08 July 2019

Шиносоии Раиси вилоят бо ҷараёни сохтмони корхонаи бузурги саноатӣ - ҶСП “Талко Голд”

Раиси вилояти Суғд Раҷаббой Аҳмадзода рӯзи 5 июл дар ноҳияи Айнӣ бо ҷараёни сохтмони корхонаи бузурги саноатӣ - ҶСП “Талко Голд” шинос гардид.

ҶСП “Талко Голд” дар мавзеъи Кончочи ноҳияи Айни бунёд гардида истодааст. Ин корхонаи бузурги саноатӣ дар заминаи маъдани кони Кончоч, ки иборат аз се қитъа, яъне Чулбои, Кончоч ва Шахкон мебошад, сохта ба истифода дода мешавад. Дар ин кон захираи панҷ унсури кимиёӣ, аз ҷумла тиллову сурма асосӣ ва нуқра, симоб, флюорит ҳамчун унсурҳои ҳамроҳ ҳисобу китоб шуда, ба тавозуни захираҳои давлатӣ гузошта шудаанд.

Читать далее

Боздиди кории Раиси вилоят Раҷаббой Аҳмадзода аз водии Яғноб

5 июли соли равон Раиси вилояти Суғд Раҷаббой Аҳмадзода бо мақсади шиносоӣ бо вазъи иқтисодиву иҷтимоии минтақаҳои дурдасти вилоят аз водии Яғноб боздид кард.

Бояд гуфт, ки водии Яғноб аз минтақаҳои таърихии Тоҷикистон ба шумор рафта, дар қисмати шарқии ноҳияи Айнӣ, дар мавзеи баландкуҳ ҷойгир шудааст. Яғноб як пораи таърихи зиндаи куҳанбунёди тоҷикон буда, аз ҷониби донишмандон ҳамчун падидаи нодири этникии ҷаҳон шинохта шудааст. Вобаста ба таърихи ин гўшаи диёри аҷдодиамон ҳанўз дар асри панҷуми қабл аз мелод муаррихони машҳури юнонӣ маълумот дода буданд.

Читать далее

Шиносоии Раиси вилоят бо ҷараёни сохтмони иншоотҳо дар ноҳияи Куҳистони Мастчоҳ

Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Куҳистони Мастчоҳ сохтмони даҳҳо иншооти муҳими иҷтимоӣ ҷараён дорад.

Дар доираи сафари кории худ ба ноҳияи Куҳистони Мастчоҳ Раиси вилояти Суғд Раҷаббой Аҳмадзода бо рафти сохтмони як қатор иншооти ҷашнӣ шинос гардид.

Читать далее

Азхудкунии заминҳои бекорхобида ба беҳтар шудани шароити зиндагии садҳо хонавода мусоидат менамояд

Рӯзи ҷумъаи 5 июл Раиси вилояти Суғд Раҷаббой Аҳмадзода ҷиҳати шиносоӣ бо вазъи зиндагии мардум ва рафти корҳои ободониву созандагӣ ба ноҳияи Куҳистони Мастчоҳ сафари корӣ анҷом дод.

Дар оғози сафар Раиси вилоят дар мавзеи “Дашти Фалахмон”-и ноҳия бо нашъунамои зироатҳо ва лоиҳаи обёрии заминҳои мавзеъ шинос гардид. Тавре иттилоъ дода шуд, дар ноҳияи Куҳистони Мастчоҳ бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминҳои бекорхобида азхуд карда шуда, барои сокинони минтақа ҷойҳои нави корӣ таъсис дода мешавад.

