June 2019

19 June 2019

Сайҳун: Эҷтиёҷмандон соҳиби замин шуданд

19 - уми июни соли равон шаҳраки навбунёди Сайҳун 512 нафар сокини эҳтиёҷманди 10 шаҳру ноҳияи вилоят соҳиби қитъаи замини наздиҳавлигӣ шуданд.

Муовини Раиси вилоят Рустам Каримзода дар ин чорабинӣ ширкат варзида, кулли эҳтиёҷмандони соҳиби қитъаи заминшударо ба ин рӯзи нек аз номи роҳбарияти Мақомоти иҷроияи ҳокимияти давлатии вилоят таҳният гуфт.

Мавсуф зикр дошт, ки ин тадбир бо дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири беҳтар намудани сатҳу сифати зиндагии сокинони ниёзманди шаҳру ноҳияҳои вилоят амалӣ мегардад.

Бояд таъкид дошт, ки дар шаҳраки Сайҳун барои сохтмони иншооти иҷтимоии шаҳрак ва таъмини мардум бо қитъаҳои замини наздиҳавлигӣ тибқи қарорҳои Ҳукумати Ҷумҳурии Тоҷикистон беш аз 12,5 ҳазор гектар замин ҷудо гардидааст.

Сокинони соҳиби қитъаи замини наздиҳавлигӣ шуда ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳбарияти вилоят изҳори сипос намуданд.

Хабарнигори
«Ҳақиқати Суғд»

Читать далее

Ду китоби нав

«Масъалаҳои матбуоти маҳаллии ҳавзаи Суғд дар шароити ҷаҳонишавӣ»

Китобҳои «Масъалаҳои мубрами журналистика» ва «Масъалаҳои матбуоти маҳаллии ҳавзаи Суғд дар шароити ҷаҳонишавӣ»  маҷмӯаи ҳайати устодон,  олимони ҷавон, аспирантон ва магистрантони  кафедраи журналистика ва назарияи  тарҷумаи ДДХ ба номи академик Бобоҷон Ғафуров мебошад, ки бахшида ба «Солҳои рушди деҳот, сайёҳӣ ва ҳунарҳои мардумӣ»  тариқи  нашриёти «Ношир» дастраси хонандагон гардид.

Ин ду маҷмӯа мақолаҳои устодон ва олимони ҷавони соҳаро дар мавриди саҳми журналистика дар рушду нумӯи ҷомеа гирд оварда, фарогири масъалаҳои мубрами журналистикаи муосир мебошад. Мутахассисон муаммо ва мушкилоти журналистикаи кишварро дар паҷӯҳишоти хеш баррасӣ намудаанд. Дар мақолаҳо вазъи матботи маҳаллӣ дар шароити ҷаҳонишавӣ бозгӯ шудаанд.

 Ташаккули меъёрҳои этикаи касбӣ, Истиқлолият ва журналистикаи сиёсӣ, махсусиятҳои журналистика дар ҷомеаи иттилоотӣ, ҷойгоҳи ҷанрҳои журналистӣ, инъикоси муаммоҳои ҷаҳонӣ низ аз ҷумлаи мавзӯъоти ҳаллу фаслшудаи ин китобҳои тозанашр мебошанд.

Маводи маҷмӯаҳо барои мутахассисони соҳаи журналистика, муҳаққиқон ва рӯзноманигорони ҷавони кишвар дастурамали хуби корӣ буда метавонад.

Сурайё ҲАКИМОВА,
«Ҳақиқати Суғд»

Читать далее

Саҳми кормандону ҳунармандони Кохи фарҳанги ба номи Абўабдуллоҳи Рўдакӣ дар рушди санъати миллӣ назаррас аст

Дирӯз дар Муассисаи давлатии вилоятии Кохи фарҳанги ба номи Абўабдуллоҳи Рўдакии маркази вилоят ба муносибати 10-солагии таъсисёбии ин боргоҳи ҳунар ҷамъомад баргузор шуд.

Раиси вилояти Суғд Раҷаббой Аҳмадзода зимни суханронии худ иброз дошт, ки дар замони соҳибистиқлолӣ бо талошҳои судманду ояндабинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марҳилаи нави пешрафту шукуфоии фарҳанги миллӣ оғоз гардид.

