February 2018

19 February 2018

Тезронӣ орад пушаймонӣ!

Тағироту иловаҳои воридгардида, дар қонунҳои амалкунандаи Ҷумҳурии Тоҷикистон, баҳри паст гардонидани сатҳи садамаанокӣ равона гардидааст.

Новобаста аз ин дар натиҷаи риоя иакардани талаботи қоидаи ҳаракат дар роҳ аз тарафи бархе аз ронандагони воситаҳои нақлиёт, дар моҳи январи соли равон 18 садамаи нақлиётӣ ба қайд гирифта шудааст, ки бар асари он 10 нафар ҳалок гардида, 15 нафар ҷароҳати ҷисмонӣ бардоштаанд. Сарфи назар намудани талаботи қоидаи ҳаракати дар роҳ ва маърифати пасти баъзе аз ронандагони восситаҳои нақлиёт боиси зиёд шудани қоидавайронкуниҳои ҳаракат дар роҳ ва рух додани садамаҳои нақлиёти бо оқибатҳои  вазнин гашта истодааст.

Новобаста аз он, ки қонунгузорӣ дар моддаи 127, 212 Кодекси ҷиноятии Ҷумҳурии Тоҷикистон ҷавобгарии ҷиноятиро нисбати шахсе, ки бар асари вайрон намудани қоидаи ҳаракат дар роҳ ҳангоми идораи воситаи нақлиёт, яъне баъд аз  содир намудани садамаи роҳу нақлиётӣ, дидаю дониста ба шахси ҷабрдида, ки дар вазъияти барои ҳаёт ва саломатиаш хавфнок қарор дорад, нарасонидани ёрии аввали тибби ё дастрас намудан ба муассисаи наздиктарини табобатӣ, бидуни хабар додан ба мақомоти ҳифзи ҳуқуқ ҷои ҳодисаро тарк менамояд, ҷавобгарии ҷиноятӣ пешбинӣ намудааст. Мутассифона, ҳоло чунин ҳолатҳои аз ҷои садамаи нақлиётӣ фирор намудани ронандагони воситаҳои нақлиёт  ҷой дорад.

Чунончи; Санаи 25-уми январи соли 2018 ронандаи автомошинаи тамғаи номаълум ҳангоми ҳаракат бо роҳи нақлиётгарди “Айнӣ-Панҷакент” дар км-78 дар ҳудуди деҳаи Дашти Маллаи шаҳри Панҷакент, дар натиҷаи баланд намудани сурати ҳаракат бехатарии ҳаракати роҳро таъмин карда натавониста, пиёдагард Абдурасул Қурбонов, истиқоматкунандаи шаҳри Панҷакент, ки роҳро аз тарафи рост ба чап мегузашт, пахш намуда, аз ҷои ҳодиса ғайб задааст. Дар натиҷа пиёдагард Абдурасул Қурбонов ҷароҳатҳои вазнини ҷисмонӣ бардошта, дар ҷои ҳодиса ба ҳалокат расидааст. ҳангоми гузаронидани ҷораҳои фаврӣ-ҷустуҷӯӣ аз тарафи кормандони БДА, маълум карда шуд, ки ҷинояти мазкурро ронандаи автомашинаи тамғаи “Опел-Зефира” рақами қайди давлатиаш ТҶ 8600АЕ/02, Атабулло Шарифов истиқоматкунандаи шаҳри Панҷакент содир намудааст, нисбати  ӯ парвандаи ҷиноятӣ оғоз карда шуда, ӯро маҳбасӣ шудан таҳдид мекунад. ҳарчанд дар ин бора аз  ҷониби кормандони Шӯъбаи БДА- вилоят, борҳо корҳои тағриботию ташвиқотӣ гузаронида шуда, ҳатто аз оқибатҳои нохуши он гузоришҳо таҳия ва пешниҳод гардидааст, вале мутассифона ин ҳолатҳо боз  такрор меёбанд. Набояд  фаромӯш кард, ки ҳар як ҷиноят дер ё зуд аз тарафи кормандони милитсия ошкор гардида, ҷинояткор ба ҷавобгарӣ кашида мешавад.

