07 March 2019

Таҷлили Рӯзи Модар дар вилояти Суғд

6 марти соли равон дар Қасри Арбоб бо ширкати Раиси вилояти Суғд Раҷаббой Аҳмадзода бахшида ба Рӯзи Модар ҷамъомади тантанавӣ баргузор гардид.

Раиси вилоят Раҷаббой Аҳмадзода зимни суханронии худ ҳозирин ва кулли модарони мушфиқ ва бонувони ғамхори вилоятро ба муносибати Рўзи Модар табрик гуфта, ба онҳо сиҳатмандиву хушбахтӣ, иқболи нек, толеи баланд ва рўзгори ободу осуда орзу намуд.

Читать далее

Сухане чанд дар атрофи дасисаҳои ватанфурӯшон

Имрӯзҳо дар сомонаҳои иҷтимоии интернет бозгашти Шарофиддин Гадоев аз ҷониби бадхоҳон муғризона муҳокима мешавад. Ба ҳамагон маълум аст, ки номбурда ихтиёран ба Тоҷикистон баргаштааст. Аммо хоинони Ватан ва манфиатдорон дар сомонаҳои хабарии хориҷӣ бозгашти ўро маҷбурӣ маънидод кардаанд. Гўё афсарони рус бидуни тафтишот Гадоевро тариқи ҳавопаймои “Сомон Эйр” ба Душанбе фиристодаанд. Ин дар ҳолест, ки Шарофиддин Гадоев дар изҳороташ баён кард, ихтиёран ба Ватан баргаштаасту касе ба  ӯ фишор  наовардааст. Ӯ гуфт, ки аз рафтору гуфтори кардааш пушаймон асту умеди бахшида шуданро дорад. Ҳамчуин оид ба фаъолияти манфиатҷӯёна ва ватанфурӯшонаи наҳзатиҳо фикру ақидаи худро ошкоро иброз намуд.

Аз ин лиҳоз, роҳбарияти наҳзатиҳо, хусусан Муҳиддин Кабирӣ дар ҳолати ногувор монда, дар баромади фейсбукиаш мақомоти Тоҷикистонро туҳмат намуд, ки гӯё Шарофиддин Гадоевро дуздида ва зиндонӣ карда бошанд. Муҳиддин Кабирӣ нотавонии худро ҳис карда, ҷиҳати пиёда намудани аҳдофи нопоки худ ва ҳаммаслаконаш таваҷҷуҳи ташкилотҳои байналхалқӣ ва дарёфти хоҷагони нав ҳақиқати мавҷударо нодида мегирад. Ин дақиқ аст, ки Шарофиддин Гадоев ҳақиқати ҳолро дарк карда, ихтиёран ба Ватан баргаштааст. Маълум аст, ки Шарофиддин Гадоев пайваста дар бари хоинони Ватан буду аз нақша ва ҳадафҳои онҳо огоҳ буд.

Ин аст, ки роҳбарияти ТТЭ ҲНИ ва дигар ватанфурӯшон бобати пинҳон намудани амалҳои ношоистаи хеш, ки дар нақша доштанду доранд, ин дасисаро оғоз намудаанд. Аҷиб он аст, ки барои расидан ба мақсадҳои нопок омодаанд онҳое, ки замоное дар барашон буданду ҳоло пушаймон гаштаанд, ба фурӯш гузоранд.

Аз ин ба хулоса омадан мумкин аст, ки ватанфурӯшон манфиати хешро аз ҳама чӣ боло гузошта, беибову ноҷавонмардона баҳри ба даст овардани бовариву садақаи хоҷагонашон ҳарчи бештар сафсатафурӯшӣ мекунанд.

Мунзифа Саркорбобоева,
устоди  Донишгоњи давлатии Хуҷанд

Читать далее

ҚУВВАИ МО ДАР ВАҲДАТ АСТ!

Имрӯз оламиён аз воқеаҳои фоҷеабор дар ҷаҳон изҳори нигаронӣ намуда, пайваста талош доранд, ки инсониятро аз даргириву муноқишаҳои доираҳои манфиатҷӯю ҷудоиталаб раҳо намоянд. Таҳлилу мушоҳидаҳо бозгӯи онанд, ки хоҷагони бурунмарзї мардумро ба гурўҳҳои худ ҷалб намуда, бо ин васила мехоҳанд сулҳу суботро дар кишвари мо халалдор созанд ва ҷомеаро бо  гирдоби кашмакашиҳову нооромиҳо ғарқ намоянд. Роҳбарони созмонҳои ифротгаро ба ҳар роҳ мехоҳанд ақидаҳои манфиатҷӯёнаашонро ба зеҳни мардум ҷой намоянд.

