December 2017

20 December 2017

Мулоқот бо ғолибон

Дар ноҳияи Деваштич, бахшида ба Соли ҷавонон ва ба хотири тарбияи насли наврас дар руҳияи донишандўзиву сайқал додани малакаи илмиву эҷодӣ, бо толибилмони муассисаҳои таълимии миёнаи умумии ноҳия мулоқот баргузор гардид.

Устодону муҳассилини литсейи хонандагони болаёқат суханронӣ намуда, доир ба дастовардҳои муассисаи худ, ки бо ташаббуси Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чанд сол қабл барои идомаи таҳсили наврасону ҷавонони болаёқати вилояти Суғд бунёд гардида буд, маълумот доданд. ҳамчунин доир ба иштирок ва ғолибияти тарбиятгирандагони муассиса дар олимпиадаҳои байналмилалӣ, ки дар давлатҳои ИМА, Малайзия, Фаронса, Руминия, Қазоқистон, Тайван ва ғайраҳо баргузор гардида буданд, ба аҳли толор маълумот доданд.

Сипас, намояндагон – ғолибони бевоситаи олимпиадаҳои байналмилалӣ: Шаҳром Имомзода ва Абдулло Хайруллоев ба сухан баромада, роҷеъ ба аҳамият ва нақши олимпиадаҳои байналмилалӣ дар васеъ гардидани ҷаҳонбинии хонандагон, афзун гардидани шавқу ҳавас дар омўзиши илмҳои дақиқ, дўстию рафоқати намояндагони халқҳои ҷаҳон ҳарф заданд.

Дар соли хониши 2016-2017 аз иштирокчиёни умумии олимпиадаҳои байналмилалӣ аз ҳудуди вилояти Суғд 65 нафар толибилм аз фанҳои математика, химия, физика ва дигар илмҳои дақиқ соҳиби медалҳои тилло ва нуқраю биринҷӣ гардидаанд.

Хонандагон дар рафти мулоқот доир ба шарту усулҳо, ҷараён ва дигар саволҳо посухҳои зарурӣ гирифтанд.

Муовини раиси ноҳия Бунафша Ғиёсиддинзода қайд кард, ки бо ғамхориву дастгириҳои пайвастаи Пешвои миллат эътибор ба донишандўзиву илмомўзии насли наврас беш аз пеш афзун гардида, имрўзҳо тамоми имкониятҳо барои ҳавасманд намудани соҳибмаърифату соҳибдонишон муҳайё гардидааст.

Сарвар САИДОВ,
роҳбари намояндагии
ТҶҶ «Созандагони Ватан»
дар ноҳияи Деваштич

Читать далее

Ҷавонон – неруи ояндасози ҷомеа

Ҷавонони имрўзаи мо, яъне насли замони истиқлол аз наслҳои пешина бо савияи илму дониш, маърифату ҷаҳонбинӣ, сатҳи тафаккур ва одобу ахлоқ фарқи куллӣ доранд, ки ин ҳама боиси ифтихори мо мебошад.

(Аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, 22 декабри соли 2016).

Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон дар Паёми имсолаи хеш соли 2017-ро “Соли ҷавонон” эълон доштанд ва ин рўйдоди таърихӣ боис гардид, ки дар сатҳи вилоят дар бахши ҷавонон дигаргуниҳои куллӣ ба амал оянд. Дар баробари дигар табақаи ҷомеа ҷавонон низ ҷашни таърихӣ – 25-умин солгарди Истиқлолияти давлатии кишварро ботантана таҷлил намуданд. Чунин тадбир бар он далолат мекунад, ки воқеан ҳам дар низоми давлатдории Тоҷикистони офтобрўяи соҳибистиқлол ба ҷавонон ва татбиқи сиёсати давлатии онон таваҷҷуҳи бештар ва хоса зоҳир мешавад. Воқан ҳам, Тоҷикистон давлати ҷавони тозаистиқлол аст ва 70 фоизи аҳолии кишварро ҷавонони то синни 30-сола ташкил медиҳанд.