ҳамзамон санаи 28 январи соли 2018, ронандаи автомошинаи тамғаи “БМВ” рақами қайди давлатиаш ТҶ 8158 СО/02, Шӯҳратхоҷа Солихоҷаев  истиқоматкунандаи ноҳияи Бобоҷон Ғафуров ҳангоми ҳаракат бо кӯчаи Гагарини шаҳри Хуҷанд, дар рӯбарӯи варзишгоҳи “Лочин” аз сабаби баланд намудани суръати ҳаракат, бехатарии ҳаракати роҳро таъмин карда натавониста, аз роҳ баромада  ба симчӯби канори рости роҳ бархӯрдааст. Дар натиҷа ронанда Шӯҳратхоҷа Солихоҷаев ва мусофирон Наимҷон Саидов ва Рухшона Ҷӯраева ҷароҳати ҷисмонӣ бардошта ба Беморхонаи шаҳри Хуҷанд бистарӣ гардидаанд. Мусофири дигари автомошинаи мазкур Лола Ҷӯраева истиқоматкунандаи шаҳри Хуҷанд, аз ҷароҳатҳои вазнинӣ бардоштааш дар ҷои ҳодиса ба ҳалокат расидааст.

Ё худ санаи 2 феврвли соли 2018,ронандаи автомошинаи тамғаи “Опел-Астра” рақами қайди давлатиаш ТҶ 6318 ДО/02 Тошмирзо Дӯстов соли таваллудаш 1942 истиқоматкунандаи шаҳри Панҷакент ҷамоати деҳоти Суҷина, ҳангоми ҳаракат дар роҳи нақлиётгарди “ Айни-Панҷакент”дар км-85 дар ҳудуди бехатарии ҳаракати роҳро таъмин карда натавониста, пиёдагард Мухбилҷон Раҳимов соли таваллудаш 1964 истиқоматкунандаи шаҳри Панҷакент ҷамоати деҳоти Суҷина, ки роҳро аз тарафи рост ба чап мегузашт, пахш намудааст. Дар натиҷа пиёдагард Мухбилҷон Раҳимов аз ҷароҳати ҷисмонии бардоштааш дар ҷои ҳодиса ба ҳалокат расидааст.

Карим ҶУМАЕВ,
нозири калони ГТТ ШБДА РВКД
ҶТ дар вилояти Суғд майори милитсия
А.Фозилбеков,
нозири калони ТТ ШВКД ҶТ
дар шаҳри Хуҷанд майори милитсия

Читать далее

Ҳунармандии бонувон –рӯзгори дурахшон

Дар Китобхонаи вилоятии бачагонаи ба номи Аминҷон Шукӯҳӣ бахшида ба «Соли 2018 – Соли рушди сайёҳӣ ва ҳунарҳои мардумӣ» толибилмони мактабҳои таҳсилоти миёнаи умумии рақамҳои 2. 5, 11 ва 26-и шаҳри Хуҷанд бо ҳунармандони номии вилоят вохӯрӣ баргузор гардид.

Сарвари китобхона Муаззама Расулова дар бораи Паёми навбатии Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон, эҳёи ҳунарҳои миллӣ ва ҳунар - ганҷинаи пурарзиш ва ҳунарманд - заргари беҳамто маълумот дод. ҳунармандони марказҳои таълимӣ - истеҳсолӣ Муҳаббат Абдуқодирова, Сорохон Баротова, Шафоат ӯзбекова, Қурбоншех Юлдошев ва дигарон маҳсули ҳунари хешро ба маърази тамошо гузошта, аз боби ҳунар ва ҳунармандӣ, таърихи онҳо ҳозиринро ошно сохтанд. Толибилмон Муҳайё Алиева ва Шаҳзода Маҳмудова доир ба ҳунар ва ҳунармандӣ шеъру таронаҳо қироат карданд.