Суханони нанговари Шарофиддин Гадоев оид ба сиёсати пешгирифтаи Ҳукумат ва тўҳматомези ҳомиёни ҳуқуқи Аврупо бобати зўран рабудани Гадоев  ба эҳсосоти шаҳрвандони ҷумҳурӣ таъсир расонида, кинаву нафрати мо-шаҳрвандонро нисбат ба ин ҷунбиш ва дигар неруҳои мухолифи давлатамон боз ҳам дучанд кард. Бояд хотиррасон кард, ки имрўзҳо Тоҷикистони азизи мо рушду тараққӣ карда истодааст. Дар тамоми самтҳои соњањои мухталиф пешравию дастовардњо ба назар мерасанд. Ташаббусҳои Тоҷикистонро ҷомеаи ҷаҳонӣ пайгирона дастгирӣ намуда, кишвари моро ҳамчун давлати пешсаф дар самти ҳалли масоили глобалӣ эътироф кардааст.

Аз ҷумла, дар самти мубориза бо терроризм ва ифротгароӣ давлати мо дар солҳои охир ба комёбиҳои беназир мушарраф гардидааст. Точикистон иқдомҳои беназире дар самти мубориза бо ин падидаҳои манфурро амалӣ карда истодааст.

Давлатҳои абарқудрат барои манфиатҳои хеш, барои аз нав тақсим кардани ҷаҳон бо ҳам бархурди бесобиқа доранд, ки дар натиҷа вазъи сиёсии сайёра боз ҳам печидаву муташанниҷ гардида, буҳрони молиявию иқтисодӣ дар бисёр кишварҳои олам шиддат гирифта истодааст.

Нафароне,  ки донишу ҷаҳонбинии васеъ доранд, ҳаргиз ба доми фиреби чунин таблиғгарони манфиатҷӯ намеафтанд. Исбот шудааст, ки шахси бохирад нисбат ба камсавод ва ё бесавод эътиқоди комил дошта, анъанаҳои пурарзиши миллӣ ва халқҳои мутамаддини оламро аз ҳурофот ва ақидаҳои ботил фарқ карда метавонанд. Баръакси ин ҳол, нафарони нодону бесавод фирефтаи таблиғоти ғаразнок гашта, саҳмгузор мешаванд. Онҳо бо шиорҳо, гапҳои дурўғ, тўҳматҳо ва даъватҳои ғаразноки хеш мардумро ба сӯи ифротгароӣ ҷалб намуда, ба шаъну эътибори мамлакат иснод меоранд ва худро бадном месозанд.

Ҷунбишу ҳаракатҳои мухолиф, ки дар хориҷи кишвар бо дастгирии бевоситаи молиявии дигар давлатҳо фаъолият мекунанд ва мақсади ноором кардани ҷомеаи моро доранд, қудрати дидани пешравиҳову комёбиҳои Тоҷикистонро надоранд ва бо ҳар роҳ кўшиш мекунанд, ки ваҳдату ягонагии моро аз байн баранд. Ба ин хоинон ва душманони давлати Тоҷикистон муроҷиат карда, гуфтанием, ки шумо ҳеҷ вақт муваффақ намешавед. Зеро мо - мардуми Тоҷикистон шукри ҳаёти орому осуда ва давлати обод карда, дар атрофи роҳбари хирадманди худ муттаҳидем. Қувваи мо дар ваҳдат ва ягонагист. Мо ҳамаи суханҳои туҳматомези шуморо маҳкум карда, гуфтанием, ки дар ҷавоб ба ин туҳматҳои шумо мо боз ҳам муттаҳидтар шуда, давлати худро ободу пешрафта мекунем.

Р. Ахмедов– ассистенти кафедраи
ҳуқуқи ҷиноятӣ, криминалистика
ва пешгирии коррупсияи ДДҲБСТ

Читать далее

Роҳбари нави роҳгумзадагон

Дар сомонаҳои интернетӣ созмони ифротии  Ҷунбиши  ислоҳот  ва  рушди Тоҷикистон хабар дод, ки аз сабаби баргаштани роҳбари он Шарофиддин Гадоев ба Тоҷикистон садорати  ҷунбиш  якдилона Алишер Абдураҳмоновро роҳбари нави худ интихоб кардаанд. Ёдовар бояд шуд, ки Алишер Абдураҳмонов то ба хориҷа гурехтан дар сохтори Вазорати корҳои дохилӣ фаъолият бурдааст.

