September 2017

26 September 2017

Танзим ба манфиати мост!

Тибқи дастуру супоришҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон гурўҳи кории Дастгоҳи иҷроияи Президенти Ҷумҳурии Тоҷикистон оид ба масъалаи муҳтавои тағйиру иловаҳо ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ба ноҳияи Айнӣ ташриф оварданд.

Ба ҳайати гурўҳи корӣ Файзулло Баротзода - директори Муассисаи давлатии Маркази исломшиносӣ, Гулназар Келдӣ - Шоири халқии Тоҷикистон, Икромиддин Азизов - сардори шуъбаи Маркази миллии қонунгузории назди Президенти Ҷумҳурии Тоҷикистон, Рустам Бобоев - намояндаи Мақомоти иҷроияи ҳокимияти давлатии вилоят, Нориниссо Худоёрова - ноиби ректор оид ба таълими Донишкадаи омўзгории Тоҷикистон дар шаҳри Панҷакент ва раиси ноҳияи Айнӣ Неъматулло Раҳматуллозода аз 11 то 15 сентябри соли равон дар 8 ҷамоату деҳоти ноҳия вохўриҳо доир намуда, оид ба мазмуну муҳтавои тағйиру иловаҳо ба Қонуни Ҷумҳурии Тоҷикистон “Дар бораи танзиму анъана ва ҷашну маросимҳо” дар Ҷумҳурии Тоҷикистон суҳбатҳои судманду ошкоро доир намуданд.

Дар Қасри фарҳанги ба номи Нақибхон Туғрал бо иштироки роҳбарони ташкилоту муассисаҳо, раисони ҷамоатҳо, директорони мактаб, имомхатибон, ҷавонон рафти вохўриҳо натиҷабардорӣ гардид. Нахуст ва раиси ноҳия Неъматулло Раҳматуллозода зикр дошт, ки бо ташаббуси Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон 10 сол пеш Қонуни Ҷумҳурии Тоҷикистон “Дар бораи танзиму анъана ва ҷашну маросимҳо дар Ҷумҳурии Тоҷикистон” ба тасвиб расида буд. Ин қонуни тақдирсоз тавонист сатҳи зиндагии мардумро беҳтар намояд ва тақлидҳои кўр-кўронаро аз байн барад. Инчунин, бо розигии халқ ба қонун тағйиру иловаҳо ворид карда шуданд, ки ба манфиати кор ва беҳтар намудани сатҳи некўаҳволии мардум аст.

Файзулло Баротзода - директори Муассисаи давлатии Маркази исломшиносии Дастгоҳи иҷроияи Президенти Ҷумҳурии Тоҷикистон қайд кард, ки Пешвои миллат тавонистанд тавассути ин қонун баробариро дар байни мардум рўи кор оранд.

Он маъракаҳои пурдабдабае, ки дар гузашта баргузор мегардид, ба буҷети ҳар як оила хисороти калони молӣ меовард. Хушбахтона, Қонуни танзим ҳамаи ин мушкилотро рафъ намуд. Ҳамзамон, дар баробари 10 соли пурбарор ва дар амал татбиқ гардидани қонун бо дархости сершумори сокинони кишвар ба он тағйиру иловаҳо ворид карда шуд. Ба ин восита гузаронидани тўю маърака ва ҷашну маросимҳо ба низоми муайян даромад.

Муҳаммад Арбобзода – прокурори ноҳия дар идомаи вохўрӣ доири Қонуни танзим гуфт, ки Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар тўли 26 соли Истиқлолияти давлатӣ тавонистанд дўстиву бародарӣ ва ҳамдилиро дар вуҷуди ҳар яки мо фароҳам оваранд, амнияту осоиштагӣ ва зиндагии ободу осударо бароямон муҳайё намоянд. Мардуми ноҳия дар ҳақиқат тарафдори сиёсати созандаи Ҳукумати кишвар мебошанд. Итминони комил дорем, ки қонуни танзимро дар амал татбиқ намуда, шароити рўзгори худро беҳтар менамоем.

Парвиз Ҳоҷиев - имом - хатиби ноҳия изҳор намуд, ки Худованд исрофкориро дўст намедорад. Қонуне, ки аз ҷониби Пешвои миллат ба тасвиб расид, ба манфиати мардуми мо аст. Маблағе, ки ба нияти маъракаҳои калон ҷамъоварӣ гардидааст, дар роҳи савоб, гузаронидани тўйи оилаҳои ашхоси ниёзманд, бунёди роҳҳо ва пулҳо масраф намоянд, нуран алонур хоҳад шуд.

