April 2018

30 April 2018

Маҷлиси Ҳукумати Ҷумҳурии Тоҷикистон

27 апрел таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис нахуст «Дар бораи натиҷаҳои рушди иҷтимоию иқтисодии Ҷумҳурии Тоҷикистон дар семоҳаи якуми соли 2018 ва вазифаҳо барои нуҳ моҳи соли 2018» ҳисоботи муовини якуми Сарвазири мамлакат Давлаталӣ Саид шунида шуд.

Читать далее

Олим, мураббӣ ва ташкилотчии моҳир

Дирӯз дар толори раёсати Донишгоҳи давлатии Хуҷанд ба номи академик Бобоҷон Ғафуров   конфронс таҳти унвони  «Олим, мураббӣ ва ташкилотчии моҳир” ба ифтихори 90 - солагии Аълоии маорифи ИҶШС, Ходими хизмтнишондодаи маорифи халқи ҶШС Тоҷикистон, номзди илмҳои филологӣ, дотсент Темур Мақсудов баргузор гардид.

Дар конфронс сармутахассиси шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Олимҷон Мирмуҳаммедов, намояндаи шуъбаи рушди иҷтимоӣ ва робита бо ҷомеаи дастгоҳи Раиси шаҳри Хуҷанд Фирӯза Эшонова, шоираи халқии Тоҷикиcтон Фарзона  ва устодону пайвандони эшон иштирок доштанд.

Чорабинии мазкурро ректори донишгоҳ, доктори илмҳои таърих, профессор Ҷамшед Ҷӯразода ҳусни ифтитоҳ бахшида, аз хизматҳои шоёни Темур Мақсудов баромад намуда, зикр кард, ки   дотсент Темур Мақсудов дар дарозои кору фаъолияти худ дар тарбияву бавоярасонии ҳазорҳо мутахассисони ҷавон саҳм гирифтаанд, ки онҳо дар вазифаҳои гуногун фаъолият намуда, ному пайкори устоди худро идома дода истоданд.  

Дар охир хотироти устодон ва дӯстон доир ба ҳаёт ва фаъолияти Темур Мақсудов шунида шуд.

Хабарнигори
“Ҳақиқати Суғд”

Читать далее

Бӯстон : Қадршиносии фидоиён

26 апрел мулоқоти раиси шаҳри Бӯстон Раъно Ҳошимзода бо бартарафкунандагони садамаи Нерӯгоҳи барқӣ-атомии Чернобил баргузор гардид. 

Роҳбари шаҳр нахуст аз раванди корномаҳои беназири фарзандони ҷоннисори Ватан дар амри иштирок ва бартарафкунии садамаи Нерӯгоҳи барқӣ-атомии Чернобил ибрози назар намуд. Қайд карда шуд, ки хизматҳои шоёни Чернобилчиён аз ҷониби давлату Ҳукумат зери роҳбарии Асосгузори сулҳу ваҳдати миллӣ - Пешвои миллат  муҳтарам Эмомалӣ Раҳмон ҳамаҷониба мавриди қадршиносӣ қарор дода шуда, раванди табобат ва вазъи иҷтимоии онҳо зери назорати ҳамешагӣ аст.

Зикр карда шуд, ки баҳри бартараф намудани ин ҳодисаи мудҳиш дар қатори дигар ҳамватанон аз шаҳри Бӯстон низ 200 нафар ҷавонмардон бо ҳисси баланди ватандӯстӣ барои анҷом додани ин амали башардӯстона ширкат варзидаанд.

Дар интиҳо ба иштирокдорон кӯмакҳои молиявӣ ва туҳфаҳои хотиравӣ тақдим карда шуд.

Бояд қайд намуд, ки дар шаҳри Бӯстон имрӯзҳо 9 нафар бартарафкунандагони садамаи Нерӯгоҳи барқӣ-атомии Чернобил ва 2 оилаи бесаробонмондаи фоҷеаи мазкур умр ба сар мебаранд.

