09 November 2018

Тюремный бунт - жестокий и беспощадный

Бунт, произошедший в колонии №3 г.Худжанд, где содержатся заключенные, отбывающие наказание за тяжкие и особо тяжкие преступления, а также за терроризм и экстремизм, ещё раз показал, что отдельные СМИ, в числе которых интернет-сайт «Фергана.Ру», «Ахбор.ком», «Паём.нет», «risolat.tj», «isloh.net», «zindonion.com» и др. объективному и адекватному освещению событий предпочитают умышленное искажение фактов в погоне за искусственно созданной  «сенсацией». 

Читать далее

Раҷаббой Аҳмадзода - Раиси вилояти Суғд: Саҳм дар таъмини амнияту осоиштагӣ шарафи бузург аст!

Таҷлили Рӯзи милитсияи тоҷик

9 ноябри соли равон дар Муассисаи давлатии Қасри маданияти «Арбоб» - и ноҳияи Бобоҷон Fафуров бахшида ба Рӯзи милитсияи тоҷик бо иштироки Раиси вилояти Суғд Раҷаббой Аҳмадзода ҷаласаи мутантан баргузор гардид.

Дар ҷаласа роҳбарият, кормандон ва собиқадорони Раёсати Вазорати корҳои дохилии Ҷумҳурии Тоҷикистон дар вилоят, мақомоти ҳифзи ҳуқуқ ва намояндагони Раёсатҳои корҳои дохилии вилоятҳои Тошканд, Самарқанд ва Фарғонаи Ҷумҳурии Ӯзбекистон ва вилояти Боткенти Ҷумҳурии Қирғизистон ширкат варзиданд.

Читать далее

Генерал Хуршед Маҳмадзода-меҳандӯсти асил ва сипар дар муқобили қувваҳои иртиҷоӣ

Ҳалқаҳои зиддимиллӣ дар хориҷа тавони дидани комёбиҳои Ватанро надоранд. Хаффошони хориҷӣ дар мисоли як муноқишаи маишӣ дар ш.Хоруғ, ба шахсияти генерали ҷангӣ ва марди асил Хуршед Маҳмадзода дарафтидаанд. Дар ин ҳамлаҳои нораво ва душманонаи таблиғотӣ сомонаи ифротгароёни фирорӣ «Паём.нет», ки мансуби ҳизби террористии «ҲНИ» мебошад пешдастӣ дорад.

Читать далее

Меъёрҳои муқаддасоти миллии кишварро риоя ва ҳифз кунем

Сомонаи ивғоангезонаи akhbor.com, ки мансуб ба  Мирзои Салимпур мебошад, дурӯғи навбатии худро нашр намуд.  

Инчунин, дар сомонаҳои дигар дурӯғу бофтаҳои  Илҳом Ёқубов, Алим Шерзамонов, Юнус ва Кабирӣ нашр мегардад. Иддаои ин фарзандони фурӯхташудаи тоҷик ин аст, ки мехоҳанд номи миллати тоҷик ва Тоҷикистонро ба ҷаҳониён ба бадӣ нишон диҳанд. Зеро онҳоро хоҷагонашон ба воситаи додани кӯмаки моддии доимӣ дар хориҷи кишвар забонкӯтоҳ кардаанд ва дар ивази ин кӯмакҳо нақшаҳои онҳоро пиёда месозанд.  

Аммо нақшаҳои онҳо амалӣ нахоҳанд гашт. Ҷинояту кирдорҳои нангини онҳо зидди қонуну меъёрҳои амалкунандаи Тоҷикистон ва байналмилал мебошанд. Мардуми кишварамон имрӯзҳо Рӯзи Конститутсияи Ҷумҳурии Тоҷикистонро таҷлил менамоянд. Мо, миллати тоҷик ва ҳар як шаҳрванди баору номусро зарур аст, ки меъёрҳои ин муқаддасоти миллиамонро риоя ва ҳифз кунем.