Т.ҶӮРАЕВА 

Читать далее

16 February 2018

Нақлиётҳои Ёрии таъҷилӣ дар хизмати мардум

Чанде пеш аз тарафи Мақомоти иҷроияи маҳалии ҳокимияти давлатии вилояти Суғд ба муассисаҳои тандурустии шаҳру ноҳияҳои вилоят нақлиётҳои махсусгардонидашудаи ёрии таъҷилӣ дода шуд. Дар қатори дигар шаҳру ноҳияҳои вилоят ба Беморхонаи марказии ноҳияи Спитамен низ ду нақлиёти ёрии таъҷилии навъи «Хундай-Старекс» тақдим карда шуд.

Ин туҳфаи арзандаро роҳбарияти беморхонаи марказии ноҳия хуш қабул намуда, таъкид доштанд, ин имконият медиҳад,   ки саривақт ба беморон кумаки аввали тиббӣ расонида, дардмандонро фаврӣ ба беморхона  расонанд.

Сардухтури беморхонаи марказии ноҳия Олимҷон Бекбутаев иброз дошт, ки дар шӯъбаи Ёрии таъҷилии беморхонаи марказии ноҳия 5 мошини ёрии таъҷилӣ –ду адад нақлиёти тамғаи «Хундай-Старекс», як адад «Газел», «УаЗ» ва як адад нақлиёти тамғаи «Дамас» дар хизмати мардум қарор дорад. Дар шӯъбаи мазкур айни замон 12 нафар корманд кору фаъолият дошта, барои саривақт расонидани ёрии таъҷилӣ ба беморон кӯшиш менамоянд.

Фирӯз Боқӣ,
ноҳияи Спитамен

Читать далее

Таъсиси шӯрои диссертатсионӣ дар донишгоҳ

Дар толори раёсати Донишгоҳи давлатии Хуҷанд ба номи академик Бобоҷон Ғафуров муаррифии Шӯрои диссертатсионии 6D.КОА – 033 барои дарёфти дараҷаи илмии номзади илм аз рӯйи ихтисоси филология бо иштироки ректори донишгоҳ Ҷамшед Ҷӯразода, аъзои Шӯро, масъулони бахши илм ва инноватсия ва дигар ихлосмандон баргузор гардид.

Сараввал ректори донишгоҳ ташкил шудани шӯрои мазкурро дар донишгоҳ падидаи нек арзёбӣ намуда, ҳамагонро бо фармони Комиссияи олии аттестатсионии назди Президенти Ҷумҳурии Тоҷикистон, ки таҳти № 10 аз 29-уми январи соли 2018  ба тасвиб расидааст, шинос намуд. Таъкид шуд, ки Шӯрои диссертатсионӣ аз 25 нафар аъзо иборат буда, дар он аз рӯи чор ихтисос  рисолаҳои илмӣ ба дифоъ расонида мешавад.

Раиси Шӯрои диссертатсионӣ, професори кафедраи адабиёти муосири тоҷик Матлубаи Мирзоюнус барои дастгирӣ дар ташкили Шӯрои мазкур дар назди Донишгоҳи давлатии Хуҷанд ба номи академик Бобоҷон Ғафуров ба раёсати донишгоҳ изҳори сипос намуда, қайд кард, ки Шӯрои диссертатсионӣ барои дарёфти дараҷаи илмии номзади илм аз рӯи ихтисоси Филология (ихтисосҳои 10.01.08 - Назарияи адабиёт, матншиносӣ, 10.02.20 - Забоншиносии муқоисавӣ - таърихӣ, қиёсӣ ва муқоисавӣ, доктор ва номзади илм аз рӯйи ихтисосҳои 10.01.09 - Фолклоршиносӣ, 10.02.14 - Филологияи классикӣ, филологияи арабӣ ва юнонӣ) фаъолият менамояд.

