May 2018

21 May 2018

Пешвои миллат ба аҳли оила ва наздикону пайвандони Муъмин Қаноат изҳори тасаллият намуданд

18 — уми майи соли 2018 Шоири халқии Тоҷикистон, дорандаи Ҷоизаи давлатии ба номи Абӯабдуллоҳи Рӯдакӣ, Ҷоизаи давлатии собиқ Иттиҳоди Шўравӣ, узви вобастаи Академияи илмҳои Ҷумҳурии Тоҷикистон Муъмин Қаноат дар синни 86 — солагӣ аз олам даргузашт.

Президенти Ҷумҳурии Тоҷикистон, Асосгузори сулҳу Ваҳдати миллӣ — Пешвои миллат, муҳтарам Эмомалӣ Раҳмон ба аҳли оила ва наздикону пайвандони марҳум изҳори тасаллият намуданд, ки дар он, аз ҷумла, омадааст:

Читать далее

Дар Дави миллӣ беш аз 96 ҳазор нафар сокинони касбу кори гуногун иштирок намуданд

Рӯзи 20 май дар маркази вилоят – шаҳри Хуҷанд чорабинии варзишии Дави миллӣ баргузор шуд, ки дар он беш аз 25 ҳазор нафар одамони касбу кори гуногун иштирок намуданд.

Дар қатори ҳазорҳо нафар сокинони маркази вилоят Раиси вилояти Суғд Раҷаббой Аҳмадзода низ дар чорабинии мазкур иштирок намуд. Қабл аз оғози Дави миллӣ Раҷаббой Аҳмадзода дар ҳузури сокинон суханронӣ намуда, аз дастгириҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш ёдоварӣ кард ва баргузории Дави миллиро ҷиҳати тарғиби тарзи ҳаёти солим иқдоми муҳиму саривақтӣ арзёбӣ кард.

Читать далее

Баргузории марафони велосипедронӣ дар шаҳру ноҳияҳои вилоят

Тибқи нақшаи чорабиниҳо оид ба таҷлили Рӯзи ҷавонони Тоҷикистон дар вилояти Суғд таҳти унвони “Ҷавонон – пайрави Пешвои миллат” ва бо мақсади таҳкими тарзи ҳаёти солим, рушди инкишофи соҳаи варзиш ва оммавияти он байни аҳолӣ рӯзи 19 май дар шаҳру ноҳияҳои вилояти Суғд марафони велосипедронӣ баргузор гардид.

Ин чорабинии варзишӣ дар маркази вилоят аз назди Маҷмааи таърихию фарҳангии “Истиқлол” оғоз ёфт. Дар маросими ифтитоҳии марафони велосипедронӣ муовини якуми Раиси вилояти Суғд Рустам Раҳматзода суханронӣ намуда, таъкид кард, ки тараққӣ додани варзиш ва ташвиқу тарғиби тарзи ҳаёти солим дар байни наврасону ҷавонон яке аз самтҳои мушҳимтарини фаъолияти сохтору мақомоти давлатӣ маҳсуб меёбад. Зеро наврасону ҷавонон ҳар қадар солим бошанд, давлату миллат низ ба ҳамон андоза нерӯманду тавоно мегардад. Қайд карда шуд, ки маҳз дар давраи Истиқлолияти давлатӣ варзиши тоҷик густариши бесобиқа пайдо карда, варзишгарони ҷавони мо тавонистанд, ки бо иштироки фаъолона соҳиби ҷоизаҳои олимпӣ гарданд. Ҷавонони кишвари соҳибистиқлоли мо ҳамеша нерӯи пешбаранда, ворисони арзандаи миллату давлат ва созандагони имрӯзу фардои Тоҷикистони соҳибиқлол хоҳанд буд.

Бояд ёдовар шуд, ки дар чорабинии мазкур беш аз 300 нафар наврасону ҷавонон ва варзишгарони вилоят иштирок намуданд. Макони баргузории марафони велосипедронӣ аз назди Маҷмааи таърихию фарҳангии “Истиқлол” то микроноҳияи 3-юмро дарбар гирифт.

Мусобиқаи мазкур аз рӯи 4 зинаи синну сол доира гардида, ғолибону ҷоизадорон муайян шуданд ва аз ҷониби муовини якуми Раиси вилояти Суғд Рустам Раҳматзода бо диплом, медал ва Ҷоми мусобиқа қадршиносӣ гардиданд.

