08 November 2018

Население ГБАО хочет мира и правопорядка

В социальных сетях в тенденциозной форме освещаются, а вернее искажаются, реальные процессы, происходящие в Горно-Бадахшанской автономной области Таджикистана. Укрепление законности и правопорядка в области центральной властью интерпретируется как некий аномальный фактор и событие в жизни населения.

Читать далее

Сказочка о «герое», пытавшемся продать Родину за тридцать серебряников

На днях на одном из малоизвестных сайтов вышла статья об одном «очень хорошем» человеке – Шерали Наджмиддинове, написанная в духе восточных сказок «100 и одна ночь», рассказанных Шахерезадой. Авторы, пытаясь сплести волшебную канву, придумали разнообразных сказочных персонажей: добряков и злодеев, обиженных и вознаграждённых. Однако по традиции у сказок бывает хороший конец. Но здесь злые сказочники сработали по принципу «чем дальше в лес, тем страшнее», пообещав ещё более захватывающее продолжение этой сказки.    

Читать далее

Неугомонные преступники города Хорог

Какая бы ни была горькая правда, она должна быть сказана. Толиб Аёмбеков, Ёдгор Шомусалламов, Бокир Мухаммадбокиров, Хурсанд Мазоров, Мунавар Шанбиев и другие их рабы-прислужники на протяжении долгих лет совершают преступления на территории Памира, считая себя ханами, царями, командирами и правителями. Для них закон не писан. Считают себя правительством. Кого хотели наказывали, кого хотели прощали, включая прокуроров, милиционеров, докторов, священнослужителей, учителей и предпринимателей.

Читать далее

Ҷинояткор бояд ҳатман дар назди қонун ҷавоб гӯяд

                                               Афрод ба андозаи нуқсонҳояшон

                                            дигаронро озор медиҳанд-Жан-Пол Сартр

 

Зери мафҳуми ҷинояткор - шахси бераҳм, золим, қотил, ситамгар, бедодгар ва беотифа дар назар дошта мешавад. Шахсе, ки муқобили назму тартиб ва оромист. Шахсе, ки  дур аз ҳама гуна қонуну қоида ва инсонгарист. Табиати ӯ пур аз кинаву адоват, хусумату душманӣ буда, мисли олами ҳайвонот танҳо қонуни ҷангалро меписандад. Вуҷуди ҷинояткор дар ҳар маконе нооромиву харобкорӣ ва фазои ғуборолудро ба миён меорад. Он ҷое, ки ҷинояткор бошад, фиғону нола ва нестист.

Читать далее

«Консититутсия орад бахту саодат»

Тибқи нақшаи кории Маркази дарёфт ва рушди истеъдодҳои назди Раёсати маорифи вилоят бахшида ба Рӯзи Конститутсияи Ҷумҳурии Тоҷикистон дар мавзӯи « Конститутсия орад бахту саодат»  бо аъзои маҳфили Маркази дарёфт ва рушди истеъдодҳои назди шуъбаи маорифи  шаҳри Бӯстон мизи мудаввар баргузор гардид.

Дар чорабинӣ намояндагони Марказҳои дарёфт ва рушди истеъдодҳои назди Раёсати маорифи вилоят ва шаҳри Бӯстон, омӯзгорон ва хонандагони муассисаи таълимӣ иштирок карданд. Мизи мудаввар бо шеърхонии хонандагон оғоз шуда, онҳо дар бораи таърихи қабули Конститутсия дар давраи ИҶШС ва соҳибистиқлолии Ҷумҳурии Тоҷикистон маълумот доданд. Ҳамчунин, панду андарзҳои муттафаккирони тоҷик илҳомбахши чорабинӣ гардид.

Хонадагон инчунин оид ба аҳамияти омӯзиши Конститутсияи Ҷумҳурии Тоҷикистон ва шукргузорӣ аз сиёсати хирадмандонаи Асосгузори сулҳу ваҳдати миллӣ, Пешвои миллат - Президенти Ҷумҳурии Тоҷикистон  муҳтарам Эмомалӣ Раҳмон сухан карда, бо суруди умумӣ дар васфи Тоҷикистон ба чорабинӣ  ҳусни анҷом бахшиданд.

Абдусабур Абдуваҳҳобов

Читать далее

Шод кардан ҳунари волост

Рӯзи театри тоҷик дар Театри давлатии мазҳакаи мусиқии ба номи Камоли Хуҷандии шаҳри  Хуҷанд бо шукӯҳу шаҳомати хоса таҷлил гардид.

