13 November 2018

Зять ТЭО ПИВ Стив Свердлов, на стороне игиловцев

На сайте «Фергана» опубликована статья «HRW призвала Таджикистан привлечь иностранных экспертов к расследованию бойни в тюрьме», где говорится, что «Международная правозащитная организация Human Rights Watch призывает власти Таджикистана провести прозрачное расследование инцидента в тюрьме Худжанда — с привлечением независимых международных экспертов» данное сообщение сделал Стив Свердлов.

Читать далее

Дар ноҳияи Деваштич сохтмони биноҳои таваллудхонаи марказӣ, нозироти андоз, маркази адлия ва раёсати молия идома дорад

Раиси вилояти Суғд Раҷаббой Аҳмадзода дар идомаи сафари корӣ ба ноҳияи Деваштич дар маркази ноҳия бо рафти бунёди бинои таваллудхонаи марказӣ шинос шуд.

Таваллудхонаи марказии ноҳияи Деваштич, ки сохтмонаш нотамом боқӣ монда буд, бо 100 кат ва тамоми шароити зарурӣ мавриди истифода қарор хоҳад гирифт.

Читать далее

Шиносоии Раиси вилоят бо рафти сохтмони маркази саломатӣ ва муассисаи томактабӣ дар ноҳияи Деваштич

Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Деваштич сохтмони як зумра иншооти муҳими иҷтимоӣ ҷараён дорад.

13 ноябри соли 2018 Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои созандагиву бунёдкорӣ ба ноҳияи Деваштич сафар намуд ва рафти корҳои сохтмониро мавриди назар қарор дод.

Читать далее

Мушкилоти истгоҳ: Кай ҳал мегардад?

Пас аз ҳаракати автобус дар хатсайрҳо мардум изҳори хушнудӣ карданд, зеро он имкони гирифтани миқдори зиёди мусофиронро дорад. Нархи он нисбат ба микроавтобус арзон буда, алҳол 100 автобус дар 6 хатсайр фаъолият мебарад. Аз 8 ноябри соли равон мусофирон тариқи гирифтани чипта аз автобус истифода бурда истодаанд.

Малика Домуллоева – сокини шаҳри Бӯстон: - Фаъолияти автобус бароям ҳодисаи фараҳбахш буд, зеро пас аз гарон шудани нархи хизматрасонии микроавтобус ғамгин гаштам. Имрӯз бо автобус то донишгоҳ бо нархи арзон меравам, вале дар ҳар «як сари қадам» манъ кардани автобус маро парешон месозад. Шояд аз набудани истгоҳ ҳолат чунин бошад?

Бароти Муҳаммад – сокини ноҳияи Бобоҷон Ғафуров: - Автобус ҳусни кӯчаҳои шаҳрро зебо гардонидаасту барои гирифтани миқдори зиёди мусофирон имконияти хуб дорад. Вале дар баъзе маврид аз фаъолияти ронандагони автобус норозӣ ҳастам. Вақте дар роҳ ягон мусофир манъ намояд, бечунучаро таваққуф мекунад, аммо дар ҷойи зарурӣ кондуктор «Дар истгоҳ манъ мекунем, ин ҷо мумкин нест», - гӯён ҷавоб медиҳад.

Тибқи маълумоти роҳбарияти Корхонаи воҳиди коммуналии мусофиркашони шаҳр аз рӯи лоиҳаи «Нақлиёти ҷамъиятии Хуҷанд», ки сармоягузор Бонки Аврупоии «Таҷдид ва Рушд» мебошад, маблағ барои сохтмон, азнавсозии базаи истеҳсолӣ, хариди автобус, таҷҳизоти техникӣ аз ҷумла, чипта, кортҳои пластикӣ ва компютер барои назорати кори автобусҳо ҷудо шудааст.

Мавҷуд набудани истгоҳ ба фаъолияти ронандагон мушкилӣ эҷод мекунад. Истгоҳҳо таъмирталаб ва баъзеашонро ҳамчун маркази савдо хусусӣ кардаанд. Азбаски истгоҳ нест, ронанда маҷбур аст, дар ҷойи номуайян нақлиётро нигоҳ дорад. Барои бартараф кардани нофаҳмиҳо мо борҳо бо ронандагон суҳбат кардаем, ки дар фосилаи 400-500 метр, дар ҷойи бехатар автобусро манъ кунанд. Кай истгоҳ сад фисад таъмир гардад, он вақт ронандагон аз он ба пуррагӣ истифода мебаранд, - гуфт роҳбари лоиҳа.

