June 2018

21 June 2018

Ваҳдат пояи давлат аст!

27 июни соли 1997 чун рӯзи мубораку муқаддас то абад дар авроқи дили ҳар як тоҷику тоҷикистонӣ ва тоҷикони дунё бо хатҳои зарҳалӣ сабт хоҳад буд. Он рӯз хуршеди оламоро сарзамини тоҷиконро ғарқи нуру зиё карда буду аз равзани кошонаи онон нури офтоби зарринтоб медурахшид. Чашму гӯши ҳама ба садову симо буд. Ҳама умедвори шунидани иттилои хушу дилнавоз буданд. Аз хабару гузоришҳо маълум гардид, ки дар Маскав Сулҳномаи тоҷикон ба имзо расидааст. Тамоми тоҷикон шодию хурсандӣ мекарданд, одамон оғӯши меҳр кушода, ин рӯзи некро ба якдигар муборакбод мегуфтанд.

Чаро шодӣ накунанд? Охир, оқибат ақлу хиради тоҷик ғолиб омад ва оташи ҷангу низоъ хомӯш гашт! Рӯзи аз шаҳри Москва бо роҳбарии Эмомалӣ Раҳмон баргаштани ҳайати расмии Ҳукумат шаҳри Душанбе тӯй дошт. Аз саҳар фурудгоҳи тайёраҳо моломоли одамон буд, ҳама аз таҳти дил шодию нишот доштанд. Табиат низ шарики ин тантанаҳо буд, ки ҳаво торафт мӯътадил гашт. Дар ҳаво ягон - ягон паррандагон парвозкунон муждаи сулҳро ба ҳар дараи кӯҳ ва ба рустаниҳои талу теппаҳо паҳн кардан мехостанд, магар ки хониши онҳо мисли суруди Ваҳдат ба атроф танинандоз буд. Ҳангоме, ки тайёра омодаи фуруд шуд, нишемангоҳ ғарқи гулдаста гашт.

Акнун гулу ёсуман бо ҳазор ранг ҷилванамоӣ мекард. Ин вақт чеҳраи шукуфони мунодии сулҳи тоҷикон Эмомалӣ Раҳмон дар миёни гулу гулдастаҳо медурахшид. ӯ бо нигоҳу ҳисси баланди ифтихори миллӣ ба истиқболи мардум омад. Ин лаҳзаҳои тақдирсозро шоири зиндаёд Лоиқ Шералӣ хеле табиӣ ба қалам додааст:

Раҳми Парвардигори мо омад,

Нури Ҳақ бар диёри мо омад.

Ҷанги бунёдсӯзи мо бигзашт,

Сулҳи бунёдкори мо омад.

Рӯзи дигар - 28 июн дар телевизиони Тоҷикистон сабқати телевизионӣ барпо шуд, ки он аз соати 6-и субҳ то бисту чаҳори шаб идома ёфт. Нағз дар ёдҳо ҳаст, ки аз дами субҳ пиру барно бо хоҳиши худ ба идораи телевизион меомаданд. Зеро Сулҳномаи тоҷикон, расидан ба Ваҳдати миллӣ умеду боварии мардумро ба ояндаю пирӯзиҳо қавӣ гардонид.

Ҳамин тавр, 27 июни соли 1997 барои тоҷикон рӯзи муқаддас хоҳад монд. Шукӯҳу ҷалол ва аҳамияти он санаи табаррук ба 9 сентябри соли 1991, ки Тоҷикистон ба истиқлолият расид, 6 ноябри соли 1994, ки Конститутсияи Тоҷикистон қабул шудааст, баробар аст. Созишномаи истиқрори сулҳи байни тоҷикон, ки дар ин рӯзи муқаддас ба имзо расид, миллати тоҷикро аз вартаи ҷанги шаҳрвандӣ берун кашида, сарзамини Тоҷикистонро аз парокандагӣ наҷот дод. Албатта, ҳамаи ин сулҳу субот ва ваҳдати комил бо саъйу кӯшиш ва ҷоннисориҳои фарзанди фарзонаи миллат Эмомалӣ Раҳмон ба даст омад. Маҳз сари қудрат омадани ин фарди шариф фоли нек барои халқи азияткашидаи тоҷик гардид. Қадами Сарвари давлат неку бафайз омад ва дилу нияти софи Эмомалӣ Раҳмон имконият дод, ки оқибат пирӯз гарданд.