Чорабиниро сардори Раёсати фарҳанги вилоят Ориф Набиев ифтитоҳ намуда, кулли ҳунармандон, санъаткорон, ҳунарпешагони театрҳоро аз номи тамошобинон ва мухлисони санъати театр бо ин санаи ҳумоюнӣ шодбош гуфт. Қайд карда шуд, ки аз рӯи анъана ва назардошти табиати хоси санъати миллии тоҷик театр дар шаҳри Хуҷанд ҳамчун театри драма, мазҳака ва сарчашмаи тарғибу ташвиқи савту навои классикиву халқӣ, ки он ҳамрадифи каломи саҳнавӣ-мусиқӣ низ мақому мавқеи бузург дошт, арзи ҳастӣ намуд. Дар даврони шӯравӣ Рӯзи театр бо қарори ЮНЕСКО санаи 27-уми май ҷашн гирифта мешуд. Дар даврони Истиқлолият бошад, маҳз бо дастур ва амри Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон санаи 7-уми ноябр ҳамчун Рӯзи театр 17 сол инҷониб дар кишвар ботантана ҷашн гирифта мешавад. Зикр кардан бамаврид аст, ки бори нахуст 7-уми ноябри соли 1929 Театри академикии ба номи Абулқосим Лоҳутии Ҷумҳурии Тоҷикистон дари худро ба рӯи тамошобинон боз намуд. Шурӯъ аз он санаи таърихӣ ҳунармандони театр  бо намоишномаҳои пурмазмуни худ ҳаёти иҷтимоиву маданӣ, сиёсиву иқтисодии тамоми соҳаҳои хоҷагии халқро манзури тамошобинон мегардонанд. Имрӯз дар кишвар 18 театри касбӣ, 14 театри халқӣ  фаъолият дорад, ки дар онҳо беш аз  ҳашт ҳазор нафар кор мекунанд.

Ориф Набиев ҳамчунин дар бораи фаъолияти ташкилкунандагон ва ҷонфидоёни театр аз солҳои аввали ташкилёбӣ  сухан карда, дар бораи муваффақиятҳои эҷодии ҳунармандони саҳна Ойдиной Усмонова, Мӯътабар Иброҳимова, Неъматҷон Дӯстматов, Маҳмудҷон Воҳидов, ҳошим Гадо ва дигарон, ки барои нашъунамои санъати миллӣ самимона кӯшиш мекарданд, ибрози ақида намуд.  Маҳз меҳнати бурдборонаи ин нафарон буд, ки дар театр муҳити созгори эҷодӣ ба вуҷуд омад ва ҳама бо ҷӯшу хурӯш ба кор камари ҳиммат бастанд, намоишномаҳои шавқовару ҷолиб рӯи саҳна омаданд.  Ва беш аз 80 сол инҷониб ҳунарпешагони театрҳои кишвар барои тарбияи зебоипарастӣ, ахлоқи ҳамида, баланд бардоштани маънавиёти мардум пайваста заҳмат мекашанд.

Хушбахтона, дар озмуни ҷумҳуриявии «Чодари хаёл» театри лӯхтаки шаҳри Бӯстон сазовори мақоми аввал гардид. Нишони сарисинагии Аълочии фарҳанги Ҷумҳурии Тоҷикистон ба як қатор ҳунармандони асили соҳаи санъат: ҳунарпешаи Театри мазҳакаи мусиқии ба номи Камоли Хуҷандӣ ҳалимҷон Салимӣ, ҳунарпешаи театри давлатии тамошобинони ҷавон ба номи Одилҷон Назарови шаҳри Хуҷанд  Валламатов Баҳодурхӯҷа, роҳбари театри давлатии мусиқӣ-драмавии ӯзбекии ба номи Шукур Бурҳонови ноҳияи Спитамен Ҷаббор Нуралиев, директори театри  драмаи мусиқии ба номи Тӯҳфа Фозиловаи шаҳри Конибодом Fайрат Қодиров, ҳунарпешаи Театри давлатии лӯхтаки шаҳри Бӯстон Нозимҷон Назаров, сарояндаи Театри давлатии мусиқии ба номи Маҳмудҷон Воҳидови ноҳияи Ашт Нодирбек    Тошматов  тақдиронида шуда, ҳамчунин чанд нафари дигар Ифтихорномаи Вазорати фарҳанги Ҷумҳурии Тоҷикистонро соҳиб гардиданд.

