June 2018

22 June 2018

Нақшаҳои ғаразноки Кабирӣ дар хориҷа

Аз рӯзе, ки ҲНИ-ро медонем, дар радифаш ҷангу балво, иғвою ифрот, низову фитна ва фисқу фасодро мебинем. Ҳамчун як фарди ҷомеа бо мақсади эмин нигоҳ доштани фазои ороми Тоҷикистон, тинҷиву якпорчагии он масъалаи расман қатъ гардидани фаъолияти минбаъдаи ҲНИ-ро бамаврид мешуморам.

Мардуми тоҷик мусулмони асиланд аст ва ба дини мубини Ислом на бо ҳизб ё гурӯҳбозӣ, балки аз сидқи дил имон доранд. Зарурати минбаъд фаъолият бурдани ТЭТ ҲНИ заррае ҳам зарурат надорад. Имрӯз, ки роҳбарияти ин ҳизби бенангу номус аз хориҷи кишвар истода  бо фитнаҳои сиёсии худ боз дубора мехоҳад ба сари мардуми кишвар нокомӣ орад, ҳеҷ гоҳ ба мақсади худ нахоҳад расид.

Аз рӯзҳои аввали фаъолияти худ ин ҳизб бо роҳҳои гуногун мардумро кишварро гумроҳ намуда, бо омода сохтани душманон ва силоҳбадастони хунхор машғул буд. Ҷангиёни худро баҳри гирифтани таҷриба ба ҷангҳои дохилии мамлакатҳои Сурия ва Ироқ раҳсипор намуд. Фаъолияти роҳбарияти ҳизб ғайр аз омода намудани шогирдони нохалафи худ дар онҳо ҷой додани ақидаҳои ифротӣ мебошад.

 Илова менамоем, ки минбаъд барҳам додани фаъолияти ин ҳизб аз ҷониби мардум хеле хуб пазируфта шуд. Агар эшон дар худ ҷасорати бештар медоштанд, метавонистанд бо номи дигар рақобати сиёсӣ намоянд. Аммо таърих исбот намуд, ки мақсади онҳо на пешбурди ҷомеа, балки фитнаангезӣ ва ба даст даровардани мансаб ва ҳокимият буду халос.

Имрӯзҳо, ки роҳбари ҲНИ дар хориҷи кишвар қарор дорад, кӣ медонад, ки боз чӣ нақшаҳоро роҳандозӣ карда истодааст? Мақоле ҳаст, ки «Кӯр як бор ба чоҳ меафтад». Тоҷикистониён дигар бо Кабирӣ ва ҳизби худхоҳу хунхори ӯ бовар намекунанд. Дар ягон ҷумҳурии собиқ шуравӣ ҳизбе бо унвони исломӣ фаъолият ва ё арзи вуҷуд надорад.

Имруз Муҳиддин Кабирӣ дар хориҷи кишвар нақшаҳои ғаразноки хешро бо дастгирии хоҷагони худ тарҳрезӣ намуда, ба сулҳу суботи кишвари азизамон мехоҳад халал эҷод намоянд. Бояд зикр намоям, ки мардуми тоҷик чунин сӯистифода аз боварҳои диниро пушти сар кардаанд ва намехоханд ба хотири кадом як охунди мансабталабу чоҳхоҳ такдири дину миллати худро ба гарав гузоранд.

 Мо - мардуми тоҷик на бо гурӯҳбозии бемаънӣ, балки бо ҳифз намудани истиқлолияти кишвар машғулем.

F.САНАВВАРОВ,
устоди Донишгоҳи давлатии ҳуқуқ,
бизнес  ва сиёсати Тоҷикистон

Читать далее

Сабукандешӣ пушаймонӣ меорад!

