September 2018

21 September 2018

Вокуниш ба суханронии Нуриддин Ризоӣ дар нишасти САҲА

Чунон ки маълум аст, ҳар нафаре, ки бо пули ҳаром фарзанд бавоя мерасонад, ҳатман фарзанди касоф ва хоини миллат мешавад.

Читать далее

Занталоқи Кабирӣ ва паёмадҳои он ба мардуми Аврупо ва Осиё (Видео)

10 сентябри моҳи равон дар шаҳри Варшава нишасти САҲА оғоз гардид,ки дар он Абдураҳим Каримов, мутахаллис бо “Мулло Абдураҳим”, собиқ муовини раиси Ҳизби наҳзати исломӣ ҳузур дошт. Дар зер мусоҳибаи хабарнигори “Тоҷикистон”-ро бо ӯ мутолиа намоед...

Читать далее

Вазири мудофиаи Ҷумҳурии Ӯзбекистон Абдусалом Азизов ба вилояти Суғд ташриф овард

Субҳи имрӯз Вазири мудофиаи Ҷумҳурии Ӯзбекистон Абдусалом Азизов ва ҳайати ҳамроҳонаш бо сафари корӣ ба вилояти Суғд ташриф оварданд.

Вазири мудофиаи Ҷумҳурии Ӯзбекистон ва ҳамроҳонашро дар гузаргоҳи сарҳадии "Фотеҳобод" -и ноҳияи Мастчоҳ Раиси вилояти Суғд Раҷаббой Аҳмадзода ва дигар шахсони расмӣ истиқбол гирифтанд.

Читать далее

Маҳаки ростини садоқат чиро бозгӯй аст?

Ҳанӯз дуди ҳасрати ҷанги шаҳрвандии Тоҷикистон пароканда нашуда, сар боло кардани тарафдорони ҳизби террористии наҳзати исломӣ оташи андакро ба хотир меорад. Вокуниш надодан ба ин дасисаҳои сиёсӣ як навъ бетарафӣ мебошад. Аз ин хотир, ба даст гирифтани ҷилави ҳушёрии сиёсӣ рисолати ҳар як зиёии мамлакат аст.

Тибқи қонунгузориҳои мавҷуда, ташкилотҳои динӣ аз давлат ҷудо буда, ба корҳои давлатӣ дахолат карда наметавонанд. Ин маънои онро дорад, ки дар Тоҷикистон ҳамчун давлати дунявӣ, муассисаҳои динӣ имконият надоранд, ки ба мақомоти давлатӣ таъсир расонанд. Шаҳрвандон дар интихоби дин озоданд, аммо то кадом андоза аз ин озодӣ истифода мекунанд, бешак, ба сатҳи фарҳанги сиёсии онҳо вобастагӣ дорад.

Барои мо такмили фарҳанги сиёсӣ дар ҷомеаи Тоҷикистон басо муҳим аст. Бояд ба мардум ёрӣ расонид, то арзиши ҳуқуқи инсон, фарҳанги ҳуқуқ ва таҳаммулро бубинанд, бо ин роҳ мақоми иҷтимоии худро бифаҳманд, муноқиша ва низоъҳоро тавассути роҳҳои ҳуқуқӣ ва ба таври осоишта ҳал карда тавонанд.

Ҳамаи ин мардумро бар зидди ифротгароӣ хуб тайёр мекунад. Аз ин хотир, дар муассисаҳои таҳсилоти олии касбӣ ба ҷараёни корҳои тарбиявӣ эътибори хоса дода мешавад. Чунки тарбия падидаи иҷтимоӣ, фарҳангӣ, психологӣ ва педагогӣ буда, барои танзими ҳаёти инсон ва пешрафти ҷамъият хизмат менамояд. Эътимод ба Ватан бояд тарбия дода шавад. Даргириҳои сиёсии кишвар дар солҳои 90 - уми асри гузашта бори дигар аҳамияти эътимод ба Ватанро собит сохтанд.