Хадамоти матбуоти
Раиси вилояти Суғд

Читать далее

Дар ярмаркаи вилоятии ҷойҳои холии корӣ 1500 ҷойҳои корӣ пешниҳоди сокинон шуд

Тибқи нақшаи чорабиниҳо оид ба таҷлили Рӯзи ҷавонони Тоҷикистон дар вилояти Суғд бо ташаббуси Раёсати кор бо ҷавонон ва варзиши вилояти Суғд ва дар ҳамкорӣ бо Раёсати Агентии меҳнат ва шуғли аҳолӣ дар вилояти Суғд 18 майи соли 2018 дар Регистони Панҷшанбеи шаҳри Хуҷанд ярмаркаи вилоятии ҷойҳои кории холӣ ва намоиши маҳсулоти ҳунарҳои мардумӣ баргузор гардид.

Бояд кайд кард, ки чорабинии мазкур бо мақсади бо ҷойи корӣ таъмин намудани шаҳрвандони бекор гузаронида шуда, аз ҷониби ташкилоту идораҳо ва корхонаҳои шаҳру ноҳияҳои Хуҷанд, Бӯстон, Гулистон, Бобоҷон Ғафуров, Спитамен ва Ҷаббор Расулов 1500 ҷойҳои корӣ бо маоши аз 450 то 1500 сомонӣ пешниҳод карда шуд ва нафарони бекор барои худ ҷойҳои кории муносибро интихоб намуданд.

Ҳамзамон бахшида ба “Соли рушди сайёҳӣ ва ҳунарҳои мардумӣ” намоиши маҳсули дасти ҳунармандон доир шуд, ки дар ҳунармандо маҳсулоти худро ба фурӯш гузоштанд.

Хадамоти матбуоти
Раиси вилояти Суғд

Читать далее

Боздиди кории Сарвазири Ҷумҳурии Тоҷикистон Қоҳир Расулзода аз вилояти Суғд

Рӯзҳои 17 - 18 майи соли равон Сарвазири Ҷумҳурии Тоҷикистон Қоҳир Расулзода бо мақсади шиносоӣ бо ҷараёни корҳои ободониву созандагӣ, ки ба истиқболи 30 – солагии Истиқлолияти Ҷумҳурии Тоҷикистон дар вилоят идома дорад, ба вилояти Суғд сафари корӣ анҷом дод.

Мавриди зикр аст, ки бо мақсади дар сатҳи баланд таҷлил намудани 30-солагии Истиқлолияти давлатии Ҷумҳурии Тоҷикистон ва ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд “1300 рӯзи меҳнати зарбдор” эълон гардидааст. Дар доираи ин иқдом дар шаҳру ноҳияҳои вилоят корҳои бунёдкориву созандагӣ ҷараён дошта, сохтмони як қатор иншооти фарҳангӣ, тиббӣ ва иҷтимоӣ идома дорад.

Читать далее

Амалиёти «Бачаҳо» оғоз шуд!

Ба диққати шаҳрвандони шаҳри Хуҷанд

Бозрасии давлатии автомобили Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд ба маълумоти шаҳрвандон мерасонад, ки аз санаи 15-ум май то 25-уми майи соли 2018 дар ҳудуди шаҳри Хуҷанд амалиёти мақсадноки профилактики «Бачаҳо» гузаронида шуда истодааст.

Мақсади гузаронидани амалиёти мазкур ин баланд бардоштани интизоми иштирокчиёни ҳаракат дар роҳ, пешгирии садамаҳои роҳу нақлиёт, аз ҷумла садамаҳои роҳу нақлиёти ҳалокатовар бо иштироки кӯдакону наврасон, ба танзим даровардани интизоми нақлиёт дар байни ронандагон, оиди риояи талаботи Қоидаҳои амалкунанда доир ба бехатарии дар роҳ, пешгирӣ намудани қоидавайронкуниҳои ҳаракат дар роҳ аз тарафи ноболиғон, наврасон, аз ҷумла идора намудани воситаи нақлиёт, велосипед ва дигар нақлиётҳои худгард, гузаштани роҳҳо аз ҷойҳои ғайримуқаррарӣ, ҳаракати гурӯҳии онҳо, ошкор ва пешгирӣ намудани қонунвайронкуниҳои дағали ҳаракат дар роҳ аз тарафи ронандагони воситаҳои нақлиёт ва ба талаботи қоидаҳои ҳаракат дар роҳ қатъиян риоя кардани иштирокчиёни ҳаракат дар роҳ мебошад.

