December 2016

29 December 2016

Нишони садоқат ба журналистика

Дирўз як гурўҳ собиқадорони идораи радио ва телевизиони вилояти Суғд бо мақсади иштирок ба ҷашни 70-солагӣ ва 50-солагии фаъолияти хабарнигории Атобеков Бобоҷон Наврӯз ба шаҳри Исфара рафтанд, ки ӯ тақдири худро ҳануз солҳои 70-уми асри ХХ ба радио пайваста буд.

Соли 1975 ӯро ба ҳайси хабарнигори махсуси комитети радио ва телевизиони кумиҷроияи Шӯрои вакилони халқи вилоят дар шаҳру ноҳияҳои Исфара, Конибодом ва Ашт ба кор қабул карданд.

Бобоҷон Атобеков бо тахаллуси Наврӯз дар ин ноҳияҳо номвар шуд, зеро бо ғайрати афзун комёбиҳои меҳнатии мардумро дилгармона тарғибу ташвиқ мекард, ҷавононро барои  садоқат ба анъанаҳои ватандӯстию меҳнатпазирӣ даъват менамуд. Бесабаб нест, ки ӯ барои хизматҳояш дар  радиою телевизион бо унвони Корманди шоистаи Ҷумҳурии Тоҷикистон, ҳамчунин  чандин Ифтихонома ва нишонҳои рӯҳбахш тақдиронида шудааст.  

Мавсуфро бо ҷашни мавлуд ва фаъолияти босамари меҳнатӣ раиси шаҳри Исфара Расулзода Дилшод Ҷабборӣ тариқи номаи меҳр табрику таҳният гуфт.

Бобоҷон Атобековро аз ҷониби радио ва тележурналистон раиси идораи садо ва симои  вилоят Аюбҷон Саъдуллозода тариқи меҳрнома табрику муборакбод гуфта, барояш саломатӣ, дар ривоҷи журналистикаи соҳа комёбиҳо хостааст. Изҳори умед кардааст, ки  ӯ дар тарбияи шогирдон минбаъд низ донишу маҳорати касбиашро бедареғ сарф мекунад. Ба муборакбодии Бобоҷон Наврӯз котиби масъули ташкилоти Иттифоқи журналистони Тоҷикистон дар шаҳр, роҳбарони радио ва телевизиони шаҳри Исфара, устодону шогирдон низ омадаанд.

Дар тантанаи зодрӯзи Бобоҷон Наврӯз Шоири халқии Тоҷикистон Нурмуҳаммад Ниёзӣ, ҳамчунин аъзои Иттифоқи нависандагони Тоҷикистон Равшан Замир ва Дадохон Эгамзод иштирок доштанд.

А.Аминзода

Читать далее

28 December 2016

Маҳфили Ганҷи сухан

Мо дар ҷаҳони имрӯз фарҳанги беназир дорем ва вориси тамаддуни беш аз шашҳазорсола ҳастем. Вале замони муосир моро водор месозад, ки баробари ифтихор доштан аз гузаштагони хеш дар арсаи зиндагии имрӯза қаҳрамонҳои корзори замонро ба воя расонем.

Эмомалӣ Раҳмон, китоби тозанашри
Чеҳраҳои мондагор, Душанбе, 2016

Нишасти 146-умини маҳфили илмиву адабии Ганҷи сухан дар толори Раёсати Донишгоҳи давлатии Хуҷанд ба номи академик Бобоҷон Ғафуров баргузор гардид. Ноибректори Донишгоҳи давлатии Хуҷанд ба номи академик Бобоҷон Ғафуров Абдуфаттоҳ Раҳимов ҳозиринро ба маҳфил хайрамақдам гуфт.

Оид ба навгониҳои илмиву адабӣ ва фарҳангӣ, фаъолияти солонаи нашриёти Ношир, сармутахассиси шӯъбаи илми Донишгоҳи давлатии Хуҷанд ба номи академик Бобоҷон Ғафуров номзади илмҳои филологӣ, дотсент Ромиз Абдулло баромад намуд. Аз зиндагинома ва фаъолияти кории номзади илмҳои физика ва математика, шодравон Ғафурҷон Усмонов, номзади илмҳои физика ва математика, декани факултети физика ва техника Раҳимҷон Назаров сухан кард. Шоирони халқии Тоҷикистон Аскар Ҳаким ва Доро Наҷот намунае аз шеърҳояшон қироат намуданд. Сипас, шеърхонии адибон ва сурудҳои ҳунарпешагон ба аҳли нишаст таассуроти хотирмон бахшид. Дар поёни маҳфил ҳадяҳои Раиси вилояти Суғд, мӯҳтарам Абдураҳмон Қодирӣ ба маърӯзачиён ва фаъолони маҳфил супорида шуд.

