26 October 2017

Кафили таъмини ҳуқуқу озодиҳои инсон

Бо иштироки аъзоёни гуруҳи тарғиботӣ - ташвиқотии назди мақомоти иҷроияи ҳокимияти давлатии шаҳри Бӯстон – М.Нурзода, мудири шӯъбаи рушди иҷтимоӣ ва робита бо ҷомеаи дастгоҳи раиси шаҳр, Б.Қудратов - мудири бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатаии шаҳр, М.Сайдуллоева, Қ.Азизов ва З.Тошматов - устодони Донишкадаи куҳӣ-металлургии Тоҷикистон Рӯзи ягонаи ахбор дар шаҳри Бӯстон баргузор гардид.

Мулоқотҳо бо устодон ва донишҷӯёни Донишкадаи куҳӣ-металлургии Тоҷикистон, кормандони соҳаи маориф, раисони кумитаҳои маҳаллаҳо ва сарварони биноҳо дар толори донишкадаи муассисаи таҳсилоти миёнаи умумии №3 ва Ҷамоати шаҳраки Палос баргузор гардиданд. Аъзоёни гурӯҳи  тарғиботӣ-ташвиқотӣ дар суханронии худ перомуни Қонуни асосии кишвар, таърихи ин санади муқаддас, эҳтиром ва арҷгузорӣ ба он, қабул гардидани қонунҳои хусусияти миллидошта, ба монанди Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ибрози назар намуданд.

Дар мулоқотҳо оид ба пешгирии шомилшавии шаҳрвандон ба ҳизбу ҳаракатҳои ғайриқонунӣ, тамоюлҳои бегонапарастӣ, пешгирии иштироки сокинони шаҳр, бахусус, ҷавонон дар муқовиматҳои мусаллаҳонаи давлатҳои хориҷи кишвар ва дигар масъалаҳои мубрами рӯз ибрози назар карда шуд.

ҳамзамон оид ба мафҳуми Конститутсия, таърихи пайдоиши он ва нақши он дар ҷомеаи демократӣ суолу ҷавоб сурат гирифт.

Мамнури МЭЛС,
 шаҳри Бӯстон

Читать далее

Мулоқоти хона ба хона бо аҳолӣ

Дар ноҳияи Деваштич вобаста ба тарғибу ташвиқи ҳидоятҳои Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз Паёмҳои ҳамасолаашон ба Маҷлиси Олии Ҷумҳурии Тоҷикистон ва мулоқоту суханрониҳояшон бармеоянд, аз ҷониби гуруҳи фаъолон суҳбатҳои инфиродӣ бо услуби «Хона ба хона» ба роҳ монда шуд.

Мулоқоти мазкур дар деҳаи Далёни Ҷамоати деҳоти Далёни Болои ноҳия баргузор гардид. Гуруҳи фаъолон дар ҳайати мудири шуъбаи ташкилӣ ва кор бо кадрҳои дастгоҳи раиси ноҳия Атахон Абдуллозода, роҳбари намояндагии ташкилоти ҷамъиятии ҷавонон Сарвар Саидов, мутахассиси пешбари шуъбаи рушди иҷтимоӣ ва робита бо ҷомеаи дастгоҳи раиси ноҳия Содирхон Баҳодуров, намояндаи шўъбаи Вазорати корҳои дохилии Ҷумҳурии Тоҷикистон дар ноҳия ва кормандони Ҷамоати деҳот сараввал бо фаъолони деҳаи мазкур суҳбат оростанд ва сониян бо сокинон як ба як суҳбату мулоқот анҷом доданд.

Дар рафти мулоқоти мазкур гуруҳи корӣ сараввал аз шароити зисту зиндагонии сокинон ва ин ё он муаммоҳои онҳо пурсон шуда, инчунин доир ба меъёрҳои қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон» маълумот доданд. Ҳамзамон дар рафти пешбурди корҳои фаҳмондадиҳӣ доир ба буду боши сокинон дар муҳоҷирати меҳнатӣ маълумот дода шуда, аз волидайну ҳамсарон хоҳиш карда шуд, ки мунтазам аз шароити корӣ ва ҳолу аҳволи пайвандони дар муҳоҷиратбудаашон пурсон шуда, аз ҳизбу ҳаракатҳои ғайриқонуниву ифротгароӣ ҳушёру зирак бошанд.

