08 May 2018

Табрикоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ғалаба бар фашизм

08.05.2018, шаҳри Душанбе

Ҳамватанони азиз!
Муҳтарам собиқадорони ҷангу меҳнат!

Мардуми Тоҷикистон ҳар сол Рӯзи ғалабаро бар фашизм ҳамчун як саҳифаи фоҷиабори таърихи асри гузаштаи худ ва ба хотири пос доштани диловариву шуҷоат ва ҷонбозиҳои фарзандони бонангу номуси Ватан ҷашн мегиранд.

Мо имрӯз ба ёди онҳое, ки барои пирӯзии некӣ бар бадӣ ва хушбахтиву оромии аҳли башар ҷони худро нисор кардаанд, сари таъзим фуруд меорем.

Читать далее

Корномаи беназир тимсолест панди дилпазир

Гузориш аз таҷлили Рӯзи Ғалаба дар маркази вилоят

8 майи соли равон дар назди Муҷассамаи ёдбуди шаҳидони Ҷанги Бузурги Ватании солҳои 1941 – 1945, ки дар мавзеи «Панҷшанбе»-и шаҳри Хуҷанд воқеъ аст, ба ифтихори Рӯзи Ғалаба ҷамъомади мутантан баргузор гардид, ки дар он Раиси вилоят Раҷаббой Аҳмадзода иштирок ва суханронӣ намуд.

Раиси вилоят қабл аз ҳама, аз номи Мақомоти иҷроияи ҳокимияти давлатии вилояти Суғд иштирокчиён ва собиқадорони ҷангу меҳнат ва кулли мардуми вилоятро ба ифтихори Рӯзи Ғалабаи Бузург самимона табрик намуда, нақши ин пирӯзии бемислро дар таърихи инсоният беназир унвон кард.

Читать далее

Табрики Раиси вилоят Раҷаббой Аҳмадзода бахшида ба Рӯзи Fалаба

Ҳамдиёрони гиромӣ!

Муҳтарам иштирокчиёни ҷанг ва собиқадорони меҳнат!

Ҳамасола даҳаи аввали моҳи май дар қаламрави кишвари азизамон яке аз санаҳои муҳими таърихӣ – солгарди Рӯзи Ғалаба дар Ҷанги Бузурги Ватанӣ ботантана ҷашн гирифта мешавад. Корномаи фарзандони шуҷову матиниродаи миллати мо дар ин фоҷеаи мудҳиштарини асри ХХ бемисл буда, дар саҳифаҳои таърих бо хатҳои заррин сабт гардидааст.

Читать далее

Шиносоии Раҷаббой Аҳмадзода бо ҷараёни корҳои ободонӣ дар шаҳри Хуҷанд

Дирӯз Раиси вилояти Суғд Раҷаббой Аҳмадзода бо ҷараёни корҳои ободонию бунёдкорӣ дар шаҳри Хуҷанд шинос гардид.

Раҷаббой Аҳмадзода нахуст аз раванди корҳои таъмиру таҷдиди роҳи кӯчаи Саид Валиеви маҳаллаи Чашмаи Арзанаи шаҳр шинос гардида, ба масъулин ҷиҳати босифат иҷро намудани корҳои таъмирӣ дастуру супоришҳо дод. Қобили зикр аст, ки роҳи мазкур дар асоси муроҷиатҳои сокинон, ки тавассути барномаи иртиботии “Вайбер” ба унвони Раиси вилоят ворид гардида буд, ба таҷдид фаро гирифта шуд.

Читать далее

Шиносоии Раиси вилоят бо фаъолияти хоҷагиҳои моҳипарварӣ

Дирӯз Раиси вилояти Суғд Раҷаббой Аҳмадзода бо мақсади шиносоӣ бо вазъи моҳипарварӣ аз чанд хоҷагии моҳипарварӣ, ки дар шаҳри Гулистон ва ноҳияи Бобоҷон Ғафуров фаъолият доранд, боздид намуд.

Раиси вилоят зимни шиносоӣ бо фаъолияти хоҷагиҳои “Моҳии тоҷик”, “Моҳипарвари Гулистон” ва “Ҳақ” аз коҳишёбии ҳаҷми истеҳсоли моҳӣ дар вилоят изҳори нигаронӣ намуда, барои рушди соҳа ба масъулин супоришҳои мушаххас дод.

