27 December 2016

Баргузории Иҷлосияи нуҳуми Маҷлиси вакилони халқи вилоят, даъвати панҷум

Имрӯз, 27 декабри соли 2016 дар бинои мақомоти иҷроияи ҳокимияти давлатии вилоят таҳти раёсати Раиси Маҷлиси вакилони халқи вилоят, Раиси вилояти Суғд Абдураҳмон Қодирӣ Иҷлосияи нуҳуми Маҷлиси вакилони халқи вилоят, даъвати  панҷум баргузор шуд.

Дар кори иҷлосия аз 70 вакил 65 нафар иштирок намуданд. Ҳамчунин сардорони мақомоти ҳифзи ҳуқуқи вилоят, сохторҳои вилоятӣ, шӯъбаву бахшҳои дастгоҳи Раиси вилоят ва дигар шахсони дахлдор ширкат варзиданд.

Читать далее

Муҳимтарин масъала: Ҳифзи амнияти давлату миллат

Паёми Президенти Ҷумҳурии Тоҷикистон, Асосгузори сулҳу Ваҳдати миллӣ - Пешвои миллат, Ҷаноби Олӣ, мўҳтарам Эмомалӣ Раҳмон ба Маҷлиси Олӣ, аҳли зиё ва мардуми шарифи Тоҷикистон дар шароити торафт мураккаб гардидани вазъи ҷаҳони муосир, густариш пайдо кардани зуҳуроти ниҳоят хатарноки асри нав-терроризм ва экстремизм, вусъати бесобиқаи бархўрди манофеи абарқудратҳо барои аз нав тақсим кардани ҷаҳон, муташанниҷ гардидани вазъи сиёсии сайёра ва шиддат гирифтани бўҳрони молиявию иқтисодӣ дар бисёр кишварҳои олам баён гардида, новобаста аз мушкилотҳои номбурда Паёми созанда ва бунёдкорона аст.

Президенти кишвар аз сатҳу сифати баргузории чорабинии муҳими сиёсӣ - интихоботи вакилони Маҷлиси Олӣ ва маҷлисҳои маҳаллӣ изҳори сипосмандӣ намуда, зикр намуданд, ки он дар фазои сулҳу салоҳ ва сатҳи баланди сиёсӣ баргузор гардид ва аз баланд шудани маърифати сиёсии шаҳрвандон шаҳодат дод.

Сарвари давлат аз вазъи имрўзаи минтақа ва ҷаҳон ба ташвиш омада, махсус таъкид намуданд, ки дар шароити ташаннуҷи рўзафзуни авзои сиёсии ҷаҳон ва тағйиру таҳаввулоти босуръати он, торафт вусъат гирифтани низоъҳои байнидавлативу байнимазҳабӣ ва авҷи ҷиноятҳои муташаккили фаромарзӣ ҳимояи марзу буми кишвар ва ҳифзи амнияти давлату миллат барои мо масъалаи аввалиндараҷа ва ҳаётан муҳим ба шумор меравад.

Президенти мамлакат барҳақ зикр намуданд, ки: «Имрўз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст».

ҳақиқати ин суханҳоро мо аз нооромиҳои давлатҳои Сурия, Ироқ, Афғонистон ва дигар давлатҳои мусулмонӣ, ки ҳодисаҳои террористӣ ҳамарўза боиси марги ҳазорон нафар одамон, аз ҷумла занону кўдакон мегардад, эҳсос менамоем. Бетартибиҳои солҳои 1990-ум, ки боиси ҷанги шаҳрвандӣ, маргу беватан гардидани шаҳрвандони Тоҷикистон ва талаву тороҷ гардидани моликияти давлат гардида буд, аз дасти хоинони миллат ва маслиҳати хоҷагони хориҷиашон амалӣ гардида буд, онҳо террористу экстремист буда, имрўз чеҳраи аслиашон баъди воқеаҳои моҳи сентябри соли 2015 маълум гардид. Лекин халқу миллати тоҷик аз ин ҳодисаҳо сабақи таърихӣ гирифта, ҳеҷ гоҳ ба амалӣ шудани ҳадафҳои нопок роҳ намедиҳад.