Нилуфар Носирова,
корманди Кумитаи иҷроияи
ҲХДТ дар ноҳияи Деваштич

Читать далее

Нақши Иҷлосияи 16-уми Шӯрои Олии Ҷумҳурии Тоҷикистон дар таърихи навини давлатдории тоҷикон

Санаи 23 октябри соли 2017 дар “Қасри фарҳанг”- и шаҳр бо иштироки зиёда аз 300 нафар ҷавонон, сокинон ва кормандони соҳаҳои мухталифи шаҳр конфронси илмӣ – назариявӣ бахшида ба 25 – солагии Иҷлосияи 16-уми Шӯрои Олии Ҷумҳурии Тоҷикистон баргузор гардид.

Дар конфронс вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ӯрунхоҷаев №15 Ахмедов Ҷаббор Ҷалолович, иштирокчиёни Иҷлосияи 16 - уми Шӯрои Олии Ҷумҳурии Тоҷикистон Қурбонов Эргашбой Саидович, Фатҳиддинов Бойпоччо, собиқадорони меҳнат ва устодон иштирок намуданд.

Нахуст, муовини Раиси шаҳр Зоирӣ Щ.М. конфронсро оuоз намуда, оид ба аҳмияти таърихии Иҷлосияи тақдирсоз ибрози андеша намуд. Сипас, вакили Маҷлиси намояндагони Маҷлиси Олии Ҷумҳурии Тоҷикистон Ахмедов Ҷаббор Ҷалолович дар мавзӯи “Нақши Иҷлосияи 16 – уми Шӯрои Олии Ҷумҳурии Тоҷикистон дар таърихи навини давлатдории тоҷикон” маърӯза намуда қайд кард, ки баргузории Иҷлосияи 16 – ум ин ощози марҳилаи воқеии раванди сулҳ ва эҳёи рукнҳои давлатдории миллӣ маҳсуб мешавад.

Аз ин рӯ, зарурият пеш омад, ки бояд Иҷлосияи навбатии Шӯрои Олӣ баргузор гардад ва онро фақат нерӯи созанда метавонист баргузор намуда, ватанамонро наҷот диҳад. Аз ин лиҳоз, Иҷлосияи 16 – уми Шӯрои Олии Ҷумҳурии Тоҷикистон баргузор гардид ва бо гузашти солҳо метавон гуфт, ки вакилони мардумӣ аз иҷрои вазифаи худ сарбаландона баромада, аз интихоби номзади арзанда, Пешвои муаззам, муҳтарам Эмомалӣ Раҳмон имрӯз тамоми тоҷикону тоҷикистониён қаноатманд мебошанд.

Сипас, устоди Донишкадаи куҳӣ – металлургии Тоҷикистон, номзади илмҳои иқтисод Хуршед Юсупов дар мавзӯи «Рушду инкишофи соҳаҳои хоҷагии Ҷумҳурии Тоҷикистон дар 25 соли таърихӣ» маърӯза кард.

Иштирокчиёни Иҷлосияи тақдирсоз Қурбонов Э.С. ва Фатҳиддинов Б. аз солҳои мудҳиши он давра ёдовар шуда қайд намуданд, ки маҳз дар Иҷлосияи тақдирсоз аз минбари баланди он Пешвои маҳбуби кишварамон, муҳтарам Эмомалӣ Раҳмон ба арсаи сиёсат баҳодурона қадам гузошта, зимоми давлатдории навини миллии тоҷикро ба зиммаи хеш гирифтанд ва давлатдории миллии тоҷикон аз нобудӣ наҷот ёфт.