Ифротгароӣ ва терроризм дин, мазҳаб ва миллат надорад ва бо ин зуҳуроти нангин омехта кардани Ислом кори нодуруст аст. Мубориза бо экстремизм, терроризм ва ҷинояткориро ҳаргиз чун мубориза бар зидди дин муаррифӣ набояд кард. Зарур аст, ки ба истифодаи Ислом бо чунин мақсадҳои зишт роҳ дода нашавад ва ҷинояткорону ифротгароён барои амалҳои ҷинояткоронаашон дар назди қонун ҷавоб гӯянд. Ин таъкид аз он хотир аст, аксарият нуктаи асосии пайдо шудани ифротгароиро ба дин рабт медиҳанд.

Бо вуҷуди он ки дар замони муосир қувваҳои манфиатдор бо истифода аз усулҳои технологӣ шакли таъсиррасонии худро васеъ намуда, даҳҳо шабакаҳои иҷтимоиро ҳамчун василаи сода ва арзони муошират истифода менамоянд, дар баробари ин бо чанг задан ба эҳсоси мардум ҳамагуна ҳадафу ҳаракати худро бо дин омехта мекунанд.

Имрӯз коршиносон ба ин назаранд, ки ба доми террористӣ бештар ҷавонони муҳоҷир ҷалб мешаванд. Барои ҷалб кардани онҳо аз шабакаҳои интернетӣ ба таври васеъ истифода мебаранд. Аз ҷумла барои ҷалби ҷавонони минтақаи Осиёи Марказӣ сомонаҳои мухталифи интернетӣ воситаи асосӣ мебошанд.

Имрӯз мутаассифона, ин зуҳурот ба як масъалаи асосии башарият табдил ёфта ҳамчун вабои аср муаррифӣ мешавад. Аз ин рӯ дар тамоми кишварҳо, аз ҷумла Ҷумҳурии Тоҷикистон тамому неруву ҳастӣ барои пешгирии он ва таъмини амнияту осоиштагии мардуми мамлакат равона шудааст.

Сабабҳои асосии ба ин гурӯҳҳо пайвастани шаҳрвандон, хусусан ноболиғон ва ҷавонон паст будани маърифати ҳуқуқӣ, динӣ, ҷой доштани камбудиҳои ҷиддӣ дар кори таълиму тарбия дар оила ва ҷомеа мебошад. Хусусан, беназорат мондани ҷавонон, истифодаи ғайримақсадноки расонаҳои электронӣ ва шабакаҳои иҷтимоӣ сабабҳои дигаре мебошанд, ки ташкилотҳои террористиву экстремистӣ бо истифода аз онҳо ба паҳн кардани ҳар гуна наворҳои махсус ва сабтҳои таблиғотии шахсони алоҳида ва зархаридони хориҷиро паҳн менамоянд.

Боиси хурсандист, ки ҷавонони имрӯзаи Тоҷикистон ба хубӣ  дарк кардаанд, ки имрӯз аз дирӯз ва фардо аз имрӯз бояд беҳтар бошад. Онҳо рисолати таърихии худро дар пайи сиёсатҳои  хирадмандонаву созанда ва ободкоронаи  Ҳукумати Ҷумҳурии Тоҷикистон амиқ дарк карда, дар фикри ободию сарсабзии кишвар, ҳимояи марзу буми он ҳастанд ва барои расидан ба ҳадафҳои стратегии рушди иқтисоди кишвар ва ҳифзи арзишҳои милливу давлатӣ камари ҳиммат бастаанд.

 Д.РАҲИМОВА,
Донишкадаи кӯҳӣ-металлургии Тоҷикистон,
шаҳри Бӯстон

Читать далее

Мавқеи ҷавонон саҳм гузоштан ба пешрафти кишвар

Бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон мебошад. Дар замони муосир, ки пур аз тазод, мушкилот, ихтилофу зиддиятҳост, доир ба афзудан ва густариши экстремизму терроризм ва дигар зуҳуроту падидаҳои хатарафзо зиёд ҳарф мезананд. Ин мавзӯъ дар маркази таваҷҷӯҳ ва баҳси тамоми қишри ҷомеа қарор гирифтааст.

