September 2018

14 September 2018

Терроризм – хатар ба амнияти сайёра

Яке аз мушкилиҳое, ки имрӯз тамоми ҷомеаи муосирро фаро гирифтав аст,  терроризму мебошад. Терроризм амале мебошад, ки аз ҷониби шахси алоҳида, ташкилот ва ё гурӯҳи одамон, барои расидан ба ҳадафҳояшон анҷом дода мешавад.

Давоми даҳсолаҳои охир ва махсусан, дар нимаи дуюми асри ҶҶ терроризм мавриди таваҷҷуҳи ҳаматарафаи олимон ва сиёсатмадорон қарор гирифт. Хусусан аз ҷониби коршиносони мамлакатҳои Ғарб омӯзиши ин падидаи номатлуб дар мадди аввал гузошта шуд. Шояд суоле ба миён ояд, ки барои чӣ ба омӯзиши ин масъала маҳз дар ҳамин давра таваҷҷуҳ зоҳир карда шуд, дар ҳоле ки таърих исбот мекунад, ки дар ҳама давру замон содиршавии терроризм  вуҷуд дошт: ҳарчанд дар нимаи дуюми асри ХХ терроризм  ба проблемаи глобалии ҷаҳонӣ табдил ёфт.

Барои ба ҳадафҳои  сиёсӣ расидан аксар ташкилотҳои экстремистӣ ба эътиқоди динии одамон таъсир расонида, мардумро боваркунониданӣ мешаванд, ки сиёсати давлатдорӣ бар зидди ақидаҳои динии онҳост. Маҳз бо ин роҳу восита мехоҳанд, дини мубини Исломро барои ба ҳадафҳои нопоки худ ноил шудан истифода баранд. 

Мавриди ҳадафи ба ифротгароӣ ҷалб намудани ин гурӯҳҳо дар ин ё он минтақа асосан ҷавонон мебошанд. Аз ин рӯ, ҷавононро мебояд, ки зиракии сиёсиро аз даст надода, сабабу авомили бурузи афкори терроризмро биёмӯзанд ва барои дафъи он кӯшиш кунанд, то сулҳ, ваҳдат ва амнияти кишвар ҳифз  гардад.

Имрӯз терроризм ва экстремизм ҳамчун вабои аср ба амнияти  ҷаҳонва ба ҳар як сокини сайёра таҳдид  карда, барои башарият хатари на камтар аз силоҳи ядроиро ба миён оварда аст. Ифротгароӣ ва терроризм дин, мазҳаб ва миллат надорад ва бо ин зуҳуроти нангин омехта кардани Ислом кори нодуруст аст  ва набояд фирефтаи он гашт.

Парвина Холикова,
омӯзгори Коллеҷи тиббии шаҳри Хуҷанд

Читать далее

САҲА БО ДАСТГИРИИ ҲНИ ЭЪТИБОРИ СИЁСИИ ХЕШРО АЗ ДАСТ МЕДИҲАД

Бар асоси матолиби ахиран дар васоити ахбори умум интишорёфта маълум гардид, ки 9-21 сентябри соли ҷорӣ Созмони амният ва ҳамкорӣ дар Аврупо нияти онро дорад, ки дар Варшава конфронси солонаро таҳти унвони «Оид ба чораҳои татбиқшуда дар самти андозагирии инсонӣ» баргузор намуда, бори дигар дар он аъзои ташкилоти террористию экстремистии Ҳизби наҳзати исломӣ (ТТЭ ҲНИ), ки Суди Олии Ҷумҳурии Тоҷикистон фаъолияти онро манъ намудаву он аз ҷониби кишварҳои зиёди олам ва сиёсатмадорони сатҳи ҷаҳонӣ ҳамчун ташкилоти экстремистӣ эътироф гардидааст, бо даъвати САҲА ширкат намоянд.