Шарофиддин Гадоев бо ин амалаш ба наҳзатиҳои террорист зарбаи сахт зад. Вай як навъ ҷасорату далерӣ нишон дода, аз сафи он нохалафон ҷудо шуда, ҷасурона ақидаашро оид ба наҳзатиҳо ошкоро иброз дошт.

Бояд қайд кард, ки Ислоҳот ва рушди Тоҷикистон моҳи феврали соли 2018 аз ҷониби Шарофиддин Гадоев ва ҳамфикронаш таъсис ёфт. Ин ҷунбиш моҳи сентябри соли 2018 дар баробари ҳизби наҳзати ислом (ҲНИ), Анҷумани озодандешони тоҷик ва Анҷумани муҳоҷирони Осиёи Марказӣ дар Аврупо яке аз 4 муассиси «Паймони миллии Тоҷикистон» – эътилофи нави нерӯҳои мухолифини тоҷик шуд.

Пайравони ТТЭ ҲНИ ё номи дигари он «Паймони миллии Тоҷикистон» роҳгумзадагон, ватангумкардагон буда, дар хориҷа қарор дошта, ба миллату меҳани худ санг ҳаво медиҳанд. Онҳо номи ташкилоташонро иваз карда бошанд ҳам, самташон тағйир наёфтааст. Акнун баҳри амалӣ намудани нақшаҳои нопоки хеш ин қабил афроди ҷинояткор барномаҳои гуногуни иғвогаронаро таҳия намуда, мехоҳанд фазои ороми кишварро халалдор созанд.

Аз ин лиҳоз, ба хоинони миллати тоҷик дар симои Муҳиддин Кабирӣ, Илҳом Ёқубов, Алишер Абдураҳмонов ва дигарон муроҷиат намуда, гуфтанием, ки бо баргузор намудани ҳазорон митингу раҳпаймоӣ ва иваз намудани номи ташкилотҳои ифротии хеш дигар имкони ба боварии мардуми тоҷик сазовор шудан ва ба сафҳои нопокатон шомил намудани ҷавонони саодатманди моро надоред.

Имрӯзҳо ҷавонони мо соҳибилму соҳибистеъдод гардида, баҳри ободии халқу Ватани худ хизматҳои беназирро анҷом дода истодаанд.

Зилола КОМИЛОВА,
сармуаллимаи кафедраи
умумидонишгоҳии сиёсатшиносии
Донишгоҳи давлатии Хуҷанд

Читать далее

БОШУУРОНА БОЯД МУБОРИЗА БУРД

Имрўзҳо аз саҳифаҳои расонаҳои интернетӣ ҳолатҳоеро, ки барои пешравии ҷомеаи мо халал ворид месозад, дида истодаем. Нашрияҳои даврӣ ва васоити ахбори омма ба ҳар як аъзои фаъоли ҷомеаро огоҳ менамояд, то ки таҳлилҳои сиёсиро дуруст ба роҳ монанд. Дар хабар омадааст, ки якчанд ҳомии хукуқ даъват кардаанд то Шарофиддин Гадоевро озод карда, ба вай имконияти бозгашт ба Ҳолландро бидиҳанд. Албатта, мақсаду мароми ҷамъият ва таърихи инсоният мубориза барои озодӣ ва адолат аст.

Ба ҳамагон маълум аст, ки имрўз Тоҷикистон дар роҳи ободониву созандагӣ, бунёдкорию офарандагӣ устуворона қадам ниҳода, дар таъмини зиндагии осоиштаи ҳар як сокини кишвар кўшишҳои зиёд ба харҷ дода истодааст. Ободшавии мунтазам дар кишвар, сохтмонҳои бонуфузи нақбу НБО-ву роҳҳову марказҳои фарҳангӣ-фароғатӣ,  корхонаву муассисаҳо дар дили шаҳрвандони кишвар муҳаббатро афзун гардонида, ризоияти онҳоро нисбат ба сиёсати пешгирифтаи давлату ҳукумат дучанд месозад. Инчунин, ба роҳ мондани муносибатҳои дуҷонибаву бисёрҷониба бо аксари мамолики олам, ки барои сокинони Тоҷикистон дар густариши соҳаҳои тиҷорат, санъату фарҳанг, варзишу ҳунармандӣ, тиббу сайёҳӣ, хусусан дар ташаккули таълиму тадрис ва мубодилаи таҷрибаҳо имконияти васеъро фароҳам меоварад, тақвиятгари гуфтаҳои болост.

