June 2018

28 June 2018

ФАТВОИ ЭШОНИ ҚИЁМИДДИНИ ҒОЗӢ НИСБАТИ ҚАТЛИ ЯК ГУРӮҲ ҶОНИБДОРОНИ ҲОКИМИЯТИ КОНСТИТУТСИОНӢ

Банда баъди сафари хориҷии дарозмуддат ба Душанбе баргаштам. Вазъияти аввали солҳои 90-ум дохили мамлакат хеле муташанниҷ ва ноором буд. Пеши худ мақсад гузоштам, ки барои фаҳмидани он, ки бо тоҷикону тоҷикистониён чӣ ҳодисае рух додааст аввал ба майдоне, ки мухолифин ҷамъ омада буданд ва онро “Шаҳидон” номгузорӣ карда буданд, рафта сухангӯиҳои онҳоро гуш кардам.

Дар он майдон баландгӯяк дар дасти Эшони Саид Қиёмиддини Ғозӣ тааллуқ дошту мардумро ба шӯру балво далолат менамуд. Баъди шунидани суханҳои “генерали мардумӣ” эҳсос кардам, ки аз он суханон бӯи хиёнат, табаддулот ва ҷанг меомад.

Ҳамин афрод  Эшони Қиёмиддин, ки дар майдони “Шаҳидон” ба ӯ унвони “генерали мардумӣ” дода буданд худро сарфармондеҳи нерӯъҳои мухолифини дар майдон ҷамъшуда ҳис карда, ҳаргуна фармону фатвоҳои зиддидавлативу зиддиҳукуматиро мебароварданд.  Маҳз аз ҷониби ӯ аввали моҳи майи соли 1992 як гурӯҳ ҷонибдорони ҳокимияти қонуниро, ки дар таҳхонаи театри ба номи Абулқосим Лоҳутӣ ҳамчун асир нигоҳ дошта мешуданд ҳукми қатл эълон намуда буд. Оё як фард ё шахсе, ки худро мусалмон мешуморад ҳаққу ҳуқуқ дорад, ки касе дигареро ба марг маҳкум кунад ин аломат, амали бидуни шариати ислому мазҳаби ҳанафия буда, хиёнат ба миллату давлат аст.  

Тибқи иттилооти мақомоти низомии кишвар ин хоини мурдор, дастгир ва тибқи ҳалномаи суд ба муддати 25 сол ҳабс карда шуд. Дар филми мустанади “Решаҳои ноаён” худи Эшони Ғозӣ эътироф мекунад, ки баъди соли 2006 як гуруҳ аъзоёни фаъоли наҳзат ҷамъ омада нақшаи аз сари нав ба даст овардани ҳокимиятро доштанд ва тибқи он соли 2020 табаддулоти давлатиро дар Тоҷикистон тарҳрезӣ карда буданд.

Муртазоев С.
устоди ДДҲБСТ

Читать далее

ЧЕҲРАИ АСЛИИ ТЭТ ҲНИ БОРИ ДИГАР АЁН ГАРДИД

Рузи 18 июни соли ҷорӣ дар телевизиони давлатӣ намоиши филми мустанади “Решаҳои ноаён” пахш гардид ва дар он “генерали мардумӣ”Эшони Қиёмиддин Ғозӣ дар бораи ҳодисаҳои солҳои ҷанги шаҳрвандиро аз нигоҳи худ гуфта мегузарад.

Ман шахсан шоҳиди ҳодисаҳои солҳои вазнини Тоҷикистон мебошам. Соли 1992 баъд аз хатми мактаби миёнаи №89, шаҳри Душанбе ба Донишгоҳи аграрии Тоҷикистон дохил шудам. Ҳар дафъа пас аз ба охир расидани дарсҳо ба хона пиёда мерафтам, ки чашмам ба одамони зиёди дар майдони “Шаҳидон” ҷамъшуда мефаромад.

Сад афсус,  ки мардуми Тоҷикистони азизи моро кувваҳои беруна бо дасти наҳзатиёни хоин фиреб дода, ба ҷанги бародаркуш расониданд. Кӣ ба мо ба саволи барои чӣ ё барои кӣ зиёда аз 150 ҳазор мардуми бегуноҳи мо ба ҳалокат расиданд ҷавоб медиҳад? Кӣ ба мо ҷавоб медиҳад, ки  инфрасохтори Тоҷикистон вайрон шуд? Ҳазорон хонаҳои истиқоматӣ ва биноҳои маъмурӣ тарконида шуданд. Иқтисодиёти Тоҷикистон ба даҳҳо сол қафо рафт. Барои чӣ давлати ба мо дӯсту бародар Ҷумҳурии Исломии Эрон дар вохуриҳои дар сатҳи баланд худашро ба мо чун дӯст муаррифӣ мекунад, аммо дар амал бо душманони давлату миллати мо чун Ҳизби наҳзати исломӣ муносибати нек дорад.

