03 June 2019

Паёми табрикии Раиси вилоят Раҷаббой Аҳмадзода ба муносибати Рӯзи байналмилалии муҳити зист

Дар кишвари соҳибистиқлоли мо ҳар сол санаи 5 июн ҳамчун Рӯзи байналмилалии муҳити зист таҷлил гардида, ба масъалаҳои мубрами экологӣ, аз ҷумла пок нигоҳ доштани муҳит, ҳифз намудани сарватҳои табиӣ таваҷҷуҳи махсус зоҳир карда мешавад.

Таъмини амнияти экологии ҷомеа аз мубрамтарин масъалаҳои умумибашарӣ ба ҳисоб рафта, имконияти хубест барои бори дигар ҷалб намудани таваҷҷуҳи оммаи васеъ ба масоили экологӣ мебошад.

Читать далее

Таҷлили Рӯзи байналмилалии ҳифзи кӯдакон дар маркази вилоят

Кӯдакон – сарвати бебаҳо ва саодати мо!

1 - уми июни соли равон дар Боғи фарҳангию фароғатии «Наврӯзгоҳ» - и шаҳри Хуҷанд Рӯзи байналмилалии ҳифзи кӯдакон дар сатҳи баланд доир гардид. Дар чорабинӣ муовини Раиси вилоят Назира Ғаффорӣ, раиси шаҳри Хуҷанд Маъруф Муҳаммадзода, намояндагони ташкилоту идораҳои вилоятӣ, зиёиён ва муҳассилин ва тарбиятгирандагони муассисаҳои таҳсилоти миёнаи умумӣ ва томактабии шаҳру ноҳияҳои вилоят иштирок намуданд.

Муовини Раиси вилоят Назира Ғаффорӣ ва ҳайати ҳамроҳонаш аз растаҳои мухталифи ҳунарӣ ва эҷодии кӯдакону наврасон дидан намуда, бахусус ба ҳунари шеърхонӣ, расмкашӣ, ихтироъкорӣ, варзишӣ ва офаридаҳои онҳо баҳои баланд доданд.

Мавриди зикр аст, ки завқи зебоипарастӣ ва табиатдӯстии кӯдакону наврасон сол аз сол боло меравад. Дар чорабинии идона гӯшаҳои зиндаи муассисаҳои таҳсилоти миёнаи умумии шаҳру ноҳияҳои вилоят диққатҷалбкунанда буд. Тамошобинон, алалхусус кӯдакон ин гӯшаҳоро бо завқи баланд дидан намуда, таассуроти нек бардоштанд.

Ҳамзамон, гӯшаи «Шаҳраки саломатӣ», ки аз ҷониби намояндагони муассисаҳои соҳаи тандурустии вилоят ташкил шуда буд, басо хотирмон ва маърифатомӯз буд.

Дар тантанаи идонаи Рӯзи кӯдакон муовини Раиси вилоят Назира Ғаффорӣ кулли кӯдакону наврасони вилоятро аз номи Раиси вилояти Суғд Раҷаббой Аҳмадзода табрику муборакбод гуфта, барояшон даврони босаодати тифлӣ, осмони соф, оромию осудагӣ ва хандаи беғаши кӯдакиро таманно намуд.

- Дар партави сиёсати инсондӯстонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвари азизамон ба тарбияи кӯдак ва ташаккули тарзи ҳаёти солими насли наврас, таълиму тарбияи онҳо аҳамияти махсус дода мешавад, зеро рушди минбаъдаи ҷомеа маҳз ба тарбияи дурусти кӯдакону наврасон вобаста мебошад, - зикр дошт Назира Ғаффорӣ.

Мавриди зикр аст, ки Мақомоти иҷроияи ҳокимияти давлатии вилояти Суғд ба рушди муассисаҳои томактабӣ, таъмиру азнавсозии онҳо, боз ҳам беҳтар намудани сифати таълиму тарбияи кӯдакон, фарогирии теъдоди бештари онҳо ба муассисаҳо таваҷҷуҳу эътибори зарурӣ равона намудааст. Айни ҳол, дар ҳудуди вилоят 263 муассисаи таҳсилоти томактабӣ, 203 муассисаи таҳсилоти томактабии тобеи шуъбаи маорифи шаҳру ноҳияҳо, 13 муассисаи таҳсилоти томактабии тобеи ташкилоту корхонаҳо ва 47 муассисаи таҳсилоти томактабии хусусӣ фаъолият намуда, 42710 нафар кӯдакон ба тарбия фаро гирифта шудаанд.