Боиси зикр аст, ки солҳои охир ҷавонон бештар ба варзиш рўй овардаанд ва дар ин самт аз ҷониби мақомотҳои маҳаллӣ хуб дастгирӣ меёбанд. Дарозои ду сол аст, ки ташкилоти ҷамъиятии “Комплекси варзишии “Насли солими ноҳияи Бобоҷон Ғафуров” дар вилоят фаъолият дорад. Ташкилот фаъолияташро дар деҳаи Боғпарвари Ҷамоати Овчиқалъачаи ноҳияи Бобоҷон Ғафуров ба роҳ мондааст. Ташкилот бо мақсади бо оворагардӣ машғул нагаштан, ба ҳизбу ҳаракатҳои ифротӣ нагаравидани наврасон ва ҷавонон, баҳри пойдории саломатӣ намудҳои варзишии каратэ-до, футбол ва волейболро таъсис дода, масъулин кўшиш ба харҷ медиҳанд, ки дар баробари машқу тармим дар мусобиқаҳои минтақавӣ, ноҳиявӣ, шаҳрӣ ва ҷумҳуриявӣ ширкат варзанд.

Чемпиони секаратаи ҷумҳурӣ Мухлиса Пўлотова, ғолибони мусобиқаи ҷумҳуриявӣ, иштирокчиёни семинари байналмилалӣ оид ба каратэ-до Шоҳрух Каримов ва Ҳусниддин Ҳаназаров, ғолибони мусобиқаҳои вилоятӣ Умарҷон Раҷабов, Мафтуна Ҳошимова, Парвиз Муродзода, И.Лакимов ва М.Рустамов узви фаъоли ин ташкилот мебошанд. Мураббӣ оид ба каратэ-до ва санъати муҳорибаи омехта, сарвари ташкилоти номбурда Парвиз Ҳаназаров зимни суҳбат иброз дошт, ки мақсад аз ташкили ҷамъият ба варзиш рўй овардани насли наврас ва ҷавонон буда, вақти фориғи онҳоро боманфиат гузарондан мебошад. Агар ба таъсисёбии ҷамъият ду сол сипарӣ гардида бошад, дар ин давра мо тавонистем, насли наврас ва ҷавононро дар баробари бо хониш ва меҳнат машғул будан дар мусобиқаҳои гуногуни сатҳи вилоятӣ ва ҷумҳуриявӣ ҷалб намоем. Чунин иқдом имкон медиҳад, ки ҷавонони деҳа бо дигар ҳамсолони худ ошноӣ пайдо карда, аз вазъи ҳамдигар воқиф бошанд. Ҷалби калонсолон ба ин самт имкон медиҳад, ки нисбати ин табақаи ҷомеа ғамхорӣ зоҳир намоем.

Назарҷон Мўъминов ва Хуршед Воҳидов – мураббиён оид ба волейбол ва футбол иброз медоранд, ки мо насли наврасро ба ин самт ҷалб сохта, кўшиш ба харҷ медиҳем, ки дар ҷамъият устувор ва қавиирода ба воя расанд. Аз ин рў, аксари мусобиқа ва чемпионатҳоро дар ҳамин минтақа баргузор менамоем. Аз оғози таъсисёбиаш наврасон ва ҷавонон дар ҳар иду айём, аз ҷумла, дар иди байналмилалии Наврўз, иди Ғалаба, Рўзи Ваҳдати миллӣ, Рўзи Конститутсия ва бахшида ба Рўзи Президент дар мусобиқаҳои варзишии футбол, волейбол ва каратэ-до фаъолона иштирок карданд. Ба муносибати 26-умин солгарди Истиқлолияти давлатии кишвар бошад, дар якҷоягӣ бо Ҳизби Халқии Демократии Тоҷикистон дар ноҳияи Бобоҷон Ғафуров чорабиниҳои варзишӣ баргузор шуд ва ғолибони мусобиқа бо туҳфаҳо қадрдонӣ шуданд.