Чӣ хеле гуфтаанд, озод зистан хоҳӣ, ғуломи қонун бош. Аммо ТТЭ ҲНИ, Паймони миллӣ, Анҷумани озодандешон, Гурӯҳи 24 ва амсоли онҳо, ки зидди қонунгузории Тоҷикистон амал мекунанд, зуд ё дер барои амалҳояшон ҷавоб хоҳанд гуфт.  Кулли сокинони Тоҷикистон зидди амалҳои террористиву ифротгароӣ ҳастанд ва намегузоранд, ки ба Истиқлолияту ваҳдат, сулҳу суботи кишвар халал ворид гардад.

Лоиқ ТӮЙЧИЕВ,
ноҳияи Деваштич

Читать далее

Дар таҳкими суботи кишвар саҳмгузор бошем

Пас аз ба даст овардани Истиқлолият дар Ҷумҳурии Тоҷикистон баҳри инкишофу рушди қонунгузорӣ, узвият ба созмонҳои бонуфузи байналмилалӣ, қабули санадҳои байналмилалӣ ва ҳамкорӣ бо кишварҳои  ҷаҳон дар мубориза бо  терроризму ифротгароӣ тадбирҳо амалӣ карда шуд. Ғайр аз ин, дар ҷумҳурӣ санадҳои меъёрии ҳуқуқӣ қабул гардид, ки василаи самараноки пешгирӣ аз амалҳои террористӣ ба ҳисоб мераванд. Ин санадҳо асосҳои ҳуқуқии мубориза алайҳи терроризмро пурқувват мегардонад. Аммо, санадҳои қабулгардидаро дар амал на ҳама шаҳрвандон риоя мекунанд.

Имрӯз ба ҳамаи мо маълум аст, ки яке аз манбаъҳои асосии таъминоти молиявии терроризм ва ифротгароӣ гардиши ғайриқонунии маводи мухаддир ба ҳисоб меравад. Мутаассифона, ин амал дар ҷумҳурии мо низ, аз ҷумла дар минтақаҳое, ки бо Ҷумҳурии Афғонистон ҳамсарҳаданд, ба назар мерасад. Гардиши ғайриқонунии маводи мухаддир, пеш аз ҳама,  хатари ҷиддӣ ба саломатии шаҳрвандон буда, ба сулҳу субот ва амнияти кишвар таҳдид мекунад.     

Бо мақсади  густариш додани амали санади меъёрии ҳуқуқӣ байни ҷомеа, моҳият ва нақши санадҳои меъёрии ҳуқуқӣ дар кишвар, пешгирии амалҳои террористӣ дар ҳамкорӣ бо шаҳрвандон, огаҳ намудани сокинон аз ҳадафҳои террористон ва ғайраҳо дар шаҳру ноҳияҳои кишвар кормандони мақомотҳои ҳифзи ҳуқуқ корҳои фаҳмондадиҳӣ гузаронида истодаанд. Аз ҷумла, дар Донишгоҳи давлатии ҳуқуқ, бизнес ва сиёсати Тоҷикистон низ мунтазам вохӯриҳо бо кормандони мақомоти ҳифзи ҳуқуқ ва раисони шаҳру ноҳияҳо  бо устодону донишҷӯён доир карда мешавад.

Аз ин рӯ, дар Ҷумҳурии Тоҷикистон санадҳои меъёрии ҳуқуқӣ дар мубориза бар зидди терроризм, пеш аз ҳама, дар ҷодаи дарк намудани мафҳуми терроризм ва ифротгароӣ, пешгирӣ намудани амалҳои террористӣ ва ё ҷиноятҳои хусусияти террористӣ дошта, ба ҷавобгарии ҷиноятӣ кашидани шахсони ҷиноятсодиркардаи ҷиноятҳои дорои хусусияти террористӣ дошта, пешгирӣ намудани шомилшавии шаҳрвандон ба гуруҳҳои террористӣ, аз байн бурдани гуруҳҳои террористӣ, таъмини сулҳу субот ва амнияти кишвар нақши муҳим мебозад.

