March 2018

14 March 2018

Қарори Раиси вилояти Суғд дар бораи эълон намудани 1300 рӯзи меҳнати зарбдор

«Дар бораи эълон намудани 1300 рӯзи меҳнати зарбдор

ба истиқболи 30-солагии Истиқлолияти давлатии Ҷумҳурии Тоҷикистон»

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ҷиҳати таъмини иҷрои Фармони Президенти Ҷумҳурии Тоҷикистон аз 19 декабри соли 2017, №968 «Дар бораи ҷашни 30–солагии Истиқлолияти давлатии Ҷумҳурии Тоҷикистон», нусха аз протоколи маҷлиси раёсати Ҳукумати Ҷумҳурии Тоҷикистон аз 25 декабри соли 2017, №14, қарори иҷрокунандаи вазифаи Раиси вилоят аз 21 феврали соли 2018, №51 ва бо мақсади вусъат бахшидан ба корҳои созандагию бунёдкорӣ, ободонию кабудизоркунии маҳалли зист ва сазовор пешвоз гирифтани 30-солагии Истиқлолияти давлатии Ҷумҳурии Тоҷикистон ҚАРОР МЕКУНАМ:

Читать далее

Мулоқоти Пешвои миллат Эмомалӣ Раҳмон бо кормандони мақомоти прокуратура

13 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи ҷашни иди касбии кормандони мақомоти Прокуратураи ҷумҳурӣ бо роҳбарият ва дигар масъулини ниҳоди мазкур мулоқоти самимӣ доир карданд.

Нахуст дар саҳни ҳавлии Прокуратураи генералии Ҷумҳурии Тоҷикистон Сарвари давлат муҳтарам Эмомалӣ Раҳмон ба кормандони мақомоти прокуратураи шаҳру ноҳияҳо ва вилоятҳои мамлакат  калиди 18 мошини нави сабукрав ва 3 мошини бо таҷҳизоти криминалистӣ муҷаҳҳазро барои истифодаи хизматӣ тақдим карданд.

Читать далее

Шиносоии Раиси вилоят Раҷаббой Аҳмадзода бо фаъолияти муассисаҳои тиббӣ

Рӯзи 13 марти соли равон Раиси вилояти Суғд Раҷаббой Аҳмадзода бо мақсади шиносоӣ бо фаъолияти муассисаҳои тиббӣ аз як қатор беморхонаҳо боздид намуд.

Раиси вилоят нахуст бо фаъолияти Беморхонаи клиникавии вилояти Суғд шинос гардид. Беморхонаи клиникавии вилояти Суғд яке аз бузургтарин беморхонаҳои вилоят маҳсуб ёфта, тибқи лоиҳа дорои 1000 кат мебошад. Дар 30 шуъбаи Беморхонаи клиникавии вилоятӣ наздик 1000 нафар кормандони соҳаи тиб барои нигаҳдории солимии ҷомеа фаъолият мебаранд.

Читать далее

13 March 2018

Кори худ кун, кори бегона макун!

Ифротгароӣ ва терроризм яке аз падидаҳои манфури ҷомеаи ҷаҳонӣ аст, ки дар миёнаҳои асри ХХ аз ҷониби гурӯҳҳои манфиатҷӯву қудратталаб зуҳур карда, аз худ оқибатҳои даҳшатангезу фоҷиаомез ба бор овардааст. Бино ба иттилооти воситаҳои ахбори омма имрӯз ин раванди номатлубу тахрибкор дар минтақаҳои даргир ва осебпазири дунё беш аз пеш равнақ ёфта, ба амният ва иттиҳоду оромии ҷомеаи ҷаҳонӣ таъсири манфӣ мерасонад.

Чуноне ки Асосгузори сулҳу ваҳдати миллӣ – Пешвои миллат, Президенти Чумҳурии Тоҷикистон муҳтарам Эмомалӣ Раҳмон 22 декабри соли 2017 дар Паёми хеш иброз доштанд: «Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт… Идомаи минбаъдаи ин ҳолат метавонад боиси амиқ гардидани таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои гуногуни олам гардад».

Мо – омӯзгорони Коллеҷи тиббии шаҳри Панҷакент дар робита ба пешгирии ҷавонон аз шомил гаштан ба ҳизбу гурӯҳҳои ифротгаро, ки бо Қарори Суди Олии Ҷумҳурии Тоҷикистон фаъолияти онҳо дар қаламрави мамлакат манъ шудааст, ҳамеша кӯшиш менамоем, таваҷҷуҳи ҷавононро ба самти донишандӯзӣ, эҳтироми арзишҳои миллӣ ва эҳсоси баланди ватандӯстӣ равона созем.

Чуноне ки ба ҳамагон маълум аст, ҳизбу гурӯҳҳои ифротгаро баҳри дастёбӣ ба ҳадафҳои манфуру нопоки худ, ки аз тезутунд намудани муносибатҳои ҷомеаи ҷаҳонӣ, низоъангезӣ байни дину миллатҳо ва рехтани бори кулфату фоҷеа бар сари мардуми хайрхоҳу сулҳҷӯ иборат мебошад, шиору ақидаҳои барои миллати мо бегонаро интишор дода, мехоҳанд сафи худро аз ҳисоби ҷавонони гумроҳу бетаҷриба ва аз асли дину мазҳаб ноогоҳ зиёд намоянд.