Шаҳноза ҲОМИДОВА,
Ҳақиқати Суғд

Читать далее

Кўдакон аз чӣ нороҳат мешаванд?

Саломатӣ барои ҳар як инсон хеле муҳим аст. Бо мақсади огоҳ намудан аз бемории стоматит, сабабҳои пайдоиш ва муолиҷаи он ба хонадагони гиромӣ маводеро пешкаш менамоем.

Стоматит-бемории илтиҳоб (варам)-и луобпардаи ковокии даҳон мебошад.

Сабабҳои асосии пайдоиши ин беморӣ занбўруғҳо, вирусҳо ва бактерияҳо мебошанд. Инчунин стоматитҳо метавонанд, дар натиҷаи таъсири воситаҳои доруворӣ пайдо гардида, аломати зуҳури бемориҳои гуногун низ мебошад.

Вобаста ба сабабҳои пайдошавӣ ва дараҷаи иллатнокии луобпарда 4 намуди ин беморӣ фарқ карда мешавад: стоматитҳои назлавӣ (катаралӣ), захмӣ, барфшакл (афтозӣ - ҳерпетикӣ) ва занбўруғӣ (ба забони русӣ молочниӣа) мегўянд. Барои он ки ҳар намуди он ба хонандагон равшантар эҳсос шавад, онро мухтасар шарҳ медиҳем:

- Стоматити назлавӣ бо пурхунӣ дар илми тиб гиперемия ном дошта, бо варамнокии луобпардаи ковокии даҳон, оби даҳонравӣ падидор мешавад. Стоматити захмӣ низ чун гиперемия бо варамнокии луобпардаи ковокии даҳон, оби даҳонравӣ ва инчунин дар луобпарда захмҳо пайдо мешаванд. Дар ҳолатҳои вазнинӣ захмҳо чуқур шуда, порашавии бофтаҳо инкишоф меёбад. Ҳангоми қабули ғизо дард пайдо мешавад. Ҳарорати бадан баланд, аломатҳои заҳролудшавӣ пайдо ва ғадудҳои лимфавии канорӣ калон мешаванд.

Ҳангоми стоматити назлавӣ аз рўи қоида танҳо муолиҷаи мавзеӣ гузаронида мешавад, ки аз коркарди луобпардаи ковокии даҳон бо воситаи зиддисептикӣ (маҳлули фурасилин 1:5000, ҷўшобаи пўсти дарахти булут, дамобаи бобуна, календула) иборат аст.

- Стоматити ҳерпетикӣ (афтозӣ - барфшакл) яке аз аломатҳои сирояти ҳерпетикӣ аст. Нишони падидории ин беморӣ гиперемия, варамнокии луобпардаи ковокии даҳон ва оби даҳонравӣ мебошад. Вазъияти умумӣ, ба монанди стоматити захмӣ буда, баланд шудани ҳарорат, аломатҳои заҳролудшавӣ, калон шудани ғадудҳои лимфавии мавзеӣ ба назар мерасанд. Дар луобпарда пай дар пай доғ, ҳубобча, барфакчаҳо (афтаҳо) пайдо мешаванд. Афтаҳо ба монанди доғҳои зарду сафед буда, нисбат ба луобпарда баландтар ҷойгир мешаванд. Миқдори афтаҳо гуногунанд (аз як-ду адад ё зиёда аз он) онҳо ба пайвастшавӣ майл доранд. Давомнокии ин беморӣ аз 7 то 10 рўз мебошад.

Дар муолиҷаи стоматити ҳерпетикӣ ҳатман дорувориҳои зиддивирусӣ таъин карда мешавад. (асикловир, малҳами оксалинӣ, интерферон).

- Стоматити занбўруғӣ. Ин намуди стоматит бештар дар кўдакони ширмак вомехўрад. Барфак низ ба монанди дигар намудҳои стоматит бо гиперемия, варамнокии луобпардаи ковокии даҳон, оби даҳонравӣ зоҳир мегардад. Дар луобпардаи лаби даҳон ва лунҷ ғуборпардаи сафед, ба монанди шири бурида пайдо мешавад. Дар кўдаки ширхор ҳолатҳои аз ширмакӣ рўй гардонидан ва бетоқатии кўдак ба назар мерасад.