Читать далее

МАЪЮБОН УЗВИ ҶУДОНОПАЗИРИ ҶОМЕАИ МО

Гузориш аз таҷлили Рӯзи маъюбон дар Муассисаи давлатии вилоятии «Қасри маданияти Арбоб»-и ба номи Саидхоҷа Ӯрунхоҷаев

Муассисаи давлатии вилоятии «Қасри маданияти Арбоб»-и ба номи Саидхоҷа Ӯрунхоҷаеви ноҳияи Бобоҷон Fафуров он рӯз шукуҳу шаҳомати хоса дошт. Таҷлили Рӯзи маъюбон дар ин мавзеи таърихӣ ба тантанаи идона мубаддал гардида буд. Бо мақсади ҳифзи иҷтимоию маънавии маъюбон ва  дастгирии онҳо, ҳамчунин мутобиқи моддаҳои 19 ва 20 Қонуни Конститутсионии Ҷумҳурии Точикистон «Дар бораи мақомоти маҳаллии ҳокимияти давлатӣ, моддаи 8 Қонуни Ҷумҳурии Тоҷикистон  «Дар бораи ҳифзи иҷтимоии маъюбон» маъюбони шаҳру навоҳии вилоят иди худро бо иштироки муовини Раиси вилоят Назира Fаффорӣ хотирмон гузарониданд.

Қайд карда шуд, ки дар сиёсати иҷтимоии ҳукумати Ҷумҳурии Тоҷикистон дастгирии табақаҳои ниёзманди аҳолӣ ва ғамхорӣ нисбат ба маъюбону ятимон яке аз самтҳои муҳим ба ҳисоб меравад. Асосгузори сулҳу ваҳдати миллӣ-Пешвои миллат, Президенти Ҷумҳурии Точикистон муҳтарам Эмомалӣ Раҳмон дар мулоқоту суҳбатҳои худ пайваста аҳли ҷомеаро ба анҷоми амалҳои хайр ва ғамхорӣ ба ятимону маъюбон даъват намуда, дар таъмини ҳифзи иҷтимоии мамлакат ва дастгирии онҳо ҳамеша иқдомоти хайрхоҳона зоҳир менамоянд.

Тазаккур бояд дод, ки алҳол дар кишвар 149 ҳазор нафар шахси маъюб, аз ҷумла 15 ҳазор нафар маъюби гурӯҳи якум, наздик 27 ҳазор нафар маъюби то 18 – сола ва 71 ҳазор нафар ятим умр ба сар мебаранд. Бояд таъкид кард, ки дар арафаи баргузории идҳои давлатию миллӣ таваҷҷуҳ ба шахсони ниёзманд ва маъюб низ ба ҳукми анъана даромадааст. Ба тақвими миллии мо даромадани санаи 8-уми июл ҳамчун Рӯзи маъюбон пеш аз ҳама, ба хотири даъвати ҷомеа, барои таваҷҷуҳи дигарбора ба вазъи зиндагӣ ва рӯзгори ин табақаи ҷомеа маҳсуб мешавад, то аҳолии мамлакат сарҷамъона чораҳои мушаххас ва судмандро амалӣ намоянд.

Мавриди тазакур аст, ки дар миқёси вилоят 46 ҳазору 221 маъюб зиндагӣ доранд, ки 1463 нафари онҳо бо қарорҳои махсуси Раиси вилоят бо кӯмакпулӣ таъмин ва нисбат ба дигарон дар арафаи иду ҷашнҳои миллӣ пайваста дастгирӣ ва ғамхорӣ зоҳир мешаванд. Ин аст, ки дар 6 моҳи соли 2019-ум 784 нафар маъюб бо воситаҳои техникии тавонбахшӣ таъмин шуданд.

Ба хотири барқарор кардани саломатии маъюбон ҳамасола ҷиҳати дар осоишгоҳҳо истироҳату табобат гирифтани маъюбон шароитҳои мусоид фароҳам оварда мешавад. 

Назира Fаффорӣ иштирокдоронро руҳбаланд сохт, ки минбаъд низ таъмини ниёзҳои иҷтимоии маъюбон мавриди таваҷҷуҳ ва ғамхории давлату ҳукумат қарор дода шуда, барои идомаи ин падидаи инсонпарваронаи Президенти кишвар кӯшиш менамоянд.