Ҳамин тавр, Президенти ҷумҳурӣ Эмомалӣ Раҳмон тавонистанд, дар ҳалли мушкилоти дохилӣ, бозгашти фирориён намунаи баланди ҷасорату фидокорӣ нишон диҳанд. Суханронии Ҷаноби Олӣ ҷиҳати зарурияти баргардонидани фирориён самимӣ садо дода, ба қалби ҳазорҳо нафаре, ки бо амри тақдир берун аз хоки Тоҷикистон зиндагӣ доштанд, шуълаи умеду боварӣ бахшид ва боиси ба марзу буми хеш баргаштани ҳамватанон гардид. Ҳоло ҳам ин суханони тасаллобахшу пурҳарорати Сарвари давлат аҳамияти худро гум накардаанд:

«То он даме, ки охирин гурезаро аз хоки Афғонистон ба Ватан бознагардонам, ман осуда буда наметавонам». Ҷараёни бозгашти фирориёни иҷборӣ дар як муддати муайян ба вуқӯъ пайваста, мардуми бозгашта бо замин таъмин гашта, барои онҳо ҷои кору шароити лозима муҳайё карда шуд. Таҷрибаи бозгашти фирориён ба Ватан дар таърихи давлатдории тоҷикон, воқеан, беназир ба шумор рафта, барои халқҳои дигар низ намунаи омӯзиш ва пайравӣ гашт, ки ин аз талошҳои пайваста ва худафрӯзиҳои Пешвои миллат башорат медиҳад. Сулҳу ваҳдат, ба Ватан пурра баргардонидани фирориён маҳз тариқи гуфтушунид ва бахшидани гуноҳҳои якдигар ҳал гардид. Воситаҳои ахбори омма ҳанӯз ҳам хотиррасон мекунанд, ки барои то ба сулҳи деринтизор расидан 21 маротиба тариқи расмӣ мулоқот баргузор шуда, тӯли беш аз се моҳ гуфтушунидҳо идома ёфтанд, Президенти мамлакат бевосита ширкат доштанд.

Мардуми тоҷик то имрӯз аз сафару боздидҳои Эмомалӣ Раҳмон дар шароити душвору ҷангии Афғонистон ёдовар мешаванд. Халқ ба ҷасорату фидокории Пешвои миллат аз рӯзҳои нахустини фаъолият то ба имрӯз аҳсану офарин мехонад. Охир маҳз Президенти Тоҷикистони навэҳё ҳаёти худро зери хавфу хатар гузошта, дар ҳассостарин лаҳзаҳои тақдирсози гуфтушунидҳо ширкат намудаанд.

Магар метавон сафари Эмомалӣ Раҳмонро моҳи декабри соли 1996 ба давлати Афғонистон фаромӯш кард?! Мулоқоти Сарвари давлат дар Хосдеҳ бо иштироки мухолифин ва профессор Бурҳониддин Раббонӣ, Аҳмадшоҳи Масъуд ба таври абадӣ дар таърихи давлатдории тоҷикон сабт хоҳад монд. Охир, он айём дар Афғонистон ҷангу низоъҳои дохилӣ ҳукмфармо буду касе амнияти пурраро кафолат намедод. Вале Сарвари давлати тоҷикон аз роҳашон нагаштанд, ҳарчанд аз кашмакашҳои миллӣ дар хоки ҳамсоя хуб огоҳ буданд. Ҷонашонро ба гарав монда, бо мухолифин сари як дастархон нишастанд. Маҳз ҳамон ҷо суханони боварибахши Ҷаноби Олӣ баланд садо доданд:

«Мо як мақсад дорем: дар Тоҷикистон барқарор кардани сулҳ ва салоҳ. Ман ҷони ҷавонамро ба гарав мемонаму аз ин роҳ барнамегардам». Имрӯзҳо бо талошҳои доимии Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон миллати кӯҳанбунёди тоҷик ба Ваҳдати миллӣ расидааст ва ба ифтихори ин ҷашни бузург корҳои ободонӣ ва созандагӣ идома доранд.

Эмомалӣ Раҳмон чун эъмор ва поягузори ваҳдат ба рушди илму маориф, билхоса, адабиёт таваҷҷуҳи хоса доранд. Сарвари давлат пойдевори дастовардҳо ва комёбиҳои Тоҷикистонро аз ваҳдату ягонагӣ дониста, омӯзиши осори ниёгон, мероси бойи адабиёти классиконро дар шароити имрӯзаи соҳибистиқлолӣ омили муҳим мешуморанд. Заҳмату маҳсули эҷоди адибон буд, ки аввалинҳо шуда ба сардафтари адабиёти муосири тоҷик Садриддин Айнӣ ва Мирзо Турсунзода унвонҳои ифтихории «Қаҳрамони Тоҷикистон» - ро лоиқ донистанд. Пешниҳоди ҷашнвораҳои миллӣ - 1150 - солагии устод Абӯабдуллоҳи Рӯдакӣ ва 800 - солагии зодрӯзи Ҷалолуддини Балхӣ аз ҷониби Пешвои миллат боиси омӯзиши осори ин ду фарзанди накӯном гардид.