Имрӯз моро зарур аст, ки зиракии сиёсиро аз даст надода, алайҳи ин равияи манфур муборизаро пурзӯр намоем.      

Дар ҷамъомаду нишастҳои илмиву адабии муассиса аз ҷониби омӯзгорон таъкид карда мешавад, ки ба адабиёти оламшумули форсу тоҷик рӯй оранд, зеро адабиёти мо саршор аз ғояҳои сулҳпарвариву инсондӯстӣ, илму донишандӯзӣ, ватан- дӯстиву эҳтироми миллатҳо буда, моро ба сӯи ҷомеаи пурсаодат, ки дар он инсон ва озодиҳои он арзиши баланд доранд, ҳидоят менамояд. Аз ҷумла, дар байти зерини «Маснавии маънавӣ»-и Мавлавӣ ҳикмати баланд ифода ёфтааст.

Дар замини дигарон хона макун,

Кори худ кун, кори бегона макун.

Мутафаккири бузург моро ҳушдор медиҳад, ки ҳама корро огоҳона кунем, аз тақлиди кӯр-кӯрона дур бошем, гумроҳ нашавем, некро аз бад, дӯстро аз душман фарқ намоем, фирефтаи ақидаву корҳои мардуми бадхоҳ нагардем, танҳо ба манфиат ва суди мардуми хайрхоҳи атрофи худ кор кунем.

Имрӯз байни ҷавонон тавассути телефонҳои мобилӣ ворид шудан ба шабакаҳои иҷтимоии интернет анъана шудааст. Доир ба ин мавзуъ низ ҳангоми гузаронидани маҷлиси падару модарон борҳо таъкид карда шуд, ки фарзандони худро зери назорат нигоҳ доранд. Моро зарур аст, ки тафаккури ҷавононро ба сӯи ақидаҳои солим, созандагиву касбомӯзӣ мутамарказ сохта, дар шаклгирии шахсияти онҳо ва самтёбӣ дар дуроҳаи зиндагӣ, ки яке аз адолат ва дигаре аз ҷаҳолат иборат аст, кӯмак намоем.

Метавон бо итминони комил иброз дошт, ки бо равона кардани тафаккури ҷавонон ба сӯи донишу касбомӯзӣ, ободгариву созандагӣ мо ба саодати комил мерасем, ҷумҳуриамонро аз хавфу хатарҳои глобалӣ ва экстремистӣ наҷот медиҳем ва ояндаи Тоҷикистонро ба дасти нафарони худогоҳу хештаншинос месупорем.

Дилфуза ҒАФФОРОВА,
омӯзгори Коллеҷи тиббии
 шаҳри Панҷакент

Читать далее

Пиёдагардон масъулият эҳсос намоянд!

Дар  давраи як моҳу чор рӯзи соли 2018, дар қаламрави ҷумҳурӣ 82 ҳодисаҳои роҳу нақлиёт ба қайд гирифта шудааст, ки 43-тои онро пахшкунии пиёдагардон ташкил медиҳад. Дар натиҷаи ин садамаҳо-14 нафар пиёдагард ба ҳалокат расида, 30-нафари дигар ҷароҳатҳои гуногуни ҷисмонӣ бардошта, дар беморхона бистарӣ гардиданд. Зиёдшавии ҳодисаҳои роҳу нақлиётӣ бештар дар вилояти Суғд аз ҷумла ноҳияи Бобоҷон Ғафуров ва шаҳри Хуҷанд ба қайд гирифта шудааст.

Бо мақсади баланд бардоштани интизоми иштирокчиёни ҳаракати роҳ, махсусан пиёдагардон ва коҳиш додани сатҳи садаманокӣ дар қаламрави вилоят амалиёти мақсадноки “Пиёдагард” ташкил ва гузаронида шуд. Вобаста ба ин чанде қабл аз тарафи кормандони Шӯъбачаи БДА-и дар ноҳияи Бобоҷон Ғафуров дар мавзеъи бозори “Сомон ва Баракат” чорабинии мақсаднок доир гардид. Аз мушоҳидаҳо  маълум гашт, ки баъзе аз шаҳрвандон дар мавзеъҳои  шиддатнокии ҳаракаташ баланд, саросемавор аз пеши воситаҳои  нақлиёти омадаистода давида гузашта, бо ин амалашон ҳаёти худ ва атрофиёнро зери хатар мегузоранд. Беинтизомии пиёдагардон дар ин мавзеъ ба қавле ба арши аъло расидааст, ки   ҳар рӯзу ҳар соат, ҳаёту саломатии онҳо зери хатар қарор дорад. Ташвишовар он  аст, ки риоя нагардидани талаботи  қоидаи ҳаракати роҳ новобаста аз синну  сол, аз тарафи ноболиғон, ҷавонон, ва  шахсони калонсол, ки  фарзандони хурдсоли худро  роҳбаладӣ мекунанд, ба назар мерасад. 

