08 August 2019

Ифтитоҳи Меҳмонхонаи «Султон» ва зиёрати Оромгоҳи Султон Увайс дар ноҳияи Ховалинг

8-уми август Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи боздиди корӣ дар ноҳияи Ховалинг дар ҳудуди Мамнуъгоҳи Султон Увайси Қаранӣ Меҳмонхонаи «Султон»-ро мавриди баҳрабардорӣ қарор дода, аз ин мавзеи таърихӣ дидан ва зиёрат намуданд.

Меҳмонхонаи «Султон» дар ҳудуди ин макони таърихию фарҳангӣ ва сайёҳии кишвар бо тарҳи зебо аз ҷониби соҳибкорони маҳаллӣ Исмоил Садиров ва Маҳмадалӣ Раҳимов дар доираи дастуру ҳидоятҳои Сарвари давлат муҳтарам Эмомалӣ Раҳмон дар муддати 9 моҳ сохта шудааст.

Читать далее

Рафъи камбудӣ – омили барқарорсозии шуҳрати қаблӣ

Агар ба таърихи қайиқронӣ назар афканем, маълум мегардад, ки он ҳамчун намуди варзиши олимпӣ аз соли 1936 маълуму машҳур аст. Сараввал дар он мардон барои қувваозмоӣ байни худ сабқат менамуданд. Дар байни бонувон ин бозӣ соли 1948 вақте бозиҳои олимпии Лондон баргузор гардид, оғоз шуд. Қайиқронӣ дар байдарка ва каноэ яке аз навъҳои варзиши дӯстдоштаи аксарияти мардум ба ҳисоб меравад. 

Байдарка навъи варзише аст, ки варзишгар дар қайиқ нишаста, бо бели дутарафа ҳаракат мекунад. Дар ин намуд чанбар истифода мешавад, ки онро варзишгар бо пой идора мекунад. Дар намуди 2 ва 4 - нафара идора намудани чанбар бар дӯши варзишгаре, ки дар пеши қайиқ менишинад, вогузор аст. Ин қувваозмоиро дар мусобиқаҳо бо ҳарфи “К” ифода мекунанд.

Дар навъи Каноэ варзишгар дар қайиқ бо як зону меистад ва онро бо бели яктарафа ба ҳаракат медарорад. Ин намуд чанбар надорад, варзишгар онро бо ҳаракатҳои махсус идора мекунад. Каноэ дар мусобиқаҳо бо ҳарфи “С” ифода меёбад.

Имрӯз чун солҳои пеш дар Ҷумҳурии Тоҷикистон ин навъи варзиш рӯ ба пешравӣ мениҳад. Ин ҷо зикри гирандагони медали тиллои замони Шӯравӣ Иброҳим Ҳасанов ва Юрий Лобанов бамаврид аст. Иброҳим Ҳасанов соли 1960 дар Бозиҳои олимпии Рим қатори чандин варзишгарони номии олам ширкат варзида, дар байдаркаи якнафарӣ ба масофаи 1000 метр ба гирифтани мақоми чаҳорум мушарраф гардид. Баъдан номбурда соли 1964 дар Бозиҳои олимпии Токио дар байдаркаи дунафара дар масофаи 1000 метр мақоми ҳафтумро сазовор шуда буд.

Юрий Лобанов медали тиллои худро соли 1972 дар Бозиҳои олимпӣ, ки дар шаҳри Мюнхени кишвари Олмон, дар каноэи дунафара ба масофаи 1000 метр ба даст овард. Медали биринҷии худро, дар Бозиҳои олимпии шаҳри Москва соли 1980 соҳиб шудааст. Ҷоиз ба зикр аст, ки Юрий шогирди варзишгари маъруфи кишвар Иброҳим Ҳасанов аст.

Дар замони соҳибистиқлолии кишвар аз рӯи ин навъ варзишгарон кишвари худро муаррифӣ намуда истодаанд. Аз ҷумла, варзишгари умедбахши тоҷик Шаҳриёр Даминов соли 2018 дар чемпионати Осиё миёни ҷавонон дар масофаҳои 1000 ва 500 метр сабқат намуда, сазовори ду медали тилло гардидааст.