Оре, дар Рӯзи Ваҳдати миллӣ пайваста аз хизматҳои арзишманди Эмомалӣ Раҳмон ҷиҳати таҳкими сулҳ ва таъмини ваҳдати халқ ҳарф мезанем. Зеро маҳз Эмомалӣ Раҳмон дар таърихи давлатдорӣ чун Сарвари сулҳовару ваҳдатшиор шинохта шуданд.

Бо ифтихор метавон гуфт, ки Тоҷикистони соҳибистиқлол бо сарварии Эмомалӣ Раҳмон дар сиёсати ҷаҳонӣ низ қадамҳои устувор мегузорад ва нақши он дар ҳалли як қатор проблемаҳои ҷаҳонӣ хеле равшану возеҳ ба чашм мерасад. Эмомалӣ Раҳмон Рӯзи ваҳдати миллиро чун ҷашни арзандаи умумихалқӣ арзёбӣ карда навиштаанд:

«Таърих ибратомӯз аст ва Рӯзи Ваҳдат ба мо ҳушдор медиҳад, ки аз хатоҳои гузашта хулоса барорем, имрӯз бо азми бунёдкорию созандагӣ пойдевори зиндагии фардоро гузорем ва ба қадри давлату давлатдории миллии худ бирасем ва ба наслҳои оянда кишвари обод, тараққикарда ва хуррамро ба мерос монем».

Ҳамин тавр, сулҳномаи тоҷиконро метавон як зуҳуроти ақлу заковати миллати кӯҳани тоҷик номид.

Мавҷуда Бобоева,
муовини якуми раиси
Ҳаракати ҷамъиятии Ваҳдати миллӣ ва
эҳёи Тоҷикистон дар вилояти Суғд

Читать далее

Нақшҳои оҳарии меҳнатнасиб

Дар замони соҳибистиқлолии Ҷумҳурии Тоҷикистон барои занони ҳунарманд тамоми шароиту имконият фароҳам оварда шуда, бо таваҷҷуҳи Ҳукумати ҷумҳурӣ ва азму талошҳои Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар ин раванд соли 2018 «Соли рушди сайёҳӣ ва ҳунарҳои мардумӣ» эълон гардидааст.

Имрӯз ҳунарҳои сӯзанидӯзию қуроқдӯзӣ аз нав эҳё шуда, шавқмандони асил ин навъи санъати бемислу монандро ба арши аъло расонидаанд. Акнун курта ва камзӯлҳои қуроқӣ гулдухтарон ва занонро боз ҳам зеботар намуда, дастархон, кӯрпа ва чодарҳои қуроқӣ хонадони мардумро зеб медиҳанд. Зани тоҷик аз қадим порсову эҷодгар, ҳунарманду ободгар буду чунин хоҳад монд. Боиси ифтихормандист, ки имрӯз ҳунари волои эшон дар сатҳи ҷаҳонӣ муаррифӣ шудаву боиси аҳсанту ситоиш гаштааст. Зани тоҷик ҳамеша мекӯшад, ҳаёташ манфиатбахшу босамар гузарад, то аз худ нақши бузурге ба ёдгор монад.

Ҷалби занону духтарон ба касбомӯзӣ

Шаҳри Панҷакенти бостонӣ бо шахсиятҳои бузургу наҷибаш, ҳунармандони номиву асилаш сазовори иззату эҳтироми мардуми диёр дар арсаи байналхалқӣ гардидааст. Бо мақсади рушди соҳибкории хурду миёна, ба касбомӯзӣ ҷалб намудани занону духтарон ва фароҳам овардани ҷойҳои нави корӣ грантҳои Президентӣ таъсис дода шудааст.

Бо ин мақсад бо дастгирии мақомоти иҷроияи ҳокимияти давлатии шаҳри Панҷакент ҷиҳати эҳёи ҳунарҳои мардумӣ дар Кохи фарҳанги шаҳр маҳфили кашидадӯзони наврас ташкил карда шуд, ки ҳар сол толибилмони мактабҳои таҳсилоти миёнаи умумии шаҳр нозукиҳои ин ҳунарро меомӯзанд.

Асрори ҳунари қадима

Роҳбарии маҳфилро зани ҳунарманд - сӯзанидӯз Матлуба Аминова ба уҳда дорад. Дар маҳфил ба наврасон тарзи дӯхтани сӯзанӣ ва усулҳои офаридани нақшҳои гуногун омӯзонида мешавад, ки меҳнат ва машаққати зиёдро талаб дорад. Матлуба ин ҳунарро аз модаркалонаш - бибии Муфарриҳа ва модараш Султоной Исмоилова омӯхта, аз сирру асрори ҳунари қадима баҳравар гардидааст. Ҳунарманд танҳо бо сӯзан нақшҳо, зебоиҳоро ба риштаи тасвир кашидааст. Мақсади омӯзонидани ҳунарҳои кашидадӯзӣ, сӯзанидӯзӣ, рӯйҷо, болинпӯш, ғаранг, куртаҳои чакан, таксарии гулдӯзишуда ин санъатест, мерос аз ниёгон, ки дар баланд бардоштани маънавиёти наслҳои имрӯза мададрасон мебошад. Ин намуди нақшдӯзӣ, гулдӯзӣ дар рӯи матоъ санъати мардумӣ маҳсуб ёфта, ҳунармандон дар ҳар давру замон мекӯшанд, ки зебоӣ, рангорангии табиат, замину офтоб, лаҳзаҳои зиндагии худро бо риштаҳои гуногунранги абрешимӣ моҳирона ва нозукона ба тасвир кашанд.