Маврид ба ёдоварист, ки  таъмини бехатарии пиёдагардон ва пешгирии садамаҳои нақлиётӣ бо иштироки онҳо, дар ин минтақаи роҳ, вазифаи   танҳо   кормандони БДА набуда, инчунин  фаъолон, роҳбарони ташкилоту идораҳои дахлдор ва  раисони бозору марказҳои савдо  низ  вазифадоранд  сари ин  масъалаи  ташвишовар  ибрози  андеша  намоянд. Зеро  солимии  ҷомеа аз  ҳар як фард вобастагии калон дорад.

Карим ҶУМАЕВ,
нозири калони ГТТ ШБДА
РВКД Ҷумҳурии Тоҷикистон
дар вилояти Суғд, майори милитсия, узви ИҶТ

Читать далее

ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ба эҳтиёт рухсат додани хизматчиёни ҳарбие, ки

муҳлати муқарраргардидаи хизмати ҳарбиро адо

намудаанд ва даъвати навбатии шаҳрвандони солҳои

таваллуди 1991 – 2000 Ҷумҳурии Тоҷикистон ба хизмати ҳарбӣ

Мутобиқи моддаи 7 Қонуни Ҷумҳурии Тоҷикистон «Дар бораи мудофиа» фармон медиҳам:

Читать далее

Беш аз 100 нафар варзишгрони Ӯзбекистону Қирғистон дар Наврӯзи Мастчоҳ

Дар Ҷамоати деҳоти Палдораки ноҳияи Мастчоҳ ҷашни Наврӯз таҷлил карда шуд. Дар ин  чорабинии идона беш аз 100 нафар варзишгарону меҳмонон аз ду кишвари ҳамсоя-Ӯзбекистон ва Қирғизистон иштирок доштанд. Дар баробари меҳмонон, инчунин раиси ноҳия-Ғайрат Азиззода ва дигар масъулини мақомоти иҷроияи ҳокимияти давлатии ноҳияи Мастчоҳ ширкат варзида, ҳозиринро бо фарорасии Наврӯзи аҷам табрик намуданд.

Ғайрат Азиззода зикр кард, ки   Наврӯз яке аз суннатҳои кӯҳани халқҳои Шарқ мебошад, ба он ҳар сол на танҳо дар сарзамини  кӯҳандиёри мо-Тоҷикистон,  балки дар Эрон, Афғонистон, Озорбойҷон, Туркманистон, Қазоқистон, ӯзбекистон, Туркия ва Ҳиндустон низ бо  шукӯҳу шаҳомати хос таҷлил мегардад.  Азиззода Наврӯзро  иди бедории табиат, оғози кишту кор, эҳёи анъанаҳои ниёгон хонда, гуфт:

 -Дар давраи Истиқлолияти давлатӣ дар Тоҷикистон Наврӯз шукӯҳу таҷаллии тоза пайдо кард. Басо рамзист, ки дар давраи ҷаҳонишавӣ Наврӯз мақоми  байналмиллалиро гирифт ва ин бесабаб ҳам нест. Наврӯз моҳиятан ҷашни инсонпарварона ва зебоипарастист. Бинобар ин мо, тоҷикистониён, ин ҷашнро ҳамчун мероси муқаддастарини ниёгон ва ҷашни покию зебоӣ, баҳору эҳё дар дар фазои истиқлолу ваҳдат бо шукргузорӣ ва бо шукӯҳ таҷлил менамоем.

Мураббии калон оид ба гуштини миллӣ, мураббии шоиста, Набӣ Дадабоев, ки дар ин чорабинӣ варзишгаронро сарварӣ мекард гуфт: Боиси хушнудист, ки ба диёри мо баҳор омадаву фасли иду айёмҳо дари ҳамватанони моро мекӯбад. Дар Наврӯзи ҷамоати Палдорак танҳо аз ду давлати ҳамсоя беш аз 100 нафар варзишгарону меҳмонон иштирок намуда истодаанд.  Инчунин аз тамоми шаҳру ноҳияҳои вилоят: Шаҳрҳои Хуҷанд, Истаравшан, Бӯстон, Гулистон ва ноҳияҳои Исфара, Спитамен, Ҷаббор Расулов, Зафаробод, Б.Ғафуров, Деваштич ва тамоми ҷамоату деҳоти ноҳияи Мастчоҳ варзишгарон иштирок карда, аз рӯи варзиши намуди гуштини миллӣ ва  ресмонкашӣ қувваозмоӣ карда, ғолибон бо тӯҳфаҳои наврӯзӣ қадрдонӣ шуданд.

Фарзона Муродӣ

 

Читать далее

Паём ҳунармандонро аз андоз озод кард

Паёми Пешвои миллат дар баробари дастгирии ҳамаҷониба тамоми кормандони соҳаҳои мухталифи ҷомеа, инчунин ҳамаи ҳунармандонро аз  пардохти андоз озод кард. Ин озодкунӣ  аз ҳар ҷиҳат албатта, ба манфиати халқи ҳунармандони мо аст, зеро занону бонувоне, ки ба ҳунармандӣ рӯй овардаанд, метавонанд ризқу рӯзии худро дарёбанд.