Сарвари давлат мубориза бо терроризм ва экстремизмро бо фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳамаи кишварҳои дунёро дар пешорўи ин хатари умумӣ вазифаи муҳими тамоми давлатҳо шуморида, аз «сиёсати дугона» нисбат ба ин вабои ҷаҳонӣ изҳори нигаронӣ намуданд. Сиёсати дугонаю манфиатҷўёна бар зарари худи ин давлатҳо буда, рўзе ба чоҳи кофтаашон худ меафтанд.

Президенти кишвар дар Паём қайд карданд, ки «террористон ватан, миллат ва дину мазҳаб надоранд» ва ин воқеӣ буда, ҳадафҳои бо хун олудаи онҳо ба манфиати ягон ҷомеа ва давлат буда наметавонад. Террористон аксаран шахсони зархарид ва фирефтаи хоҷагони худ мебошанд, ки бо ҷаҳонбинии тангу торик, осебпазирӣ, гумроҳӣ ва руҳан носолим будан, даст ба куштору хунрезӣ мезананд. Онҳо Ватан, миллат ва модари худро кайҳо фаромўш намуда, барои амалӣ намудани супоришҳои роҳбаронашон худро ба оташи ҷаҳаннам мепартоянд.

Дар ин масъала Президенти кишвар ҳақиқати ҳолро баён намуда, зикр карданд, ки «зуҳуроти даҳшатноку нафратовари терроризм, ки аксаран таҳти шиорҳои диниву маз-ҳабӣ сурат мегирад, ба дини мубини Ислом иртиботе надорад, баръакс, аз ҷониби душманони ин дини муқаддас роҳандозӣ шуда, аз он пеш аз ҳама, кишварҳои исломӣ ва мусулмонони сайёра зарар мебинанд».

Инчунин, дар суханронии худ Сарвари давлат изҳори таассуф аз он карданд, ки «баъзе созмонҳои байналмилалӣ аз ҷониби як қатор доираҳо ва давлатҳову фондҳо ошкоро маблағгузорӣ гардидани созмонҳои террористиву ифротгаро, поймолшавии ҳуқуқи инсон, аҳволи тоқатфарсо ва дар роҳи муҳоҷират дар баҳрҳо ғарқ шудани ҳазорон нафар гурезаҳо, аз ҷумла занону кўдаконро нодида мегиранд».

Имрўз Созмони Милали Муттаҳид ҳам-чун созмони бонуфузи ҷаҳонӣ кафили ҳифзи сулҳу субот дар сайёра, ҳуқуқҳои фитрии инсон ва баробарҳуқуқиву дахлнопазирии соҳибистиқлолии давлатҳо мебошад ва дар ин асно санадҳои зиёд қабул намудааст, ки аксарияти давлатҳо онро ҷонибдорӣ намудаанд, ҳолатҳое ба назар мерасанд, ки давлатҳо ва ташкилотҳои ба ном хайриявӣ инро нодида гирифта, бо кўмак ба террористон ё бо истифода аз онҳо вазъи минтақаҳои алоҳидаро ноором сохта, манфиатҳои худро амалӣ намоянд. Ҳодисаҳои даҳшатовари давлатҳои Сурия, Либия, Яман ва Афғонистон шаҳодати онанд, ки ҳуқуқҳои байналмилалиашон поймол гардида, хатари аз байн рафтани истиқлолияти ин давлатҳо ва маргу зери оташ мондани кўдакону занон гардида истодааст. Аксарияти давлатҳои номбурда то омадани террористони зархариди давлатҳои манфиатдор аз ҷиҳати иқтисодиву иҷтимоӣ мустақил буданд ва шаҳрвандонашон зиндагии осоишта доштанд. Тааҷҷубовараш он аст, ки дар ин давлатҳо аллакай идоракунии исломиро пеш гирифтаанд ва танзими тамоми муносибатҳояшон ба муқаррароти дини Ислом мувофиқанд, душманони дини Ислом бо номи «террористу экстремистон» ҳадафи бунёди «давлати исломӣ» доранд, ки ин мантиқан ҳадафи дигар доштани онҳоро шаҳодат медиҳад.