Ҳангоми стоматити занбўруғӣ дорувориҳои зиддизанбўруғӣ таъин карда мешавад (нистатин, леворин). Ба сифати муолиҷаи ҷузъӣ маҳлули 2-фоизаи сода, метилени кабуд, натрий, тетраборатро истифода мебаранд.

Ҳангоми муолиҷаи бемории стоматит бо воситаи ғизои оқилона ва нўшокии бисёри витаминдор хеле муфид аст. Fизо аз ҷиҳати механикӣ, химиявӣ, термикӣ бояд эҳтиёткорона интихоб карда шавад. Ғизо ба шахси бемори стоматит бояд дар шакли моеъ ё ниммоеъи ширгарм дода шавад. Дар баробари ин бемор бояд аз хўрокҳои тез, тунд ва шўр худдорӣ намояд.

Мафтуна ШОКИРОВА,
омўзгори кафедраи
«Бемориҳои бачагона»-и
Коллеҷи тиббии шаҳри Хуҷанд

Читать далее

Суғд: 2017 «Соли дастрасии аҳолӣ бо оби тозаи нӯшокӣ» эълон шуд

Бо қарори Раиси вилояти Суғд соли 2017 дар вилояти Суғд «Соли дастрасии аҳолӣ бо оби тозаи нӯшокӣ» эълон ва доир ба ин масъала барномаи махсус  қабул карда шуд.

Дар ин бора зимни баргузории Иҷлосияи нуҳуми Маҷлиси вакилони халқи вилоят, даъвати  панҷум, ки имрӯз дар Мақомоти иҷроияи ҳокимияти давлатии вилояти Суғд доир шуд, иттилоъ дода шуд ва вакилон қарори марбутаи Раиси вилояти Суғдро тасдиқ намуданд. Дар иҷлосия муовини Раиси вилоят Заробиддин Файзуллозода зимни муаррифии барномаи мазкур таъкид дошт, ки мақсад аз эълони  «Соли дастрасии аҳолӣ бо оби тозаи нӯшокӣ» ин пеш аз ҳама дастрасии аҳолӣ ба оби босифати нӯшиданӣ,  пешгирии касалиҳои сироятӣ ва ғайра ба ҳисоб рафта, дар партави қабули қатъномаи Созмони Милали Муттаҳид оид ба Даҳсолаи байналмилалии "Об барои рушди устувор" барои солҳои 2018-2028 амалӣ карда мешавад.

Иттилоъ дода шуд, ки дар доираи барномаи мазкур бо мақсади беҳтар намудани ҳолати оби нӯшокӣ дар минтақаҳо аз ҳисоби ҳамаи сарчашмаҳо харҷи зиёда аз 200 миллион сомонӣ ба нақша гирифта шудааст.

Хадамоти матбуоти
Раиси вилояти Суғд

Читать далее

Дастовардҳо назаррасанд, камбудиҳо ислоҳ шаванд!

Дар мактаби хусусии «Паймони азизон» ҷаласаи ҷамъбастии Рӯзҳои раёсати маорифи вилояти Суғд дар муассисаҳои таълимии шаҳри Хуҷанд бо иштироки директорони мактабҳо ва мудирони муассисаҳои томактабӣ баргузор гардид. Ҷаласаро мудири шуъбаи маорифи шаҳри Хуҷанд Илҳом Султонов ифтитоҳ бахшида, риштаи суханро ба муовини сардори раёсати маорифи вилояти Суғд Сайфулло Раҳматов дод.  

Сайфулло Раҳматов дар бораи ҳадафи баргузории рӯзҳои раёсати маорифи вилоят дар шаҳри Хуҷанд маълумот дода, зикр намуд, ки ҳайати гурӯҳи корӣ аз таи чанд рӯз аз мактаб ва кӯдакистонҳои шаҳр боздид карда, оид ба дастоварду комёбиҳо ва камбудиҳои мавҷуда фикру мулоҳизаҳои хешро пешниҳод намуданд.

Сипас, дар ҳузури иштирокчиёни ҷаласа сардорони гурӯҳҳо Р.Алиева, А.Қурбонов, А.Солеҳҷонов, Б.Сарҳадов, М.Маъмурова, М.Ҷӯраева гузоришу пешниҳодҳои хешро перомуни муассисаҳои таълимӣ баён доштанд.