Мо-омўзгорон парвардаи истиқлолият буда, намегузорем, ки нохалафе чӣ дар дохил ва чӣ дар хориҷи кишвар ба амнияти мо таҳдид ворид созад.

М.Муҳиддинов, дотсенти
Донишгоҳи давлатии ҳуқуқ, бизнес ва сиёсати Тоҷикистон

 

Читать далее

ТЕРРОРИЗМ – ВАБОИ АСР

Боиси таассуф аст, ки терроризму экстремизм ҳамчун зуҳуроти номатлуб, хавфноку хатаровар айни замон ҷомеаи ҷаҳониро ба ташвиш овардааст. Гурӯҳу созмонҳои ифротгаро барои расидан ба мақсадҳои нопоки худ ба ҳама гуна амалҳои зишту ғайриинсонӣ, аз қабили куштору ғоратгарӣ, фалаҷ сохтани иқтисодиёт, одамдуздӣ, хиёнат ба Ватану миллат даст мезананд.

Ин масъала ҳамчун доғи рӯз ҷангу ҷидол, нооромию вайронкориро ба бор оварда, ба амнияти кишварҳои ҷаҳон хатари ҷиддӣ меоварад. Мутаассифона, шиддати ин хатару таҳдидҳои ҷаҳонӣ, имрӯз ҳам паст нашудааст. Дар ин раванд бояд баҳри пешгирии шомилшавии шаҳрвандони мамлакат ба созмонҳою ҳаракатҳои террористию экстремистӣ ва ба Ватан баргардонидани шахсони гумроҳшуда эътибори ҷиддӣ дода шавад. Кормандони прокуратураи ноҳияи Ҷаббор Расулов баҳри амалӣ намудани тадбирҳои мушаххас дар ин самт кӯшиш ба харҷ дода истодаанд.

Аз ҷумла, Эралӣ Ҷӯраев сивудусола сокини Ҷамоати деҳоти Гулхона, соли 2011 бо даъвати Мирзоқосим Исмоилов, ки амири гурӯҳи минтақавии иттиҳоди ҷиноятии "ҳизби исломии Туркистон" (собиқ ҳаракати исломии Ӯзбекистон) дар ноҳияи Спитамен буда, мақсади асосиашон сарнагун сохтани сохти конститутсионии ҳамаи давлатҳои дунё, аз ҷумла Ҷумҳурии Тоҷикистон мебошад, дар чойхонаи ба ном "Fуфрон"-и Ҷамоат ва дар манзили истиқоматии Д.Қӯшмуродов дар бораи ин иттиҳоди ҷиноятӣ маълумот гирифта, дар бораи ба амал баровардани ҷиҳод, барпо сохтани давлати исломии "Хилофат" ҷонибдорӣ намуд. Дар якҷоягӣ бо дигар иштирокчиёни ҷамъомадҳо аҳди ҷинояткорона баста, ба иттиҳоди ҷиноятии мазкур шомил гардид.

Дар давоми солҳои 2011-2015 дар ҷамъомадҳои ин иттиҳодия ақидаҳои ифротгароёнаи худро қавӣ гардонид.

Э.Ҷӯраев дидаю дониста, ки фаъолияти ин ташкилот террористӣ-экстремистӣ дар қаламрави Ҷумҳурии Тоҷикистон манъ карда шудааст, соли 2011 ба он шомил шуд.

Бо гузаронидани корҳои фаҳмондадиҳӣ ва машваратӣ бо хешовандону наздикони ӯ шаҳрванд Э.Ҷӯраев, ки дар ҳудуди Федератсияи Руссия пинҳон буд, аввали соли равон ихтиёран ба мақомоти прокуратураи ноҳия ҳозир гардида, аз ҷинояти содирнамудааш сидқан пушаймон шудани худро изҳор намуд.

Дар натиҷа парвандаи ҷиноятӣ нисбати ӯ қатъ карда шуда, номбурда аз ҷавобгарӣ озод карда шуд.