Мо, ҷавононро  зарур аст, ки аз мӯҳтаво ва моҳияти санадҳои меъёрӣ- ҳуқуқӣ бархурдор бошем. Ояндаи давлат, ки дар дасти мо, ҷавонон мебошад, пеш бурдану муҳофизати давлатро вазифаи хеш шуморем.  Моро  зарур аст, ки ҳушёрии сиёсиро аз даст надода, чун фарзандони як сарзамин аз як гиребон сар барорем. На ин, ки мисли бархе ҷавонон фирефтаи дасисаҳои гурӯҳҳои террористӣ бошем, балки ҷавонони ватандӯсту хештаншинос бошем, ба арзишҳои волои миллӣ арҷ гузорем. Имрӯзу ояндаи давлатамон аз мо вобастагии калон дорад. Заррае бошад ҳам, саҳми худро дар суботу амнияти кишвари хеш гузорем.

Шодибек Шоҳимардонов,
донишҷӯи факултети ҳуқуқшиносии
Донишгоҳи давлатии ҳуқуқ, бизнес ва
сиёсати Тоҷикистон

Читать далее

Шуури ҷавононро аз ақидаҳои ифротӣ эмин дорем

Терроризм ва экстремизм ҳалқаҳои як занҷираро ифода мекунанд. Ифротгароӣ ин назарияи тайёрӣ, вале терроризм ин иҷрошавиро мефаҳмонад.

Ифротгароӣ бо оқибатҳои даҳшатбору бераҳмонаи худ ба инсоният таҳдиду хатарҳои зиёдеро эҷод карда истодааст.

Имрӯз «терроризм ва ифротгароӣ беш аз ҳарвақта авҷ гирифта, бо оқибатҳои даҳшатбору бераҳмонаи худ ба масъалаи ҷиддитарини инсоният дар асри ХХI табдил ёфтааст. Бинобар ин, ҳар як шаҳрванди кишвар, мақомоти ҳифзи ҳуқуқ ва сохторҳои низоми бояд дар мубориза бар зидди ин зуҳуроти хатарзо, ҳифзу сулҳу субот ва амнияти миллат саҳм гузоранд.

Роҳбарони гурӯҳҳои ифротгаро ба ҷавонони гумроҳ ваъдаҳои зиёд дода, онҳоро ба коми оташ тела медиҳанд. 

Мутаассифона, шомилшавии бархе аз ҷавонон ба гурӯҳҳои ифротӣ ҳолатҳои ба таври оилавӣ ба минтақаҳои ҷангзада рафтани сокинон ҷой дорад. Онҳо асосан, муҳоҷирони меҳнатие мебошанд, ки дар Русия ба доми фиреби гурӯҳҳои ифротӣ афтида, ба ин кишварҳо фиристода шудаанд.

Раванди ҳодисаҳо нишон медиҳанд, ки ифротгароӣ ё худ экстремизми динӣ торафт хусусияти фаромиллӣ касб карда, ба яке аз муаммоҳои ҷиддии глобалӣ табдил ёфтааст. Тавре маълум аст, чунин зуҳуроти хатарнок минтақа ва кишварҳои алоҳидаи ҷаҳонро фаро гирифта, таҳдид ва амнияти сокинони сайёраро меафзояд.

Дар Ҷумҳурии Тоҷикистон мамнӯъ карда шудани фаъолияти Ҳизби наҳзати исломӣ ва ҳамчун ташкилоти ифротгароӣ – террористӣ эътироф намудани онро, шаҳрвандони кишвар дуруст ва одилона меҳисобанд.