Агар дар шаҳри Бӯстон шумораи умумии занҳо 17800 нафарро ташкил диҳад, аз ин шумора 8450 нафарашон занҳои қобили меҳнат ҳастанд.  Таҳлилҳо нишон медиҳанд, ки аксари занҳо хонашин буда, ба дастгирӣ ва кор ниёз доранд. Дар шаҳри Бӯстон  2 адад маркази таълимию истеҳсолии адрасбофӣ бо фарогирии 20 адад дастгоҳи адрасбофӣ фаъолият намуда, зиёда аз 100 нафар занону духтарон бо таълим ва омӯзиши шартномавӣ фаро гирифта шудаанд.  Масалан соли 2017 дар шаҳри Бӯстон 2 нафар зани ҳунарманд бо мақсади рушди ҳунарҳои мардумӣ аз ҷумла муҳрабофӣ ва дӯзандагӣ ба гирифтани гранти Раиси вилоят, ба миқдори 10 ҳазор сомонӣ мушарраф шуданд. Дар баробари ин 7 нафар бонуи дигар ба гирифтани гранти раиси шаҳр ба маблағи 7 ҳазор сомонӣ шарафёб гаштанд, ки ин барои рушди ҳунарҳои қадимаю мардумӣ дастгирии аввалиндараҷа аст.

Маврид ба зикраст, ки ин иқдоми пешгирифтаи Сарвари давлат барои ҳамаи ҳунармандон имкон медиҳад, ки ба фарҳанги қадима ва ҳунарҳои гузаштагони мардуми тоҷик рӯ биёваранд.

Дар баробари чунин таъкиди ғамхорона нисбат ба ҳунармандон, инчунин ташкили грантҳои Президентӣ ва грантҳои раиси вилоят, раисони шаҳру ноҳияҳо ҳунармандонро ба ҳунари худ дилгарм карда, бешак барои паст кардани сатҳи бекорӣ мусоидат мекунад.

Соли 2018, ки бо ибтикори Президенти кишвар “Рушди сайёҳӣ ва ҳунарҳои мардумӣ” эълон гашт, як фоли нек барои рушди ин ду соҳа аст. Бесабаб соли 2018  соли “Рушди сайёҳӣ ва ҳунарҳои мардумӣ” эълон нагардидааст. Ба ҳамаи мо маълум аст, ки рӯз то рӯз муносибатҳои дӯстию ҳамкорӣ бо кишварҳои ҳамсоя хубтар васеътар шуда истодааст. Ин ҳама барои ҷалби сайёҳон ва ба фурӯш рафтани молу маҳсулоти истеҳсолкардани ҳунармандон шароити хуб фароҳам меорад.  Мақсади асосии роҳбарияти олии кишвар низ тараққӣ додани соҳаи сайёҳӣ, муаррифии шоистаи имкониятҳои сайёҳии мамлакат дар арсаи байналмилалӣ, инчунин, ҷалби сармоя ба инфрасохтори сайёҳӣ  аст.  

Инчунин, бо мақсади ҳавасмандгардонии аҳолӣ ҷиҳати истеҳсоли молҳои ниёзи мардум дар хона ва рушди ҳунарҳои мардумӣ аз 1 январи соли 2018 фурӯши чунин молу мавод аз пардохти ҳамаи намудҳои андоз озод карда шуд.

Умедҷон Раҳматҷонӣ,
Судяи суди шаҳри Бӯстон

Читать далее

12 March 2018

Суғд: Вусъати омодагиҳо ба истиқболи Наврӯзи ҷаҳонӣ

Тозагию ободкорӣ аз азал хоси мардуми тоҷик буду ҳаст. Ҳар ҷое, ки обод аст, он ҷоро метавон хурраму зебо дид.

Баробари оғози фасли дилфиреб-баҳори оламафрӯз ва эҳёи табиат гузаронидани шанбегиҳо ва ободу зебо гардонидани гирду астрофи маҳал ба ҳукми анъана даромадааст. Ин аст, ки сокинони шаҳри Хуҷанд то ин муддат чанд маротиба шанбегӣ гузаронида, бо шинонидани гулу гулбутта ва ниҳолҳои ороишӣ ҳусни шаҳри Хуҷандро таровати бештар бахшиданд.

Мавриди таҷдид ва азнавсозӣ қарор гирифтани роҳ ва намои биноҳои мавзеъҳои хиёбони Исмоили Сомонӣ, чорраҳаи Камоли Хуҷандӣ то мавзеи Панҷшанбе намуди шаҳрро боз ҳам дилработар гардонидааст. Тоза кардани кӯчаву маҳаллаҳои атрофи шаҳр аз ҷониби сокинон,  аз алафҳои бегона  тоза ва кабудизору гулзор намудани майдонҳо, рӯбучини гирду атрофи манзилҳои истиқоматӣ, корхонаву ташкилот, сафед кардани танаи дарахтон, сафолакпӯш намудани роҳҳо ва дигар корҳои ободонӣ шаҳодатгари он аст, ки мардум баҳори хушиқболро бо тозакориҳо ва дастовардҳои навин пешвоз гирифтанианд. 