Мо аз ин нуктаҳои Паёми Президенти Ҷумҳурии Тоҷикистон, Асосгузори сулҳу Ваҳдати миллӣ - Пешвои миллат бояд хулосаи зарурӣ бароварда, барои расидан ба ҳадафҳои стратегии мамлакат ва суботу оромии ҷомеа дар атрофи Cарвари хирадманд сарҷамъу муттаҳид бошем.

Маъмур ЮСУФЗОД,
Иброҳим ҶАББОРОВ,
устодони Донишгоҳи давлатии
Хуҷанд, ба номи академик
Бобоҷон Ғафуров

Читать далее

Рўҳбаландии фарҳангиён аз Паёми Сарвари давлат

Кулли фарҳангчиёни вилояти Суғд Паёми Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмонро ба Маҷлиси Олии Ҷумҳурии Тоҷикистон бо шавқу рағбати бепоён тамошо ва гўш карданд. Паёми навбатии Пешвои миллат, ки дар остонаи соли таърихии 20-солагии Рўзи Ваҳдати миллӣ ва 25-солагии Иҷлосияи ХVI Шўрои Олии Ҷумҳурии Тоҷикистон ироа карда шуд, тамоми соҳоти хоҷагии халқи кишварро фаро гирифта, ба такмили рушди иқтисодӣ, сармоягузории давлатӣ, аз байн бурдани терроризму экстремизм, баланд бардоштани сатҳи зиндагии шаҳрвандон бахшида шуд.

Дар Паём ҳамчунин нисбат ба рушду инкишофи ҳунарҳои бадеӣ-халқӣ ва ҷалби ҷавонону наврасон, бонувону занҳои хонашин сухан рафт.

Боиси хурсандист, ки Сарвари кишварамон дар ҳар як Паёми худ иқдомҳои наҷибу созандаро пеш мегузоранд. Аз ҷумла, дар «Соли рушди фарҳанг» дар қаламрави вилоятамон даҳҳо иншооти бузург бунёд ва таъмиру тармим ёфтанд, заминаи моддӣ-техникии муассисаҳои фарҳангӣ хеле устувор гардиданд, чорабиниҳои мухталифи фарҳангӣ дар сатҳи хеле баланд доир гардида, аз ҷониби Пешвои миллат баҳои арзандаро сазовор шуданд.

Дар соли 2017, ки «Соли ҷавонон» эълон гашт, Раёсати фарҳангӣ баҳри рушду такомул, дарёфти наврасону ҷавонони боистеъдоду умедбахш, истироҳати бофароғати шаҳрвандон, пурмазмун баргузор намудани чорабиниҳои фарҳангӣ, мустаҳкамгардонии заминаи муассисаҳои фарҳангӣ чораҳои мушаххас андешида истодааст.

Дар маҷмўъ, дар Соли нави мелодӣ фарҳангчиёни вилоят баҳри дар амал татбиқ намудани сиёсати давлату ҳукумат ва иҷрои дастуру супоришҳои Пешвои миллат чораҳои амалӣ роҳандозӣ хоҳанд кард.

Орифҷон Набиев,
сардори Раёсати
фарҳанги вилояти Суғд

Читать далее

Мутахассисони сазоворро тарбия намоем

Ҳамасола Паёми Президенти Ҷумҳурии Тоҷикистон, Пешвои миллат, мўҳтарам Эмомалӣ Раҳмон ба Маҷлиси Олии Ҷумҳурии Тоҷикистон мо-мардуми вилоятро рўҳу илҳоми тоза мебахшад. Шунидани Паём тариқи оинаи нилгун маро водор сохт, ки чанд ақидаи хешро иброз намоям.

