10 April 2018

Шиносоии Раиси вилоят бо фаъолияти корхонаҳои коркарди меваву сабзавот дар шаҳри Хуҷанд

9 апрели соли равон Раиси вилояти Суғд Раҷаббой Аҳмадзода бо мақсади шиносоӣ бо фаъолияти корхонаҳои коркарди меваву сабзавот аз як қатор корхонаҳои саноатии шаҳри Хуҷанд боздид намуд.

Зимни боздиди Раиси вилоят аз ҶСК “Хуҷандпакижинг” иттилоъ дода шуд, ки ин корхонаи истеҳсолкунандаи шарбатҳои мевагӣ се сол инҷониб фаъолият надорад. Солҳои пеш дар ин корхона то 100 нафар бо ҷойи кор таъмин буданд ва маҳсулоти истеҳсолии он илова бар бозорҳои дохилӣ ба кишварҳои Қазоқистону Гурҷистон ва Федератсияи Россия низ ба фурӯш бароварда мешуд.

Читать далее

Сайёҳӣ рушд меёбад

Кишвари мо ҷойҳои зиёди диданӣ дорад ва барои ба ҷаҳониён муаррифӣ намудани ин мавзеъҳои таърихӣ ҷалби сайёҳони хориҷӣ нақши муҳим мебозад. Шароити мусоиди табиии Тоҷикистон имконият фароҳам меорад, ки сайёҳон аз манзараҳои бемисли табиати мо баҳравар гашта, дар як вақт бо намунаҳои ҳунари миллиамон ошноӣ пайдо намоянд ва бо ҳамин баҳона онро ба ҷойҳои худ бурда, фарҳангу ҳунари тоҷикиро дар олам паҳн созанд.

Мо мардуми соҳибмаърифату меҳмоннавоз ҳастем, инчунин, соҳиби кишвари офтобрӯ буда, бо меваҳои шаҳдбор, манзараҳои зебои нотакрор, кӯҳҳои осмонбӯс, пиряхҳои азим, обҳои шифобахш, ҳайвоноту наботот дар олам нотакрор мебошем.

Асосгузори сулҳу ваҳдати миллӣ–Пешвои миллат муҳтарам Эмомалӣ Раҳмон пешниҳод намуданд, ки соли 2018 дар кишвар «Соли рушди сайёҳӣ ва ҳунарҳои мардумӣ» эълон карда шавад. Зеро, табиат ва иқлими мувофиқи мамлакати мо барои ба роҳ мондани рушди сайёҳӣ ва инкишоф додани он заминаҳои мусоид фароҳам овардааст. Аз рӯи маълумотҳои Ташкилоти умумиҷаҳонии туристӣ (ТУТ) бармеояд, ки инкишофи туризм ва саёҳат миқдори ҷойҳои нави кориро дар бисёр мамлакатҳои ҷаҳон таъмин месохтааст. Сайёҳони мамлакатҳои тараққикарда, аз қабили Амрико, Олмон, Ҷопон маблағи худро бештар барои истироҳат дар хориҷа сарф мекардаанд.

Аслан, бо тараққӣ додани соҳаи сайёҳӣ дар кишвар, ки воқеан ҳам сарзамини биҳиштосо, осоишта ва афсонавӣ аст, имкониятҳо бештар гардида, дар сурати андешидани тадбирҳои саривақтӣ дар ин самт ҷумҳурии мо ба мавзеи муҳими сайёҳӣ табдил меёбад ва сатҳи иқтисодии мардум низ боло рафта, зиндагии аз ин ҳам пурфайзу зебою осоишта онҳоро интизор аст.

Бималоҳат Дадоҷонова,
ноҳияи Бобоҷон Ғафуров

Читать далее

Шиносоӣ бо рафти корҳои саҳроӣ дар Ҷамоати деҳоти Зарзамини ноҳияи Бобоҷон Ғафуров

Зимни сафари корӣ ба ноҳияи Бобоҷон Ғафуров Раиси вилоят Раҷаббой Аҳмадзода бо рафти корҳои саҳроӣ дар Ҷамоати деҳоти Зарзамини ноҳия шинос шуд.

Ҷамоати деҳоти Зарзамин дорои 883 гектар замини корам мебошад ва дар ин заминҳои зархез асосан помидору бодиринг парвариш карда мешавад. Имрӯзҳо деҳқонони ин ҷамоат бо истфода аз боду ҳавои мусоид ба шинонидани кучати помидор машғуланд. Тавре иттилоъ дода шуд, дар ин минтақа помидор охирҳои моҳи май пухта мерасад ва дастранҷи кишоварзон саривақт ба бозор бароварда мешавад. Раиси вилоят аз таҷрибаи пешқадами мардуми ин ҷамоат дар самти парвариши помидору бодиринг тафсиф намуда, мужда расонид, ки имсол деҳқонон ройгон бо заҳрдоруҳо таъмин мешаванд.

Читать далее

Шиносоии Раиси вилоят бо фаъолияти гармхонаҳо дар ноҳияи Бобоҷон Ғафуров

Рӯзи якшанбеи 8 апрел Раиси вилояти Суғд Раҷаббой Аҳмадзода ба ноҳияи Бобоҷон Ғафуров сафари корӣ анҷом дод ва дар ҷараёни ин сафар бо фаъолияти гармхонаҳои ноҳия шинос гардид.

Раиси вилоят сараввал аз гармхонаҳои Ассотсиатсияи илмӣ - истеҳсолии ба номи Раҳмон Набиев боздид намуд. Тибқи иттилои масъулин дар ин Ассотсиатсия дар маҷмӯъ 24 гармхона мавҷуд буда, дар 20 адади он маҳсулоти кишоварзӣ парвариш карда мешавад. Аснои боздид аз гармхонаҳои иҷоракор Сироҷиддин Набиҷонов маълум гардид, ки ин деҳқони пуртаҷриба ба парвариши бодиринг машғул аст. Зимни суҳбат бо Раиси вилоят Сироҷиддин Набиҷонов иттилоъ дод, ки дар як гармхона то 2200 бех ниҳоли бодиринг парвариш ва аз ҳар бех то 5 кг ҳосил рӯёнида мешавад. Тавре мушоҳида гардид, дар ин гармхона ҳар як ваҷаб самаранок истифода мешавад ва дар заминҳои холӣ кучат парвариш меёбад.

Читать далее