Имрӯз дар вилояти Суғд бо вуҷуди баргузории тамринҳо шароити хуби тамрин мавҷуд нест. Ба андешаи сармураббии вилоятӣ оид ба қайиқронӣ Азиз Бобоҷонов бояд оби мавзеи тамрингоҳ ором бошад. Аснои суҳбат маълум гардид, ки аз набудани шароити мусоид варзишгарон маҷбуранд дар Сирдарё ба тамрин машғул гарданд.

Қаблан дар ин бора дар шумораи рӯзнома маводе нашр намуда будем. Хостем бобати ҳалли камбудиҳои ҷойдошта аз масъулин пурсон шавем. Чун ба базаи қайиқронӣ ворид гардидем, аён гардид, ки вазъи соҳа хеле мураккаб аст. Ҷойи либосивазкунии варзишгарон моро ба ҳайрат гузошт. Наход дар маркази вилоят базаи қайиқронӣ дар чунин ҳолат бошад?

Инчунин, ҳоли қайиқҳое, ки болои онро хоктӯда ва тори анкабут ғасб намудаанд, нигаронкунанда аст. Чун аз масъулини соҳа бобати вазъи мавҷуда пурсон шудем, муҳри хомӯшӣ бар лаб ниҳода, танҳо қайд намуданд, ки маблағ нокифоя аст.

Ҷоиз ба қайд аст, ки варзишгарон аз қайиқҳои як ва дунафарро истифода мебаранду халос. Ҳол он ки дар мусобиқаҳои сатҳи ҷумҳуриявию байналхалқӣ варзишгарон аз рӯи байдаркаҳои се ва чаҳорнафара низ сабқат хоҳанд намуд. Аз ин рӯ, мо барои тамрин дар байдаркаҳои се ва чаҳорнафара мушкилиҳои зиёд дорем, ки монеаи варзишгарони мо дар мусобиқаҳо хоҳанд шуд, - иброз намуд Азиз Бобоҷонов.

Варзишгарон бо вуҷуди мушкилиҳои ҷойдошта, ба дастовардҳои назаррас ноил гардидаанд. Масалан, соли 2018 қайиқронони вилоят дар мусобиқаи ҷумҳуриявӣ, ки дар шаҳри Душанбе байни наврасон баргузор гардид, сазовори 20 медал, аз ҷумла, 7 тилло, 4 нуқра ва 9 биринҷӣ шуданд. Дар Ҷоми Ҷумҳурии Тоҷикистон бошад, миёни калонсолон 14 қайиқрони вилоят дар сабқатҳо ширкат варзида, бо гирифтани 7 медали тилло, 4 нуқра ва 1 биринҷӣ сарбаландона ба вилоят баргаштанд. Варзишгарон дар мусобиқаҳои осиёӣ ва ҷумҳуриявӣ ширкат варзида, ҷоизадори мусобиқот гардидаанд.

Ҷоиз ба зикр аст, ки варзишгарони вилоят, давоми 6 моҳи аввали соли равон ба гирифтани беш аз 50 медали тилло мушарраф гардиданд. Аз ҷумла, моҳи июли соли равон дар мусобиқаи ҷумҳуриявӣ се даста иштирок намуда, соҳиби 22 медали тилло гаштанд, - мегӯяд сармураббӣ Азиз Бобоҷонов.

Имрӯз дар вилоят баҳри омода намудани варзишгарон муассисаҳои давлатии мактаби маҳорати варзишии олии вилоят, мактаби варзишии вилоят, мактаби варзишии захираҳои олимпӣ, мактаби варзишии шаҳри Бӯстон ва ноҳияи Бобоҷон Ғафуров фаъолият намуда истодаанд. Дар ин муассисаҳо беш аз 10 нафар мураббӣ барои зиёда аз 250 нафар варзишгар нозукиҳои ин навъи варзишро меомӯзонанд.

Масъулини соҳа иброз медоранд, ки дар сурати ҳалли мушкилиҳои мавҷуда имконияти иштирок дар мусобиқаҳои дохиливу беруна зиёд мегардад. Имрӯз қайиқронони вилоят дорои либоси ягонае, ки муаррифгари миллат ва вилоят бошад, нестанд.

