11 September 2018

Мулоқоти Пешвои миллат Эмомалӣ Раҳмон бо сокинони ноҳияи Ванҷи Вилояти Мухтори Кӯҳистони Бадахшон

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи як зумра иншооти гуногун бо сокинон ва фаъолони ноҳияи Ванҷ мулоқоти озоду самимӣ доир намуданд.

Пешвои миллат муҳтарам Эмомалӣ Раҳмон дар оғози суханронӣ ҳамаи иштирокчиёни мулоқотро ба ифтихори 27-умин солгарди Истиқлолияти давлатии Ҷумҳурии Тоҷикистон табрик намуда, ифтитоҳи иншооти навро ба таваҷҷуҳи давлату Ҳукумати Тоҷикистон дар самти рушди ноҳияҳои дурдасти мамлакат марбут донистанд.

Читать далее

Оғози сафари кории Пешвои миллат Эмомалӣ Раҳмон ба Вилояти Мухтори Кӯҳистони Бадахшон

Субҳи имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади шиносоӣ бо вазъи иҷтимоӣ, иқтисодӣ, фарҳангии мардум, ифтитоҳи як зумра иншооти нав ва мулоқот бо сокинон дар рӯзҳои таҷлил аз ҷашни 27-солагии Истиқлолияти давлатии Ҷумҳурии Тоҷикистон ба Вилояти Мухтори Кӯҳистони Бадахшон ташриф оварданд.

Боздиди Президенти Ҷумҳурии Тоҷикистон муҳтарам Эмомалӣ Раҳмон аз ноҳияи Ванҷ оғоз гардид. Сокинони саодатманди ноҳияи Ванҷ Пешвои миллат муҳтарам Эмомалӣ Раҳмонро бо самимияти хосса истиқбол гирифтанд.

Читать далее

САҲА БА ХОТИРИ ЧӢ ВА КӢ ТТЭ ҲНИ-РО ДАСТГИРӢ МЕКУНАД?

Чун анъана ҳамасола дар Варшава конфронси сатҳи умумиҷаҳонӣ САҲА дар доираи васеи иштироки давлатҳои аъзо сурат мегирад. Ва дар он конфронс асосан масъалаҳои фаъолияти ҳизбҳои сиёсӣ мавриди муҳокимаи иштирокдорон қарор мегирад. Чун солиёни пешин таъсисдиҳандагони конфронс ба ин ҳамоиши бузург  ТТЭ ҲНИ-ро чун як ҳизби сиёсӣ даъват намуданд.  Маврид ба зикр аст, ки аз рӯи бандҳои ҳуқуқии фаъолияти САҲА онҳо бояд бар зидди ташкилотҳое, ки террористиву экстремистӣ мубориза намуда, чунин ташкилотҳоро решакан намоянд, на ин, ки тарафдори эшон бошанд. Таи чанд соли охир, тавре аз фаъолияти кории ин созмон бармеояд, иштирок дар конфронси САҲА ба як шаҳри бедарвоза мубаддал гашта, минбари он минбари розу ниёз ва тарғибгару ташфиқгари намояндагони ТТЭ ҲНИ шудааст.

Имрӯз барои муқовимат  бар зидди тероризму экстремизми динӣ на танҳо чора ва тадбирҳои андешидашудаи низоми давлатӣ, инчунин беҳтар мебуд, ки чунин тадбирро барои амнияти аҳолии тамоми курраи замин, ҳамаи он ташкилотҳое, ки барои муборизаи беамон бар зидди ТТЭ фаъолият мебаранд, мақсаднок кор карда, нафъи худро дар пойдор намудани сулҳу якдилӣ расонанд. На барои он, ки аз роҳбарону намояндагоне, ки ташкилоти онҳо ҳамчун ТТЭ эътироф карда шудааст, ҳамкорӣ кунанд.

