May 2018

31 May 2018

Мулоқоти Президенти Ҷумҳурии Тоҷикистон Эмомалӣ Раҳмон бо Раиси Ҳукумати Федератсияи Россия Дмитрий Медведев

31 майи соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Ҳукумати Федератсияи Россия Дмитрий Медведев, ки бо сафари расмӣ ба Тоҷикистон ташриф овардааст, мулоқот карданд.

Дар ҷараёни суҳбат ҳолат ва дурнамои маҷмӯи муносибатҳои дӯстиву равобити мутақобилан судманди Тоҷикистону Россия мавриди баррасӣ қарор гирифт.

Читать далее

Паёми табрикии Раиси вилоят Раҷаббой Аҳмадзода бахшида ба Рўзи байналмилалии ҳифзи кўдакон

Ҳамасола санаи якуми июн дар аксари кишварҳои олам, аз ҷумла дар Тоҷикистони соҳибистиқлоли мо Рўзи байналмилалии ҳифзи кўдакон ботантана ҷашн гирифта мешавад.

Ин санаи муборакро ба тамоми кўдакони хушбахти кишвар табрику муборакбод гуфта, барояшон осмони софу беғубор, оромию осудагӣ ва тамоми хушиҳои зиндагиро таманно дорам.

Боиси ифтихор аст, ки давлат ва Ҳукумати Ҷумҳурии Тоҷикистон барои тарбияи дурусти тифлакони босаодат ва ба воя расонидани номбардорони ояндаи миллат аз тамоми шароиту имкониятҳо истифода карда, барои таълиму тарбия, обутоби маънавию ҷисмонии онҳо ҳамаи шароитро фароҳам овардааст.

Читать далее

Ҷавонон ихтиёран ба хизмати Ватан рафтанд

Дар маркази Комиссирияти ҳарбии ноҳияи Мастчоҳ ҷамъомади тантанави бахшида ба хизмати Мадар – Ватан ба қувваҳои мусаллаҳи Тоҷикистон рафтани ҷавонписарон баргузор гардид.

Комиссари ҳарбии ноҳия, майёр Алиҷон Ниёзов ба муносибати маъракаи гусели ҷавонписарон баромад намуда, ҷавонони сарбаландро табрик намуд.

Сипас раиси комиссияи даъват, муовини раиси ноҳияи Мастчоҳ Тошмурод Ҳасанов аз номи Раиси ноҳия Ғайрат Азиззода ҷавононе, ки ихтиёран ба сафи Кувваҳои Мусаллаҳи Ватан гусел карда мешаванд, табрик намуда, ба падару модарони онҳо арзи сипос баён намуданд.

Сипас, вазъияти тантанавӣ ба даъватшавандагон тӯҳфаҳои таъсиснамудаи Мақомоти иҷроияи ҳокимияти давлатии ноҳияи Мастчоҳ супорида шуданд. Ҳамин тавр маъракаи гусели наваскарон ба сафи қувваҳои мусаллаҳи кишвар аз 7 ҷамоат бо шукӯҳу хотирмон дар сатҳи сиёсӣ баргузор шуд. Ҳамчун рамзи эҳтиром барномаи фарҳангӣ бо шукӯҳу шаҳомати хоса пешкаши иштирокдорон шуд.

Одина Мирзои Барот,
узви ИЖТ аз ноҳияи Мастчоҳ

Читать далее

Маҷлиси Ҳукумати Ҷумҳурии Тоҷикистон

30 май таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис “Дар бораи Номгӯи объектҳои дорои аҳамияти ҷумҳуриявӣ ва стратегӣ” гузориши раиси Кумитаи меъморӣ ва сохтмонии назди Ҳукумати Ҷумҳурии Тоҷикистон Ҷамшед Аҳмадзода ва “Дар бораи лоиҳаи Қонуни Ҷумҳурии Тоҷикистон “Оид ба ворид намудани илова ба Қонуни Ҷумҳурии Тоҷикистон “Дар бораи  Буҷети  давлатии Ҷумҳурии Тоҷикистон барои соли 2018”  гузориши Вазири молияи ҷумҳурӣ Файзиддин Қаҳҳорзода шунида шуд.

Читать далее

Мулоқоти Пешвои миллат Эмомалӣ Раҳмон бо Сардори Сарситоди муттаҳидаи Қувваҳои Мусаллаҳи Ҷумҳурии Исломии Покистон генерали артиш Зубайр Маҳмуд Ҳаёт

30 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сардори Сарситоди муттаҳидаи Қувваҳои Мусаллаҳи Ҷумҳурии Исломии Покистон генерали артиш Зубайр Маҳмуд Ҳаётро, ки бо сафари корӣ дар Тоҷикистон қарор дорад, ба ҳузур пазируфтанд.

