03 December 2018

Мансабдорони бунёдкор ва наҳзатиҳои ҷангҷӯ (Ҷавоб ба сомонаи даҳшатафкани «паём.нет»)

Ҷавоби мо ба «журналисти зардина» Темур Варақӣ мебошад. Зеро ӯ дар барномаи телевизионии «паём.нет» ба зиёдаравии маҳз даст задааст, шахсиятҳои муътабарро таҳқир кардааст. Нораво ва беасос будани мантиқи Варақиро ҳамчун атояшро ба лиқояш мебахшем ва бо тарзу усли ӯ ҷавоб медиҳем:

Читать далее

Таъйиноти кадрӣ дар сохтору воҳидҳои Вазорати корҳои дохилии Ҷумҳурии Тоҷикистон

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо як қатор кадрҳое, ки ба вазифаҳои роҳбарикунанда дар сохтору воҳидҳои Вазорати корҳои дохилии Ҷумҳурии Тоҷикистон таъйин гардиданд, суҳбат намуданд.

Ҳамин тавр сардорони шуъбаҳои Вазорати корҳои дохилӣ дар 23 шаҳру ноҳияҳои мамлакат иваз карда шуданд.

Читать далее

Шиносоии Раиси вилоят бо рафти корҳои ободонӣ дар Хуҷанд

1 декабри соли равон Раиси вилояти Суғд Раҷаббой Аҳмадзода дар шаҳри Хуҷанд бо рафти корҳои созандагиву бунёдкорӣ аз наздик шинос гардид.

Раиси вилоят нахуст ҷараёни бунёди роҳи танобиро мавриди таваҷҷуҳ қарор дода, ҷиҳати тезонидани суръати корҳо ба масъулин супоришҳо дод. Тавре аён гардид, айни замон насби сутунпояҳои роҳи танобӣ идома дошта, сохтмончиёни ҶДММ “Абдурашид” тибқи нақша короҳо пеш мебаранд.

Читать далее

Боздиди кории Раиси вилоят аз шаҳри Бӯстон

Чанде қабл Раиси вилояти Суғд Раҷаббой Аҳмадзода ба шаҳри Бӯстон сафари корӣ анҷом дода, раванди корҳои ободониву созандагиро мавриди таваҷҷуҳ қарор дод.

Зимни сафар Раиси вилоят сараввал аз Ҷамъияти дорои масъулияти маҳдуди “Суғд Пак” боздид намуд. Ёдовар бояд шуд, ки корхонаи мазкур моҳи октябри соли 2013 бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ифтитоҳ ёфта буд. Бо роҳандозии иқдомҳои шоистаи масъулин корхона доираи фаъолияти худро васеъ намуда, соли 2017 навбати дуюми он мавриди истифода қарор гирифт. Соли равон бошад дар асоси ҳидоятҳои Пешвои миллат муҳтарам Эмомалӣ Раҳмон дар заминаи корхона сехи нави истеҳсоли халтаҳои полиэтилении ғунҷоишашон гуногун ба кор андохта шуд.

Читать далее

Боздиди Раиси вилоят аз Таваллудхонаи вилоятии вилояти Суғд

30 ноябр Раиси вилояти Суғд Раҷаббой Аҳмадзода бо мақсади шиносоӣ бо сатҳу сифати хизматрасонии тиббӣ аз Таваллудхонаи вилоятии вилояти Суғд боздид намуд.

Тавре дар аснои боздид иттилоъ дода шуд, бо дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои таваллудхона ба таъмири кулли фаро гирифта шуда, 68 навъи таҷҳизоти зарурӣ таъмин гардида буд. Ғамхориҳои пайвастаи давлату Ҳукумат кори табибонро осон намуда, барои беҳтар шудани хизматрасонии тиббӣ такони ҷиддӣ бахшид. Бо дастгириҳои роҳбарияти вилоят томографияи магнитии рақамии резонансӣ, ки солҳои охир таъмирталаб шуда буд, аз нав фаъол гардонида шуд.

Читать далее

Миёни роҳбарияти ширкатҳои “Барс” ва "Мён Сунг"-и Кореяи Ҷанубӣ созишномаи ҳамкорӣ ба имзо расонида шуд

Дирӯз Раиси вилояти Суғд Раҷаббой Аҳмадзода роҳбари ширкати "Мён Сунг"- и Кореяи Ҷанубӣ Чон Ёнг Сун ва соҳибкорони вилоятро ба ҳузур пазируфт.