Читать далее

Боздиди Раиси вилоят аз Муассисаи давлатии Боғи миллии “Ваҳдат” ​

17 июн Раиси вилояти Суғд Раҷаббой Аҳмадзода аз Муассисаи давлатии Боғи миллии “Ваҳдат” боздид намуда, бо рафти ҷамъоварии мева шинос гардид.

Бояд зикр кард, ки Муассисаи давлатии Боғи миллии “Ваҳдат” дар асоси дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2008 бунёд гардида буд. Масоҳати умумии муассиса 630 гектар буда, дар 501 гектари он боғҳои гуногун бунёд карда шудааст. Аз ҷумла, дар 353 гектар боғи зардолу, 47 гектар шафтолу, 37 гектар себ, 31 гектар бодом, 12 гектар олу, 2,78 гектар нок, 4,43 гектар гелос бунёд ёфта, ҳосили боғоти муассиса ба бозорҳои вилояту ҷумҳурӣ ва хориҷи кишвар бароварда мешавад.

Читать далее

Шиносоии Раиси вилоят бо ҷараёни насби таҷҳизот дар зеристгоҳи барқии ”Темурмалик”

17 июн Раиси вилояти Суғд Раҷаббой Аҳмадзода бо ҷараёни насби таҷҳизот дар зеристгоҳи барқии ”Темурмалик” – и шаҳри Хуҷанд шинос гардид.

Чуноне иттилоъ дода шуд, чанде қабл дар зеристгоҳ ду адад трасформатори 25 000 кВА насб карда шуд ва айни ҳол насби дигар таҷҳизоти зарурӣ барои қабул ва интиқоли нерӯи барқ идома дорад. Корҳои сохтмонии зеристгоҳ аз тарафи мутахассисони корхонаи “Тоҷикгидроэлектромантаж” ба анҷом расонида мешавад.

Читать далее

Суғд: Дар шаҳру ноҳияҳо мумфаршсозии беш аз 100 километр роҳҳои мошингард ба нақша гирифта шудааст

Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои вилояти Суғд таъмиру мумфаршкунии роҳҳои автомобилгард муташаккилона ҷараён дорад.

Рӯзи 17 июн Раиси вилояти Суғд Раҷаббой Аҳмадзода бо ҷараёни корҳои мумфаршкунии роҳи Хуҷанд – Палос шинос гардида, барои бо сифати баланд ба охир расонидани корҳо ба роҳсозон супоришҳои мушаххас дод. Дарозии роҳи мазкур 12,3 километрро ташкил медиҳад ва айни замон мутахассисони ширкати роҳсозии «Тоҷроҳ» машғули коранд.  Барои иҷрои корҳо аз ҳисоби буҷети Мақомоти иҷроияи ҳокимияти давлатии вилоят беш аз 10 миллиону 500 ҳазор сомонӣ маблағ ҷудо гардидааст.

Читать далее

18 June 2019

Таджикистан. Партия исламского возрождения является неотъемлемой частью международного террористического движения

14:11 17.06.2019

Партия исламского возрождения является неотъемлемой частью международного террористического движения. Эта истина бесспорна!

После публикации заказного материала журналиста Ильи Лазовского "Закат исламского возрождения Таджикистана", распространенного 18 апреля 2019 года посредством русского блока американского сайта "Озоди", тема продажной сущности ТЭО Партия исламского возрождения и ее связи с международными террористическими сетями вновь всплыла в СМИ. Этот сайт, практически ставший трибуной нахзатовцев, по существу, данной публикацией сыграл реквием по случаю смерти ТЭО ПИВ. Точнее, это был похоронный марш для хозяев указанных сетей - покровителей и спонсоров нахзатовцев, в связи со смертью их пресловутого детища. Ибо в действительности, крах и исчезновение ТЭО ПИВ с исторической арены для ее восточных и западных покровителей стало трагедией, более того - их реальным политическим и геополитическим поражением. Они надеялись, что руками именно этой подкупной группы осуществят свои планы и интересы в Центральной Азии, в том числе и в Таджикистане, но с "закатом исламского возрождения" эти планы сошли на нет. Вот почему вышеупомянутая статья написана с такой горечью и сожалением.

