10 June 2019

Шиносоии Раиси вилоят бо фаъолияти боғпарварони хоҷагии деҳқонии ба номи Ҷаббор Расулов

Раиси вилояти Суғд Раҷаббой Аҳмадзода дар доираи сафари кории худ ба ноҳияи Ҷаббор Расулов, ки рӯзи 9 июн сурат гирифт, бо фаъолияти боғпарварони хоҷагии деҳқонии ба номи Ҷаббор Расулов шинос гардид.

Бояд гуфт, ки дар ноҳияи Ҷаббор Расулов дар майдони садҳо гектар замин сокинон ба парвариши боғҳои дарахтони олу, хурмо, анор, зардолу ва шафтолу машғуланд, ки аксари ҳосил ба содирот нигаронида шудааст.

Читать далее

Шиносоии Раиси вилоят Раҷаббой Аҳмадзода бо сохтмони иншооти ҷашнӣ дар ноҳияи Ҷаббор Расулов

Бо мақсади сазовор истиқбол гирифтани ҷашни таърихии 30-солагии Истиқлолияти давлатии Ҷумҳурии Тоҷикистон дар ноҳияи Ҷаббор Расулов сохтмони беш аз 300 иншооти гуногун ба нақша гирифта шудааст.

Тавре зимни боздиди кории Раиси вилоят Раҷаббой Аҳмадзода аз ноҳияи Ҷаббор Расулов иттилоъ дода шуд, соли гузашта дар ноҳия 92 иншооти ҷашнӣ мавриди истифода қарор гирифтааст. Имсол бошад роҳбарияти ноҳия ва сокинону фаъолон бунёду ба истифодадиҳии 70 иншооти навро ба нақша гирифтаанд.

Читать далее

Пойгоҳи обкашии “Деҳмой-1” бо 400 000 сомонӣ аз таъмир бароварда шуд

9 июни соли равон Раиси вилояти Суғд Раҷаббой Аҳмадзода ҷиҳати шиносоӣ бо ҷараёни корҳои саҳроӣ ва рафти корҳои ободонию созандагӣ ба ноҳияи Ҷаббор Расулов сафар кард.

Зимни сафар Раиси вилоят аз пойгоҳи обкашии “Деҳмой-1” боздид намуд. Тавре иттилоъ дода шуд, бо мақсади таъмини кишоварзон бо оби полезӣ ва дубора ба гардиши кишоварзӣ даровардани заминҳову ба ин васила зиёд намудани ҳаҷми истеҳсоли маҳсулоти кишоварзӣ бо дастгирии роҳбарияти вилоят барои азнавсозии пойгоҳи мазкур 400 000 сомонӣ ҷудо гардид.

Читать далее

Нишоти фараҳмандӣ ва сурури ободӣ

Мардуми шарифи вилояти Суғд бо шукргузор аз сулҳу ваҳдати комил, фазои орому осиштаи кишвар барои дар сатҳи баланди ташкилӣ ва бо дастовардҳои шоиста таҷлил намудани ҷашни 30-солагии Истиқлолияти давлатии Ҷумҳурии Тоҷикистон чаҳду талош намуда истодаанд.

Бо мақсади татбиқи Амри Президенти Ҷумҳурии Тоҷикистон аз 22 - юми майи соли 2018, «Дар бораи омодагӣ ба ҷашни 30 - солагии Истиқлолияти давлатии Ҷумҳурии Тоҷикистон» дар тамоми шаҳру навоҳии вилоят корҳои созандагиву ободонӣ бо маром ҷараён дорад. Дар ин замина нақшаи чорабиниҳо тасдиқ гардида, корҳои таъмирию сохтмонӣ бо суръат пеш меравад. Мардуми ноҳияи Ҷаббор Расулов низ баҳри истиқболи бошукӯҳи ин ҷашни фархунда аз тамоми имкониятҳои мавҷуда истифода мебаранд. Баҳри сохта ба истифода додани иншооти ҷашнӣ ва ободу зебо гардонидани ватани азизу маҳбубамон якдилонаву сарҷамъона меҳнат менамоянд.