Таҳлили фаъолияти солҳои охири Ҳизби наҳзати исломӣ нишон дод, ки он аз аввали ташкилёбиаш (моҳи декабри соли 1991) барои сарнагун намудани сохти конститутсионӣ ва ба даст овардани қудрат талош карда, дар сар задани ҷанги шаҳрвандии Тоҷикистон даст дошта, маҳз бо ҳамин сабаб он замон баста шуд. Баъд аз имзои Созишномаи умумии истиқрори сулҳ ва ризоияти миллӣ ҳизби наҳзат аз нав номнавис шуда, ба фаъолият оғоз кард. Аз ин гузашт хулосаи зарурӣ набароварда, ба ҷои гузоштани саҳм дар рушди кишвар ва якпорчагии миллати тоҷик аъзоёни ин ҳизб боз ҷиноятҳои хусусияти террористию ифротгароӣ доштаро содир намуданд. Дар асоси ин далелҳо фаъолияти ТЭТ ҲНИ мувофиқи қонуни ҷиноӣ манъ карда шуд. Аксари аъзоёни наҳзат сари вақт хатои худро дарк намуда, тарки узвияти ҳизб карданд. Онҳо фаҳмиданд, ки фаъолияти ин ҳизб на ба рушди кишвар, балки ба таназзули он оварда мерасонад.  

Ш.Тоҷибоев,
номзади илмҳои ҳуқуқшиносӣ,
декани факултети ҳуқуқшиносии
Донишгоҳи давлатии ҳуқуқ, бизнес
ва сиёсати Тоҷикистон

Читать далее

Ақли солиму нерӯи созанда мебояд

Феълан, аҳди мо аҳди тантанаи ақли солиму неруи созанда муаррифӣ мешавад. Бо ин ҳама боиси таассуф аст, ки дар ҷаҳони мо, дар муҳити тамаддунгарои мо баъзан рӯйдодҳое ба мушоҳида мерасанд, кирдорҳое ба вуқӯъ мепайванданд, ки рӯзгорамонро доғдор мегардонанд.

Чунин равандҳои ношоиста имрӯзҳо тамоми ҷомеаи сулҳпарвару башардӯстро сахт ба ташвишу изтироб овардааст. Мушкилоти асосии таассуфангези замони мо амалҳои терроризм ва экстремизми байналмилалӣ, ифротгароии сиёсӣ ва мазҳабӣ, қочоқи маводи мухаддир, харидуфурӯши пуршитобу ғаразмандонаи аслиҳа, таҳримҳои кинаварона мебошанд, ки дар маҷмӯъ оромиву суббот ва ҳаёти осоиштаи аҳли сайёраро халалдор кардаанд.

Имрӯз мутаассифона, далелҳои кам нестанд, ки баъзе ҷавонони мо бо таъсири омилҳои гуногун ба калавишҳо дучор омадаву рӯй ба зуҳуроти номатлуб овардаанд ва ҷавонии зебои худро доғдор кардаанд. Ин ҳолатҳо мо, омӯзгорони макотиб ва донишгоҳҳои олӣ ва волидонро водор менамояд, ки дар таълиму тарбияи насли наврас, ҷавонон эҳтиёткор бошем. Онҳоро дар куҷое набошанд, хоҳ ҳини машғулият, хоҳ дар хонадон, хоҳ дар муҳоҷират беназорат намонем. Аз ҳар рафтору кирдори онҳо бохабар бошем, онҳоро дар рӯҳи эҳтиром ба арзишҳои волои миллӣ тарбия намоем. Нагузорем, ки ба доми фиреби гурӯҳҳои ифротӣ афтанд.

Лола БОБОЕВА,
омӯзгори Коллеҷи омӯзгории
шаҳри Панҷакент

Читать далее

Бо тафаккуру андешаи солим баҳри пешрафти кишвар саҳм гузорем!