Ҳамзамон кувваҳои беруна ором шуда натавониста, барои ноором кардани Тоҷикистон маблағҳои калон ҷудо карданд. Мақсади асосии онҳо Тоҷикистони азизи моро ба мисли Афғонистон мубаддал гардонидани буданд. Пулҳои ҷудо шуда, ба гуруҳҳои ҷиноятпеша тақсим ва барои қатлу куштори нобиғаҳои миллат ва ноором кардани ваъзи дохилии Тоҷикистон сарф мешуданд. Ин нуткаро худи Эшони Қиёмиддин дар филми “Решаҳои ноаён” бараъло қайд мекунад.

Гурӯҳҳои ҷиноятпеша, махсусан ҳизби наҳзат баҳри таблиғи мазҳаби шиа дар Тоҷикистон кор мекарданд. Вале онҳо натавонситанд ҳам дар ҷодаи идеологӣ ва ҳам дар ҷодаи ҳарбӣ ба муваффақият ноил гарданд. Зеро мардуми мо пайравони мазҳаби ҳанафия буда, ҳеҷгоҳ аз маҳзаби бобоии худ барнамегарданд. 

Сад афсус,  ки  Давлати Исломии Эрон то ҳол нафаҳмид ки, мардуми азизи Тоҷикистон ҳеҷ вақт дигар ТЭТ ҲНИ- ро дастгирӣ намекунад ва онро ба Тоҷикистон  роҳ наметияд. Мо, тоҷикистониён, солҳои вазнинӣ 1992-1997 -ро ҳеҷ вақт аз хотир намебарорем ва дар оянда барои ташаккули ҳар гуна гурӯҳҳои ҷиноятпеша роҳ намедиҳем.  Тоҷикистони демократӣ ва ҳуқуқбунёдро барои наслҳои оянда чун гавҳараки чашм эҳтиёт мекунем.

 Тюряев Ҷ.А.
устоди ДДҲБСТ

Читать далее

Ифтитоҳи сардхонаи нав дар Боғи миллии “Ваҳдат” - и ноҳияи Бобоҷон Ғафуров

28 июн дар рӯзи панҷуми сафари корӣ дар вилояти Суғд Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳудуди Боғи миллии “Ваҳдат”-и Дастгоҳи иҷроияи Президенти Ҷумҳурии Тоҷикистон, воқеъ дар ноҳияи Бобоҷон Ғафуров сардхонаи навро бо ғунҷоиши 1000 тонна маҳсулот ифтитоҳ карданд.

Айни ҳол масоҳати боғ ба 700 гектар расонида шуда, дар он навъҳои гуногуни дарахтони мевадиҳанда ва сояафкан шинонида шудааст. Ҳосили аксар дарахтони мевадиҳанда барои таъмини бозори дохилӣ ва содирот нигаронида шудааст.

Читать далее

Гузоштани санги асоси бунёди осоишгоҳ ва маркази хизматрасонӣ дар ноҳияи Бобоҷон Ғафуров

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ ба шаҳру ноҳияҳои вилояти Суғд дар ноҳияи Бобоҷон Ғафуров  бо гузоштани санги асос ба бунёди Осоишгоҳ ва маркази хизматрасонӣ  барои 1000 нафар дар Ҷамоати деҳоти Исфисор оғози расмӣ бахшиданд.  

Ин осоишгоҳ бо тарҳи зебою замонавӣ дар минтақаи Шӯркӯл  дар мавзеи  хеле мувофиқу муносиб барои меҳмонону сайёҳон, яъне соҳили обанбори «Баҳри тоҷик»  дар доираи тадбирҳои ободонию созандагӣ ба истиқболи ҷашни 30 солагии Истиқлолияти давлатии Тоҷикистон аз ҷониби  соҳибкори ватанӣ дар масоҳати 31 гектар замин сохта хоҳад шуд.

Читать далее

Иштироки Пешвои миллат Эмомалӣ Раҳмон дар маросими ба истифода супоридани хатти нави технологии ҶСК «Қолинҳои Қайроққум»

Субҳи имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҶСК “Қолинҳои Қайроққум” боздид ба амал оварданд. Дар инҷо Сарвари давлат муҳтарам Эмомалӣ Раҳмон нахуст аз Сехи истеҳсоли ришта, ки ба тозагӣ бо 70 ҷойи нави корӣ ташкил карда шудааст, шинос шуданд.