Сипас муовини раиси Шўро, профессор Абдуҷамол Ҳасанов ва аъзои Шӯро, профессорон Абдусаттор Абдуқодиров, Матлуба Азимова ва Неъматҷон Файзуллоев аз таъсиси Шӯро изҳори қаноатмандӣ намуда, барои дар сатҳи баланд ба роҳ мондани кори Шӯро ва беҳтар намудани сифати рисолаҳои илмӣ фикру мулоҳизаҳои худро баён карданд.

Боир Раҷабов

Читать далее

Пешниҳодҳои мушаххас дар таъмини амнияти кишвар

Дар  Паёми навбатии  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъалаи амнияти кишвар аз   мавзӯоти меҳварӣ маҳсуб мешавад. Аслан масоили таҳдиду хатарҳои муосир ба амнияти миллӣ ва минтақавӣ ҳамешагӣ мавриди назари Сарвари давлат қарор дорад ва дар суханрониҳои  худ дар минбарҳои баландӣ байналмилалӣ аз қабили Созмони милалли муттаҳид, Иттиҳоди давлатҳои мустақил, Созмони аҳдномаи амнияти дастаҷамъӣ, Созмони ҳамкории Шанхай ба мавзӯи мазкур руҷӯъ кардаанд.  Сарвари давлат ҳини баррасӣ намудани мавзӯи мазкур, ба вазъияти ҳарбиву сиёсӣ, иқтисодиву иҷтимоии кишвари ҳамсоя Афғонистон таваҷҷӯҳ намуда, барқарории сулҳу осоиштагиро дар ин марз аз вазифаҳои аввалиндараҷа ба хотири амнияти минтақа медонанд.

Чуноне ки дар Паём омадааст:”  Хатарҳои замони муосир, вазъият дар Ховари Миёна, бахусус, вазъи Афғонистони ҳамсоя моро водор месозанд, ки ба масъалаи таъмини амният диққати аввалиндараҷа диҳем. Бахусус, дар қаламрави Афғонистон пайдо шудани террористони ба ном «Давлати исломӣ», ки баъзе шаҳрвандони кишварҳои аъзои Иттиҳоди Давлатҳои Мустақил низ ба он шомиланд, вазъро боз ҳам ноором намуда, боиси ташвиши давлатҳои ҳамсоя гардидааст. Вазъи имрӯзаи сарҳад бо Афғонистон низ моро водор менамояд, ки ба ин масъала таваҷҷуҳи бештар зоҳир намоем.”

Нуктаҳои мазкур ишорат бар он дорад,ки имрӯз Афғонистон маншаи хавфу хатарҳои муосир, аз ҷумла экстремизм, терроризм  ва қочоқи маводи мухаддир гардидааст,ки он натанҳо ба амнияти ҷумҳурии мо, балки тамоми кишварҳои Осиёи Марказӣ таъсири манфӣ мерасонад. Мусаллам аст, ки дар меҳвари  носуботии вазъи сиёсии Афғонистон, зиддиятҳои абарқудратҳои ҷаҳониву минтақавӣ меистад, ки ба иборати маъмули манфиатҳои геополитикӣ ва геоиқтисодӣ онро матраҳ менамоем. Дар ҳамин маврид Пешвои миллат таъкид менамоянд,ки “Вақтҳои охир дар ҷаҳон раванди бартариҷӯӣ, мусаллаҳшавии бошитоб,пайдоиши нишонаҳои марҳалаи нави  “ҷанги сард” боиси нигаронӣ гардидааст.” Мусаллам аст,ки мафҳумоти “бартариҷӯӣ”, “мусаллаҳшавии бошитоб”, “ҷанги сард” ин ҳама хоси абарқудратҳо аст ва сард шудани муносибатҳои онҳо таъсири нохуш ба кишварҳое чун Афғонистон мерасонад. Гузашта аз ин Сарвари давлат бо изҳори он, ки дар «Давлати исломӣ», баъзе шаҳрвандони кишварҳои аъзои Иттиҳоди Давлатҳои Мустақил шомил мебошанд аз  хавфи интиқоли махфиёнаи онҳо ба сарзамини мо нигарон мебошанд.