Ҳайати гурӯҳи корӣ асосан ба масъалаҳои вазъи таълиму тарбия, саводнокии хонандагон, иштирок дар олимпиадаҳои фаннӣ, давомоти хонандагон, вазъи озмоишгоҳҳо, имтиёз ба омӯзгорони ҷавон, ҳолати толорҳои варзишӣ, натиҷаи корҳои хаттӣ, кори иттиҳодияҳои методӣ, омодагӣ ба зимистонгузаронӣ, аз аттестатсия гузаронидани омӯзгорон, аз таълим берун мондани хонандагон фаъолияти омӯзгорони ғайриихтисос, вазъи синфхонаҳои компютерӣ раванди таълиму тарбия дар муассисаҳои томактабӣ ва ғайра таваҷҷуҳ зоҳир карда, барои ислоҳи камбудиҳо масъулинро муаззаф намуданд.

Абдусабури Абдуваҳҳоб

Читать далее

Истаравшан: АЗ ПАЁМ ТО ПАЁМ

Истиқлолият дастоварди муҳимтарин, бузургу бебаҳо ва таърихии миллати мо аст. Маҳз, аз ҳамин хотир сулҳу субот ва Ваҳдати миллӣ барои мо ҳамчун арзишҳои муқаддастарин қадру қимати бузург доранд ва ҳифзу таҳкими он вазифаи ҷонии тамоми халқи мамлакат мебошад. Дастоварди бузургтарини мо дар тўли 25 соли Истиқлолият барқарор намудани сулҳу суботи комил ва Ваҳдати миллӣ, таъмини рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандўстиву ватандорӣ дар миёни тамоми табақаҳои ҷомеаи Тоҷикистон аст, ки маҳз ба шарофати хиради азалии мардуми соҳибмаърифату фарҳангдўсти тоҷик муяссар гардид.

Дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, ки 22-юми декабр ироа гардид, Пешвои миллат дар қатори дигар соҳаҳои мухталифи кишвар ба соҳаҳои маорифу иҷтимоӣ таваҷҷўҳи бештар зоҳир намуданд.

Бояд қайд кард, ки соли равон дар соҳаҳои иҷтимоиёт, маориф ва фарҳанг пешравиҳои муайян ба назар расиданд. Кулли сохторҳои соҳа дар самти беҳтар намудани хизматрасонӣ ба аҳолӣ, ташаккули фазои мусоиди маънавӣ корҳои муайянро ба анҷом расониданд.

Сохтори маорифи шаҳр 81 муассисаи таълимӣ, тарбиявӣ ва томактабиро дар бар гирифта, дар ёздаҳ моҳи соли равон ба масъалаи қабули духтарон ба зинаи сеюми таҳсил таваҷҷўҳи асосӣ равона гардид. Дар натиҷа ин нишондиҳанда дар шаҳру деҳот ба 95,5 фисад расонида шуд.

Аз ин ҷост, ки соли ҷорӣ, тибқи маълумотҳо, аз шаҳру деҳоти Истаравшан 1969 нафар, аз ҷумла 854 духтар, аз онҳо хатмкунандагони соли таҳсили 2015-2016 1615 нафар буда, аз ҳисоби хатмкунандагони солҳои пешин 354 нафар ба унвони донишҷўӣ соҳиб гардиданд. Чун ҳамасола тибқи квотаи Президентӣ 20 нафар хатмкунанда ба донишгоҳҳои олии кишвар барои идомаи таҳсил дохил гардиданд, ки аз онҳо 10 нафарро духтарон ташкил медиҳанд.

Дар коллеҷи тиббии шаҳр 1060 донишҷў, аз он 895 нафар духтар бо таҳсил фаро гирифта шудаанд, ки ба онҳо 182 нафар омўзгори соҳибтаҷриба таълим медиҳанд.

Дар муассисаи таълимии коллеҷи ҳунарҳои мардумии шаҳр аз рўи 10 ихтисос, аз ҷумла ҳунарҳои заргарӣ, мисгарӣ, оҳангарӣ, кордсозӣ, сохтани армуғонҳо аз чўб, гаҷкорӣ, наққошӣ, қолинбофӣ, зардўзӣ ва кашидадўзӣ-гулдўзӣ 369 нафар донишҷў ҳунар меомўзанд ва 42 нафар омўзгору ҳунарманди мардумӣ ба онҳо таълим медиҳанд.