Истамҷони НАҶМИДДИН,
«Ҳақиқати Суғд»

Читать далее

БОЛОРАВИИ НАРХ: МАНФИАТ БА ДЕҲҚОН Ё ФУРӮШАНДА?

Чаро нархи маҳсулоти ниёзи аввал гарон шуд?

Имрӯз дар бозору марказҳои савдо арзиши бархе аз маҳсулоти озуқаворӣ як андоза боло рафтааст, ки ин омил барои иқтисодиёти кунунии сокинони вилоят таъсир расонида истодааст. Ҳамасола, дар ин фасли сол аз заминҳои деҳқон ҳосили хубу фаровон рӯёнида, бозору марказҳои савдоро ғанӣ мегардонид. Вале, мутаассифона чанд моҳ инҷониб сокинон аз гароншавии нархи маҳсулоти кишоварзӣ изҳори норозигӣ мекунанд.

Масъулин болоравии нархҳои маҳсулоти ниёзи аввалияро ба якчанд омилҳо вобаста мекунанд, аз ҷумла, афзоиши нарх ба маводи сӯхт, баланд шудани арзиши маҳсулоти аз хориҷи кишвар воридмешуда, андози замин, нархи истифодаи об, заҳрдору ва нуриҳои минералӣ ва барои тағйир ё арзон кардани нарх масъулон наметавонанд «таъсире» расонанд.

- Мо дар даврони иқтисоди бозоргонӣ қарор дорем, бинобар он ба нарх дахолат карда наметавонем. Дар ин ҷода танҳо барои арзонтар кардани он ташвиқот мебарему халос. Нарх ба ихтиёри фурӯшанда аст, - гуфт сардори ташкилоти Ҷамъиятии «Соҳибкорони бозори марказии «Панҷшанбе» Ғанӣ Почоев.

 Иҷро нагардидани дурнамо ба арзиши сабзӣ таъсир расонд!

Доир ба болоравии нархи сабзавот масъулин иттилоъ доданд, ки дурнамои пешбинишударо танҳо кишоварзони шаҳрҳои Истаравшан, Кӯҳистони Мастчоҳ ва Мастчоҳ таъмин намуда, боқимонда шаҳру ноҳияҳои вилоят аз сабаби риоя нагардидани кишти зироатҳои кишоварзӣ дурнамои пешбинишударо таъмин карда натавонистанд.

Шояд сабаби гарон шудани нархи сабзӣ иҷро нагардидани дурнамо бошад?

Солҳои қаблӣ дар бозор нархи сабзӣ арзон буд. Бубинед, ки имрӯз нарх ба ҳар як килои он то ба 3 - 5 сомонӣ расидааст. Сабзӣ ҳам аз намудҳои асосии маҳсулоти кишоварзӣ маҳсуб ёфта, барои истеъмоли ҳаррӯза муҳим аст. Фурӯшандагони ин намуд сабзавот низ таассуф мехӯранд, зеро сокинон нисбат ба мавсимҳои гузашта ҳоло кам харидорӣ мекунанд, ки ин ба кисаи фурӯшанда низ зарар мерасонад. Агар маҳсулоти харидаи онҳо ба фурӯш наравад, он давоми се – чор рӯз нобуд мегардад.

Гуландом Баққосова – фурӯшанда:

- Ҳама мехоҳад сабзавот арзон ва дастрас бошад. Зеро он ҳамарӯза барои рӯзгори аҳолӣ зарур аст. Арзонӣ аз як ҷиҳат танҳо ба мо - фурӯшандагон вобастагӣ надорад. Вале бордиҳандагон як нархро нигоҳ дошта, аксаран сабзавот пӯсида равад ҳам, арзон намекунанд. Он маҳсулотеро, ки бо нархи арзонтар ворид шуд, мекӯшем, арзонтар ба харидор фурӯшем. Эроди харидор ҳамеша дуруст аст. Мо низ мехоҳем, ки лоақал маҳсулоти аввалияи ниёзи мардум дар бозор арзонтар ба фурӯш бароварда шавад, вале афсӯс...

Зимни суҳбат аксарият аз он изҳори нигаронӣ мекунанд, ки бинобар гарон шудани нархи озуқаворӣ, аз ҷумла сабзӣ барои харидории он имконияташон маҳдуд шуда, маҷбур мешаванд, ки онро камтар истеъмол ва харид кунанд.