Барои бақои ҳар ҷомеа ва рушду инкишофи он суботи сиёсӣ ва амнияти ҷамъиятӣ аз ҷумлаи муҳимтарин талаботҳо ба ҳисоб меравад. Аз замони пайдоиши худ давлат маҳз дар анҷоми ин вазифаҳои муҳими сиёсӣ тадбирҳо амалӣ намуда вобаста ба тавоноӣ ва иқтидори ҳарбии хеш ин вазифаи муҳимро анҷом медиҳад. Хосатан дар давлатҳои низоми демократӣ дошта, давлат қабл аз ҳама масъули таъмини суботи сиёсӣ ва амнияти давлатӣ дониста мешавад. Масъалаҳои дигари иҷтимоиву иқтисодӣ ва фарҳангӣ бошад, бо иштироки фаъоли мардум ҳал мегардад.

Имрӯз гурӯҳҳое ҳастанд, ки дар байни мардум фитна андохта, назари аҳолиро нисбати ҳокимият дигаргун карданианд.

Мо аз хотир набарорем, ки пешрафту ободии кишвар танҳо дар ҳолати оромӣ, ягонагии ҷомеа, ваҳдати саросарӣ ва ҳифзи якпорчагии он имконпазир аст. Ҳамагон хуб медонем, ки сол аз сол шароити иҷтимоии мардум беҳтар шуда истодааст. Корҳои ободониву созандагӣ босуръат идома дорад. Боварии комил дорем, ки  дар ҳолати тинҷиву оромӣ ва ягонагии ҷомеа дар арафаи 30-солагии соҳибистиқлолии Ҷумҳурии Тоҷикистон мардуми кишвар ба дастовардҳои назаррас ноил мегарданд ва шароити сокинони ҷумҳурӣ боз ҳам беҳтар мегардад. Вазифаи муҳими мо шаҳрвандон ба дасисаву фитнаҳои бегонагон дода нашудан ва пайваста саҳм гузоштан дар ободиву созандагии кишвар мебошад. Зиндагии моро ба ҷуз худи мо касе беҳтар намекунад.

Шӯҳрат САИДЗОДА,
номзади илмҳои сиёсатшиносӣ
дотсенти кафедраи сиёсатшиносии
Донишгоҳи давлатии ҳуқуқ, бизнес ва сиёсати Тоҷикистон

Читать далее

Зеҳни ҷавононро аз андешаҳои ифротӣ эмин дорем!

Имрӯз дар минтақаҳои гуногуни олам арзи вуҷуд кардани зуҳуроти террористиву ифротгароӣ ба амнияти сокинони дунё таҳдид карда, ба як муаммои ҳалталаб табдил гаштааст. Мо аз воситаҳои ахбори умум дар бораи ба доми фиреби гурӯҳҳои ифротӣ гирифтор шудани ҷавоне ё гурӯҳи ҷавонон огоҳӣ дармеёбем.

Террористон ба василаи ҷалбкунӣ ба гурӯҳҳои худ ҷавонони зудбоварро аз Ватан берун, аз хешу табор ҷудо мегардонанд, бо ваъдаҳои пуч домани онҳоро пур ва ба содир кардани кирдорҳои номатлубу барои ҷомеа зиёновар, ҷиноятҳои вазнин тела медиҳанд. Мутаассифона, чанде аз ҷавонони тоҷик низ фирефтаи доми макру тазвири гурӯҳҳои террористӣ, аз ҷумла ҳизби мамнӯи наҳзат шудаанд ва ба нокомиҳову фалокатҳои зиёде дучор омада, имрӯз аз карда пушаймонанд.

Баҳри пешгирии зуҳуроти номатлуб, шомилшавии ҷавонон ба ин гуна гурӯҳҳо дар маҳаллаҳо, ҷамоатҳо, деҳаҳои кишварамон чораҳои мушаххас андешида шуда истодаанд. Муҳимтар аз ҳама, корҳои таблиғотию ташреҳи байни ҷавонон тақвият ёфтаанд, тарбияи ватандӯстию инсонпарварӣ миёни онҳо пурзӯр карда шуд. Ин ҳама тадбирҳо ба воқеъбину мулоҳизакор, хушрафтору дурандеш шудани ҷавонон  нигаронида шудаанд ва мо, омӯзгорон минбаъд низ кӯшиш ба харҷ медиҳем, ҷавононро ба роҳи рост ҳидоят намоем, то ки онҳо баҳри шукуфоии Ватан саҳмгузор бошанд.