Читать далее

Хуҷанд. Аёдати 7 нафар иштирокчиёни ҶБВ ва 32 нафар заҳматкашони ақибгоҳ

Дирӯз, Ҳалимзода Абдураҳмон Достӣ, сардори Раёсати молияи дастгоҳи иҷроияи Президенти Ҷумҳурии Тоҷикистон, раиси шаҳри Хуҷанд Маъруф Муҳаммадзода ва Ҳакимҷон Шарифзода, муовини сардори Сарраёсати молия дар вилояти Суғд 7 нафар иштирокчии Ҷанги Бузурги Ватании солҳои 1941-1945 аз шаҳри Хуҷандро аёдат намуда, кӯмакпулии якдафъаинаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба маблағи 4000 сомонӣ, кӯмакпулии Раиси вилояти Суғд Раҷаббой Аҳмадзодаро ба маблағи 1500 сомонӣ ва кӯмакпулии Мақомоти иҷроияи ҳокимияти давлатии шаҳрро ба маблагӣ 1200 сомонӣ тақдим намуданд.

Ҳалимзода Абдураҳмон Достӣ, сардори Раёсати молияи дастгоҳи иҷроияи Президенти Тоҷикистон, Маъруф Муҳаммадзода, раиси шаҳри Хуҷанд ва Ҳакимҷон Шарифзода, муовини сардори Сарраёсати молия дар вилояти Суғд зимни сӯҳбат бо иштирокчиёни ҶБВ эшонро бо 73-юмин солгарди Рӯзи Ғалаба табрику таҳният гуфта, барояшон сиҳатмандии комил, сарбаландӣ, саодати рўзгор, хонаи обод, хотири ҷамъу осуда таманно намуданд.

Иштирокчиёни ҶБВ аз ин таваҷҷуҳу ғамхорӣ ба Ҳукумати Ҷумҳурии Тоҷикистон, махсусан ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзи сипос намуда, дар ҳаққи давлату миллат ва мардуми сарбаланди кишвар дуои нек карданд.

Бояд таъкид намуд, ки худи ҳамин рӯз ба 32 нафар заҳматкашони дар давраи ҶБВ фаъолиятдошта кӯмакҳои якдафъаинаи Раиси вилояти Суғд Раҷаббой Аҳмадзода ва раиси шаҳри Хуҷанд ба маблағи 2200 сомонӣ супорида шуд.

Хадамоти матбуоти
Раиси вилояти Суғд

Читать далее

Милитсия таъмингари осоиштагии сокинон

Дар шуъбаи Вазорати корҳои дохилии Ҷумҳурии Тоҷикистон дар ноҳияи Деваштич 98 нафар собиқадорони соҳа дар қайд мебошанд, ки асоси Шӯрои собиқадоронро ташкил медиҳад. Дар ҷаласаи ҳисоботию интихоботии ҷараёнгирифта, фаъолияти шӯро мавриди баррасӣ қарор дода шуд.

Тавре аён аст, осудагию оромии Ватан, пешгирии қонуншиканиҳо ва дигар чораҳои татбиқи қонунҳои амалкунанда ба зиммаи кормандони корҳои дохилӣ мебошад. Бояд гуфт, ки дар солҳои аввали истиқлолият садҳо кормандони милитсия барои ҳифзи ҳукумати конститутсионӣ сина сипар карданд, дар ин роҳ даҳҳо нафар ҳалок шудаву зумрае ҷароҳат гирифтанд. Аз ҷумла Авазҷон Насриев, Ҳусейн Баротов, Ҳикматулло Ҷамолов, ки дар шуъбаи дар Деваштич будаи Вазорати корҳои дохилӣ кор мекарданд, дар ҳамин муборизаҳо қаҳрамонон ҳалок шуданд ва имрӯз барои абадӣ гардондани хотираи онҳо як қатор кӯчаю муассисаҳои таълимӣ ба номи онҳо гузошта шудааст.

Дар ҷаласаи ҳисоботи интихоботии Шӯрои собиқадорон, ки таҳти роҳбарии раиси Раёсати Шӯрои собиқадорони кормандони милитсияи вилояти Суғд, полковники мустаъфӣ Алиҷон Ҳайдаров ва раиси Шӯрои собиқадорони ноҳия Даврон Эргашев ҷараён гирифт,  қайд гардид, ки давоми соли 2016 барои дастгирии моддии собиқадорони 5000 сомонӣ харҷ шуда бошад, соли гузашта ин рақам 7200 сомониро ташкил дод. Раиси кумитаи иҷроияи Ҳизби Халқии Демократии Тоҷикистон дар ноҳия ба сухан баромада, баҳри беҳбудии фаъолияти Шуро фикру мулоҳизаҳои хешро иброз намудани ва дар ҷамъбаст аз номи Кумитаи иҷроияи ноҳиявии ҲХДТ сипоснома ба Шӯрои собиқадорон супорида шуд. 

С.Саидов
роҳбари намояндагии ТҶҶ «Созандагони Ватан»
дар ноҳияи Деваштич

Читать далее