Намунаҳои зиёди ҳунари сӯзанидӯзӣ, ки дар дӯхтани он тафаккури олами гардон ва маънои зиндагӣ ифода ёфтааст, аз риштаи абрешимӣ дӯхта шуда, он бо мурури замон ранг ва зебоиашро гум намекунад. Дӯхти он завқи баланди дӯзандаро фарогир буда, барои тарбияи зебоипарастии ҳар як бинанда нисбат ба ҳунари ниёгон муҳим арзёбӣ мешавад.

Шогирдон устоди касби хеш гашта, якчанд нафари онҳо дорандаи Сертификати Ассотсиатсияи занони ҳунарманд мебошанд. Меҳри ҳунарро дар дили наврасон Матлубахони ҳунарманд бедор намуд. Ӯ дар чорабиниҳои шаҳрию вилоятӣ ва ҷумҳуриявию байналмилалӣ бо маҳсули ҳунари худ ва эҷоди шогирдон кашидадӯзии тоҷиконро муаррифӣ менамояд.

Парвози ҳунар

Шогирдони ӯ Мижгона Ғаниева, Шаҳноза Қодирова, Мақсуда Саидова, Меҳрангиси Алишер, Фарангиси Алишер, Маҳдияи Мӯъмин, Дилфуза Ашӯрова, Мавзуна Рустамова ва Манижаи Исмоил мебошанд. Бояд гуфт, ки Матлуба аз соли 2010 узви Ассотсиатсияи занони ҳунарманди Тоҷикистон буда, мунтазам дар намоиши маҳсули эҷоду семинарҳо иштирок мекунад. Соли 2011 дар намоишгоҳ - конфронси занони ҳунарманд дар шаҳри Қарочии Ҷумҳурии Исломии Покистон, моҳи феврали соли 2012 дар семинари занони ҳунарманд дар шаҳри Бухорои Ҷумҳурии Ӯзбекистон ва дар намоишгоҳҳои ҷумҳуриявию вилоятӣ ва шаҳрӣ бо маҳсули эҷоди худ иштирок карда, сазовори баҳои баланд гардидааст.

Ҳоло ҳунари сӯзанидӯзии Матлуба ҳаводорони зиёде дорад. Барои оро додани хонаи арӯс кашидадӯзии анъанавӣ, аз қабили рӯйҷо, ғаранг, болинпӯш ва сӯзанӣ ба ӯ фармоиш медиҳанд. Дар баробари ин, меҳмонон аз хориҷа низ ба офаридаҳои ӯ таваҷҷуҳи зиёд доранд. Намунаҳои ҳунари ӯро сайёҳони давлатҳои Ҷопон, Амрико, Корея, Фаронса, Англия, Покистон ва Ӯзбекистон харидорӣ кардаанд. Инчунин, мавсуф дар Фестивали байналмилалии ҳунар ва мӯди «Диёри ҳусн» (соли 2014 бо дастгирии Бунёди байналмилалии «Ҳафт пайкар») дар шаҳри Кӯлоб соҳиби Сертификат гардид. Тибқи лоиҳаи Шӯрои аврупоӣ соли 2015 дар семинарҳои омӯзишии сифати ҳунар ва Иттифоқи ҳунармандони Қирғизистон, Ӯзбекистон ва Тоҷикистон, ки дар шаҳри Хуҷанд моҳи июли ҳамон сол доир гардид, соҳиби Сертификат шуд.

Бояд зикр намуд, ки М.Аминова дар бахши сӯзанидӯзӣ Гранти Раиси вилоятро ба маблағи 5000 сомонӣ мушарраф шуда, соли 2014 дар озмуни вилоятии «Меҳнати хонагии занону духтаронро эҳё мекунем» сазовори мукофот ва ҷойи дуюм гардид.

Рӯзҳои 20-23 декабр дар Маркази савдои «Ашан»-и шаҳри Душанбе, дар намоишгоҳи «Истеҳсоли маҳсулоти савғотии беҳтарин ба сайёҳон», ки аз тарафи Кумитаи рушди сайёҳии назди Ҳукумати Ҷумҳурии Тоҷикистон баргузор гардид, соҳиби ҷойи дуюм ва бо мукофот қадрдонӣ шуд. Ин бонуи ҳунармад барои иштироки фаъолона дар корҳои ҷамъиятӣ ва саҳми арзанда дар рушди ҳунармандӣ чандин маротиба бо Сипоснома ва мукофотҳои пулӣ сарфароз гардидааст.