Гурўҳи варзишгарон сол аз сол пурқувват гардида, дар мусобиқа ва чемпионатҳои гуногуни ноҳиявӣ ва вилоятӣ ширкат варзида, ҷойҳои намоёнро сазовор шуданд. Моҳҳои феврал ва март дар чемпионати кушоди шаҳри Хуҷанд ва чемпионати вилоятӣ, ки аз тарафи Ташкилоти ҷамъияти “Федератсияи каратэ-до”-и вилоят доир гардид, ҳамчунин мусобиқа бахшида ба Наврўзи байналмилалие, ки дар Ҷумҳурии Қирғизистон баргузор шуд, фаъолона иштирок карданд. Ба муносибати Соли ҷавонон бошад, байни сокинони деҳаи Боғпарвар мусобиқаи футбол ташкил гардид ва бо ин васила аҳолиро ба варзиш ҷалб сохтанд.

 Тавҳида ҶЎРАЕВА,
“Ҳақиқати Суғд”

Читать далее

Боздиди Пешвои миллат Эмомалӣ Раҳмон аз Намоишгоҳи маҳсулоти саноатии Душанбе-2017

Субҳи дирӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ ба ноҳияи Синои пойтахт ташриф оварда, дар Намоишгоҳи маҳсулоти саноатии Душанбе-2017 бо намунаи дастовардҳои арзандаи корхонаву ширкатҳои истеҳсолии мамлакат, ки айни замон дар бозори минтақа ва ҷаҳон мавқеи бештар пайдо кардаанд, шинос шуданд.

Читать далее

Ифтитоҳи кӯдакистони нав бо 160 ҷой дар ноҳияи Синои пойтахт

Дирӯз дар ноҳияи Синои пойтахт Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ Кӯдакистони рақами 68-ро барои 160 кӯдак ифтитоҳ намуданд.

Бинои нави кӯдакистон 2-ошёна буда, аз маҷмӯи иншооти асосӣ ва ёридиҳанда иборат аст. Дар он 6 ҳуҷраи бозии кӯдакон, 6 ҳуҷраи хоб, 1 утоқи ёрирасон, толори мусиқӣ, ошхона ва дигар иншооти асосиву ёрирасон ҷойгир шудааст.

Читать далее

Ифтитоҳи биноҳои иловагии Муассисаи таҳсилоти миёнаи умумии №44 дар ноҳияи Исмоили Сомонии шаҳри Душанбе

Дирӯз дар ноҳияи Исмоили Сомонии шаҳри Душанбе Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ биноҳои иловагии синфхонаи ҳунаромӯзӣ, ошхона бо 180 ҷойи нишаст, толори маҷлис бо 400 ҷой ва толори муосири варзишӣ бо 150 ҷой нишастро дар Муассисаи таҳсилоти миёнаи умумии рақами 44 мавриди баҳрабардорӣ қарор доданд.

Читать далее

19 December 2017

Таҷлили 100 солагии Воҳид Асрорӣ

19 декабри соли равон дар толори раёсати Донишгоҳи давлатии Хуҷанд ба номи академик Бобоҷон Fафуров конфронси илмию амалӣ бахшида ба таҷлили 100-солагии ходими хизматнишондодаи Ҷумҳурии Тоҷикистон, профессор Воҳид Асрорӣ баргузор шуд. Дар конфронс Мурод Муродов, профессори кафедраи матбуоти факултети журналистикаи ДМТ, Тоҷибой Султонзода, мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд, Илҳом Ҷамолов, раиси бахши суғдии Иттифоқи журналистони Тоҷикистон, Дилбар Самадова, мудири шуъбаи журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Fафуров иштирок доштанд.

