May 2018

14 May 2018

Шиносоии Раиси вилоят бо ҷараёни баргузории ярмарка - фурӯши маҳсулоти кишоварзӣ

Тавре қаблан иттилоъ дода будем, рӯзҳои 12-13 май бо ибтикори Мақомоти иҷроияи ҳокимияти давлатии вилояти Суғд ба муносибати фарорасии моҳи шарифи Рамазон дар шаҳрҳои Хуҷанд, Бӯстон, Гулистон ва Истиқлол ярмарка - фурӯши маҳсулоти кишоварзӣ ва маводи озуқаворӣ баргузор гардид.

Рӯзи якшанбеи 13 май Раиси вилоят Раҷаббой Аҳмадзода бо рафти баргузории ярмарка - фурӯши маҳсулоти кишоварзӣ дар шаҳри Хуҷанд шинос гардид.

Читать далее

Боздиди Раиси вилоят аз бозори "Панҷшанбе"-и маркази вилоят

Рӯзи якшанбеи 13 май Раиси вилояти Суғд Раҷаббой Аҳмадзода бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни мулоқоташон дар Кохи Борбади пойтахт бо намояндагони ҷомеаи кишвар ба муносибати фарорасии моҳи шарифи Рамазон ироа доштанд, аз бозори марказии «Панҷшанбе»-и шаҳри Хуҷанд боздид ба амал овард.

Роҳбари вилоят ба масъалаи корҳои ободонии атрофи мавзеъи бозори «Панҷшанбе», бахусус назди Арт - галерияи «Сомониён», масҷиди Шайх Муслиҳиддин таваҷҷуҳ зоҳир намуда, баҳри ободу ороста намудани он ба роҳбарияти шаҳри Хуҷанд ва масъулин дастуру супоришҳои мушаххас дод.

Читать далее

Табдили номи маҳалҳои аҳолинишини шаҳрҳои Истаравшану Конибодом ва ноҳияи Бобоҷон Ғафурови вилояти Суғд

Номи як зумра маҳалҳои аҳолинишини шаҳрҳои Истаравшану Конибодом ва ноҳияи Бобоҷон Ғафурови вилояти Суғд дар иҷлосияи понздаҳуми Маҷлиси миллии Маҷлиси Олии Ҷумҳурии Тоҷикистон даъвати панҷум иваз карда шуданд.

Бо пешниҳоди Ҳукумати Ҷумҳурии Тоҷикистон ва Қарори  Маҷлиси миллӣ номи ҳашт деҳаи шаҳри Истаравшан — деҳаи Боявут ба деҳаи Сабзазор, деҳаи Тӯқузҷелак ба Ковиён, Қӯруқ ба Сеосиёб, Уяс ба  Ободдара, Уяли ба Навкат, Тошбек ба Курушкат, Тапқоқ ба Бодомзор, Обқарчағой ба деҳаи Оби зулол табдил дода шуд. Бояд зикр кард, ки ин деҳаҳо дар деҳоти Зарҳалол, Гули Сурх ва Нофароҷи шаҳри Истаравшан воқеъ мебошанд.

Инчунин деҳаҳои Янги Равот ба Работи нав, Қизилнур ба Нурафшон иваз гардиданд. Деҳаҳои мазкур дар деҳоти Пӯлотон ва  Патари шаҳри Конибодом ҷойгиранд.

Ҳамзамон бо пешниҳоди Ҳукумати Ҷумҳурии Тоҷикистон ва Қарори  палатаи болоии Парлумони Тоҷикистон дар ноҳияи Бобоҷон Ғафуров номи деҳаи Тол ба Яккабед, Кичиколчали ба Арчазор, Оқкур ба  Кондара, Каттаолчали ба Олучазор, Терак ба Сафедорон, Уяс ба Оҳучашма, Қароҷингил ба Заркон, Учбоғ ба Боғи боло, деҳаи Сотсиализм ба Соҳилоб ва деҳаи Максим Горкий ба деҳаи Дашти Амин иваз карда шуданд. Деҳаҳаҳои мазкур дар деҳоти Чашмасор, Исмоил, Ёва, Хистеварз ва Исфисори ноҳияи Бобоҷон Ғафуров воқеъ мебошанд.