Дар мулоқот маҷмӯи васеи масъалаҳои ҳамкории сиёсӣ, иҷтимоию иқтисодии кишварҳо баррасӣ карда шуд.
Президенти мамлакат муҳтарам Эмомалӣ Раҳмон аз муносибатҳои дӯстӣ ва ҳамкории гуногунсоҳаи кишварҳо, ки бо талошҳои сарони давлатҳо мазмуну муҳтавои тоза касб менамоянд, изҳори қаноатмандӣ карданд.

Читать далее

Бо ҳидоятҳои Пешвои миллат муҳтарам Эмомалӣ Раҳмон соҳибкорон дар ҳалли муаммоҳои иҷтимоӣ саҳм мегузоранд

Раиси вилояти Суғд Раҷаббой Аҳмадзода зимни сафари корӣ ба шаҳри Конибодом, ки рӯзи 29 май сурат гирифт, бо ҷараёни таъмиру навсозии муассисаи таълимии миёнаи умумии № 6 шинос гардид.

Аснои боздид ба Раиси вилоят иттилоъ доданд, ки мактаби мазкур аз тарафи собиқ хатмкунандаи муассисаи таълимӣ – соҳибкор Аҳадҷон Шарифов дар заминаи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар мулоқот бо намояндагони ҷомеаи кишвар рӯзи 12 майи соли равон баён дошта буданд, ба таъмир фаро гирифта шуд.

Читать далее

Оғози бунёди ду муассисаи нави таълимӣ бо 4800 ҷойи нишаст дар ноҳияи Исмоили Сомонии шаҳри Душанбе

30 майи соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе Рустами Эмомалӣ дар кӯчаи Маҳмадулло Холови ноҳияи Исмоили Сомонӣ бо тарҳи лоиҳаи “Бунёди бинои таълимӣ барои 1200 хонанда дар як баст дар ҳудуди қитъаи замини Муассисаи давлатии Гимназияи рақами 53 ба номи Муҳаббат Маҳмудова” шинос шуда, барои оғози корҳои сохтмонӣ дар ду муассисаи таълимӣ ҳар кадоме бо 1200 ҷойи нишаст дар як баст санги асос гузоштанд.

Фармоишгари бунёди иншооти нав Муассисаи давлатии Раёсати сохтмони асосии Мақомоти иҷроияи ҳокимияти давлатии шаҳри Душанбе, лоиҳакаш Корхонаи воҳиди давлатии Пажӯҳишгоҳи илмӣ — тадқиқотӣ ва лоиҳакашии “Душанбешаҳрсоз” мебошад.

Читать далее

30 May 2018

Оғози корҳои сохтмонӣ дар иншооти Донишкадаи исломии Тоҷикистон

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Низоми Ганҷавии шаҳри Душанбе бо гузоштани санги асос ба бунёди иншооти нави Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит оғози расмӣ бахшиданд.

Иншооти нави Донишкадаи исломии Тоҷикистон барои 1500 донишҷӯ дар як баст пешбинӣ гардида, аз ҷониби Ҳукумати мамлакат  бо харҷи 136 миллион сомонӣ дар майдони қариб 3 гектар бунёд карда мешавад.

Читать далее

Боздиди Раиси вилоят аз корхонаҳои саноатии Исфара

Раиси вилояти Суғд Раҷаббой Аҳмадзода зимни сафари кории худ ба шаҳри Исфара, ки 29 майи соли равон сурат гирифт, бо фаъолияти се корхонаи саноатии шаҳр - ҶДММ «Заводи сементбарории ба номи Баҳодурхӯҷа Самадов», ҶСК «Нилуфар» ва ҶСШК «Тамохуш – Заводи гидрометаллургии Исфара» шинос гардид.

Тавре зимни боздиди Раиси вилоят аз ҶДММ «Заводи сементбарории ба номи Баҳодурхӯҷа Самадов» ва суҳбати мавсуф бо роҳбарияту кормандони он аён гардид, корхонаи мазкур соли 2007 таъсис ёфта, 11 сол инҷониб ба истеҳсоли семент машғул аст.

Читать далее

Заминаҳои фаъолияти соҳибкорони бародаркишвар

Ифтитоҳи гузаргоҳи байнисарҳадии Ҷумҳуриҳои Тоҷикистон ва Ӯзбекистон ба санаи ҳумоюнии якуми март мувофиқ омад. Дар ин рӯзи мубораку таърихӣ халқи ба ҳам дӯсту бародари тоҷику ӯзбек дар баробари пешвози арӯси сол-баҳори нозанин ҳамчунин ба дидори ҳам расида, барои боз ҳам қавитар гардидани муносибатҳои ҳамкорӣ, иқтисодию тиҷоратӣ ва фарҳангӣ камари ҳиммат бастанд. Ба имзо расидани беш аз 40 санади нави ҳамкорӣ аз ҷониби Сарони ин давлатҳо бошад, муносибатҳои чандинасра ва неку дӯстонаи Тоҷикистону Ӯзбекистонро ба ҳам пайваста, имкон дод, ки дар оянда мувофиқи имкониятҳо муносибати ҳар ду кишвар ба манфиати халқ ривоҷу равнақ ёбад.

