05 December 2018

ТЭО ПИВ, подстрекатель экстремистского течения в Европе

 

 

 

Террористическая организация Партии исламского возрождения, которая имеет опыт проведения подрывной деятельности  в Афганистане, по-видимому, не взирая, на предупреждения властей      и искусственности политической платформы, надолго обосновался в сердце Европы.

Читать далее

Оид ба овозаҳои бардурӯғи сомонаи «Порстудей»

Дар пайи қофилаи дурӯғи сомонаи «Ахбор.ком», сомонаи «иронимаоб-и дигар бо номи «порстудей» дар бораи боздошти афсари амният овоза пахш мекунад ва бо бешармии хос ахбори дурӯғро ба нашр мерасонад. Айби Исоро аз Мӯсо гирифта, ин сомоани эрои собит месозад, ки пойбанди арзишҳои ботили наҳзатӣ мебошад ва бо бемасъулиятӣ ба имиҷи як инсон ҳуҷум мекунад.  

         

Читать далее

Раҷаббой Аҳмадзода: Ин ҳунармандон гулдасту соҳибэъҷозанд!…

Ҷамъбасти Фестивал – озмунҳои вилоятӣ ва тақдими грантҳои Раиси вилоят

5 декабри соли равон дар Қасри фарҳанги «Арбоб» - и ноҳияи Бобоҷон Ғафуров маросими мутантани ҷамъбасти Фестивал – озмуни вилоятии ҳунарҳои мардумӣ, маросими супоридани грантҳои Раиси вилоят ба занону духтарони ҳунарманди вилоят ва ҷамъбасти Фестивали вилоятии «Атласу адраси Суғд-2018» баргузор гардид, ки дар он Раиси вилояти Суғд Раҷаббой Аҳмадзода, аҳли илму ҳунар ва фарҳанги вилоят ширкат доштанд.

Дар чорабинӣ Раиси вилояти Суғд Раҷаббой Аҳмадзода суханронӣ намуда, дастгирии занони ҳунарманду эҷодкорро яке аз самтҳои муҳими фаъолияти давлату Ҳукумати Ҷумҳурии Тоҷикистон, бахусус Мақомоти иҷроияи ҳокимияти давлатии вилояти Суғд арзёбӣ намуд.

Читать далее

Қиёси равшани тадбирҳои созандагӣ

Бо мақсади омодагии ҳамаҷониба ба ҷашни 30 - солагии Истиқлолияти давлатии Ҷумҳурии Тоҷикистон ва иҷрои саривақтии Амри Президенти Ҷумҳурии Тоҷикистон, қарори Раиси вилоят «Дар бораи эълон намудани 1300 рӯзи меҳнати зарбдор» дар ноҳияи Бобоҷон Fафуров гурӯҳи корӣ таъсис дода, нақшаи чорабиниҳои ободонӣ ва созандагӣ таҳия шуданд.

Бо назардошти ташаббусҳои сокинон дар 4 соли минбаъда дар ноҳия амалишавии 1162 тадбирҳои ободонию созандагӣ ба нақша гирифта шудааст.

Аз он дар соли равон 336 чорабинӣ тарҳрезӣ гардида, дар даври ҳисоботӣ 306 нақша амалӣ шудааст. Аз ҷумла, бинои мактаби №17 дар Ҷамоати деҳоти Овчиқалъача барои 624 хонанда аз ҳисоби буҷети вилоят сохта, он дар соли нави хониш бо иштироки Раиси вилоят мавриди баҳрабардорӣ қарор гирифт.

Инчунин, дар Ҷамоати деҳоти Д.Холматов, маҳаллаи Темурмалик бинои иловагии мактаби таҳсилоти умумии №16 аз ҳисоби буҷети маҳаллӣ сохта, ба истифода дода шуда, дар 5 мактаби ноҳия бинои иловагӣ бунёд гардид. Ҳамчунин, дар ноҳия 2 мактаби таҳсилоти миёнаи умумии №6 ва №53, ки дар ҳолати садамавӣ қарор дошт, азнавсозӣ гардид.