Идомабахши касби модар

Имрӯз ҳунари Матлубаро фарзандаш Мавзуна Ҷалолова идома дода, мекӯшад, ки сафи ҳунармандон зиёд шавад. Чунки ин амали нек воситаи таъмини зиндагӣ ва сари баланди ҳунарманд мебошад. Ин бонуи ҳунар узви Иттифоқи ҳунармандони Тоҷикистон аст. Шукрона аз он дорад, ки ҳифзу эҳёи суннатҳои миллӣ натанҳо дастоварди фарҳангӣ, балки вазифаи муқаддаси шаҳрвандии ҳар яки мост.

Мавзуна дар оилаи ҳунарманд ба дунё омада, нақшофарӣ дар рӯи матоъ касби дӯстдоштааш мебошад. Пас аз хатми мактаби миёна бештар ба нақшофарӣ машғул шуда, дар гулдӯзиҳои калонҳаҷм ва либосҳои гуногун нақш меофарад. Нақшҳоеро, ки ӯ ба тасвир меорад, аз санъати баланди зеҳнии ӯ гувоҳӣ медиҳанд.

Ӯ ҳунари наққоширо аз омӯзгори мактаб Бобоҷон Сарваров ва рассом - ороишгари Осорхонаи таърихии ба номи Абӯабдуллоҳи Рӯдакӣ Лутфилло Ҷанобилов омухтааст. Аз соли 1999 инҷониб ӯ нақшро дар рӯи матоъ бо тамоми нозукияш ба тасвир медиҳад. Ҳунарашро ба духтаронаш Маҳина ва Парвина ҳам меомӯзонад.

Нақши рӯи матоъ

Ин гуна нақшофарӣ санъати мардумӣ буда, Мавзуна мекӯшад, ки бо санъати баланд нишонаҳои ҳаётро ба тасвир кашад. Кашидадӯзии зебо ва хушсифат аз маҳорат ва эҷодкории ҳунарманди наққош - қаламкаш вобаста аст.

Бо дархости занони водии Зарафшон ӯ нақшу нигорҳоро бештар мувофиқи шаклашон - пиёлагул, чиннигул, лола, моҳ, ситора, лаби бом, аноргул, каҷдумак, райҳонгулро дар рӯи матоъ барои сӯзанӣ, рӯйҷо, болинпӯш, ғаранг ва куртаҳои чакан бо риштаҳои рангоранг медарорад. Нақшҳои офаридаи ӯ бо як бандубасти мукаммал муттаҳид мегардад, ки онҳо бо “рута” – ҳошия ва ё бо “оба” иҳота карда мешаванд. Нақшу нигори санъати тасвириро Мавзуна дар ҷузвдонҳои занона ва болинҳо тасвир мекунад. Вай соли равон дар шаҳри Панҷакент дар чорабинии Ассотсиатсияи занони ҳунарманди Тоҷикистон ба курси бозомӯзии ҷавонон барои дӯхтани гулдӯзиҳои тоҷикӣ ва нақшофарӣ дар рӯи матоъ ҳамчун тренинг ширкат варзида, нозукиҳои ин ҳунарро ба онҳо омӯзонид.

Ба ин касб на ҳама шавқу рағбат доранд. Азбаски дар рӯи матоъ офаридани нақш хеле нозук аст, кашидадӯзон аз нақшҳои тайёркардаи қаламкаш медӯзанд. Мутаассифона, ана ҳамин нақшофарӣ дар рӯи матоъ аз байн рафта истодааст. Шахсоне, ки аз ҳунари Мавзуна огаҳанд, бештар бо ӯ ҳамкорӣ доранд.

- Офаридани нақшҳои гуногун ба ман илҳом мебахшад. Мехоҳам, ки нақшҳои офаридаам бо дӯхтани сӯзаниҳои гуногуну тарзи долзании анъанавӣ хонаи наварӯсонро зебу оро диҳанд,- мегӯяд Мавзуна. Ӯ мехоҳад, ки ин ҳунарро ба дигар духтарон низ омӯзонад, то ин ки ҳунари ниёгон ва фарҳанги миллии тоҷикон ба ояндагон чун мерос боқӣ монад.

Нодир ТУРСУНЗОДА,
«Ҳақиқати Суғд»

Читать далее

20 June 2018

Мароми нав ба истиқболи ҷашнҳои миллӣ

Бахшида ба истиқболи Рӯзи Ваҳдати миллӣ як қатор чорабиниҳои фарҳангиву фароғатӣ дар сатҳи вилоят гузаронида мешаванд. Аз ҷумла, мусобиқаи байналмилалӣ оид ба шиноварӣ, ки дар он варзишгарони зиёда аз 10 кишвари дӯст ширкат меварзанд, дар Маҷмааи ҳавзҳои шиноварии «20-солагии Истиқлолият» рӯзҳои 20-23 июни соли равон баргузор мегардад. 