Маҳз пойдории ваҳдат ба халқи мо бахту саодат овард, мамлакатро тинҷу осуда, мардумро хурраму хушрӯзгор сохт. Ҳоло Ҷумҳурии Тоҷикистонро дар арсаи байналмилалӣ дар самти мубориза бар зидди зуҳуроти терроризм ва экстремизм чун як иштирокчии фаъол мешиносанд ва арзёбӣ мекунанд. Дар Донишкадаи кӯҳӣ - металлургии Тоҷикистон бобати зоҳир кардани таваҷҷуҳ ба масъалаи баланд бардоштани ҳисси худшиносии миллӣ, ватандӯстӣ, ифтихори ватандорӣ ва дар рӯҳияи инсонпарварӣ тарбия намудани насли наврас ва пешгирии ҳуҷумҳои иттилоотии ТТЭ ҲНИ ва дигар ташкилотҳои манъшуда дар давоми соли хониш аз ҷониби гурӯҳи иттилоотӣ ва омӯзгорону кормандон тавассути шабакаи интернет пайваста мақолаю вокуниш ва изҳорот паҳн гардид.

Баҳри ҷоннок гардонидани фаъолияти донишҷӯён дар корҳои таблиғотӣ, ташаккули маърифати сиёсӣ ва ҳуқуқии онҳо аз ҳисоби донишҷӯёни боистеъдод низ гурӯҳҳои таблиғотӣ таъсис дода шуданд. Инчунин, тибқи нақша якчанд маротиба вохӯрии кормандони мақомоти ҳифзи ҳуқуқ бо омӯзгорону донишҷӯён гузаронида шуд. Бо мақсади пешгирии омилҳои бегонагароӣ ва хурофотпарастӣ байни донишҷӯён шуъбаи тарбияи донишкада мунтазам чорабиниҳои маърифатию зеҳнӣ, фарҳангию фароғатиро таҳти унвони «Мероси ниёгонро ҳифз менамоем» роҳандозӣ намудааст.

Ҳамзамон, оид ба пешгирии ғояҳои ифротӣ, ҳифзи арзиши миллӣ ва бахшида ба «Соли рушди сайёҳӣ ва ҳунарҳои мардумӣ» намоиши «Ҳунарҳои халқиро эҳё менамоем!» доим амал мекунад. Дар остонаи 30 - солагии Истиқлолияти давлатии Тоҷикистон моро зарур аст, ки фирефтаи дасисаҳои сиёсӣ нашуда, баҳри ободии Ватани азизи худ саъйу кӯшиш намоем. Ба шарофати илму амали созандаи худ дар пойдории истиқлолияти кишвар хиште гузорем.

Мухтор ФОЗИЛЗОДА,
ректори Донишкадаи кӯҳӣ-металлургии Тоҷикистон
дар шаҳри Бӯстон

Читать далее

Китоби нав - Фурӯғи нақд

«Фурӯғи нақд» китоби тозанашри адабиётшинос Субҳони Аъзамзод аст, ки тариқи матбааи «Меъроҷ»-и шаҳри Хуҷанд дастраси хонандагон гардид.

Асари мазкур нигоҳе ба шахсият ва фаъолияти илмии доктори илмҳои филология, профессор Матлубаи Мирзоюнус мебошад. Чунон ки дар дебочаи китоб қайд шудааст, маҷмӯаи мазкур «ҳосили назар, тааммул ва тааммуқи қариб бистсолаи муаллиф дар маърифат ва шинохти рӯзгори пурбор ва пайкори босамари паҷӯҳишии бонуи адабиётшинос, мунаққиди номвар, доктори илмҳои филологӣ, профессор Матлубаи Мирзоюнус» мебошад.

Муаллифи асар зиндагӣ ва осори адабиётшиноси номварро дар бахшҳои «Шафақи афрӯхта», «Нигоҳе ба марҳалаҳои паҷӯҳиши илмӣ», «Нигоҳи муҳаққиқона ба шеъри бонувон», «Нигоҳе ба Шукуфаи андӯҳ», «Дар нақди адаби муосир» баррасӣ намудааст.

Баҳогузорӣ ба асарҳои сисилаи «Хубони порсигӯ», ки китобҳои «Сиришке дар лола» оид ба зиндагӣ ва ашъори Робияи Балхӣ, «Шукуфаи андӯҳ» дар заминаи зиндагинома ва ашъори шоираи эронӣ Фурӯғи Фаррухзод, «Шамъи тироз» оид ба рӯзгору ҳунари шоирии Маҳасти Хуҷандӣ, ва «ҳамзоди тӯфон» дар шинохти рӯзгор ва осори Гулрухсор Сафиеваро дар бар мегирад нуктасанҷонаву ҳунармандона сурат гирифтааст. Субҳони Аъзамзод зимни омӯзиши ин асарҳо ба натиҷа мерасад, ки ««Хубони порсигӯ» нигоҳи ҷиддиву муҳаққиқона ба рӯзгору ашъори занон аст, ки ҳадафи асосии он таъйини арзиши ҳунарии осор ва нуфузи занони шоир дар таърихи шеъри форсӣ- тоҷикӣ мебошад».