Нодир ТУРСУНЗОДА,
“Ҳақиқати Суғд”
Маҳмадносир НАСРУЛЛОЕВ

Читать далее

25 September 2017

Кишоварзони вилоят ба маблағи умумии 2 миллиарду 966 миллион сомонӣ маҳсулот истеҳсол намудаанд

Санаи 23 сентябри соли равон дар маҷлисгоҳи калони Мақомоти иҷроияи ҳокимияти давлатии ноҳияи Бобоҷон Ғафуров таҳти раёсати Раиси вилоят Абдураҳмон Қодирӣ ва бо иштироки муовини Сарвазири мамлакат Зокирзода Маҳмадтоир Зоир машварати минтақавӣ оид ба ҷамъбасти ҷамъоварии зироатҳои кишоварзӣ баргузор гардид.

Дар машварат  роҳбарони воҳидҳои сохтории мақомоти иҷроияи ҳокимияти давлатии вилоят, муовинони соҳавии раисони шаҳру ноҳияҳо, раёсатҳои кишоварзӣ, омор, роҳбарони сардхонаҳо, раисони ҷамоатҳо ва дигар шахсони масъул иштирок намуданд.

Читать далее

Нақши ислом дар муносибатҳои байналхалқӣ

Дин яке аз шаклҳои шуури ҷамъиятӣ буда, он дар ҳақиқат дар шуури инсон дар заминаи эътиқоду имон ба вуҷуд омада, вобаста ба шароити иҷтимоии ҷомеа ва тарзи маърифати падидаҳои табиату ҳодисаҳои ҷамъият таҳаввулу инкишоф меёбад. Дини ислом баробари дини яҳудиву масеҳият яке аз динҳои ҷаҳонӣ ба шумор меравад, ки дар ҷараёни ташаккулу таҳаввулаш қариб тамоми мароҳили мазкурро тай намуда, аз як оини қабилаҳои бодиянишини арабҳо то ба дини ҷаҳонӣ расидааст ва имрўз яке аз динҳои ҷаҳонӣ ба шумор рафта, нақши он дар ташаккули муносибатҳои байналхалқӣ торафт намоёнтар мегардад. Мавҷудияти омили исломӣ аз ду нуқта асос мегирад:

1) Мавҷудияти мусалмонон чун гурўҳи мустақил, ки дар ҷаҳони муосир манфиатҳои воқеии худро доранд;

2) Мавҷудияти равобити онон бо дигар тамаддунҳо, ки аз ислом тафовут доранд.

Имрўз қариб ҷамъияти асосии 40 кишвари оламро пайравони дини ислом ташкил намуда, дар 232 мамлакати рўи замин беш аз 1,57 миллиард мусалмонон умр басар мебаранд.

То вафоти Муҳаммад (с) байни мусулмонон ихтилофе вуҷуд надошт, вале баъди реҳлати ў ҳанўз маросими дафн анҷом наёфта, масъалаҳое ба миён омаданд, ки минбаъд боиси пайдоиши зиддияту ихтилоф дар ҷомеаи мусалмонон гардиданд. Роҷеъ ба ихтилофҳои мазкур ҳангоми беморӣ ва реҳлати Муҳаммад (с) ва баъди марги ў сарчашмаҳои диниву таърихии асрҳои миёна ва муаррихону муҳаққиқони муосири дин маълумотҳои гуногун овардаанд. Тафсири воқеа ва шарҳу баёни масъалаҳо вобаста ба тарзи дарку фаҳми ҳодисаҳои иҷтимоиву сиёсӣ ва мавқеи шахсии муаллифон, нисбат ба  онҳо ба ин ё он мазҳаб ба таври гуногун омадаанд. Ин гуногунфикриву ихтилофҳо байни мусалмононро дар тўли таърихи мавҷудияти ислом мушоҳида намудан мумкин аст. 