Таҷрибаи баргузории чунин конфронсҳо нишон дод, ки аслан САҲА новобаста аз ин, ки қисмате аз кишварҳои узви он(бино ба маълумоти расмӣ 13 кишвари узви он ва сохторҳои дигари сиёсӣ ва ҳифзи ҳуқуқи байналмилалӣ (СМЗТ СҲШ, МЗТ ИДМ, СААД, Интерпол),ки созмони террористӣ будани ҲНИ- ро эътироф намудаанд, ҳамоно, мехоҳад барои роҳбари ҲНИ  М.Кабирӣ ва дигар ҷонибдорони он минбар бидиҳад, то боз ҳам кишвари худро тавассути истифода аз минбаи САҲА бадном кунанд. Таҳлили афкор ва андешаҳои роҳбарони сиёсии аксари кишварҳои узви созмонҳои бонуфузи ҷаҳонӣ, давлат ва кишварҳои мухталиф, ки ҲНИ-ро чун ташкилоти террористӣ эътироф мекунанд,  рӯз ба рӯз меафзояд ва ахиран сомонаи расмии АМИТ “Ховар” аз пайвастани кишварҳои Озарбойҷон, Молдова, Туркманистон ба ин феҳрист  хабар дода, ҳамзамон аз шарҳу тафсири суханронии Вазири корҳои хориҷии Ҳиндустон, (узви СҲШ) Мубашар Ҷовид Акбарро дигарбора ёдовар шуд, ки дар он мавқеи худи Ҳиндустон дар эътирофи ҲНИ – ҳамчун ташкилоти террористӣ ва экстремистӣ мушаххас гардидааст.

Баргузории конфронси байналмилалӣ дар кишвари Миср таҳти унвони «Миср ва Тоҷикистон дар мубориза бар зидди ташкилотҳои террористӣ. Таҳқиқи муфассали фаъолияти «Ихвон-ул-муслимин» ва ташкилоти террористию экстремистии Ҳизби наҳзати исломӣ» , ки мавқеъ ва мақоми ин давлатро дар қатори дигар давлатҳо нисбат ба ТЭТ ҲНИ муайян кардааст, бори дигар нишон медиҳад, ки ба асоси таҳлилҳои амиқ имрӯз пайваста сафи кишварҳои олам, ки алайҳи экстремизм ва терроризм дар ҳоли мубориза буда, фаъолиятҳои тахрибкоронаи ҲНИ-ро маҳкум мекунанд, меафзояд. Таҳқиқи ҳодисаҳои террористии ахиран анҷомёфта дар Тоҷикистон, ки яке аз онҳо санаи 29 июли соли равон нисбати сайёҳони хориҷӣ сурат гирифт, мушаххас намуд, ки дар он аъзои ҲНИ низ даст доранд. Ба мақомоти Тоҷикистон муяссар шуд, ки дар  фосилаи кутоҳ асрори ин ҷинояти нангинро фош намуда, ба ҷомеаи ҷаҳонӣ чеҳраи аслии роҳбарият ва аъзои ҲНИ-ро нишон диҳад. Дар баробари ин, давоми як соли охир тариқи шабакаҳои телевизионӣ ва воситаҳои ахбори электронӣ филмҳои ҳуҷҷатии «Решаҳои ноаён», «Теракт-1996», «Садоқати разолатпуш», «Хиёнаткор Абу Усома Норакӣ-узви фаъоли ТТЭ ҲНИ», «Бозгашт аз ҷаҳаннам» ва монанди ин нишон дода шуданд, ки ҳамагӣ аз кирдорҳои ширкаткунандагон ва шоҳидони ҳодисаҳои террористӣ ва нақшаву ниятҳои ТТЭ ҲНИ ҳикоят намуда, чеҳраҳои аслии ононро барои мардуми тоҷик равшану ошкор сохтанд. Ҳатто худи аъзои ТТЭ ҲНИ бо баён изҳори пушаймонӣ ба тамоми ҷомеаи кишвар муроҷиат намуданд, ки ҳушёрии сиёсиро аз даст надода, шукронаи истиқлолият ва давлати ободу осоиштаи хеш намояд.   Таҳлили ин ҳама рӯйдодҳо, баёноти шоҳидони ҳол, ки имрӯз садои онҳоро тамоми ҷомеаи ҷаҳонӣ шунид, андешаеро ба зуҳур мерасонад, ки Созмони амният ва ҳамкорӣ дар Аврупо- ниҳоде, ки дар номаш амнияти ҷомеаи башарӣ ҷой гирифтааст, ҳамаи инро дидаву дониста чаро аз ҲНИ пуштибонӣ карда, барои онҳо минбар медиҳад, то ҳар чӣ бихоҳанд, нисбати Ватану миллати хеш бигӯяд.