Нигоҳи адабиётшинос ба марҳалаҳои паҷӯҳиши илмии профессор Матлубаи Мирзоюнус нақди «Шукуфаи арндӯҳ», ки зиндагӣ ва осори Фуруғи Фаррухзодро ҳаллу фасл намудааст, дар пояи баланди илмӣ сурат гирифтааст. Бунёди илмиву назарӣ ва таърихии китоби «Адабиёти миллӣ ва муколамаи фарҳангҳо» дар мақолаи «Дар нақди асари муосир» бозгӯ шуда, натиҷагириҳои мунаққид мӯшикофона ҷараён гирифтаанд. Аъзамзод таъкид мекунад, ки «ин асар намунаи пурарзиши нақди адабиёти муосир ва осори арзишманди адабиёти ҷаҳон аст, ки заҳмати фаровон дар таълифи он ба харҷ рафтааст ва дар шинохти адабиёти асили миллӣ, чеҳраҳои маъруфи адабӣ, таҳкими пояҳои илмии адабиётшиносӣ ва рушди нақди адабии тоҷик» иқдоми шоиста мебошад.

Китоби «Фурӯғӣ нақд» раҳнамои хубест дар шинохти зиндагӣ ва осори адабиётшиноси номвар Матлубаи Мирзоюнус.

Сурайё ҲАКИМОВА,
«Ҳақиқати Суғд» 

Читать далее

ИШТИРОК ДАР ҲАМОИШ ЧӢ МЕДИҲАД? ПУЛ, МОЛ ВА Ё “ОЧКО”!

10-уми сентябри соли равон дар шаҳри Варшава ҳамоиши навбатии САҲА ба кори худ шуруъ кард, ки ба раванди сиёсии ҷомеаи мо таъсир худро мерасонад. Зеро Тоҷикистон ҳамчун аъзои комилҳуқуқи ҷомеаи ҷаҳонӣ ва САҲА дар ҳамоиши мазкур иштирок намуд. Аммо дар қатори аъзоёни давлатҳои созмон боз ҳизбу созмонҳои мухолиф ва шахсони ба ном “активист” ширкат варзида, барои онҳо курсӣ ва баландгӯяк муҳайё намуданд, ки аз сиёсати “дугонаи САҲА” дарак медиҳад.

САҲА дар қатори ҳукумати Тоҷикистон боз намояндагони ТТЭ ҲНИ ва ҳизбу созмонҳои дигари ифротӣ ва мухолифи давлати моро ба созмон расман даъват намуд. Дар баромади худ раиси ТТЭ ҲНИ Муҳиддин Кабирӣ ва командаи “ифротии” ӯ фақат давлати моро назди ҷомеаи ҷаҳонӣ сияҳ карда, бо ин амал барои худ “очко” гирифтанд. 

 Баъди суханронии Муҳиддини хоин, раиси ба ном Ассотсиатсияи муҳоҷирони Осиёи Марказӣ Илҳом Ёқубов зери унвони “Озодӣ ва ошкорбаёнӣ” ба сухан баромада, гӯё аз набудани озодӣ ба сухан, андеша, ВАО ва дастрасӣ ба иттилоот дар муддати 5 дақиқа изҳори андеша намуд.  Суханронии ӯ саршор дурӯғ буда, худро ҳамчун “эксперт” вонамуд мекард. Лек ӯ “эксперт” набуда, “тӯтӣ” ва ё ба истилоҳ “попугай” аст.