Ҳадафи табдили ном кардани маҳалҳои аҳолинишини шаҳрҳои Истаравшану Конибодом ва ноҳияи Бобоҷон Ғафурови вилояти Суғд татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», поку беолоиш нигоҳ доштани забони модарӣ, эҳёи номҳои ҷуғрофӣ ва таърихию бостонии маҳалҳои аҳолинишин  мебошад.

www.khovar.tj

Читать далее

Ба муносибати фарорасии моҳи Рамазон дар шаҳрҳои Хуҷанд, Гулистон, Бӯстон ва Истиқлол ярмарка-фурӯши маҳсулоти кишоварзӣ доир шуд

Дирӯз бо ибтикори Мақомоти иҷроияи ҳокимияти давлатии вилояти Суғд ба муносибати фарорасии моҳи шарифи Рамазон дар назди Театри мазҳакавӣ-мусиқии ба номи Хоҷа Камоли Хуҷандии шаҳри Хуҷанд ярмарка - фурӯши маҳсулоти кишоварзӣ ва маводи озуқаворӣ баргузор гардид.

Дар ярмарка кишоварзони шаҳру ноҳияҳои вилоят, корхонаҳои паррандапарварӣ, иттифоқҳои матлуботи вилоят, соҳибкорон ва дигар хоҷагиҳои ёрирасон маҳсулоти хушсифатро нисбат ба нархҳои бозор арзонтар пешниҳоди сокинон намуданд.

Чуноне, ки маълум шуд, як кило сабзӣ 0,80 дирам, картошка 2 сомонӣ, карам 1 сомонӣ, гӯшти гов 27-30 сомонӣ, гӯсфанд 35 сомонӣ ва ғайраҳо ба фурӯш гузошта шуд, ки нисбати нархҳои бозор арзонтар мебошад. Чунин ярмаркаҳо ҳамчунин дар шаҳрҳои Бӯстону Гулистон ва Истиқлол низ баргузор шуд.

Интизор меравад, ки ярмарка-фурӯши маҳсулоти кишоварзӣ ва маводи озуқаворӣ 13 майи сори равон низ дар шаҳрҳои Хуҷанду Бӯстон, Истиқлол ва Гулистон ташкил карда шавад.

Хадамоти матбуоти
Раиси вилояти Суғд

Читать далее

Боздиди Раиси вилоят аз қисми 20-уми ҳарбикунонидашудаи Раёсати Хадамоти давлатии оташнишонии вилоят дар шаҳри Бӯстон

Рӯзи 10 майи соли равон Раиси вилояти Суғд Раҷаббой Аҳмадзода аз қисми 20-уми ҳарбикунонидашудаи Раёсати Хадамоти давлатии оташнишонии вилоят дар шаҳри Бӯстон боздид намуд.

Раиси вилоят ба фаъолияти қисми 20-уми ҳарбикунонидашудаи Раёсати Хадамоти давлатии оташнишонии вилоят дар шаҳри Бӯстон мароқ зоҳир намуда, бо таҷҳизоти техникӣ, техникаҳои калони сӯхторхомӯшкунӣ, либосҳои махсуси зимни амалиёти сӯхторхомӯшкунӣ истифодашаванда ва дигар лавозимоти зарурӣ шинос гардид.

Читать далее

12 May 2018

Мулоқоти Пешвои миллат Эмомалӣ Раҳмон бо намояндагони ҷомеаи кишвар

12 майи соли 2018 дар Кохи Борбад Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи моҳи шарифи Рамазон бо масъулини мақомоти марказӣ ва маҳаллии ҳокимияти давлатӣ, намояндагони фаъоли соҳаҳои иҷтимоӣ, олимон, зиёиёни эҷодкор ва ходимони дин мулоқот карданд.