Шамсиддин Бобобеков имрӯз ба бозори «Панҷшанбе» барои харидории лавозимоти рӯзгор омада, болоравии нархи маҳсулоти озуқаворӣ, алалхусус сабзиву биринҷ ӯро нигарон кардааст.

- Ба арзиши 4 сомонӣ ба фурӯш гузоштани сабзӣ ва бо нархи 11 сомонӣ харидани биринҷ ноинсофӣ аст, зеро нафақа ва маоши имрӯза ба ин нарху наво тамоман мутобиқат намекунад. Агар таҳлили амиқ намоем, дар як шабонарӯз барои як оила хӯрок омода кардан тақрибан 30 сомонӣ рост меояд. Пас дар давоми як моҳ он ба 1,300 сомонӣ баробар мешавад. Ин дар ҳолест, ки музди маош ба ҷуз маҳсулоти хӯрокворӣ боз барои пардохти ҳаққи хизматрасонии коммуналӣ ҷудо карда мешавад. Дар ҳолати боло рафтани нарху наво бояд маош ва нафақа ба эътидол оварда шавад, - гуфт номбурда.

Нархи тарбуз ба маротиб афзуд, чаро?

Баробари боло афзудани маҳсулоти озуқаворӣ соли равон масъалае, ки сокинонро ба ҳайрат овард, ин батадриҷ тағйир ёфтани нархи маҳсулоти полезӣ аст. Имрӯз дар гӯшаву канори вилоят соҳибкороне, ки бо фурӯши маҳсулоти полезӣ машғул мешаванд, аз он изҳори нигаронӣ мекунанд, ки нархи маҳсулоти полезӣ, аз ҷумлаи тарбузу харбуза солҳои қаблӣ ин гуна гарон намегардид.

Бино ба иттилои Сарраёсати кишварзии вилоят дар мавсими кишти баҳории соли ҷорӣ баҳри бештар таъмин намудани аҳолӣ бо маҳсулоти полезӣ дар хоҷагиҳои кишоварзии вилоят 5507 гектар кишти полезӣ гузаронида шуд, ки нисбат ба соли сипаригашта 776 гектар зиёд мебошад. Афзун гардидани масоҳати кишти полезиҳо ба ғайр аз шаҳри Исфара дар боқимонда шаҳру навоҳӣ таъмин карда шуд. Аз ин бармеояд, ки соли равон мебоист нархи маҳсулоти полезӣ нисбат ба ҳамин даври соли сипаришуда дар бозори савдо арзон ба фурӯш гузошта шавад, вале ҳолат баръакс аст.

Сокинон аз он нигаронӣ мекунанд, ки соли равон бинобар боло рафтани нарх наметавонанд маҳсулоти полезӣ, алалхусус, тарбузу харбузаро харидорӣ кунанд.

- Соли гузашта тарбузро ҳатто бо нархи ду сомонӣ метавонистам дастрас кунам, аммо имрӯз хурдтаринашро ба нархи 7 - 8 сомонӣ харидорӣ мекунам. Ростӣ, то ҳол фарзандонам аз ҳосили имсолаи тарбузу харбуза бо серӣ истеъмол накардаанд. Вақте ба назди растаи тарбузфурӯшон меравам, аз нархи он ба ҳайрат меоям. Наход дар мавсими тобистон нархи як харбуза то 40 сомонӣ бошад, - мегӯяд сокини шаҳри Хуҷанд Исмоил Исмоилов.

Мирзошариф - фурӯшанда:

- Тайи ду ҳафта мешавад, ки як Камаз тарбуз ва ду портер харбузаи харидаамро фурӯхта наметавонам, зеро харидорон аз он шикоят мекунанд, ки нарх боло рафтааст. Ҳамчун фурӯшанда аз нархи харидаам арзон фурӯхта наметавонам, зеро он ба иқтисодиётам зарар мерасонад. Худ ба ҳайрат меоям, ки чаро имрӯз нарх боло рафтааст? Вақте аз нафароне, ки ин намуди маҳсулотро ворид мекунанд, сабаб пурсон шудам, яке танҳо бо ҷунбонидани сар посух гуфту дуюмин инҳоро аз гармии шадид ва нобуд гардидани полокҳои маҳсулоти полезӣ маънидод кард.