Бо мақсади ҷалби ҷавонон ба варзиш бо ташаббуси оилаи Каримовҳо дар назди мактаби таҳсилоти миёнаи умумии №50 як варзишгоҳ ва майдонча сохта, ба истифода дода, ҳудуди муассисаи мазкур панҷарабандӣ гардид. Чунин варзишгоҳи хурд дар назди мактаби таҳсилоти миёнаи умумии №11-уми Ҷамоати деҳоти Ғозиён аз ҳисоби буҷети маҳаллӣ ба маблағи 200 ҳазор сомонӣ сохта, мавриди баҳрабардорӣ қарор гирифт. Инчунин, дар назди Коллеҷи тиббии ғайридавлатии ноҳия ва Қитъаи суғдии роҳи оҳан 2 толори варзишӣ сохта, ба истифода дода шуд.

Ҳамзамон, дар назди муассисаҳои таълимии ноҳия майдончаҳои варзишӣ ва толорҳои хурди варзишӣ сохта шуданд. Умуман, дар ин давра дар ноҳия тибқи нақшаи чорабиниҳо 11 толор ва майдончаи варзишӣ сохта, 4 иншооти варзишӣ аз таъмири асосӣ бароварда шуданд. Ҷиҳати ба зинаи аввали таҳсилу тарбия фарогирии кӯдакон ва аз байн бурдани норасоии ҷой дар кӯдакистонҳо чораҳо андешида шуда, аз ҳисоби буҷети маҳаллии ноҳия дар Ҷамоати деҳоти Хистеварз кӯдакистони «Зебо», ки солҳои тӯлонӣ аз фаъолият бозмонда буд, азнав барқарор гардида, ба истифода дода шуд. Дар Ҷамоати шаҳраки Ғафуров гурӯҳи садамавии кӯдакистони №16 аз таъмири асосӣ бароварда шуд.

Боиси қайд аст, ки дар даври таътили тобистона ҳамаи муассисаи таълимии ноҳия аз таъмири ҷорӣ бароварда шуданд. Тибқи дастуру супоришҳо дар маҳалли зисти сокинони ноҳия, бахусус деҳаҳои дурдаст корбарӣ намуда, дар Ҷамоатҳои деҳот сохтани 11 кошонаи ҳусн, ташкили 20 нуқтаи хатна ва 3 нуқтаи таваллудхона пешбинӣ гардида, баҳри иҷрои он корбарӣ оғоз гардидааст. То имрӯз дар ноҳия 3 кошонаи ҳусн, 8 сартарошхона, 1 ҳаммом, 15 нуқтаи хатна ва 2 нуқтаи таваллуд ташкил шуданд.

Айни ҳол дар Ҷамоатҳои деҳоти Ҳайдар Усмонов ва Хистеварз сохтмони беморхона оғоз гардида, дар Ҷамоати деҳоти Зарзамин сохтмони маркази саломатӣ босуръат идома дорад. Тибқи нақша сохтмони 2 бинои иловагӣ дар марказҳои саломатии Ҷамоати деҳоти Хистеварзу Исфисор ва 2 Хонаи саломатӣ дар Ҷамоати деҳоти Чашмасор сохта, ба истифода дода шуданд. Ҳамзамон, 3 беморхона, 13 хонаи саломатӣ аз таъмири асосӣ бароварда, 2 бинои ёрии таъҷилӣ таъмир ва 1 бинои иловагии Маркази саломатӣ дар Ҷамоати деҳоти Чашмасор сохта шуданд.

Бино ба гуфти масъулин дар соҳаи фарҳанг низ як қатор чорабиниҳо тарҳрезӣ гардида, дар ин давра дар маркази Ҷамоати деҳоти Унҷӣ аз ҳисоби хоҷагии ба номи С.Урунхӯҷаев Боғи фарҳангӣ ва истироҳатӣ бунёд гардида, он бо иштироки муовини Сарвазири Ҷумҳурии Тоҷикистон Давлаталӣ Саид ва Раиси вилоят Раҷаббой Аҳмадзода мавриди истифода қарор гирифт. Дар Ҷамоатҳои деҳоти Хистеварз ва Ғозиён хонаҳои маданият аз таъмири асосӣ бароварда шуданд. Дар Ҷамоати Исфисор - деҳаи Дашти Амин Қасри фарҳанг пурра навсозӣ гардид.