Ҳол он ки яке аз ҳадафҳои чунин созмонҳои бонуфузи ҷаҳонӣ бояд пеш аз ҳама мубориза ба экстремизм ва терроризм бошад. Ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд.Идомаи минбаъдаи ин ҳолат метавонад боиси амиқ гардидани таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои гуногуни олам гардад. Ҳатто муқаррар гардидааст, ки давоми соли гузашта ҷуғрофиёи экстремизм ва терроризм беш аз 100 кишвари ҷаҳонро фаро гирифтааст. Вобаста ба ин, конфронси бонуфузи байналмилалӣ таҳти унвони «Муқовимат бо терроризм ва ифротгароии хушунатомез» моҳи майи соли равон бо иштироки зиёда аз 400 нафар аз 48 кишвар ва 31 ташкилоти байналхалқию  минтақавӣ, аз ҷумла намояндагони САҲА дар шаҳри Душанбе  баргузор гардид, ки дар он ба мавқеи кишвари мо ҳамчун пуштибони ҳамагуна муқовиматҳо алайҳи терроризм ва экстремизм баҳои баланд дода шуд. Ин ҷо суоле пайдо мешавад, ки сабаби доман паҳн кардани хатарҳои экстремизм ва терроризм дар ҷаҳони муосир дар чӣ аст. Ба андешаи мо, вазифаи ҷонии чунин созмонҳои сатҳи байналмиллалӣ боло бурдани шиддати муқовимат бо чунин зуҳуроти номатлуб ва муаммоҳои ҷаҳонӣ, аз ҷумла экстремизм ва терроризм аст, на дастгирӣ ва пешниҳоди шароит барои ташкилотҳое мисли ҲНИ ҳамчун созмонҳои экстремистӣ ва террористӣ эътирофгардида. Бо сабаби дастгирӣ ва роҳ кушодан ба ташкилотҳое чун ҲНИ имрӯз САҲА дар ҳақиқат мавқеи хешро дар аксари кишварҳои минтақа ва ҷаҳон аз даст медиҳад, ки далели равшани он баста шудани намояндагиҳояш дар кишварҳои Россия, Беларус, Озарбойҷон ва дигар ҷумҳуриҳои ИДМ маҳсуб меёбад.

Чунин роҳкушоиҳо ва мусоидаткарданҳо ҳатто омил бар он гардид, ки роҳбарияти кишварҳои мазкур дигар зарурати фаъолияти намояндагии чунин созмони бонуфузи ҷаҳониро дар ҳудуди давлати хеш намебинанд. Ин воқеият бояд барои САҲА бисёр таассуфовар ва дарднок бошад, чунки марҳила ба марҳила мақом ва мавқеи сиёсии хешро на танҳо дар минтақа, балки ҷаҳон аз даст медиҳад. Агар ин маротиба ҳам иштибоҳоти қаблии хешро такрор намудаву новобаста аз маҷмӯи далоили мавҷуда роҷеъ ба ТТЭ ҲНИ, хоса баёноти шоҳидон ва иштирокдорони он, инчунин эътирофи он чун созмони эстремистӣ ва террористӣ аз ҷониби давлатҳои муайян, созмонҳои ҷаҳонӣ,  САҲА  роҳбарият ва аъзои онро ба конфронси хеш даъват намояд, бо итминон метавон гуфт, ки дигар зарурати фаъолияти чунин Созмон дар Тоҷикистон боқӣ намемонад. Ҳол он ки новобаста аз чунин муносибати САҲА Тоҷикистон ҳанӯзам бар пояи татбиқи сиёсати ҳамгироёнаи хеш бо ҷомеаи ҷаҳонӣ ва созмонҳои байналмилалӣ иҷозат додааст, ки якчанд лоиҳаро мавриди амалӣ қарор бидиҳад.