Боиси зикр аст,ки қочоқи маводи мухаддир ба воситаи сарҳади давлатӣ аз масъалаҳои доғи рӯз маҳсуб мешавад ва он ба амнияти миллии кишвари мо, минтақаи Осиёи Марказӣ таҳдид менамояд. “Аз соли 1994 инҷониб аз тарафи мақомоти ҳифзи ҳуқуқ ва сохторҳои низомии кишвар беш аз 121 тонна маводи нашъаовар, аз ҷумла зиёда аз 34 тонна героин мусодира карда шудааст, ки ин миқдор мавод метавонист қариб 53 миллион нафарро гирифтори бемории нашъамандӣ ва ҳамин қадар оилаҳоро бадбахт гардонад.” Қочоқи маводи мухаддир дар баробари эҷоди таҳдид ва хавфу хатар ба амнияти мамлакат ба саломатӣ ва зиндагонии шоистаи мардум низ таъсири бад мерасонад. Ба хотири пешгирии ин ҳолатҳои нохушоянд Пешвои миллат ба мақомоти дахлдори ҷумҳурӣ супоришоти мушаххас доданд.

Дар баробари ин Сарвари давлат бо ибрози ин андешаҳо ишора бар он доранд, ки қочоқи ҳама навъи маводи мухаддир асоси маблағгузории терроризм ба ҳисоб меравад. Маълум аст,ки гурӯҳи экстремистиву терористии ДҲИШ баъди мағлубияташ двр Сурия ва Ироқ маҳз барои дастёб шудан ба сарчашмаи маблағгузорӣ чун маводи мухаддир ба Афғонистон рӯй овард. Яъне ин сарчашма маблағгузории аз ҳисоби қочоқи нафтро сад дар сад метавонад иваз намояд. Ин ҷо рақобат байни  “Давлати исломӣ” ва Толибон барои таҳти назорат гирифтани қочоқи маводи мухаддир вазъи Афғонистонро нооромтар ва вазнинтар сохта истодааст. Пешвои миллат дар баробари таҳлили ҳамаҷониба ва баҳогузорӣ ба вазъият, ҳамзамон барои бартараф кардани мушкилот ва проблемаҳои мавҷуда пешниҳоди мушахаси худро баён доштанд: “Мо чунин мешуморем, ки кумак ба эҳёи иқтисодӣ ва рушди иҷтимоии Афғонистон беҳтарин роҳи истиқрори сулҳу субот дар ин кишвар ва таъмини амният дар минтақа мебошад.

Пешвои миллат  дар мавриди масъалаҳои амният ва сиёсати хориҷии кишвар дар Паём сухан карда,  на танҳо аз ояндаи мамлакат, балки осудагиву оромии минтақа ва ҷаҳон андеша менамоянд ва бо пешниҳодҳои мушахас дар ҳаллу фасли масоили мавҷуда саҳми боризи худро мегузоранд. Аз ҷумла пешниҳоди Пешвои миллат “ дар ҳамкорӣ бо Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо ва дигар шарикони рушд моҳи майи соли 2018 дар Душанбе баргузории Конфронси байналмилалии сатҳи баланд дар мавзӯи муборизаи муштарак бо терроризму ифротгароӣ ва тундгароии хушунатомез” аз беҳтарин усулҳои замонавӣ дар ҳалли масоили мубрами ҷаҳон  маҳсуб мешавад. Ин маънии онро дорад,ки Тоҷикистон хонаи уммеди на танҳо тоҷикон, балки мардуми сулҳхоҳи ҷаҳон ва хоҳад буд. Ҳар як нуктаи Паёми  навбатии  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон барои таъмини амният,  фардои обод ва ороми кишвар бахшида шудааст ва моро лозим аст, ки аз он бардошт намоем ва барои худ тарҳи зиндагии хубу шоистаро роҳандозӣ намоем.