Ҳунармандони Театри давлатии мусиқии ба номи Маҳмудҷон Воҳидови ноҳияи Ашт бо намоиши порча аз асари саҳнавии «Гулпарӣ», ҳунарпешагони Театри драмаи мусиқии шаҳри Бӯстон бо порча аз намоишномаи «Во всём виновата любовь», ҳунарпешагони Театри давлатии лӯхтаки шаҳри Бӯстон бо суитаи рақсӣ, ҳунарпешагони Театри давлатии мусиқӣ-драмавии ӯзбекии ба номи Шукур Бурҳонови ноҳияи Спитамен бо порча аз намоишномаи «Армон», ҳунармандони Театри  драмаи мусиқии ба номи Тӯҳфа Фозиловаи шаҳри Конибодом бо порча аз намоишномаи «Оҳ муҳаббат», ҳамчунин ҳунарпешагони ҷавони Театри тамошобини навраси ба номи Одилҷон Назарови шаҳри Хуҷанд ва Театри давлатии мазҳакаи мусиқии ба номи Камоли Хуҷандии шаҳри Хуҷанд бо намоишномаи «Табиби паррон» хотири тамошобинонро болидарӯҳ гардонданд.

Рӯзи Театри тоҷик бо сурудҳои пурмазмуну дилошӯби сарояндагони маҳбуб хотирмон анҷом ёфт.

Шоира САЛИМОВА,
«Ҳақиқати Суғд»

Читать далее

Жириновский рассказал в Госдуме о поездке в Таджикистан (ВИДЕО)

Жириновский рассказал в Госдуме о поездке в Таджикистан
Владимир Жириновский в рамках «часа заявлений» в Госдуме России заявил, что Россия должна изменить внешнюю политику в сторону усиления взаимодействия со странами Средней Азии, пишет Парламентская газета.

Читать далее

Рамзи истиқлолият ва муқаддасоти миллӣ

«Қарзи шаҳрвандии мост, ки эҳтироми рамзҳои давлатӣ, аз ҷумла Парчамро ба ҷо орем, ҳамеша ва дар ҳама ҷой онро гиромӣ дорем, барои ҳимояи он ва поку муқаддас доштани он бо тамоми ҳастӣ омода бошем, зеро пос доштан ва ҳимоя кардани Парчами миллӣ бо ҳифзи Ватан, падару модар, аҳли хонавода ва пос доштани суннатҳои халқи худ баробар аст».

Эмомалӣ Раҳмон

Парчами миллӣ нахустин нишони муқаддаси ҳар кишвару ҳар халқ аст. Рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад. Ҳусни ин симо, наҷобати ин симо, мазмуну мароми ин симоро нишон медиҳад.

Бисту ҳафт сол аст, ки дар ҳар кадом гӯшаи дунё Тоҷикистони соҳибистиқлолро оламиён аз парафшонии Парчами давлатиаш мешиносанд. Бемуҳобот, ин рамзи ҷовидонии миллат ва давлат мебошад.

Дар таърихи инсоният парчам аз давраҳои қадим ҳамчун рамзи давлатдорӣ истифода мешуд. Силсилаи подшоҳони Пешдодӣ, Каёниёну Сосониён ва Сомониён дар лаҳзаҳои корзор аз дирафшу ливоҳои гуногунҳаҷму гуногунранг васеъ истифода мебурданд.

Дирафши Ковиёнӣ, ки бо номҳои Дирафши Ковиён, Алами Фаридун, Ахтари Ковиёнӣ низ маъруф буд, дирафши таърихии мардуми тоҷику форс аз аҳди қадим то поёни давлатдории Сосониён ба ҳисоб рафта, ба ишораи муаррихон, як миллион сиккаи тилло арзиш дошт.

Тибқи асотир, Коваи диловар пас аз саркӯб кардани Заҳҳок Фаридунро бар тахти шоҳӣ менишонад. Фарёдун баъди соҳиби тахту тоҷ гардидан фармон медиҳад, ки пешдомани чармии Коваро бо дебоҳои зарду сурх, бунафш ва зару гавҳар ороиш дода, онро дирафши шоҳӣ хонанд. Дар бораи дирафши Ковиёнӣ муаллифи «Таърихи Табарӣ» маълумот дода, таъкид мекунад, ки он 12 арш ва ба ҳисоби имрӯзӣ тақрибан панҷ метр бар ва ҳафт метр дарозӣ доштааст. Муаррихи дигар Ибни Халдун дорои ситора будани дирафши мазкурро таъкид карда, аз вуҷуди ақидае хабар медиҳад, ки мувофиқи он ҳар шоҳе, ки соҳиби Дирафши Ковиёнӣ мешуд, шикастнопазир буд.