Фахриддин Умаров – сармутахассиси шуъбаи меъмории шаҳр гуфт, ки истгоҳҳо пурра азнавсозӣ шуда истодаанд. Давоми се сол бояд зиёда аз 150 истгоҳ дар шаҳр сохта шавад. Истгоҳҳои кӯҳна аз нав барқарор карда шуда, харита, нақшаи маршрут, нуқтаи хизматрасонии техникиро дарбар мегиранд. Умед дорем, ки баъди барқарор ва таъмири истгоҳҳо фаъолият дар ин самт танзим меёбад.

Шаҳбонуи СИДДИҚ,
«Ҳақиқати Суғд»

Читать далее

Саҳлангорӣ дар бунёди майдончаҳои варзишӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба раисони шаҳру навоҳии ҷумҳурӣ, аз ҷумла вилояти Суғд дастуру супориш дода буданд, ки барои сазовор пешвоз гирифтани 30 - солагии Истиқлолияти давлатии Ҷумҳурии Тоҷикистон аз ҳамаи имконият истифода бурда, дар маркази вилоятҳо, шаҳру ноҳияҳо, шаҳраку деҳот, маҳалҳои аҳолинишин якҷо бо соҳибкорону шахсони саховатпеша бунёди майдону толорҳо барои оммавигардонии варзиш, ташвиқи тарзи ҳаёти солим ва дигар корҳои ободониро дастҷамъона ба роҳ монанд.

Варзиш рукни муҳими тарзи ҳаёти солим ва яке аз воситаҳои беҳтарини муаррифӣ намудани давлат ва миллат мебошад. Ҳукумати ҷумҳурӣ бобати ривоҷу равнақи ин соҳа таваҷҷуҳ зоҳир намуда, маблағгузориро ба соҳаи варзиш сол ба сол беҳтар менамояд. Бино ба иттилои масъулони Раёсати ҷавонон ва варзиши вилоят тибқи нақша соли равон дар ҳамаи шаҳру навоҳӣ бунёди 114 иншооти варзишӣ ба нақша гирифта шуда, то имрӯз 75 адади он мавриди истифода қарор гирифтааст, ки аз он 13 толор, 53 майдонча, 7 майдон барои бозии кӯдакон, як ҳавзи шиноварӣ ва як маҷмааи варзишӣ мебошад.

Бояд гуфт, ки дар ноҳияи Деваштич тибқи нақша бояд 4 иншооти варзишӣ дар соли равон сохта, ба истифода дода мешуд, аммо аз чӣ сабаб бошад, то имрӯз ақаллан ягон қитъаи замин ба ин мақсад ҷудо нашудаву сохтмон оғоз нагардидааст. Оид ба ин муаммо бо чанде аз сокинону варзишгарони Ҷамоати деҳоти Ваҳдати ноҳия ҳамсуҳбат шудем.

Ҷавонону варзишгарон аз ҷумла, Фирӯз Кӯчиев, Сангин Ҷумъаев зикр намуданд, ки чанд сол боз саъйу талош, муроҷиату дархости мо – сокинон ба мақомоти маҳаллӣ, шахсҳои алоҳида ва фардони маъруфи зодгоҳ бенатиҷа ба анҷом мерасад. Иҷрои ин амали хайр ё худ ҷомаи амал пӯшонидани орзуи мо, сокинон, фикр мекунам, ки ҳеҷ мушкиле надорад. Аммо намедонем аз чӣ сабаб онро нодида ва ҳам ношунида мегиранд.

Албатта, вақте мебинему мешунавем, ки дар ҷойҳои дигар шумораи зиёди майдончаҳои варзишӣ бунёд меёбанд, ба худ мегӯем: «Оё мо ҳам рӯзе ва ё моҳу соле соҳиби ин гуна майдонча мешуда бошем»? Дар идомаи пурсишамон боз мегӯем: «Дигар боз ба кӣ ё куҷо муроҷиат намоем? Оё ин бор муваффақ мегардем ё не»? Охир посухи бисёр пурсишҳоямонро қаблан медонем ва ҳам эҳсос мекунем. Бо чунин ҳол маҳол аст, ки ҷавонони деҳаи мо рӯҳану ҷисман обутоб биёбанд.