Замоне, барои бо ташкилкунандагони чунин чорабиниҳо, ки дар сатҳи баланд ташкил  мегардид ва он дар доираи САҲА мегузашт, дар тамос шудан ва ҳамчунин иштирок намудан барои баромад дар минбари баландпояи он хоҳишмандон номнавис гардида, як қатор расмиётҳоро мегузаштанд, баъд иҷозати иштирок дар конфронсро соҳиб мешуданд. Аммо вазъи шароит имрӯз чунин нест. Ташкилкунандагон тавре, кик асе иштирок мекунад, парвое надоранд. Назарашон танҳо ба онҳое, ки асосан манфиати ташкилотро бо манбаҳои моддӣ рӯпуш мекунанд.

Аз фаъолият ва корбарии ташкилкунандагони ин конфронс, маълум гардид, ки вазъ дар САҲА, куллан дигар шудаст. Инро ҳатто иштироки намояндагони ТТЭ ҲНИ соли 2016 баъди ноором намудани кишварамон дар ин конфронс ширкат кард собит месозад, ки САҲА ташкилоте нест, ки бар зидди тероризм муқовимат намояд, балки он аз корномаҳои ин ташкилот дифоъ намуду ба онҳо онҳо дар конфронс дар боз кард. Агар САҲА барои нафъи халқу миллатҳои ваҳдатхоҳ ва аз рӯи қонуниятҳои фаъолияти худ кор мекард, дар конфронси худ ба он нафароне, ки ширкаташон чун ташкилоти ТТЭ ҲНИ эътироф карда шудааст, имконияти иштирок ва ҳатто суханронӣ карданро аз ин минбари баланди байналмилалӣ иҷозат намедод. Ба дилхоҳ хоҳишманде, ки имрӯз байни омма обрӯю эътибор надошта, дар қонуншиканӣ ва даст доштан дар амалҳои террористӣ инчунин ҷинояткор дар кофтукови якчанд ширкатҳо қарор дошта  ҳуқуқи ба даст овардани ин имкониятро намедод. Дар асл бароям як чиз аҷиб аст, ки қариб тамоми олам медонанд, ки роҳбари ТТЭ ҲНИ М. Кабирӣ аз зумраи он се ҳазор нафар терористон маҳсуб ёфта номи ӯ низ дар Феҳристи ягонаи кофтукови СМЗТ СҲШ шомил гардидааст, вале ӯ дар пеши чашми онҳо баромад мекунад.

Мақсади аввалине, ки Тоҷикистон ба ин созмон ҳамкорӣ менамояд, пеш аз ҳама таҳким бахшидан ба сулҳу субот ва амнияти миллист, на ин ки бо душманону хиёнаткорони ватан дар як саф нишаста сӯҳбат намудан. Зеро ба мо маълум буд, ки яке аз бандҳои фаъолияти САҲА ин мубориза (на ҳамкорӣ!) бар зидди терроризми байналмилалӣ, татбиқи лоиҳаҳо оид ба масоили мубориза бар зидди чунин таҳдидҳо мебошад. Ҳоло бошад маълум гардид, ки он дигар ташкилоти мустақили байналмилалӣ набуд, балки барои ҷонибдории фаъолияти ТТЭ кор карда истодааст.  Робитаи устувор ва рушди ҳамкорие, ки Тоҷикистон бо САҲА дорад ба ҳадафҳо ва принсипҳои сиёсати хориҷии пешгирифтаи Тоҷикистон мутобиқ ва ба манфиати таҳкими соҳибихтиёрӣ, давлатдорӣ ва амнияти миллии он ҷавобгӯ буд. Албатта то он замоне, ки моҳи сентябри соли 2016 дар Варшава дар форуми САҲА аъзо ва тарафдорони ТТЭ ҲНИ футболкаҳои бо аксҳои роҳбаронашонро ба бар карда, ба ҷонибдории онҳо аксия ташкил карданд, ки ташкилкунандагони созмон низ дар ин кор ҳамкории зич доштанд ва онҳоро тарафдори менамуданд. Аз ҳамон вақт маълум гашт, ки нияти асосии ин созмон, ки меъёрҳои қонунгузории мавҷуда ва созишномаҳои дар самти таъмини амният дар минтақа батавофуқрасидаро дағалона поймол карда, бар хилофи конвенсияҳо ва қарорҳои умумиэътироф амал мекунад, ошкор шуданд. Ин амали онҳо дар ҳоле ба миён омад, ки вазифаҳои зиддитеррористии кишвари мо ва САҲА мувофиқа карда шуда, бояд дар ҳамкории зич бар асоси машварат бо мақомоти Тоҷикистон ҳангоми риояи пурраи қонунҳо ва қоидаҳои ин кишвар ҳал карда шаванд.