Мақомоти иҷроияи ҳокимияти давлатии ноҳия баҳри амалӣ гаштани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба корҳои ободонию бунёдкорӣ нақша - чорабиниҳо иборат аз 394 банд таҳия намудааст, ки аз он 101 банд дар соли 2018 иҷро шудааст. Дар соли 2019 низ иҷрои 127 банди чорабиниҳои ободонӣ ба нақша гирифта шуда, то инҷониб 20 банди он ба анҷом расонида шуда, зиёда аз 50 ҷойи корӣ таъсис ёфтааст.

Соли равон баҳри иҷрои ҳадафи чоруми стратегии кишвар ба фаъолият оғоз намудани корхонаи ресандагии ҶДММ «Органик ян» бо иқтидори коркарди 5000 тонна нахи пахта, бо сармояи 70 миллион сомонӣ аз ҳисоби ҶДММ «25 - солагии Истиқлолият» ва ширкати туркии «До Коттон Груп» ба нақша гирифта шудааст, дар марҳалаи аввали фаъолияти корхонаи мазкур 100 нафар бо ҷои кори доимӣ таъмин хоҳанд шуд. Бино ба маълумоти мудири бахши меъморӣ ва шаҳрсозии ноҳия Абдурасул Исматуллоев ҳамзамон дар соли 2019 ба масоҳати 22 километр мумфарш намудани роҳҳо ба нақша гирифта шуда, айни ҳол ба масоҳати 2 км роҳ мумфарш шудааст. Дар ин раванд корҳои чароғонкунии роҳҳо низ идома дорад. - То ин давра аз ҳисоби ташкилоту корхонаҳо ва соҳибкорони маҳаллӣ корҳои сохтмонӣ ва таъмирӣ ба маблағи умумии 122 млн. 327 ҳазор сомонӣ ба анҷом расонида шудааст.

Дар натиҷа 95 иншоот мавриди истифодабарӣ қарор дода шуд, ки аз он 52 адад иншооти ҷамъиятӣ буда, зиёда аз 198 ҷойи корӣ таъсис гардид,- мегӯяд Абдурасул Исматуллоев.

Сурайё ҲАКИМОВА,
«Ҳақиқати Суғд»

Читать далее

МАРОМ: СОЗАНДАГИВУ БУНЁДКОРӢ!

Дар Паёми навбатии худ Пешвои миллат бо мақсади вусъат бахшидани корҳо бунёдкориву созандагӣ ва бо дарназардошти зарурати инкишофи инфрасохтори деҳот солҳои 2019 - 2021 - ро «Солҳои рушди деҳот, сайёҳӣ ва ҳунарҳои мардумӣ» эълон карданд, ки иқдоми мазкур дар байни сокинони ноҳия ҳамчун санади умедбахш пазируфта шуд.

Бо мақсади иҷрои дастуру супоришҳои Пешвои миллат дар самти ҷалб намудани сармояи хориҷӣ мақомоти иҷроияи ҳокимияти давлатии ноҳия бо сарварии раиси ноҳияи Спитамен Сулаймонзода Акрам Раҳим чораҳои мушаххасро роҳандозӣ намуда, корҳои назаррасро ба сомон расонид. Аз ҷумла, моҳи марти соли 2018 Форуми соҳибкорони ноҳия дар шаҳри Бекободи Ҷумҳурии Ӯзбекистон баргузор гардид. Айни ҳол дар ноҳия бо Меморандуми якдигарфаҳмӣ намояндагии «Котиботи байналхалқии захираҳои об» дар Тоҷикистон барои лоиҳаи бо оби нӯшокӣ таъмин намудани деҳаи навбунёди Файзободи Ҷамоати деҳоти Куруши ноҳия 3,6 миллион сомонӣ маблағ ворид сохт.