Ҷоиз ба зикр аст, ки бо ташаббуси ба моддаи 401 иловаи 1 Кодекси Ҷиноятии Ҷумҳурии Тоҷикистон эзоҳ ворид гардидааст, ки тибқи он «шахсе, ки ихтиёрӣ аз иштироки ғайриқонунӣ дар воҳиди мусаллаҳ, задухӯрди мусаллаҳона ё амалиётҳои ҷангӣ дар ҳудуди дигар давлатҳо то анҷом ёфтани задухӯрдҳои мусаллаҳона ё амалиёти ҷангӣ даст мекашад, агар дар кирдори ӯ аломатҳои таркиби ҷинояти дигар мавҷуд набошанд, аз ҷавобгарии ҷиноятӣ озод карда мешавад».

Чунин таҷрибаро сиёсатмадорони машҳури олам эътироф намуда, баҳои баланд додаанд. Чунин иқдоми неку оқилона баҳри пойдории амният ва сулҳ камназир аст.

Мақсади қонун ҷазо додану ҷарима кардан набуда, балки ҳадафи асосӣ қонун ҳифзи ҳуқуқу манфиатҳои шаҳрвандон, пешгирии ҳуқуқвайронкунӣ, ҳимояи сохти конститутсионӣ, таъмини тартиботи ҳуқуқӣ, амнияти давлат, сулҳу суботи ҷомеа ва тарбияи шахрвандон аст.

Аз ин рӯ, ҷавонони кишварро лозим аст, ки ба воқеоту рӯйдодҳо огоҳона баҳо диҳанд  ба амалҳои номатлуб даст назананд ва зиракии сиёсиро аз даст надиҳанд.

И.СОБИРЗОДА,
муовини прокурори ноҳияи Ҷаббор Расулов,
мушовири адлияи дараҷаи 3-юм

Читать далее

МУҚОБИЛИ ҲАМА ГУНА ҲАРАКАТҲОИ ИФРОТӢ

Ҷумҳурии Тоҷикистон давлати демократӣ, ҳуқуқбунёд, соҳибистиқлол буда, барои ҳар як шаҳрванд ҳаёти озоду осоишта, беҳтарин неъматҳои ҳаёт кафолат дода шудааст. Маълум аст, ки тамоми мардуми башарият бо пешравиҳои илмию техникӣ талошҳои зиёд доранд. Воқеан ҳам, рақобати озоди ҳамагон дар тамоми институтҳои давлат, аз ҷумла байни шаҳрвандон иттиҳодияҳои созанда арзи вуҷуд дорад. Онҳо ба якдигар имкон медиҳанд вобаста аз самти рушди давлатдорӣ, бо мақсади ободу зебо кардан, сохтани иншооти нав ба нав, ақалан шинонидани дарахту гулҳо ба пеш ҳаракат карда бошанд.

Баробари ҳамин, давлати дунявӣ чунинест, ки дар он ҳеҷ як дину мазҳаб ҳатмӣ ё худ афзалиятнок ҳисобида намешавад. Имрўз шаҳрвандони кишвар новобаста аз он ки ба  кадом намуди дин пайравӣ кунанд, комилан  баробарҳуқуқ мебошанд. Дар ягон ҳуҷҷати давлатӣ диндор будан ё набудани шахс қайд карда намешавад. Дар Ҷумҳурии Тоҷикистон бо вуҷуди он ки аксарияти  шаҳрвандони мамлакат  пайрави дини мубини исломанд, онро муқаддас мешуморанд ва ҷониби давлат он ҳамчун дини расмӣ эътироф нашудааст. Ташкилотҳои динӣ дар Ҷумҳурии Тоҷикистон аз давлат ҷудо мебошанд. 

Он шахсоне, ки ба ҳама гуна ҳизбу ҳаракатҳои террористию экстремистӣ, ба монанди ТТЭ ҲНИ шомил мешаванд, инсонҳое мебошанд, ки саводи зарурии дунявӣ ва динӣ надоранд. Чунин намуди инсонҳо фирефта ва гумроҳи ҳаракатҳои иртиҷоӣ мегарданд.