Номбурда аз он изҳори нигаронӣ кард, ки маҳсулоташ камхаридор ва ҳарорати баланди офтоб онро зуд нобуд карда истодааст. Барои муфлис нагаштан ба нархи харидааш фурӯхта истодааст. Чунин муаммо дар дигар фурӯшандагон низ дида мешавад, онҳо мегӯянд, ки солҳои қаблӣ дар як рӯз то 300 тарбузу харбуза ба фурӯш мерафт, аммо имрӯз дар як рӯз то 15 - 20 дона фурӯхтани маҳсулоти полезӣ ба чашм мерасаду халос. Агар вазъ чунин боқӣ монад, маҳсулоти харидашуда тамоман нобуд мегардад.

Аз ин ҷо суоле ба миён меояд, ки дар мавсими сармо вазъ чӣ гуна боқӣ мемонад инро танҳо вақт нишон медиҳад, зеро дар фасли гармо нархи маҳсулоти полезӣ аз 8 то 40 сомонӣ бошад, ва сабзавот, алалхусус сабзӣ то 5 сомонӣ ба фурӯш бароварда шавад, пас дар фасли зимистон арзиши онҳо чи гуна хоҳад буд?!

Шаҳбону ОЛИМОВА,
«Ҳақиқати Суғд»

Читать далее

Президенти мамлакат Эмомалӣ Раҳмон осорхонаи қаҳрамони халқи тоҷик Восеъ дар мавзеи Дараи Мухтори ноҳияи Ховалингро мавриди баҳрабардорӣ қарор доданд

Дар идомаи сафари корӣ ба ноҳияи Ховалинг Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои навбунёди Осорхонаи таърихӣ-кишваршиносии қаҳрамони халқи тоҷик Восеъро мавриди баҳрабардорӣ қарор доданд.

Иншооти мазкур бо саҳми соҳибкорони маҳаллӣ дар мавзеи хушбоду ҳавои Дараи Мухтор, воқеъ дар зодгоҳи ин шахсияти бузурги миллати тоҷик сохта шудааст.

Читать далее

Пешвои миллат Эмомалӣ Раҳмон дар чорабинии фарҳангӣ дар варзишгоҳи марказии ноҳияи Ховалинг иштирок намуданд

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Ховалинг дар чорабинии фарҳангӣ таҳти унвони «Шоми Ховалинг» бахшида ба 28-солагии Истиқлолияти давлатии Ҷумҳурии Тоҷикистон иштирок ва суханронӣ намуданд.

Барномаи рангини фарҳангӣ дар варзишгоҳи марказии ноҳияи Ховалинг бо иштироки зиёда аз 10 ҳазор нафар сокинони сарбаланду меҳандӯсти ноҳия баргузор гардид.

Читать далее

Аҳдофи ҲНИ - бебунёд!

Дар шароити кунунии ҷаҳони муосир имрӯзҳо гуруҳҳои ифротгаро фаъолият бурда, ҳадафашон нооромсозии вазъи давлатҳо, ноосоиштагии мардум аст. Решаи фаъолияти гуруҳи бадкирдори ҲНИ низ ба ҳамин мақсад рафта мерасад. Зеро ин ҳизб аз рӯзи таъсисёбиаш то ин дам ягон кори некеро барои мардум накардааст ва дар оянда низ нахоҳад кард. Роҳбарони ин ҳизб аз рӯзҳои аввали фаъолият интизори амру фармоиши хоҷагони хориҷии хеш буданду ҳастанд. Агар ин тавр намебуд, баъд аз ба имзо расидани Созишномаи сулҳи Тоҷикистон соли 1997, баъд аз бахшидани он гуноҳҳои бахшиданашавандаи солҳои 90-уми аъзоёни ин ҳизб аз тарафи давлат, боз даст ба фитнаву фиребу корҳои разил намезаданд.