Маълум шуд, ки худи ӯ баромадашро тайёр накардаасту бар ивази чанд тангаи “ҳаром” мисли “тӯтӣ” гап мезанад. Худаш ҳам сарфаҳм намеравад, ки чӣ мегӯяд. Баъди анҷоми ҳамоиши САҲА хоҷагони Илҳом барои ӯ “тӯҳфаҳои хотиравӣ” тайёр намудаанд ва ин “сюрприз” аз ҷасорат ва корнамоиҳои Илҳоми хоин вобастагии калон дорад. Илҳоми ватанфурӯш маҷбур шуда истодааст, ки тамоми маҳорати худро истифода бурда, чашми меҳмонон ва иштирокчиёни ҳамоиш Тоҷикистонро сияҳ нишон диҳад ва аз ин қабат-қабат гӯшт гирад.

Лек ин ҳама меҳнати хирсонаи ӯ барбод аст. Имрӯз Илҳому Кабирӣ дар ҳарами хоҷагони худ қарор доранд ва баъди чанд вақт аз ҳарами онҳо ронда мешаванду хору зор дар кӯчаҳои Аврупову Амрико мисли “бомҷ” зиндагӣ мекунанд. Дар ҳамон вақт аз кардаҳои худ пушаймон мешаванд, вале пушаймонӣ надорад оқибат суд.

Ш.Солиев,
 ассистенти кафедраи сиёсатшиносии
Донишгоҳи давлатии бизнес ва
сиёсати Тоҷикистон

Читать далее

Моро гумроҳ карда наметавонед

Оре, имрӯзҳо Кабирии лаъини беватан, зархариди хориҷиён аз амалҳои кардааш шарм надошта, боз садо баланд мекунад. Туи  лаъинро мардуми шарифи Тоҷикистон ҳаргиз нахоҳанд бахшид. Мо - ҷавонони кишвари соҳибистиқлол дар шароити хеле мусоид ба кору таҳсил фаро гирифтаему ва пайваста аз Пешвои худ ифтихор дорем.

Инчунин, аз дастовардҳои замони соҳибистиқлолӣ ҳамеша меболем ва шукргузор аз он ҳастем, ки имрӯз дар фазои орому  осуда умр ба сар мебарем. Таъсиси созмони нав, ки зери роҳбарии Кабирии разил ба роҳ монда шуд, бори дигар аз хиёнатҳои навбатии наҳзат ва хоҷагонаш шаҳодат медиҳад.

Шумо - хоинони миллат  ва зархаридони хоҷагони хориҷӣ бо таъсис додани ҳазорон анҷуману ҳизбу созмони ифротиатон моро гумроҳ карда наметавонед, зеро мо кайҳо роҳи худро интихоб кардем!

Наимҷон Холов,
сокини шаҳри Бӯстон

Читать далее

НАҲЗАТИҲО ДАР ҶУСТУҶӮИ ДЕМОКРАТИЯИ ҒАРБӢ ВА ИНТИХОБОТИ ШАРҚӢ

Ҳамон наҳзатиҳо, ки дар вақташ тамоми қонунҳои мавҷударо зери по карда, бенизомӣ, бесарусомонӣ, ҷангу ҷидол, террорро роҳандозӣ намуда, куштори ходимони миллатро бо нишондоди хоҷагони хориҷиашон амалӣ гардонида буданд, имрӯз ба кишварҳои Fарбу Шарқ фирор карда, тавассути воситаҳои ахбори омма дар бораи маҳдуд будани демократия ва озодии баёну афкор дар Ҷумҳурии Тоҷикистон ҷор мезананд.  

Боқимондагони фирории ТТЭ  ҲНИ!!!  Як бор даст ба сари сина гузошта (агар тавонед) эътироф кунед, баъди ба имзо расидани созишномаи сулҳ ҳокимияти конститутсионии Ҷумҳурии Тоҷикистон 30 фоизи вазифаҳои масъули давлатиро (мувофиқи шартнома), аз муовини аввали сарвазири мамлакат то сарварии вазорату кумитаҳоро ба ихтиёри ба ном қувваҳои оппозитсионӣ вогузор намуд, ки аксарияташон аъзои ТТЭ  ҲНИ буданд. Нашрияҳои сершумор, аз ҷумла нашрияи ҳизбӣ рӯи чоп омаданд, яъне демократикунонии васеи ҷомеа сурат гирифт. Лекин худ тақозо кунед, кадоме аз онҳо аз сидқи дил, ҳалолкорона ба миллату Ватани худ хизмат карданд? Тамоми  тоҷикистониён хуб медонанд ҳоҷӣ ҳалим Назарзода, Эшони Қиёмидини Ғозӣ, Муҳиддин Кабирӣ, Илҳом Ёқубов ва нашрияи онҳо «Наҷот» чӣ «хизматҳои хирсонае” барои миллат карданд.