Дар ин раванд ҳашарчиён дар баробари тозакунии гирду атрофи маҳал шинондани  400 бех лола, 700 бех садбарг, 540 бех гулҳои ороишӣ ва наздик 200 ниҳоли гуногуни ороишӣ шинонда, дар ободии макони зисти худ ҳиссагузор шуданд. Тоза кардани соҳилҳои дарёи Сир аз алафҳои худрӯй ва партовҳо аз ҷониби донишҷӯён бошад, имкон медиҳад, ки дар замири ҷавонону наврасон эҳсоси зебоипарастию ободкорӣ пайдо шавад.

Дар хиёбонҳои Раҳим Ҷалил, Раҳмон Набиев, кӯчаҳои «Сирдарё», ба номи Султон Умаров, шоҳроҳи Истиқлол бошад, сокинон баробари ба ҷо овардани як қатор корҳои ободонӣ, аз қабили киштгардон намудани майдончаҳои наздиҳавлигӣ, сафед кардани танаи дарахтон, рӯбучини кӯчаҳо, атрофи маҳаллаҳои шаҳр, биноҳои баландошёна, муассисаву ташкилот тасмим гирифтанд, ки Наврӯзи имсоларо бо руҳу илҳоми саршор истиқбол хоҳанд гирифт.

Дар шаҳри Конибодом низ омодагӣ ба ин ҷашни бузурги миллӣ ва фасли баҳори нозанин хуб ба роҳ монда шудааст. Аз даромади шаҳр эҳсос мегардад, ки кӯчаҳоро аз партов тозаву озода кардаанд. Ҷӯйборҳо, саҳни мактабу боғча ва муасисаву ташкилотҳо ободу дилкашанд. Дар канори кӯчаҳои шаҳр дарахтони  ҳамешасабз шинонида шуда, рӯҳияи мардум бо меҳнати созанда ва эҳсоси шаҳрдорӣ болидаву афзун аст. 

Бо мақсади баланд бардоштани маданияти шаҳрдорӣ, ободу зебо гардонидани гирду атроф ва дар ҳудуди шаҳру ҷамоатҳои деҳот, ташкилоту муассисаҳо шинонидани ниҳолҳои сояафкан, ҳамешасабзу ороишӣ, мевадиҳанда, гулу гулбуттаҳо гурӯҳи корӣ таъсис дода шудааст. Гурӯҳи корӣ вазифадор аст, ки фаъолияташро тибқи талаботи қонунҳои амалкунандаи Ҷумҳурии Тоҷикистон ба роҳ монда, бо ҷалби тамоми қишрҳои ҷомеа корҳои ташвиқотию тарғиботиро ҷоннок намуда, баҳри ободу зебогардонӣ чораҳои мушаххас андешад.     

Тавре директори Корхонаи давлатии фаръии «Хоҷагии манзилию коммуналӣ»-и шаҳр Фарҳод Орифов гуфт, имсол шинонидани 4700 бех дарахти ороишиву ҳамешасабз ба нақша гирифта шудааст. То имрӯз се ҳазор бех дарахти ҳамешасабзи санавбару ардач шинонида шуд. То ҷашни Наврӯзи фархундапай ин кор идома дода мешавад.  Бояд гуфт, ки масоҳати умумии қитъаҳои кабудизоркунӣ дар дохили шаҳр 21 ҳазору 800 метри мураббаъ, масоҳати ҷойи шинонидани алафҳои ҳамешасабз (газон) 4 ҳазору 600 метри мураббаъ мебошад. 

Алҳол мавсими шинонидани гулҳои ороишӣ оғоз шуда, 40-50 ҳазор адад гулҳои ороишии мавсимӣ, аз ҷумла 6 ҳазор бех гули садбарг ва 6 ҳазор гули канаро аз 3-юми март ба шинонидан оғоз намуданд. Ҳамзамон гулҳои ороишии питуния ва тагес аз шаҳри Тошканди Ҷумҳурии Ӯзбекистон оварда, шинонида шуда истодааст. 

Дар робита ба истиқболи сазовори ҷашни фархундаи Наврӯзи оламафрӯз, ҳамчунин анҷом додани корҳои созандагиву бунёдкорӣ дар асоси нуктаҳои Паёми Президенти мамлакат дар шаҳри Панҷакент бунёди як зумра иншоотҳо, ба кор андохтани корхонаҳои саноатии аз фаъолият бозмонда, ифтитоҳи коргоҳҳои хурду миёнаи саноатӣ, дигар иншооти таъиноти иҷтимоӣ ба нақша гирифта шуда, имрӯзҳо сокинони шаҳр бо рӯҳбаландии бузург дар самти ободониву бунёдкорӣ заҳмати садоқатмандона доранд.