Мамнури МЭЛС

Читать далее

Натиҷагирӣ аз нуҳмохи фаъолият дар Деваштич

Дар ноҳияи Деваштич ҷамъбасти нўҳмоҳаи соли 2017 бо иштироки намояндаи Мақомоти иҷроияи ҳокимияти давлатии вилояти Суғд Хайрулло Бобозода, муовинони Раиси ноҳия, мудирони шўъбаҳо ва бахшҳои мақомоти иҷроияи ҳокимияти давлатии ноҳия, кормандони мақомоти ҳифзи ҳуқуқи ноҳия, раисони ҷамоатҳои шаҳраку деҳот, роҳбарони ташкилоту корхона ва идораҳо, сарварони муассисаҳои таълимию тандурустӣ баргузор гардид.

Маҷлиси ҷамъбастиро Раиси ноҳия Рустам Ҷўразода ифтитоҳ намуд. Муовини Раиси ноҳия Ғиёсиддинзода Бунафша дар бораи рушди иқтисодӣ ва иҷтимоии ноҳияи Деваштич дар нўҳмоҳи соли равон маърўза кард. Қайд намуд, ки дар давраи ҳисоботӣ таъмини иҷроиши нақшаи воридоти андозҳои маҳаллӣ дар нўҳмоҳи соли равон ба 100,1 фоиз ба иҷро расонида шуд. Маблағҳои батариқи субвенсия аз буҷети вилоятӣ ҷудошаванда 100 фоиз ворид гардид. Инчунин Раиси ноҳия Р.Ҷўразода доири нобаробарӣ дар пардохти андоз, тамъмири роҳҳо, даъвати тирамоҳии ҳарбӣ, сари вақт гузаронидани кишти тирамоҳӣ ва омодагӣ ба зимистон аз шахсони масъул пурсон шуд. Дар ҷаласаи ҷамъбастии ноҳия намояндаи Мақомоти иҷроияи вилоят аз дастовардҳо ҳарф зад, барои муҳассилин баҳри бартараф кардани камбудиҳои ҷойдошта ибрози ақида карда барои ҳаллӣ мусбии онҳо маслиҳатҳои муфид дод.                                    

 Лоиқ Тўйчиев,
ноҳияи Деваштич

Читать далее

Ҷалби ҷавонон ба ҳифзи дастовардҳои миллӣ

Санаи 25 октябр дар Коллеҷи тарбияи ҷисмонии шаҳри Бӯстон вобаста ба пешгирии гаравидану шомилшавии ҷавонон ва дигар табақаҳои осебпазир ба ҳизбу ҳаракатҳои ифротӣ, ва пешгирии муҳоҷирати ғайриқонунӣ бо донишҷӯёни ин муассиса мулоқот баргузор гардид.

Дар мулоқот мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон – М. Нурзода, мудири бахши кор бо ҷавонон ва варзиши шаҳри Бӯстон – Х. Исмоилов, мудири бахши Хадамоти муҳоҷират дар шаҳри Бӯстон – С.Сатторзода, сармутахассиси Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд – Р. Раҳимов ширкат намуданд.

Ҷаласаро мудири бахши кор бо ҷавонон ва варзиши шаҳри Бӯстон Х.Исмоилов оғоз намуд.

Мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр М.Нурзода перомуни пешгирии шомилшавии ҷавонон ба ҳизбу ҳаракатҳои ифротӣ, марҳалаҳои аз сар гузаронидани ҷанги шаҳрвандӣ ибрози назар намуда, ҷавононро барои аз даст надодани зиракии сиёсӣ даъват намуд. Номбурда бо талошҳои пайгиронаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва халқи шарифи Тоҷикистон дар кишвар барқарор гардидани сулҳу суботи ҷомеа сухан кард.