Баробари ин, тибқи дурнамо дар вилоят таъсис додани боз 48 муассисаи таҳсилоти томактабӣ ба нақша гирифта шуда, азнавсозӣ, таъмиру тармими муассисаҳо, ташкили лагерҳои истироҳатию маърифатӣ ба хотири фаро гирифтани кӯдакону наврасон ба истироҳатгоҳҳо баёнгари таваҷҷуҳи доимии Мақомоти иҷроияи ҳокимияти давлатии вилоят ба насли ояндасоз мебошад.

Барои кӯдакону наврасон аз ҷониби фарҳангчиёни вилоят барномаи рангини ҳунарӣ пешкаш гардид, ки басо хотирмон буд.

 Хабарнигори
«Ҳақиқати Суғд»

Читать далее

Паёми табрикии Раиси вилоят Раҷаббой Аҳмадзода ба муносибати Иди саиди Фитр

Ҳамдиёрони азиз!

Дар ин лаҳзаҳои фараҳбахш кулли сокинони вилоятро бо Иди саиди Фитр, ки баёнгари беҳтарин арзишҳои инсонӣ - сабру таҳаммул, накӯкорӣ, раҳму шафқат ва меҳру муҳаббат мебошад, табрику муборакбод менамоям.

Иди саиди Фитр дар кишвари мо бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва шарофати озодиву соҳибистиқлолии Ватани маҳбубамон мақоми расмӣ гирифта, чун анъана ҳар сол таҷлил мегардад. Шоистаи таъкид аст, ки Президенти Ҷумҳурии Тоҷикистон муҳтарам Эмомалӣ Раҳмон 5 - уми майи соли равон дар Паёми табрикотии худ ба муносибати фарорасии моҳи шарифи Рамазон, роҷеъ ба фазилатҳои ин моҳи муборак барҳақ таъкид намудаанд:

Читать далее

Раҷаббой Аҳмадзода собиқадорони меҳнатро аёдат намуд

Рӯзи 31 май Раиси вилояти Суғд Раҷаббой Аҳмадзода дар шаҳри Хуҷанд ба манзили чанде аз собиқадорони меҳнат рафта, онҳоро аёдат намуд.

Раиси вилоят дар ин рӯз аз ҳоли собиқадорон Ҳамро Тоирова, Биҳоҷал Раҳимова,  Отаҷон Усмонов ва Ҳусенбой Файёзов, ки солҳои дароз барои рушди соҳаҳои гуногун заҳмат кашидаанд, хабар гирифт.

Читать далее

Хуҷанд. Мумфаршкунии кӯчаи Озодии маҳаллаи Чорчароғ оғоз ёфт

Рӯзи 31 май дар доираи корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон дар шаҳри Хуҷанд бо иштироки Раиси вилояти Суғд Раҷаббой Аҳмадзода мумфаршкунии кӯчаи Озодии маҳаллаи Чорчароғ оғоз ёфт.

Раиси вилоят Раҷаббой Аҳмадзода зимни иштирок дар маросими оғози корҳои мумфаршкунӣ иброз дошт, ки таҷдиду азнавсозӣ ва мумфаршкунии роҳҳо тибқи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат гирифта, бо харҷи маблағҳои буҷавӣ, саҳми соҳибкорон ва аҳолӣ корҳои ободонӣ вусъат дода мешавад.

Читать далее

Мулоқоти Раиси вилоят бо намояндагони ширкати истеҳсоли таҷҳизоти тиббии “Neusoft Medical Corporation”

30 май Раиси вилояти Суғд Раҷаббой Аҳмадзода намояндагони ширкати истеҳсоли таҷҳизоти тиббии “Neusoft Medical Corporation”-и Ҷумҳурии мардумии Чинро бо роҳбарии Куиин Шан ба ҳузур пазируфт.

Дар аснои мулоқот Раиси вилоят Раҷаббой Аҳмадзода оид ба вазъи соҳаи тандурустии вилоят ва ислоҳоту навовариҳои соҳа ба меҳмонон маълумот дода, таъкид кард, ки Ҳукумати Ҷумҳурии Тоҷикистон ба рушди соҳа ва воридсозии таҷҳизоти навтарини тиббӣ таваҷҷуҳи хоса зоҳир менамояд.

Читать далее