- Шумо чун узви ҷудонопазири ҷомеа ҳамеша дар канори мо ҳастед ва бо ҳузури  хеш  метавонед дар пешрафти соҳаҳои мухталиф нақши босазо гузоред,- иброз дошт муовни Раиси вилоят.

Дар чорабинӣ ҳамчунин барои беҳдошти вазъи моддии муассисаҳои хизматрасонии иҷтимоӣ ба маъюбон ба Маркази минтақавии хизматрасонии иҷтимоӣ ба пиронсолон ва ва маъюбони шаҳри Хуҷанд, Муассисаи давлатии «Хона-интернати ҷумҳуриявӣ барои пиронсолон ва маъюбон» дар шаҳри Панҷакент, Муассисаи давлатии «Хона-интернат барои беморони руҳӣ дар ноҳияи  Ҷаббор Расулов», Марказҳои ёрии иҷтимоӣ ба пиронсолон ва маъюбони ноҳияи Деваштич, шаҳрҳои Истаравшан ва Конибодом аз ҷониби мақомоти иҷроияи ҳокимияти давлатии вилоят мукофоти пулӣ дар ҳаҷми 2 ҳазор сомонӣ, туҳфаҳои идона ва шириниҳо ба кӯдакони маъюб тақдим  шуд.

Директори Муассисаи давлатии «Хона-интернати ҷумҳуриявӣ барои пиронсолон ва маъюбон»-и шаҳри Панҷакент Моҳира Амонқулова аз чорабинии баргузоршуда ибрози ақида намуда, гуфт, ки пиронсолону маъюбон имрӯз дар мадди назари давлату ҳукумат, хоса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд. Бошандагони  ин макон аз дастгириҳои ҳамаҷонибаи Сарвари давлат изҳори шодмонӣ намуда, худро руҳафтода намеҳисобанд ва ба ояндаи нек бовар доранд.

Фарангис Тошматова толибаи муассисаи таҳсилоти миёнаи умумии № 27-уми шаҳри Хуҷанд буда, миннатдории худро ҷиҳати дастгирии ин табақаи аҳолӣ расонд.  Маъюби дигар Ислом Турдиалиев, ки ҳамроҳи парастори худ Шаҳло Дадоева аз деҳаи ҳавотоғи Ҷамоати деҳоти Куруши ноҳияи Спитамен ба ин тантана омада буд, изҳори сипос намуд.

Рухангез Идибоева парастори Самирҷон Авезов, зодаи деҳаи Новдонаки Ҷамоати деҳоти Дар-Дари ноҳияи Айнӣ буда, иброз дошт, ки бори нахуст дар чунин чорабинии бошукуҳ иштирок менамояд. Хурсанд аз он аст, ки   Самирҷони  панҷсола бо муҳаббат аз шириниҳои тақдимшуда мечашаду зери оҳангҳои дилошӯби санъаткорон арғушт меравад. Далерҷон аз ноҳияи Бобоҷон Fафуров бошад, ҳамроҳи сарояндаи маҳбуб ҳасан Камол суруди хушоҳангеро сароида, табъи худ ва ҳозиринро шод мегардонад.

Маъюбон сари дастархони идона бо шукргузорӣ аз давлати соҳибистиқлол зери оҳангҳои марғуб мерақсиданду дар саҳфаҳои таърих тозаварақеро номнавис мекарданд.

Шоира САЛИМОВА,
«Ҳақиқати Суғд» 

 

 

Читать далее

Хуҷанд. Мумфаршкунии кӯчаи ба номи Абулқосим Фирдавсии маҳаллаи Ҷаббор Расулов оғоз ёфт

Рӯзи шанбеи 6 июл бо иштироки Раиси вилояти Суғд Раҷаббой Аҳмадзода дар шаҳри Хуҷанд ба мумфаршкунии роҳи кӯчаи ба номи Абулқосим Фирдавсии маҳаллаи Ҷаббор Расулов ҳусни оғоз бахшида шуд.