Бояд гуфт, ки Дирафши Ковиёнӣ то имрӯз рамзи давлатдории мардуми моро ифода мекунад, зеро он муборизаи Коваи оҳангар бар зидди зулму ситам (Заҳҳоки морон)-ро дар худ инъикос намудааст.

Яке аз тӯлонитарин замонҳо барои парчам ба замони Ҳахоманишиён пайванд дорад. Ба эҳтимоли зиёди муаррихон дар парчами даврони Ҳахоманишӣ тасвири уқоби болдор бо парҳои кушода ва қурси хуршед дар пушти сари уқоб тасвир шудааст.

Дар замони Ашкониён парчаме истифода мешуд, ки дар он хуршед акс ёфта буд. Ҳамчунин, дастаҳои ҳазорнафараи артиши ашконӣ дорои парчамҳои абрешимӣ буданд, ки тасвири аҷдаҳо доштанд.

Дар катибаҳои сангии даврони сосонӣ нақши чор парчамро мушоҳида кардан мумкин аст: яке марбут ба замони Шопури дуюм дар Бесутун буда, шаклан кушода тасвир нашудааст ва се парчами дигар дар нақши Рустам ҳаккокӣ шудааст.

Ба ишораи сарчашмаҳо, қаҳрамонони миллии мардуми форс Абӯмуслими Хуросонӣ ва Бобаки Хуррамдин низ соҳиби парчамҳои хосе будаанд. Тарафдорони Абӯмуслимро ба эътибори ранги парчамашон Сиёҳҷомагон ва ҷонибдорони Бобаки Хуррамдинро вобаста ба ранги парчамашон Сурхҷомагон меномиданд.

Бояд гуфт, ки дар солҳои 1929-1992 Тоҷикистон соҳиби парчамҳои гуногун будааст. Нахустин парчами Тоҷикистон 23-юми феврали соли 1929, пас аз ҷумҳурии мустақил шудани кишвар пазируфта шудааст.

25-уми феврали соли 1931 бо қабул шудани Қонуни асосии кишвар парчами он низ дигар шуда, то соли 1935 мавриди истифода қарор мегирад.

4-уми июли соли 1935 парчам дигар шуд. Номи ҷумҳуриро дар парчам бо хатҳои зарҳалии лотинӣ ва русӣ навиштанд ва дар болои он нишони досу болғаро нигоштанд.

Соли 1940 алифбо аз лотинӣ ба кириллии русӣ мубаддал гардида, парчам низ тағйир ёфт. Номи ҷумҳурӣ бо хати кириллии тоҷикӣ (РСС Тоҷикистон) ва русӣ (Тадҷикская ССР) навишта шуд. Дар болои он нишони заррини досу болға қарор дошт.

20-уми марти соли 1953 навиштаҷот аз рӯи парчам бардошта шуд, ба досу болға ситора илова гардид, акнун он порчаи сурхе буд, ки рахҳои сафеду сабз дошт. Ранги сафед рамзи пахтакорӣ ва ранги сабз нишони маҳсулоти кишоварзиро ифода мекард. Ин парчам то 9-уми сентябри соли 1991 мавриди истифода қарор дошт.

Солҳои 1991-1992 Тоҷикистон парчами шӯравиро бо андаке дигаргунӣ (бидуни ситораи панҷгӯша ва досу болға) истифода менамуд.

Пас аз ба даст овардани Истиқлолияти давлатӣ дар соли 1991 ва шуруъ намудан ба тайёр кардани лоиҳаи нави қонуни асосӣ, ҳамзамон кори аз нав тартиб додани рамзҳои нави давлатии Тоҷикистон ибтидо гирифт. Зеро рамзҳои давлатии ҶСШ Тоҷикистон аз ҷиҳати моҳияту мазмун ва шакли худ ба вазъи нави ҳуқуқию сиёсии ҷумҳурӣ мувофиқат намекарданд. Шӯрои Олии Ҷумҳурии Тоҷикистон 28-уми июни соли 1991 қарор «Дар бораи рамзҳои давлатии Ҷумҳурии Тоҷикистон»-ро қабул кард. Ба зудӣ комиссияи махсус барои таҳияи Парчами давлатӣ ташкил гардид. Барои таҳия ва тасвири Парчам озмуни умумиҷумҳуриявӣ эълон гардид. Баъди ҷамъбасти озмун дар Иҷлосияи таърихии ХVI Шӯрои Олии Ҷумҳурии Тоҷикистон Парчами давлатӣ тасдиқ гардид.