Аммо дар ҷаҳони муосир ихтилофу зиддиятҳои гуруҳҳои исломӣ ва равияҳои ифротии он торафт хусусияти глобалӣ касб менамояд. Зикр намудан лозим аст, ки ин қувваҳои ифротӣ дар муносибатҳои байналхалқӣ торафт ба ҳам наздик ва муттаҳид мешаванд ва беш аз пеш барои бехатарии мардум ва амнияти кишварҳои гуногун  хатару таҳдид  ба вуҷуд меоранд. Дар байни равияҳои ифротгарои исломӣ  «ҳизб-ут-таҳрир», «Салафия», «Ваҳҳобия», «Бародарони мусалмон» ҳастанд, ки мехоҳанд бо роҳи зўроварӣ ва тарғибу ташвиқ сафи худро аз ҳисоби ҷавонон зиёд кунанд, ғояҳои «давлати исломӣ» сохтани худро бо дасти ин ҷавонон амалӣ кардан мехоҳанд. Fояҳои ин равияҳои ифротгарои исломӣ  имрўз ба афкори солими ҷомеаи ҷаҳонӣ соя афкандааст, зеро дар гўшаву канори олам пайравони худро пайдо  намуда, зиддияти табақаҳои мухталифи ҷамъиятро тезутунд гардонида истодааст. Чунин ғояҳои ифротгароён, чун баробарӣ, адолати иҷтимоӣ, озод шудан аз асорати синфи ҳукмрон бисёр одамонро ба худ ҷалб менамояд ва ин ғояҳо барои густариши таъсири ифротгароён кўмак мерасонад.

Дар шароити ҷаҳонишавии ислом ғояҳои адолати иҷтимоӣ, фарҳанги исломӣ бояд ба назар гирифта шавад. Дар ин раванд сиёсатмадорон, сарварони кишварҳои ҷаҳон ба нақши ислому тамаддуни исломӣ воқеъбинона назар намуда, роҳи гуфтугўи тамаддунҳо ва ҳамкорӣ баҳри сулҳу осоиштагиро пайгирӣ намоянд.

Меҳринисо Очилова,
дотсенти кафедраи забонҳои форсӣ ва хитоӣ, 
факултети забонҳои шарқ,
ДДХ ба номи академик Бобоҷон Fафуров

Читать далее

Fамхорӣ дар ҳаққи эҳтиёҷмандон

Дар ноҳияи Деваштич бахшида ба солгарди Истиқлолияти давлатии Ҷумҳурии Тоҷикистон ва ҷашни 25-умини Иҷлосияи XVI-уми Шӯрои Олии Ҷумҳурии Тоҷикистон бо иштироки раиси ноҳия Рустам Ҷӯразода бо фаъолону ҷавонон ва бонувон мулоқот доир намуд.

Дар мулоқоти мазкур доир ба моҳияти тағйироту иловаҳои ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо» воридшуда, дар бораи татбиқи қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», пешгирии шомилшавии ҷавонон ба ҳизбу ҳаракатҳои ифротгарою террористӣ, пешгирии ҳуқуқвайронкунию ҷиноятҳо, даст назадан ба тақлидкорию бегонапарастӣ, эҳёи анъанаҳои милливу арҷгузорӣ ба суннати ниёгон ва дигар масъалаҳои мубрами рӯз сухан рафта, ҷиҳати дар рӯҳияи ватанпарастию хештаншиносӣ тарбия намудани насли наврас ва рушду нумӯъ бахшидани давлату миллати худ ҳар як фарди бо нангу номус ва дурандешу некхоҳ, бахусус аъзои ҳизби Халқии Демократии Тоҷикистон вазифадор гардид, ки саҳми назарраси худро гузорад.

Дар хотимаи мулоқот, ба 7 нафар ятимони кулл либоси мактабӣ тақдим карда шуд. Иқдоми мазкур ҷиҳати дар амал татбиқ намудани сиёсати дурандешонаву халқпарваронаи Асосгузори сулҳу Ваҳдати миллӣ – Пешвои миллат муҳтарам Эмомалӣ Раҳмон ба роҳ монда шуда, дар ноҳияи Деваштич ба 84 нафар кӯдакони ятиму аз оилаҳои камбизоат асбобу лавозимотҳои хониш ва ба 103 нафар либосҳои мактабӣ тақдим карда шуданд.