Читать далее

Бунёди иншоот - тавлиди ҷойи корӣ

Ҳамаи мо вазифадорем, ки бо шукронаи соҳибватаниву соҳибдавлатӣ ва сулҳу оромии кишвар, ба хотири фардои неку ободи Ватанамон ҳарчи бештар заҳмат кашида, Тоҷикистони маҳбубамонро боз ҳам ободу зебо гардонем.

Эмомалӣ Раҳмон

Дар Паёми навбатии худ Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон баҳри баланд бардоштани сатҳи некӯаҳволии деҳот солҳои 2019 - 2021 - ро “Солҳои рушди деҳот, сайёҳӣ ва ҳунарҳои мардумӣ” эълон намуданд. Дар робита ба он ва омодагӣ ба ҷашни бузурги таърихии 30 - солагии Истиқлолияти давлатии Ҷумҳурии Тоҷикистон дар Ҷамоати деҳоти Хистеварзи ноҳияи Бобоҷон Ғафуров нақшаи чорабинӣ омода сохта, масъулини ҷамоат дар асоси он амал намуда истодаанд.

 Бо мақсади сохтмону барқарорсозии беш аз 40 номгӯй иншоот вобаста ба самти инфрасохторӣ, таъминоти аҳолӣ бо оби нӯшокию полезӣ, ободонии маҳаллаҳо, таъмири роҳҳо, беҳтаргардонии соҳаҳои маориф ва тандурустӣ, кишоварзию саноат хеле корҳо ба сомон расонида шуд.

Соли 2018 ва имсол бо ҷонибдории Мақомоти иҷроияи ҳокимияти давлатии вилоят ва ноҳия фаъолону соҳибкорон, масъулини корхонаю ташкилотҳо ва дастгирии аҳолӣ ба сохтмони бинои нуқтаи ёрии таъҷилӣ, толори ҳусн, майдончаҳои варзишӣ, хонаи саломатӣ ва дигар иншооти ёрирасон оғоз намуданд. Дар соли сипарӣ дар ҷамоат бо иқдоми мақомоти иҷроияи ҳокимияти давлатии ноҳия ва соҳибкорон дар ҳудуди ҷамоат бинои ёрии таъҷилӣ, ду толори варзишӣ ва ду майдончаи варзишӣ, дар назди мактаб - интернат майдончаи варзишӣ, дар маҳаллаи Баҳористон дар масофаи 15 километр сохтмони хатти оби нӯшокиро ба истифода доданд, ки аз он алҳол 320 хоҷагӣ истифода мебаранд.

Дар ободонии деҳот саҳми дӯстдорони Ватан - соҳибкорон низ назаррас аст. Соли сипарӣ соҳибкор А. Раҳмонов дар назди бозори «Самеъ - Раҳмон» сохтмони бинои иловагиро ба итмом расонида, барои 16 нафар ҷойи кори доимиро муҳайё сохт. Чунин саховатпешагон, ба монанди З. Расулов, И. Зиёбоев, Наим Ҳоҷибоев аз ҳисоби худ дар маҳаллаи Баҳористон сохтмони истгоҳ ва мағоза, дар маҳаллаи Бахт сохтмони нонвойхона ва мағозаю нуқтаи таъмири нақлиёт ва ошхонаро ба истифода дода, вазъи иқтисодии 15 оиларо беҳ сохтанд.

Муовини раиси Ҷамоати деҳоти Хистеварз М. Ҷӯрабоева зикр кард, ки бо дастгирии Мақомоти иҷроияи ҳокимияти давлатии вилоят ва ноҳия дар соли 2019 - ум низ бунёди якчанд иншоот ба нақша гирифта, аксари он ба истифода дода шудаанд. Соли равон бо иқдоми соҳибкор Олим Зуҳуров дар маҳаллаи «Қинтириқ» бинои тӯйхонаи замонавӣ ба истифода дода шуда, панҷ нафар бо ҷойи корӣ таъмин гардид. Бинои иловагие, ки дар назди МТМУ рақами 80 бунёд гардид, дорои панҷ синфхона ва хонаи муаллимон буда, дар он дар ду баст 320 нафар толибилми наврас таҳсил намуда истодаанд.