Суоле ба миён меояд, ки оё ҳавзҳои шиноварӣ ба он омода аст? Ё худ, ҳоли он баъди тармиму таъмир чӣ гуна аст? ҳолати воқеии Маҷмаа ба стандарт ҷавобгӯст?

Тавре хонандагон иттилоъ доранд, моҳи феврали соли равон Раиси вилоят Раҷаббой Аҳмадзода зимни шиносоӣ аз ҷараёни фаъолияти Маҷмааи ҳавзҳои шиноварии «20-солагии Истиқлолият», ба вазъияти ногувори он эроди сахт гирифт ва масъулинро супориш дода буд, ки дар фурсати кӯтоҳтарин ба таъмиру тармим иқдом ва фаъолияти он бо назардошти талаботи стандартӣ дубора ба роҳ монда шавад.

Ҳамзамон, масъулини Маҷмаа ва сохторҳои марбута вазифадор шуда буданд, ки то Иди Ваҳдати миллӣ он ба истифода дода шавад. Лозим ба ёдоварист, ки корҳои таъмирӣ аз 10 феврал оғоз гардида, масъулин ваъда дода буданд, ки 27 июни соли равон аз вазифаҳои ба уҳдаашон вогузоршуда мебароянд.

Чунончӣ, қаблан хабарнигори «Ҳақиқати Суғд» аз рафти корҳои таъмирӣ гузориш дода буд, дар он 40 нафар усто заҳмат кашида, аз таъмири асосӣ баровардани кулли Маҷмаа ба дӯши Идораи сохтмони асосии вилоят вогузор шуда, ҶДММ «Нурулло-2008» ҳамчун пудратчӣ корҳоро ба уҳда дошт.

Тибқи иттилои Мухлиса Атабекова - ҷонишини директори Маҷмааи ҳавзҳои шиноварӣ имрӯзҳо коргоҳ пурра омодаи истиқболи меҳмонон аст ва ягон камбудӣ вуҷуд надорад.

- Тирезаву девор, ҳавзҳои шиноварии кӯдакона, калонсолон таъмири куллиро аз сар гузаронида, ҳавзи шиноварии «Лимпопо», шаршараи хурд бо дизайни замонавӣ барои хурдсолон, утоқҳо барои маҳси бадан, ҳаммомҳои занонаву мардона, фитнес-клуб, фито-бар, утоқи табобат бо об, гармоба-сауна бо буғхонаи (пар) хушк ва намнок, утоқҳо барои табиб, ҷой барои 300 нафар тамошобин, толори билярдӣ, хонаи либосивазкунӣ ва якчанд нуқтаи дигар барои фароғати сокинон сохта, ба истифода дода шуд, - мегӯяд Мухлиса Атабекова.

Воқеан, мо низ шоҳид шудем, ки меҳмонони хориҷӣ ва варзишгарон аллакай ба омадан шурӯъ карда, Маҷмаа ҷилову таровати идона дошт. Метавон итминон варзид, ки дубора ба истифода додани он армуғони хубе ба шаҳрвандону меҳмонон бахшида ба истиқболи Иди Ваҳдати миллӣ аст.

 

Шаҳноза ҲОМИДОВА,
«Ҳақиқати Суғд» 

 

 

 

Читать далее

Қаноатмандии сокинон аз оббозигоҳ

Лозим ба ёдоварист, ки дар партави дастуру супоришҳои Президенти мамлакат 1 июни соли равон бо иштироки роҳбарияти вилоят оббозигоҳи соҳили рости шаҳри Хуҷанд мавриди  истифода қарор дода шуд. Дар он тамоми чораҳои бехатарӣ ва санитарию гигиенӣ андешида шудааст. Нигоҳи сокинону меҳмонон ба оббозигоҳ баъди тармими он чӣ гуна аст? Бо суоли мазкур бо чанде аз онҳо ҳамсуҳбат гардидем:

Абдуқодир Холиқов, сокини шаҳри Хуҷанд:

-  Солҳои охир аз набудани мавзеи шиноварии бехатар сокинон маҷбур буданд дар ҷойҳои хатарноку ғайригигиенӣ оббозӣ кунанд. Имкони дар соҳили дарё шиноварӣ кардан набуд,  ки он хеле ба ҳаёти кӯдакону калонсолон хатаровар маҳсуб меёфт. Теъдоди ғарқшудагон низ сол то сол меафзуд. Аз ибтикори Раиси вилоят Раҷаббой Аҳмадзода шукргузор ҳастам, ки имрӯз шароит хеле беҳтар шудааст. Дар ин мавзеъ ҷойи либосивазкунӣ ва катҳо барои дамгирӣ  сохта шуда, асосан дар фасли гармо макони истироҳатии ҳамагон шудааст.