Дар Конститутсияи Ҷумҳурии Тоҷикистон мақом ва ҷойи ин рамзи муқаддаси миллат ва давлат хеле возеҳ ва равшан дар радифи дигар муқаддасоти миллӣ муайян карда шудааст. Дар моддаи 3-юми Конститутсия омадааст: «Рамзҳои давлатии Тоҷикистон Парчам, Нишон ва Суруди Миллӣ аст».

Парчами мо дорои се ранг - сурх, сафед, сабз мебошад ва ҳар як ранг ва нишонаш мазмуни баланд дорад. Ранги сурх мубориза ва ҷоннисориҳои халқро баҳри озодӣ ва истиқлолият нишон медиҳад. Махсусияти ранги сафед дар рамзи тозагӣ ва покӣ, роҳи сафеди зиндагӣ, шири поки модар, виҷдону дили пок, имони комил ва беғуборӣ, рамзи осоиштагиву сулҳ, имрӯзу ояндаи дурахшони мост. Ин ранг ҳамчунин бахту иқболи сафед ва покии виҷдонро ифода мекунад.

Ранги сабз саъю кӯшиши сокинони кишвар барои сарсабзу хуррам гардонидани Ватанро мефаҳмонад. Он чун рамзи табиати сабзу ҳамешабаҳори мо, толеи баланд, баҳор, Наврӯз, файзу баракат, ҷавонӣ ва зебоӣ мебошад.

Ранги сурх рамзи дониш, таърих, фатҳу нусрат, субҳи дилоро, ифтихор, сурхрӯӣ ва соҳибистиқлолӣ мебошад. Ин ранг ифодагари рамзи парчами Коваи оҳангар низ мебошад, ки аз чарми сурх буд. Нишони тоҷи заррини мобайнӣ соҳибистиқлолӣ, тоҷдорӣ ва доштани тамаддуни бойи илмиву фарҳангӣ ва куҳанбунёдии миллатро таҷассум менамояд. Рӯи ранги сафед дар мобайни Парчам бо зарҳал рамзи тоҷ ва болои он ҳафт ситора дар шакли нимдоира кашида шудааст.

Дар Низомномаи Парчами давлатии Тоҷикистон, ки бо Қонуни махсус тасдиқ шудааст, ҷой, макон, вақти афрохтани Парчами давлатии Тоҷикистон ба низом дароварда шудааст, ки риоя ва тартиби он барои ҳамагон воҷиб аст.

Бо пешниҳоди Пешвои муаззами миллат, Президенти Ҷумҳурии Тоҷикистон соли 2009 дар суханрониашон бахшида ба 15-умин солгарди қабули Конститутсияи Ҷумҳурии Тоҷикистон рӯзи 24-уми ноябр Рӯзи Парчами Ҷумҳурии Тоҷикистон эълон гардид. Пешвои миллат чунин тазаккур дода буданд: «Мутобиқи Конститутсияи Ҷумҳурии Тоҷикистон Парчам, Нишон ва Суруди Миллӣ рамзҳои муқаддас ва асосии давлат, яъне нишонаҳои соҳибихтиёрии давлату миллат мебошанд. Мо бо Парчами давлати соҳибистиқлоли худ ифтихор менамоем ва он барои ҳар як фарди ватандӯсту ватанпараст муқаддас аст. Дуруст аст, ки рӯзи 24-уми ноябр Рӯзи Парчами Ҷумҳурии Тоҷикистон эълон карда шавад».

Бори нахуст Рӯзи Парчами давлатӣ дар кишвар 24-уми ноябри соли 2009 таҷлил шуд. Аз ин ҷост, ки мо ҳамасола ин рӯзро ҷашн мегирем.

Тасвири Парчами давлатии Тоҷикистон вобаста ба андозааш бо риояи дақиқи ҳаҷму ранги асл тибқи Низомнома «Дар бораи Парчами давлатии Ҷумҳурии Тоҷикистон», ки бо қарори Маҷлиси Олии Ҷумҳурии Тоҷикистон аз 11-уми декабри соли 1999 тасдиқ шудааст, инъикос ёфта буд.

