар ҷойҳо кор мебаранд.

Рафоат МЎЪМИНОВА

Читать далее

Замин - гаҳвораи пурнози мо

Бахшида ба рўзи умумиҷаҳонии Замин  дар маҷлисгоҳи КВДК «Кохи матбуот» конфронси илмӣ-амалии «Муҳити солими Замин барои фарди солим» баргузор гардид.

Дар конфронси илмӣ-амалӣ меҳмонон аз сохторҳои марбутаи Мақомоти иҷроияи ҳокимияти давлатии вилоят, устодону донишҷўёни Донишгоҳи давлатии Хуҷанд ба номи академик Бобоҷон Ғафуров, Коллеҷи тиббии шаҳри Хуҷанд, намояндагони 18 шаҳру ноҳияи вилоят, ташкилотҳои ҷамъиятию байналхалқӣ, мутахассисони кумитаи ҳифзи муҳити зисти вилояти Суғд, КВДК «Хоҷагии манзилию комуналӣ»-и вилоят ва кормандони васоити ахбори омма иштирок намуданд.

Зимни cуханронӣ муовини Раиси вилоят Ориф Хоҷазод аз санаи 22-апрел, ки ҳамчун Рўзи умумиҷаҳонии Замин таҷлил мегардад, ёдовар шуда, онро як имконияти бузурги ҳалли проблемаҳои ифлосшавии обу ҳаво, замин ва истифодаи захираҳои табиӣ номид.

Рўзи Замин ҳушдор медиҳад, ки муносибати ғамхорона доштан ба Сайёра-вазифаи ҷонии ҳар як инсони рўи Замин аст. Мақсади асосии таҷлил кардани Рўзи Замин равона кардани фаъолияти одамон дар минтақаҳо, шаҳру шаҳракҳо ва маҳаллаҳо мебошад, то ки дар доираи ҳифзи муҳити зист кори мушаххасеро анҷом диҳанд, - иброз дошт Ориф Хоҷазод - муовини Раиси вилоят.

Олимон ва мутахассисони соҳа доир ба муаммоҳои муносибат бо моддаҳои кимиёвӣ дар замони муосир, оиди оқилона истифода бурдани боигариҳои замин сухан ронда, маълумотҳои илман дақиқ ва исботшударо барои ҳозирин ироа доштанд.

Шаҳноза ҲОМИДОВА

Читать далее

Мастӣ барад ба пастӣ

Борҳо исбот шудааст, ки мастӣ инсонро ба пастӣ мебарад. Аммо ҳангоми сархушӣ ашхоси майнӯшида инро фаромӯш мекунанд, ки оқибат ба пушаймонӣ меорад.

Сокини Ҷамоати деҳоти Исмоили ноҳияи Бобоҷон Fафуров Маҳмудҷон Алиқулов бо ҳамсояаш Сарвар Абдуқаюмов хоста, соли нави мелодии 2016-ро бо нӯшидани як шиша арақ истиқбол гирад. Сӯҳбаташон қӯр гирифту шишаи дуюмро ҳам холӣ карданд. Дар ин байн шишаи сеюм ва чаҳорӯм низ холӣ гашту сӯҳбати гармашон якбора сард шуд. Байни ҳам муноқиша карданд. Маҳмудҷони сархуш ба лату кӯби ҳамсояаш Сарвар даромад. ҳамсояҳои масти хоб аз ҷанҷолу ғулгула бохабар шуда, онҳоро аз ҳамдигар ҷудо карданду ҷабрдидаро ба беморхона бурданд.

Дар мурофиаи судӣ Маҳмудҷон гуфт, ки аз карда сад пушаймон аст. Аммо бояд тибқи қонун ҷинояткор ҷазои худро гирад.

Суди ноҳияи Бобоҷон Fафуров ба Маҳмудҷон Алиқулов ба мӯҳлати як сол ба корҳои ислоҳӣ ҷазо таъин кард.

Фирӯза FАЙБУЛЛОЗОДА,
судяи Суди ноҳияи Бобоҷон Fафуров

Читать далее

Маъракаи кабудизоркунӣ ва ободонӣ дар ноҳияи Шаҳристон

Тибқи қарори Раиси ноҳияи Шаҳристон аз 1 марти соли 2016, №78 «Дар бораи муташаккилона гузаронидани  маъракаи кабудизоркунӣ ва ободонӣ дар соли 2016» дар қаламрави ноҳия корҳои кабудизоркунӣ ва ободонӣ бомаром идома дорад.

Имрӯзҳо баҳри дар амал татбиқ намудани қарори мазкур кормандони ташкилоту муассисаҳо, хоҷагиҳо, аҳолии маҳаллаҳо ҳар рӯзи шанбеи ҳафта дар назди корхонаву муассисаҳо, маҳалҳои аҳолинишин шанбегиҳо гузаронида истодаанд.

Соли ҷорӣ мувофиқи ноҳия шинонидани 23820 бех ниҳолҳо ба нақша гирифта шудааст. Мувофиқи маълумотҳои Раёсати кишоварзии ноҳия то санаи 20-апрели соли ҷорӣ дар қаламрави ноҳия 23158 бех ниҳолҳо, аз ҷумла 19005 бех ниҳолҳои мевадиҳанда, 2853 бех ниҳолҳои ороишиву сояафкан ва дар қади сою каналҳо 1300 бех ниҳолҳо шинонида шуд.

Дар ҳудуди хоҷагиҳои ҷамоати деҳоти Шаҳристон 16800 бех шинонидани ниҳолҳо ба нақша гирифта шуда, то имрӯз 11295 бех ниҳолҳо, аз ҷумла 9255 бех ниҳолҳои мевадиҳанда, 1440 бех ниҳолҳои ороишиву сояафкан ва 600 бех дар қади сою каналҳо шинонида шуд.

Дар хоҷагиҳои ҷамоати деҳоти Бунҷикат бошад ҳамагӣ 7020 бех ниҳолҳо бояд шинонида шавад, кишоварзони хоҷагиҳои ҷамоати деҳоти номбурда то имрӯз 11863 бех ниҳолҳо, аз ҷумла 9750 бех ниҳолҳои мевадиҳанда, 1413 бех ниҳолҳои ороишиву сояафкан ва 700 бех ниҳолҳо дар қади сою каналҳо шинониданд.

Мастона Каримова,
ноҳияи Шаҳристон

Читать далее