February 2018

23 February 2018

Ба таҳаввулоти ҷаҳон воқеъбинона нигаред

Мо ба Шумо, аъзо ва ҷонибдорону пайравони Ҳизби мамнуъгаштаи наҳзати исломии Тоҷикистон муроҷиат менамоем. Оё вақти он нарасидааст, ки таҳаввулоту дигаргунии ҷаҳони муосирро бо чашми воқеъбинона бингаред ва аз аъмоли ноҷавонмардонаи худ даст кашед?! Гул-гулшукуфии кишвари маҳбубамонро эътироф кунед ва вазъи кунунии онро бо солҳои навадуми асри гузашта муқоиса намуда, шукргузори зиндагии осуда ва ҳаёти осоишта бошед.

Оё аз хизмати хоҷагони хориҷӣ хаста нагаштед? Имрeз мардум на онанд, ки фирефтаи суханони шумо шаванд ва ба афкору омолатон пайравӣ кунанд. Дигар умедвор набошед, ки дар ин кишвар барои тарғиби мақосиди ғаразноки хеш  имконияту шароити мусоид пайдо мекунед. Кунун вақти он расидааст, ки аз сарнавишти мардуми Сурияву Ироқ, Афғонистону Яман ва дигар кишварҳои ҷангзада, ки дину мазҳабро бо сиёсат омезиш дода, ин кишварҳои ободу маъмурро ба хоку хун кашиданд ва миллионҳо мардуми бегуноҳро дар арсаи олам сарсону саргардон кардаанд, ибрат гиред.

Агар бо роҳи пешгирифтаи худ рафтан гиред, иштибоҳ мекунед ва дар поёни роҳ танҳову бекас ва хору забун хоҳед монд. Фаромӯш накунед, ки ҳеҷ куҷо, ба ҷуз Тоҷикистон, бароятон ватангоҳу осоишгоҳ нест. Фирефтаи дастгириву пуштибонии Ҳукумати кунунии Эрон нашавед. Сари ин масъала тааммул кунед ва итминон дошта бошед, ки ин сарзамин, ки ҳастиаш асрҳо инҷониб дар асоси афкори аҳли ташайюъ аст, бо аҳли суннат ва ҷамоат дар тазоду душманист.  

Вақти он шудааст, ки ба дурӯғпароканиву кинаҷӯӣ, тавҳину туҳмати Ҳукумати кишвар ва гумроҳ намудани муҳоҷирони меҳнатӣ, хотима гузоред. Биёед, дар канори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарҷамъ гардида, ин кишварро обод намоем ва дигар нагузорем, хоинону душманони давлату миллат осоиши моро барҳам зананд.

Ҷомеаи  меҳнатии кафедраи
умумидонишгоҳии забони тоҷикии
Донишгоҳи давлатии Хуҷанд
ба номи академик Бобоҷон Ғафуров 

Читать далее

22 February 2018

Конибодом. Раҷаббой Аҳмадзода иштирокчиёни Ҷанги Бузурги Ватаниро аёдат намуд

Рӯзи 21 феврали соли 2018 иҷрокунандаи вазифаи Раиси вилоят Раҷаббой Аҳмадзода зимни сафари корӣ ба шаҳри Конибодом ду нафар собиқадоронро аёдат намуд.

Роҳбари вилоят дар арафаи Рӯзи Қувваҳои мусаллаҳи Ҷумҳурии Тоҷикистон ба манзили иштирокчиёни Ҷанги Бузурги Ватанӣ Мансур Қосимов ва Комилҷон Қобилов ташриф оварда, аз вазъи саломатӣ ва шароити зиндагии онҳо пурсон шуд. Зимни боздид собиқадорон бо ёдоварӣ аз солҳои вазнини зиндагии худ аз пойдории сулҳу субот  дар Тоҷикистони соҳибистиқлол шукрона карда, барои дастгириҳои пайваста ба Пешвои миллат муҳтарам Эмомалӣ Раҳмон изҳори сипос намуданд.

Читать далее

Мулоқоти иҷрокунандаи вазифаи Раиси вилоят бо интихобкунандагон

Рӯзи 21 феврал иҷрокунандаи вазифаи Раиси вилоят, номзад ба Маҷлиси вакилони халқи вилоят Раҷаббой Аҳмадзода бо интихобкунандагон - сокинони Ҷамоати деҳоти Ғафурҷон Ортиқови шаҳри Конибодом мулоқот намуд.

Маврид ба зикр аст, ки номзадии Раҷаббой Аҳмадзода ба Маҷлиси вакилони халқи вилоят аз ҳавзаи интихоботии “Ғафурҷон Ортиқов”, №20 пешбарӣ гардидааст ва интихобот рӯзи 25 феврал доир мешавад.

Читать далее

Паёми табрикии иҷрокунандаи вазифаи Раиси вилоят Раҷаббой Аҳмадзода ба муносибати Рӯзи Қувваҳои Мусаллаҳи Ҷумҳурии Тоҷикистон

Бисту панҷ сол қабл, 23 феврали соли 1993 дар таърихи кишвари мо боз як саҳифаи хеле муҳими таърихӣ – таъсиси Қувваҳои Мусаллаҳ, ки сипари боэътимоди давлат ба ҳисоб меравад, боз гардид.

Ба муносибати ин санаи фархунда тамоми ҳайати шахсии Қувваҳои Мусаллаҳи мамлакатро самимона табрик гуфта, ба кулли ҳомиёни содиқи марзу буми Ватан сиҳатмандиву хушбахтӣ ва сарбаландиву барори кор орзу менамоям.