НУРАЛӢ НУРЗОД,
Ходими илмии Институти илмҳои
ҷомеашиносии ДДХ ба номи
академик Бобоҷон Ғафуров,
номзади илмҳои филологӣ. 

 

Читать далее

ИЛҲОМИ КӮРНАМАК, БАР ТУ ВАТАН ҲАЙФ АСТ!

Мо имрӯз дар кишваре умр ба сар мебарем, ки бисёр  мушкилоти даври баъди моҷарои шаҳрвандиро паси сар намудааст. ҳар як фарди солимақл ва дурандеши мамлакат вақте, ки дигаргунгардии ҳаёти ҳаррӯзаро мебинад ба хулосае меояд, ки кӯшиши Давлату ҳукумат дар роҳи бунёди ояндаи дурахшон имрӯз тарҳрезӣ шуда истодааст ва дастгирӣ намудани ин қарзи шаҳрвандии мо мебошад.

Лекин аз чӣ сабаб бошад, ки пешравиҳои моро бархе аз «нокасон» дида наметавонанд. Мо боварии комил дорем, ки ин кори аъзоёни  ҳизби фаъолияташ мамнуъи наҳзати исломӣ ба ҳисоб меравад.

Тавре таҳлили ҳодисаҳои  чанд соли охир нишон медиҳад, ҳизби фаъолияташ мамнуъи наҳзати исломӣ дар тӯли фаъолияти бистучандсолаи худ новобаста аз оне, ки ба сари мардум чӣ балоҳоеро овардааст, аммо ҳамоно аз ин кирдорҳои нангинаш на танҳо изҳори пӯшаймонӣ накардааст, балки он ҳама ҷинояткориҳои содиркардаи худро мояи ифтихору сарбаландӣ меҳисобаду пайваста дар тӯли мавҷудияташ ҷавонони роҳгумзадаро ба гирди худ ҷамъ мекарду дар замирашон тухми нифоқу кина нисбати имрӯзу ояндаи ин давлату миллат мекошт.

Замоне, ки расман фаъолият мекард, ба таври доимӣ дар дафтари ҳизб ҳаргуна ҷамъомаду маҷлисҳои дурӯғин ташкил карда, дар он ҷойҳо дарду алами худро аз ҳукумати Тоҷикистон меситонанду аз гузаштагони наҳзатӣ  ҳамчун пайғамбар ёд мекарданд.

Наҳзатиёни мансабталош барои ноил шудан бо ниятҳои нопокашон дар назди аҷнабиён худро ҷавлон дода, маҷлису нишастҳояшонро бидуни эшон намегузарониданд.

Истиробовар он аст, ки ин нафарон ба шароити осуда ва ободи мамлакати азизамон ғаш намуда, ҳар гуна буҳтон, дурӯғро дар фазои беохири интернетӣ паҳн намуда истодаанд.

Аммо, ҳамаи ин бадкориҳои худро ҳоло ҳам кам дониста, барои бенизом гардонидани Тоҷикистон тамоми саъю талошҳои худро ба роҳ мемонад. Тавре аз ВАО маълум аст, пас аз баста шудани сомонаи расмии ин ҳизб, дар ҳол сомонаҳои дигареро фаъол намуданд, то ҳуҷумҳои иттилоотии худро бар зидди сохти конститутсионӣ ва барҳам задани сулҳу субот ва оромӣ дар кишвар боз ҳам идома диҳанд.