Дар умум метавон мисолҳои зиёдеро таи солхҳои охир аз фаъолияти духӯраи САҲА ёдовар гардид, ки дар давлатҳои алоҳидаи пасошӯравӣ ва  манотиқи даргир маълуманд. Бинобар фаъолияти берун аз қонунии САҲА, чанде пеш намояндагиҳои онро дар қаламрави ҷумҳуриҳои ИДМ ва дар Руссия, Озобойҷон тамоман бастаанд, зеро ҳукуматдорони ин давлатҳо зарурати фаъолияти САҲА-ро дар кишвари худ намебинанд ва намехоҳанд, ки аз намояндагони худхоҳ дар давлати худ пуштибонӣ кунанд.

Баъди он ки ташкилкунандагони конфронси САҲА ба маҷлиси худ дар Варшава ҷоннибдорони ТТЭ ҲНИ-ро роҳ дод, дигар бо ин созмон ҳамкорӣ намудани Тоҷикистон бемаъност, зеро бо чунин амали худ онҳо ваколатҳои барномаи тасдиқшударо паст намуданд ва бо ин рафтор канда шудани риштаи ҳамкори низ қариб ба миён омадааст. Ҳамин тариқ, фаъолияти ин ташкилоти байналмилалӣ дар Ҷумҳурии Тоҷикистон маҳдуд гардида, идораҳое, ки дар шаҳрҳои Рашту Хуҷанд, Қурғонтеппа, Кӯлоб ва Шаҳритус фаъолият мебурданд, баста шуданд.

Итминони комил дорам, ки канда кардани риштаи ҳамкори бо ин созмон дар оянда нуфузи Тоҷикистонро баландтар мегардонад, зеро аз соли 2016 инҷониб намондагӣ дар САҲА ғайри мантиқист. Чунки ин созмон Қарори Судии Олии Ҷумҳуриамонро поймол намуда, дар конфронс барои намояндагони ҲНИ, ки ҳамчун ТТЭ эътироф гардидаст минбар дод. Бо созмоне, ки душманону хиётнаткорони ватанамонро пайравӣ мекунанд, набояд ҳамкорӣ кард, зеро ҳамкории аз ин беш ба пешравии миллати мо халал ворид хоҳад кард.

Фаррух Аминов,
муовини директор оид ба тарбияи
ДПДТТ дар шаҳри Хуҷанд, номзади илмҳои техникӣ

Читать далее

ФАРДОИ ТТЭ ҲНИ ХИРА АСТ

Бо ифтихори баланду сарфарозии беш аз пеш ва бо шукронаи ободиву озодии меҳанам нафас мегирам. Зеро фазои оромие, ки дар кишвари мо ҳукмрон аст, зиндагии моро зебову ҳаётамонро рангоранг ва пурмазмун месозад.

Дар зиндагӣ барои баъзе касу баъзе чизҳо дар ҳайрат мемонам, ки чаро аз ақли солими хеш истифода бурда наметавонанд, модоме, ки эшон чунин рафтор мекунанд, ба маъное ақли онҳоро бо ҳар гуна дасисиаҳо медузданд. Худ қазоват намоед, ки наҳзатиён, ба ҷои ин ки номбардори аҷдодонамон бошанд, дар ниқоби Ислом бо тинати иблиси хеш қариб тамоми мардуми ҷаҳонро ба по хезонида истодаанд. Дар оғози соҳибистиқлолии кишвар бо иғвову дасиса Тоҷикистонро ба ҷанги шаҳрвандӣ кашиданд ва оқибатҳои ин ҷанги нангинро мо то ба ҳанӯз эҳсос менамоем. Хушбахтона, мо имрӯз шукрона аз он мекунем, ки дар фазои сулҳу ваҳдат ва озодии афкору андеша зиндагӣ дорем. Ва ин албатта ифтихори мо ҷавонон аст, ки барои мо имрӯз шароити мусоид фароҳам оварда шудааст.