Раиси вилоят Раҷаббой Аҳмадзода зимни суҳбат бо сокинони маҳал иброз дошт, ки  бо дастур ва раҳнамоиҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сазовор пешвоз гирифтани 30 -солагии Истиқлолияти давлатии Ҷумҳурии Тоҷикистон дар қаламрави вилоят бунёди беш аз 6500 иншооти таъиноташ гуногун ба нақша гирифта шуда, дар садҳо иншоот корҳои сохтмонӣ ҷараён дорад.

Читать далее

ТАҲДИДИ СПИД ПУРЗӮР АСТ!

Шумораи беморон аз аввали сол то имрӯз ба 177 нафар расидааст

Ҳар яке аз мо инсонем, ҳама зиндагӣ мекунем, хушҳол мешавем, ғам мехӯрем, меомӯзем, бо дӯстон муошират менамоем ва бароямон оё қимматтар аз ҳаёт чизи дигаре ҳаст? Инсон умри зиёд надорад ва бо андаке хато боз онро кӯтоҳ мекунад. Нафъи худро бархе ба нафаре ё ҷомеа намерасонад, баръакс, бо рафтори ношоями худ боиси озору малоли дигарон мегардад.

Тазоди зиндагиро бинед, ҷавони пурқуввате мехоҳад умр бинад, аммо аз тақдир ба садамаи мошин афтода, маъюб мешавад. Ӯ зиндагиро идома медиҳад, вале ҳеҷ гоҳ дигар соҳиби оила намегардад ва кор карда ҳам наметавонад. Аммо баъзе ба қадри умри насибкарда нарасида, аз нодониву ҷаҳолат ё аз сатҳи пасти зиндагии худ маҷбур ба корҳое даст мезананд, ки аз ҳаёт маҳрумашон месозад, ба роҳе қадам мениҳанд, бехабар хати батлон мекашанд.

Синни наврасӣ метавонад айёми душвор бошад. Бо падару модарон, мактаб, дӯстон аксаран ихтилоф ба вуҷуд меояд. Гоҳо интихоб ниҳоят душвор сурат мегирад. Дар натиҷа ҷавонон майл доранд ҳар чиро, ки ҳаловат меорад, ғамро мезудояд, рӯҳияро беҳ менамояд, бисанҷанд. Вале онҳо намедонанд, ки ин ба хатар алоқаманд аст, чӣ тавр зуд дар онҳо одат ба амалҳои зарарнок пайдо мешавад. Бо вуҷуди он ки одамон гоҳо баҳри рафъи мушкилӣ ба роҳҳои бад мераванд, аммо дар амал он ҳеҷ гоҳ иҷро намешавад, баръакс, умри худро кӯтоҳ месозанд.

Имрӯз масъалаи доғи рӯз зиёд гардидани беморони мубталои вируси норасоии масунияти одам ё ВИЧ/СПИД мебошад, ки ба арзиши ҳаёти одамӣ зарар мерасонад. Рӯз аз рӯз байни занону мардон, ҷавонон ва инчунин кӯдакону наврасон ин бемории хатарнок реша давонида, онҳоро аз зиндагӣ маҳрум месозад.

Дар нашри ҳар мақолаи навбатӣ аз роҳҳои гузариш, тарзу усули пешгирӣ ва натиҷаҳои ин бемории хатарнок маълумот медиҳем. Чорабиниҳои фаҳмондадиҳӣ ва бештар ҷалб намудани намояндагони ҳамаи бахшҳои ҷомеа ба ин ҷараён талаботи замон мебошад. Ҳарчанд мубориза бар зидди ин беморӣ пурзӯр аст, вале ҳанӯз муолиҷаи пурраи он имконнопазир боқӣ мемонад.

Ҳукумати Ҷумҳурии Тоҷикистон ба ҳаллу фасли масъалаҳои соҳаи тандурустӣ аҳамияти калон дода, як қатор барномаҳои мубориза бар зидди бемории ВНМО ва пешгирии он қабул шудаанд.