Бинобар ин, имрўз мақомоти ҳифзи ҳуқуқи ҷумҳурӣ баҳри пешгирӣ ва дар ҳолати вуҷуд доштан, несту нобуд намудани ин гуна шахсон ва ҳамаи кирдорҳое, ки ба ин ҳолат вобастагӣ дорад, ҷидду ҷаҳд бурда истодааст. Зеро мардуми шарифи Тоҷикистон шукронаи чунин сарзамин, давлатдорӣ карда, дарк намоянд, ки давлат барои ҳар як инсон ва шаҳрванд шароити зиндагии арзанда ва инкишофи озодонаро фароҳам овардааст.

Мо бояд тамоми малакаву дониши худро ба бунёди ҷомеаи озод равона намуда, баҳри ҳаёти осоиштаи имрўзу фардо, тарбияи насли ҷавон дар руҳияи ватандўстӣ, худогоҳию худшиносии миллӣ саҳми босазо гузошта бошем.

Б. Самадов,
дотсенти Донишгоҳи давлатии ҳуқуқ,
бизнес ва сиёсати Тољикистон

Читать далее

ХОИНИ МИЛЛАТ БА МАҚСАД НАРАСАД…

Фосиқ касест, ки дар ботини ӯ фисқу фасод, дурӯҳу бӯҳтон, фитнаву кина, мунофиқиву лоф, хиёнату паймоншиканӣ, хуллас қулли хислатҳои бади инсонӣ ҷой доранд. Таҷрибаи рӯзгор ва таърихи чандинасраи ҳаёти инсонӣ собит намуда, ки чунин ашхос дар ягон давру замон ҳаёти орому осударо аз сар нагузаронида, агар умре бардавом дида бошанд, бо заҳри ҳалоҳили зиндагӣ, дур аз ёру дӯстон дунёро тарк менамоянд.

Чунин касонро дар симои саркардагон ва аъзои ҳизби мамнӯи наҳзат мебинем. Эшон, ки мақсади асосиашон ситезидан ва ба даст овардани ҳокимият бо дастгириву маблағгузории хоҷагони хориҷиашон аст, пеш аз ҳама манфиатҳои шахсии худро аз ин стратегияи ҳизбиашон боло мегузоштанд. Ин ашхос бо роҳбарии Кабирии аз баҳри Ватану миллат, аҷдодони худ гузаштаву ғуломи хоҷагони хориҷӣ гашта бар сари давлати хеш санги маломат меафкананд. Онҳо дар кишварҳои бегона созмонҳову иттиҳодияҳо ташкил карда, тамоми дастоварду бурдбориҳои Тоҷикистони азизи моро чашми дидан надоранд.

Кабирӣ ва пайравони ӯ андешаи онро надоранд, ки хоҷагони хориҷии онҳо хуб дарк мекунанд, ки ин тоифа имрӯз бо як пайсаи ночиз Ватану миллат ва авлоди хешро фурӯхтаанд ва агар лозим шавад, рӯзе хоҷагони хешро низ мефурӯшанд ва аз дасти онҳо маҳв хоҳанд шуд.                 

Имрӯз, ки Кабирӣ ва ҳаммаслакони каҷдумсирати ӯ паймонҳо таъсис медиҳанду онро дар сомонаҳои интернетӣ паҳн мекунанд, андешаи онро надоранд, ки бо ин усул нафрати миллионҳо одамони сайёраро бар муқобили худ бармехезонанд.

Хоинони Ватан бояд донанд, ки сохтмони иншооти бузург, аз ҷумлаи чандин заводҳои соҳаҳои саноату энергетика, роҳҳои мошингарду оҳан, бунёди хонаҳои истиқоматӣ, кушоиши нақбҳову конҳои канданиҳои фоиданоки зеризаминӣ, обёрии ҳазорҳо гектар заминҳои бекорхобида, бунёди боғу бӯстонҳо, таъсиси муассисаҳои таҳсилоти оливу миёна ва касбиву ҳунарӣ, табобатӣ маҳз маҳсули замони Истиқлолияти давлатии Ҷумҳурии Тоҷикистон мебошанд.

Илҳом БОЛТАЕВ,
ноҳияи Зафаробод

Читать далее

ПАЙМОНИ ГУРӮҲИ ВАТАНФУРӮШ

Роҳбарони фирории ташкилоти террористию экстремистии ҳизби наҳзат гурӯҳи «Паймони миллӣ» ташкил карда буданд, ки ҳадафаш пинҳон сохтани аъмоли ҷиноии худ, ба даст овардани маблағ ва гумроҳ намудани мардуми кишвар мебошад.