 Боиси ифтихор аст, ки сол то сол сафи донишҷўён аз минтақаҳои гуногуни кишвари азизамон барои омўхтани касбу ҳунарҳои миллӣ меафзоянд. Ҳоло дар коллеҷи ҳунарҳои мардумӣ донишҷўён аз шаҳрҳои Хоруғ, Кўлоб, Ваҳдат, Панҷакент ва аз ноҳияҳои Варзоб, Ҷалолиддини Балхӣ, Рашт, Айнӣ, Деваштич, Зафаробод, Шаҳристон ва дигар шаҳру ноҳияҳо илму ҳунар омўхта истодаанд.

Бо мақсади тақвияти сатҳ ва сифати хизматрасонии тиббӣ ба аҳолӣ дар давраи ҳисоботӣ аз тарафи Вазорати тандурустӣ ва ҳифзи иҷтимоии аҳолӣ 1 адад таҷҳизоти нафаси сунъидиҳанда ба маблағи 25000 сомонӣ, 1 адад таҷҳизоти ултрасадоӣ ба маблағи 26000 сомонӣ ва ба маблағи 42700 сомонӣ таҷҳизоти ёрирасон дастрас гардид.

Дар ин давра маблағгузорӣ аз ҳисоби буҷети маҳаллӣ ба беҳдошти хизматрасонии тиббӣ ва дигар барномаҳои миллии соҳаи тандурустӣ 105,2 фисад таъмин карда шудаанд.

Бо мақсади солимгардонии аҳолӣ ва истироҳати бофароғати мардум осоишгоҳҳои муосири «Авис-сити», «Авитсенаи Истаравшан» «Ўротеппа» ва «Ҳавотоғ» фаъолиятро бомаром идома дода истодаанд.

Дар самти кишоварзӣ 18 ҳазору 115 нафар занону духтарон фаъолият менамоянд, ки аз ин 1973 нафарашон раисони хоҷагиҳои деҳқонӣ ҳастанд.

Айни ҳол 52 нафар занону духтарони шаҳри Истаравшан дар рўихати захираи кадрҳои роҳбарикунанда қарор доранд.

Дар давоми ёздаҳ моҳи соли 2016 дар шаҳр 145 нафар занону духтарони хонанишин мувофиқи талаботи бозори меҳнат ба омодагии касбӣ дар заминаи филиали «Маркази таълимии калонсолони Ҷумҳурии Тоҷикистон» дар шаҳри Истаравшан, Литсейи касбӣ-техникии №14, марказҳои таълимии адрасу атласбофӣ, қолинбофӣ ва сўзанидўзӣ баҳри омўзиши ҳунарҳои мардумӣ ҷалб карда шуданд.

Мардуми Истаравшан тасмим гирифтаанд, ки дар пайгирӣ ва ҷонибдории амалӣ аз сиёсати серҷабҳаву ояндасози Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон имкониятҳои мавҷударо баҳри густаришу вусъати дастовардҳо, ободу зебо гардонидани диёр ва беҳдошти сатҳи зиндагии мардум сафарбар менамоянд.

Нигора ҲАЙДАРЗОДА,
муовини раиси шаҳри Истаравшан

Читать далее

27 December 2016

Баргузории Иҷлосияи нуҳуми Маҷлиси вакилони халқи вилоят, даъвати панҷум

Имрӯз, 27 декабри соли 2016 дар бинои мақомоти иҷроияи ҳокимияти давлатии вилоят таҳти раёсати Раиси Маҷлиси вакилони халқи вилоят, Раиси вилояти Суғд Абдураҳмон Қодирӣ Иҷлосияи нуҳуми Маҷлиси вакилони халқи вилоят, даъвати  панҷум баргузор шуд.

Дар кори иҷлосия аз 70 вакил 65 нафар иштирок намуданд. Ҳамчунин сардорони мақомоти ҳифзи ҳуқуқи вилоят, сохторҳои вилоятӣ, шӯъбаву бахшҳои дастгоҳи Раиси вилоят ва дигар шахсони дахлдор ширкат варзиданд.