Усмонов  Фарҳодҷон, сокини ноҳияи Шоҳмансури шаҳри Душанбе:

- Ҳар боре ба Хуҷанд оям, ҳатман барои оббозӣ вақт ҷудо мекунам. Ин бор ростӣ моро ҳаяҷону хушҳолӣ фаро гирифт, ки хеле ҷои хубу бехатар шудааст. Ба Президенти мамлакат ва Раиси вилоят сипосгузориамро мерасонам, ки ҷиҳати фароҳам овардани шароити хуби зист ва истироҳат тадбирҳои амиқ меандешанд.

Нозимҷон Салимов, сокини ноҳияи Зафаробод:

- Тақрибан се сол ин ҷониб барои оббозӣ ҳамроҳи оила меоем. Шароит хеле хуб шудаасту барои оббозӣ ягон хавфе надорад. Фарзандонам аз телевизион огаҳӣ пайдо намуда, хоҳиш карданд, ки ба Хуҷанд оем. Ростӣ, пушаймон нестам, акнун ҳар  ҳафта нияти омадан дорем.

Ғолибҷон Парпиев, сокини шаҳри Душанбе:

- Ҳар сол тобистон  ба шаҳри Хуҷанд барои дамгирӣ меоям, имрӯзҳо  шароит нисбат ба солҳои пешин хеле хуб шудааст. Хусусан, тармими оббозигоҳ хурсандиии моро садчанд кард. Раҳмат ба суғдиён, ки бо маданияти баланд мо - меҳмононро истиқбол мегиранд.

Татяна Иванова, сокини шаҳри Хуҷанд:

-  Дар ҳақиқат хеле мавзеи оббозибоб асту аз ғарқшавӣ ва ҳар гуна ҳодисаҳо эмин аст. Ҳатто аз давраи Шӯравӣ ҳам хубтар шудааст. Ба роҳбарияти вилоят ташаккур мекунам ва  бо духтарону наберагонам тасмим гирифтем, ки минбаъд ҳар рӯз барои оббозӣ меоем.

 Раҷаббой Аҳмадзода иброз дошта буд, ки дар бист соли охир чунин шиногоҳ бори аввал азнавсозӣ гардида, дар назар аст, ки дар шаҳр боз ду шиногоҳи аз фаъолият монда барқарор карда мешавад.

Набиюллоҳ Суннатӣ, 
«Ҳақиқати Суғд»

Читать далее

Reshahoi noaiyon - Решаҳои ноаён

https://www.youtube.com/watch?v=fgNraE6KlKs

Читать далее

Иштироки Пешвои миллат Эмомалӣ Раҳмон дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028”

Субҳи рӯзи 20 июн дар Кохи Сомони Бӯстонсарои шаҳрии Ҳукумати Ҷумҳурии Тоҷикистон Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” ба кори худ оғоз кард.

Барои иштирок дар ин конференсия сарони давлатҳо ва ҳукуматҳои Покистон, Туркманистон, Афғонистон, беш аз 1500 коршинос аз зиёда аз 100 кишвари ҷаҳон ва даҳҳо созмонҳои байналмилалию минтақавӣ, ба Тоҷикистон ташриф овардаанд.

Читать далее

Маросими супоридани “Медали Созмони Умумиҷаҳонии Тандурустӣ” ба Пешвои миллат Эмомалӣ Раҳмон ба муносибати Рӯзи умумиҷаҳонии мубориза алайҳи тамоку

Нимаи дуюми рӯзи 19 июн дар Бӯстонсаройи шаҳрии Ҳукумати Ҷумҳурии Тоҷикистон ба муносибати “Рӯзи умумиҷаҳонии мубориза алайҳи тамоку” маросими супоридани “Медали Созмони Умумиҷаҳонии Тандурустӣ” ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид.

Мукофоти олиро ба Президенти Ҷумҳурии Тоҷикистон муҳтарам Эмомалӣ Раҳмон намояндаи Ташкилоти Умумиҷаҳонии Тандурустӣ Игор Поканевич супорида, ба саҳм ва нақши Президент ва Ҳукумати кишвар баҳри таъмини солимии ҷомеа баҳои баланд дод.

Читать далее

Мулоқоти Пешвои миллат Эмомалӣ Раҳмон бо гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид

19 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” гурӯҳи намояндагони доимии як қатор кишварҳои хориҷӣ дар назди Созмони Милали Муттаҳидро ба ҳузур пазируфтанд.

Зимни мулоқот маҷмӯи васеи масъалаҳои ҳамкории Тоҷикистон бо кишварҳои хориҷ ва бо яке аз ташкилотҳои бонуфузи сайёра — Созмони Милали Муттаҳид баррасӣ карда шуд.