Бахшида ба ҷашни бузурги дарпешистода дар бунёди иншооти замонавӣ саҳми соҳибкорон, фаъолони ҷамоат ва аҳолӣ хеле назаррас мебошад. Саховатпешагони деҳа Э. Ҳакимов дар сохтмони ҳаммом дар маҳаллаи Баҳористон, бо иқдоми як гурӯҳ соҳибкорон Хонаи саломатӣ дар маҳаллаи Ҷавғал, А. Раҳимов дар бунёди бинои коргоҳ (офис) дар маҳаллаи Ҷӯи Муғул, Ғ. Раҳимов дар иншооти сехи дӯзандагию мағоза ва М. Самадов дар бинои Маркази хизматрасонӣ, табобатӣ ва савдо дар маҳаллаи Баҳористон саҳми арзанда гузошта истодаанд. Пас аз қомат афрохтани иншооти номбурда беш аз 90 ҷойи кори доимӣ муҳайё хоҳад шуд.

Ҳамчунин, сохтмони нуқтаи шустушӯи нақлиёт, посбонхона, мағозаи хӯрокворӣ, сартарошхона дар маҳаллаҳо ва шоҳроҳи Хуҷанд – Конибодом дар назар дошта шудааст.

Чанде пеш бо дастгирии соҳибкорони маҳаллӣ дар назди саҳни бинои ҷамоат сохтмони поя барои гузоштани Парчами давлатӣ оғоз гардида, он то анҷоми соли равон ба истифода дода мешавад.

Умуман, дар ҳудуди Ҷамоати деҳоти Хистеварзи ноҳияи Бобоҷон Ғафуров панҷ бозори хусусӣ, 21 чойхона, шаш нонвойхона, ҳафт тӯйхона, 24 мағозаи калон ва якчанд нуқтаҳои хӯроки умумӣ ва ҳаммому сартарошхонаҳо ба аҳолӣ хизмат мерасонанд.

 Тавҳида ҶӮРАЕВА,
«Ҳақиқати Суғд»

Читать далее

Ҳадаф - рушди моҳипарварӣ

Ҳангоми сафари кории худ ба ноҳияи Ашт Раиси вилоят Раҷаббой Аҳмадзода аз Ҷамъияти дорои масъулияташ маҳдуди «Рахшона» дидан карда, барои самаранок ба роҳ мондани фаъолияти кишоварзӣ аз ҷумла, бобати рушди моҳипарварӣ дастуру супоришҳо дода буданд. Барои огоҳӣ пайдо намудан аз ҳолати кунунии хоҷагӣ ба ин ноҳия ташриф овардем.

Бояд гуфт, ки кишоварзони ноҳия барои ба гардиши кишоварзӣ ворид намудани заминҳои бекорхобида аз имкониятҳои мавҷуда ва захираҳои ҳанӯз истифоданашуда корбарӣ намуда истодаанд. Пурра аз худ намудани заминҳои бекорхобидаи нақшавӣ то ҷашни 30 - солагии Истиқлолияти давлатии Ҷумҳурии Тоҷикистон дар назар аст ва дар ин самт ҳадафмандона ҳамагон кору пайкор доранд.

Соли 2018 дар ҶДММ «Рахшона» дар масоҳати се гектар ҳавзҳои хурд барои парвариши моҳӣ ташкил шуда буд. Имрӯз кормандон ва роҳбарияти хоҷагӣ бо меҳнати шабонарӯзӣ ва дастури махсуси Раиси вилоят онро ба 45 гектар расониданд.

Тавре намояндаи хоҷагӣ Пӯлодҷон Шералиев иттилоъ дод, аз Паёми Президенти Ҷумҳурии Тоҷикистон дар бобати ба роҳ мондани рушди соҳаи моҳипарварӣ илҳом гирифта, соли гузашта дар се гектар парвариши моҳиро ба роҳ монданд. Ҳамчунин, ҳини сафари кории худ Раиси вилоят бо фаъолияти кориашон шинос шуда, баҳои баланд доданд.