 Мамнури МЭЛС

Читать далее

Беҳтарин варзишгарон муайян шуданд

Бо мақсади тарғибу ташвиқи тарзи ҳаёти солим, ҷалби хонандагон ба омӯзиши Барномаи олимпӣ ва машқҳои ҷисмонӣ бо ибтикори Маркази таҳсилоти иловагии вилоят  байни хонандагони синфҳои 9-11-и муассисаҳои таҳсилоти миёнаи умумии шаҳру ноҳияҳои вилоят даври вилоятии олимпиада оид ба тарғиби ҳаракати олимпӣ дар «Варзишгоҳ» - и Ҷамоати деҳоти Хистеварзи ноҳияи Бобоҷон Ғафуров баргузор гардид. Дар олимпиада аз 14 шаҳру навоҳӣ хонандагони варзишгар иштирок намуданд. Олимпиада аз рӯи супоридани тест оид ба тарбияи ҷисмонӣ, таърихи варзиш ва ҳаракати олимпӣ, қувваозмоӣ дар навъҳои  давидан ба масофаи 100м., вазнбардорӣ дастхобонӣ ва ҷаҳидан ба дарозӣ гузаронида шуд.    

Дар ҷамъбасти даставӣ ҷойи якум насиби дастаи ноҳияи Мастчоҳ ва ҷойи дуюмро варзишгарони шаҳри Исфара соҳиб гаштанд. Дастаи шаҳри Хуҷанд мақоми сеюмро  касб намуд.

Ҳамаи ғолибон аз ҷониби Раёсати маориф ва Маркази таҳсилоти иловагии вилоят бо диплом, медал, сипоснома ва Ҷоми олимпиада қадрдонӣ карда шуданд.

Абдусабури Абдуваҳҳоб

 

Читать далее

Нозиярони навраси ҳаракат

Бо мақсади пешгирии содиршавии ҳодисаҳои нохуши роҳу нақлиёт бо иштироки кӯдакону наврасон ва ҷалб намудани диққати идораю ташкилот, корхона ва воситаҳои ахбори омма ба масъалаи мазкур байни шаҳру ноҳияҳои вилоят озмуни ҳаштуми ҷумҳуриявии “Нозирони навраси ҳаракат” баргузор гардид.

Озмун аз ҷониби аъзоёни ҳакамон, ки аз намояндагони масъули шуъбаи Бозрасии давлатии автомобилии вилоят, Раёсати маориф, Раёсати тандурустӣ ва Иттифоқи автомобилчиён иборат буданд, баҳогузорӣ карда шуд.

Нозирони наврас аз рӯи шартҳои сафороӣ, сурудхонӣ, иҷрои фармонҳо, гардиш дар ҷой, рондани дучарха аз байни монеаҳо, расонидани ёрии аввалини тиббӣ ва иҷрои ишораҳо вобаста ба танзим даровардани ҳаракат дар роҳҳо байни ҳам қувваозмоӣ намуданд.

Дастаи “Нозирони навраси ҳаракат”-и ноҳияи Ҷаббор Расулов бо нишон додани маҳорат ва малакаи баланд бо гирифтани 82,5 хол сазовори ҷои аввал гардид. Чунин дастаҳои ноҳияи Зафаробод бо гирифтани 66,5 хол ҷои дуввум ва ноҳияи Спитамен бо гирифтани 58,5 хол ҷои сеюмро соҳиб гаштанд.

Озмуни мазкур дар шаҳру ноҳияҳои Деваштич, Гулистон, Мастчоҳ ва Бӯстон гузаронида шуда, дастаҳои шаҳру ноҳияҳои Конибодом бо гирифтани 86,5 хол, Истаравшан бо 84 ва Бобоҷон Ғафуров 80,5 хол дар даври минтақавӣ сазовори ҷои аввал гардиданд ва роҳхати мусобиқаро ҷиҳати иштирок дар озмуни вилоятӣ ба даст оварданд.

Карим ҶУМАЕВ, майори милитсия,
Ҷовид САФАРЗОДА лейтенанти милитсия

Читать далее

Дар ноҳияи Деваштич ба бунёди маркази саломатӣ ва боғчаи бачагона санги асос гузошта шуд

Раиси вилояти Суғд Раҷаббой Аҳмадзода зимни сафари кории худ ба ноҳияи Деваштич ба Ҷамоати деҳоти Яхтан ташриф оварда, ба бунёди маркази саломатӣ ва боғчаи бачагона санги асос гузошт.

Маврид ба зикр аст, ки дар Ҷамоати деҳоти Яхтани ноҳия беш аз 16 ҳазор нафар умр ба сар мебаранд ва бо назардошти афзоиши аҳолӣ дар ин минтақа маркази саломатӣ бо 8 ҳуҷра ва  кӯдакистон бо 240 ҷой бунёд мешавад.