М.Кабирӣ мехоҳадмардумро ба роҳе барад, ки оқибаташ марги бешарафона асту бас. Коре, ки на аз рӯи одоби инсон асту на аз рӯи қонунияти ислому қуръон.

Дар асл ҳама изҳроти наҳзатиён ва зердастону ҳамсафонашон бемантиқ аст, зеро ин аз рӯӣ мардигари нест, ки зӯру тавони хешро дар паси хоҷагони беруна нишон диҳанд. Бояд инро донанд, ки чӣ тавре намояндагонашон оҳиста - оҳиста хатогии хешро фаҳмида истодаанд, фардо Кабирӣ танҳо мемонад.  Инро Кабирӣ бояд донад, ки аъзоёнаш барои кадом ваъдаҳои бардурӯғи он хоҷагонаш бовар намуда, вазъи миллати моро нотинҷ карданӣ ҳастанд. Барои қатъ шудани фаъолияти ҳизбиашон худи наҳзатиён гунаҳкоранду ақлу ҳуши пулпарастиашон ҳамеша дар итоати хоҷагони эронии худ шудаанд. Шумо аъзоёни ТТЭ ҲНИ ташкилотеро созмон додед, ки терористону ифротгароёнро ба ҳам мутаҳҳид сохт ва инро албатта медонем, ки ин бо хоҳиши фармондеҳони шумо оғоз гардид. Чӣ магар ба қувваю заковати худ боварӣ надоред, ки фармонбардору мутакои хоҷагони давлатҳои ҷангзада гаштед. Акнун кирдори ноадолатонаи худатон бас нест, ки мардуми моро ба ташкилоти терористиву экстремистиатон ташвиқу тарғиб намуда истодаед. Боз даъвои онро доред, ки қоидаҳои дохили мамлакатро маҳкум мекунед. Ҳоло ин салоҳиятро касе ба шумо надодааст.

Мутмаинам, дур нест он рӯзе, ки дар дилҳои мардуми рӯи олам танҳо шодиву сурур танинандоз гардида, қабл аз ҳама ҷавонони имрӯза аз ақлу заковати хеш кор мегиранд ва он осори пурғановати гузаштаву имрӯзаро барои ояндагон чун меросхӯри воқеъӣ, чун арҷгузорӣ ба бобоёни тоҷдор ва чун вориси арзандаи қаҳрамонони халқ бо дилу нияти неку созанда ба хотири фардои дурахшони миллати азизамон Тоҷикистон ба наслҳои ояндаи солим месупоранду бо дасти хеш ояндаи кишвари азизамонро мисоли чаман мегардонанд.

Ба ҷавонони босаодат гуфтаниам, ки ба он гапҳои бардурӯғ,  ки тариқи интернет ва дигар воситаҳои иттилоотӣ  байни мардум паҳн мешаванд бовар накунед. Ҳар як фард танҳо дар ватани худ метавонад пурра хушбахт бошад. Дар он ҷое, ки  куштори одам ба ҳукми қонун дароварда шудааст, хеҷ гоҳ ободӣ намешавад. Тоҷикистонро дӯст дорем ва онро чун гавҳараки чашм эҳтиёт кунем, зеро он ҷаннати рӯи замин аст. 