Тоҷ ва ситораҳои парчам дар шакли росткунҷае ҷой дода шудааст, ки паҳлӯи амудиаш 0,8 ва паҳлӯи уфуқиаш 1,0-и паҳнои рахи сафед аст. Ситораҳои панҷгӯша дар доираи қутраш 0,15 акс ёфта, дар нимдоираи радиусаш 0,5-и паҳнои рахи сафед ҷой мегиранд.

Тоҷи баландиаш 0,55-и паҳнои рахи сафед, ба асос ба таври нимдоираи радиусаш 1,2-и бари рахи сафед моил мегардад. Чор унсури камоншакл, ки болои тоҷро ташкил медиҳанд, дар марказ бо қисмати доираи қутраш 0,2-и рахи сафед васл мегарданд. Моҳият ва тартиби истифодаи расмии Парчамро Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» аз 12-уми майи соли 2007 муқаррар мекунад.

Тибқи Низомнома Парчами давлатии Ҷумҳурии Тоҷикистон дар ҷойҳои зайл афрохта мешавад: - дар болои биноҳои қароргоҳи расмии Президенти Ҷумҳурии Тоҷикистон, Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон, судҳои Ҷумҳурии Тоҷикистон, мақомоти ҳокимияти иҷроияи маҳалҳо (ҳукуматҳо), мақомоти худидораи шаҳрак ва деҳот (ҷамоатҳо) - доимӣ; -дар болои биное, ки иҷлосияҳои Маҷлиси Олии Ҷумҳурии Тоҷикистон ё иҷлосияҳои Маҷлисҳои вакилони халқи Вилояти Мухтори Кӯҳистони Бадахшон, Маҷлисҳои вакилони халқи вилоятҳо, шаҳрҳо, ноҳияҳо гузаронда мешаванд - дар тамоми давраи гузаштани иҷлосияҳо, маҷлисҳои намояндагон (ҷамоат) - дар тамоми давраи маҷлис; - дар болои биноҳои вазоратҳо, кумитаю идораҳои давлатӣ, дигар мақомоти давлатии Ҷумҳурии Тоҷикистон, корхонаҳо, муассисаҳо ва ташкилот, иттиҳодияю ташкилоти ҷамъиятӣ, дар болои биноҳои истиқоматӣ - дар рӯзҳои ид ва рӯзҳои хотиравие, ки қонуни Ҷумҳурии Тоҷикистон муайян намудааст; - дар болои биноҳо ва васоити нақлиёти намояндагиҳои дипломатӣ ва консулӣ, инчунин дар болои иморатҳои муассисаҳои тиҷоратии дар хориҷа будаи Ҷумҳурии Тоҷикистон, дар болои васоити нақлиётие, ки дар дохили онҳо ба сифати ашхоси расмӣ Президенти Ҷумҳурии Тоҷикистон, Раиси Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон ё дигар ашхос нишастаанд, - мувофиқи тартиби муқарраркардаи Ҳукумати Ҷумҳурии Тоҷикистон; - дар биноҳои раъйдиҳӣ дар рӯзҳои интихобот ва раъйпурсӣ; дар толорҳои ҷаласаҳои судии судҳои Ҷумҳурии Тоҷикистон; дар қисмҳои ҳарбии Ҷумҳурии Тоҷикистон - мутобиқи оинномаҳои ҳарбӣ; -дар постгоҳҳои марзӣ (заставаҳо) ва нуқтаҳои рухсатдиҳии (гумрукии) Сарҳади давлатии Ҷумҳурии Тоҷикистон; мувофиқи амри Президенти Ҷумҳурии Тоҷикистон, Раёсати Маҷлиси Олии Ҷумҳурии Тоҷикистон ё Ҳукумати Ҷумҳурии Тоҷикистон Парчами давлатии Ҷумҳурии Тоҷикистон, инчунин ҳангоми гузаронидани маросимҳо ва дигар чорабиниҳои тантанавӣ, ки мақомоти давлатӣ мегузаронанд, афрохтан мумкин аст.

Боиси ифтихор аст, рӯзи 30-юми августи соли 2011, дар арафаи 20 - солагии Истиқлолияти давлатии Тоҷикистон Парчами кишвар, ки яке аз баландтарин дар ҷаҳон маҳсуб мешавад, бо баландии 165 метр барафрохта шуд. Дарозии Парчам 60 ва бари он 30 метр буда, аз тамоми гӯшаву канори пойтахти азизамон – шаҳри Душанбе намудор аст. Бояд гуфт, ки бо чунин баландӣ сохта шудани Парчами кишвар арҷ гузоштан ба ин рамзи муқаддаси миллӣ мебошад.