Дар давраи мавҷудияти ин ҳизб мардуми диёрамон ягон нафъ надиданд, ба ғайр аз хиёнат. Ҳол он, ки ин ҳизб аҳдофи худро чунин тавсиф мекард: “Бо инояти Худованди муттаъол, пайравӣ аз Паёмбари гиромӣ (с) ва эътимод ба неруву хиради мардум, ноил шудан ба бунёди ҷомеаи пешрафта, озода ва босубот, расидан ба авлавияти қонун ва адолати иҷтимоӣ, мардумсолор, шоистасолорӣ ва каромати инсонӣ бар асоси арзишҳои миллию маҳзабӣ ва умумибашарӣ”.

Сад афсус, ки ин ҳадаф ақаллан маротибае дар нӯги забони роҳбарону аъзоёни ин ҳизб гирдгардон нашуда буду худ бехабр буданд, ки ин ҳадафро муайян кардаанд. Тамоми фаъолияташон на эътимод ба хиради мардум, балки роҳандозӣ намудани мардум ба гумроҳӣ, на ноил шудан ба бунёди ҷомеаи пешрафта, балки дида натавонистани пешравӣ буд ва ҳаст. Дар умум ин ҳизб аслан дини мубини Исломро расидан ба сиёсат, воситаи тафриқаангезии мардум ва яроқи асосӣ бар зидди мусулмонҳо карду халос.

Аз оғоз ҳизби наҳзат баҳри хиёнат ба мардуми кишвар фаъолият карду бас. Агар хиёнат ба халқу Ватан намешуд, аз хоҷагони хориҷиашон тақозо намекарданд, ки ба сиёсати дохилии ин кишвар дахолат кунанд. Ҳол он, ки ин хиёнатҳоро худи мардум дарк карда, ихтиёрӣ аз аъзогии ин ҳизби хиёнаткор даст кашидаанд.

Гарчанд, имрӯзҳо дар ким-кадом гӯшаи дунё нишаста, бо дастнигаронӣ ба хоҷагонашон тавассути ВАО ҳаргуна овозаҳо бароварда, мехоҳанд сулҳу оромӣ ва ваҳдату якдилии мардуми тоҷикро халалдор намоянд,имрӯз мардуми кишвари мо ба дасисаҳои беасоси онон эътимод надорад. Зеро мардуми бохиради тоҷик дигар бор фирефтаи ин гуна ҳизби хиёнаткору роҳбарони хоҷадор нахоҳад шуд.

Кучибоев Ш.И., мудири кафедраи умумидонишгоҳии педагогикаи умумии ДДХ ба номи академикБафуров

Читать далее

Ба сарзамини хеш бо назари ҳақбин нигар!

Иттилооте, ки Мирзо Салимпур тариқи сомонаи «Ахбор.ком» паҳн мекунад, намедонад, ки ҳар коре ки бидуни меҳру ихлос ба сомон мерасад, бесомон хоҳад буд.

Сатҳнигарии иттилоот ба Салимпур иҷозат намедиҳад, ки ҳолати кишварҳои исломиро бубинад, ба ҷуз аз баъзе мисоли истисноӣ, ки ҳама дар ботлоқи ҷангу хунрезӣ ва дурӣ аз дастовардҳои илму технология мадҳушанд ва наметавонанд аз анбӯҳи мушкилот сар берун биёваранд.

Худшефтагӣ ва ангезаҳои Салимпур дар чанд ангезаи калидӣ маҳдуд мешавад. Якум, манфиатталабӣ ва ҳамчун абзори таблиғотӣ истифода кардани мавзӯи наҳзат.  Дуюм, беасос доғ нишон додани баъзе масъалаҳои зодбуми худаш.

Магар Мирзо Салимпур фикр мекарда бошад, ки думрави наҳзатӣ шудан ба кадом ҳадаф аст?  Салимпур  ҳамон кореро мекунад, ки ҳеҷ одами оқил  намекунад.

Салимпур аз ҷумлаи чунин афродест, ки танҳо пазириши арзишҳои ботил ва хоми ифротиро дорад.

 Ба Мирзо Салимпур, гуфтанием, ки  як назар ба арзишҳои волои кишвари худ кунад, ба амалҳои созандаи мардуми диёраш назар кунад, аз роҳи ботил баргардаду барои меҳани хеш амалҳои нек анҷом диҳад.