Ҷамшед Мирсаидов,
мудири бахши кор бо ҷавонони
ДПДТТ дар шаҳри Хуҷанд,
докторанти донишкада

Читать далее

Тарбияи худшиносӣ чун омили пешгирии гаравиши ҷавонон ба созмонҳои террористию ифротгаро

Дар шароити имрӯза рушди амалҳои террористию ифротгароӣ ба яке аз мушкилиҳои ҷомеаҳои алоҳида ва аҳли башар табдил ёфтааст. Ин мушкилот аҳли башар ва мардуми ҷомеаҳои алоҳидаро ба таҳлука ва ташвиши зиёд андохтааст. Аз ин рӯ, мубориза бо терроризм ва ифротгароӣ ва пешгирии шомилшавии ҷавонон ба чунин созмонҳо ба яке аз ҳадафҳои муҳим дар шароити Тоҷикистон табдил ёфтааст. Солҳои охир шумораи зиёди ҷавонони тоҷик ба чунин созмонҳо пайваст гардида, боиси эҷоди хатар ба аминияти кишвар ва ҳамчунин коҳиши симои миллат ва давлати Тоҷикистон гардиданд. Чунин ҳолат зарурати пешгирии шомилшавии ҷавононро ба созмонҳои террористию ифротгаро боло бурдааст.

Ҳолати шомилшавии ҷавонони кишвар ба созмонҳои террористӣ ва ифротгаро моро ба он водор намудааст, ки дар мавриди механизмҳои муассири пешгирии ин раванд биандешем. Ба андешаи мо яке аз механизмҳои муассир дар ин самт тарбияи худшиносӣ ва худогоҳии ҷавонон мебошад. Тарбияти худшиносӣ ва худогоҳӣ аз чанд ҷиҳат метавонад дар самти пешгирии ҷавонон аз шомилшавӣ ба созмонҳои террористию ифротгаро муассир бошад.

Аввалан, худшиносӣ ва худогоҳии ҷавонон онҳоро зираку ҳушёр мегардонад ва имкон намедиҳад, ки ҳар гуна созмонҳои бадхоҳ ва ифротӣ онҳоро ба доми худ кашида бошанд. Ҷавонони худогоҳ ва худшинос нақшаҳо ва барномаҳои худро доранд ва дар ҳеҷ ҳолат қисми нақшаи шум ва манфиатҷӯёнаи дигарон намегарданд. Чунин баёне мавҷуд аст, ки агар дар зиндагӣ нақшаи худро надошта бошӣ, пас ту қисми нақшаи дигарон мегардӣ. Дар ин маврид, тарбияти худшиносӣ ва худогоҳӣ ба ҷавонон чунин имконеро фароҳам мекунад, ки самти зиндагияшонро мувофиқи нақшаҳои барномавияшон муайян кунанд ва қисми нақшаи дигарон, хусусан нафарони бадхоҳ нашаванд.

Дуввум, нафари худшинос ва худогоҳ арзишҳои хешро эҳтиром намуда, арзишҳои нафарони дигарро низ қадрдонӣ мекунад. Ӯ медонад ки ҳаёт, номус, арзишҳо ва ҳуқуқу озодиҳои дигарон барои онҳо муқаддас аст ва онҳоро эҳтиром намудан зарур аст. Дар сурати номувофиқии андешаҳо ва арзишҳо ва эҳтиром нагузоштан бар онҳо ҳадди ақал таҳаммулпазириро пеша месозад. Нафари худшинос ҳамеша кӯшиш бар он мекунад, ки арзишҳои худро чун намунаи хуби инсондӯстӣ, озодихоҳӣ, сулҳофарӣ ва нерӯбахшандагӣ муаррифӣ намояд ва на баръакс чун арзише, ки дар дили дигар мардумон нафрат ва адоватро ба вуҷуд оварда бошад. Аз ин рӯ, нафарони худшинос ва худогоҳ ҳамеша кӯшиш бар он мекунанд то улгӯи хубе барои муаррифии андеша ва арзишҳои худ ба дигарон бошанд.    