Ба ғайр аз ин, хавфи рӯ овардан ба амалҳои номатлуб дар ин сурат вуҷуд доштанаш мумкин аст. Шояд ба ин васила барои ҳалли мушкилот масъулон камари ҳиммат банданду дар «Соли рушди сайёҳӣ ва ҳунарҳои мардумӣ» соҳиби майдончаҳои варзишии замонавӣ гардем.

Аммо, суоли матраҳ ин аст, ки аз нақша чандин моҳ гузаштаву чаро то кунун иҷрои он пурра дар амал татбиқ нагаштааст? Тибқи маълумоти Раёсати ҷавонон ва варзиши вилоят дар шаҳру ноҳияҳои Хуҷанд, Гулистон, Бӯстон, Конибодом, Панҷакент, Айнӣ, Шаҳристон ва Спитамен майдону толорҳои варзишӣ сохта, сад фоиз нақша иҷро гардидаасту дар шаҳру навоҳии дигар ин тадбир қисман иҷро гардида, сохтмон идома дорад.

 Бо вуҷуди он, ки нақша дар ин раванд то имрӯз иҷро нашудааст, аз раиси ноҳия хоҳиш намудем, ки оид ба вазъи соҳа бо мудири бахши ҷавонон ва варзиши ноҳия ҳамсуҳбат шавем. Баъди чанд лаҳза мавсуф гуфт, ки мудири бахш Вафоҷон Қӯлдошев тариқи телефон бо шумо дар тамос хоҳад шуд. Аз байн чанд рӯз сипарӣ гардиду баъди борҳо ба масъулони мақомоти маҳаллии ноҳия муроҷиат намудан В.Қӯлдошев бо мо дар тамос шуд.

Аз суҳбат аён гашт, ки аз вазъи соҳа бехабар асту гӯё як моҳ инҷониб дар шаҳри Душанбе қарор дорад. Ғайр аз посухҳои бемантиқу умумигӯиҳои «63 фоизи ноҳия субвенсионӣ буда, имкони бунёд намудани майдончаҳои варзиширо надорад. Имрӯз дар ноҳия ягон майдончаи варзишии наву замонавӣ сохта нашудааст. Он иншооте, ки сохта истодаем, ҳамааш тариқи ҳашар мебошад.

 Агар ягон нафар соҳибкору саховатманд пайдо шаваду барои сохтмони майдончаҳои варзишӣ иқдом кунад, мо онро дастгирӣ хоҳем кард, ман дертар боз маълумот пешниҳод менамоям.

Суоле ба миён меояд, ки мавсуф нисбат ба кору вазифааш чаро бемасъулиятӣ зоҳир мекунад? Дар иҷрои супоришҳои роҳбарияти мақомот саҳлангорӣ ва хунукназарона муносибат кардан оё дуруст аст? Аз будани чунин масъули соҳа барои ноҳия чӣ манфиат мерасад?! Гуфтан бамаврид аст, ки бунёди толору майдонҳои варзишӣ дар ҳар як маҳалли аҳолинишини ноҳия, дастгирии варзишгарон ва ҳавасмандсозии онҳо аз як тараф ба оммавишавии варзиш ва таҳкими тарзи ҳаёти солим мусоидат намояд, аз тарафи дигар дар тарбияи ҷавонони солиму ватандӯст нақши бориз хоҳад гузошт.

Аз чунин муносибати масъулон бармеояд, ки ба соҳаи варзиш дар ноҳия аҳамияти ҷиддӣ дода намешавад. Ҳалли муаммоҳои соҳаи мазкур омили асосии ба воя расидани насли солими миллатанд, вале нодида гирифтани онҳо оқибати нохуш дорад...

Маъмурахон САМАДОВА,
Нодир ТУРСУНЗОДА,
«Ҳақиқати Суғд»,
Хуҷанд - Деваштич - Хуҷанд

Читать далее