May 2018

17 May 2018

Сафари ҷавобӣ. Автобуси ширкати «Asian Express Terminal» — и Тоҷикистон аз шаҳри Хуҷанд ба Тошканд рафт

Рӯзи 16 май нахустин автобуси ширкати «Asian Express Terminal» — и Тоҷикистон аз шаҳри Хуҷанди вилояти Суғд вориди шаҳри Тошканди Ҷумҳурии Ӯзбекистон гардид.

Ҳайати Тоҷикистонро, ки иборат аз намояндагони Вазорати нақлиёти Ҷумҳурии Тоҷикистон, вилояти Суғд, илму адаб ва рӯзноманигоронанд, дар Ӯзбекистон бо нону намак ва зери садои карнаю сурнай истиқбол гирифтанд. Тавре қаблан иттилоъ дода будем, дирӯз, 15 май аввалин автобусҳои ширкати «Манзара Туризм»-и Ӯзбекистон вориди шаҳри бостонии Хуҷанд шуда, ҳайати меҳмонон аз мавзеъҳои таърихӣ ва фарҳангии маркази вилоят дидан намуданд.

Ёдовар мешавем, ки ҳайати Тоҷикистон дар доираи сафар аз мавзеъҳои таърихиву фарҳангии шаҳри Тошканд дидан менамоянд.

Хадамоти матбуоти
Раиси вилояти Суғд

Читать далее

Оғози татбиқи лоиҳаи “Барқарорсозии низоми обёрӣ ва беҳтар намудани идоракунии об дар водии Зарафшон”

16 майи соли 2018 дар Маркази таълимии Бонки миллии Тоҷикистон дар шаҳри Гулистон бо иштироки Раиси вилояти Суғд Раҷаббой Аҳмадзода ва намояндагони Иттиҳоди Аврупо ва Бонки умумиҷаҳонӣ вобаста ба оғози татбиқи лоиҳаи “Барқарорсозии низоми обёрӣ ва беҳтар намудани идоракунии об дар водии Зарафшон” ҷаласаи корӣ баргузор гардид.

Дар ҷаласа ҳамчунин муовини якуми вазири энергетика ва захираҳои оби ҷумҳурӣ Султон Раҳимзода, муовини роҳбари Агентии беҳдошти замин ва обёрии назди Ҳукумати Ҷумҳурии Тоҷикистон Ҳомид Ҳасанзода, муовинони Раиси вилоят, роҳбарияти шаҳру ноҳияҳои Панҷакент, Айнӣ, Куҳистони Мастчоҳ, Шаҳристон, Деваштич ва дигар масъулон иштирок доштанд.

Читать далее

Ба истифода додани марҳилаи аввали корхонаи муштараки тракторсозии Тоҷикистону Беларус дар шаҳри Ҳисор

Дирӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус Александр Лукашенко дар шаҳри Ҳисор марҳилаи аввали корхонаи муштараки Тоҷикистону Беларус – Ҷамъияти саҳомии пӯшидаи «Агротехсервис», ки дар он асосан васлу насби трактор ва таҷҳизоти соҳаи кишоварзӣ анҷом дода мешавад, мавриди баҳрабардорӣ қарор доданд.

Корхонаи васлу насби трактор, ки бо иқдоми бевоситаи Сарони давлатҳои Тоҷикистон ва Беларус таъсис дода шудааст, қадами устувор ва оғози боварибахши тақвияти муносибатҳои дуҷонибаи саноатии ду кишвари ба ҳам дӯст мебошад.

Читать далее

Раҷаббой Аҳмадзода директори генералии ҶСП “Талко Голд” Ли Фэнро ба ҳузур пазируфт

16 майи соли ҷорӣ Раиси вилояти Суғд Раҷаббой Аҳмадзода бо директори генералии ҶСП “Талко Голд” Ли Фэн мулоқот намуд.

Ҷоизи зикр аст, ки самти фаъолияти ин ширкат ба соҳаи саноати куҳӣ нигаронида шуда, дар ояндаи наздик аз ҷониби ҶСП “Талко Голд” дар ноҳияи Айнӣ як корхонаи бузург дар самти истихроҷ ва коркарди канданиҳои фоиданок бунёд карда мешавад.

Читать далее

Мулоқоти Раиси вилоят бо роҳбари ҶДММ “Хуаксин-Ғаюр-Суғдсемент” Лю Хун Чао

16 майи соли равон Раиси вилояти Суғд Раҷаббой Аҳмадзода роҳбари ҶДММ “Хуаксин-Ғаюр-Суғдсемент” Лю Хун Чаоро ба ҳузур пазируфт.

Зимни суҳбат ҷонибҳо доир ба афзун намудани ҳаҷми истеҳсоли маҳсулот, зиёд намудани ҷойҳои корӣ ва бештар намудани содироти семент ба хориҷи кишвар мубодилаи афкор намуданд.

Читать далее

Иштироки президентҳои Тоҷикистону Беларус Эмомалӣ Раҳмон ва Александр Лукашенко дар маросими ифтитоҳи Намоишгоҳи молу маҳсулоти Беларус дар Тоҷикистон

Нимаи дуюми рӯзи 15-уми майи соли равон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус Александр Лукашенко дар ифтитоҳи Намоишгоҳи молу маҳсулоти Ҷумҳурии Беларус дар Ҷумҳурии Тоҷикистон иштирок намуданд.

Намоишгоҳ баъди буридани лентаи рамзӣ аз ҷониби Сарони давлатҳо — Эмомалӣ Раҳмон ва Александр Лукашенко ифтитоҳ гардида, ба фаъолият шуруъ кард.