Саидумрон САИДОВ,
номзади илмҳои филология

 

Читать далее

Ба ояндаи фарзандон бефарқ набошем

Сад шукр, мекунам ки имруз мо дар давлати тинҷу ором ва пешрафтаву зебо, ки халқи олам мешиносад зиндагӣ дорем. Ин ҳама ободӣ, пешравӣ ва бунёди роҳу корхонаҳои истеҳсолӣ маҳз аз омилҳои тинҷиву амонӣ,  сулҳу ваҳдат ва якдигарфаҳмии мардуми фарҳангдусту ватандусти тоҷик таҳти роҳбарии Асосгузори сулҳу ваҳдати миллӣ- Пешвои муаззами миллат, Президенти Ҷумҳурии Тоҷикистон, мӯҳтарам Эмомалӣ Раҳмон сарчашма мегардад. Ба ин неъматҳои ноёб шукрона бояд кард. Ба қадри ин неъматҳои бузург бояд расид, ки бо чи қадар талошу заҳматҳо ба мо даст додаанд.

Дар васоити ахбори омма ҳамарӯза аз хабарҳои ҷаҳони имрӯза огоҳ мегардем. Мебинем, ки дар аксар давлатҳои чи қафомонда ва чи пешрафта хатар ба амнияти ҷомеа таҳдид дорад. Мардум хонаву ҷой тарк гуфта, пойлучу бараҳна, ташнаву гурусна шаҳр ба шаҳр ва давлат ба давлат гуреза гаштаанд.  Шукри Худованд мекунем, ки дар давлати мо ҳам тинҷӣ, ҳам амонӣ ва ҳам сериву пурӣ ҳаст.

Аммо мутаассифона, ин ҳама пешравиҳо, ободкориҳо, бунёди иншоотҳои азим на ҳар кас, билхосса душманони дохиливу хориҷии миллати соҳибтамаддун ва бофарҳанги тоҷик хуш қабул менамоянд ва пешравию ободӣ, сулҳу ваҳдати мо пайваста душманонро ношоду нороҳат мегарданд. Бо ҳар роҳу васила кушиш ба харҷ медиҳанд, ки зарари худро ба мо расонанд. Ва ин тоифаи душманон дар дохил ва хориҷ аз ҷавонони бедонишу бесалоҳият ва нодону гумроҳи миллат истифода бурда, ҳар гуна таълимоту равияҳоеро, ки ба дини мубини Ислом ва ба мазҳабу миллати мо бегона аст, ба мағзу хуни онҳо ҷой менамоянд.

Боиси таассуф ва нигаронӣ аст, ки  аз давлати мо низ дар дар хоки давлатҳои ҷангзада ба мисоли  Афғонистону Ироқ ва Сурия ҷавонони  гумроҳ ба доми фиреби душманон афтида, яроқ бар даст гирифта, меҷанганд. Барои ки ва ба  чи мақсад меҷанганд, худ ҳам намедонанд. Вақте пай мебаранд, ки ин кору рафторашон хато аст, пас аз карда пушаймон мегарданд, вале он вақт хеле дер шуда.

Аксаран волидайни ин тоифа ҷавонони роҳгумзада бехабар аз он, ки фарзандашон ба чи кореву шуғле андармон аст, бо дили пур аз умед дар сар фикр  мекунанд, ки  ҷигарбандашон дар Руссия кор карда истодаасту барои ояндаи фарзандонаш камари ҳиммат баста. Вале ҳайҳот вақте хабар меёбанд, ки дар дигар давлат яроқ дар даст ҷанг мекунад, оҳу фиғонашон ба фалак мепечад.