Дар солҳои 2018-2021 аз ҳисоби буҷети вилоят мумфаршкунии роҳи Хуҷанд - Ёва, сохтмони 2 муассисаи таҳсилоти умумӣ, идомаи сохтмони беморхона ва Қасри фарҳанги Ҷамоати деҳоти Ҳайдар Усмонов ба нақша гирифта шуда, то имрӯз мумфаршкунии роҳ ба охир расидааст.

Дар ин давр дар ҳудуди ноҳия 57 маркази савдою хизматрасонӣ бо 200 ҷойи корӣ ташкил шуд. Дар самти кишоварзӣ 4 гармхона дар Ҷамоатҳои деҳоти Исфисор, Ҳ.Усмонов, 1 сардхона ва 1 ҳавзи моҳипарварӣ дар Ҷамоати деҳоти Исмоил бо 16 ҷойи корӣ, 1 фермаи паррандапарварӣ дар Ҷамоати деҳоти Хистеварз ташкил карда шуданд.

Дар соҳаи инфрасохтор корҳои мумфаршкунӣ, шағалпӯшкунӣ, кашидани хатҳои об, барқ, чароғонкунӣ ва сохтмони 3 пул (кӯпрук) амалӣ гардиданд. Мақомоти иҷроияи ҳокимияти давлатии ноҳия ва роҳбарони гурӯҳи корӣ дар шаҳрак ва Ҷамоатҳои деҳоти ноҳия ҷиҳати саривақт амалӣ намудани дастуру супоришҳои Президенти Ҷумҳурии Тоҷикистон баҳри дар сатҳи баланд истиқбол гирифтани ҷашни 30-солагии Истиқлолияти давлатии кишвар тадбирҳои зарурӣ меандешанд.

Маъмурахон САМАДОВА,
Нодир ТУРСУНЗОДА,
“Ҳақиқати Суғд”

Читать далее

Оё калимаи тоҷикиро истифода бурдан айб аст?!

Куҷо шуд худшиносии миллӣ?…

Имрӯз дар шаҳри Хуҷанд шумораи ширкатҳои хизматрасонии таксӣ зиёд ба назар мерасанд. Дар давлатҳои мутараққӣ ин намуд ширкатҳо солиёни дароз ба аҳолӣ хизмат мерасонанд. Ширкатҳои мазкур барои аҳолӣ дастрас ва бехатар ҳастанд, зеро фармоиши ҳар нафар дар компютер сабт мешавад ва нархи хизматрасонӣ низ ба муштарӣ пешакӣ пешниҳод мегардад.

Шарофат Назирова – соҳибкор: - Баробари ба фаъолият шурӯъ кардани ширкатҳои таксӣ хушнуд гаштам, зеро он бехатар ва дастрас аст. Дар муддати кӯтоҳ метавонам аз як ҷо ба ҷои дигар равам ва дар як вақт нархашро тариқи телефон муайян намоям. Солҳои пеш ба таксиҳои дар кӯчаҳо истода савор шудан бароям тарсовар буд. Имрӯз ҳамчун зани соҳибкор аз ширкати таксӣ зиёд истифода мебарам ва бе хавотирӣ савор шуда, ба ҷойи лозима меравам.

Аҳмадҷони Толиб – донишҷӯи Донишкадаи иқтисод ва савдои Донишгоҳи давлатии тиҷорати Тоҷикистон: - Дар рӯзҳои аввали донишандӯзиам роҳҳову кӯчаҳои шаҳри Хуҷандро он қадар хуб намедонистам ва дар ин ҷода бароям ширкатҳои мусофирбар, аз ҷумла «Ҳамсафар» кӯмакрасон буд. Нархҳои ширкатҳо нисбат ба таксиҳои дар кӯчаистода арзон аст. Вақте субҳ ба донишгоҳ дер мемонам, зуд ба таксӣ занг мезанам ва дар муддати кӯтоҳ то таҳсилгоҳ расида меравам. Ҳарчанд имрӯз барои сокинон ширкатҳои хизматрасонӣ мақбул бошанд ҳам, вале дар онҳо низ камбудӣ ба чашм мерасанд. Аз ҷумла, бе рамзи таксӣ ҳозир шудан, дағалона муносибат кардан, нархро дар нисфи роҳ иваз кардан, дер омадан аст, ки ин гуна камбудӣ сокинонро ба ташвиш овардааст.