Саввум, нафари худшинос ва худогоҳ дар ягон ҳолат амали канора ва ифротӣ содир намекунад. Ӯ аз натиҷа ва паёмади ҳар амале ки анҷом медиҳад огоҳ ҳаст. Нафари худшиносу худогоҳ хубу бад, сиёҳу сафед, хираду ҷаҳолат, савобу гуноҳ, осудагиву парешониро аз ҳамдигар ҷудо карда метавонад ва дар ягон ҳолат тарафи бадӣ пой намегузорад. Танҳо он нафароне пой ба созмонҳои террористӣ ва ифротӣ мегузоранд, ки аз паёмадҳои даҳшатбори амалҳои худ огоҳ нестанд ва ё хубу бадро ҷудо карда наметавонанд. Ҳатто марги нафарони бегуноҳ, занону кӯдакон, вайрону валангор шудани шаҳру рустоҳо ва азобу машаққати мардум онҳоро аз ин роҳашон боздошта наметавонад ва чунин ба назар мерасад, ки онҳо ҳуввияти инсонии худро аз даст додаанд.

Чорум, нафари худшинос ва худогоҳ худро дар зовияи дурусти тааллуқ доштан ба ин ва ё он ҳуввият шинохта, ба ҳар ҷиҳати ҳуввиятии худ эҳсоси масъулият мекунанд. Масалан, худро чун писари хонавода, падари хонавода, намояндаи як миллат ва дин, шаҳрванди як кишвар шинохта масъулияти хешро ба ҳар ҷиҳати ҳуввияти худ дарк мекунанд ва кӯшиш бар он менамоянд, ки масъулиятҳои худро ба хубӣ иҷро намуда, муаррифгари хуби ҷиҳатҳои ҳуввиятии худ бошанд. Чуноне ки мушоҳида мешавад аксари нафарони ба созмонҳои террористӣ шомилмешуда тарки волидайн ва фарзандони худ мекунанд ва онҳоро ба гӯшаи фаромӯшӣ медиҳанд, нисбати миллат ва давлати хеш ягон эҳтироме дар қалб надоранд ва муаррифгари бади ҳуввияти динии худ буда, бо амали даҳшатафкании худ симои ҳаммилтатон ва дини хешро сиёҳ мекунанд.

Панҷум, нафари худшинос ва худогоҳ нақшаву барномарезии хуби зиндагиро доро аст ва ҳамеша дар пайи амалисозии онҳо равона буда, фурсате барои корҳо ва амалҳои беҳуда надорад. Чунин нафарон дониши кофӣ дар мавриди банақшагирии зиндагӣ доранд ва ниёз ба «машваратчиёне» чун тарғибгарони андешаҳои созмонҳои террористию ифротгароӣ надоранд. Дар ягон ҳолат тарғибгарони андешаҳои созмонҳои террористӣ ва ифротгароӣ таваҷҷуҳи ин нафаронро ба худ кашида наметавонанд, зеро чунин нафарон садҳо корҳои муҳими дигаре доранд, назар ба он ки иттилооти манфиатҷӯёнаи созмонҳои террористӣ ва ифротгароиро пайгирӣ намуда бошанд. Онҳо манфиатҳои худро хуб мешиносанд ва дар ягон ҳолат қисми нақшаи дигарон намешаванд.

Дар шароити Тоҷикистон моро зарур аст, ҳарчӣ бештар ба тарбияти худшиносӣ ва худогоҳии насли наврас аҳамият дода бошем. Моро зарур аст, насли ояндаро бо донишҳои муосир шинос намуда, тавонбахшии онҳоро тарзе ба роҳ бимонем, ки дар оянда ҳадафу барномаҳои худро амалӣ намоянд ва тавонанд зарфиятҳои доштаашонро баҳри созандагӣ ва ободии кишвар истифода карда бошанд. Дар шароити имрӯза тарбияти худшиносӣ ва худогоҳӣ яке аз кафолатҳои пешгирии шомилшавии ҷавонон ба созмонҳои мамнӯъшудаи террористию ифротгаро дар кишвар мебошад.         

Солиев Ш. – ассистенти кафедраи
сиёсатшиносии ДДҲБСТ

Читать далее

Иштироки Пешвои миллат Эмомалӣ Раҳмон дар тантанаҳои идонаи Ҷашни Истиқлолияти давлатӣ дар «Наврӯзгоҳ»-и пойтахт

9 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар тантанаҳои бошукуҳи идонаи ҷашни 27-умин солгарди Истиқлолияти давлатӣ, ки дар «Наврӯзгоҳ»-и пойтахт баргузор гардид, иштирок ва суханронӣ карданд.