Читать далее

Иштироки Раиси вилоят дар маросими супоридани ҷоизаҳо ба ғолибони озмуни рӯзномаи “Ҷумҳурият”

19 июни соли равон бо иштироки Раиси вилояти Суғд Раҷаббой Аҳмадзода, намояндагони аҳли зиёи мамлакат ва фаъолони ноҳияи Бобоҷон Ғафуров дар Қасри Арбоб маросими супоридани ҷоизаҳо ба ғолибони озмуни муштараки Нашрияи расмии Ҷумҳурии Тоҷикистон – рӯзномаи «Ҷумҳурият» ва мақомоти иҷроияи маҳаллии ҳокимияти давлатии ноҳияи Бобоҷон Ғафуров баргузор гардид.

Ҷоиз ба таъкид аст, ки рӯзномаи «Ҷумҳурият» моҳи январи соли равон якҷо бо мақомоти иҷроияи маҳаллии ҳокимияти давлатии ноҳияи Бобоҷон Ғафуров бахшида ба 21 - солагии Рӯзи Ваҳдати миллӣ ва ба хотири гиромидошти Қаҳрамони Тоҷикистон Бобоҷон Ғафуров озмун эълон намуда буд. Қабули маводҳо ба озмуни мазкур то 1 июн идома ёфт ва дар он журналистон ва адибону публитсистон иштирок доштанд. Маводҳои ба озмун пешниҳодшударо ҳайати ҳакамон баррасӣ намуда, барандагони онро муайян намуданд.

Читать далее

19 June 2018

Эҳсоси масъулият

Дар ҳошияи мулоқоти Пешвои миллат

Тарбияи дурусти фарзанд яке аз ҷузъҳои муҳими фардосоз ва масъулияти волидайн аст, ки оянда аз ҳар гуна бадбахтиҳо ҳифз менамоянд. Духтарон дар оянда дар мақоми модарӣ, ҳамсарӣ ва мудирияти хона қарор мегиранд. Бояд аз донишҳои зарурӣ ва ахлоқи ҳамидаи инсонӣ бархурдор, яъне рӯҳу равонаш ба гунае тарбият ёфта бошад, ки дар оянда беҳтарин модар ва хубтарин ҳамсар гардад. Модарони соҳибақл хуб дарк мекунанд, ки ҳама гуна тарбия аз адои ҳаққи Худованд шурӯъ мешавад.

Пӯшида нест, ки баъзе ҷавондухтарони гумроҳу аз тарбия фарсахҳо дурмонда ба ташкилотҳои террористӣ пайваста, дар муҳорибаҳои кишварҳои ҷангзада ширкат меварзанд. Қисми дигари ба доми фиреби ифротгароён ва бадхоҳони миллат афтода, ҷонибдори ташкилоти террористии ҳизби наҳзат гаштаанд.

Дар мулоқот бо зиёиёни мамлакат Президенти кишвар эълон доштанд:

«Занонро ҳамчун чароғи оила, нерӯи созандаи ҷомеа ва ҳимоятгару идомабахши анъанаҳои миллӣ дастгирӣ менамоем ва дар сохтору мақомоти давлатӣ сафи онҳоро бештар мегардонем». Модаронро лозим аст, ки аз ин иқдоми падаронаи Сарвари давлат қувваи тозаву илҳом гирифта, ба тарбияи равониву фарҳангӣ, динию иҷтимоии фарзандон аҳамияти ҷиддӣ диҳанд.

Беҳтарин модарон онҳое ҳастанд, ки духтаронашонро аз нофармонӣ дар муқобили шавҳар боз доранд, ба зиндагии ширин умедвор созанд.

Рози зиндагии занушӯии хешро ба дигарон гуфтан эътимоди байни зану шавҳарро аз байн хоҳад бурд. Ихтилофу нофаҳмиҳои хонаводагии худро ба дугонаҳо ошкор кардан бузургтарин айб аст.

Модар шахси муқаддас аст. Вақте симои модар пеши назар меояд, аз чашмони ӯ, аз тамоми ҳастиаш нур меборад, роҳи ояндаи ҳаётро равшан месозад. Дар яке аз суханрониҳои худ Пешвои миллат барҳақ қайд намуда буданд:

«Бо сиришти поки инсонӣ, фазилати накӯгавҳарӣ занон фарҳанги ҷомеаи моро пеш бурда, дар он тухми ишқу муҳаббат, меҳру садоқат, саховату асолат ва илму маърифатро кошта, онро пояндаву устувор ва ҷовидонаву давомнок нигаҳ медоранд».

Набихон ЯРҚУЛЗОДА,
имомхатиби масҷиди ҷомеи Ҷамоати деҳоти
Шаҳраки шаҳри Исфара

Читать далее