16 November 2017

Соҳиби медалҳои биринҷӣ

Аз 7 то 11 ноябри соли 2017 дар шаҳри Эмейшани Чумҳурии Халқии Корея 7-умин чемпионати ҷаҳон оид ба Кунг-фу баргузор гардид, ки дар он намояндагон аз 76 мамолики олам ширкат намуданд.

-Дастаи Тоҷикистонро варзишгари номии федератсияи ушу, ҷоизадори чандинкаратаи мусобиқаҳои байналхалқӣ Мирзодалерхон Хуршедзода намояндагӣ кард, - изҳор дошт Президенти Федератсияи ушуи Ҷумҳурии Тоҷикистон Саминҷон Салоҳиддинов.

Мусобиқот аз рӯи қоидаҳои байналмилалии «IWҒF» оид ба самтҳои варзишӣ ва анъанавӣ гузаронида шуданд. Варзишгари мо аз рӯи барномаи 1 нантсукан «мушти самти ҷануб, 2 барнома бо силоҳи кӯтоҳ Даошу санъати шамшер» баромад намуда, ду медали биринҷӣ ба даст овард.

Бо ин дастовард ба варзишгари мо имконияти иштирок дар Бозиҳои Осиёии соли 2018, ки дар шаҳри Қатари Арабистони Саудӣ баргузор хоҳад шуд, пайдо гардид. Минбаъд моҳи декабр дар шаҳри Санкт- Петербурги Россия мусобиқаи байналхалқӣ оид ба ушуи варзишӣ баргузор мегардад, ки дар он варзишгарони мо иштирок хоҳанд кард.

Дар маҷмӯъ бояд гуфт, ки ушу бо суръат рушд намуда истодааст ва дар ояндаи наздик ушу чун намуди варзиш ба барномаи бозиҳои олимпӣ низ дохил карда мешавад.

Улуғбек ХУДОЙБЕРДИЕВ,
«Ҳақиқати Суғд»

Читать далее

Ифтитоҳи корхонаҳои дӯзандагӣ ва пойафзолбарории Корхонаи давлатии кишоварзии "Палос"

Дар рӯзи аввали сафар ба вилояти Суғд, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бӯстон ба фаъолияти коргоҳҳои дӯзандагӣ ва пойафзолбарории Корхонаи давлатии кишоварзии "Палос"-и Агентии таъминоти амволи махсуси назди Ҳукумати Ҷумҳурии Тоҷикистон оғози расмӣ бахшиданд.

Иттилоъ дода шуд, ки коргоҳҳои дӯзандагӣ ва пойафзолбарории КДК «Палос» дар Ҷамоати шаҳраки “Палос”-и шаҳри Бӯстони вилояти Суғд дар асоси дастуру супоришҳои бевоситаи Пешвои миллат муҳтарам Эмомалӣ Раҳмон аз ҷониби Агентии таъминоти амволи махсуси назди Ҳукумати Ҷумҳурии Тоҷикистон бунёд карда шудааст.

Читать далее

Мулоқот бо фаъолон ва сокинони шаҳри Истиқлол

Пас аз ифтитоҳи Корхонаи металлургии Ширкати саноатии куҳии Тоҷикистону Хитой ва шиносоӣ бо раванди истеҳсолот дар коргоҳи мазкур дар ҳамин ҷо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кормандони Корхонаи металлургии "Ширкати кӯҳиву саноатии Тоҷикистону Хитой" ва роҳбарияту фаъолони шаҳри Истиқлоли вилояти Суғд мулоқоти судманд анҷом доданд.

Нахуст Президенти мамлакат муҳтарам Эмомалӣ Раҳмон ҳамаи иштирокчиёни мулоқот ва кулли сокинони шаҳри Истиқлолро ба муносибати ифтитоҳи боз як корхонаи бузурги саноатии мамлакат, ки дар рӯзҳои таҷлили 25 - солагии баргузории Иҷлосияи 16-уми Шӯрои Олии Тоҷикистон рост омад, табрику муборакбод гуфтанд.