Сокини шаҳри Хуҷанд Омина Мавлонова зимни суҳбат гуфт, ки чанде пеш ба ширкати таксии «Роҳ» занг задам, бароям паёмак расид, ки пас аз 6 дақиқа нақлиёт ҳозир мешавад. Таксии фармоиширо қариб 25 дақиқа интизор шудам. Дар ҳолати ҳозир шудан изҳори норозигӣ кардам ва ба ҷойи узрхоҳӣ дағалона муносибат намуд. Дар натиҷа ба таксӣ савор шуда, ба вохӯрӣ дер монда рафтам.

Таксиро кас барои зуд ба ҷойи лозима расидан фармоиш медиҳад. Хуб мебуд, ки дар ҳолати дер омадан ба фармоишгар аз тарафи ширкат ягон намуди ҷуброн пешниҳод карда шавад.

Назорат дар кадом сатҳ аст?

Оё имрӯз фаъолияти ширкатҳо зери назорат гирифта шудаанд? Доир ба ин масъала мутахассиси пешбари шуъбаи нақлиёти мақомоти иҷроияи ҳокимияти давлатии шаҳри Хуҷанд Каримҷон Қаландаров иброз дошт, ки назорати ширкатҳои фармоишии таксиро нав ба роҳ мондем. Барои ширкатҳо номгӯи ҳуҷҷатҳое, ки ба фаъолият оғоз кардаанд, тартиб дода шудааст ва аз рӯи он бояд ҳар ширкат фаъолияташро ба роҳ монад. Бояд гуфт, ки то ба имрӯз се ширкат ҳуҷҷат пешниҳод намудаанд. Алҳол дар шаҳр аз рӯи маълумоти мо 7 ширкати таксии хизматрасонӣ, аз ҷумла «Экспресс», «24», «Максим», «Ҳамсафар», «Роҳ», «ОК», «Алло» фаъолият доранд.

Вале бояд гуфт, ки ин шумора аниқ нест, зеро аксар ширкатҳо фаъолиятро оғоз мекунанду бо сабабҳои гуногун, аз ҷумла зиёд будани рақобат фаъолияташонро зуд қатъ менамоянд. Барои дар ин самт корро ба роҳ мондан 40 мошини сабукрав лозим аст.

Роҳбари ширкати хизматрасонии «Экспресс» Сӯҳробҷон Ярматов аввалин шахсест, ки ин намуди фаъолиятро ҳанӯз соли 2015 ба роҳ монда буд. Ӯ гуфт, ки дар аввали фаъолият бо мушкилоти зиёде рӯ ба рӯ шудем, зеро мардум ҳоло барои қабули ин намуд навгонӣ омода набуданд. Мақсади ташкил кардани ширкат ба манфиати халқ кор кардан буд ва гумон мекунам, ки ба ин ноил гаштем, зеро пас аз гузашти якуним сол ҳамагон омӯхта шуданд. Алҳол ширкат на танҳо дар дохили шаҳри Хуҷанд, балки берун аз он фаъолият бурда истодааст.

Номгузорӣ аз куҷо сар мезанад?!…

Аз номгузории ширкатҳо бармеояд, ки аксарият номҳои ғайри тоҷикиро истифода мебаранд. Масалан, тариқи шабакаҳои телевизионӣ ширкати «Лайм» худро муаррифӣ карда истодааст.

Аслан калимаи «лайм» маънои лимӯро дорад ва аз ташкилкунандагони он пурсон шудем, ки чаро маҳз чунин номро интихоб намуданд. Мутаассифона, худи онҳо низ намедонистанд, ки чаро чунин номгузорӣ кардаанд. Шояд номи ягон ширкати бонуфузи мамолики хориҷӣ чунин бошад? Ба ин суол низ онҳо посух нагуфтанд.

- Сабаби «Экспресс» ном гузоштани ширкат он аст, ки маънои экспресс зуд ва босуръат аст. Чунин ном мушкил набуда, ҳар нафар зуд маънояшро мефаҳмад. Дар оғози фаъолият чунин номгузорӣ бароям писанд омада буд, - гуфт Сӯҳробҷон Ярматов. Боиси таъкид аст, ки шумораи ширкатҳои хизматрасонӣ рӯз ба рӯз афзуда истодааст ва ба танзим даровардани номгузории онҳо айни муддаост.