Бо иқдом ва дастури Раиси вилоят замине, ки дар атрофи ҳавзи моҳипарварӣ чун партовҷо бекор мехобид, обод карда шуда, барои вусъат додани моҳипарварӣ истифода гардид. Роҳбарияти коргоҳ тасмим гирифтааст, ки масоҳати ҳавзҳои моҳипарварӣ васеъ карда шавад ва алҳол он ба 45 гектар расонида шуда, дар он 190 ҳазор моҳӣ нигоҳубин ва парвариш карда мешавад.

Доир ба тарзи парваришу нигоҳубини моҳӣ ва хусусияти он П.Шералиев иброз дошт, ки се намуди моҳӣ, аз ҷумла сазан, пешонағафс ва амури сафедро метавон дар як ҳавз ҷой дод. Ин намуд моҳиҳо барои инкишофи ҳамдигар халал намерасонанд ва озуқаи якдигарро намехӯранд. Дар марҳалаи аввали инкишофи моҳӣ орди навъаш пасттар, баъдан гандуми резакардашуда ва вақте онҳо калонтар мешаванд, гандумро дар муддати се рӯз дар об тар карда, сипас дода мешавад. Дар марҳалаи аввал вазни моҳиҳо 70 грамм ва моҳҳои ноябр бояд он то 1 400 граммро ташкил диҳад.

Барои дар сатҳи зарурӣ ташкил намудани хоҷагии моҳипарварӣ сарвари Ҷамъияти дорои масъулияташ маҳдуди «Рахшона» Шӯҳрат Мамадҷонов ба вилояти Фарғонаи Ҷумҳурии Ӯзбекистон рафта, аз таҷрибаю хусусияти ин соҳа огоҳ гардид. Бояд зикр кард, ки намояндагони давлати ҳамсоя, мутахассисони соҳа барои дастурдиҳӣ ба хоҷагии моҳипарварӣ ташриф оварда, дар бораи иқлим, роҳҳои парвариши моҳӣ дар ин ҷо ба ҳамкасбони тоҷики худ маслиҳатҳои муфид доданд. Айни ҳол дар ин самт 10 нафар мутахассиси соҳибкасб фаъолият бурда истодаанд.

- Аз сабаби он, ки парвариши моҳӣ барои мо соҳаи нав аст, алҳол танҳо барои таъмини бозори дохилӣ саъйу талош намуда истодаем. Солҳои минбаъда мо ният дорем, ки ташхисгоҳи биологӣ ва сардхонаи худро ташкил карда, содироти моҳичаҳоро ба дигар кишварҳо ба роҳ монем, - изҳор дошт Пӯлодҷон Шералиев.

Боиси қайд аст, ки алҳол дар 12 ҳавз моҳӣ ҳаст ва дар ҳолати сохта шудани ҳавзи 13 - ум масоҳати умумӣ ба 70 гектар мерасад. Бино ба маълумоти масъулин алҳол бунёди ҳавзи 13 - ум идома дорад.

Шаҳбону ОЛИМОВА,
Нодир ТУРСУНЗОДА,
«Ҳақиқати Суғд»
Хуҷанд – Ашт – Хуҷанд

Читать далее

Дар вилояти Суғд дуюмин мусобиқаи байналмилалӣ оид ба шиноварӣ доир мешавад

Рӯзҳои 20, 21 ва 22 июни соли равон варзишгарони шаш кишвари минтақа ҷиҳати иштирок дар дуюмин мусобиқаи байналмилалӣ оид ба шиноварӣ ба вилояти Суғд ташриф меоранд.

Мусобиқаи байналмилалӣ оид ба шиноварӣ дар Маҷмааи ҳавзҳои шиноварии ба номи “20-солагии Истиқлолияти Тоҷикистон” –и  маркази вилоят доир мешавад.

Дар назар аст, ки дар ин мусобиқаи бонуфуз варзишгарони Тоҷикистон, Федератсияи Россия, Ӯзбекистон, Қазоқистон, Қирғизистон, Афғонистон ва Белорусия иштирок намоянд.

Хадамоти матбуоти
Раиси вилояти Суғд

Читать далее