Читать далее

Мулоқоти Раҷаббой Аҳмадзода бо роҳбари Бонки аврупоии таҷдид ва рушд дар Тоҷикистон Айтен Рустамова

Рӯзи 21 феврал иҷрокунандаи вазифаи Раиси вилоят Раҷаббой Аҳмадзода намояндагони Бонки аврупоии таҷдид ва рушд дар Тоҷикистонро ба ҳузур пазируфт.

Дар аснои суҳбат Раҷаббой Аҳмадзода аз натиҷаи ҳамкориҳо бо Бонки аврупоии таҷдид ва рушд изҳори қаноатмандӣ намуда, нақши ин ташкилоти молиявиро ҷиҳати амалишавии лоиҳаҳои гуногун назаррас арзёбӣ кард. Зикр гардид, ки бо дастгирии ин ташкилоти бузурги молиявӣ якчанд лоиҳаҳо дар самти тозакунии хатҳои ташноб, коркарди партов, таъмин намудани сокинон бо оби нӯшокӣ маавриди амал қарор доранд.

Читать далее

Мулоқоти Раҷаббой Аҳмадзода бо роҳбари ширкати “Голдсит”-и Ҷумҳурии Туркия Иброҳим Туграл

Рӯзи 21 феврал иҷрокунандаи вазифаи Раиси вилоят Раҷаббой Аҳмадзода роҳбари ширкати “Голдсит”-и Ҷумҳурии Туркия Иброҳим Туграл ва ҳамроҳонашро ба ҳузур пазируфт.

Зимни суҳбат Раҷаббой Аҳмадзода таъкид намуд, ки дар Ҷумҳурии Тоҷикистон барои фаъолияти соҳибкорону сармоягузорон шароитҳои зарурӣ фароҳам оварда шудааст ва соҳибкорони тоҷик бо истифода аз имкониятҳои мавҷуда бо соҳибкорони мамлакатҳои гуногун, аз ҷумла Ҷумҳурии Туркия ҳамкории хубу самаранок доранд. Дар ин замина аз ҳамкории ассотсиатсияи “Кедр” бо ширкати “Голдсит” ёдоварӣ шуд.

Читать далее

Мавриди баҳрабардорӣ қарор гирифтани бинои нави факултаи ҳавопаймоии Донишкадаи ҳарбии Вазорати мудофиа

Баъди ифтитоҳи Маркази навтаъсиси идоракунии Қувваҳои Мусаллаҳ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Донишкадаи ҳарбии Вазорати мудофиа ташриф оварда, дар маросими ба истифода додани бинои нави таълимии факултаи ҳавопаймоӣ иштирок намуданд.

Дар ин муассисаи олии таълимии ҳарбӣ, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмонро тибқи муқаррарот ҳайати низомӣ, ротаи қаровули фахрӣ ва Оркестри ҳарбӣ дар фазои тантанавӣ истиқбол гирифтанд.

Читать далее

Ифтитоҳи Маркази идоракунии Қувваҳои мусаллаҳи Ҷумҳурии Тоҷикистон

21 феврали соли 2018 дар арафаи таҷлили 25 — умин солгарди таъсисёбии Қувваҳои мусаллаҳи Ҷумҳурии Тоҷикистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иншооти муҳим ва дорои аҳамияти ҳарбӣ — Маркази идоракунии Қувваҳои мусаллаҳро мавриди баҳрабардорӣ қарор доданд.

Ин маркази навтаъсис ҳангоми таҳдиди ҳама гуна хатар ба давлат нуқтаи асосии идоракунии ҷангии Сарфармондеҳи Олии Қувваҳои мусаллаҳ муҳтарам Эмомалӣ Раҳмон ба ҳисоб рафта, он бо марказҳои маъмурии Вилояти Мухтори Кӯҳистони Бадахшон, вилоятҳои Суғду Хатлон ва минтақаи Рашт пайваст мебошад.

Читать далее

21 February 2018

Мулоқоти Раҷаббой Аҳмадзода бо соҳибкорон ва сармоягузорони вилоят

Рӯзи 20 феврали соли 2018 дар толори Кохи фарҳанги ба номи Абӯабдуллоҳи Рӯдакии маркази вилоят мулоқоти иҷрокунандаи вазифаи Раиси вилояти Суғд Раҷаббой Аҳмадзода бо соҳибкорон ва сармоягузороне, ки дар қаламрави вилоят фаъолият менамояд, доир гардид.

Дар мулоқот муовинони Раиси вилоят, сардорони сохторҳои дахлдори Мақомоти иҷроияи ҳокимияти давлатии вилоят, роҳбарони ташкилоту идораҳои вилоятӣ, мақомоти ҳифзи ҳуқуқ, раисони шаҳру ноҳияҳои вилоят ва намояндагони воситаҳои ахбори омма ширкат варзиданд.

Читать далее

Шиносоии Раҷаббой Аҳмадзода бо рафти корҳои ободонӣ дар шаҳри Гулистон

Рӯзи 19 феврали соли равон иҷрокунандаи вазифаи Раиси вилоят Раҷаббой Аҳмадзода зимни сафари корӣ ба шаҳри Гулистон бо рафти корҳои ободонӣ шинос гардид.

Маврид ба зикр аст, ки бо супориши роҳбари вилоят ва бо назардошти минтақаи сайёҳӣ будани шаҳри Гулистон як қисмати даромадгоҳи шаҳр мавриди навсозӣ қарор гирифта, бо сангҳои ороишӣ намои зеборо ба худ касб хоҳад кард. Раҷаббой Аҳмадзода дар аснои боздиди корӣ ба масъулин ҷиҳти иҷрои босифати корҳо тавсияҳо дод. Ҳамзамон бо иштироки роҳбари вилоят дар ҳудуди даромадгоҳи шаҳр 120 бех булути ҳолландӣ ва дигар дарахтони нодир шинонида шуд.

Читать далее