March 2018

12 March 2018

Миннатдории сокинони вилояти Суғд ба Пешвои миллат муҳтарам Эмомалӣ Раҳмон

Ба Асосгузори сулҳу ваҳдати миллӣ-Пешвои миллат, Президенти

Ҷумҳурии Тоҷикистон, муҳтарам Эмомалӣ Раҳмон

Ҷаноби Олӣ,

Мо, мардуми сарбаланду шукргузори вилояти Суғд бо камоли саодатмандиву шодӣ сиёсати хирадмандонаи Шуморо, муҳтарам Ҷаноби Олӣ, ҷиҳати ба ҳам овардани халқҳои дӯсту бародар ва ҳамҷавор – тоҷику ӯзбек, мулоқоти гарму самимии Шумо бо Президенти Ҷумҳурии Ӯзбекистон, муҳтарам Шавкат Мирзиёев дар ҷараёни сафари давлатии ӯ хабар ёфта, оид ба барқарор кардани риштаҳои гусастаи равобити ду миллати ба ҳам дӯст, иқдоми таърихии Шуморо мавриди дастгирӣ ва пуштибонии ҳамаҷониба қарор додем.

Читать далее

Маросими гусели Президенти Ҷумҳурии Ӯзбекистон Шавкат Мирзиёев

Нимаи дуюми рӯзи 10 марти соли 2018 пас аз анҷоми сафари бобарори давлатӣ дар Тоҷикистон Президенти Ҷумҳурии Ӯзбекистон Шавкат Мирзиёев аз шаҳри Душанбе ба шаҳри Тошканд баргашт.

Дар фурудгоҳи байналмилалии Душанбе меҳмони олимақомро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гусел намуданд.

Читать далее

Боздиди Сарони давлатҳои Тоҷикистону Ӯзбекистон аз бӯстонсаройи беруназшаҳрии «Варзоб»

Рӯзи 10 марти соли 2018 дар доираи сафари давлатии Президенти Ҷумҳурии Ӯзбекистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва меҳмони олимақом Сарвари ҷумҳурии ҳамсояи Ӯзбекистон муҳтарам Шавкат Мирзиёев бо мақсади шиносоӣ бо имкониятҳои рушди соҳаи сайёҳӣ ба бӯстонсаройи беруназшаҳрии «Варзоб», воқеъ дар ноҳияи Варзоб ташриф оварданд.

Сафари давлатии Президенти Ҷумҳурии Ӯзбекистон дар Тоҷикистон 9 март бо маросими истиқболи расмӣ оғоз гардида, аз рӯйи натиҷаҳои мулоқоту музокироти сатҳи олӣ, ки дар фазои ҳусни тафоҳум ва барои рушду густариши муносибатҳои дӯстию бародарии халқҳои ду кишвар неку бобарор баргузор шуд, 27 санади нави ҳамкорӣ ба имзо расонида шуд.

Читать далее

Иштироки Эмомалӣ Раҳмон ва Шавкат Мирзиёев дар консерти тантанавии ходимони фарҳангу санъати Тоҷикистон ва Ӯзбекистон таҳти унвони “Шоми дӯстӣ”

Рӯзи 9 марти соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев ҳамчунин дар консерти тантанавии ходимони фарҳангу санъати Тоҷикистон ва Ӯзбекистон таҳти унвони “Шоми дӯстӣ”, ки дар Кохи Борбад баргузор шуд, иштирок намуданд.

Чорабинии мазкур бо суханронии Сарони давлатҳо Эмомалӣ Раҳмон ва Шавкат Мирзиёев оғоз гардид.

Читать далее

Изҳороти матбуотии Президенти Ҷумҳурии Тоҷикистон Эмомалӣ Раҳмон пас аз мулоқоту музокирот бо Президенти Ҷумҳурии Ӯзбекистон Шавкат Мирзиёев

09.03.2018, шаҳри Душанбе

Муҳтарам Шавкат Миромонович,

Муҳтарам намояндагони воситаҳои ахбори омма,

Пеш аз ҳама, мехоҳам зикр намоям, ки дар натиҷаи сафари давлатии имрӯзаи Президенти Ҷумҳурии Ӯзбекистон муҳтарам Шавкат Миромонович ба кишварамон мо ба ҳалли таърихии маҷмӯи масъалаҳои муҳими дуҷонибаи рӯзномаамон расидем.

Суҳбати созанда ва муфассал оид ба доираи васеи масъалаҳои ҳамкории Тоҷикистону Ӯзбекистон ва дурнамои рушди онҳо дар фазои комилан ҳамдигарфаҳмӣ сурат гирифт.

