15 May 2018

Кӯмаки Ҳилоли Аҳмар ба кӯдакони ятиму бепарастор

Аз ҷониби Ҷамъияти Ҳилоли Аҳмари Тоҷикистон ба тарбиятгирандагони мактаб-интернати Мақомоти иҷроияи ҳокимияти давлатии вилояти Суғд, воқеъ дар шаҳри Бӯстон дар арафаи моҳи мубораки Рамазон кӯмак дастрас карда шуд. 

Зимни суханронии хеш котиби иҷроияи бахши Ҷамъияти Ҳилоли Аҳмари Тоҷикистон дар вилояти Суғд Парвиз Ҷабборзода аз ғамхории ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ятимони кулл ибрози назар намуд. 

Қайд карда шуд, ки дар ин рӯз аз ҷониби Ҷамъияти Ҳилоли Аҳмари Тоҷикистон ба кӯдакони ятиму бепарастор 80 адад пойафзоли мардона, 40 адад пойафзоли занона ва 104 адад сару либоси баҳорона тақдим карда шуд. Инчунин, баҳри фароғат ва истироҳати кӯдакону наврасон 1 адад телевизори муосир ҳадя гардид. 

Роҳбари дастгоҳи раиси шаҳри Бӯстон Даврон Муҳаммадзода низ оид ба ғамхории давлату Ҳукумат ба ятимону бепарасторон ёдовар шуда, қайд намуд, ки бояд бо истифода аз фурсати муносиб ҷавонон илму ҳунарҳоро аз бар намуда, ҳамчун мутахассисони баландихтисос ба камол расанд.

Читать далее

Озмуни вилоятии суханварони ҷавон таҳти унвони “Санъати сухан”

Дар толори Маркази фарҳанги шаҳри Хуҷанд бо ташаббуси Раёсати кор бо ҷавонон ва варзиши вилояти Суғд озмуни вилоятии суханварони ҷавон таҳти унвони “Санъати сухан” байни хонандагону донишҷӯёни муассисаҳои таҳсилоти олӣ, миёнаи касбӣ ва умумии вилоят бо мақсади дарёфти беҳтарин суханвари ҷавон ва мубаллиғони ҷавон, ки дорои фарҳанги баланди сиёсиву ҳуқуқӣ ташкил ва баргузор гардид.

Бояд зикр кард, ки дар чорабинии мазкур Сардори Раёсати кор бо ҷавонон ва варзиши вилоят Каримов М., Аълочии фарҳанги Ҷумҳурии Тоҷикистон, устоди ДДХ ба номи академик Б.Ғафуров профессор Умар Алиевич, номазади имлҳои филология, устоди ДДХ ба номи академик Б.Ғафуров Нуралӣ Нурзод, дотсент, мудири кафедраи забони тоҷикии ДДҲБСТ Аслам Каримов ва доктори илмҳои филология, устоди ДДХ ба номи академик Б.Ғафуров Низомиддин Муродӣ иштирок намуданд.

Дар озмуни мазкур аз ҷониби иштирокчиён мавзуъҳое ироа шуданд, ки фарогири ҳаёти ҷавонон ва дастгириву ғамхориҳои ҳукумати кишвар нисбат ба ҷавонон ва сиёсати имрӯзаи кишвару давлат бобати ба шуғл фаро гирифтанӣ ҷавонон буданд.

Баҳри болидахотирии иштирокчиёни озмуни мазкур аз тарафи маҳфили ҳаҷвнигорони ҷавони Раёсати кор бо ҷавонон ва варзиши вилояти Суғд барномаи фарҳангӣ – ҳаҷвӣ пешкаш карда шуд.

Дар ҷамъбаст ғолибон муайян гардида, ҷои якум насиби донишҷӯи ДДХ ба номи академик Б.Ғафуров Мафтуна Ҳодибоева, ҷои дуюм насиби ба номи ДДХ ба номи академик Б.Ғафуров Мафтуна Суфиева ва ҷои сеюм насиби гирандаи стипендияи Президентӣ, хонандаи синфи 11-и литсейи ДДҲБСТ Амонов Амонбой гардида, аз ҷониби Раёсати кор бо ҷавонон ва варзиши вилоят ғолибон бо диплому ифтихорномаҳо ва тӯҳфаҳои хотиравӣ қадрдонӣ шуданд.

Шодмон Нурматов,
роҳбари хадамоти матбуотии Раёсати
кор бо ҷавонон ва варзиши вилоят

Читать далее

Ёди он айём

Дар Муассисаи давлатии «Маркази минтақавии хизматрасонии иҷтимоӣ ба пиронсолон ва маюбон дар шаҳри Хуҷанд» баҳри ботантана ва хотирмон таҷлил гирифтани Рӯзи ғалабаи халқҳои Шӯравӣ дар Ҷанги Бузурги Ватанӣ чорабинии фароғатӣ гузаронида шуд.

Дар чорабинӣ аз ҷониби деректори Марказ суханӣ табрикӣ қироат гардид. Қайд карда шуд, ки дар Марказ 2 нафар бошанда – Калинина Нина Фёдоровна ва Королёва Олга Василевна шахсони ба иштирокчиёни Ҷанги Бузурги Ватанӣ баробаркардашуда маҳсуб меёбанд.

Сипас баҳри болидахотирии ҳозирин аз ҷониби донишҷӯёни факултаи филологияи руси Донишгоҳи давлатии Хуҷанд ба номи академик Бобоҷон Ғафуров шеъру суруд рақсҳои ҷолиб пешкаши ҳозирин гардид.

Мавриди зикр аст, ки дар рафти барномаи фарҳангию фароғатӣ аз ҷониби бошандагони соҳибистеъдоди Марказ Калилина Нина Фёдоровна суруди «Катюша»  ва Лудченко Любов Андреевна суруд бо номи «Ой красиви над Волгой закати» сароида шуд.

Иштирокдорон сари дастархони идона сӯҳбати дӯстона оростанд.

Маркази матбуоти Маркази
минтақавии хизматрасонии иҷтимоӣ ба
пиронсолон ва маъюбон дар шаҳри Хуҷанд

Читать далее

Сафари расмии Президенти Ҷумҳурии Беларус Александр Лукашенко дар Ҷумҳурии Тоҷикистон

Шоми 14 майи соли 2018 Президенти Ҷумҳурии Беларус Александр Лукашенко бо сафари расмӣ ба Ҷумҳурии Тоҷикистон ташриф овард.

15 май маросими истиқболи расмии меҳмони олимақом дар назди Қасри миллат баргузор гардид.

Читать далее

Маҷлиси Ҳукумати Ҷумҳурии Тоҷикистон

14 май дар Қасри миллат таҳти раёсати Асосгузори сулҳу ваҳдати миллӣ — Пешвои миллат, Президенти мамлакат, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати кишвар баргузор шуд.

Дар кори маҷлис роҳбарият ва аъзои Ҳукумати ҷумҳурӣ, Роҳбари Дастгоҳи иҷроияи Президенти Ҷумҳурии Тоҷикистон, роҳбарони як қатор сохторҳои давлатӣ иштирок карданд.

Читать далее