Ф. Қаюмов, дотсент, мудири
кафедраи иқтисодиёти корхонаҳо ва
соҳибкории ДДҲБСТ

Читать далее

АФКОРИ БОТИЛ - БЕЭЪТИМОД!

Аз бузурге пурсиданд: “Ба ту бародар беҳ аст ё дӯст ”. Дар ҷавоб гуфтааст бародаре, ки дӯст бошад. Аҷоиб он аст, ки бародарони як миллат аз хориҷи кишвар истода, ба муқобили миллат ва Ватани худ шарм надошта бо туҳмат ва гапҳои беасос баромад мекунанд. Онҳо фикр намекунанд, ки мардуми тоҷики имрӯза он мардуми солҳои 90 - уми асри гузашта нестанд. Имрӯз мардуми мо, хусусан ҷавонони бебоки тоҷик аз гузаштагон ибрат гирифта, зирак ва ҳушёр шудаанд.

Имрӯз воситаи ахбори умум, интернет ва шабакаву телевизионҳои гуногун ба ҳама дастрас мебошанд. Бинед, чӣ қадар мардуми мамолики гуногун пештар зиндагии ором ва рӯзгори осоишта доштанд, аммо имрӯз сарсону саргардон дар кишварҳои бегона азият мекашанд.

Ин ҳама бесарусомониҳо, ки ба сари мардуми одӣ ва заҳматкаш омадааст, маҳсули дастони он хоинони Ватан аст, ки фикру хаёли ботил доранду мехоҳанд ба оромию осоиштагии мардум халал эҷод намоянд.

Худ андешед, имрӯз мо чӣ қадар рӯзгори осуда дорем, ин фазои ором, бо заҳматҳои шабонарӯзии мардуми диёрамон ба даст омадааст. Кадом одами солимақл мехоҳад, ки боз фарзандон бепадар, занон бе шавҳар ва модарон ашкрезон бошанд!

Боварӣ дорам, мардуми бошарафи Тоҷикистони соҳибистиқлол ба суханони пучу беасос, ки аз тарафи нохалафон, хоинон гуфта мешавад, фирефта нашуда, баҳри созандагию ободии Ватани азизи худ камари ҳиммат мебанданд. Чунки Истиқлолият ва сулҳу осоиштагӣ ба мардуми тоҷик ба осонӣ дастрас нашудааст. Бинобар ин ба қадри ин неъмати бебаҳо, ки мо дорем, бояд расид ва онро аз чашмони бадбини душманони миллату Ватан эҳтиёт кард.

Ин шахсони суханбоз, хоинони беватан ҳеҷ гоҳ ба мақсади худ намерасанд.

С.Саломов,
устоди Донишгоҳи
давлатии ҳуқуқ, бизнес ва
сиёсати Тоҷикистон

Читать далее

Ифротгароӣ аз бесаводии таассуб аст!

Яке аз масъалаҳои муҳим, ки ҷомеаи ҷаҳонӣ ва ҷумҳурии моро низ ба ташвиш овардааст, терроризм ва ифротгароӣ мебошад. Он аз зуҳуроти номатлуб дар замони имрӯза ба шумор рафта, боиси ба миён омадани оқибатҳои нохуш мегардад. Заминаҳои асосии ифротгароӣ бесаводӣ ва таассуб буда, нодонӣ ва беҳунарӣ ҳамеша дар пайи худ ҷаҳолату бозмондагиро ба бор меорад. Ифротгароӣ ва шакли ниҳоии он даҳшатафканӣ барои ҷомеаи ҷаҳонӣ ва ҳам барои ҷомеаи мо хатари ҷиддии воқеӣ доранд.

Аз воқеаҳое, ки дар давлатҳои Арабу Африқо сар зада истодаанд, маълум мегардад, ки барои афроди ифротгаро ягон муқаддасот арзише надоранд. Ин гурӯҳҳо зери таъсири ақидаҳои тунду ғаразнок ҷавонҳоро ба сафи гурӯҳҳои террористиву экстремистӣ шомил гардонида, ба иҷрои ҳама гуна амалҳои ғайриинсонӣ, монанди қатлу ғорат, ба хок яксон намудани хонаву молу мулки мардум тайёр ҳастанд.