 Аъзои ин гурӯҳ мехоҳанд бо ҳар гуна роҳ оромиву суботи Тоҷикистонро халалдор намоянд, аммо ҳеҷ гоҳ ба мақсадашон намерасанд, чун дар дохил ҷонибдор надоранд. Онҳо мехоҳанд зери номи нав худро нерӯи мухолифи созанда муаррифӣ намоянд. Аммо ин навбат низ тири онҳо хок мехӯрад, зеро халқи тоҷик дигар ба фиреби наҳзат дода намешавад.

Имрӯз аксари мардум дар тааҷҷубанд, ки чаро Созмони амният ва ҳамкории Аврупо (САҲА) ба намояндагони ин ҳизби террористиву экстремистӣ имконияти иштирок ва суханронӣ дар ҷаласаҳоро медиҳад. Инро метавон бозӣ ва роҳандозии сиёсати нодуруст номид, ки хеле хатарнок аст. Бо гузашти вақт ҷомеаи ҷаҳонӣ, махсусан, созмонҳои байналмилалие, ки воқеан арзишҳои демократиро пайгирӣ мекунанд, ин ҳилаи шаръии наҳзатиҳоро дарк менамоянд. Онҳо ягон барномаи ислоҳоти иқтисодӣ, иҷтимоӣ, тандурустӣ, маориф надоранд. Ислом барои онҳо парчам аст, ки аз он сӯиистифода мекунанд. Ташкили паймон пинҳон кардани арзишҳои ифротӣ аст.

Мо - мардуми кишвар бояд марому мақсади онҳоро хуб дарк кунем ва  муттаҳиду сарчамъ гашта, баҳри рушди ҳамаи соҳаҳои мамлакати азизамон саҳмгузор бошем ба ақидаҳои нопоки чунин гурўҳҳои ғаразноку бадхоҳ дода нашавем. Шукри ин сарзамин, сулҳу ваҳдат, обу хоки ин Ватани муқаддас кунем.

М.ИСОҚОВ,
сармуаллими кафедраи
иқтисодиёти корхонаҳо ва соҳибкории
Донишгоҳи давлатии ҳуқуқ, бизнес ва
сиёсати Тоҷикистон

Читать далее

Алайҳи ақидаҳои ифротӣ сарҷамъу тифоқ бошем

Ватан мояи ифтихор, шаъну шараф, нангу номус, виҷдон ва обрўю эътибори мо мебошад. Ватан маконест, ки мо дар он чашм ба дунё кушодем. Сарзаминест, ки мо нахуст қадамҳои хешро дар хоки он гузоштем, аз оби чашмасоронаш нўшидаему аз ҳавои муаттараш нафас кашидаем. Ватан сарвати бебаҳои мост, ки бо он мо мефахрему сарфарозиҳо дорем. Ҳоло, ки Тоҷикистонро ҷомеаи ҷаҳонӣ чун кишвари озоду демократӣ эътироф кардааст, баъзе намехоҳанд, ки давлати мо пеш равад, оромӣ ва осудагӣ пойдор бошад. Ба ҳаёти осоиштаи мардуми тоҷик халал ворид карданӣ мешаванд. Тавассути шабакаҳои иҷтимоӣ дар ҳаққи Ватани хеш бадгӯиҳо мекунанд.

Масалан, ихтиёри худ ба Ватан баргаштани Шарофиддин Гадоевро бардурӯҳ маънидод мекунанд. Аммо ин тӯҳмати онҳо ягон асосе надорад. Зеро Шарофиддин Гадоев имрӯз озод асту  дар шабакаҳои иҷтимои  ихтиёран баргаштани худро бо забони худ мегӯяду шукрона аз сулҳу оромии Ватан мекунад.

Бинобар ҳамин ҳар як сокини ин сарзамин, ки ба тақдири кишварамон бетафовут нест, бояд  мисли ангуштони як даст, шохоби як рўд, фарзандони  як модар муттаҳид гашта, дар гулгулшукуфоии Ватани азизамон саҳм гузорем ва танҳо бо номи миллат ифтихор кунем, Бо эътимод гуфта метавонем, ки мо бо неруи ақлонӣ ва ҷисмонӣ истиқлолияти давлатии худро ҳифз намуда, Ватанро ободу зебо мегардонем.  

Ҷаҳонгир МАХКАМОВ,
донишҷӯи Донишгоҳи давлатии Хуҷанд
ба номи академик Бобоҷон Ғафуров

Читать далее