Экстремизм ба маънои томаш  ифротгароӣ, тундравӣ, фикру андешаҳо ва амалҳои тундравӣ, аз хад гузаштан аст. Ин амалу падида метавонад дар тамоми соҳаҳои фаъолияти  инсон – дар дин, сиёсат, идеология, илм ва ҳатто дар варзиш зуҳур кунад. Имрӯзҳо дар тамоми факултетҳои ДДҳБСТ бо донишҷӯён мизи мудаввару вохӯриҳо гузаронида шуда, бо мисолҳои асоснок ҳадафҳои ҳаракату гурӯҳҳои тундрав фаҳмонда дода мешаванд, то ки ҷавонон дар интихоби роҳи дурусти зиндагӣ хато накунанд.

Ҳоло дар Ҷумҳурии Тоҷикистон ҳизби наҳзат ҳизби ифротгаро шуморида шуда, фаъолияти он тибқи қонун манъ гардидааст. Роҳбари он Муҳиддин Кабирӣ имрӯз дар хориҷи кишвар амалҳои иғвогаронаашро идома дода истодааст. Мақсади ин ҳизби ҷиноӣ ҷалби бештари ҷавонон ба сафи хеш аст. Аммо ҷавонон дарк намудаанд, ки ин ҳама таблиғотҳо фитнагарӣ мебошад. Ҷавонон имрӯз пай бурдаанд, ки дигар ба доми фиреби онҳо гирифтор намешаванд, зеро бо чашми худ ҳодисаҳои зиддидавлатӣ ва шикасти онҳо, ноором сохтани ҷумҳурӣ фитнаву дасисабозиҳои онҳоро диданд. Ҷавонон ба ободкориву созандагӣ даст зада истодаанд. Имрӯз,  барои ҷавонон тамоми шароитҳо муҳайё мебошанд. Ҷавонон дар тамоми фаъолият мебаранд ва ба рушди иқтисодиву иҷтимоӣ, сиёсиву фарҳангӣ саҳмгузор мебошанд. Имрӯз дар зеҳну шуури насли наврас ва ҷавонон ҳисси баланди миллӣ, эҳсоси худшиносиву ватандӯстӣ, ахлоқи хамида, эҳтирому падару модар ва калонсолон, сабру таҳаммул, омӯзиши илму дониш ва касбу ҳунарҳои муосир, меҳнатдӯстӣ ва риояи волоияти қонунро тарбия намуда, истодаем, то ҳамчун фарзандони шоистаи давру замон кишвари азизамонро ба ҷаҳониён муаррифӣ намоянд.

Муҳиддин Кабирӣ, ки ба давлат хиёнат кардааст, худро роҳбари ҳизби наҳзат ҳисобида, аз минбарҳои баланди давлатҳои хориҷа аз номи Тоҷикистон сухан меронад. ҳол он, ки дар Ватани худ ҳамчун хоин шинохта шудааст. Ин шахси хоин аз минбари созмонҳои ҷаҳонӣ баромад намуда, қайд менамояд, ки сиёсати Тоҷикистон хаста шуда фаҳмиши сиёсиву динии мардум хеле паст мебошад.

Ин дурӯғи маҳз мебошад, имрӯз ҷавонони Тоҷикистон сиёсатмадору аз дини мубини ислом бохабар ва барои рушди Тоҷикистони азизамон саҳмгузор мебошанд. Ҷавонон медонанд, ки ин ҳизб террористӣ мебошад ва нооромии кишварро мехоҳад. Мақсади онҳо соҳиби мансаб шудан ва ба манфияти худ кор кардан мебошад. Имрӯз дарҳои тамоми масҷидҳо барои ҳар як шахси ибодаткунанда кушода мебошад.

Танҳо ҳамарӯза огоҳ менамоянд, ки фирефтаи фитнагарии аҷнабиён нашаванд, то ки дар охир пушаймон нашаванд.

Он ҷавононе, ки фирефта шуданд бо оилаҳои худ ба давлати Сурия сафар намуда, ба ҷангҳои кишвари бегона иштирок намуда, фавтиданд, фарзандонашон ҳалок гардиданд. Оилаҳои онҳо баргашта дар назди ҳамагон тариқи оинаи нилгун баромад намуда, аз фирефтагии худ хабар доданд ва таъкид намуданд, ки ба ҳаргуна ташвиқотҳо бовар накунанд, худро эҳтиёт намуда, ба Ватани худ содиқона хизмат намоянд.