Читать далее

Ифтитоҳи Корхонаи металлургии Ширкати саноати кӯҳии Тоҷикистону Хитой дар шаҳри Истиқлоли вилояти Суғд бо иштироки Пешвои миллат

Сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд аз шаҳри Истиқлол оғоз гардид.

Дар рӯзҳои таҷлил аз 25-умин солгарди Иҷлосияи таърихии 16-уми Шӯрои Олии Тоҷикистон дар шаҳри Истиқлол бо иштироки Президенти мамлакат муҳтарам Эмомалӣ Раҳмон Корхонаи металлургии Ширкати саноати кӯҳии Тоҷикистону Хитой, ки бо харҷи 57 миллион доллари амрикоӣ сохта шудааст, мавриди баҳрабардорӣ қарор гирифт.

Читать далее

Оғози сафари кории Пешвои миллат муҳтарам Эмомалӣ Раҳмон ба вилояти Суғд

Субҳи имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар тантанаҳои идонаи ҷашни 25 - умин солгарди Иҷлосияи таърихии 16-уми Шӯрои Олии Ҷумҳурии Тоҷикистон, ифтитоҳи як қатор иншооти муҳим ва суҳбату мулоқот бо мардум бо сафари корӣ ба вилояти Суғд ташриф оварданд.

Роҳбарият ва намояндагони ҷавонони вилояти Суғд Сарвари хирадманди тоҷикон, Пешвои миллат муҳтарам Эмомалӣ Раҳмонро дар Фурудгоҳи байналмилалии Хуҷанд бо сарбаландӣ истиқбол гирифтанд.

Читать далее

Неруи фардосоз

Ҷавонон бояд аз ҳамаи қишрҳои ҷомеа фаъол бошанд, ташаббусҳои созанда пешниҳод кунанд, муқаддасоти миллӣ ва дастовардҳои Истиқлолиятро ҳифз намоянд, дар ҳаёти сиёсӣ ва иҷтимоии Тоҷикистони азиз бо дасту дили гарм ва неруи бунёдкорона ширкат варзанд, амнияти давлат ва шарафу номуси ватандориро ҳимоя карда, парчамбардори ин сарзамин, марзу бум, кишвари муқаддасамон бошанд, - таъкид намуданд Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон дар Паёми навбатии худ ба Маҷлиси Олии мамлакат ва бо назардошти нақши ояндасози ҷавонон дар ҷомеа соли 2017-умро Соли ҷавонон эълон доштанд.

Аз 14 то 22-юми октябри соли равон дар шаҳри Сочии Федератсияи Русия Фестивали умумиҷаҳонии ҷавонон ва донишҷўён доир гардид. Дар он аз 180 мамлакати дунё ҷавонону донишҷўён иштирок намуданд. Шаҳомати чорабинӣ, иштироки фаъолонаи ҷавонони ҷаҳон, намоиши неруи муқтадиру созандаи ҷавонӣ бори дигар собит сохт, ки дар ҳақиқат шукуфоии фардои кишвар дар дасти ин қишри ҷомеа аст.

 Муҳтавои ин чорабинӣ ба он нигаронида шуд, ки ҷавонон то кадом андоза ба пешрафти ҷомеа бо иқдом ва нерўи созандаи худ нақш мегузоранд. Дар ин Фестивал иқдоми наҷиби ҷавоне бо номи Афроз Шоҳ аз шаҳри Момпайи Ҳиндустон ба иштирокдорон пешкаш карда шуд. Афроз Шоҳ пас аз чанд соли таҳсил дар хориҷа ба Ватани худ баргашт, вале соҳили уқёнуси Ҳиндро, ки макони истироҳати ҳамшаҳриёнаш буд, пур аз партов дарёфт. Дар кори тоза кардани соҳил садҳо ҳамсолонашро сафарбар карда, давоми чанд рўз макони истироҳатии мардумро аз 50 тонна партов тоза намуданд. Ба ҳамин монанд ташаббускориҳои наҷибонаи ҷавонону донишҷўён аз кишварҳои мухталифи дунё, аз қабили бо қувваи ҳашар дар деҳоти дурдаст барои бачагони оилаҳои камбизоат бунёд намудани таълимгоҳ, кушодани синфхонаҳои компутерӣ ва туҳфа кардани компутерҳо барои мактаббачагоне, ки ба ҷуз номаш дар бораи он тасаввурот надоранд, тақдим намудани китоби дарсӣ ба бачагон аз оилаҳои камбизоат ҳамчун намунаи ибрат ба иштирокчиёни Фестивал намоиш дода шуд.