Моҳи апрели соли 2014 дар назди бинои Мақомоти иҷроияи ҳокимияти давлатии вилояти Суғд бо ширкати Президенти мамлакат Эмомалӣ Раҳмон Парчами давлатӣ бар пояи баландиаш 55 метр барафрохта шуд. Атрофи парчам, поя ва роҳравҳои он бо санги ороишии хорои сурх ва фаввораҳои зебо оро ёфта, ба ҳусни шаҳри бостонии мо шукӯҳу шаҳомати хоса эҳдо намуд. Парчами мо рамзи ҳаёти осоишта, меҳнатдӯстӣ, бахту иқболи сафед, умед ба ояндаи нек ва шоистаи эҳтироми хосаи ҳар як шаҳрванди ҷумҳурӣ мебошад.

Парчам ифтихор ва сарбаландии миллат аст. Имрӯз бо итминон метавон гуфт, ки мардуми тоҷик ва сокинони Тоҷикистон зери Парчами давлати худ мувофиқати манфиатҳои умумимиллиро ба даст оварда, барои устувории Истиқлолияти давлатӣ, ҳифзи якпорчагии Ватан, ягонагии забону фарҳанг, муносибатҳои пешрафтаи ҷамъиятӣ, сулҳу субот кору фаъолият доранд.

Ҳама дастовардҳои замони соҳибистиқлолӣ чӣ дар дохили кишвар ва чӣ дар хориҷи он бо афрохтани Парчами давлатӣ муаррифӣ гардида, мардуми хирадманду заҳматқарини кишварамон дурнамои зиндагии худро бо нури ҳаётбахш ва раҳнамоии муқаддасоти миллӣ – Парчами давлатӣ эҳсос менамоянд. Парчами давлатии мо, анъанаҳои таърихию фарҳангии чандинасраи тоҷиконро инъикос мекунад. Эҳтироми Парчами давлатӣ ва расидан ба қадри он аз ҷумлаи вазифаҳои ифтихорӣ ва қарзи шаҳрвандии аҳли ҷомеаи мо ба ҳисоб меравад ва моро зарур аст, ки ҳисси ифтихор аз парафшонии он дар сиришту фитрати ҳар як шаҳрванди ватандӯсту меҳанпарасти кишвар доимо пой барҷо бошад.

Тоҷибой СУЛТОНЗОДА,
мудири шуъбаи рушди
иҷтимоӣ ва робита бо ҷомеаи
Дастгоҳи Раиси вилояти Суғд,
Илҳом МАДАЛИЗОДА,
мудири шуъбаи рушди иҷтимоӣ
ва робита бо ҷомеаи Дастгоҳи
раиси шаҳри Гулистон

Читать далее

Дастаи «Истаравшан»-и шаҳри Истаравшан ба Лигаи олии футболи Тоҷикистон роҳ ёфт

Дастаи «Истаравшан»-и шаҳри Истаравшан- ғолиби мусобиқаи Лигаи якуми футболи Тоҷикистон ба Лигаи олӣ роҳ ёфт.

Тавре ба АМИТ «Ховар» аз маркази матбуоти Федератсияи футболи Тоҷикистон хабар доданд, дастаи «Истаравшан», ки пешакӣ бо 67 имтиёз ба гирифтани медалҳои тилло даст ёфт, дар даври охирин дар меҳмонӣ аз дастаи «Ваҳдат»-и шаҳри Ваҳдат бо ҳисоби 0:1 мағлуб шуд. Ин ягона нокомии футболбозони шаҳри Истаравшан дар мавсими соли 2018 ба шумор меравад.

Ба дастаи «Эсхата»-и Хуҷанд, ки бо 61 имтиёз дар зинаи дуюм қарор гирифт, медалҳои нуқра супурда мешавад. Хуҷандиҳо барои ба лигаи олӣ роҳ ёфтан бо дастае, ки дар мусобиқаи имсолаи Лигаи олӣ ҷойи ҳафтумро мегирад, мубориза мебаранд.

Даҳ дастаи лигаи якум бозиҳои мавқуфгузоштаро анҷом медиҳанд. Барои медалҳои биринҷӣ дастаҳои «Ваҳдат»-и шаҳри Ваҳдат ва «Саройкамар»-и ноҳияи Панҷ талош доранд. «Ваҳдат», ки бо 51 имтиёз ҳоло дар ҷойи сеюм аст, мавсимро ба анҷом расонд. Агар «Саройкамар» дар се бозии мавқуфгузошта пирӯз шавад, соҳиби медалҳои биринҷӣ мегардад.