Муаззамой РАҲМОНОВА,
мудири кафедраи таърих ва ҷомеашиносии
Коллеҷи омӯзгории шаҳри Панҷакент

Читать далее

БА МО ПАСТӢ НАМЕЗЕБАД БАРОДАР!

Ситоди байниидоравии таъмини амният дар Бадахшон Хурсанд Мазоров - яке аз лидерони ғайрирасмии ин вилоятро масъули тирпарронии шаби 4 ба 5 ноябр дар шаҳри Хоруғ номид ва гуфт, ҳадафи онҳо ноором кардани вазъи Хоруғ ва қатъи фаъолияти посгоҳҳо буд. Дар натиҷаи тирпарронии фармондеҳи ОМОН генерал-майор Хуршед Муҳаммадзода бо тирҳои резинӣ дар Хоруғ ду сокини маҳаллӣ тир хӯрданд. Ситоди байниидоравӣ гуфт, як гурӯҳи ҷавонон бо роҳнамоии Хурсанд Мазоров мехостанд ба фаъолияти посгоҳҳо монеа эҷод кунанд ва сардори посгоҳҳо маҷбур шудааст даст ба силоҳ барад.

Эй вой, ба он нафарони кӯрнамаке, ки бо мақсади ноором намудани  ҷомеа ва ба таҳлука афтонидани мардум тиркушоӣ менамоянду  осудагиву оромиши давлати азизамонро халалдор месозанд. Ростӣ, баробари мутолиаи мақолаи “Хурсанд Мазоров ба роҳбарии ҳодисаҳои Хоруғ айбдор шуд” дар сувари хаёам носозгориҳои солҳои 1992 - 1995, ки банда донишҷӯ будаму дар шаҳри Душанбе зиндагӣ доштам, ҷилвапардозӣ намуданд. Ин гуна разилон магар дарк намекунанд, ки як садои тири бемаънии онҳо осудагии ҳазорон нафар мардуми бегуноҳро барбод медиҳаду оромии халқро аз байн мебарад. Эй бародарон, умри инсон  чанд сол аст, ки боз ба ҳамдигар кинаву адоват ва бухлу ҳасад меварзем? 

Мо бояд шукргузор бошем, ки соҳиби Ватани азиз, хонаву дари обод ва сарзамини биҳиштосо ҳастему Худованд бароямон Сарвари оқил эҳдо намудааст, ки ин неъматҳоро аксари ҷаҳониён орзу менамоянд. Дар хоки аҷдодии мо падарону бобоёни азизамон мадфан гардидаанду намегузорем, ки рӯҳи поки онҳо ноором гардад. 

Шахсан ман ба мардуми заҳматқарину меҳнаткаши Бадахшони бостонӣ, ки қалби бениҳоят шаффоф доранд, эътимоди зиёд дошта, таманнои онро дорам, ки дар ин сарзамини ганҷхез ба ҷуз садои марғуладори лаъли Бадахшону овози дастпонаҳои модарону хоҳаракони бадахшӣ,  замзамаи тифлакони ширинзабону нозпарвари ин сарзамини биҳиштосо   дигар садое баланд нагардад.

Ё ба қавли Лоиқи зиндаёд:

Чу мо фарзанди кӯҳҳои баландем,

Ба мо пастӣ намезебад бародар!

Сарвиноз ҶӮРАЕВА,
дотсенти Донишгоҳи давлатии Хуҷанд
ба номи академик Б.Ғафуров

Читать далее