Шояд ташкилкунандагони ширкатҳо ҳоло барои интихоби ном ба пуррагӣ омода нестанд ва ё дар ин ҷода ба мушкилиҳо рӯ ба рӯ меоянд. Номи баъзеи онҳо ҳатто хандаовар буда, маънои хизматрасонӣ дар роҳро надоранд.

 Луғати забони тоҷикӣ аз калимаҳои зебою равон бой аст, пас, чаро мо наметавонем бо забони модарии худ номгузорӣ намоем? Магар дигар давлатҳо бо забони тоҷикӣ ягон ширкат ва ё мағозаи худро номгузорӣ кардаанд? Албатта не! Мо бошем номи писаронаи «Максим»- ро барои ширкат интихоб кардаем.

Пас замоне расидааст, ки ба қадри забони тоҷикӣ расем ва аз он ба пуррагӣ истифода барем. Тақлидкор будану номи ғайрро гузоштан суде надорад!

Шаҳбонуи СИДДИҚ,
«Ҳақиқати Суғд»

Читать далее

ПЕШВОИ МИЛЛАТ ВА ОРОМИИ САЙЁРА

Вақте ба таърихи давлати соҳибистиқлоли Ҷумҳурии Тоҷикистон диққат медиҳем, ки аз назари нигаҳдории сулҳу салоҳ дар қаламрави кишвар халқи тоҷик мушкилоти зиёдеро паси сар намудааст. Дар саргаҳи ин ҷоннисориҳо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон меистанд, ки шахсияти эшон намунаи олии иродаи қавӣ, далериву нотарсӣ ва заковатмандиву дурбинии сиёсӣ мебошад. Тоҷикистон дар арсаи ҷаҳонӣ худро чун кишвари мустақил муаррифӣ намуд ва ба қавли баъзе аз коршиносону сиёсатшиносон, хатари аз харитаи сиёсии ҷаҳон зудуда шудани хешро паси сар кард.

Таърих гувоҳ аст, ки маҳз баргузории Иҷлосияи ХVI Шӯрои Олии Ҷумҳурии Тоҷикистон (даъвати дувоздаҳум) ва бо қарори Шӯрои Олӣ интихоб шудани фарзонафарзанди миллати тоҷик Эмомалӣ Раҳмон ҳамчун Раиси Шӯрои Олии Ҷумҳурии Тоҷикистон ба ин нобасомониҳо нуқтаи таммат гузошт ва марҳалаи нави зиндагии мардум оғоз гардид. Аз ҳамон лаҳзаи интихоб Пешвои миллат ба масъалаи амнияти кишвар эътибори махсус зоҳир намуда, тамоми қувва ва иродаю имконияти хешро барои таъмини сулҳу амният равона намуданд.

Пешвои миллат ба масъалаи амнияти миллӣ ва таҳдидҳои қувваҳои аҳриманӣ ба зиндагии осоиштаи мардум эътибори хоса дода, бо пешниҳоду дархостҳои мушаххас ба ҷомеаи ҷаҳонӣ ва мардуми кишвар борҳо муроҷиат кардаанд. Масоили таҳдиду хатарҳои муосир ба амнияти миллӣ ва минтақавӣ ҳамешагӣ мавриди назари Сарвари давлат қарор дорад ва дар ҳамон суханрониҳои худ дар минбарҳои баланди байналмилалӣ, аз қабили Созмони Милали Муттаҳид, Иттиҳоди Давлатҳои Мустақил, Созмони Аҳдномаи Амнияти Дастҷамъӣ, Созмони ҳамкории Шанхай ба мавзӯи мазкур руҷӯъ кардаанд. Яке аз пешниҳодоти муҳим ва дархости Пешвои миллат дар мавриди амнияти Ватани азизамон ин барқарор намудани тинҷиву оромӣ дар Афғонистони ҳамсоя мебошад.