Читать далее

Бахтномаи миллат

Конститутсия маҳсули андешаи миллӣ ва арзишҳои бунёдии халқи кишвар мебошад, зеро ин ҳуҷҷати сарнавиштсоз маҳз ба шарофати андешаву ҳувияти миллӣ, таҳаммулгароӣ ва ҷасорату матонати сиёсии мардуми дорои маърифати баланди ҳуқуқӣ қабул гардида, барои устувории пояҳои давлати мустақил мусоидат намуд.

Эмомалӣ РАҲМОН

Дар раванди ташаккули давлатдории навин як қатор дастовардҳо ба миён омада, бори нахуст дар Тоҷикистони соҳибистиқлол Қонуни асосӣ - Конститутсияи кишвар бо тариқи раъйпурсии умумихалқӣ 6-уми ноябри соли 1994 қабул карда шуд.

Конститутсия ба бунёди ҷомеаи дунявию ҳуқуқбунёд ва инкишофи он замина фароҳам овардааст, зеро он бо арзишҳое, ки мақсаду мароми мардуми кишвар буд, асос ёфта, инсон, ҳуқуқ ва озодиҳои ӯро ҳамчун арзиши олӣ эълон намудааст. Ҳамзамон, эъмори давлати соҳибихтиёр, демократӣ, ҳуқуқбунёд, дунявӣ ва иҷтимоӣ будани Тоҷикистони азиз дар моддаи 1-и Конститутсия дарҷ гардида, дар меъёрҳои мухталифи он сарчашмаи ягонаи давлатӣ ва баёнгари соҳибихтиёр будани халқи Тоҷикистон, ягонагӣ ва тамомияти арзии Ҷумҳурии Тоҷикистон, гуногунандешии сиёсӣ ва мафкуравӣ, озодии эътиқод, сухан ва воситаҳои ахбори омма, фаъолияти озоди иқтисодӣ, соҳибкорӣ ва баробарҳуқуқии ҳамаи шаклҳои моликият, дар асоси эҳтироми соҳибихтиёрӣ ва истиқлолияти давлатҳо ва тибқи меёрҳои ҳуқуқи байналмилалӣ амалӣ намудани сиёсати хориҷӣ дарҷ карда шуданд.

Дар Конститутсияи кишвар вазифа ва мақсаду мароми ҳокимияти судӣ, принсипҳои ба амал баровардани адолати судӣ, тартиби таъину озод ва муҳлати ваколати судяҳо муайян карда шуд. Моддаи 84-и Конститутсияи Ҷумҳурии Тоҷикистон муқаррар кардааст, ки ҳокимияти судӣ мустақил буда, аз номи давлат ва аз тарафи судҳо амалӣ мегардад. Ҳокимияти судӣ ҳуқуқ, озодии инсону шаҳрванд, манфиатҳои давлат, ташкилоту муассисаҳо, қонуну адолатро ҳифз менамояд. Аз ин муқаррароти Конститутсия бармеояд, ки дар ниҳоят адолати судӣ ва дар маҷмуъ, адолати иҷтимоиро суд ба амал мебарорад.

Ин аз ҷониби судяҳо ва судҳо бо роҳи ҳаллу фасли парвандаҳо дар мурофиаҳои ҷиноятӣ, граҷданӣ, иқтисодӣ, оилавӣ ва баррасии парвандаҳои маъмурӣ татбиқ карда мешавад. Зикр кардан бамаврид аст, ки мақомоти судии кишвар ҷиҳати таъмини адолати ягона ва риояи ҳуқуқу манфиатҳои аъзоёни ҷомеа, муассисаю корхона ва ташкилоту созмонҳо талошҳои босамар анҷом медиҳанд.

Дар ин раванд такомул бахшидани ислоҳоти судӣ - ҳуқуқӣ бо назардошти инкишофи ҷомеа, муносибатҳои нави иқтисодӣ, иҷтимоӣ, сиёсӣ, фарҳангӣ ва ҳуқуқӣ як қатор санадҳои меъёрии ҳуқуқӣ дар таҳрири нав ва қисми дигар бори аввал аз ҷониби мақомоти қонунгузори кишвар қабул карда шудаанд.

Шарифзода Мавҷуда Рауфӣ,
раиси Суди шаҳри Хуҷанд

Читать далее