Нахуст Сарвари давлат ҳамаи иштирокчиёни мулоқот ва кулли мардуми кишварро бо фарорасиии айёми раҳмату мағфират шодбош гуфта, дар бораи фазилатҳои накуи моҳи шарифи Рамазон андешаронӣ карданд. Таъкид гардид, ки моҳи Рамазон ба сифати яке аз рукнҳои дини мубини ислом имтиҳони нафсу ҷисми саркаши инсонӣ буда, одамонро ба сабру таҳаммул, эҳтироми якдигар, раҳму шафқат ва кумак намудан ба эҳтиёҷмандону камбизоатон ҳидоят месозад.

Читать далее

11 May 2018

Бо ҷалби мутахассисони Кореяи Ҷанубӣ дар вилояти Суғд гармхонаҳои замонавӣ бунёд мешавад

Рӯзи 10 май Раиси вилояти Суғд Раҷаббой Аҳмадзода роҳбари ширкати "Мён Сунг"- и Кореяи Ҷанубӣ Чон Ёнг Сунро ба ҳузур пазируфт.

Ширкати мазкур яке аз ширкатҳои маъруфи Кореяи Ҷанубӣ ба ҳисоб рафта, бо соҳибкорони кишварҳои гуногун дар самти бунёди гармхонаҳои замонавӣ бо истифода аз технологияҳои ҷадид ҳамкорӣ менамояд. Ширкати "Мён Сунг" аз ҷумла дар Ҷумҳурии Ӯзбекистон бо усули гидропоникӣ гармхонаҳои муосирро бунёд кардааст, ки дар онҳо помидор, бодиринг ва булғорӣ истеҳсол карда мешавад.

Читать далее

Мулоқоти Раҷаббой Аҳмадзода бо устодону донишҷӯёни Донишкадаи куҳӣ-металлургии Тоҷикистон дар шаҳри Бўстон

Рӯзи 10 май Раиси вилояти Суғд Раҷаббой Аҳмадзода дар доираи чорабиниҳои як моҳи ҷавонӣ, ки ба муносибати Рӯзи ҷавонон идома дорад, бо устодону донишҷӯёни Донишкадаи куҳӣ-металлургии Тоҷикистон дар шаҳри Бўстон мулоқот намуд.

Қабл аз оғози мулоқот Раиси вилоят бо дастовардҳои устодону донишҷӯёни донишкада шинос гардид. Дар рафти мулоқот, ки дар маҷлисгоҳи донишкада ҷараён гирифт, Раиси вилоят аз дастгириҳои Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд ҷиҳати рушди соҳаи маориф ва фароҳам намудани шароити мусоид барои фаъолияти босамари аҳли илму адаб ва ихтироъкорону навоварон ёдовар шуда, таъкид кард, ки бо шарофати Истиқлолияти давлатӣ ва таҳкими сулҳу субот дар ҳамаи соҳаҳо, аз ҷумла соҳаи маориф низ пешравиҳои назаррас ба вуҷуд омадаанд.

Читать далее

Нагузорем, ки ҷавонон фирефтаи дом гарданд!

Дар ҳар давру замон инсонҳое ба дунё меоянд, ки бо кирдору рафтори ношоями худ боиси нафрати падару модар, ҷомеа ва тамоми сайёра мегарданд. Ин нафарон аслан андеша ва мақсади муайян надошта, бо супориш ва дастгирии хоҷагонашон умр ба сар мебаранд.

Ҳатто барои татбиқи супориши коргардонҳои пасипардагиашон аз тамоми арзишҳои муқаддас рӯй гардонида, баҳри расидан ба бовариву эътимоди хоҷагони хеш ҷаҳду талош меварзанд.