Конфронсро Хайрулло Сабуров, муовини ректор оид ба корҳои  илми донишгоҳ ифтитоҳ намуда, зикр кард, ки Воҳид Асрорӣ умри худро пайваста дар ҷустуҷӯ ва таҳқиқ гузаронида, дар ҷодаи омузгорӣ ва рӯзноманигори шогирдони зиёд тайёр намудааст.

Сипас, аз ҷониби Мурод Муродов дар мавзуи «Воҳид Асрорӣ ва мактаби илмию адабии ӯ», Дилбар Самадова дар мавзуи «Профессор Воҳид Асрорӣ ва рушди журналистакаи тоҷик», Субҳон Аъзамов Субҳон, мудири кафедраи адабиёти муосири факултети филологияи тоҷик дар мавзуи «Воҳид Асрорӣ адабиётшинос ва фолклоршиносӣ соҳибмактаб» маъруза намуданд.

Мурод Муродов китоби маҷмӯи мақолаҳои журналистони ҷумҳуриро таҳти унвони «Асрори сухан» ба кафедраи журналистика ва назарияи тарҷума тақдим кард.

Конфронси мазкур бо ибтикори Раёсати Донишгоҳи давлатии Хуҷанд ба номи академак Бобоҷон Fафуров ва дастгирии Мақомоти иҷроияи ҳокимияти давлатии вилояти Суғд гузаронида шуд. 

Мижгона Шукурова,
донишҷӯи  курси 4 ихтисоси рӯзноманигории
Донишгоҳи давлатии Хуҷанд
ба номи академик Бобоҷон Fафуров

Читать далее

Беҳтарин лоиҳаи ҳунарманд

Бо ташаббуси мақомоти иҷроияи ҳокимияти давлатии шаҳри Истаравшан баҳри иҷроиши қарори Раиси вилояти Суғд аз 9-уми октябри соли 2017, №485 «Дар бораи баргузории озмуни вилоятии «Марказҳои истеҳсолии адрасбофии беҳтарин» ва қарори раиси шаҳри Истаравшан аз 17-уми ноябри соли 2017, №613 «Дар бораи баргузории озмуни шаҳрии «Марказҳои истеҳсолии адрасбофии беҳтарин» марҳалаи аввали озмуни мазкур аз маркази истеҳсолии адрасбофии «Гули Сурх» оғоз гардид.

Озмуни мазкур бо мақсади рушди соҳаи саноати сабук, аз ҷумла ривоҷу равнақи истеҳсоли матоъҳои миллӣ, тарғиби сарулибос аз матои табиии аз ҷиҳати экологӣ безарар, рушди гулдӯзӣ ва қуроқдӯзӣ ва баланд бардоштани завқи либоспӯшии миллӣ, зебоипарастӣ гузаронида  шуда, ҳадаф аз баргузории озмун эҳё ва рушди ҳунарҳои миллии ниёгон ва меҳнати хонагӣ, бо ҷойи кор таъмин намудани занону духтарони хонанишин, кам намудани сафи занони муҳоҷир ва дарёфти беҳтарин ҳунармандони Маркази тиҷоратии истеҳсолии ҳунарҳои дастӣ – адрасбофон мебошад.

Маркази истеҳсолии адрасбофии «Гули Сурх» соли 2015 дар маркази тиҷоратии «Ҳоҷи Ҳайит»-и Ҷамоати деҳоти Гули Сурх ташкил шуда, дар курсҳои кӯтоҳмуддати он давоми соли ҷорӣ зиёда аз 200 нафар шогирд ин ҳунари қадимаро аз устоди адрасбоф Наргис Ҷумъаева аз худ намудаанд.

Бо ташаббуси ин зани ҳунарманд зиёда аз 400 метр матои адрас истеҳсол ва ба фурӯш гузошта шуд.