Мамнури МЭЛС

Читать далее

Садо аз санг

Дар арафаи ҷашнҳои бошукўҳи миллӣ чорабиниҳои мухталиф баргузор гашта, намоиши асарҳои рассомони ҷавон низ дар даврони соҳибистиқлолии кишвар яке аз падидаҳои намоён арзёбӣ мегардад. Чунин намоиши санъати тасвирии яке аз дастпарвари мактаби хусусии «Сафина»-и ноҳияи Бобоҷон Ғафуров Меъроҷ Ваҳҳобзода бо иштироки васеи роҳбарияту масъулини мақомоти маҳаллӣ, меҳмонону намояндагони шуъбаи маориф барпо гашта, ба ин эҷодкору хонандаи боодобу ботамкин, дилёбу аълохон баҳои арзанда доданд. Асарҳои тасвирнамудаи ў ойинаи пурҷилои табиати Ватанро мемонад. Вақте ки ба мусаввараҳои Меъроҷ назар медўзед, эҳсоси фавқулоддае шуморо фаро мегирад. Омезиши бо ҳам мувофиқафтодаи нигоҳу мўқалами рассом ва ҷилваи рангҳои интихобшуда бинандаро мафтун месозад.

Тааҷҷуби мо ҳангоми дидани тасвирҳои мусиқаҳои аз санг бароянда бештар гашт. Муъҷизаҳои Тоҷикистони саросар кўҳсору дорои табиати чашмрабоянда ангуштони Меъроҷи соҳибҳунарро чунон ба ҳаракат даровардаанд, ки ҳатто санг овоз баровардааст. Мусиқаи санги кўҳсору лаби дарё ҳамнавои мурғакони хушилҳону садои форами шаршараҳо гашта, дар замири инсон нисбат ба офарандаи он эҳсоси меҳру самимият бедор мекарданд. Тафсири манзараҳо бо забонҳои ғайритоҷикӣ, русиву англисӣ, бахусус олмонӣ бошад, дар қалби сокинони олмонитабор ҳисси худшиносиву худогоҳии миллӣ, дўстдори Ватану кишвар ва табиати мафтункори худ будани як нафар иштирокчии озмунро шаҳодатгар буд.

«Мусиқа аз овози сангҳо». Чунин унвон дошт, озмуне, ки байналмилалӣ сурат гирифтаву аз тамоми манотиқи дунё мониқаламон маҳсули ҳунари худро ба намоиш гузошта буданд. Ҳанўз оғози айёми шукуфарези баҳорон Меъроҷ дар даст даъватномаи озмуни байналхалқӣ, ки дар давлати Олмон бояд баргузор мегардид, аз тайёра фуруд омад. Роҳбаладаш нафари ба ҷону дил наздик, муҳибу ғамхор, тарбиятгару таълимдеҳ, устоди даҳҳо шогирд Мавзуна Раҳимова, ки донандаи хуби забони олмонист, Меъроҷро ҳушдор медод, ки сабуриро пешаи худ қарор бидиҳад, сухан санҷида гўяду асарҳои тасвиркардаашро якояк ва бо тамоми ҷузъиёташ манзури тамошобинону ҳайати доварон гардонад. Асарҳои ин тоҷикписари ҷавон дар озмунҳои сатҳи байналмилалӣ дар шаҳри Лютсерни давлати Шветсария, Олмон ва инчунин намоишгоҳҳои ватанӣ низ сазовори ҷойҳои намоён ва ифтихорномаҳо гаштаанд. Ҳар гоҳе, ки дар озмунҳо ширкат меварзад, тасвирҳояшро бо чанд забон ба иштирокдорон бо боварии том муаррифӣ менамояд. Бо ифтихор дар бораи табиати биҳиштосои кишвараш, дарёҳои пуртуғёну кўҳҳои сарбафалаккашида, манзараҳои нотакрори хиёбону гулгаштҳои диёри хеш ҳарф мезанад.

Фарҷоми намоиш-озмуни «Мусиқа аз овози сангҳо» барои Меъроҷ фаромўшношуданӣ гашт. Ў худро дар мақоми ифтихорӣ дид. Ҳисси шодмониву ифтихор вуҷудашро лабрез кард. Дар даст дипломи байналхалқӣ, дар қалб эҳсоси шодмонӣ, дар сар Парчами парафшони Тоҷикистон дид. Пас аз бозгашт ба Ватан барояш туҳфаи аз ҳама арзишманд дидори падару модари азизу меҳрубонаш гардид. Аз гуфтори пурмуҳаббату самимонааш дарк намудем, ки сарчашмаи таконбахшии истеъдоди худро аз падару модари меҳрубонаш медонад.