Бинобар ин аз падар ва модарон, мураббиён, роҳбарони муассисаҳои таҳсилоти миёнаи умумӣ ва томактабӣ, инчунин сокинони шаҳри Хуҷанд хоҳиш карда мешавад, ки дар давраи баргузории чорабинии мазкур, саҳми арзандаи худро гузоранд.

ШБДА  ШВКД 
Ҷумҳурии Тоҷикистон
дар шаҳри Хуҷанд

Читать далее

Осорхонаҳо – макони таъриху тамаддун

Дар Муассисаи давлатии “Маҷмааи фарҳангию таърихии “Қалъаи Хуҷанд” бахшида ба Рӯзи байналмилалии Осорхонаҳо конфронси илмӣ таҳти унвони “Осорхонаҳо – макони таъриху тамаддун” доир гардид.

Дар он намояндагони Мақомоти иҷроияи ҳокимияти давлатии вилоят Осорхонаи миллии Ҷумҳурии Тоҷикистон, роҳбарони осорхонаҳои шаҳру навоҳии вилоят, олимону адибон, донишҷӯёни Донишгоҳи давлатии Хуҷанд ба номи Бобоҷон Ғафуров ва кормандони муассисаи мазкур иштирок доштанд.

Иброҳим Иброҳимов - омири кулли Муассисаи давлатии Маҷмааи фарҳангию таърихии “Қалъаи Хуҷанд” конфронсро оғоз намуда, ҳамагонро бо иди касбиашон шодбош гуфт. Гуфта шуд, ки алҳол осорхонаҳо бо дастгирии ҳукумати мамлакат, Вазорати фарҳанг ва Мақомоти иҷроияи ҳокимияти давлатии вилоят беш аз пеш доираи фаъолияти худро вусъат бахшида истодааст.

ҳамчунин Ф.Усмонова – мутахассиси пешбари маркази илмӣ-методии Раёсати фарҳанги вилоят, Г.Раҳимова – директори осорхонаи таърихӣ-кишваршиносии шаҳри Исфара, Қ.Раҳимова – муовини омир оид ба корҳои илмии осорхонаи таърихии Муассисаи давлатии “Маҷмааи фарҳангию таърихии “Қалъаи Хуҷанд” ва дигарон маърузаҳои пурмуҳтаво намуда, бо аҳли нишаст оид ба баланд бардоштани хизматрасонӣ ва ҷалби сайёҳон ба осорхонаҳо ва мавзеъҳои таърихию саёҳатӣ саволу ҷавоб доир намуданд.

Н.Бузурукова,
китобдори калони
Муассисаи давлатии Маҷмааии фарҳангию таърихии
“Қалъаи Хуҷанд”

Читать далее

18 May 2018

Аз масъулият рўҳияи ватандўстӣ боло шавад!

Вазъи ҷаҳон имрўз мисли баҳри дамон аст. Дар қатори масоили дигари сиёсиву экологӣ, ҷангу нооромиҳо мушкилоти ҷадид ва таҳдид ба ҳаёти мардум падидаи ғайриматлуб бо номи гўшхарошу дилгиркунанда терроризм, экстремизм ва радикализм пайдо шуда, хатари даҳшатборе ба миён овардааст.

Экстремизм, яъне ифротгароӣ ин ноогоҳӣ аз арзишҳои ҳуқуқӣ, озодӣ ва сиёсии мардум, алалхусус ҷавонон аст. Онро зуҳуроти номатлуб ва хатарафкан гўянд. Саркардагони ифроту радикализми ҷаҳонӣ аз беимонии худ хоҷагонашонро пуштибонӣ менамоянд, ҳатто зери ниқоби дини Ислом идеологияи нобихрадиву хирасариро зидди мардуму ҳаёти осоишта мегузоранд. Мақсадҳои нопоки худро аз номи дини мубини Ислом амалӣ карданӣ шуда, оқибат ба бало гирифтор мегарданд.