Мақомоти иҷроияи маҳаллӣ баҳри беҳтар гардидани пояи моддӣ - техникии муассисаҳои таълимии ноҳия чораандешӣ намуда истодааст. Алҳол бинои иловагии дуошёнаи муассисаи таълимии № 9 барои 240 нафар хонанда дар як баст, воқеъ дар деҳаи Сафедтеппаи Ҷамоати деҳоти Истиқлол бо маблағи буҷетӣ ва ҳам бо дастгирии бевоситаи сарпарастон сохта, ба истифода дода шуд. Ҳамчунин, бо дастгирии Ҷумҳурии Ӯзбекистон сохтмони як муассисаи таълимӣ барои 1260 нафар хонандагон дар ду баст, дар деҳаи навбунёди Андарсойи Ҷамоати деҳоти Т. Ӯлҷабоев ва аз ҳисоби буҷаи вилоят сохтмони муассисаи таҳсилоти миёнаи №12 - и Ҷамоати мазкур бомаром идома дорад, ки дар соли таҳсили 2019 - 2020 мавриди истифода қарор дода мешаванд.

Дар соҳаи ҳифзи саломатии аҳолӣ баҳри амалӣ намудани барномаҳо як зумра корҳо ба анҷом расонида мешаванд. Шуъбаи таваллудхонаи беморхонаи марказии ноҳия аз таъмири куллӣ бароварда шуда, қубурҳои обу корезӣ иваз ва ҳудуди беморхона чароғон гардид. Мақомоти иҷроияи маҳаллӣ баҳри сазовор истиқбол гирифтани 30 - солагии Истиқлолияти давлатии Ҷумҳурии Тоҷикистон пайваста кӯшиш намуда, дар ин самт як қатор иншооти хизматрасонию маъмурӣ сохта, мавриди истифода ва баҳрабардорӣ дода шуд. Дар асоси нақшаи чорабиниҳои мақомоти иҷроияи маҳаллӣ сохтмон ва таъмири 363 иншооти гуногун ба нақша гирифта, дар соли 2018 - ум 82 - тои он иҷро гардид.

Дар пешорӯйи бинои мақомоти иҷроияи ҳокимияти давлатии ноҳия як хиёбони ҷадид, иборат аз пояи Нишони миллӣ бо баландии 25 метр ва Парчами миллӣ бо баландии 50 метр, фаввора, роҳравҳои бо сангҳои ороишӣ ва сафолакҳо орододашуда, нишастгоҳҳо, дарахтони ҳамешасабз бунёд шуда, намои берунии бинои Мақомоти иҷроияи ҳокимияти давлатии ноҳия куллан навсозӣ шудааст.

Фирӯз АТОЗОДА,
Аълочии матбуоти Тоҷикистон

Читать далее

Боздиди кории Раиси вилоят Раҷаббой Аҳмадзода аз шаҳри Конибодом

Дирӯз Раиси вилояти Суғд Раҷаббой Аҳмадзода ҷиҳати шиносоӣ бо рафти бартарафсозии оқибатҳои офати табиӣ ба шаҳри Конибодом сафар кард.

Ёдовар мешавем, ки шаби дуюми июн бар асари боришоти зиёди борон дар ҷамоатҳои ба номи Ғ.Ортиқов ва Пӯлотони шаҳри Конибодом сел омад ва офати табиӣ ба хоҷагии халқи шаҳр зиёни худро расонид. Бо мақсади бартарафкунии оқибатҳои офати табиӣ аз рӯзҳои аввал тибқи дастури роҳбарияти вилоят ситоди доимамалкунанда таъсис ёфта, тозасозии хонаҳои сокинон аз лойу рег ба таври муташаккилона ба роҳ монда шуд.

Читать далее

Пешвои миллат Эмомалӣ Раҳмон дар ноҳияи Шоҳмансури шаҳри Душанбе Боғи «Куруши Кабир»-ро ифтитоҳ намуданд

7 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар ноҳияи Шоҳмансури пойтахт Боғи «Куруши Кабир»-ро ифтитоҳ карданд.

Ёдовар мешавем, ки 21 январи соли 2018 Президенти мамлакат муҳтарам Эмомалӣ Раҳмон зимни шиносоӣ бо рафти корҳои созандагию ободонӣ дар як қатор иншооти пойтахт ба роҳбарияти Агентии захираҳои моддии давлатӣ барои пурра азнавсозӣ кардани боғи атрофи Театри давлатии опера ва балети ба номи Садриддин Айнӣ дастуру ҳидоятҳо дода буданд.

Читать далее