А.АЗИМОВ,
устоди Донишгоҳи давлатии
ҳуқуқ, бизнес ва сиёсати Тоҷикистон

Читать далее

Вокуниш ба хиёнаткорони Ватан

Имрӯзҳо ҷомеаи  ҷаҳониро чун вабои аср амалҳои терористию экстремистӣ ба ларза овардааст. Ин сабаб гардидааст, ки тероризм ва гурӯҳу ҳаракатҳои ифротӣ боиси ташвишу нигарониҳои олам гардидааст.

Ҳар насли имрӯзаи соҳиби ақли солиму хиради волоро зарур аст, ки  нисбат ба ин амалҳои номатлуб борикбинона изҳори ақида ва ибрози назар намояду бетарафиро зоҳир нанамояд. Зеро ин вабои аср ҷомеаи имрӯзро чун тори анкабут печидааст.

Мисоли аз инҳо фаъолияти ҳизби мамнӯъгашта ТЭТ ҲНИ  мебошад. Бо баробари фаъолияти ғайриқонунӣ доштан, ки дар охир чун парда аз ниқоби аъзоён, раёсат, роҳбарони ҳизб бардошта шуд, таърих нишон дод, ки фаъолияти ин ҳизбу гурӯҳи манфиатхоҳ танҳо бо истифодаи мафҳуми исломи пок мехостанд нақшаҳои ғаразноки худро амалӣ намоянд.

Яке аз поягузорон, иштирокчиёни фаъоли ҷангӣ шаҳрвандӣ, ки ибтидои солҳои 90-уми садаи бистум ҷомеаи тоҷикони соҳибистиқлолро фаро гирифта буд, ин таъсис ва фаъолияти ғайри қонунии  ҲНИ  буд. Ин ҳизби мамнӯъгардида, дар ибтидои солҳои 1992-1997 дар Ҷумҳурии Исломии Афғонистон амал намуда, баъд аз имзошавии созишномаи истиқрори сулҳ ва ризояти миллӣ дар Ҷумҳурии Тоҷикистон чун ҳизби сиёсӣ аз нав ба қайд гирифта шуд. Таърих нишон дод, ки фаъолияти ин ҳизб танҳо мақсади “ният”-ҳои нопоки худ буд. Раёсати ин ҳизб дар охир бо сарварии шахси ватанфурӯш Муҳиддин Кабирӣ, ки имрӯзҳо чун фирорӣ ватани аҷнабиёнро макони зисти худ интихоб кардаасту ба қадри пораи нон, қатраи обҳои мусаффои Тоҷикистони биҳиштосо нарасида, ҳатто аз он ҷойҳо ҳам ором наистода, мехоҳад ба амну осоштагии мо монеа эҷод кунад. Албатта ҳамаи ҷонканиҳои вай хизмат ба “хоҷагон”-и худ аст, ки “сарпарастон”- мехостанд бо пардохти маблағҳои ҳангуфт сулҳи моро халалдор намоянд. Ин буд, ки бо супоришу маблағгузориҳои ин гурӯҳи “манфиатхоҳон” аз ҷумла аз ҷониби Эрони исломӣ чеҳраҳои шинохтаи илму маърифати мо дар солҳои ҷанги шаҳрванди кушта шуда буданд. Инҷо суоле ба миён меояд, ки онҳо чӣ мехостанд? Бигзор ба ин савол аъзоёни собиқ ҳизби  ҲНИ ва роҳбари собиқи он чун М. Кабирӣ ба мардуми тоҷик ҷавобе гӯянд. Рӯирост ба аҳли мардуми тоҷик тариқи садо ва симо, рӯ ба рӯ сӯҳбат намоянд. Афсӯс наметавонанд! Зеро амалҳояшон ғайриқонунӣ буд ва онҳо чун гуреза берун аз ин марзу бум ҳастанд.