Сарвар Саидов,
ноҳияи Деваштич

Читать далее

Машварати корӣ бо иштироки муовини Сарвазири Ҷумҳурии Тоҷикистон дар шаҳри Истаравшан

22 сентябри соли ҷорӣ дар толори Мақомоти иҷроияи ҳокимияти давлатии шаҳри Истаравшан вобаста ба масъалаҳои гузаронидани кишти такрорӣ, ҷамоварии ҳосил ва захираи маҳсулот барои замистонгузаронӣ машварати корӣ баргузор гардид.

Дар машварат Зокирзода Маҳмадтоҳир Зоир, муовини Сарвазири Ҷумҳурии Тоҷикистон, Анвар Яъқубӣ, муовини Раиси вилояти Суғд, Баҳром Иноятзода, раиси шаҳри Истаравшан, инчунин масъулини раёсати кишоварзӣ, сохторҳои раёсат, кормандони кумитаи идораи замин, корхонаи фаръӣ-давлатии амволи ғайриманқул, раисони ҷамоатҳои деҳот ва дигар масъулин иштирок намуданд.

Дар ҷараёни машварат Абдусаттор Қодирӣ, муовини якуми раиси шаҳр, вобаста ба масъалаҳои гузаронидани кишти такрорӣ, ҷамоварии ҳосил ва захираи маҳсулот барои замистонгузаронӣ баромад намуда, иброз намуд, ки давоми ҳашт моҳи соли ҷорӣ истеҳсоли маҳсулоти кишоварзӣ 310 миллиону 601 ҳазор сомониро ташкил дод, ки аз он 242 миллону 750 ҳазор сомонӣ маҳсулоти зироаткорӣ, 67 миллиону 850 ҳазор сомониро маҳсулоти чорводорӣ ташкил дод.

Ҳамчунин Абдусаттор Қодирӣ зикр намуд, ки соли ҷорӣ дар майдонӣ 1030 гектар кишти такрории зироатҳо ба нақша гирифта шуда, 1215 гектари кишти такрории зироатҳо гузаронида шуд.

Дар поёни машварти корӣ Маҳмадтоҳир Зокирзода, муовини Сарвазири мамлакат, ба масъулини соҳаи кишоварзӣ ҷиҳати дар мӯҳлатҳои муайянгардида ва аз рӯи нақша гузаронидани кишти такрорӣ, ҷамоварии ҳосил ва захираи маҳсулот барои замистонгузаронӣ, ташкили ярмарка-фурӯши маҳсулоти хӯрокворӣ дастуру супоришҳои мушаххас дод.

Хадамоти матбуоти
Раиси вилояти Суғд

Читать далее

Таҷаллии шуълаи умед

Ҳар қадар ба умқи таърих ғўтавар шавем, қадру манзалати Иҷлосияи ХVI Шўрои Олии Тоҷикистон ҳамон қадар рўшантар муҷалло мегардад ва мардуми сарбаланди Тоҷикистон ин воқеаи сарнавиштсозро волотар арҷгузорӣ менамоянд.

Он айёми вазнину мураккаби ба сари халқи тоҷик омада ҳеҷ гоҳ аз хотири мардуми кишвар зудуда нахоҳад шуд. Зеро, рўзгори пурсаодати имрўзи мо бар ивази арзиши хеле гарон ба даст омадааст.

Абдурасул Ҳабибов ҳамчун вакили Шўрои Олии Ҷумҳурии Тоҷикистон дар солҳои 1990-1995-ум, даъвати дувоздаҳум шоҳиди рўйдодҳои солҳои аввали Истиқлолият ва иштирокчии Иҷлосияи тақдирсози кишвар аст. Дар бобати аҳамияти таърихии Иҷлосияи ХVI Шўрои Олии Тоҷикистон дар ҳаммуаллифӣ бо олим Ҳабибулло Холҷўраев асаре бо номи «Ваҳдат: воқеаҳо, далелҳо, ҳуҷҷатҳо, андеша ва хулосаҳо» бо забони русӣ таълиф намуд ва кўшиш ба харҷ дод, ки ҳақиқати ҳоли воқеаҳои аввали солҳои навадумро дар асоси санадҳои дақиқ ба назари хонанда рўшан намояд.

Вай ҳамчун вакили Маҷлиси Олии мамлакат аз ҳавзаи интихоботии рақами 140, Fўлакандоз буда, он рўзҳои талхро ба ёд меорад ва шукри рўзгори осоиштаи имрўз мекунад.