Дар зарфи бисту панҷ соли Истиқлолияти давлатӣ меҳнати бурдборонаю софдилонаи халқи заҳматкаш буд, ки ба дастовардҳои назаррас дар соҳаҳои сиёсиву иқтисодӣ, фарҳангиву иҷтимоӣ ноил гардидем. Ба шарофати сиёсати хирадмандонаю сулҳҷўёнаи Сарвари давлатамон имрўз мо, таълимдиҳандагону тарбиятгарон дар фазои озоду демократӣ кору фаъолият бурда, баҳри таълиму тарбияи насли навин заҳмат мекашем. «Барои баланд бардоштани сифати таълиму тарбия моро зарур аст, ки дар тамоми зинаҳои таҳсилот, бахусус дар зинаи таҳсилоти касбӣ, на ба шумора, балки ба сифати он диққати ҷиддӣ дода, мутахассисони ҷавобгўи талаботи замони муосирро тарбия намоем» омадааст дар Паём.

Вобаста ба ин омўзгорону устодон ва падару модаронро зарур аст, ки диққати наврасон ва хонандагону донишҷўёнро барои аз бар намудани донишҳои муосир ҷалб намуда, ба сатҳи азхудкунии фанҳои дақиқ таваҷҷўҳи бештар зоҳир намоянд, забонҳои хориҷӣ ва омўзиши технологияҳои иттилоотиву коммуникатсиониро ба роҳ монда, ҷиҳати касбомўзии шогирдону фарзандон аҳамияти ҷиддӣ диҳанд. Бо мақсади дарёфти истеъдодҳои ҷавон ва боло бурдани тафаккури техникии наврасон озмунҳо ва мусобиқаҳои илмиву эҷодиро роҳандозӣ намудан дар замоне, ки илму технология бо суръати кайҳонӣ пеш меравад, ба саҳна баромадани афроди лаёқатманд, ихтироъкор ва навҷў дар ҷодаи илмҳои дақиқ имконият медиҳад, ки давлати мо дар ояндаи наздик дар қатори кишварҳои мутараққӣ ҷой дошта бошад.

Аз Паёми навбатӣ, ки саропо барои рушду пешрафти соҳаҳои гуногуни хоҷагии халқ равона карда шудааст, омўзгорон миннатдоранд ва кўшиш мекунанд, ки боварии Сарвари давлат, давлату Ҳукумат ва аз ҳама асосиаш, халқро сазовор бошанд.

Мухбира МЎҲСИНОВА,
омўзгори Муассисаи таълимии
«Ирфон», шаҳри Хуҷанд

Читать далее

Ояндасози халқу миллати хеш бошем!

Паёми имсолаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар охири соли ҷашни 25 - солагии Истиқлолияти давлатии Ҷумҳурии Тоҷикистон, дар замони рушди бемайлони тамоми соҳаҳои хоҷагии кишвар ва мураккаб гардидани вазъи ҷаҳони муосир ироа гардид.

Мардум бо рўҳияи созандаю умедҳои нек суханронии Президенти мамлакатро бо шавқи том шунида, аз самтҳои минбаъдаи сиёсати дохилӣ ва хориҷии кишвар, ки баҳри зиндагии шоистаи мардум нигаронида шудааст, огаҳӣ пайдо карданд.

Сарвари мамлакат зимни суханрониашон чун ҳарвақта соҳаи маорифро чун соҳаи афзалиятнок ва пешбарандаи ҷамъият номида, изҳор доштанд, ки танҳо дар соли 2016 аз ҳисоби даромадҳо 201 адад биноҳои нави замонавӣ барои 32 ҳазор нафар хонанда ба маблағи 540 млн. сомонӣ сохта, ба истифода дода шудааст.

Ҳамчунин, қайд намуданд, ки минбаъд низ барои наслҳои ҷавон, ки онҳо ояндасози халқу миллати хеш ҳастанд, ба дараҷаи аъло шароитҳо муҳайё карда хоҳанд шуд, то онҳо барои пешрафти Ватани худ ҳиссагузорӣ карда тавонанд.