Аз ин рӯ мо мардуми Ҷумҳурии Тоҷикистонро, ки аҳли исломем ва 99% аҳолии моро мусулмонон ташкил медиҳанд, ҳамеша чун таблиғгари исломи ноб бошем. Зеро Ислом чун дини пок тараннумгари ростиву накӯкорӣ, инсондӯстиву муҳаббат, хайру садақа ва меҳанпарастӣ аст. Дини ислом қатлу куштор, бӯҳтону тӯҳмат, кинаву адолат, ғоратгариву тухми низоъро коштанро маҳкум менамояд.

Мо бояд шукронаи истиқлолият, якпорчагӣ, ваҳдат бошем ва ин сулҳи ноёбро чун неъмати бебаҳо ба насли ояндаи хеш боқӣ гузорем.

М.АМИНҶОНОВА,
мудири кафедраи забони давлатӣ
ва забонҳои хориҷӣ н.и.ф. дотсент

Читать далее

Таҳдиди экстремизм

Экстремизм – ин изҳори фаъолияти ифротии шахсони ҳуқуқӣ ва воқеъӣ ба нооромӣ, дигаргунии сохти конститутсионӣ дар давлат, ғасби ҳокимият ва тасарруфи салоҳияти он, ангезонидани наҷотпарастӣ, миллатгароӣ, бадбинии иҷтимоӣ ва мазҳабӣ мебошад.

Дар ҶТ экстремизми динӣ дар давраҳои сукути давлати бузурги шӯравӣ падо гардид. Аз байн рафтани идеологияи коммунист ва пош хӯрдани ҳокимияти  шӯравӣ дар ҷаҳон дигаргуниҳои куллироба миён овард, аз ҷумла дар шуури одамон дигаргуниҳои сиёсию иҷтимоии замона низ тағйир ёфт.

Соли 1990 аввалин маротиба аз ҷониби қувваҳои исломгароӣ тазоҳуроти ҳизбу ҷунбишҳои нав зери ниқоби нерӯи демократия, радикализми сиёсӣ доир гардид. Тоҷикистон дар баробари аз рӯзҳои аввали ба даст овардани истиқлолият аз тарафи душманони дохилӣ, мухолифини тоҷик ва аҷнабиёни хориҷӣ ба ҷанги щаҳрвандӣ кашида шуд. Дар натиҷа ба як кишвари бесарвору парешон, пур аз низоъ ва вайрону фалаҷ мубаддал гардид. Нерӯи ниҳоӣ ва ҳаракатдиҳандаи ҳамаи ҳизбу ҷунбишҳои навбаромад, ҳизби мухолифин буд, ки чандин сол пештар дар қаламрави кишвар пинҳонӣ амал мекард. Аммо муддате нагузашта, аз оғоз ба гирдиҳамоию зӯровариҳо сар карда, бо вазнин гардидани вазъият хоки ватанро тарк намуда ба дигар давлатҳои исломӣ паноҳ бурданд.     

Дар хориҷи кишвар қисмати ҳарбии мухолифин бо ҷараёну созмонҳои ифротӣ робита пайдо намуда, як қисмати онҳо дар марказҳо ва бошишгоҳҳои динӣ-экстремистӣ ҳамчун гурӯҳҳои террористӣ амал мекунанд.

Хулоса, ин гурӯҳҳои ифротгаро ба пешравии давлати мо монеъ мешаванд ва ҳаёти мардуми ободу осоиштаи кишварро халалдор месозанд, - бояд якдилона бар муқобилашон садо баланд кунем. нагузорем, ки сулҳи нозанини Ватани маҳбуб халалдор гардад.