Вазъи муташанниҷи сиёсӣ дар кишвар нобасомонӣ ва беҳокимиятиро ба миён оварда буд. Ба ҷуз вакилон ягон нерўи қонунбарор мавҷуд набуд.

- Барои ҳамин,- мегўяд Абдурасул Ҳабибов, баҳри ҳарчӣ зудтар ба эътидол овардани вазъ вакилони мардумӣ бо ҳамдигар пайваста иртибот доштанд ва маврид меҷустанд, ки Иҷлосияи ғайринавбатӣ доир гардад. Оқибат, ба қароре омаданд, ки бояд намояндагони ҳама ҷонибҳо як ҷо ҷамъ оянд. Роҳи дигаре набуд. Акнун муаммое пеш меистод, ки ин аниқ кардани ҷои баргузории Иҷлосия буд. Баъзе вакилон мегуфтанд, ки дар шаҳри Душанбе гузаронида шавад. Вале нотинҷии вазъи пойтахт ба ҷамъ шудану дар фазои ором гузаронидани Иҷлосия имкон намедод. Пешниҳод гардид, ки Иҷлосия дар шаҳри Хуҷанд гузаронда шавад. Вакилон ба қароре омаданд, ки Қасри Арбоб мавзеи беҳтарин баҳри барпокунии Иҷлосия аст. Дар ҳолати муташанниҷ гардидани вазъ низ сокинон зарар намебинанд.

- Иҷлосия хеле пуршиддату тезутунд мегузашт,-мегўяд Абдурасул Ҳабибов-Иҷлосия ба кори худ шуруъ намуд. Дар рўзнома масъалаҳои баррасишаванда зиёд буданд. Вале аз дигар тараф ҳар кӣ манфиати худро дошт. Ба ҳар ҳол, хушбахтиву саодати мардуми сарзамини мо, иқболи баланди мост, ки ин Иҷлосия доир шуд ва он тақдирсоз гашт. Натанҳо сарнавиштсоз, балки сулҳу оштиовар, муросову мадороовар низ гашт. Ба хотима ёфтани ҷанги шаҳрвандӣ, ба тантанаи ваҳдату ягонагӣ дар Тоҷикистони азиз замина, таҳкурсӣ ва асос шуд.

Дар он рўзҳои торику зулмотии кишвар баргузор гаштани Иҷлосия ин тавлид гаштану таҷаллии шуълаи умед дар қалбҳои аксари мардуми диёр буд, ки оқибат беҳокимиятӣ хотима хоҳад ёфт!

Он санадҳое, ки дар Иҷлосия қабул карда шуданд, тадриҷан татбиқи худро меёфтанд ва бо ин дар дилҳои одамон боварӣ ба рўзҳои нек қавитар мегардид.

-Агар ба баргузории ин Иҷлосия баҳои сазовору ҳаққонӣ диҳем, аҳамияти он дар бадастории сулҳ ва ваҳдати миллӣ дар мамлакат хеле бузург аст, - зикр мекунад. А.Ҳабибов. - Аҳамияти муҳимтарини он интихоби Раиси Шўрои Олии Ҷумҳурии Тоҷикистон муҳтарам Эмомалӣ Раҳмон аст. Воқеан, Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон аз ҳақиқати рўзгор натарсиданд, ба дифои он рафтанд, садоқатмандии беназир нисбат ба халқу Ватани хеш зоҳир намуданд. Ҳамин фазилати ҷавонмардонаашон буд, ки ватандори тавоно ва барўманд гаштанд.

Дар Иҷлосия боз як воқеаи таърихӣ ин қабул гардидани Парчам ва Нишони Тоҷикистони соҳибистиқлол аст. Воқеаи дигар барпо шудани оши оштӣ бо иштироки ҷонибҳо буд, ки ин манзара, ин лаҳзаҳо кудуратро аз дилҳо зудуд…

-Аз тақдирам шоду ризомандам, ки дар он рўзҳои баҳри кишварамон хеле мушкил ман низ каме бошад ҳам, баҳри ба эътидол овардани вазъи сиёсии сарзаминамон ва баҳри тантанаи сулҳу субот саҳм гузоштаам,-мегўяд Абдурасул Ҳабибов.

Рафоат МЎЪМИНОВА,
“Ҳақиқати Суғд”

Читать далее

Бозгӯи заҳмати деҳқон

Дар пахтазори нопайдоканори ноҳияи Зафаробод пахта саросар шукуфта, заҳмати шабонарўзию бедорхобиҳои деҳқони хокпошро аён месозад.