- Маҳз шабзинадориҳои модари мушфиқам буд, ки ба зиндагии хуррамонаву муваффақона ҳидоятгар шуд. Падарам шавқу завқи ба тасвир кашидани олами зебоиофарро бароям омўзонд. Ҳидоятгару раҳнамо ба мавзеъҳои таърихии Кўк, Баден-Баден, Кёлн, боғҳои истироҳативу осорхонаҳои таърихии давлати Олмон буд. Аз нозукиҳои гиторнавозӣ бохабар кард. Заминагузори фаъолияти эҷодиам гашт, ҳанўз аз синфи чаҳорум барои иштирок дар озмунҳои фаннӣ дасти мадад дароз кард,-мегўяд Меъроҷ.

Дар як утоқи муассисаи таълимии Гимназияи «Сафина»-и ноҳияи Бобоҷон Ғафуров дар баробари расмҳои кашидаву диплому ифтихорнома, сипосномаву дигар дастовардҳои ин хонандаи фаъоли муассиса дидани сангҳои ба узви одамӣ монанд моро ба тааҷҷуб андохт. Узвҳои дарунии одамӣ чӣ қаробате ба расмкашӣ дошта бошанд? Шарҳи онро аз сарвари гимназия Мавзуна Раҳимова шунида, дигарбора ба Меъроҷи панҷ панҷааш ҳунар аҳсант гуфтем.

- Одобу ахлоқ ва рафтору кирдорҳои Меъроҷ Ваҳҳобзода дар муассисаи таълимӣ намунаи ибрати ҳамагон аст. Вақте фаҳмидем, ки истеъдоди худододи ба тасвир овардани воқеаю манзараҳоро дорад, имкониятҳоро фароҳам оварда, барои сайқал додани он кўшиш ба харҷ додем. Узвҳое, ки шумо мебинед, аслӣ набуда, балки аз санг аст. Шуғли дўстдоштаи Меъроҷ бо ҳамроҳии муаллимон ҷамъ овардани сангҳои ба узвҳо монанди кўҳу дарёҳост. Баъдан онҳоро бо маслиҳату супоришҳои омўзгорон ранг дода, ба ҳолати лозимӣ меандозад. Толибилми беҳтарини муассиса ба ҳисоб рафта, номзад ба медали тиллост. Борҳо дар озмунҳои ноҳиявию вилоятӣ, ҷумҳуриявию байналхалқӣ дастболо шуда, фахри дабистон гаштааст. Айни ҳол дар озмуни фаннии забони давлатӣ дар вилоят ғолиб омада, ба озмунҳои навбатӣ омодагӣ мебинад. Дар баробари ин аз рўи лоиҳаи «Оби тоза» кор карда, дар ободии кишвари азизаш - Тоҷикистон саҳми муносиб гузоштанист. Зиёда аз ин Меъроҷ нусхаҳои электронии расмҳои кашидаашро ба давлати Олмон равона карда, даъватномаи фестивал - озмуни байналхалқии Лютсерини Шветсарияро ба даст овардааст ва моҳи апрели соли 2018 иштирокчии озмуни навбатӣ хоҳад шуд. Роҳбарияти муассиса барои ҳавасмандии хонанда ўро аз маблағи таҳсил озод карда, барои сайқали маҳорат ва фаъолияти эҷодию таҳсилаш тамоми шароитҳоро фароҳам овардааст. Ҳамчунин, умед дорем, ки дар оянда ба қуллаҳои баланди дониш расида, номбардори волидайну фахри дабистон ва парчамбардори кишвари маҳбуби худ хоҳад гашт, - андешаҳояшро иброз дошт сарвари муассиса.