Мудири шӯъбаи иқтисод ва савдои мақомоти иҷроияи ҳокимияти давлатии шаҳр Фарҳод Ҳамзаев иброз дошт, он дигаргуниҳои куллӣ, ободониву созандагӣ, ки вобаста ба дар шаҳри Панҷакент баргузор гардидани иди Наврӯзи байналмилал  ҷараён гирифта истодааст, ҳатто, гуфтан мумкин, даврони шӯравӣ ба назар намерасид. Танҳо дар соли равон бунёди даҳҳо иншоотҳо ба нақша гирифта шудааст.

То ин вақт ба сокинон аз хатти барқи 69 киловолта неруи барқ интиқол дода мешуду асосан коргоҳҳои саноатӣ бо нерӯи барқ ба таври пурра таъмин мегардиданд. Аҳолӣ бошанд, аз норасоии қувваи барқ ва паст будани шиддати он азият мекашиданд. Аз моҳи апрели соли 2016-ум бо гранти Бонки Рушди Осиё бунёди хатти барқи 220 киловолтаи «Айнӣ-Панҷакент» шуруъ шуда, дар ин иншоот 105 нафар кормандон аз кишвари Чин ва понздаҳ нафар коргарони тоҷик фаъолият бурданд. Арзиши умумии лоиҳа 23 миллион доллари амрикоиро ташкил дода, корҳо дар самти васеъсозии зеристгоҳи «Айнӣ» ба итмом расонда шуданд. Корҳои лоиҳавӣ моҳи феврали соли равон ба анҷом расонда шуд. Акнун мардуми Панҷакент бемалол аз нерӯи барқи босифат истифода бурда истодаанд.

Дар иншооти ҷашнӣ - бинои Қасри ҷавонон, ки аз таҳхона ва панҷ ошёна иборат аст, алҳол қариб тамоми корҳо анҷом ёфтаанд. Дар ин ҷо 400 нафар устоҳои Ширкати «Манора-2014» аз маркази вилоят- шаҳри Хуҷанд ва устоҳои маҳаллӣ аз «СУ-3»-и шаҳри Панҷакент фаъолият бурда, дар ҳаҷми наздик 7 миллион сомонӣ корҳоро ба анҷом расонданд. Тибқи нақша  дар ин бино бахши ҷавонон, толорҳои варзишӣ, ҳунарҳои мардумӣ, китобхона ва дигарҳо ҷойгир гашта, беш аз дусад нафар бо ҷои кор таъмин хоҳанд шуд.

Ҳамчунин дар хиёбони ба номи устод Рӯдакии шаҳр муассисаи томактабӣ барои 250 кӯдак, ки аз се ошёна иборат аст, бо тамоми шароити замонавӣ бунёд ёфта истодааст. Дар ин иншоот устоҳо аз шаҳри Ҳисор ва устоҳои «ПМК-278»-и шаҳри Панҷакент бо сарварии Олимҷон Саидов кор карда истодаанд. Ин иншоот бо харҷи беш аз 8 миллион сомонӣ бунёд гардида, маблағгузори он Ҷамъияти дорои масъулияташ маҳдуди Корхонаи Муштараки «Зарафшон» мебошад. Айни замон дар шаҳр 17 кӯдакистон фаъолият бурда, аз он дувоздаҳ ададаш тобеи шуъбаи маориф ва 3 ададаш хусусӣ аст.

Таҷдиди гулгашти устод Лоиқ бо маблағгузории Мақомоти иҷроияи ҳокимияти давлатии вилоят анҷом дода, пайкараи нави шоир гузошта  ва дар ин ҷо корҳои ободониву кабудизоркунӣ ва гулкорӣ анҷом дода мешавад, ин мавзеъ ба ҷои фароғату истироҳати мардум табдил хоҳад ёфт.

Дар асоси дастуру ҳидоятҳои Сарвари давлат баҳри ободонии маҳалли худ соҳибкорон низ амалҳои нек анҷом дода, бо иқдоми онҳо чандин биноҳои истиқоматии бисёрошёна, 5-6 адад тӯйхона бунёд ёфта истодааст. Дар ду таълимгоҳи садамавӣ- мактаби №64-и Ҷамоати деҳоти Вору ва Ҷамоати деҳоти Шинг бинои нав сохта шуд. Дар назар аст, ки соли равон боз дар ду мактаби садамавӣ бинои нав бунёд карда шавад.

Тибқи дастуру супоришҳои Президенти мамлакат соли 2017 бояд 12  коргоҳи хурду миёнаи саноатӣ ифтитоҳ мегардид. Амалан даҳ корхона, аз ҷумла коргоҳҳои истеҳсоли сафолакҳои роҳравҳо, хишти бетонӣ, дӯзандагӣ, қаннодӣ ва амсоли инҳо ба кор шуруъ карданд. Баҳри амалигардонии нуктаҳои Паёми навбатии Пешвои миллат мақомоти иҷроияи ҳокимияти давлатии шаҳри Панҷакент таъсиси дувоздаҳ  коргоҳ, аз ҷумла корхонаи шустан ва коркарди регу шағал, истеҳсоли плитаҳои бетонӣ, корхонаҳои истеҳсоли қолинҳо ва дигарҳоро ба нақша гирифтааст.   