Ҳамаи ин намоиши қудрати созандагии ҷавонон буд, ки онҳо қодир ҳастанд, мардумро ба кори нек сафарбар кунанд, дар беҳбуди вазъи экологии сарзамини худ, баҳри соҳибмаърифат намудани мардуми диёрашон саҳм гузоранд, барои бо техникаву технологияи ҳозиразамон фаро гирифтани тамоми қишрҳои ҷомеа мусоидат кунанд.

-Боиси ифтихор ва сарбаландист, ки дар ин Фестивал аз мамлакати мо бештар аз 80 нафар, аз ҷумла аз вилояти Суғд 23 нафар ҷавонон ва донишҷўёни лаёқатманду ташаббускор иштирок карданд, - изҳор дошт сардори Раёсати ҷавонон ва варзиши вилоят Олимҷон Зоҳидзода. Албатта, ҳар яке аз ин ҷавонон ба Фестивал бо дастовези шоиста омада, барои пешрафти вилоят дар самти рушду нумуи соҳаҳои мухталиф нақши арзанда доранд. Имрўз даҳҳо ҷавонони вилоят дар ҷодаи ҳифзу ҳимояи марзу буми кишвар, пешрафти илм, мустаҳкам намудани тартиботи ҷамъиятӣ, равнақи соҳибкорӣ, рушду такомули ҳунарҳои миллӣ саҳми шоиста мегузоранд, ки боиси ифтихори мост. Дар Фестивал Сурайё Роҳатқулова - донишҷўи Донишкадаи политехникии Донишгоҳи техникии Тоҷикистон ба номи академик М.Осимӣ соҳаи моделйерӣ-дизайнерии миллиро муаррифӣ намуд. Донишҷўёни ҳамин донишкада Рустам Содиров ва Дилшод Музаффаров низ дар соҳаи барномасозӣ навовариҳои худро пешниҳоди иштирокчиёни Фестивал гардониданд. Тоҷикистони моро дар соҳаи санъати сарояндагӣ Сардор Солиев ва раққосагӣ Моҳрў Исмоилова муаррифӣ намуда, дар қалби намояндагони ҷавони кишварҳои олам меҳру муҳаббат нисбат ба санъат ва тамаддуни миллии тоҷикӣ бедор карданд. Шоҳрух Юнусов - донишҷўи Консерваторияи шаҳри Милани Итолиё низ санъати волои миллии тоҷикиро дар ин чорабинӣ муаррифгар шуд.