Аз табори чунин нохалафон аъзо ва пайравони ташкилоти экстремистӣ- террористии ҳизби наҳзати исломии Тоҷикистон ва хосатан фарзанди хоин ва носипоси Ватан Муҳиддин Кабирӣ мебошад, ки ҳамарӯзаву ҳарсоата аз дастгириҳои хоҷагонаш бархӯрдор гардида истодааст.

Ин гумроҳ баъди ошкор гардидани амалҳои разилонааш аз кишвар фирор намуда, дар паноҳи хоҷагонаш зиндагиашро ба сар бурда истодааст.

Кабирӣ имрӯзҳо гӯё барои пиёда сохтани орзуву ормонҳои пинҳониву разилонаи хоҷагонаш ҷаҳду талош намуда, ҳамчун ҷини “ҳоҷатбарор” амал намуда, мунтазам барои афзун намудани сафи ҷангиёни “Давлати исломӣ”, сафи ташкилоти террористӣ ва дигар созмонҳои тахрибкор аз ҳисоби наҳзатиён ва ҷавонони ноогоҳи кишвар ҷаҳду талош намуда истодааст.

Аз ин рӯ, зарур аст, ки мавқеи хешро нисбат ба Кабирии бешараф, фарзанди хоин ва гумроҳи миллат муайян намуда, нагузорем, ки ҷавонони мо ба доми ҷини хоҷагон афтида, ҳаёташонро бисӯзанд.

Фарҳод Воҳидов

Читать далее

Пушаймонӣ надорад оқибат суд...

Тоҷикистон чун ҷузъи ҷудонашавандаи ҷомеаи ҷаҳонӣ буда, баробари дигар давлатҳо дар масъалаҳои ҷаҳонӣ саҳмгузор мебошад. Вазъи ҷаҳони имрӯза хеле ҳассос буда, дар баробари дигар масъалаҳо муаммоҳое мавҷуданд, ки ягон инсонро бетараф гузошта наметавонад.

Аз ҷумла, имрӯзҳо дар қатори ҷомеаи ҷаҳонӣ, инчунин шаҳрвандони кишвари моро масъалаи терроризм, экстремизм, ифротгароӣ ва амалҳои номатлуби шомилшавии шаҳрвандон, алалхусус ҷавонон ба ҳар гуна ҳаракату ташкилотҳои ғайриқонунӣ ба ташвиш овардааст.

Зеро бархе аз ҷавонон ба ҳаёти осоишта, неъмати бебаҳои давлати соҳибистиқлол ва хоку оби кишвари биҳиштосо ношукрӣ намуда, ба амалҳои номатлуб даст мезананд. Имрӯз дар зери ҳавою ҳавас, сарват ё мумкин гумроҳӣ, ашхосе, ки ба гурӯҳҳои экстремистиву террористӣ шомил гардида, амалҳое содир мекунанд, ки он ба пушаймонӣ оварда мерасонад. Дар байни онҳо ашхосе низ ёфт мешаванд, ки аз кардаи худ пушаймон шуда ва ё дар ин роҳ ҳалок гардидаанд.

Онҳо на танҳо ҷони худ, балки ҷони фарзандони худ, хешу табор, падару модари хешро ба хатар гузоштаанд. Ин гуна ашхос дер дарк намудаанд, ки оқибати кори онҳо ба беномунишонӣ, ноумедӣ ва пушаймонӣ оварда мерасонад.

Хуб мешуд, ҳар яки мо новобаста ба синну сол ба хоки Ватани худ, авлоди худ, падару модари худ содиқ монда, аз ҳаёти барҳақ, биҳиштосо шукргузорӣ намуда, барои халқу Ватани худ содиқона хизмат намуда, кору зиндагӣ намоем. Ватани азизи худро дӯст дорем ва обод созем.

Мунира АЪЗАМОВА,
омӯзгори муассисаи таҳсилоти
миёнаи умумии №21, шаҳри Хуҷанд

Читать далее