Читать далее

09 March 2018

Истиқболи Президенти Ҷумҳурии Ӯзбекистон Шавкат Мирзиёев дар Тоҷикистон

9 марти соли 2018 Президенти Ҷумҳурии Ӯзбекистон Шавкат Мирзиёев бо сафари давлатӣ ба Ҷумҳурии Тоҷикистон ташриф овард.

Дар Фурудгоҳи байналмилалии Душанбе меҳмони олимақомро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гарму самимӣ истиқбол гирифтанд.

Читать далее

“Суруди Модар-алла”

Бо мақсади баланд бардоштани худшиносию худогоҳии ҷавонон ва ҳамчунин дар замири онҳо бедор кардани ҳисси ватандўстию меҳанпарастӣ, ифтихори миллӣ, мустаҳкам намудани эҳтирому садоқат ба Модар, Ватан ва рамзҳои давлатӣ бо ташаббуси Раёсати кор бо ҷавонон ва варзиши вилоят бахшида ба Рўзи Модар ва “Соли рушди сайёҳӣ ва ҳунарҳои мардумӣ” дар Театри давлатии мусиқии тамошобини ҷавон ба номи Одилҷон Назаров байни ҷавондухтарони вилоят таҳти унвони «Суруди Модар - алла» фестивал – озмун баргузор гардид.

Дар он намояндагони Раёсати кор бо ҷавонон ва варзиши вилоят, ташкилоту идораҳо, роҳбарони муассисаҳои таҳсилоти олӣ ва миёнаи касбии вилоят, донишҷўдухтарон ва намояндагони васоити ахбори омма иштирок намуданд.

Бояд гуфт, ки даври аввали фестивал - озмун дар тамоми шаҳру ноҳияҳо ва муассисаҳои таҳсилоти олӣ, миёнаи касбии вилоят баргузор гардида, беҳтаринҳо ба даври вилоятӣ роҳ ёфтанд.

Дар даври ниҳоӣ ҷавондухтарони боистеъдод аз 18 шаҳру ноҳия ва муассисаҳои таҳсилоти олӣ ва миёнаи касбии вилоят дар васфи суруди аллаи модар шеърҳои навэҷоди худ ва халқӣ қироат намуданд.

Ҳамзамон, дар ҷараёни чорабинӣ аз тарафи иштирокчиёни болаёқат маҳсули ҳунарҳои мардумӣ бо мақсади инъикоси фарҳанги миллӣ ва тарғиби зебоипарастӣ байни ҷавонон ба намоиш гузошта шуд.

Дар ҷамъбаст ҷои якум насиби шаҳри Истиқлол, ҷои дуюм шаҳри Конибодом ва ҷои сеюм Донишкадаи политехникии Донишгоҳи техникии Тоҷикистон ба номи академик Муҳаммад Осимӣ гардида, онҳо ҳуқуқи иштирок дар фестивал - озмуни ҷумҳуриявиро пайдо карданд.

Ғолибон ва иштирокчиёни фаъол аз тарафи Раёсати кор бо ҷавонон ва варзиши вилоят бо ифтихорнома ва туҳфаҳои хотиравӣ қадрдонӣ шуданд.

А.АМИНЗОДА,
«Ҳақиқати Суғд»

Читать далее

Мефахрам, ки зодаи Тоҷикистонам!

Муддати 30 сол интизори ин рўз будам, то мардум боз бо ҳам муносибати дўстона пайдо кунанду равуо дар ду кишвар бе мушкиливу муаммо паси сар гардад. Ниҳоят ба ин рўз ҳам расидем, ки мардуми тоҷику ўзбек бо ҳам пайвастанд, - гуфт Ҳунарпешаи Халқии Тоҷикистон Нарзинисо Алиева.

Тўли 50 сол ин зани ҳунарманд дар сирк фаъолият кард ва муддати ин солҳо дар мамлакатҳои гуногуни собиқ Иттиҳоди Шўравӣ ҳунарнамоӣ дошт ва бештари умраш дар Ҷумҳурии Ўзбекистон гузаштааст. Ин зани ҳунарманд фарзанди ду миллат аст, зеро падараш тоҷику модараш ўзбек мебошанд.

- Соли 1965 аз Тоҷикистон барои таҳсил дар донишгоҳ ба шаҳри Маскав рафтам. Пас аз хатми донишгоҳ то пошхўрии Иттиҳоди Шўравӣ дар саҳнаи сирки давлатии Тоҷикистон фаъолият кардам. Сипас, дар сирки шаҳри Алмаатои Ҷумҳурии Қазоқистон кор кардам, - афзуд ў.