Ба наздикӣ дар Фестивал-озмуни «Сапеда» низ ин рассоми ҷавон бо мусаввараҳои дилрабои хеш ширкат варзида, сазовори ҷойи аввал гашт. Донандаи шаш забон, хонандаи аълохон, ибратомўзи ҳамсолон, мусиқанавози нотакрор, рассоми мониқалам, шоҳмотбози беҳтарину табиатдўсти хушкор дар оянда таҳсилашро дар кишвари хориҷа давом дода, барои беҳдошту ҳифзи муҳити зисти диёр саҳм гузоштанист.

Шоира САЛИМОВА,
 Маъмурахон САМАДОВА,
«Ҳақиқати Суғд»

Читать далее

Маҷлиси Ҳукумати Ҷумҳурии Тоҷикистон

Дирӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис нахуст масъалаи кадрҳо баррасӣ карда шуд. Ҳамин тариқ бо қарорҳои Ҳукумати Ҷумҳурии Тоҷикистон бо сабаби ба кори дигар гузаштанаш Назризода Саидраҳмон Рустам аз вазифаи муовини якуми Вазири рушди иқтисод ва савдои Ҷумҳурии Тоҷикистон озод карда шуда, Завқизода Завқӣ Амин — муовини якуми Вазири рушди иқтисод ва савдои Ҷумҳурии Тоҷикистон таъин гардид.

Читать далее

Натиҷагирӣ аз фаъолияти нуҳмоҳаи шаҳри Бӯстон

Дар маҷлисгоҳи мақомоти иҷроияи ҳокимияти давлатии шаҳри Бӯстон маҷлиси ҷамъбастӣ оид ба натиҷагирӣ аз нишондиҳандаҳои рушди иқтисодиву иҷтимоии шаҳр дар нуҳ моҳи соли 2017 баргузор гардид. Дар маҷлиси мазкур сардори Раёсати минтақавии рушди иқтисод ва савдои мақомоти иҷроияи ҳокимияти давлатии вилояти Суғд Ҳакимзода Ҳаким Карим  иштирок ва суханронӣ намуд.

Маҷлиси ҷамъбастиро Раиси шаҳри Бӯстон Рухсора Давлатзода оғоз намуд.

Муовини якуми Раиси шаҳр Маҳмудзода Қаюмҷон оид ба нишондиҳандаҳои рушди иқтисодиву иҷтимоии шаҳр дар нуҳ моҳи соли 2017 ҳисобот дод.

Қайд шуд, ки нақшаи қисми даромади умумии буҷети умумии шаҳр дар нуҳ моҳи соли ҷорӣ ба андозаи 140,7 фоиз ва ба маблағи 46 млн. 980,0 ҳазор сомонӣ иҷро карда шуда ки нисбат ба нақшаи пешбинишуда ба маблағи 13 млн. 600,8 ҳазор сомонӣ ва нисбат ба ҳамин давраи соли гузашта ба маблағи 16 млн. 500,8 ҳазор сомонӣ ё 54,1 фоиз зиёд мебошад.

Сипас, аз ҷониби Раиси шаҳр Рухсора Давлатзода фаъолияти чанде аз корхонаҳои саноатию хизматрасонӣ, соҳаҳои маорифу тандурустӣ, бозорҳои ҳудуди шаҳри Бӯстон ва дигарон мавриди таҳлилу баррасӣ қарор дода шуда, аз як қатор роҳбарони корхонаҳои саноатию хизматрасонии шаҳр ҷиҳати саривақт пардохт намудани қарзи андоз пурсиш ба амал оварда шуд. Дар самти бартараф намудани камбудиҳои ҷойдошта ва ноил гардидан ба нишондиҳандаҳои назаррас ба масъулон супоришҳои мушаххас дода шуд.

Сардори Раёсати минтақавии рушди иқтисод ва савдои мақомоти иҷроияи ҳокимияти давлатии вилояти Суғд Ҳакимзода Ҳаким Карим ҷамъбасти натиҷаҳои рушди иқтисодию иҷтимоии шаҳри Бӯстон дар нуҳ моҳи соли 2017-ро хуб арзёбӣ намуд.

Мамнури МЭЛС

Читать далее