Супориши Сарвари мамлакат ба Вазорати маориф ва илми Ҷумҳурии Тоҷикистон бо мақсади баланд бардоштани маърифати ҳуқуқии шаҳрвандон, аз ҷумла муҳассилини муассисаҳои таълимӣ дар бораи омўзиши ҳатмии Конститутсия, Қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» тадбири муҳим ва шоистаи дастгирист.

Барои амалӣ гардидани «Барномаи давлатии дарёфт ва рушди истеъдодҳо барои солҳои 2015-2020» мо, кормандони соҳаи маорифро вазифадор намуданд, ки бо хонандагони лаёқатманд кор бурда, ба сатҳу сифати раванди таълиму тарбия ва омўзиши фанҳои дақиқ, забономўзии хонандагон ва омўзиши технологияи муосир бештар диққат диҳем.

Пешвои миллат дар бораи сиёсати давлатии ҷавонон сухан ронда, ҷавононро қувваи пешбарандаи ҷамъият, ояндаи миллату давлат номида, Соли 2017-ро Соли ҷавонон эълон доштанд. Сарвари мамлакат бо ҳисси ифтихормандӣ иброз доштанд, ки ҳукумати мамлакат масъалаҳоеро, ки ба сиёсати давлатии ҷавонон алоқаманд мебошад, дар маркази диққати худ қарор медиҳад ва барои дастгирии иқдомоти бунёдкоронаи ҷавонон чораҳои заруриро амалӣ мегардонад, шароите муҳайё месозад, ки ҷавонон дар зиндагӣ роҳи дурустро интихоб намоянд, илму донишҳои муосирро азхуд кунанд, касбу ҳунарҳои замонавиро омўзанд ва оянда мақоми арзандаи худро дар ҷомеа соҳиб шаванд.

Ин мо, омўзгоронро водор мекунад, ки бояд бо ҳисси баланди масъулиятшносӣ нисбати касби худ муносибат намоему насли ҷавонро дар замони ҷаҳонишавии ҷомеа бо донишҳои замонавӣ мусаллаҳ, худшиносу меҳнатдўст ва меҳанпараст тарбия намоем. Зеро пешрафти давлат, таҳкими иқтисодиёти миллӣ ва рушди тамоми соҳаҳои ҳаёти ҷомеа бидуни ширкати мутахассисони варзида ғайриимкон аст.

Мо, омўзгорон аз суханрониҳо ва дастгириҳои пайвастаи Президенти кишвар, Ҷаноби Олӣ, мўҳтарам Эмомалӣ Раҳмон рўҳбаланд гардида, бо камоли масъулият мекўшем, минбаъд низ наврасону ҷавононро дар рўҳияи арҷгузорӣ ба илму дониш, эҳтироми забони модарӣ ва омўхтани забонҳои хориҷӣ, худшиносиву худогоҳӣ, меҳнатдўстиву ватанпарастӣ тарбия намоем, то шахсони соҳибмаърифат, бонангу номус, дорои ахлоқи ҳамида, ҳунарманду соҳибкасб шуда, чун ворисони ҳақиқии ин давлату миллат ба камол расанд ва барои ободии сарзамини аҷдодии хеш огоҳонаю тоҷикона ва содиқона саҳм гузоранд.

Паёми Президентро яке аз рўйдодҳои муҳими давр, раҳнамои имрўзу фардои нек метавон номид.

Дар Паём дар бораи дастгирии соҳибкорон, ҳифзи иҷтимоӣ, тарбияи кадрҳо, соҳаҳои тандурустию маориф, рушди сайёҳӣ ва сиёсати давлатии ҷавонон, касбомўзии ҷавонон, баланд бардоштани мақоми зан дар ҷомеа сухан рафт ва боиси рўҳбаландии мардум гардид.

Мавлуда Ҳоҷибоева,
омўзгори гимназияи«Нур»,
ноҳияи Бобоҷон Ғафуров, Аълочии маориф ва илми Тоҷикистон

Читать далее