Ақли солим, масъулияти том ва маърифати баланд, албатта, пеши роҳи ифротгароиро гирифта метавонад, агар ҳуввият ва садоқати ватандорӣ дар вуҷуди ҳар инсони покдил қарор дошта бошад.

Синнам дар арафаи ҳаштод аст, биноан пастиву баландиҳои роҳи ҳаётро бисёр гузаштаам. Аз барномаву хабарҳои телевизион, навиштаҳои рўзномаҳо огаҳии том дорам: мехонам ва мефаҳмам, ки амалҳои бераҳмона ва кирдорҳои ғайриинсонии гурўҳҳои ифротгаро дар ҷаҳон боиси ҳалокат ва гурезаву хонавайроншавии садҳо ҳазор мардуми бегуноҳ, кўдакону занони бесарпаноҳ мегарданд.

Боиси афсўсу ғамбору риққатоварӣ он аст, ки ба гурўҳҳои ифротӣ асосан ҷавонони ноогоҳу гумроҳ ва тиҳӣ аз донишу маърифатро бо ваъдаҳои пучу бардурўғ ҷалб менамоянд қувваҳои сиёҳкор. Таассуфовар ва нобахшиданӣ аст, ки дар миёни фирефташудагон ҷавонони тоҷик ҳам ҳастанд. Азбаски онҳо маърифати комил, донишу афкори расо надоранд, аз пайи пулу сарвати муфту ваъдаҳои хушк аз дидори падару модар ва ҳаёти оилаву фарзандони дилбанд ҷудо гардида, ба вартаи ҷаҳолату разолат меафтанд.

Бо сиёсати оқилонаву башардўстонаи Асосгузори сулҳу ваҳдати миллӣ – Пешвои миллат, Президенти муҳтарами мамлакати соҳибистиқлоламон – Тоҷикистон дар кишвар фазои орому осоиш ва созандагиву маҳбубият, самимият ва офияти мардум танин дорад. Дилпурона мегўям: касе, ки аз чунин ҳаёти осоишта ношукрӣ намояд, ў одами комилу солим нест ё дар қатори инсон гуфтан ноарзанда, ноодам аст. Дидем рўзҳои душвору хориву залилии мардуми бечорамондаро, ки дасисабозони беимону бешараф ба сарамон оварда буданд. Бетамизон он вақт аз номи дини мубини Ислом ҳарзагўӣ карда, мардумро парешону сарон менамуданд. Аслан дини Ислом роҳи саодату наҷот, роҳат, осоишу муҳаббатро равшан менамояд, меҳрубониву садоқат, вафодориву ҳамгироиро тақвият медиҳад. Ифротгароён аслан душмани ин дини муборак буда, бо ному насаби дурўғини «равшанфикрон» худро ба таври худ доно гирифта, бо амалу кирдорҳои ноҷавонмардонаашон корҳои номақбули худро чун узви ҳизби наҳзат ба амал бароварданӣ шуданд, ки оқибат ба нафрини халқ гирифтор гардиданд. Ҳамчун як нафар аз қаламкашони собиқадор гуфта будам ва боз такроран мегўям, ки азбаски нияташон ифлос, ғаразнок ва номақбул буд, ба қавле, мисашон баромад, нобоварӣ ба онҳо бешу афзун гардид.

Тоҷикистони соҳибихтиёру дар ҷаҳон нуфузи болиғ дошта Ватани ободкорону соҳибдилону бофазилатон, суботкорону некўдилон аст. Мавлоно Ҷалолиддини Балхӣ дар «Маснавии маънавӣ» мефармояд:

Ҳар касеро баҳри коре сохтанд.

Меҳри онро дар дилаш андохтанд.

Аз ин бармеояд, ки инсонҳо барои анҷом додани рисолате ва амалӣ намудани корҳои накўву ибратбахш ба дунё меоянд. Ҳеҷ як инсони ватандўст даст ба хиёнату хиёнаткорӣ намезанад. Дар сараш танҳо осудагиву ободии рўзгор, оромиву ҳамгироӣ, шукуфоии Ватан ҳасту аз он замираш равшан.