Экстремизм солҳои охир ба яке аз мушкилоти ҷомеаи ҷаҳонӣ табдил ёфтааст. Сиёсатшиносон ва аҳли фарҳанг бар онанд, ки ин зуҳурот чун вабои асри ХХI эътироф шуда, ба ҳастиву саломатии аҳли башар муассир буда, худ ҷой доштанаш дар миқёси як минтақа ё як кишвар гувоҳ бар оқибатҳои фалокатбори он аст.

Тарғибу ташвиқи ақидаҳои ифротгароӣ, барангехтани тухми низоъ дар миёни инсонҳо, нодида гирифтани арзишҳои олии давлату миллат ва таҳдид ба суботу оромии ҳар як халқияту миллат аз амалу кирдорҳои ҷинояткорона ба ҳисоб рафта, ба ояндаи ҷомеа хатари ҷиддӣ эҷод мекунад.

Ҷавонон ояндаи миллат ва давлатанд. Ҷавонони солимақлу соҳибистеъдод ҳамеша ифтихор, мояи хушбахтӣ ва саодатмандии ҷомеа буда, аммо ҷавонони ифротгаро ва ситезаҷӯ доғи дили падару модарон, дарди ҷомеа, омили хушунат, низоъ ва фитнаҳоанд.

Мирзомуин Ахмедов,
донишҷӯи факултети забонҳои
 хориҷии Донишгоҳи давлатии Хуҷанд
ба номи академик Бобоҷон Ғафуров

Читать далее

Мақсади хоинон амалӣ намешавад!

Имрӯз кишвари мо бо осудагиву оромӣ, хушманзарагиву зебоӣ, ободиву гулпӯшиаш байни мамолики ҷаҳон маъруфият дорад. Ин боиси ифтихори ҳар як фарди кишвар аст. Солҳои охир падидаи номатлуб, аз ҷумлаи гурӯҳҳои ифротӣ дар бархе кишварҳо амалҳои террористӣ анҷом дода, ҷомеаи ҷаҳониро ба ташвиш овардааст, ки аз ин кишвари мо низ эмин нест.

Сад афсӯс, имрӯз баъзе гурӯҳҳои ифротӣ, аз ҷумла зумраи хоинони Ватан тариқи сомонаҳои интернетӣ мақсадҳои ғаразноки худро таблиғ карда истодаанд. Онҳо ин пешравиву ободии мамлакати биҳиштосои моро намебинанд ва бо дасисабозиҳои худ ба мафкураи мардум, бахусус ҷавонони ояндасози миллат мехоҳанд таъсири худро расонида бошанд. Лек ба ҳама маълум аст, ки нияти бад, мақсади нопок ҳеҷ гоҳ амалӣ намешавад. Ҳар кас бадӣ кунад, бадӣ мебинад ва ба мақсад намерасад.

Муҳиддин Кабирӣ тариқи сомонаҳои интернетӣ мехоҳад бо ҳар гуна буҳтону туҳматҳои беасоси худ ба мафкураи мардум таъсир расонад ва ниятҳои аҳриманонаи худ ва хоҷагонашро амалӣ гардонад.

Аммо то ба кай Кабирӣ ва наҳзатиён намефаҳмида бошанд, ки имрӯз халқи ватанпарвари тоҷик ба буҳтону дурӯғҳои онҳо боварӣ надорад. Онҳо то ҳол дарк намекунанд, ки дар Тоҷикистони азизамон ватандӯстон ва ҳақиқатпарастон зиёданд ва ҳангоме, ки дурӯғҳои ифротгароёнро мебинанд, бетарафӣ зоҳир накарда, андешаҳои солими худро иброз медоранд.

Ман фикр мекунам, ки Кабирӣ вақте чунин ҳолатро мушоҳида кард ва фаҳмид, ки бар зидди ватанпарварон мубориза кардани ӯ бефоида аст, дурӯғи навбатиашро дар сомонаҳои интернетӣ гузошт.

Дар ҳама давру замон некӣ бар бадӣ ғалаба дошт ва ин замон низ чунин хоҳад шуд.

М.Тошматова,
дотсенти Донишгоҳи
давлатии ҳуқуқ, бизнес ва
сиёсати Тоҷикистон

Читать далее