04 December 2018

Қадрдонӣ таҳкимбахши дастовардҳост!

Ҷамъбасти  озмун - фестивали ҷумҳуриявӣ 

4 декабри соли 2018 дар Театри давлатии мазҳакаи мусиқии ба номи Камоли Хуҷандии шаҳри Хуҷанд бо иштироки Раиси вилояти Суғд Раҷаббой Аҳмадзода маросими қадрдонии ғолибони озмун - фестивали ҷумҳуриявии ихтироъкорон ва навоварони наврасу  ҷавон таҳти шиори «Ҷавонон  - созандагони Ватан», озмуни ихтироъкорон ва навоварони ҷавони вилоят ва озмунҳои вилоятии «Беҳтарин хонандаи китобҳои бадеӣ дар соли 2018» ва «Китобхонаи намунавии вилояти Суғд дар соли 2018» баргузор гардид.

Дар озмун аҳли илму адаб, устодону донишҷӯён ва омӯзгорону хонандагони муассисаҳои таҳсилоти олӣ ва миёнаи вилоят, кормандони китобхонаҳои шаҳру навоҳии вилоят ширкат варзиданд.

Читать далее

Аввалин тарҷумаи ғазалҳои Камол ба забони олмонӣ

Муассисаи давлатии «Маркази илмии Камоли Хучандӣ» иттилоъ медиҳад, ки «Ишқи минӯӣ»- маҷмӯаи ғазалҳои Камоли Хуҷандӣ бо забони олмонӣ, дар тарҷумаи Александр ҳайзер тариқи нашриёти «Ношир»-и шаҳри Хуҷанд интишор ва дастраси хонандагон гардид.

Китоб фарогири  тарҷумаи 17 ғазали Шайх Камоли Хуҷандист, ки бо муҳаббати хос аз ҷониби профессор А.ҳайзер анҷом пазируфтааст. Ашъори Шайх Камол бори аввал ба забони олмонӣ тарҷума ва нашр мешавад.

«Ишқи минӯӣ» бо пешгуфтори профессор Матлубаи Мирзоюнус роҷеъ ба зиндагӣ ва осори Камоли Хуҷандӣ оғоз шуда, ба хонандагони олмонӣ дар мавриди шинохти шахсияти шоири номвари тоҷик маълумоти ибтидоӣ медиҳад. Китоб бо ду забон - тоҷикӣ ва олмони нашр шудааст ва шомили маҳбубтарин ғазалҳои Камол аз қабили  «Ёр гуфт:Аз ғайри мо пӯшон назар!Гуфтам:Ба чашм!», «Дил муқими кӯи ҷонон асту тан ин ҷо ғариб», «Сери набувад аз лаби ширини ту касро», «Рухат рашки қамар гуфтем, гуфтем», «Баъд аз имрӯз ошкоро дӯст медорам туро», «Чашми шӯхат дили ошиқ ба ҳавас мегирад», «Ин чӣ маҷлис, чӣ биҳишт, чӣ мақом аст ин ҷо» мебошад.

 «Ишқи минӯӣ» бо нахустин тарҷумаҳои олмонии ғазалиёти Камол даричаи шинохт ва омӯзиши осори  ин шоирии шаккагуфтори тоҷикро ба хонандагони олмонӣ боз карда, ба маъруфтияту маҳбубияти бештари Камол мусоидат хоҳад кард.

Сурайё Ҳакимова,
«Ҳақиқати Суғд»

Читать далее

Машварати кории назди Раиси вилоят

3 декабри соли 2018 дар толори хурди Мақомоти иҷроияи ҳокимияти давлатии вилоят машварати кории назди Раиси вилоят баргузор гардид.

Дар машварати корӣ, ки бо иштироки муовинони Раиси вилоят, раисони шаҳру ноҳияҳо ва роҳбарони воҳидҳои сохтории Мақомоти иҷроияи ҳокимияти давлатии вилоят ва ташкилоту идораҳо сурат гирифт, вазъи иқтисодиву иҷтимоии вилоят дар ёздаҳ моҳи соли равон ва омодагиҳо ба ҷашни таърихии 30-солагии Истиқлолияти давлатии Ҷумҳурии Тоҷикистон мавриди таҳлилу баррасӣ қарор дода шуд.

Читать далее

Боздиди Раиси вилоят Раҷаббой Аҳмадзода аз бозори “Панҷшанбе”

Рӯзи якшанбеи 2 декабр Раиси вилояти Суғд Раҷаббой Аҳмадзода бо мақсади шиносоӣ бо нарху навои маҳсулоти гуногун аз бозори “Панҷшанбе” боздид намуд.

“Панҷшанбе” аз калонтарин бозорҳои минтақа маҳсуб ёфта, дар он расман 1280 нафар соҳибкорон фаъолият доранд. Илова бар ин, ҳамарӯза шумораи зиёди фурӯшандагон ба таври муваққатӣ дар ин ҷо савдо мекунанд. Дар бозори мазкур тамоми анвои маҳсулоти зарурӣ барои зиндагии мардум хариду фурӯш мешавад ва “Панҷшанбе” аз маконҳои ба таври доимӣ серодами маркази вилоят аст. Таваҷҷуҳи сайёҳони хориҷӣ низ ба ин бозор рӯзафзун буда, теъдоди зиёди хориҷиён маҳз боздиди хешро аз “Панҷшанбе” оғоз менамоянд.

Читать далее

Дар заминҳои мавзеи Рухаки ноҳияи Бобоҷон Ғафуров боғҳои нав бунёд мекунанд

Дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар заминҳои мавзеи Рухаки ноҳияи Бобоҷон Ғафуров боғҳои нав бунёд карда мешавад.

Раиси вилояти Суғд Раҷаббой Аҳмадзода рӯзи 1 декабр ба мавзеи Рухак ташриф овард ва рафти корҳои ниҳолшинониро дар ноҳияи Бобоҷон Ғафуров мушоҳида намуд. Тавре зимни боздид иттилоъ дода шуд, бо ташаббуси роҳбарияти мақомоти иҷроияи ҳокимияти давлатии ноҳия то имрӯз даҳҳо гектар боғоти нав бунёд гардида, фаъолони сокинони ноҳия дар ин кори хайр дастаҷамъона иштирок мекунанд.

Читать далее

Ипподроми Ҷамъияти саҳҳомии ба номи Абдураҳим Ҷумъаеви ноҳияи Бобоҷон Ғафуров навсозӣ мегардад

Бо мақсади фароҳамсозии шароити мусоид баҳри рушди варзиши аспсаворӣ Ипподроми Ҷамъияти саҳҳомии ба номи Абдураҳим Ҷумъаеви ноҳияи Бобоҷон Ғафуров навсозӣ карда мешавад.

Лоиҳаи иншоот дар ҳузури Раиси вилоят Раҷаббой Аҳмадзода ва президенти Федератсияи човандозон ва пойгаҳи аспдавонӣ Шермуҳаммади Шоҳиён муаррифӣ карда шуд. Тавре иттилоъ доданд, ипподроми мазкур яке аз ҷойҳое маҳсуб меёбад, ки дар он ҳамасола бахшида ба Иди Наврӯз ва дигар санаҳои таърихӣ мусобиқаҳои миллии "Бузкашӣ" ва "Пойга" гузаронида мешавад. Навсозии ипподром имкон медиҳад, ки барои 10 000 нафар ҷойи нишаст ташкил гардида, ҳамзамон аспхонаҳо таъсис ёбанд.

Читать далее