Читать далее

Муҳимтарин масъала: Ҳифзи амнияти давлату миллат

Паёми Президенти Ҷумҳурии Тоҷикистон, Асосгузори сулҳу Ваҳдати миллӣ - Пешвои миллат, Ҷаноби Олӣ, мўҳтарам Эмомалӣ Раҳмон ба Маҷлиси Олӣ, аҳли зиё ва мардуми шарифи Тоҷикистон дар шароити торафт мураккаб гардидани вазъи ҷаҳони муосир, густариш пайдо кардани зуҳуроти ниҳоят хатарноки асри нав-терроризм ва экстремизм, вусъати бесобиқаи бархўрди манофеи абарқудратҳо барои аз нав тақсим кардани ҷаҳон, муташанниҷ гардидани вазъи сиёсии сайёра ва шиддат гирифтани бўҳрони молиявию иқтисодӣ дар бисёр кишварҳои олам баён гардида, новобаста аз мушкилотҳои номбурда Паёми созанда ва бунёдкорона аст.

Президенти кишвар аз сатҳу сифати баргузории чорабинии муҳими сиёсӣ - интихоботи вакилони Маҷлиси Олӣ ва маҷлисҳои маҳаллӣ изҳори сипосмандӣ намуда, зикр намуданд, ки он дар фазои сулҳу салоҳ ва сатҳи баланди сиёсӣ баргузор гардид ва аз баланд шудани маърифати сиёсии шаҳрвандон шаҳодат дод.

Сарвари давлат аз вазъи имрўзаи минтақа ва ҷаҳон ба ташвиш омада, махсус таъкид намуданд, ки дар шароити ташаннуҷи рўзафзуни авзои сиёсии ҷаҳон ва тағйиру таҳаввулоти босуръати он, торафт вусъат гирифтани низоъҳои байнидавлативу байнимазҳабӣ ва авҷи ҷиноятҳои муташаккили фаромарзӣ ҳимояи марзу буми кишвар ва ҳифзи амнияти давлату миллат барои мо масъалаи аввалиндараҷа ва ҳаётан муҳим ба шумор меравад.

Президенти мамлакат барҳақ зикр намуданд, ки: «Имрўз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст».

ҳақиқати ин суханҳоро мо аз нооромиҳои давлатҳои Сурия, Ироқ, Афғонистон ва дигар давлатҳои мусулмонӣ, ки ҳодисаҳои террористӣ ҳамарўза боиси марги ҳазорон нафар одамон, аз ҷумла занону кўдакон мегардад, эҳсос менамоем. Бетартибиҳои солҳои 1990-ум, ки боиси ҷанги шаҳрвандӣ, маргу беватан гардидани шаҳрвандони Тоҷикистон ва талаву тороҷ гардидани моликияти давлат гардида буд, аз дасти хоинони миллат ва маслиҳати хоҷагони хориҷиашон амалӣ гардида буд, онҳо террористу экстремист буда, имрўз чеҳраи аслиашон баъди воқеаҳои моҳи сентябри соли 2015 маълум гардид. Лекин халқу миллати тоҷик аз ин ҳодисаҳо сабақи таърихӣ гирифта, ҳеҷ гоҳ ба амалӣ шудани ҳадафҳои нопок роҳ намедиҳад.

Сарвари давлат мубориза бо терроризм ва экстремизмро бо фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳамаи кишварҳои дунёро дар пешорўи ин хатари умумӣ вазифаи муҳими тамоми давлатҳо шуморида, аз «сиёсати дугона» нисбат ба ин вабои ҷаҳонӣ изҳори нигаронӣ намуданд. Сиёсати дугонаю манфиатҷўёна бар зарари худи ин давлатҳо буда, рўзе ба чоҳи кофтаашон худ меафтанд.

Президенти кишвар дар Паём қайд карданд, ки «террористон ватан, миллат ва дину мазҳаб надоранд» ва ин воқеӣ буда, ҳадафҳои бо хун олудаи онҳо ба манфиати ягон ҷомеа ва давлат буда наметавонад. Террористон аксаран шахсони зархарид ва фирефтаи хоҷагони худ мебошанд, ки бо ҷаҳонбинии тангу торик, осебпазирӣ, гумроҳӣ ва руҳан носолим будан, даст ба куштору хунрезӣ мезананд. Онҳо Ватан, миллат ва модари худро кайҳо фаромўш намуда, барои амалӣ намудани супоришҳои роҳбаронашон худро ба оташи ҷаҳаннам мепартоянд.

Дар ин масъала Президенти кишвар ҳақиқати ҳолро баён намуда, зикр карданд, ки «зуҳуроти даҳшатноку нафратовари терроризм, ки аксаран таҳти шиорҳои диниву маз-ҳабӣ сурат мегирад, ба дини мубини Ислом иртиботе надорад, баръакс, аз ҷониби душманони ин дини муқаддас роҳандозӣ шуда, аз он пеш аз ҳама, кишварҳои исломӣ ва мусулмонони сайёра зарар мебинанд».