Аз ин рӯ ҳар яки моро зарур аст, ки  дар тарбияи фарзандон беаҳамият набошем, аз хурдӣ фарзандони худро дар руҳияи ватандӯстӣ, худогоҳии миллӣ, хизмат ба ватан-модар  тарбия намоем. Нагузорем, ки ҷавонон   роҳи хаторо пеш гиранд ва ҳаёти худро барбод диҳанд.

Фирӯз Боқӣ,
ноҳияи Спитамен
Аълочии матбуоти Ҷумҳурии Тоҷикистон

Читать далее

Ба ояндаи фарзандон бефарқ набошем

Сад шукр, мекунам ки имруз мо дар давлати тинҷу ором ва пешрафтаву зебо, ки халқи олам мешиносад зиндагӣ дорем. Ин ҳама ободӣ, пешравӣ ва бунёди роҳу корхонаҳои истеҳсолӣ маҳз аз омилҳои тинҷиву амонӣ,  сулҳу ваҳдат ва якдигарфаҳмии мардуми фарҳангдусту ватандусти тоҷик таҳти роҳбарии Асосгузори сулҳу ваҳдати миллӣ- Пешвои муаззами миллат, Президенти Ҷумҳурии Тоҷикистон, мӯҳтарам Эмомалӣ Раҳмон сарчашма мегардад. Ба ин неъматҳои ноёб шукрона бояд кард. Ба қадри ин неъматҳои бузург бояд расид, ки бо чи қадар талошу заҳматҳо ба мо даст додаанд.

Дар васоити ахбори омма ҳамарӯза аз хабарҳои ҷаҳони имрӯза огоҳ мегардем. Мебинем, ки дар аксар давлатҳои чи қафомонда ва чи пешрафта хатар ба амнияти ҷомеа таҳдид дорад. Мардум хонаву ҷой тарк гуфта, пойлучу бараҳна, ташнаву гурусна шаҳр ба шаҳр ва давлат ба давлат гуреза гаштаанд.  Шукри Худованд мекунем, ки дар давлати мо ҳам тинҷӣ, ҳам амонӣ ва ҳам сериву пурӣ ҳаст.

Аммо мутаассифона, ин ҳама пешравиҳо, ободкориҳо, бунёди иншоотҳои азим на ҳар кас, билхосса душманони дохиливу хориҷии миллати соҳибтамаддун ва бофарҳанги тоҷик хуш қабул менамоянд ва пешравию ободӣ, сулҳу ваҳдати мо пайваста душманонро ношоду нороҳат мегарданд. Бо ҳар роҳу васила кушиш ба харҷ медиҳанд, ки зарари худро ба мо расонанд. Ва ин тоифаи душманон дар дохил ва хориҷ аз ҷавонони бедонишу бесалоҳият ва нодону гумроҳи миллат истифода бурда, ҳар гуна таълимоту равияҳоеро, ки ба дини мубини Ислом ва ба мазҳабу миллати мо бегона аст, ба мағзу хуни онҳо ҷой менамоянд.

Боиси таассуф ва нигаронӣ аст, ки  аз давлати мо низ дар дар хоки давлатҳои ҷангзада ба мисоли  Афғонистону Ироқ ва Сурия ҷавонони  гумроҳ ба доми фиреби душманон афтида, яроқ бар даст гирифта, меҷанганд. Барои ки ва ба  чи мақсад меҷанганд, худ ҳам намедонанд. Вақте пай мебаранд, ки ин кору рафторашон хато аст, пас аз карда пушаймон мегарданд, вале он вақт хеле дер шуда.