 Муовини сардори Раёсати ҷавонон, варзиш ва сайёҳии вилоят Мадина Ҳомидова, иштирокчии Фестивали ҷавонон ва донишҷўён гуфт, дар ин чорабинӣ пазироии меҳмонон, бемуболиға, дар сатҳи олӣ буд ва барои ҳайати вилояти Суғд чаҳор нафар волонтёрон мутасаддӣ таъин гаштанд, ки баҳри иштироки пурра ба тадбирҳои Фестивал ва пурмазмун гузаштани чорабинӣ мусоидат намуданд. Ҷавонони вилоят дар бисёр самтҳо, аз ҷумла, барномаҳои интеллектуалӣ, мубоҳисавӣ, индустрияи кино, санъат, ҳунар, дизайн ва бисёр дигарҳо кишвари моро муаррифӣ намуданд. Аз ҷумла, дар намоишгоҳи соҳаи рақс сарбалетмейстери Кохи ба номи Абуабдуллоҳи Рўдакии маркази вилоят Қобилҷон Бобоев рақси миллии тоҷикиро ба ҳаводорон пешниҳод карда, соҳиби ҷоиза гардид. Омўзгори мактаби рақами 4-и шаҳри Хуҷанд Фаридун Муҳсинзода дар мавзуи рушди волонтёрӣ дар ҷомеаи ҷаҳонӣ дар барномаи мубоҳисавӣ иштирок карда, сазовори ҷойи якум шуд ва ба курси бозомўзии яксола дар мамлакати Федератсияи Русия роҳхат гирифт. Дар маҷмуъ, ҳайати иштирокчиёни вилоят дар ин Фестивал фаъолнокии ҳамаҷониба зоҳир намуда, ҷиҳати намоиш додани фарҳангу тамаддуни бою қадимӣ, санъату ҳунари миллӣ, баҳри баланд бардоштани нуфузу эътибори мамлакатамон талош карданд ва соҳиби унвонҳои ифтихорӣ гардиданд.

Маротибаи нуздаҳум доир гардидани Фестивали умумиҷаҳонии ҷавонон ва донишҷўён бори дигар собит сохт, ки ояндаи сайёраи Замин дар дасти ҷавонон-ин нерўи муқтадиру созанда аст ва маҳз онҳо қодиранд табиат, обу хок ва сарсабзии онро баҳри наслҳои минбаъда дар шакли солим ва тоза пешкаш намоянд.

Ба неруи ҷавонон ҳамчун ояндасоз такя ва эътимод намудани Президенти мамлакат ва маҳз барои боз ҳам баланд бардоштани қадру манзалати ҷавонон дар пешбурди ҷомеа соли равонро Соли ҷавонон эълон кардан низ баҳри он аст, ки эшон дар ниҳоди худ масъулияти баландро баҳри тақдири ояндаи кишварамон дарк ва баҳри шукуфоӣ, пойдорӣ ва бақои миллату сарзаминамон саъю талош варзанд.

Рафоат МЎЪМИНОВА,
“Ҳақиқати Суғд”

Читать далее

Иҷлосия – воқеан таърихиву тақдирсоз

-мегўяд вакили Иҷлосияи таърихӣ М.Исломиддинов

Бахшида ба 25-умин солгарди Иҷлосияи тақдирсози ХVI суҳбате доштем бо иштирокчии он Мирзошариф Исломидинов.

-Муҳтарам Мирзошариф Исломиддинов, мехостем бобати лаҳзаҳои ҳассоси Иҷлосияи тақдирсози миллат ба муштариёни рўзнома нақл намоед.

- Дар хотир дорам, ки лаҳзаҳои аввали Иҷлосияи ХVI Шўрои Олии Ҷумҳурии Тоҷикистон аз баҳсу мунозираи гурўҳи депутатҳо бо Раиси ҳамонвақтаи Шўрои Олӣ Акбаршо Искандаров оғоз гардида буданд. Аксарияти депутатҳо бо исрор боварӣ доштанд, ки Раёсати ҳамонвақтаи Шўрои Олӣ бо гузаронидани ин Иҷлосия вазъиятро муътадил гардонида наметавонад ва ниҳоят қарор қабул карда шуд, ки аз ҳисоби намояндагони ҳамаи минтақаҳои Тоҷикистон комиссияи созиш баҳри омода намудани масъалаҳои рўзномаи Иҷлосия ва таҳияи лоиҳаҳои қарорҳои тақдирсози он ташкил карда шавад.

Комиссияи созиш иборат аз 30 нафар депутат таъсис дода шуд. Аз вилояти ҳамонвақтаи Ленинобод - депутатҳо Б.Бобоев, Қ.Тўраев, М.Фозилов, М.Исломидинов, М.Мирзобадалов, Ю.Ёдгоров, М.Норбутаев, О.Ҳасанов, аз минтақаи Кўлоб - Э. Раҳмонов, А.Раҳмонова, Ҳ.Табаров, аз минтақаи Қўрғонтеппа А.С. Достиев ба ҳайати комиссия шомил буданд. Ба комиссия барои гузаронидани ҷаласаҳо толори хурди ошёнаи дуюми Қасри Арбоб ҷудо карда шуд.