Соли равон пахтакорони ноҳия азм доранд, ки бештар аз 23 ҳазор тонна «тиллои сафед» истеҳсол намоянд, ки ин нисбати чашмдошт 3 ҳазор тонна зиёд аст.

Имрўз дар 3800 хоҷагиҳои деҳқонию инфиродӣ ҷамъоварии ҳосил босуръат давом дорад. Хоҷагии деҳқонии «Озодҷон-1» бо сарварии Қ.Суннатуллоев аз ҳар гектар 27 сентнерӣ mҳосил рўёнида, 24 тонна “тиллои сафед” ҷамъоварӣ намуд ва аввалин шуда нақшаро таъмин кард.

Барои механизаторону чинакчиён дар саҳро шароити хуби корию истироҳатӣ муҳайё буда, ҳавасмандкунии марди саҳро пешравии корро таъмин менамояд.

Эгамназар СОҲИБНАЗАРОВ,
ноҳияи Деваштич

Читать далее

Рисолат ва масъулият

Фаридун Отабоев - муовини сардори шуъбаи даъват ва тарбияи ҷавонон ба хизмати ҳарбии Комиссариати ҳарбии вилоят дар суҳбат қайд намуд, ки алҳол дар ҳамаи шаҳру ноҳияҳо ва ҷамоатҳои шаҳру деҳот корҳои ташвиқотию тарғиботӣ байни сокинон бобати даъвати навбатӣ гузаронида шуда истодаанд.

- Дар ин раванд 397 нафар ҷавонон ба Ташкилоти ҷамъиятии мададгори мудофиаи вилоят ҷалб гардида, аз курсҳои кўтоҳмуддати ронандагӣ гузашта, ба сафи Артиши миллӣ равона карда мешаванд.

Имрўз дар вилоят маъракаи супоридани даъватнома барои шахсоне, ки қобилияти хизмат дар сафи Қувваҳои Мусаллаҳро доранд, ҷараён дорад.

 Маъракаи даъватномадиҳӣ барои муайян намудани вазъи саломатии ҳар як нафар нигаронида шуда, дар сурати солим будан, барои хизмат равон карда мешаванд, ки ин вазифаи ҳар як шаҳрванди кишвар аст, - мегўяд ў.

Истамҷони Наҷмиддин,
“Ҳақиқати Суғд”

Читать далее

22 September 2017

Кӯшиши барабас

Суханронии Холиди Муҳаммадсаъид, ба ном «фаъоли сиёсии тоҷик» дар мавзӯи “Ҷойгоҳи ҷомеаи шаҳрвандӣ ва ҳуқуқи башар дар Тоҷикистон” дар нишасти САҲА дар Варшава роҷеъ ба баррасии вазъи ҳуқуқи башар дар кишварҳои узви ин созмон ҳар як сокини Тоҷикистонро бетараф гузошта наметавонад.

Созмонҳои аз тарафи Холид номбурда, яъне «Авангард» ва «Созандагони Ватан» узви фаъоли ҷомеаи шаҳрвандии Ҷумҳурии Тоҷикистон мебошанд ва ҳамин танҳо Ташкилоти ҷамъиятии ҷавонон «Созандагони Ватан» зиёда аз 250 000 аъзои расмӣ дораду ҳазорон ҳазори дигар ҷавонони пайраву ҷонибдор дорад. Дар муқоиса аз чанд ҷавони авбошбашараи хиёнаткор ба монанди Холиди Муҳаммадсаъид ба миллату давлатдории миллӣ, ки аврупои бузург барояшон ҳаққи эътирозу гирдиҳамоӣ додааст, чаро натавонанд ба хотири ҳимоя аз манфиатҳои худу миллати худ даст ба тазоҳурот бизананд?

Айни ҳол дар хориҷ аз Тоҷикистон ҲНИТ ҳизби мамнӯъи террористӣ эълон шуда, аз ҳисоби ячейкаҳои дигари ихвонӣ таблиғоти густурдаро алайҳи ҳукумати Тоҷикистон ба роҳ мондааст ва  тавассути интернет ва дигар расонаҳои иттилоотӣ кӯшиш менамояд зеҳнҳоро мағшуш намояд, ки мисоли равшани он амали хоинонаи «фаъолони сиёсии тоҷик»  дар симои Холид барин  гурӯҳчаҳои хиёнаткор аст. Онҳо барои давлатдории миллии 8 миллион сокини Тоҷикистони соҳибистиқлол, ки зиёда аз 5 миллиони онро ҷавонон ташкил медиҳанд,  хатар эҷод мекунанд, мехоҳанд обрӯи давлати миллии онҳоро дар арсаи байналмилалӣ ба хотири манфиатҳои худу хоҷагони хориҷиашон резонанд.