М.НУРМАТОВА,
ассистенти кафедраи забони
давлатӣ ва забонҳои хориҷӣ

Читать далее

Тоҷикистон барои ҷаҳон намунаи хубест

Ҷумҳурии Тоҷикистон аввали солҳои 90-уми асри XX ба амалҳои сиёсии ислоҳотгарони исломӣ дучор шуда буд. Дар он вақт қувваҳои терроризми байналмилалӣ ва ифротгароён мамлакати моро ба саҳнаи озмоиши вокеаҳои зиддиинсонӣ табдил доданд. Ҳадафу нақшаҳои ғаразноки онҳо бо роҳи зӯрӣ ва қатлу куштор ба сари мардум таҳмил кардани фарҳанги бегонаву тафаккури асримиёнагӣ ва дар Тоҷикистон таъсис додани давлати исломӣ буд.

Иҷрокунандагони ин амалиёт аъзоёни ТЭТ ҲНИ буданд. Дар натиҷаи бесарусомониҳо ва ҷанги шаҳрвандӣ садҳо ҳазор шаҳрвандони Тоҷикистон кушта ва беш аз як миллион нафар мардуми осоишта фирорӣ гардиданд. Вале халқи тоҷик дар асоси тамаддуни баланд ва фарҳанги қадимаи хеш муколамаи васеъро ба роҳ монда, сулҳу субот ва Ваҳдати миллиро таъмин кард. Иродаи қавии мардуми мо ба сулҳу субот ва созандагиву бунёдкорӣ боис гардид, ки пеши роҳи амалҳои террористону ифротгароёни дохилӣ дар кишвари тозаистиқлоли мо гирифта шавад.

Президенти кишвар муҳтарам Эмомалӣ Раҳмон дар суханронии худ дар маросими ифтитоҳи Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”, (шаҳри Душанбе, 4 майи соли 2018) дар сатҳи минтақа ва ҷаҳон пурзӯр кардани ҳамкориву шарикиро барои таъмини суботу амнияти фарогир тавассути андешидани иқдомҳои муштарак дар ҷодаи мубориза бо терроризму ифротгароӣ ва аз байн бурдани омилҳои дастгирии сиёсӣ, низомӣ ва молиявии онҳо ҳамчун самти амалии раҳоӣ аз ин вартаи хатарнок муҳим арзёбӣ карданд.

Дар ин конфронс меҳмонон аз хориҷи кишвар қайд карданд, ки фидокориву мардонагии халқи тоҷик дар ҳимояи марзу бум ва арзишҳои фарҳангу тамаддуни қадимаи хеш, иродаи қавии мардум ба сулҳу субот ва созандагиву бунёдкорӣ боис гардид, ки пеши роҳи амалҳои террористону ифротгароёни дохиливу хориҷӣ дар кишвари тозаистиқлол  гирифта шавад.Дар суханронии вазири корҳои хориҷии  Ҳиндустон Шри М. Ҷ. Акбар ин масъала пурра инъикоси худро ёфт: «Мо бояд Президент Эмомалӣ Раҳмон, қудрати қувваҳои амниятии ӯ ва рӯҳияи мардуми тоҷикро барои роҳ надодан ба табдилёбии чолиши хатарнок ба фоҷиаи идоранашаванда, ки талафоти зиёд диданд, табрик намоем».

Ба ақидаи вазир ҷанги дарозмуддатро бар зидди терроризм мебояд дар се ҷанба бурд. Дар байни онҳо аз ҳама муҳимтараш ҷанбаи дуюм мебошад. Ин майдони ҷанг дар шуур аст, ки дар он тухми ифротгаро шудан бо инкори зиёд аз ҷониби шахсони ба гумроҳӣ оваранда, ки худро ҳамчун роҳбар мешуморанд, кошта мешавад. Канорагирӣ, гузашт ва ҳатто овози паст танҳо терроризмро бардурӯғ сафед мекунанд. Дар ин масъала ҷаноби вазир пешниҳод менамояд, ки аз таҷрибаи мизбонон босамар истифода шавад.