Хусусияти наҳзатиҳои ифротӣ чунин аст, ки ҳамарӯза талош бар он менамояд, ки бӯҳтоне созаду онро барои тамоми ҷомеа нишон диҳанд. 

ҳар нафаре, ки зидди сулҳу субот ва оромии кишвар ҳарфе ба забон ораду сухани ироа намоянд, аз он меболанду хушҳол мешаванд. Гӯё тоҷик набошанд ва  миллати тоҷик барояшон бегона аст. Ба хотири ситонидани қасос имрӯз омодаанд, даст ба ҳама кор зананд. Саволи асосӣ ин аст, ки онҳо аз кӣ интиқом гирифтаниянд, ки имрӯз даст ба таҳкир мезананд?  Қасос аз миллат, аз Ватан, аз ободии кишвар. Новобаста аз оне, ки онро эътироф намекунанд, аммо тарзи фаъоияти эшон нишон медиҳад, фикру назар ақидаву андешаҳояшон  айнан мисли ақидаҳои Толибону Давлати исломӣ, ҳаракати исломии Ӯзбекистону дигар созмонҳои террористӣ мебошад

Чӣ тавре, ки барои ташкилотхои террористи пешрафти Афғонистон ғайри қобили қабул аст, барои ҳизби мамнуъи наҳзати исломӣ низ пешрафти Тоҷикистон устухонест дар гулӯ.

Сулҳу субот, амният ва зиндагии беҳтари тоҷику  тоҷикистониёнро қабул надоранду аз беҳ шудани сатҳи зиндагии мардум нороҳат мегарданд. Онҳо бо даъвоҳои дурӯғини демократия хоҳиши рахна намудан бар ваҳдату муттаҳидии миллат мебошанд. Ин исломиҳои сиёсӣ таҷрибаи тафриқаандозиро хуб балад мебошанд.. Солҳои 90-уми қарни гузашти чӣ бадбахтиҳоро ба сари миллати тоҷик оварда буданд.

  Мо пайваста аз ин нафарони кӯрнамак ба мисли Муҳиддин Кабирӣ, Илҳом Ёқубов даъват меорем, ки ба дасисаҳои хоҷагони иҷбории худ фирефта нашуда, рӯй ба миллат, манфиатҳои ҷомеаи худ, давлати Тоҷикистон оранд. Тавба кунед, аз роҳи каҷ баргардед.

И. Солиев,
 дотсент, мудири
кафедраи ҳуқуқи судӣ ва назорати
прокурории Донишгоҳи давлатии ҳуқуқ,
бизнес ва сиёсати Тоҷикистон

Читать далее

ДАР “МАСҶИДИ” САҲА НАМОЗ БАРПО ДОШТАНИ “ҚОРӢ ИЛҲОМ”

Санаи 10-уми сентябри соли равон дар шаҳри Варшаваи давлати Лаҳистон ҷаласаи навбатии Созмони амният ва ҳамкорӣ дар Аврупо, ки Тоҷикистон низ шомили ин ниҳоди байналмилалӣ аст, доир гардид. Мавзӯи ҷаласаи созмон, оид ба ҳуқуқи башар ва интихоботи демократӣ бахшида шудааст. Маълум гардид, ки ҷаласаи мазкур аз 10-ум то 21-уми сентябр идома меёбад. Дар кори он намояндагони 57 кишвари узви САҲА, созмонҳои ҷамъиятиву ҳомиёни ҳуқуқ ва намояндагони мухолифин ширкат меварзанд.