Дуруст аст, ки дастрасӣ ба иттилоот асоси озодии инсонӣ ба ҳисоб меравад, лекин агар моҷароҷӯёна, таҳрифкорона, таҳлукаангез, иғвогарона бошад, дар тамоми кишварҳои дунё  маҳкум ва маҳдуд карда мешавад. Дар кишварҳои ба ном демократии Ғарб, агар ягон воситаи ахбор ё рӯзноманигор дар ҳаққи давлаташ бадгӯӣ карда, бар зарари давлат ахборот паҳн намояд чӣ кор мекунанд?  ҳатман онҳо маҳдуд ва маҳкум карда мешаванд. Шумоён дар Мюнхену Варшава қарор дошта, дар ҳаққи Ватан буҳтонҳоро паҳн мекунед, ҳатто бо намояндагони давлат даст ба гиребон шуда, даъвои демократикунонии кишварро доред.

Шумо даъво мекунед, ки  дар Тоҷикистон озодии сухан маҳдуд аст, рӯзноманигорон маҳорати касбии худро такмил намедиҳанд, танқид  таъқиб карда мешавад. Хайрулло Мирсаидов гунаҳкор нест, шабакаи давлатии Ховар ҳамаи воситаҳои ахборро назорат мекунад. Сайфуллозодаи бегуноҳ дар маҳбас аст ва ниҳоят гӯё халқ аз ин ноқисиҳо ба хашму ғазаб омадааст. Ин ҳама гуфторҳо ягон асос ё навигарӣ надорад, чунин ақидаҳо буҳтони маҳз буда, аз тарафи ба ном «таҳлилгарони сиёсӣ» аз қабили Панфиловҳо, Князевҳо коркард гардида, бо супориши хоҷагони ғарбию шарқии наҳзатиён, ки онҳоро таъмин намуда истодаанд, паҳн карда мешавад. 

Ҷанобони наҳзатӣ,  ки  зери парчами Ислом амал мекунед, як бор «астағфируллоҳ» гӯед, ба зодгоҳатон бо чашмони кӯдакиву наврасиатон нигоҳ кунед. Агар аз Ватани худ даст кашида бошед, ҷои гап ҳам нест. Зеро шумобаринҳо мазҳабатонро дигар намуда, ҳуввият, муҳаббату  садоқати худро нисбат ба Ватану миллат гум кардаед?!

Давоми соли равон, таҷлили ҷашнҳои милливу давлатӣ ва сафарҳои нишон дод, ки халқи тоҷик дар тамоми гӯшаву канори мамлакат аз дастовардҳо ифтихор доранд, дар атрофи ғояи сулҳу ваҳдат ва истиқлолияти комили сиёсиву иқтисодӣ сарҷамъ ҳастанд.

С.Муртазоев,
дотсенти Донишгоҳи давлатии ҳуқуқ,
бизнес ва сиёсати Тоҷикистон

Читать далее

АЗ ГУРӮҲҲОИ ИФРОТӢ БИПАРҲЕЗЕД!

Кӣ намехоҳад дар ҷомеае зиндагӣ кунад, ки хушбахтии ҳар инсон боиси хушбахтии дигарон шавад ва ҳама бо ҳам дар сулҳу салоҳ умр ба сар баранд? Албатта, ҳама мехоҳанд, аммо дар асл на ҳама вақт чунин мешавад, зеро одамон бо хислатҳои худ аз ҳамдигар фарқ мекунанд. Ба хотири пулу моли зиёд ба доми мардуми гумроҳу бегона афтида, ақлашонро бой медиҳанд. Ба қадри сулҳу оромӣ нарасида, ба хотири маблағи бедардимиён ба роҳҳои бад қадам мениҳанд. Зоҳиран дӯстнамову ботинан бадандешӣ карда, дар як лаҳза фикри худро дигар мекунанд. Ин гуна разилону бадхоҳон дар тан ҷомаи дӯстӣ доранду дар дил кинаву адоват мепарваранд.