Инчунин, дар суханронии худ Сарвари давлат изҳори таассуф аз он карданд, ки «баъзе созмонҳои байналмилалӣ аз ҷониби як қатор доираҳо ва давлатҳову фондҳо ошкоро маблағгузорӣ гардидани созмонҳои террористиву ифротгаро, поймолшавии ҳуқуқи инсон, аҳволи тоқатфарсо ва дар роҳи муҳоҷират дар баҳрҳо ғарқ шудани ҳазорон нафар гурезаҳо, аз ҷумла занону кўдаконро нодида мегиранд».

Имрўз Созмони Милали Муттаҳид ҳам-чун созмони бонуфузи ҷаҳонӣ кафили ҳифзи сулҳу субот дар сайёра, ҳуқуқҳои фитрии инсон ва баробарҳуқуқиву дахлнопазирии соҳибистиқлолии давлатҳо мебошад ва дар ин асно санадҳои зиёд қабул намудааст, ки аксарияти давлатҳо онро ҷонибдорӣ намудаанд, ҳолатҳое ба назар мерасанд, ки давлатҳо ва ташкилотҳои ба ном хайриявӣ инро нодида гирифта, бо кўмак ба террористон ё бо истифода аз онҳо вазъи минтақаҳои алоҳидаро ноором сохта, манфиатҳои худро амалӣ намоянд. Ҳодисаҳои даҳшатовари давлатҳои Сурия, Либия, Яман ва Афғонистон шаҳодати онанд, ки ҳуқуқҳои байналмилалиашон поймол гардида, хатари аз байн рафтани истиқлолияти ин давлатҳо ва маргу зери оташ мондани кўдакону занон гардида истодааст. Аксарияти давлатҳои номбурда то омадани террористони зархариди давлатҳои манфиатдор аз ҷиҳати иқтисодиву иҷтимоӣ мустақил буданд ва шаҳрвандонашон зиндагии осоишта доштанд. Тааҷҷубовараш он аст, ки дар ин давлатҳо аллакай идоракунии исломиро пеш гирифтаанд ва танзими тамоми муносибатҳояшон ба муқаррароти дини Ислом мувофиқанд, душманони дини Ислом бо номи «террористу экстремистон» ҳадафи бунёди «давлати исломӣ» доранд, ки ин мантиқан ҳадафи дигар доштани онҳоро шаҳодат медиҳад.

Мо аз ин нуктаҳои Паёми Президенти Ҷумҳурии Тоҷикистон, Асосгузори сулҳу Ваҳдати миллӣ - Пешвои миллат бояд хулосаи зарурӣ бароварда, барои расидан ба ҳадафҳои стратегии мамлакат ва суботу оромии ҷомеа дар атрофи Cарвари хирадманд сарҷамъу муттаҳид бошем.

Маъмур ЮСУФЗОД,
Иброҳим ҶАББОРОВ,
устодони Донишгоҳи давлатии
Хуҷанд, ба номи академик
Бобоҷон Ғафуров

Читать далее

Рўҳбаландии фарҳангиён аз Паёми Сарвари давлат

Кулли фарҳангчиёни вилояти Суғд Паёми Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмонро ба Маҷлиси Олии Ҷумҳурии Тоҷикистон бо шавқу рағбати бепоён тамошо ва гўш карданд. Паёми навбатии Пешвои миллат, ки дар остонаи соли таърихии 20-солагии Рўзи Ваҳдати миллӣ ва 25-солагии Иҷлосияи ХVI Шўрои Олии Ҷумҳурии Тоҷикистон ироа карда шуд, тамоми соҳоти хоҷагии халқи кишварро фаро гирифта, ба такмили рушди иқтисодӣ, сармоягузории давлатӣ, аз байн бурдани терроризму экстремизм, баланд бардоштани сатҳи зиндагии шаҳрвандон бахшида шуд.

Дар Паём ҳамчунин нисбат ба рушду инкишофи ҳунарҳои бадеӣ-халқӣ ва ҷалби ҷавонону наврасон, бонувону занҳои хонашин сухан рафт.