Бо ақли солим, бо чашми сар мебинем, ки мамлакатамон – Тоҷикистони биҳиштосо бо азму суботи Пешвои миллат муҳтарам Эмомалӣ Раҳмон пеш рафта, мавқеи устувори худро дар ҷаҳон гирифтааст, сазовори эътибор шудааст. Бо камоли эҳтиром ба хирадмандии Пешвои миллатамон садҳо ташаккур мегўям, ки мардум бахтёранду соҳибиқбол.

Дар ин росто ҷавонони Ватанро ба кору амалҳои неку дастҷамъона ҳидоятгару роҳнамо бошему тарбиятгар. Дар Тоҷикистон ҳамаи шароитҳо, имкониятҳо барои ҷавонон ҷиҳати таҳсилу гирифтани дониш, хониш ва омўзиш, соҳибкасбу соҳибмаърифат шудани онҳо муҳайё мебошад. Аз ин лиҳоз, нақшаҳои нопок барои ҷавонони мо хос нест. Бояд такя бар хиради азалӣ дошта бошем.

Аз рўзномаҳо мехонам ва таассуфовар аст, ки ифротгароёни сиёҳдилу ноасл шукуфоии Тоҷикистони моро дидан намехоҳанд, аз хориҷи кишвар дар ҳаққи халқи худ суханони ноҷоя мегўянд, ки оқибати он пушаймонист.

Имрўз моро лозим аст, ки ҳамеша ҳушёр бошем, баҳри ояндаи дурахшони кишвари азизамон қуввати дилу ғайрати комили худро бахшем.

Султони ЮСУФЗОД,
собиқадори меҳнат,
Аълочии матбуоти Тоҷикистон

Читать далее

Барои тинҷиву осудагии сайёра

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ оиди ташаббуси Тоҷикистон дар мавриди баргузории конфронси бонуфуз бахшида ба вазъи сиёсии ҷаҳон ибрози назар намуда буданд. Муҳимтарин матлабҳоро дар он баён карда, расман мавқеи Тоҷикистонро дар муқовимат бо терроризму экстремизм бори дигар муайян намуданд.

Пешвои миллат зидди ин вабои аср пешниҳодҳои мушаххасро борҳо аз минбарҳои баланд иброз доштаанд. Ин буд, ки конференсияи байналмилалӣ таҳти унвони "Муқовимат бо терроризм ва ифротгароии хушунатомез" маҳз дар пойтахти Ватанамон-шаҳри Душанбе санаҳои 3-4 моҳи майи соли ҷорӣ барпо гардид, ки бори дигар таваҷҷуҳи оламиёнро ба ин масъалаи доғи рўз ҷалб кард.

Боиси зикр аст, ки аз ҷониби се созмони бонуфузи ҷаҳон-Созмони Милали Муттаҳид, Созмони Амният ва Ҳамкорӣ дар Аврупо ва Иттиҳоди Аврупо пазируфта шудани ташаббуси Пешвои миллат ва баргузории он дар шаҳри Душанбе аз обрўи баланд ва нуфузи давлати мо дарак медиҳад.

Воқеан, чунин ибтикор ба миллати мо мутааллиқ аст, зеро таҷрибаи сулҳи тоҷикон барои аҳли олам мактаби бузург гардидааст. Пешвои миллат муҳтарам Эмомалӣ Раҳмон бо ақлу заковати худодод тавонистанд, ки дар Тоҷикистон сулҳу субот барқарор кунанд, миллатро сарҷамъ, созандагӣ ва бунёдкориро дар амал ҷорӣ намоянд ва бо пешниҳодҳои ҷолиби худ дар арсаи ҷаҳон мавқеи Тоҷикистон ва миллати тоҷикро нишон диҳанд. Имрўз Тоҷикистон дар Осиёи Марказӣ тавонист ҳамчун раҳнамо ва ташаббускори масъалаҳои байналхалқӣ аз ҷумла, мубориза бар зидди вабои аср-экстремизм ва терроризмро бо ҳамкории зиёда аз чил давлат баррасӣ намояд ва роҳи дурустро пешниҳоди ҷаҳониён созад.