"Мён Сунг" яке аз ширкатҳои маъруфи Кореяи Ҷанубӣ ба ҳисоб рафта, бо соҳибкорони кишварҳои гуногун дар самти бунёди гармхонаҳои замонавӣ бо истифода аз технологияҳои ҷадид ҳамкорӣ менамояд. Қабл аз ин ҳам миёни ҷонибҳо суҳбатҳо доир ва барои ба роҳ мондани ҳамкориҳо ва бунёди гармхонаҳои замонавӣ дар вилояти Суғд тафовуқот ба даст омада буд.

Читать далее

АЗ КОРҲОИ НЕК ҶИЛВА НАМОЯД ГУЛБОFИ ВАТАН

Ободии диёр ин ободии рӯзгор аст. Саҳмгузорӣ дар шукуфоии Ватан қарзи шаҳрвандӣ ва инсонии ҳар як тоҷику тоҷикистонист. Баҳри сазовор истиқбол гирифтани ҷашни бузурги миллат - 30- солагии Истиқлолияти давлатии Ҷумҳурии Тоҷикистон дар тамоми минтақаҳои вилоят корҳои созандагиву бунёдкорӣ бомаром ҷараён гирифта, бунёди корхонаҳои истеҳсолӣ, майдончаҳои варзишӣ, сохтмону таъмири дабистонҳо, кошонаи ҳусну кохи фарҳанг тарҳрезӣ гардидааст. Бояд зикр кард, ки ҷиҳати амалисозии ҳадафҳои стратегии кишвар, фароҳам овардани шароити арзандаи зиндагӣ барои ҳар сокини мамлакат барномаву стратегияҳои давлатӣ амалӣ гардида, пайваста тадбирҳои муассир андешида мешаванд.

Имрӯзҳо сокинон талош доранд, ки ин санаи пурифтихору фархундаро бо дастовардҳои бузурги меҳнатӣ истиқбол гиранд. Дар тамоми шаҳру ноҳияҳои вилоят бунёди як қатор иншооти ҷашнӣ ба назар мерасад, ки барои боз ҳам ободу зебо гардидани минтақаи гуногуни вилоят мусоидат менамояд. Мақомоти иҷроияи ҳокимияти давлатии ноҳияи Спитамен ба истиқболи ин ҷашни бузург бунёд, тармим ва таъмири беш аз 122 иншооти замонавиро ба нақша гирифтааст.

Корҳои ободонӣ бомаром ҷараён гирифта, шаҳраку деҳот рӯз аз рӯз симои худро дигар менамоянд. Як қатор иншооти фарҳангию фароғатӣ то имрӯз бунёд ва мавриди баҳрабардорӣ қарор гирифтанд. Бояд зикр намуд, ки дар таъсиси корхонаву сехҳои нави дӯзандагӣ дар ноҳия саҳми соҳибкорон низ бузург аст. Дар Ҷамоати шаҳраки Навкат аз ҷониби бонуи соҳибкор М. Расулова Маркази хизматрасонӣ ва сехи дӯзандагии "Маҳтоб" бунёд гардида, мавриди баҳрабардорӣ қарор гирифт. Марказ 20 нафар зани хонашинро бо ҷойи кори доимӣ таъмин кард, ки барои баланд бардоштани иқтисодиёти мардум кӯмак менамояд.

Дар шаҳраки мазкур ҳуҷраҳои иловагии бинои маъмурии КФ КВД «Лоиҳакаш», анбори сӯзишвории бинои маъмурии ҶДММ «Гули Сурх Континент» ва бинои маҷмааи меҳмонхона ва хизматрасонии маишии «Судайс», ҳамчунин бинои маркази хизматрасонӣ ва ҳаммом низ сохта шудаанд, ки ҳамаи онҳо мавриди истифода қарор гирифтаанд. Ҳамзамон, дар Ҷамоати деҳоти Истиқлол бинои дуошёнаи Маркази хизматрасонӣ ва сехи дӯзандагии "Райҳона" ба фаъолият оғоз кард, ки чандин нафар бо ҷои кори доимӣ таъмин шуданд.