Хулоса, гирифтани хусусияти сиёсӣ ва глобалии хатари терроризм ва ифротгароӣ ҷиддан тақозо менамояд, ки муборизаро бар зидди ин вабои аср пурзӯр намоем. Мамлакатҳои олам дар арсаи мубориза бар зидди терроризму ифротгароӣ, тундгароӣ ва дигар хатару таҳдидҳои замони муосир, аз қабили гардиши ғайриқонунии маводи мухаддир ва силоҳ, ҷинояткориҳои муташаккили фаромиллӣ ва киберҷиноятҳо шарики табиии якдигар бояд бошанд ва ба гуфти Президенти Федератсияи Русия «он чизе, ки дар Тоҷикистон мегузарад, барои тамоми кишварҳо намунаи хубест».

Равшан УСАНОВ,
дотсенти Донишгоҳи давлатии Хуҷанд
ба номи академик Б.Ғафуров

Читать далее

21 June 2018

Мусобиқаи байналмилалии шиноварӣ

Бори аввал дар Маҷмааи ҳавзҳои шиноварии 20 - солагии Истиқлолияти Ҷумҳурии Тоҷикистон дар шаҳри Хуҷанд мусобиқаи байналмилалӣ оид ба шиноварӣ бо  садо додани суруди миллӣ ифтитоҳ гардид.

Дар тантанаи ифтитоҳи он Раиси вилоят Раҷаббой Аҳмадзода иштирок ва суханронӣ намуда, аз ҷумла иброз дошт, ки мусобиқаи мазкур дар сатҳи байналмилалӣ нахусттин бор дар кишвари мо доир гардида,ба таҳкими солимии ҷомеа, рушди ин навъи варзиш ва ба дӯстиву рафоқати байни кишварҳомусоидат менамояд.

Читать далее

Дастаи вилояти Суғд ғолиби озмуни инноватсионии ҷумҳуриявӣ

Дар Китобхонаи миллии Тоҷикистон дар доираи баргузории Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», 2018-2028, ки рӯзҳои 20-22 июн дар шаҳри Душанбе баргузор гардид, бо ташаббуси Ҳукумати Ҷумҳурии Тоҷикистон ва Бунёди кӯдаконаи СММ (ЮНИСЕФ) Анҷумани кӯдакон оид ба масоили об баргузор гардид.

Ба гуфти Директори маркази таҳсилоти иловагии вилояти Суғд Фирдавс Ашӯрматов аз вилояти Суғд хонандагони муассисаҳои таълимии №10 шаҳри Хуҷанд, Мактаби Президентӣ барои хонандагони болаёқати шаҳри Бӯстон, Литсейи №2 ва Гимназияи №1 ноҳияи Ашт, МТМУ№1 ноҳияи Айнӣ, ҷамъ 7 лоиҳа бо фарогирии 23 хонанда лоиҳаҳои худро пешкаш намуданд.

Дар ҷамъбаст лоиҳаи беҳтарини озмуни ҷумҳуриявии «Наврасон дар ҷустуҷӯйи роҳҳои инноватсионӣ» лоиҳаи хонандагони Литсейи №2 ноҳияи Ашт ҳисобида шуда, соҳиби шоҳҷоиза гардиданд. Ба ин тартиб дастаи вилояти Суғд дар озмуни ҷумҳуриявӣ соҳиби ҷойи аввал гардид.

Абдусабури Абдуваҳҳоб

Читать далее

Армуғон ба ҷашнҳои миллӣ бо рӯҳбаландиву созандагӣ

20  июни соли равон Раиси вилоят Раҷаббой Аҳмадзода ба шаҳри Гулистон сафари корӣ анҷом дод.

Бахшида ба 21-умин солгарди Ваҳдати миллӣ, дар доираи 1300 - рӯзи ободонӣ ва дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ҷиҳати сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон дар шаҳр як қатор иншооти ҷашнӣ, аз ҷумла майдончаҳои варзишӣ бунёд гашта, мавриди истифода қарор гирифтанд.

Читать далее

Мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов

20 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” бо Президенти Туркманистон Гурбонгулӣ Бердимуҳаммадов мулоқот карданд.

Дар ҷараёни мулоқот масъалаҳои ҳамкории дуҷонибаи Тоҷикистон бо Туркманистон ва масъалаҳои марбут ба оби ошомиданӣ баррасӣ карда шуд.

Читать далее