Дар ин замина бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев намоишгоҳи молу маҳсулоти Ҷумҳурии Ӯзбекистон ифтитоҳ ёфта, дар он номгӯи маҳсулоти беш аз 100 корхонаи ӯзбекистонӣ ба намоиш гузошта шуда буданд. Шурӯъ аз он рӯз тоҷирони ӯзбекистонӣ тасмим гирифтанд, ки ба кишвари мо молҳои электротехникию маишӣ, саноати хӯрокворӣ ва сабук, чарм, мебел, техникиву масолеҳи сохтмонӣ, полиграфиву фармасевтӣ ва нуриҳои минералиро ворид намуда, барои баланд бардоштани сатҳи некӯаҳволии мардум ҳисса гузоранд.

Маъмурияти бозори «Саховат», ки дар шоҳроҳи Хуҷанд-Fафуров ҷойгир аст, тасмим гирифтанд, ки Маркази савдои Ӯзбекистонро таъсис диҳанд, то тоҷирони ӯзбекистонӣ тавонанд, молу маҳсулоташонро бемамониат ба фурӯш гузоранд. Аллакай мардуми вилояти Суғд ҳамарӯза аз бозорҳои шаҳру навоҳии наздисарҳадӣ молу маҳсулоти ниёзи аввал харидорӣ намуда, барои эҳтиёҷоти рӯзгорашон ба кор мебаранд. Зиёда аз ин таъсиси маркази савдо имкон медиҳад, ки сатҳи некӯаҳволии мардум беҳ гашта, дар ин замина чандин ҷойи кор ба вуҷуд ояд.

Соҳибкорони ӯзбекистонӣ Отабек Юлдошев ва Азимҷон Раҳимов бо коркарди ҷӯробҳои занонаву мардона ва кӯдакона машғул буда, солҳост, ки маҳсулоташонро ба Ҷумҳуриҳои Қазоқистону Қирғизистон бурда, ба фурӯш мегузоштанд. Бо кушодашавии гузаргоҳҳои наздисарҳадӣ соҳибкорон тасмим гирифтанд, маҳсулоташонро, ки аз ашёи хоми ватанӣ истеҳсол шудаасту ба саломатӣ фоида дорад, дар бозорҳои вилояти Суғд низ ба фурӯш гузошта бошанд. Аллакай маҳсулоти истеҳсолкардаи Отабеку Азимҷон харидорони худро пайдо карда, соҳибкорон фармоиш низ гирифтаанд.

Нодирбек Кимсанов дар вилояти Қӯқанди водии Фарғона дар ҳамкорӣ бо мутахассисони давлати Туркия ба истеҳсоли пойафзол машғул аст. Агарчанде мутахассисон аз кишвари дигар даъват шуда бошанд ҳам, қувваи корӣ маҳз аз Ҷумҳурии Ӯзбекистон буда, қисми зиёди аҳолӣ бо ҷои кори доимӣ таъминанд.

Сардори Маркази савдои Ӯзбекистон Фарҳод Каримов аз пазироии мардуми меҳмоннавози Суғдзамин шоду мамнун аст.

- Бист сол ин тараф орзу доштем, ки бо кишвари ба мо дӯсту ҳамсояи тоҷикон дар робита бошем. Вақт табобатгар аст, мегӯянд. Хушбахтона, баъди гузашти солҳо риштаҳои дӯстии ин ду халқи ба ҳам ёру бародар пайванд гардида, шартномаҳои ҳамкории дуҷониба ҳамагонро хушнуд сохт. Нахустин амале, ки мо дар ҳамкорӣ бо соҳибкорони тоҷикистонӣ ба иҷро расонидем, ин таъсиси Маркази савдои Ӯзбекистон буд. Аллакай ду моҳ инҷониб мо риштаҳои ҳамкориро қавитар бастаем. Бар ивази молу маҳсулоти воридшаванда асосан 10 намуди маҳсулоти сохтмониро ба Ҷумҳурии Ӯзбекистон мебарем. Дар ин бобат бо ширкати «Хуаксин-Fаюр компания», ки бо истеҳсоли маҳсулоти сохтмонӣ машғул аст, шартнома бастем. Дар оянда нақша дорем, ки доираи фаъолияти марказро васеътар намуда, аз даромади он ба хонаи кӯдакону маъюбон ва пиронсолон хайрия намоем,- иброз дошт Фарҳод Каримов.

Дур нест он рӯз, ки ин орзуи соҳибкорони бародаркишвар амалӣ гашта, дар ин замина барои таъсиси ҷойи кори доимӣ, бо шуғл фарогирии нафарони бекор мусоидатгар бошанд.

Шоира САЛИМОВА,
«Ҳақиқати Суғд»

Читать далее