Соли 2016 ҳунарманд – Наргис Ҷумъаева дар озмуни вилоятии «Адрасбофи беҳтарин» ширкат варзида, сазовори ҷои сеюм гардид. Дар фарҷоми озмуни вилоятӣ Наргис Ҷумъаева тӯҳфаи хотиравӣ ва мукофотпулии Раиси вилоятро ба маблағи 1000 сомонӣ сазовор гашт.

Наргис Ҷумъаева бо дастгирии шуъбаи кор бо занон ва оилаи мақомоти иҷроияи ҳокимияти давлатии шаҳр дар озмуни «Беҳтарини лоиҳаи ҳунарманд» иштирок намуда, ғолиби озмун дониста шуда, лоиҳаи он ба Кумитаи кор бо занон ва оилаи назди ҳукумати Ҷумҳурии Тоҷикистон пешниҳод гардид. Соли равон Наргис Ҷумъаева гирандаи Гранти Президентӣ ба маблағи 20000 сомонӣ дониста шуд – афзуд Фирӯза Муъминова мудири шуъбаи кор бо занон ва оилаи мақомоти иҷроияи ҳокимияти шаҳр.

Шералӣ Азимӣ,
котиби матбуоти раиси шаҳри Истаравшан

Читать далее

Роҳи мақсуд роҳи илм аст!

Дар Қасри фарҳанги ноҳияи Спитамен мулоқоти анъанавии роҳбарони муасиссаҳои олӣ ва миёнаи касбии вилоят бо хатмкунандагони ноҳия баргузор гардид.

Муовини раиси ноҳия Дилрабо Раҳимӣ вохӯриро ҳусни ифтитоҳ бахшид. Намояндаи Мақомоти иҷроияи ҳоқимияти давлатии вилояти Суғд Олимҷон Муҳаммедов таъкид дошт, ки сол то сол сафи донишҷӯён аз ноҳияи Спитамен дар муассисаҳои олӣ ва миёнаи касбии вилоят таҳсилдошта зиёд мегардад. Агар соли таҳсили 2015-2016 ба мактабҳои олии вилоят 376 нафар хатмкунанда дохил шуда бошанд, пас имсол ин рақам ба 776 нафар мерасад.

Ҷамшед Ҷӯразода, ректори ДДХ аз интихоби васеи ихтисосҳо, имкониятҳои фарох додан ба донишҷӯёни соҳибистеъдод, ташкили маҳфилҳо сухан ронда, таъкид дошт, ки шароити хуби таълимӣ имкон медиҳад, то сатҳи таълиму тарбия боло равад.

ҳамчунин Муъмин Шарифзода, ректори ДДҳБСТ Мухтор Фозилзода, ректори ДКМТ, директори ДИСДТТ Абдурауф Олимӣ, Хуршед Мақсудов, муовини директор оид ба тарбияи ДПДТТ ва Илҳом Комилов сарвари коллеҷи тиббӣ, директори коллеҷи омӯзгорӣ Манучеҳра Кенҷазода ва муовини директори коллеҷи санъат М.ҳошимова низ аз афзалиятҳои муассисаи худ назди ҳозирин ҳарф заданд.

Дар рафти муаррифии муассисаҳои таҳсилоти олӣ ва миёнаи махсус ба хатмкунандагон маводи ёрирасони иттилоотӣ аз қабили варақаҳо, брошураҳо, нашрияҳо тақсим шуда, ҳамзамон аз ҳаёти муассисаҳо видеороликҳо намоиш дода шуд.

Сипас, хатмкунандагон доир ба вазъи таҳсил, имкониятҳои донишгоҳҳо, ҳамкориҳои хориҷӣ ва дигар муаммову мушкилоти хеш ба роҳбарони муассисҳои олии вилоят саволҳо дода, ҷавобҳои қаноатбахш гирифтанд.