Соли 1994 директори сирки Тошканди Ҷумҳурии Ўзбекистон Баҳром Маҷидов ҳунари воло ва маҳорати баланди санъаткории Нарзинисо Алиеваро дида, ба кор даъват кард. Ҳамин тавр, аз соли 1995 инҷониб ин зани некўсиришт дар сирки Тошканд бо 400 нафар ҳунармандони сирк фаъолияти корӣ дорад.

- Аслан соҳаи тибро хатм кардааму чанд муддат дар муассисаҳои тиббӣ фаъолият бурдам, вале меҳру муҳаббат ва орзуи деринаам, ки ҳунари саҳнаи баланди сирк буд, боло гирифт. Ниҳоят, аз паси касби дўстдоштаам шудам. Барои интихоби ин касб падарам муддати ҳабдаҳ сол бо ман сухан накарданд. Пас диданд, ки санъати сирк он қадар мушкил ва на ҳар кас метавонад ба қуллаи баланди ин ҳунар соҳиб шавад, ба ман фотеҳа доданд.

Имрўз ин оиларо оилаи ҳунармандон номидан мумкин аст, зеро ҳам шавҳару ҳам писар ва ҳам арўси хонадон дар сирк фаъолият мебаранд. Нарзинисо Алиева худро зани хушбахт эҳсос мекунад, зеро ҳам дар оила ва ҳам дар ҷодаи касб ба комёбиҳои зиёде ноил шудааст.

Бо вуҷуди ба синни 72 расидан роҳбари сирки Тошканд аст ва маҳорати касбии худро метавонад ба насли ҷавон омўзонад. Имрўз ў шогирдони зиёдеро тарбия кардааст ва ба натиҷаҳои баланд комёб гаштани ҳар яки онҳоро дида, худро инсони хушбахт эҳсос мекунад. Зеро медонад, ки натиҷаи меҳнати шабонарўзиаш самар дода истодааст.

- Шаҳри Хуҷанд нисбат ба солҳои пешин куллан тағйир ёфтааст, хиёбонҳо ва кўчаҳои шаҳр хеле зебову обод гардидаанд. Мардум бештар табассум мекунанду бо рўҳияи болида умр ба сар мебаранд. Мағозаи хўроквориву фурўши либос ва дигар лавозимоти рўзгор хеле зиёд гардидааст. Хешу ақрабои худро пас аз солҳои тўлонӣ дида, хеле болидахотир шудам. Мардуми тоҷик моро бо самимияти афзун пешвоз гирифтанд, - гуфт Нарзинисо Алиева.

Дар айёми баҳорон ин зани некўсиришту матинирода ҳамаи модарону хоҳарони Тоҷикистони соҳибистиқлолро бо Иди Модар ва Наврўзи хуҷастапай табрику муборакбод мегўяд ва тамоми хушиҳои зиндагиро таманно дорад.

Шаҳбонуи СИДДИҚ,
«Ҳақиқати Суғд»

Читать далее

Раҷаббой Аҳмадзода занони собиқадорро аёдат намуд

Иҷрокунандаи вазифаи Раиси вилоят Раҷаббой Аҳмадзода дар арафаи иди Рӯзи Модар ду нафар аз занони собиқадорро аёдат намуда, иди бонувонро барояшон табрик гуфт.

Яке аз онҳо собиқадори соҳаи саноат Ҳамро Тоҳирова мебошад, ки малакаю маҳорати худро солҳои зиёд барои рушди ин соҳа бахшидааст. Ҳамро Тоҳирова барои меҳнатҳои софдилонааш ба унвони Қаҳрамони меҳнати сотсиалистӣ ва Шаҳрванди фахрии шаҳри Хуҷанд сазовор гардидааст. Роҳбари вилоят ба собиқадори меҳнат паёми Пешвои миллат муҳтарам Эмомалӣ Раҳмонро расонида, барояш саломатӣ ва давлати пирӣ таманно намуд.

Читать далее

Табрикномаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон бахшида ба Рӯзи модар

07.03.2018, шаҳри Душанбе

Модарон ва хоҳарони азиз!

Фарорасии фасли зебои сол — баҳори оламафрӯз ва ҷашни модаронро ба ҳамаи занону модарони мушфиқ ва бонувони меҳрубони Тоҷикистон табрик гуфта, барояшон саломатӣ ва саодати ҳамешагӣ орзу менамоям.

Модар рамзи ҷовидонаи меҳру вафо ва идомабахши насли инсон мебошад.

Читать далее