 Барои ҷалби ҷавонон дар деҳаи Саидқалъа толори варзишии замонавӣ, майдончаи бозиҳои бачагона сохтаанд, ки айни ҳол мавриди истифода қарор доранд. Дар деҳаи Фармонқалъаи Ҷамоати деҳоти Хуррамзамин бинои дуошёнаи Маркази хизматрасонии маишӣ ва сехи дӯзандагӣ бунёд карда шуд. Шоёни тазаккур аст, ки дар деҳаи Саидқалъаи Ҷамоати деҳоти Истиқлоли ноҳия шабакаи обтаъминкунӣ ба маблағи 3 миллиону 720 ҳазор сомонӣ сохта шуд.

Ин амали хайр дар ҳамкорӣ бо Котиботи байналхалқии таъминоти деҳот бо оби нӯшокӣ ва санитария, водии Фарғона – Тоҷикистон муяссар гардидааст. Корҳои ободониву созандагӣ дар Ҷамоати деҳоти Куруш бо сохтмон ва ба истифода дода шудани маркази хизматрасонии бинои «Амонатбонк» ва пули мошингузар дар деҳаи Куркати ҳамин Ҷамоат бо дастгирии аҳолии маҳаллӣ, соҳибкорон ва ҶДММ «Файзи саҳар» амалӣ гардидааст. Дар ноҳия бо маблағгузории буҷети вилояти Суғд таъмир ва мумфарш намудани 2,5 километр роҳи автомобилгарди “Спитамен - Янгиобод”-и Ҷамоати деҳоти Т.Ӯлҷабоев ва аз ҷониби Идораи сохтмони асосии вилоят обод гардонидани роҳи автомобилгарди "Куркат - Ширин - Зафаробод" ба итмом расонида шудааст.

Аҳолии Ҷамоати деҳоти Т.Ӯлҷабоев аз бунёд гардидан ва ба фаъолият оғоз намудани бинои хизматрасонии Маркази тиббии дандонпизишкӣ, ки аз тарафи соҳибкор А.Мамашарифов сохта шудааст, хушнуд ҳастанд. Марказ дорои 6 ҳуҷра (гиёҳдармонӣ, муолиҷа, безараргардонӣ, ортопедӣ, ҳуҷраи хатна ва ҳуҷраи истироҳат) буда, 6 нафар бо кори доимӣ таъмин шуданд.

Марказ дар оянда таъсиси ҳуҷраи кабинети рентгенӣ ва хонаи гузаронидани ташхис барои пешгирии бемории ВИЧ/СПИД-ро ба нақша гирифтааст. Ҳамчунин, дар радифи иншооти хизматрасонии ноҳия дар шоҳроҳи Хуҷанд - Душанбе мавриди баҳрабардорӣ қарор гирифтани ошхонаи «Дӯстӣ», дар Ҷамоати деҳоти Куруш чойхонаи «Ҳоҷӣ Норбек» ва дар Ҷамоати деҳоти Истиқлол як майдончаи варзишии замонавиро метавон зикр кард.

То имрӯз дар ноҳия иншооти ҷашнии таъиноташон гуногун бунёд гардида, то соли 2021 яъне то ҷашни 30-солагии Истиқлолияти давлатии Ҷумҳурии Тоҷикистон сохтмони дигар марказҳои хизматрасониву бозиҳои кӯдакона, толорҳои варзишӣ, кошонаи ҳусн, сартарошхона, китобхона, марказҳои саломатӣ, ҳаммом, сехи дӯзандагӣ, коргоҳҳои ҳунарҳои мардумӣ, дигар корхонаҳои истеҳсолӣ дар назар аст.

Инчунин таъмиру бунёди роҳҳои дохилии маҳалҳои аҳолинишин, таъмиру азнавсозии муассисаҳои таълимӣ, гулкорию кабудизоркунӣ дар ҳамаи ҷамоатҳои шаҳрак ва деҳоти ноҳия дар назар аст. Умед аст, ки баҳри ноил гардидан ба дастовардҳои беҳтарин, комёбиҳои беназир ва инкишофу пешравии Ватани азизамон – Тоҷикистон тамоми имкониятҳо мавриди истифода қарор дода мешаванд ва ҷашни таърихии миллӣ 30-солагии Истиқлолияти давлатии Ҷумҳурии Тоҷикистон бо шукӯҳу шаҳомат ва файзи хосса таҷлил мегардад.