Боиси хурсандист, ки Сарвари кишварамон дар ҳар як Паёми худ иқдомҳои наҷибу созандаро пеш мегузоранд. Аз ҷумла, дар «Соли рушди фарҳанг» дар қаламрави вилоятамон даҳҳо иншооти бузург бунёд ва таъмиру тармим ёфтанд, заминаи моддӣ-техникии муассисаҳои фарҳангӣ хеле устувор гардиданд, чорабиниҳои мухталифи фарҳангӣ дар сатҳи хеле баланд доир гардида, аз ҷониби Пешвои миллат баҳои арзандаро сазовор шуданд.

Дар соли 2017, ки «Соли ҷавонон» эълон гашт, Раёсати фарҳангӣ баҳри рушду такомул, дарёфти наврасону ҷавонони боистеъдоду умедбахш, истироҳати бофароғати шаҳрвандон, пурмазмун баргузор намудани чорабиниҳои фарҳангӣ, мустаҳкамгардонии заминаи муассисаҳои фарҳангӣ чораҳои мушаххас андешида истодааст.

Дар маҷмўъ, дар Соли нави мелодӣ фарҳангчиёни вилоят баҳри дар амал татбиқ намудани сиёсати давлату ҳукумат ва иҷрои дастуру супоришҳои Пешвои миллат чораҳои амалӣ роҳандозӣ хоҳанд кард.

Орифҷон Набиев,
сардори Раёсати
фарҳанги вилояти Суғд

Читать далее

Мутахассисони сазоворро тарбия намоем

Ҳамасола Паёми Президенти Ҷумҳурии Тоҷикистон, Пешвои миллат, мўҳтарам Эмомалӣ Раҳмон ба Маҷлиси Олии Ҷумҳурии Тоҷикистон мо-мардуми вилоятро рўҳу илҳоми тоза мебахшад. Шунидани Паём тариқи оинаи нилгун маро водор сохт, ки чанд ақидаи хешро иброз намоям.

Дар зарфи бисту панҷ соли Истиқлолияти давлатӣ меҳнати бурдборонаю софдилонаи халқи заҳматкаш буд, ки ба дастовардҳои назаррас дар соҳаҳои сиёсиву иқтисодӣ, фарҳангиву иҷтимоӣ ноил гардидем. Ба шарофати сиёсати хирадмандонаю сулҳҷўёнаи Сарвари давлатамон имрўз мо, таълимдиҳандагону тарбиятгарон дар фазои озоду демократӣ кору фаъолият бурда, баҳри таълиму тарбияи насли навин заҳмат мекашем. «Барои баланд бардоштани сифати таълиму тарбия моро зарур аст, ки дар тамоми зинаҳои таҳсилот, бахусус дар зинаи таҳсилоти касбӣ, на ба шумора, балки ба сифати он диққати ҷиддӣ дода, мутахассисони ҷавобгўи талаботи замони муосирро тарбия намоем» омадааст дар Паём.

Вобаста ба ин омўзгорону устодон ва падару модаронро зарур аст, ки диққати наврасон ва хонандагону донишҷўёнро барои аз бар намудани донишҳои муосир ҷалб намуда, ба сатҳи азхудкунии фанҳои дақиқ таваҷҷўҳи бештар зоҳир намоянд, забонҳои хориҷӣ ва омўзиши технологияҳои иттилоотиву коммуникатсиониро ба роҳ монда, ҷиҳати касбомўзии шогирдону фарзандон аҳамияти ҷиддӣ диҳанд. Бо мақсади дарёфти истеъдодҳои ҷавон ва боло бурдани тафаккури техникии наврасон озмунҳо ва мусобиқаҳои илмиву эҷодиро роҳандозӣ намудан дар замоне, ки илму технология бо суръати кайҳонӣ пеш меравад, ба саҳна баромадани афроди лаёқатманд, ихтироъкор ва навҷў дар ҷодаи илмҳои дақиқ имконият медиҳад, ки давлати мо дар ояндаи наздик дар қатори кишварҳои мутараққӣ ҷой дошта бошад.

Аз Паёми навбатӣ, ки саропо барои рушду пешрафти соҳаҳои гуногуни хоҷагии халқ равона карда шудааст, омўзгорон миннатдоранд ва кўшиш мекунанд, ки боварии Сарвари давлат, давлату Ҳукумат ва аз ҳама асосиаш, халқро сазовор бошанд.

Мухбира МЎҲСИНОВА,
омўзгори Муассисаи таълимии
«Ирфон», шаҳри Хуҷанд

Читать далее