Дар ҷаласаи навбатӣ дар қатори намояндагони ҳукумати Ҷумҳурии Тоҷикистон, боз нафарони мухолиф ва гуруҳҳои ба ном мухолифин бо роҳбарии ташкилоти террористиву экстремистии ҳизби наҳзати исломӣ ширкат варзиданд. Аз ҷумла раиси ТТЭ ҲНИ Муҳиддин Кабирӣ бо шогирдону муридони худ ҳузури худро дар кори ҷаласаи навбатии САҲА амали “фарз” дониста, роҳ ба сӯи “масҷиди САҲА”-ро пеш гирифтанду бо ҷамоати худ даст ба дуои роҳбарияти САҲА бардоштанд, то ки онҳо ба ин турфа ба ном мухолифон баландгӯяк ва курсие муҳайё созанд. Барои Кабирӣ ва ҳамтабақони ӯ ширкат дар чунин ҷаласаҳо “амали нав” нест. Зеро ба туфайли чунин ҷаласаҳо ва ҳамоишҳо гуруҳҳои мухолиф дарди дили худро ба меҳмонҳо ва намояндагони давлатҳои хориҷа “дастархон” мекунанд, зери гиряҳои дуруғини худ қалби аҳли нишастро “об” карданианд. Ширкат дар ҷаласаҳои САҲА барои мухолифин майдони худнамоишӣ буда, дар чанд муддат як маротиба аз худ дарак медиҳанд.

Дар суханронии худ раиси Анҷумани муҳоҷирони Осиёи Марказӣ, собиқ роҳбари дафтари ТТЭ ҲНИ дар вилояти Суғд Илҳом Ёқубов бо дурӯягии худ аз устодаш (яъне Муҳиддин Кабирӣ) пеш гузашта, зери унвони “озодӣ” ва “ошкорбаёнӣ” садо баланд кард. Аз нигоҳи Илҳоми хоин гӯё дар Тоҷикистон озодӣ мавҷуд набуда, ВАО-и мустақил дар ҳолати таназзул ва барҳамёбӣ қарор дораду ҷурналистони касбӣ аз касбу кори худ канора гирифта истодаанд. Лек ин ҳама иғвоҳои навбатии хоинони миллат буда, аз зери нохун чирк кофтан аст. Ин турфа хоинон ва кӯрнамакон дар бохти интихоботи парлумонӣ, табаддулоти давлатӣ ва ноиттифоқии мухолифин давлатро гунаҳкор меҳисобанд. Дар назари онҳо агар қурби доллар ва ё рубли русӣ дар бозори ҷаҳонӣ баланд шавад, гуноҳи давлати Тоҷикистон ва мақомотҳои қудратии он аст.

Барои наҳзатиёни хоин минбари САҲА ҷои муқаддас ба ҳисоб рафта, аз рӯи шариати исломӣ агар дар вақти адои намоз рӯй бар ҷониби қибла амали фарз бошад, пас наҳзатиён бо “имоматии домулло Кабирӣ” ва “Қорӣ Илҳом” рӯйи худро бар ҷониби қароргоҳи САҲА оварда, “намоз” барпо медоранд.

(Изҳороти Раёсати Донишгоҳи
давлатии ҳуқуқ, бизнес ва
сиёсати Тоҷикистон)

Читать далее

ИЛҲОМ ЁҚУБОВ ДАР ВАРШАВА “ТӮТИВОР” ГАП МЕЗАНАД

Аз васоити ахбори омма маълум гардид, ки аз 10-ум то 21-уми сентябр дар қароргоҳи Созмони амният ва ҳамкорӣ дар Аврупо, ки дар шаҳри Варшаваи Лаҳистон ҷойгир шудааст, ҳамоиши навбатии созмон доир мегардад. Дар кори ҳамоиш  намояндагони зиёда аз 57 давлат ва ҳизбҳои сиёсӣ, ташкилотҳои ҷамъиятӣ ва шахсони мухолиф ширкат меварзанд.