Гулҷаҳон ҲАКИМДУХТ,
Улуғбек ХУДОЙБЕРДИЕВ,
«Ҳақиқати Суғд»

Читать далее

“РОҒУН” ФАРДОИ ДУРАХШОНИ ВАТАНИ АЗИЗИ МО

Тӯли солҳои соҳибистиқлолӣ Ҷумҳурии Тоҷикистон ба дастовардҳои зиёд ноил гардид. Амалигардонии се ҳадафи стратегӣ ба рушди хоҷагии халқи мамлакат мусоидат намуд. Яке аз ҳадафҳои тақдирсоз тавассути бунёди нерӯгоҳҳо таъмин намудани истиқлолияти энергетикӣ маҳсуб меёбад.

Барои расидан ба ин ҳадафи стратегӣ бунёди НБО “Роғун” такони ҷиддӣ бахшид. Бо шарофати Истиқлолияти давлатии Ҷумҳурии Тоҷикистон ва ташаббусҳои таърихию нотакрори Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон сохтмони ин иншооти бузурги аср оғоз карда шуд. Соли 2009 Ҳукумати Тоҷикистон тасмим гирифт, ки ин сохтмони азими тақдирсозро бо қувваи худ бисозем.

Ширкатҳои бузург ва бонуфузи “Салини Импре-ҷило”-и Италия ва “Трактебел инҷи - ниринг” - и Франсия дар сохтмони НБО “Роғун” ҳамкорӣ намуданд. 29 октябри соли 2016 дар таърихи навини Тоҷикистони соҳибистиқлол боз як ҳодисаи муҳим рух дод. Ин рӯз тантанавӣ бо иштироки бевоситаи Сарвари давлатамон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба мақсади идома бахшидан ба сохтмони бузурги стратегии мамлакат НБО “Роғун” маҷрои дарёи Вахш баста шуд.

Бояд таъкид сохт, ки сарбанди нерӯгоҳи «Роғун» бо баландии 335 метр, баландтарин садди заминӣ (гиливу сангӣ) дар ҷаҳон ба ҳисоб рафта, бо иқтидори 3600 мегаватт (беш аз 17 миллиард киловатт – соат) калонтарин нерӯгоҳи барқи обӣ дар минтақа маҳсуб меёбад, ки он барои амалӣ намудани ҳадафи стратегӣ - расидан ба истиқлолияти энергетикӣ бевосита мусоидат менамояд.

Боиси хурсандист, ки ҷомеаи ҷаҳонӣ ва давлатҳои ҳамсоя, бунёди ин сохтмони ҳаётан муҳими Тоҷикистон, муҳимияти онро барои рушди минтақа дарк ва ҷонибдорӣ намуданд. Сарвари давлат, Пешвои миллат муҳтарам Эмомалӣ Раҳмон ҳанӯз соли 2016 дар суханронӣ дар маросими бастани маҷрои дарёи Вахш зикр намуданд: “Навбати аввали нерӯгоҳ, яъне агрегати якум охири соли 2018 ва агрегати дуюм моҳи апрели соли 2019 ба истифода дода шуда, нерӯи барқи истеҳсолшуда ба системаи энергетикии кишвар интиқол дода хоҳад шуд”.

Имрӯз боиси хурсандӣ ва сарфарозии мост, ки санаи 16 ноябри соли 2018 агрегати якуми НБО “Роғун” ба истифода дода шуда, барои чароғон намудани хонадони мо истифода гардид. Ҳамин тариқ, нерӯгоҳи барқи обии “Роғун” барои пешрафти хоҷагии халқи мамлакат, таъмин намудани соҳаҳои саноат ва кишоварзӣ бо қувваи барқи аз ҷиҳати экологӣ тоза, рушди бемайлони давлат ва баланд бардоштани сатҳи некӯаҳволии халқи азизамон мусоидат менамояд.

Шоҳрух НЕЪМАТЗОДА,
ёрдамчии прокурори ҳарбии гарнизони Суғд,
капитани адлия

Читать далее