Ҳар рӯз дар ҷаҳон ҳаводисе рух медиҳанд, ки дунёро ба ларза меоваранд. Дар ҳар манотиқ нотинҷиву ноамниро мушоҳида кардан мумкин аст. Наход инсон дар ватани худ ба камол расаду баъдан фирор карда, ба он хиёнат намояд? Интихоби дурусти зиндагӣ на ба ҳама муяссар мегардад.

Моро рӯз аз рӯз воҳима мегирад, ки дар оянда чӣ гуна зиндагӣ хоҳем кард. Дунёро олами терроризму экстремизм фаро гирифта истодааст. Ин ҳама аз дасти нохалафону ватанфурӯшон сарчашма мегирад. Наход ба қадри зиндагии дурӯзае, ки Худованд бароямон ҳадя кардааст, нарасем?

Гурӯҳҳои ифротӣ аз номи дини мубини Ислом баромад намуда, номи мусулмононро дар олам доғдор карда истодаанд. Пастфитратоне ба мисли Кабириву ҳаммаслаконаш ба ризқи мардуми бегуноҳ зомин мешаванд. Ба хотири «маблағҳои ночиз» худфурӯшӣ карда истодаанд. Фикр намекунанд, ки бо ин кору амали ношоистаи худ ба ояндаи ҷавонон хати батлон кашида, рӯзи онҳоро сиёҳ месозанд. Инчунин, шарм накарда, дар конфронсҳои сатҳи ҷаҳонӣ гӯё «фахр» карда, иштирок мекунанд. Шарм дор, Кабирии сағира, ҳайфи номат, ки даюс ҳастиву ватанфурӯш. Туро бо ин амалҳоят ҷазоҳои сахт интизор аст. Рӯзе мешавад, ки мардуми тоҷик аз ту лаъини номард қасоси худро хоҳанд гирифт.

Бахтиёр Усмонзода,
Ҳилола Ҳасанзода,
устодони Коллеҷи
тиббии шаҳри Хуҷанд

Читать далее

Бори каҷи наҳзат ба манзил намерасад

(Изҳорот перомуни суханрониҳои мухолифини тоҷик

дар ҳамоиши Варшава)

Вақтҳои охир сару садоҳои роҳбарият ва намояндагони ТТЭ ҲНИ нисбати бадном кардани номи миллати тоҷик дар арсаи ҷаҳонӣ зиёд ба гӯш мерасад. Вақте нафаре берун аз кишвар номи ин сарзаминро паст мезанад, ин қадрношинос будани ӯро нисбат ба арзишҳои миллӣ ва давлатӣ нишон медиҳад.

Тоҷикистон як маротиба меваи талхи ҷанги шаҳрвандиро чашид ва дар натиҷа талафоти бузурги моливу ҷонӣ дод. Намояндагон ва хосатан роҳбарони ҳизби наҳзати исломӣ ин хатои худро фаҳмиданд ва баъдан “қавл” дода буданд, ки ба чунин амалҳои нангин даст намезананд.

Аммо имрӯз боз мебинем, ки Муҳиддин Кабирӣ ва дигар шогирдони ӯ, махсусан Илҳом Ёқубов, Шарофиддин Гадоев, Алим Шерзамонов, Темур Варқӣ дар Аврупо истода, миллати тоҷик ва давлати Тоҷикистонро бадном мекунанд. Чунин рафтори намояндагони ҳизби наҳзат дар шароити имрӯза бар зидди манфиатҳои кишвар буда, нишони ноҷавонмардӣ ва беэҳтиромӣ нисбати мардум аст.

Агар онҳо дар ҳақиқат мақсади ободиву пешравиро хоҳанд, марҳамат ба Тоҷикистон омада, ватандӯстии худро бо кору пайкорашон нишон диҳанд. Хушбахтона, ҳукумати Ҷумҳурии Тоҷикистон имрӯз шахсонеро, ки ба гурӯҳҳои ҷиноятӣ шомил буданду баъди пушаймон шудан аз кирдорҳои содиркарда ба Ватан баргашта истодаанд, гуноҳи онҳоро авф менамояд. Ин ҳам як имконият ва шонс барои онҳое, ки мақсади ба Ватан хизмат кардан доранд.

Шӯҳрат Саидзода,
дотсенти Донишгоҳи давлатии ҳуқуқ,
бизнес ва сиёсати Тоҷикистон

Читать далее