Тамоми ашёи хоми барои истеҳсоли қолин зарурӣ ба корхонаи “Қолинҳои Қайроққум”  то ин замон аз хориҷи кишвар, аз ҷумла Туркия, Эрон ва Бангладеш ворид карда мешуд. Баробари фаъол гардидани сехи мазкур истеҳсоли 60 фоизи ашёи хом дар худи ин корхона ба роҳ монда мешавад, ки ин яке аз дастовардҳои арзанда дар ин соҳа дониста мешавад.

Читать далее

27 June 2018

Ифтитоҳи Варзишгоҳи марказии “Ҷавонӣ” дар шаҳри Конибодом

Шоми рӯзи 27 июн Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Конибодом дар вазъияти тантанавӣ Варзишгоҳи марказии “Ҷавонӣ”-и шаҳрро бо 10000 ҷойи нишаст ифтитоҳ карда, дар чорабинии идона ба ифтихори ҷашни Рӯзи Ваҳдати миллӣ иштирок ва суханронӣ намуданд.

Маблағи харҷномавии умумии лоиҳа наздики 8 миллион сомонӣ буда, фармоишгари лоиҳаи мазкур Идораи сохтмони асосии Мақомоти иҷроияи ҳокимияти давлатии вилояти Суғд мебошад.

Читать далее

Татбиқи лоиҳаи барқарорсозӣ ва таҷдиди шабакаи таъминоти аҳолии шаҳри Конибодом бо оби босифати нӯшокӣ

27 июни соли 2018 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ ба шаҳру ноҳияҳои вилояти Суғд ба шаҳри Конибодом ташриф оварда, дар маросими татбиқи лоиҳаи барқарорсозӣ ва таҷдиди Шабакаи таъминоти аҳолии шаҳри Конибодом бо оби босифати ошомиданӣ иштирок намуданд.

Барқарорсозии иншооти мазкур дар асоси созишномаи Корхонаи воҳиди давлатии Хоҷагии манзилию коммуналии Ҷумҳурии Тоҷикистон, Бонки Аврупоии таҷдид ва рушд ва барқарорсозии системаи обтаъминкунии шаҳрҳои “Шимоли Тоҷикистон” бо сарфи беш аз 40 миллион сомонӣ маблағҳои қарзию грантӣ анҷом дода шуда, 25 ҳазор нафар аҳолии шаҳр бо оби босифати ошомиданӣ таъмин гардиданд.

Читать далее

Ифтитоҳи қитъаи Шоҳроҳи “Конибодом - Патар”

27 июн дар шаҳри Конибодом Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вазъияти тантанавӣ қитъаи Шоҳроҳи “Конибодом - Патар” - ро мавриди баҳрабардорӣ қарор доданд.

Тибқи лоиҳа барои амалӣ кардани марҳилаи аввал, ки бунёди 5, 7 километр роҳро ташкил медиҳад, аз тарафи Ҳукумати Ҷумҳурии Тоҷикистон ва Бонки умумиҷаҳонӣ 33 миллион сомонӣ маблағ ҷудо гардида буд. Дар рафти татбиқи лоиҳа ҳамчунин 3 купрук, 11 километр қубурҳои обгузар ва 2 адад чароғаки раҳнамо сохта шуд.

Читать далее

Ифтитоҳи Парчами давлатӣ дар шаҳри Конибодом

Имрӯз Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар маркази шаҳри Конибодом дар вазъияти тантанавӣ сутунпояи Парчами давлатиро ифтитоҳ намуданд.

Сутунпояи  Парчами давлатии Ҷумҳурии Тоҷикистон бо баландии 43 метр бунёд гардида, ин макон ба ҷойи назаррабо ва мавзеъи сайру гашти дилписанди сокинон табдил ёфт. 

Читать далее

Ба истифода додани муҷассамаи шоҳ Исмоили Сомонӣ дар шаҳри Конибодом

Худи ҳамин рӯз Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар доираи сафари кории хеш дар маркази шаҳри Конибодом боғи фарҳангӣ-фароғатиро, ки дар он муҷассами шоҳ Исмоили Сомонӣ ва Парчами давлатии Ҷумҳурии Тоҷикистон бунёд шудаанд ифтитоҳ намуданд.

Пешвои миллат муҳтарам Эмомалӣ Раҳмон дар вазъияти тантанвӣ парда аз болои муҷассамаи барқади аввалин асосгузори давлати тоҷикон-шоҳ Исмоили Сомонӣ бардоштанд.

Читать далее