Абдусабур АБДУВАҲҲОБОВ,
котиби матбуотии ДПДТТ дар шаҳри Хуҷанд

Читать далее

Бозтоби маърифат

Дар мулоқоте, ки раиси ноҳияи Деваштич Ҷўразода Рустам Боймурод бо донишҷўёни муассисаҳои мактабҳои олӣ, донишкадаву коллеҷҳо дар Театри давлатии мазҳакаи мусиқии ба номи Камоли Хуҷандии маркази вилоят барпо намуд, беш аз 1400 донишҷў иштирок доштанд.

Ҷўразода Рустам ҳангоми суханронӣ изҳор дошт, ки иқдом ва ташаббусҳои бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон кулли донишҷўёнро водор месозад, ки бо истифода аз шароити созгори таҳсил дар талаби илм бошанд, илму фанҳои муосири замонаро азхуд кунанд, Ватани худро дўст доранду барои ободиаш кўшиш намоянд.

Баъдан донишҷўён бо суолу мушкилоти худ бобати бо ҷои кори доимӣ таъмин шудан баъди хатми донишгоҳ, ҳолати ногувори беморхона ва марказҳои саломатии деҳаҳо, бунёди мактабҳои нав, норасоии кадрҳои омўзгорӣ дар муассисаҳои таълимӣ, ба кор даъват кардани мутахассисони забонҳои англисию русӣ ва ғайраҳо ба раиси ноҳия муроҷиат намуда, посухҳои мушаххас гирифтанд. Ҷўразода Рустам Боймурод ҳамчунин бо донишҷўён дар бораи бо оби нўшокӣ таъмин гардидани аҳолӣ, муаммои хатти оби нўшокии Даҳкатсой, таъсиси хоҷагии «Обдеҳот», сохтмони мактабҳои нав ибрози ақида намуд.

Донишҷўёни фаъол ва ятиму аз оилаҳои камбизоат бо Ифтихорнома, кўмаки яквақтаи пулӣ қадрдонӣ гардиданд, ки боиси хушнудии онҳо гашт. Иқдоми неки намояндагони 56 деҳаи ноҳияи Деваштич бобати бо маводи озуқа таъмин кардани донишҷўён ва баргузории чорабинии фарҳангӣ хурсандии аҳли толорро дучанд кард.

Шоира САЛИМОВА,
“Ҳақиқати Суғд”

Читать далее

Ба илми муосир бо нигоҳи гарм

Бо ташаббуси мақомоти иҷроияи ҳокимияти давлатии ноҳияҳои Мастчоҳ ва Ҷаббор Расулов дар Кохи ба номи устод Абуабдуллоҳи Рўдакии шаҳри Хуҷанд вохўрии раисони ноҳияҳо бо донишҷўёни муассисаҳои олӣ ва касбии вилоят баргузор гардид.

Дар вохўрӣ раиси ноҳияи Мастчоҳ Ғайрат Азиззода доир ба дастовардҳои ҷавонони ноҳия ҳарф зада, қайд кард, ки айни замон аз ноҳия 1200 нафар дар донишгоҳу донишкадаҳои таҳсилоти олии вилоят ба таҳсил фаро гирифта шудаанд.

Салимзода Комил – раиси ноҳияи Ҷаббор Расулов изҳор намуд, ки донишҷўёни ноҳия масъулияти омўзишро хуб дарк кардаанд ва бомуваффақият таҳсил менамоянд.

Муҳассилин иброз доштанд, ки аз дастгириву ғамхориҳои Пешвои муаззами миллат сипосгузоранд ва барои пешрафту шукуфоии Ватани азиз саҳми арзанда мегузоранд.

Бо мақсади дастгирӣ ва рўҳбаланд намудани донишҷўён аз оилаҳои камбизоат ва ятими ин ноҳияҳо дар ҳаҷми 100 сомонӣ кўмаки яквақта расонида шуд.

Дар охир барои боз ҳам хотирмон гардидани вохўрӣ барномаи рангини фарҳангӣ пешкаши ҳамагон гардонида шуд.

Улуғбек ХУДОЙБЕРДИЕВ,
«Ҳақиқати Суғд

Читать далее