ҳамоиши навбатии САҲА таҳти унвони ҳуқуқи башар ва интихоботи демократӣ номгузорӣ гардида, оид ба вазъи имрӯзаи ҳуқуқи инсон ва интихоботи демократӣ дар ҷаҳон ва махсусан давлатҳои аъзои созмон сухан меравад. Барои баъзе доираҳои ба ном мухолиф ҳамоиши мазкур майдони худнамоишӣ буда, мухолифин солҳо дар камин буда аз худ дарак медиҳанд.

Дар ин раванд мухолифин давлати мо чанд моҳ қабл оид ба ширкати худ дар ҳамоиши САҲА хабар дода, бо чор чашм раҳи ҳамоишро мунтазир буданд. Роҳбарияти ТТЭ ҲНИ ва шогирдони ӯ ширкати худро дар ҳамоиши амали фарз дониста, чанд рӯз пештар дарвозаи қароргоҳи САҲА-ро кӯфтанд. Аз зумраи шогирдони бовафои Кабирӣ раиси Ассотсиатсияи муҳоҷирони Осиёи Марказӣ Илҳом Ёқубов аст, бо суханрониҳои беасоси худ, бори дигар кӣ ва чӣ будани худро исбот намуд. Муайян гардид, ки то ҳол Илҳоми хоин мисли устодаш ватанфурӯш аст. Барои чанд тангаи ҳароми хориҷиён даст ба амалҳои нобахшиданӣ мезанад ва назди ҷомеаи ҷаҳонӣ Тоҷикистонро сияҳ месозад.

Аз суханронии Илҳом Ёқубов муайян гардид, ки ӯ мисли “тӯтивор” ҳар амру фармоне, ки хоҷагонаш медиҳад иҷро менамояд. Мисли тӯтӣ сухани хоҷагони худро такрор мекунад ва амри дигари онҳоро интизор мешавад. То санаи 21-уми сентябр, аниқтараш то хотимаи кори ҷаласаи САҲА худро ҳамчун “активист”, “ғамхори миллат”, “мухолиф” нишон медиҳад. Лек ӯ на ину ва на он аст. Ӯ як ношуд аст. Ношуде, ки аз хориҷи мамлакат истода, бар муқобили давлати худ садо баланд мекунад.

Мо - кулли омӯзгорон ва устодони донишгоҳ ҳамин изҳоротро бар муқобили мухолифини давлату миллат қабул намуда, иброз медорем, ки на Кабирӣ ва на Илҳоми хоин ба мақсади хеш намерасанд. Онҳо шикаст мехӯранд ва барои амалҳои ҷиноии худ рӯзе назди қонун ҷазо мегиранд.

(Изҳороти кулли омӯзгорон ва
устодони Донишгоҳи давлатии
ҳуқуқ, бизнес ва сиёсати Тоҷикистон)

Читать далее

Ҳифзи амнияти давлатӣ

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон чунин фармудаанд:

«Ҷиҳати ҳифзи амнияти давлат, суботу оромии ҷомеа, таҳкими минбаъдаи истиқлолияту озодӣ, ваҳдати миллӣ ва таъмин намудани пешрафту ободии ватани азизамон, дарки дурусти манфиатҳои милливу давлатӣ, шаъну шараф ва ғурури ватандорӣ бисёр муҳим мебошад, яъне ҳисси баланди миллӣ ва ифтихор аз шаҳрванди Тоҷикистон будан ба ҳайси омили меҳварии муттаҳидсози ҷомеа дар зеҳну шуури ҳар шахс бояд нақши муассир дошта бошад.»