Дар ин ҳамоиши байналмилалӣ иштирок ва суханронии пурмуҳтавои Асосгузори сулҳу ваҳдати миллӣ – Пешвои миллат, Президенти Тоҷикистон муҳтарам Эмомалӣ Раҳмон бори дигар мавқеи халқпарварона ва одилонаи Роҳбари Тоҷикистонро тасдиқ намуд, ки Пешвои миллат ғами халқҳои ҷаҳонро мехўранд, роҳи ҳалли масъалаҳои глобалиро пешниҳод намуда, аз СММ, САҲА ва дигар минбарҳои сатҳи ҷаҳонӣ бо ҷуръат сухан гуфта, дину мазҳаб, урфу одати худро ҳимоя мекунанд.

Пешвои миллат бо таҳлили амиқи илмӣ ва пешниҳодҳои мушаххас роҳи пешгирии ин вабои асрро баён карданд. Дар конференсияи байналмилалӣ як бори дигар таъкид намуданд, ки террорист, ифротгаро ватан, миллат ва дину мазҳаб надорад ва бар зидди онҳо мубориза бурдан вазифаи ҷонии инсонҳост.

Ин конфронс як қадами ҷиддӣ дар марҳалаи нави мубориза бо терроризми ҷаҳонӣ буда, барои расидан ба ҳадафҳои олӣ нақши бориз хоҳад гузошт.

Ҳоҷӣ Ҳусайн Мўсозода,
шаҳри Хуҷанд

Читать далее

Такя ба хиради азалӣ

Бузургонамон ҳикматҳои зиёдеро ба мерос гузоштаанд, ки аз доираи гуфтаҳо ва навиштаҳои онҳо баромадан ғайриимкон аст.

Мушкилоти асосии даҳсолаҳои охирро таҳдидҳои навини ҷаҳонӣ пайгирӣ мекунанд. Ба қатори чунин таҳдидҳо – терроризм, коррупсия, масоили экологӣ, қашшоқӣ ва гардиши ғайриқонунии маводи мухаддир дохил мешаванд. Имрўз ба ин муаммоҳо таҳдидҳои нави ифротгароии динӣ низ ҳамроҳ шудааст.

Яке аз гурўҳҳои ифротгаро шахсонеанд, ки аз номи дини мубини Ислом ҳарф мезананду аммо дар ботин дигар ният доранд, ки ин аз байн бурдани ҳамдилию ваҳдати миллат аст.

Имрўзҳо он дар тамоми Осиё Миёна ва дигар манотиқи дунё яке аз муаммоҳои асосиест, ки ба сохтори сиёсии кишварҳо халал расонида метавонад. Худ шоҳиди он ҳастем, ки дар бархе давлатҳои исломӣ чӣ гуна нооромиҳо рух дода истодааст.

Ҷавонмард нафаре аст, ки барои халқу миллати хеш ҳамеша дар хидмат ва бо рафтору кирдори шоистаи худ ба ҳама намуна бошад. Мутаассифона, имрўз дар ҷомеа баъзе афродеро дучор меоем, ки ҷавонмардиро як сўй гузошта, бо корҳои ношоиста машғуланд. Инҳо аъзоёни ҲНИТ ва дигар гурўҳҳои иртиҷоӣ буда, мақсади ғаразнок доранд, мафкураи ҷавононро ба андешаҳои ботил ҷалб карданӣ мешаванд.

Ба мо маълум, ки аз паҳншавии чунин зуҳуроти номатлуб чандин давлат ва аҳолии онҳо зери хатар, нооромӣ ва мушкилиҳои азим қарор доранд.

Мо аҳли зиё, омўзгорону устодон аз хотир асло намебарорем, ки вазифаи аввалиндараҷаи мо ҳамеша муҳассилинро аз оинҳои ҷавонмардӣ огоҳ, истифода аз ҳикматҳои бузургон онҳоро ба роҳи рост ҳидоят намудан аст, то ки фирефта шуда, ба ҳар гуна ҳизбу ҳаракатҳо шомил нагарданд, бо корҳои нек машғул бошанд, илму ҳунар омўзанд.

Моро зарур аст, ки ҳамҷоя барои аз байн бурдани ин хатарҳо кўшиш намоем, фарзандони худро дар рўҳияи ватандўстию хештаншиносӣ тарбия намуда, барои беҳбудиву гулгулшукуфии мамлакатамон ҳисса гузорем.

 Н.Алимуҳаммадова,
 М.Сатторова,
 устодони Донишгоҳи давлатии Хуҷанд
 ба номи академик
 Бобоҷон Ғафуров

Читать далее