Читать далее

Дар ноҳияи Деваштич бо иштироки Раиси вилоят маҷлиси фаъолон баргузор шуд

Рӯзи 26 апрел дар бинои мақомоти иҷроияи ҳокимияти давлатии ноҳияи Деваштич бо иштироки Раиси вилояти Суғд Раҷаббой Аҳмадзода маҷлиси фаъолон баргузор шуд.

Дар рафти маҷлиси фаъолон иттилоъ дода шуд, ки дар семоҳаи аввали соли равон нақшаи воридоти андозҳо ба андозаи 104,6 дарсад иҷро гардида, аз номгӯи умумии андозҳо нақшаи се намуди он иҷро нагардидааст.

Читать далее

Дар ноҳияи Деваштич аз ҷониби Раиси вилоят Раҷаббой Аҳмадзода қабули шаҳрвандон баргузор шуд

Рӯзи 26 апрел Раиси вилояти Суғд Раҷаббой Аҳмадзода бо мақсади шиносоӣ бо вазъи зиндагии мардум, рафти корҳои саҳроӣ ва ҷараёни сохтмони иншооти гуногун ба ноҳияи Деваштич сафари корӣ анҷом дод.

Дар ин рӯз нахуст дар толори мақомоти иҷроияи ҳокимияти давлатии ноҳия аз ҷониби Раиси вилоят Раҷаббой Аҳмадзода қабули шаҳрвандон баргузор шуд ва 48 нафар бо масъалаҳои вобаста ба саҳми замин, манзил, таъмин шудан бо оби нӯшокиву полезӣ, таъмири роҳҳо, дарёфти кӯмакҳои моддӣ, рушди ҳунарҳои мардумӣ, масоили марбут ба соҳаҳои маорифу тандурустӣ ба роҳбари вилоят муроҷиат карданд.

Читать далее

27 April 2018

Мулоқоти Пешвои миллат Эмомалӣ Раҳмон бо муовини якуми Сарвазири Ҷумҳурии Қазоқистон Аскар Мамин

26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Муовини якуми Сарвазири Ҷумҳурии Қазоқистон Аскар Маминро, ки бо сафари корӣ дар шаҳри Душанбе қарор дорад, ба ҳузур пазируфтанд.

Тибқи иттилои Хадамоти матбуоти Президенти Ҷумҳурии Тоҷикистон дар рафти мулоқот ҳолат ва дурнамои рушди маҷмӯи масъалаҳои ҳамкории стратегии Тоҷикистону Қазоқистон, инчунин роҳҳои густариши минбаъдаи он баррасӣ карда шуд.

Читать далее

Мардуми тоҷик дигар ба дасисаҳо дода намешавад!

Фаъолияти ҳар як ташкилоту ҳизбҳо бояд ба нафъи давлату миллат равона гашта бошад. Намояндагони аҳзоби сиёсӣ ашхосе бошанд, ки мардум нисбат ба онҳо эътимод дошта, ҳамчун шахси баобрӯ ва ҳимоятгари манфиату ҳуқуқҳои хеш вакил интихоб намоянд. Мутаассифона, на ҳамаи ҳизбҳои сиёсӣ ва намояндагони онҳо ба нафъи Ватану миллат содиқона ва софдилона хизмат мекунанд.

Ҷумҳурии Тоҷикистон аз рӯзҳои аввали соҳибистиқлолӣ озодӣ ва баробарҳуқуқии шаҳрвандонро кафолат дод. Вале ин озодиро гурӯҳҳои алоҳида ба таври худ қабул карданд, на ҳама ба қадри ин озодӣ ва тинҷиву амонӣ расид. Тоҷикистон ягона давлати пасошӯравиест, ки дар қаламрави он ба ҳизби наҳзати исломӣ иҷозати фаъолияти озодона дода шуд. Ин ҳизб аз солҳои аввали таъсисёбӣ фаъолияти худро танҳо ба хотири ноором гардонидани авзои сиёсии ҷомеа равона сохта, ин самтро то имрӯз дигар накардааст. Баъди имзои Созишномаи умумии истиқрори сулҳ ва ризоияти миллӣ Ҳукумати мамлакат шароит фароҳам овард, то роҳбарияти ҳизб иштибоҳи таърихии хешро ислоҳ намуда, баҳри пешрафту шукуфоии Ватани азиз кору фаъолият намояд. Мутаассифона, онҳо амалҳои иғвогаронаи худро имрӯз низ идома медиҳанд.