– Дар мубориза бо бемории мазкур, ки оқибат ба марг оварда мерасонад, тамоми имкониятро истифода бурда истодаем. Ҳар нафар бояд ҳатман аз ташхис гузарад ва аз саломатии худ огоҳ гардад. Тамоми сохторҳои соҳаи тиб барои пешгирии ВНМО ҷалб шуда, корҳои фаҳмондадиҳиро пурзӯр менамоем. Ба мардум ҳарчӣ бештар дар бораи ин намуди беморӣ иттилоъ медиҳем. Агар солҳои пеш дар ҷои аввал нашъамандӣ меистод, имрӯз бемории ВНМО моро ба ташвиш оварда истодааст, – қайд кард дар суҳбат Фирӯз Комилов, – директори Маркази пешгирӣ ва мубориза бо БПНМ - и вилояти Суғд.

Афсӯсбор аст, ки гирифторони бемории СПИД рӯз аз рӯз зиёд мегарданд. Дар се моҳи аввали соли равон шумораи беморон 88 нафарро ташкил медод, ки дар семоҳаи дуюм ин рақам ба 177 нафар расида, яъне боз 89 нафари дигар мубталои беморӣ гардидаанд. Аз инҳо 99 нафар мард буда, 78 нафари дигарашонро занҳо ташкил медиҳанд. Дар шашмоҳаи аввал 38 нафар бар иллати ин беморӣ аз ҳаёт маҳрум гардидаанд. Агар чунин арқом давом ёбад, яъне ҳар се моҳ 88 - нафарӣ бемори ВНМО гарданд, то охири сол аз рӯи ҳисоби пешакӣ онҳо ба 352 нафар хоҳанд расид. Мувофиқи маълумоти расмӣ соли 2017 дар вилояти Суғд 309 нафар гирифтори бемории СПИД ба қайд гирифта шуда буданд, ки ин нишондод дар соли 2018 ба 389 нафар расида буд. Гирифторони СПИД асосан дар шаҳру ноҳияҳои Хуҷанд, Панҷакент ва Бобоҷон Ғафуров зиёд мебошанд.

Роҳҳои гузариши ВИЧ/СПИД - ро муайян кардаанд, ки он асосан истеъмоли маводи нашъаовар ё истифодаи сӯзандоруҳои тазриқии тамйизнашуда, ҳангоми бадрафтории ҳамхобагӣ бо шахси бегона, тариқи маводи дорои нишонаҳои омехта бо хуне, ки олуда ба ин беморӣ аст. Бояд танҳо аз воситаҳои гигиенаи шахсӣ ё нав харидоришуда истифода намуд. Аз модари гирифтори бемории СПИД низ ба кӯдак ҳангоми ҳомиладорӣ, таваллуд, ширмаконӣ гузариш аз эҳтимол дур нест.

Дар самти мубориза бар зидди ин беморӣ ҷумҳурии мо дар канор нест ва ҳамеша бо дастгирии созмонҳои байналмилалӣ дар шаҳру навоҳии вилоят, мактабҳои таҳсилоти ҳамагонию олӣ, корхонаву муассисаҳо кӯшиши зиёде оид ба зарари ин беморӣ ба анҷом расонида мешаванд.

Мувофиқи ҳисоботи омори байналмилалӣ ҳамасола дар ҷаҳон садҳо ҳазор одамон аз бемориҳое, ки дар натиҷаи тамокукашӣ, мастӣ, нашъамандӣ ва махсусан СПИД ба вуҷуд меоянд, ранҷ мекашанд ва оқибат мефавтанд. Барои аксари онҳо шавқу рағбат ба ин аъмоли бад пурзӯр гардида, бо марг поён меёбад. Ҳайҳот, аз нодонӣ!

Гулҷаҳон Турсунзода,
«Ҳақиқати Суғд»

Читать далее