Дар чорабинии идона шумораи зиёди сокинони пойтахт ва меҳмонони хориҷӣ иштирок намуданд.

Читать далее

Таҷлили 27-умин солгарди Истиқлолияти давлатии Ҷумҳурии Тоҷикистон дар вилояти Суғд

Бегоҳии 8 сентябр дар майдони “Авесто”-и маркази вилоят ба муносибати 27-умин солгарди Истиқлолияти давлатии Ҷумҳурии Тоҷикистон бо иштироки роҳбарияти вилояти Суғд, муовини якуми Сарвазири Ҷумҳурии Тоҷикистон, соҳибкорони бурунмарзии вилояти Суғд, ҳайти меҳмонон аз вилояти Самарқанди Ҷумҳурии Ӯзбекистон, фаъолони шаҳру ноҳияҳои вилоят ва кормандони соҳаҳои гуногун чорабинии калони идона доир шуд.

Раиси вилояти Суғд Раҷаббой Аҳмадзода зимни суханронии худ ҳайати меҳмонон аз вилояти Самарқандро ба сарзамини Суғди бостонӣ хайрамақдам гуфта, сокинони вилоятро ба муносибати 27-умин солгарди Истиқлолияти давлатии Ҷумҳурии Тоҷикистон табрик намуд.

Читать далее

Маросими гулчанбаргузорӣ бар пояи муҷассамаи Шоҳ Исмоили Сомонӣ

8 сентябри соли равон ҳокими вилояти Самарқанди Ҷумҳурии Ӯзбекистон Эркинҷон Турдимов дар доираи сафари кории худ ба вилояти Суғд ҳамчун рамзи эҳтиром бар пояи муҷассамаи Шоҳ Исмоили Сомонӣ гулчанбар гузошт.

Дар маросими гулчанбаргузорӣ ҳайати меҳмононро Раиси вилояти Суғд Раҷаббой Аҳмадзода ва дигар шахсони расмӣ ҳамроҳӣ намуданд.

Читать далее

Намоиши молу маҳсулоти корхонаҳои истеҳсолии вилоятҳои Суғду Самарқанд дар Хуҷанд

8 сентябри соли 2018 дар доираи Рӯзҳои вилояти Самарқанди Ҷумҳурии Ӯзбекистон дар вилояти Суғд дар Қасри варзиши маркази вилоят - шаҳри Хуҷанд намоиши молу маҳсулоти корхонаҳои истеҳсолии вилоятҳои Суғду Самарқанд доир шуд.

Дар маросими ифтитоҳии намоишгоҳ Раиси вилояти Суғд Раҷаббой Аҳмадзода, Сафири Фақулода ва Мухтори Ҷумҳурии Тоҷикистон дар Ҷумҳурии Ӯзбекистон Содиқ Имомӣ, ҳокими вилояти Самарқанд Эркинҷон Турдимов ва дигар шахсони расмӣ иштирок намуданд.

Читать далее

Мулоқоти Раиси вилояти Суғд Раҷаббой Аҳмадзода бо ҳокими вилояти Самарқанди Ҷумҳурии Ӯзбекистон Эркинҷон Турдимов

8 сентябри соли равон Раиси вилояти Суғд Раҷаббой Аҳмадзода ҳокими вилояти Самарқанди Ҷумҳурии Ӯзбекистон Эркинҷон Турдимовро, ки бо мақсади иштирок дар Рӯзҳои вилояти Самарқанд ба вилояти Суғд ташриф овард, ба ҳузур пазируфт.

Зимни суҳбат ҷонибҳо аз талошҳои сарони давлатҳо - Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ҷиҳати барқарорсозӣ ва густариши муносибатҳо ёдовар шуда, баимзорасии Аҳднома оид ба шарикии стратегӣ байни Ҷумҳурии Тоҷикистон ва Ҷумҳурии Ӯзбекистонро ҳодисаи фараҳбахш барои мардумони тоҷику ӯзбек арзёбӣ карданд.

Читать далее