Сокинони мамлакат тавассути шабакаҳои телевизионӣ амалҳои ғайриинсонии баъзе аъзои ҲНИТ-ро бо чашми сар диданд. Шояд баъзеҳо фикр кунанд, ки ин ҳама барои бадном намудани ҲНИТ роҳандозӣ мешавад. Баръакс, он наворҳо маҳз, бо хоҳиш ва талаби мардуми аз дасти аъзои ин ҳизб ҷабрдида пешкаши тамошобин гардидаанд. Агар мақсади роҳбарияти ҳизб таҳкими сулҳу субот ва тарбияи дурусти ҷавонон бошад, пас чаро баъд аз намоиши наворҳо аъзои гунаҳгори худро ҷазо надоданд ва ё аз узвияти ҳизб хориҷ нанамуданд?

Ҳангоми таҳлили таърихи фаъолияти ҳизб мушаххас мегардад, ки он чандин марҳалаи начандон дури таърихиро паси сар кардааст. Ба гуфти худи сарваронаш замоне, ки ҳизбашон таъсис ёфт, ҳанӯз ҳукумати шӯравӣ салтанат дошт.

Бо иқдоми Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон китоби “Қуръон” бо забони тоҷикӣ бо теъдоди сад ҳазор нусха нашр гардид. Давоми солҳои соҳибистиқлолӣ садҳо ҳазор шаҳрвандони мамлакат маносики Ҳаҷро ба ҷо оварда, ҳоҷӣ шуданд ва имрӯз ҳам рафтан ба шаҳрҳои Макка, Мадина ва дигар ҷойҳои муқаддаси мусалмонон ягон мушкилӣ надорад.

Дар баробари ба даст омадани истиқлолият муносибат ба дин ва арзишҳои динӣ ба куллӣ дигар шуд. Аз ин рӯ, вуҷуд доштани ҳизбе, ки гӯё ба хотири манфиатҳои динии шаҳрвандони Тоҷикистон мубориза мебарад, умуман зарурат надорад. Агар воқеаҳо ва хатарҳои муосири минтақа ва ҷаҳонро ба назар гирем, вуҷуд доштани ҳизби дорои характери динӣ дар замони авҷ гирифтани ифротгароиҳои динӣ-таассубӣ, воқеан, ҳам барои Тоҷикистон ва ҳам барои минтақа хатари ҷиддӣ дорад, зеро барои гурӯҳҳои пасипардагие, ки мехоҳанд манфиатҳои геополитикии хоҷагони хориҷии худро амалӣ кунанд, беҳтарин ниҳоди расмӣ ҳамин ҳизбҳои сиёсӣ-исломианд. Ҳизбҳои динӣ аз эҳсосот ва боварҳову эътиқодоти динии мардум хеле хуб истифода карда, ононро ба роҳгумӣ мекашанд.

Бояд тазаккур дод, ки ҳизби имрӯз мамнӯъгаштаи наҳзати ислом чанд сол пеш дар фазои озоди кишвар фаъолияти густурда дошт, вале сарваронаш аз ин имконоти мавҷуда истифода намуда, таври пинҳонӣ амалҳои ҷиноятии худро пеш мебурдаанд. Имрӯз аз рафтору кирдори онон аён шуда истодааст, ки мехоҳанд, воқеаҳои даҳшатбори солҳои 90-уми асри гузаштаро такрор намоянд. Аз кирдорҳои ноҷавонмардонаи роҳбарияти ҳизб огоҳ гашта, шаҳрвандоне, ки дар тамоми шаҳру ноҳияҳо ба ин ҳизб бовар доштанд, бо хоҳиши худ аз аъзогии он даст кашиданд. Маҳз, иштибоҳи худи роҳбарияти ҳизб сабаб шуд, ки пеш аз қатъи фаъолияти ғайриқонунии он аз ҷониби сохторҳои дахлдор дар манотиқи алоҳидаи ҷумҳурӣ худ аз худ аз фаъолият бозмонад.

С.Мамадов,
устоди Донишгоҳи
давлатии ҳуқуқ, бизнес ва
 сиёсати Тоҷикистон

Читать далее