Сарвари давлат ҳини баррасӣ намудани мавзӯи мазкур ба вазъияти ҳарбиву сиёсӣ, иқтисодиву иҷтимоии кишвари ҳамсоя таваҷҷуҳ намуда, барқарории сулҳу осоиштагиро дар ин марз аз вазифаҳои аввалиндараҷа медонанд. Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”, ки моҳи май дар шаҳри Душанбе баргузор гардид, ифодагари андешаҳои амиқ ва пешниҳодҳои мушаххаси Сарвари давлат доир ба яке аз масъалаҳои доғи рӯз - муқовимат бо терроризм ва ифротгароӣ мебошад. Ҷоизи зикр аст, ки баргузории ин ҳамоиши бонуфуз дар Тоҷикистон аз мақому манзалати шоистаи давлати мо байни кишварҳои олам дарак медиҳад ва ифодагари таваҷҷуҳи беандозаи Пешвои миллат ба тинҷиву осудагии на танҳо Тоҷикистон, балки минтақа ва ҷаҳон мебошад.

 Аз назари Сарвари давлат таъмини сулҳу субот ва амнияти пойдории кишварҳо аз вазифаҳои калидӣ маҳсуб мешавад, ки бе он наметавон рушди соҳаҳои мухталифи минтақа ва ҷаҳонро тасаввур намуд. Ба қавли Пешвои миллат “Дар зарфи солҳои охир зиёда аз 100 мамлакати дунё ҳадафи амалҳои харобкоронаи террористон қарор гирифта, бар асари ҳамлаҳои террористӣ садҳо ҳазор нафар аҳолии осоишта ба ҳалокат расидаанд ва миллионҳо нафар макону манзили зисташонро тарк кардаанд.” Пешвои миллат ҳамоно ба воқеаву ҳодисаҳои Афғонистони ҳамсоя назар намуда, аз он ёд мекунанд, ки танҳо давоми соли гузашта дар ин кишвар аз амалҳои террористӣ беш аз 10 ҳазор нафар зарар дида, тақрибан 4 ҳазор кас қурбон гаштаанд.

Бо овардани ин санад Пешвои миллат бори дигар хотиррасон мекунанд, ки ин ё он кишвар наметавонад дар танҳоӣ бо хавфу таҳдидҳои афзояндаи амнияту осоиш муқовимат намояд ва ҳамкориву шарикӣ яке аз усулҳои муҳими мубориза ба ҳисоб меравад. Аз ин рӯ, Пешвои миллат мегӯянд, ки “Стратегияи глобалии Созмони Милали Муттаҳид оид ба мубориза алайҳи терроризм ва конвенсияҳои зиддитеррористии он, қатъномаҳои Шӯрои амният ва маҷмааи умумӣ бояд асоси муборизаи муштарак бо терроризму ифротгароиро ташкил намоянд.” Ба андешаи Пешвои миллат беҳ шудани муносибатҳои байни кишварҳои минтақа имконияти ба сифати нав роҳандозӣ гаштани ҳамкориву ҳамоҳангсозии байнидавлатиро эҷод кард, ки Тоҷикистон аз чунин раванди рушди робитаҳои миёни кишварҳои Осиёи Марказӣ истиқбол менамояд ва омодагии хешро ҷиҳати таҳкиму тавсеаи ҳамкориҳояш дар ин самт бо тамоми кишварҳои ҳамҷавор иброз медорад.

Пешвои миллат дар суханронии худ аз мушкилоти мавҷуда дар мавриди мубориза алайҳи терроризм ва экстремизм, ки дар ҷомеаи ҷаҳонӣ ба назар мерасад, таваққуф мекунанд. Зеро терроризму ифротгароӣ на сарҳадро эътироф мекунаду на давлатро. Пешвои миллат аз мавқеи устувори худ нисбат ба покиву муназзаҳии дини мубини Ислом сухан карда, дар мавриди гирифтани пеши роҳи исломситезӣ ҷомеаи ҷаҳониро ба таҳаммулгароиву ҳамдигарфаҳмӣ, эҷоди фазои эътимоду боварӣ даъват месозанд. Ин ҷо нуктаи муҳим ва воқеан таърихии худро, ки мавқеи устувор ва дурусти Пешвои миллатро ифода менамояд, такрор менамоянд: “Террористу ифротгаро Ватану миллат ва дину мазҳаб надорад, террорист - террорист аст ва ӯ ҳеҷ гоҳ “худӣ” ё “бегона” буда наметавонад.”. Ин андеша ва пешниҳоди Пешвои миллат аз омӯзиши амиқи он кас дар мавриди вазъи кунунии ҷаҳон, хатарҳои даҳшатангези қувваҳои аҳриманӣ, мавқеву мақоми кишварҳои олам дар мубориза алайҳи терроризм ва экстремизм, усулҳои мубориза ва ғайра дарак медиҳад.