Читать далее

16 May 2018

Нахустин автобусҳои Тошканд ба Хуҷанд омаданд

Нимаи дуюми рӯзи 15 май аввалин автобусҳои шаҳри Тошканди Ҷумҳурии Ӯзбекистон вориди шаҳри Хуҷанди вилояти Суғди Ҷумҳурии Тоҷикистон гардиданд ва меҳмонро дар шаҳри Хуҷанд гарму самимӣ истиқбол гирифтанд.

Дар маросими мазкур муовини якуми Раиси вилояти Суғд Рустам Раҳматзода, роҳбарияти шаҳри Хуҷанд, сардори Раёсати нақлиёти заминии Вазорати нақлиёти Ҷумҳурии Тоҷикистон Фаррух Неъматзода ва дигарон иштирок ва суханронӣ намуданд.

Рустам Раҳматзода зикр намуд, ки бо шарофати сиёсати хирадмандона ва мардумсолоронаи Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ҳамкории мутақобилан судманди байни ду мамлакат рӯз аз рӯз рушд намуда истодааст, ки барои некӯаҳволии мардум мусоидат хоҳад кард.

- Кушодашавии чандин гузаргоҳҳои байнисарҳадӣ, рафтуомади доимии мусофирон ва гардиши мол байни ду кишвар аз ҷумлаи масъалаҳои муҳиме буданд, ки дар доираи сафари расмии Шавкат Мирзиёев ба Ҷумҳурии Тоҷикистон баррасӣ гардиданд. Чорабинии имрӯза низ давоми мантиқии ин ташаббусҳо мебошад, — зикр намуд ӯ.

Зикр шуд, ки имрӯз аввалин автобусҳои ширкати «Манзара Туризм»-и Ӯзбекистон аз шаҳри Тошканд вориди шаҳри бостонии Хуҷанд шуданд ва пагоҳ, 16 май автобуси нахустини ширкати «Asian Express Terminal» — и Тоҷикистон аз шаҳри Хуҷанд ба шаҳри Тошканд раҳсипор мегардад. Нархи роҳкиро аз ҳарду ҷониб 50 сомонӣ муқаррар гардидааст.

Маврид ба зикр аст, ки дар ҳайате, ки имрӯз аз Ӯзбекистон ба Тоҷикистон ташриф овард, намояндагони илму адаб ва рӯзноманигорони мамлакати ҳамсоя шомил мебошанд. Сафари меҳмонон дар шаҳри Хуҷанди бостонӣ идома дорад ва дар назар аст онҳо то бегоҳ аз мавзеҳои таърихию фарҳангии ин шаҳри бостонӣ дидан намоянд.

Хадамоти матбуоти
Раиси вилояти Суғд

Читать далее

Пойдории оила - солимии ҷомеа

Дар Чойхонаи миллии Муассисаи давлатии Қасри фарҳанги «Арбоб» бахшида ба Рўзи байналмилалии оила ва соли 2018 – «Соли рушди сайёҳӣ ва ҳунарҳои мардумӣ» маҳфили идона баргузор гардид.

Раиси вилоят Раҷаббой Аҳмадзода аҳли нишастро аз номи Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд бо Рўзи оила табрику муборакбод карда, дар бораи оила ва оиладорӣ, оила – бақои миллат, амалигардонии тадбирҳои оқилонаи давлат ва ҳукумат ҷиҳати пойдории оила ва оиладорӣ, аз ҷониби Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон дастгирӣ ва ба тасвиб расидани Фармон ва дастуру супоришҳо баҳри пойдорӣ ва мустаҳкамии оила ва оиладорӣ андешаронӣ намуд. Мавсуф, аз ҷумла қайд кард, ки ҷомеаи солим аз оила ва насли солим ташаккул меёбад. Оила асоси ҷамъият ва ниҳоди муқаддас эътироф гардидааст, зеро дар он беҳтарин арзишҳои инсонӣ ва инсон ҳамчун шахсият ташаккул меёбад.

Читать далее

Мулоқоту музокироти сатҳи олии Тоҷикистону Беларус

Пас аз анҷоми маросими истиқболи расмӣ дар Қасри миллат музокироти сатҳи олии Тоҷикистону Беларус дар чаҳорчӯбаи сафари расмии Президенти Ҷумҳурии Беларус ба Тоҷикистон баргузор гашт.

Дар ҷараёни музокироти хоссаи сарони ду кишвар дар фазои дӯстӣ ва ҳусни тафоҳум, ки ба робитаҳои муосири байнидавлатии ду кишвар хос аст, масъалаҳои муҳимтарини рушду таҳкими ҳамкории дуҷониба дар ҳамаи арсаҳои манфиатҳои муштарак ба таври амиқ мавриди баррасӣ қарор гирифтанд.

Читать далее

Раиси вилоят Муҳаммадисроил Ниёзовро аёдат намуд

Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии қишри ниёзманди ҷомеа Раиси вилоят Раҷаббой Аҳмадзода зимни сафари корӣ ба ноҳияи Мастчоҳ Муҳаммадисроил Ниёзовро аёдат намуд.

Муҳаммадисроил Ниёзов 38 сол дошта, аз айёми кӯдакиаш дар бистари беморӣ қарор дорад ва ба ӯ ҳамчун шахси имконияташ маҳдуд аз ҷониби давлат кӯмакҳои иҷтимоӣ расонида мешавад. Раҷаббой Аҳмадзода дар аснои аёдат иброз дошт, ки шахсони ниёзманд таҳти ғамхории Ҳукумати Ҷумҳурии Тоҷикистон қарор доранд ва ба таври доимӣ ба чунин ашхос кӯмакҳо расонида мешавад. Аз ҷумла, худи ҳамин рӯз ба оилаи Ниёзовҳо кӯмакҳои моддӣ дастрас карда шуд.

Читать далее