Устодон ва омӯзгорон бояд ба инобат бигиранд, ки донишомӯзӣ ба сулҳу оромии кишвар вобастагӣ дорад. Тамоми устодонро зарур аст, ки шогирдонро дар рӯҳияи баланди ватанпарастӣ тарбия намоянд. Устодон вазъи имрӯзаи ҷаҳонро, ки басо мураккаб ва пурпечутоб аст ба ҳар як шогирд бояд бирасонанд. То ки шогирдон ба таблиғу ташвиқи бегонагон дода нашуда ба гурӯҳҳои ифротгаро ҳамроҳ нашаванд. Рӯзгори орому осуда, фазои кушод ва вазъияти хуби зиндагиро дар ватани азиз-Тоҷикистон дарк намоянд, ба қадри он расанд. Ҳаёти осоишта, орому осудаи халқи азизи мо пеш аз ҳама ба ҷаҳонбинии насли наврас, ҷавонон, умуман ҷомеа вобастагӣ дорад.

Устодонро зарур аст, то шогирдро чунон таълим ва тарбия намояд, ки дорои ҷаҳонбии васеъ ва ҳаматарафа бошад. Асоси ин донишандӯзии ҳар як фард ва зиракии сиёсии ӯст.  

Рӯзиева Фирӯза,
омӯзгори забон ва адабиёти тоҷики
Коллеҷи омӯзгории шаҳри Панҷакент

Читать далее

13 September 2018

ГИРДОБ...

Ҳусейн Абдусамадов, як сокини Душанбе, ки дар ширкат ба ҳамлаи сайёҳони хориҷӣ дар ҷамоати Себистони Данғара рӯзи 29 июл гумонбар мешавад, барои нахустин бор баъди ин ҳодиса дар як барномаи телевизиони давлатӣ зоҳир шуд.

Читать далее

Ифтитоҳи бинои ротаи алоҳидаи қисми ҳарбии қӯшунҳои дохилии ВКД дар Вилояти Мухтори Кӯҳистони Бадахшон

12 сентябр дар маркази шаҳри Хоруғ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар муҳтарам Эмомалӣ Раҳмон бинои ротаи алоҳидаи қисми ҳарбии қӯшунҳои дохилии Вазорати корҳои дохилии Ҷумҳурии Тоҷикистон дар Вилояти Мухтори Кӯҳистони Бадахшонро мавриди баҳрабардорӣ қарор доданд.

Баъди ифтитоҳи иншоот Сарвари давлат муҳтарам Эмомалӣ Раҳмон бо шароити муосири хизмат ва будубоши хизматчиёни ҳарбӣ шинос шуданд.

Читать далее

Оғози корҳои сохтмонӣ дар бинои маъмурии Мақомоти иҷроияи ҳокимияти давлатии шаҳри Хоруғ

12 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои оғози корҳои сохтмонӣ дар бинои маъмурии Мақомоти иҷроияи ҳокимияти давлатии шаҳри Хоруғ санги асос гузоштанд.

Зимни шиносоӣ бо лоиҳаи бунёди иншооти “Бинои мақомоти иҷроияи маҳаллии ҳокимияти давлатии шаҳри Хоруғ” иттилоъ дода шуд, ки он дар масоҳати 1.0 гектар дар маркази вилоят сохта шуда, аз 7 ошёна ва таҳхона иборат мебошад.

Читать далее

Гузоштани санги асос барои бунёди 2 бинои истиқоматӣ дар ноҳияи Роштқалъа

Дар доираи сафари корӣ дар ноҳияи Роштқалъаи Вилояти Мухтори Кӯҳистони Бадахшон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо гузоштани санги асос ба сохтмони 2 бинои истиқоматии 5-ошёна ҳар кадоме бо 25 ҳуҷра барои хизматчиёни давлатӣ оғоз бахшиданд.

Зимни шиносоӣ бо тарҳи лоиҳа ба Пешвои миллат иттилоъ доданд, ки биноҳо ҳар кадоме дар масоҳати 2 ҳазору 486 метри мураббаъ сохта мешаванд ва онҳо ба ободии ин ноҳияи кӯҳистони мамлакат зебогии дигар зам менамоянд.

Читать далее