Бояд қайд намоям, ки комиссияи созиш доир ба ташкил ва оғоз бахшидани ҷаласаҳои тақдирсози Иҷлосияи ХVI таърихии Шўрои Олии Ҷумҳурии Тоҷикистон нақши асосӣ дошт.

Комиссия се ё чор рўз аз пагоҳ то бегоҳ ҷаласаҳо гузаронид ва дар давоми фаъолияти ин комиссия дигар депутатҳо дар толори асосӣ нишаста, интизори пешниҳодҳои комиссия оиди оғоз бахшидани фаъолияти Иҷлосия буданд. Дар ҷаласаҳои комиссия аз рўзи аввал якчанд маротибагӣ депутатҳо Э.Ш.Раҳмонов, А.Раҳмонова, Б.Бобоев, А.С.Достиев, Қ.Тўраев, М.Фозилов, Ю.Ёдгоров, Ҳ.Табаров ва дигарон баромад намуда, вазъияти баамаломадаро таҳлил менамуданд, таклифҳои худро оиди барқарории ҳокимияти конститутсионӣ ва барҳам додани даргириҳо дар ҷануби кишвар пешниҳод карданд.

Аъзои комиссияи созиш баъд аз муҳокимаронии тўлонӣ лоиҳаҳои рўзномаи Иҷлосия ва қарорҳои асосии онро таҳия намуданд. Комиссия ба қарор омад, ки Иҷлосияро то интихоби Раиси нави Шўрои Олӣ на Раиси ҳамонвақта, балки бояд яке аз аъзои комиссия раисӣ кунад ва бо таклифи яке аз вакилон номзадии вакили калонсолтарин Ҳабибулло Табаров маъқул дониста шуд.

Қайд кардан зарур аст, ки ҳамон вақт қувваҳое мавҷуд буданд, ки зидди баргузории Иҷлосия ва ё натиҷаҳои интизории он буданд, манфиатҳои гурўҳии худро ҳифз кардан мехостанд. Аз тарафи яке аз депутатҳои дар толори калон нишаста дар яке аз танаффусҳо ба мо пешниҳод гардид, ки ҳамчун алтернатива номзадии И.Ҳаёев низ ҳамчун номзад ба вазифаи Раиси Шўрои Олӣ пешниҳод гардад. И.Ҳаёев қотеъона ин таклифро рад намуд.

Аз пешниҳодоти комиссияи созиш бобати муттаҳид намудани депутатҳои ҳамаи манотиқи кишвар ва бовар кунонидани онҳо ба қабули қарори дуруст пешрафти кори Иҷлосия вобастагии калон дошт. Баъди муҳокимарониҳои тўлонӣ рўзнома тасдиқ гардид ва депутатҳо ба баррасии масъалаҳои алоҳида гузаштанд. Э.Ш.Раҳмонов Раиси Шўрои Олии Ҷумҳурии Тоҷикистон интихоб гардиданд ва Раисии Иҷлосияро ба уҳдаи худ гирифтанд ва он ба маҷрои созандагии худ ворид гардид.

Воқеан қайд кардан ба маврид аст, ки ҳайати комиссия барои ташкил ва оғоз бахшидани ҷаласаҳои тақдирсози Иҷлосияи ХVI Шўрои Олии Ҷумҳурии Тоҷикистон нақши асосӣ ва ҳалкунанда дошт ва ҳамсуҳбати мо М.Исломиддинов низ бо ҳисси баланди сарфарозӣ бо ифтихор ҳарф мезад, ки узви ин комиссия буда, дар барқарор намудани Ҳукумати қонунии Ҷумҳурии Тоҷикистон заррае ҳам бошад, саҳми хоксоронаи худро гузоштааст.

Маъмурахон САМАДОВА,
“Ҳақиқати Суғд”

Читать далее