Дар соҳаи кишоварзӣ дар самти афзунгардонии ҳосилнокии маҳсулот давоми солҳои охир пешравиҳои намоён ба амал омада, тавре Фарҳод Ҳамзаев иброз дошт, раиси шаҳр ҳамчун мутахассиси соҳибихтисоси соҳаи кишоварзӣ иқдомҳои тоза ба тозаро амалӣ мегардонад. Танҳо соли гузашта беш аз 500 тонна тухмии хушсифати картошка аз кишвари Федератсияи Русия ворид карда шуда, ин имкон дод, ки ҳосилнокӣ аз ҳар гектар баланд бардошта шавад. То имрӯз бошад, 200 тонна тухмӣ дохил карда шудааст ва ҳамин тавр дар назар аст, ки то 1000 тонна тухмии картошкаи аълосифат ворид ва навъҳои тухмии мавҷуда бо навъҳои серҳосил иваз карда шавад.

Алҳол дар соҳаи кишоварзӣ ҳамаи 18 истгоҳи обкашӣ ба фаъолият омода буда, обёрии бонизоми заминҳои кишти хоҷагиҳоро таъмин хоҳанд кард.

Соли 2017-ум 2 корхонаи истеҳсоли ангишт – «Сиёвуш-Ф» ва «Дион-ангишт» аз фаъолият бозмонда буд. Аз аввали соли равон фаъолияти ин корхонаҳо аз ҷониби соҳибкорон ба роҳ монда шуд. Бо кушода шудани роҳи байни Ҷумҳурии Тоҷикистон ва Ҷумҳурии Ӯзбекистон минбаъд  ҳамкории дуҷониба  вусъати тоза мегирад.

Таҷдиди роҳи мошингарди «Айнӣ-Панҷакент» аз ҷониби Вазорати нақлиёти ҷумҳурӣ ба амал оварда, ҳамчунин терминали наздисарҳадӣ  сохта шуд. Дар идомаи корҳои бунёдкориву созандагӣ аз ҷониби Ҷамъияти дорои масъулияташ маҳдуди «Сохтмон»-и шаҳри Ҳисор дар деҳаи Амондара ба ҷои ҳавлиҳҳои аз офати табиӣ - сел зарардида 10 манзили нави истиқоматӣ сохта, ба истифодаи сокинон дода шуд.

Ба истиқболи ҷашни байналмилалии Наврӯзи хуҷастапай сабзкориву ободонӣ вусъати тоза мегирад. Гулу гулбуттаҳо, ниҳолҳои ороишиву сояафкан  фазои шахрро дилоро менамояд  Бо ин максад бештар аз 4-5 ҳазор бех нихоли дарахтон шинонда шуданд.

Дар шаҳри Панҷакент мардум бо рӯҳияи идона ба истиқболи шоистаи меҳмонони олиқадр, ҷашнгирии сазовори иди Наврӯзи чахони омодагии хамачониба мебинанд.

Читать далее

Баҳор фасли зебоиву шукуфтанҳост...

Фасли баҳор, ки худ фасли зебоиву шукуфтанҳост, барои анҷоми сабзкориву ниҳолшинонӣ хеле мусоид аст. Бинобар ин имрӯзҳо дар гӯшаву канори вилоят маъракаи ободонӣ бо ҷалби кормандони касбу кори гуногун, хоҷагиҳои манзилию коммуналӣ ва сокинони шаҳраку маҳаллаҳо бовусъат ҷараён дорад. Дар рӯзҳои истироҳатӣ тибқи дастуру супоришҳои иҷрокунандаи вазифаи Раиси вилоят Раҷаббой Аҳмадзода дар ноҳияи Шаҳристон корҳои ободонӣ бо ҷалби сокинону кормандони касбу кори гуногун ба роҳ монда шуд.

Бояд қайд намуд, ки ноҳияи Шаҳристон дар шафати шоҳроҳи Хуҷанд-Чаноқ ҷойгир буда, ҳамарӯза ҳазорҳо нафар шаҳрванд аз ин роҳ равуо доранд. Аз ин хотир, соҳибкорон дар шафати шоҳроҳ иншооти гуногуни хизматрасонии замонавӣ сохтаанд, ки имрӯз симои ноҳияро хеле зебо гардонидааст. Бар замми ин, бо азму иродаи сокинони ноҳия дар шафати шоҳроҳи мазкур боғҳои навъи мевадиҳанда, дарахтони сояафкану ҳамешасабз парвариш ёфта, ин мавзеъро боз ҳам ҷолибу тамошобоб гардонидааст.

Дар доираи ин иқдоми ободкорӣ дар кӯчаву хиёбон ва маҳаллаҳо дарахтони ороишӣ ва гулу буттаҳо шинонида шуда, дар шоҳроҳи Хуҷанд - Чаноқ бошад, сокинон ба ободонӣ баромада, гирду атрофро аз ҳар гуна партову алафҳо тоза ва бехи дарахтонро нарму танаи онро сафед карданд.