Аксаран волидайни ин тоифа ҷавонони роҳгумзада бехабар аз он, ки фарзандашон ба чи кореву шуғле андармон аст, бо дили пур аз умед дар сар фикр  мекунанд, ки  ҷигарбандашон дар Руссия кор карда истодаасту барои ояндаи фарзандонаш камари ҳиммат баста. Вале ҳайҳот вақте хабар меёбанд, ки дар дигар давлат яроқ дар даст ҷанг мекунад, оҳу фиғонашон ба фалак мепечад.

Аз ин рӯ ҳар яки моро зарур аст, ки  дар тарбияи фарзандон беаҳамият набошем, аз хурдӣ фарзандони худро дар руҳияи ватандӯстӣ, худогоҳии миллӣ, хизмат ба ватан-модар  тарбия намоем. Нагузорем, ки ҷавонон   роҳи хаторо пеш гиранд ва ҳаёти худро барбод диҳанд.

Фирӯз Боқӣ,
ноҳияи Спитамен
Аълочии матбуоти Ҷумҳурии Тоҷикистон

Читать далее

Барқияи тасаллияти Президенти Ҷумҳурии Тоҷикистон Эмомалӣ Раҳмон ба Президенти Иёлоти Муттаҳидаи Америка Доналд Ҷон Трамп

Рӯзи гузашта Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Иёлоти Муттаҳидаи Америка Доналд Ҷон Трамп барқияи тасаллият ирсол намуданд, ки дар он омадааст:

«Ҷаноби Олӣ,

Хабари фоҷеабори тирпарронӣ дар яке аз мактабҳои иёлоти Флоридаи Иёлоти Муттаҳидаи Америкаро, ки боиси ба ҳалокат расидан ва ҷароҳати вазнин бардоштани шумораи зиёди шаҳрвандон гардид, бо андӯҳи бепоён дарёфтам.

Читать далее

Бо иштироки иҷрокунандаи вазифаи Раиси вилоят Раҷаббой Аҳмадзода дар ноҳияи Мастчоҳ маҷлиси фаъолон баргузор шуд

Рӯзи 14 феврал бо иштироки иҷрокунандаи вазифаи Раиси вилоят Раҷаббой Аҳмадзода дар маҷлисгоҳи мақомоти иҷроияи ҳокимияти давлатии ноҳияи Мастчоҳ маҷлиси фаъолон баргузор шуд.

Дар рафти маҷлис роҳбари вилоят вазъи соҳаҳои иқтисодиву иҷтимоии ноҳияро таҳлил намуда, барои бартарафсозии камбудиҳои мавҷуда супориш дод. Иттилоъ дода шуд, ки нақшаи даромади буҷети давлатӣ дар ноҳия дар соли сипаришуда ба андозаи 102,3 дарсад ва буҷети маҳаллӣ 109,4 дарсад иҷро гардидааст. Ҳаҷми истеҳсоли маҳсулоти саноатӣ ба 196 миллион сомонӣ баробар гардида, аз 30 корхонаи фаъолиятдошта як адади он фаъолият набурд ва 7 корхона нисбат ба соли 2016 камтар маҳсулот истеҳсол кардааст.

Читать далее

Дар ноҳияи Мастчоҳ аз ҷониби иҷрокунандаи вазифаи Раиси вилоят Раҷаббой Аҳмадзода қабули шаҳрвандон баргузор шуд

Рӯзи 14 феврали соли 2018 дар ноҳияи Мастчоҳ аз ҷониби иҷрокунандаи вазифаи Раиси вилояти Суғд Раҷаббой Аҳмадзода қабули шаҳрвандон баргузор шуд.

Зимни суҳбати рӯ ба рӯ бо мардум иҷрокунандаи вазифаи Раиси вилоят изҳор дошт, ки қабули шаҳрвандон дар ноҳияи Мастчоҳ бо мақсади иҷрои дастури супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти баррасии муроҷиатҳои шаҳрвандон ва ҳалли мушкилоти мавҷуда доир мешавад.

Читать далее