Дар мавриди ин, ки ҷаноби Холид ҷузъе аз ҷомеаи шаҳрвандӣ будани «Созандагони Ватан»-ро инкор мекунад, намедонем кӣ ба чӣ ҳаққе чунин хулоса кардааст. Ё шояд ҷомеаи шаҳрвандӣ аз нигоҳи ин мухолифони бо ном «сиёсӣ» ниҳоди сирф дар муқобили давлат қароргирифта фаҳмида шавад?! Магар созмони ҷамъиятие, ки зиёда аз 250 000 аъзо ва ҳазорон ҷонибдори дигар дошта, дар самти тарбияи ватандӯстии ҷавонон саҳми муносиб мегузорад, аз ватану миллат, сулҳу осоиш, пешрафту шукуфоӣ ва иттиҳоду ягонагӣ мегӯяд, оё метавонад ҷузъи ҷомеаи шаҳрвандӣ набошаду, ниҳодҳои нафақат ба расмият шинохтанашуда, балки аз ҷониби созмонҳои байналмилалӣ террористию экстремистӣ эътирофшуда, амсоли ТЭТ ҲНИТ ва гурӯҳаки ҳамагӣ 24 ҷузъи ҷомеаи шаҳрвандӣ бошанд!?

Холиди Муҳаммад, ки худро фаъоли сиёсии Тоҷикистон мешуморад, чаро дур аз Ватан санги маломат ба ҳамватан, бахусус, ба ҷавонон ҳавола мекунад?

Мо, устодони ҷавони кафедраи сиёсатшиносӣ, чунин суханони бепояву бесаводона ва ғаразноки чунин фаъолони бо ном «сиёсӣ»-ро қатъиян маҳкум менамоем.

Моҳира Шарипова,
Оқилова Мавзуна,
устодони кафедраи
 сиёсатшиносӣ ва фарҳангшиносӣ

Читать далее

“Ҷавонон бояд аз як гиребон сар бароранд!”

Мутааcсифона дар замони имрӯза шахсонеро дучор омадан мумкин аст, ки мафҳуми Ватану ватандӯстиро бо фикрҳои пучи худ дарк карда наметавонанд.  Ин гуна ашхосон  ҳамеша мехоҳанд, ки Тоҷикистони ороро ноором созанд, зеро хоҷагони лӯбадбози бурунмарзии онҳо аз ин лӯхтакҳо талаб мекунанд, ки чунин иғвоҳоро байни ҷавонон паҳн намоянд.

Имрӯзҳо дидан мумкин аст, ки ҷавонон  бештар ба равияҳои гуногуни экстримистию террористӣ шомил шуда истодаанд ва ин ҳама иғвогариҳои маҳз чунин ашхосон аст,  ки мехоҳанд ҷавононро,  ки ояндаи халқу ватананд гумроҳ созанд.  ҳадафи асосии ин гуна афродон ҷавононро зидди сиёсати хирадмандонаи Пешвои миллат  Эмомалӣ Раҳмон ва сиёсати пешгирифтаи давлату ҳукумат равона созад.

Хоинони Ватан ба монанди Холиди Муҳаммадсаъид маҳз бо воситаи паҳн кардани фикрҳои ғаразомезу бадхоҳонаи  худ ҷавононро аз роҳи дурусти ватанхоҳиву ватандӯстӣ берун намуда, ҷавононро чун воситаи муҳими амалӣ сохтани ақидаҳои ғаразноки худ истифода менамоянд.

Бояд ҳамаи ҷавонон мисли ТҶҶ «Созандагони Ватан» аз як гиребон сар бароварда,  ниқоби ин гуна афроди «ватанхоҳ»-ро аз рӯяшон бардоранд.

С. ҚОРИХОНОВ,
омӯзгори кафедраи  cиёсатшиносӣ
ва фарҳангшиносӣ

Читать далее