Ҳамзамон, он ҷуръати беандоза, мавқеи устувор, андешаҳои амиқ, пешниҳодҳои мушаххаси Пешвои муаззами миллати моро ифода менамояд. Ҳамин тариқ, Пешвои миллат муҳтарам Эмомалӣ Раҳмон дар мавриди мубориза алайҳи терроризм ва ифротгароии хушунатомез мавқеи устувор ва ягонаро молик буда, дар мавриди амнияту осоиштагии натанҳо Тоҷикистон ва минтақа, балки тамоми олам кӯшиш ба харҷ медиҳанд.

 Пешниҳоду дархостҳои Пешвои миллат куллан заминаҳои илмиву таърихӣ дошта, онҳо дар асоси омӯзишҳои амиқ ва сабақҳои таърихӣ рӯи кор омадаанд ва манзури онҳо ба ҷомеаи ҷаҳонӣ аз масъулияти баланди Сарвари давлат нисбат ба тинҷиву осоиштагии олам дарак медиҳад. Фаъолияти Пешвои миллат дар ин самт дар густариш додани муқовимати якҷояи нерӯҳои солими ҷаҳонӣ бар зидди терроризму ифротгароии хушунатомез ва дар баҳамоии назару андешаҳои ҷадид таъсири бузург мегузорад, мақом ва мавқеи Тоҷикистонро дар байни давлатҳои ҷаҳон боло мебардорад ва дар густариши ҳамкориҳо замина мегузорад. Пешниҳоду дастурҳои Пешвои миллат раҳнамое барои ояндаи обод ва зиндагии осудаи мардуми олам мебошад.

Саидумрон САИДОВ,
номзади илмҳои филология,
дотсенти Донишгоҳи давлатии Хуҷанд
ба номи академик Хуҷанд Бобоҷон Fафуров

Читать далее

Хиёнати миллӣ

(Қисса дар бораи митингбозиҳои наҳзатӣ) 

 Хиёнаткори муосир дар таърих ТТЭ ҲНИ мебошад.

 

Сарчашмаи хиёнат ҳамин муллопарастии фардии миёнаоморист. Ҳадафи аслии баъзе қишрҳои ҷомеа аз он иборат мебошад, ки хами абрӯйи муллоро аз рифоҳу осоиштагии ҷомеа болотар донанд ва бо воситаи «қадам ба қадам» табақаи руҳониятро ба монанди ҷомеаҳои мазҳабзада барҷаста месозанд.  

Читать далее

05 December 2018

То риё варзаду солус, мусулмон нашавад

 

 

 

Раҳбарият ва аъзоёни ташкилоти террористӣ ва экстремистии Ҳизби наҳзати исломӣ (ТТЭ ҲНИ), ки пайваста аз номи сокинони кишвар худро ҳамчун ҳаводорони ҷомеаи озоду демократӣ нишон медиҳанд, ҳарчанд маълум аст, ки аз ҳар чизи будаву набуда ҳангома сохтанӣ мешаванд.

Читать далее

05 December 2018

Даъвиҳои беасос

 

 

 

       Нашри  эъломияи Кумитаи шаҳрвандии наҷоти гаравгонҳо ва зиндониёни сиёсии Тоҷикистон ба сархатти хабарҳои пойгоҳи созмони «Анҷумани озодандешони Тоҷикистон» табдил ёфтааст.

Читать далее

05 December 2018

Очередная вечеринка бомжей ГКПЗУТчиков

    Для оппозиционеров из среднеазиатской страны под названием Таджикистан, стало традиционным правилом плохого тона заварить кашу, осложнить ситуацию и нагнетать внутренние противоречия в обществе, и при этом заметьте, под видом  «политэмигрантов»  на основе аморфных и не совсем понятных аргументации создать  за рубежом «очаги» сопротивления. Это диссидентское мышление несогласия, базируемое на недовольстве кучки людей, мнящих себя царьками  с нездоровой репутацией, разрушительно,  как по своей сути, так и чревато опасностью по своему содержанию. 

Читать далее