Шаҳло Саидалиева – директори Муассисаи давлатии таълимии литсейи аграрӣ - саноатии ноҳияи Шаҳристон: - ҳар ҳафта рӯзи шанбе мо, кормандони литсей тасмим гирифтем, баҳри ободонии Ватани азизамон саҳмгузор бошем. Имрӯз дар мувозинаи муассисаи мо хоҷагии таълимӣ - истеҳсолӣ мавҷуд аст, ки он дар назди шоҳроҳи Хуҷанд - Чаноқ ҷойгир мебошад. Аз ин рӯ, ба нақша гирифтем, ки дар масоҳати зиёда аз 2 километр қад-қади шоҳроҳ ниҳолҳои сояафкану ҳамешасабз, аз қабили моҷевелник ва сӯзанбарг шинонем. Дар ҳашар беш аз 200 бех ниҳол шинонида, бо идома додани ин иқдом саҳми хешро дар ободу зебо гардонидани диёр, хоҳем гузошт, - мегӯяд мавсуф.

Яке аз суннатҳои қадимаи миллати тоҷик дар айёми ҷашни Наврӯзи аҷам бунёд кардани боғ, тозаю ободгардонии муҳити гирду атрофи маҳал, деҳа, шаҳру ноҳия маҳсуб меёбад. Аз ин хотир, сокинони меҳнатқарини ноҳияи Шаҳристон низ тасмим гирифтанд, ки тавассути иқдомҳои неки ниёгон дар корҳои ободонии ноҳия саҳми арзандаи худро гузоранд.

Вусъати кор дар фасли баҳор

Ҳамчунин, сокинони шаҳри Бӯстон низ дар рӯзҳои истироҳатӣ ба ҳашар баромада, баҳри ободонии гирду атрофи шаҳр ҳиссаи худро гузошта истодаанд.

Кароматулло Баҳодуров - раиси маҳаллаи Сомониёни шаҳри Бӯстон:

- Имрӯз сокинони маҳалла, намояндагони муассисаҳои таълимӣ барои ободу зебо гардонидани шаҳр камари ҳиммат бастаанд, ки ин дар партави иқдомҳои ободкоронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ва иҷрокунандаи вазифаи Раиси вилоят Раҷаббой Аҳмадзода амалӣ мегардад. Ҳадаф аз ин сарсабзу зебо гардонидани диёр ва сазовор пешвоз гирифтани ҷашни Наврӯзи фархунда буда, дар ин раванд корҳои ободониву созандагӣ бомаром идома доранд.

- Чӣ хеле ки мегӯянд ободӣ аз хонадон оғоз мегардад, кӯчаву хиёбонро бояд ҳар як фарди баору номуси диёр тозаву обод гардонад. Аз ин рӯ, азм дорем, ки ҳар ҳафта рӯзи шанбе корҳои ободониро дар кӯчаву хиёбонҳо ба роҳ монда, симои шаҳрро боз ҳам зебо ва ба як макони дилрабо табдил диҳем, - зикр дошт номбурда.

Бояд гуфт, ки бо омадани фасли зебои табиат, баҳори нозанин ва Наврӯзи аҷам тамоми сокинон ба корҳои саҳроӣ оғоз мекунанд, зеро яке аз фазилатҳои неки Наврӯз ин тозаву обод намудани диёр мебошад.

Ҳабиб Хоҷаев - намояндаи хоҷагии манзилию коммуналии шаҳри Бӯстон:

- Аз ниёгони бузурги мо як анъанаи нек мерос мондааст, ки ин бо фарорасии фасли баҳор, пеш аз ҳама, тоза кардани ҷӯю ҷӯйборҳо, кӯчаву хиёбонҳо оғози корҳои ободонию созандагӣ мебошад. Имрӯз кормандони хоҷагию манзилии коммуналии шаҳр тибқи иҷрои дастуру супоришҳои Ҳукумати Ҷумҳурии Тоҷикистон бахшида ба таҷлили ҷашни миллии тоҷикон - Наврӯзи Аҷам корҳои созандагиро хуб ба роҳ монда, дар ин самт зиёда аз 3 ҳазору 400 метр ҷӯйбори ҳудуди шаҳр тоза гардид. Беш аз 2 ҳазору 300 бех гули ҳамешасабз, 8 ҳазор бех қаламчаи гули садбарг ва 5 ҳазор тухми гули лола дар кӯчаву хиёбонҳои шаҳр шинонида шуд.

Рӯзҳои истироҳатӣ шумораи зиёди сокинон, кормандони ташкилоту муассисаҳо дар шаҳри Бӯстон ба ҳашари дастаҷамъона баромада, ниҳолу гулҳои ороишӣ шинониданд.

Дар маҷмӯъ, мардуми шарифи вилоят бо ҳисси баланди ифтихори миллӣ ва ҷонибдорӣ аз сиёсати хирадмандонаи Пешвои миллати худ баҳри амалӣ гардонидани дастуру ҳидоятҳояшон ҳамаи чораҳоро меандешанд ва баҳри сазовор истиқбол намудани ҷашни фархундаи тоҷикон - Наврӯзи Аҷам корҳои назаррасро ба анҷом мерасонанд.

Нодир ТУРСУНЗОДА,
«Ҳақиқати Суғд»

Читать далее