16 August 2019

Защита общих рубежей ШОС требует долевого участия

В СМИ промелькнуло сообщение о том, что «КНР готовит из Таджикистана форпост для отражения внешней террористической угрозы».

Читать далее

Таджикистан. Крах оппозиции. Оппозиция не находит доводов

В сети Интернет периодически появляются серии заказных критических статей, в которых предпринимаются попытки умышленно исказить реальные успехи Таджикистана, идущего по пути созидательного развития под мудрым руководством Основателя мира и национального согласия-Лидера нации, Президента Республики Таджикистан Эмомали Рахмона.

Читать далее

Мулоқоти Раиси вилоят бо намояндагони ширкати “Neusoft Medical Corporation”-и Ҷумҳурии мардумии Чин

16 август Раиси вилояти Суғд Раҷаббой Аҳмадзода намояндагони ширкати истеҳсоли таҷҳизоти тиббии “Neusoft Medical Corporation”-и Ҷумҳурии мардумии Чинро бо роҳбарии Дан Жан ба ҳузур пазируфт.

Раиси вилоят Раҷаббой Аҳмадзода зимни суҳбат оид ба вазъи соҳаи тандурустии вилоят ва ислоҳоту навовариҳои соҳа ба меҳмонон маълумот дода, таъкид кард, ки Ҳукумати Ҷумҳурии Тоҷикистон ба рушди соҳаи тиб ва муҷаҳҳазсозии беморхонаҳо бо таҷҳизоти навтарини тиббӣ таваҷҷуҳи хоса зоҳир менамояд.

Читать далее

Паёми табрикии Раиси вилоят Раҷаббой Аҳмадзода ба ифтихори рӯзи кормандони тиб

Дар асоси Қонуни Ҷумҳурии Тоҷикистон «Дар бораи рӯзҳои ид» ҳамасола санаи 18 - уми август дар Тоҷикистон Рӯзи кормандони соҳаи тиб таҷлил карда мешавад. Боиси хурсандист, ки имсол иди касбии кормандони ҳифзи сиҳҳати омма ба арафаи солгарди ҷашни фархундаи 28 - солагии Истиқлолияти давлатии Ҷумҳурии Тоҷикистон рост омад.

Иди касбиро ба кулли кормандони соҳа ва ҳамдиёрон табрику муборакбод намуда, ба ҳамагон саодати рӯзгору бахту иқболи баланд таманно дорам.

Читать далее

Паёми табрикии Раиси вилоят Раҷаббой Аҳмадзода ба муносибати Рӯзи кормандони роҳи оҳан

Ҳамасола 17-уми август дар ҷумҳурӣ Рӯзи кормандони роҳи оҳан таҷлил мегардад ва ба ин муносибат кулли кормандони соҳаро табрику муборакбод менамоям.

Роҳи оҳан омили муҳими сохтори нақлиётии кишвар буда, дар самти ҳамлу нақли байналмилалӣ, нисбат ба дигар соҳа, нақлиёти бартаридошта маҳсуб меёбад. Зеро, дар 7 моҳи соли ҷорӣ тавассути роҳи оҳан 1994,6 ҳазор тонна борҳои гуногуни хоҷагии халқ ва садҳо нафар мусофир кашонида шуданд.

Читать далее

Ноҳияи Айнӣ: Дар оинаи сайру саёҳат

Ноҳияи Айнӣ таърихи зиёда аз 1300 - сола дошта, маъхазҳо гувоҳӣ медиҳанд, ки муаррихи араб Алистахрӣ ва адиби барҷаста Захириддини Бобур онро кашф намудаанд. Шуғли асосии аҳолӣ кишоварзӣ ва боғдорию чорводорӣ мебошад.

Соли гузашта ба Тоҷикистон аз хориҷи кишвар зиёда аз 1 миллиону 155 ҳазор сайёҳ ташриф овардааст, ки беш аз 850 ҳазори он тариқи вилояти Суғд ва ноҳияи Айнӣ ворид гаштаанд. Ҳар як деҳаи хурду калони ноҳия манзараҳои нотакрор дорад, ки сайёҳонро мафтун намудааст ва онҳо аз тамошои он манзараҳо лаззат мебаранд. Ноҳия дорои якчанд ширкатҳои туристӣ буда, Искандаркӯл, кӯлҳои Аловиддин, дараи Яғноб, Маҷмааи таърихию фарҳангии Нақибхон Туғрал, осорхонаи таърихӣ – кишваршиносиро дарбар мегирад. Инчунин, қадамҷои орифи бузург Шамси Табрезӣ дар деҳаи Вешаб, мулло Абдуллои Валӣ дар деҳаи Ревад, масҷиди гузари Лангар, қадамҷо ва зиёратгоҳи шайх Абулқосими Гургонӣ дар деҳаи Урметан буда, имрӯзҳо ба маркази фароғату истироҳати сайёҳони ватанию хориҷӣ табдил ёфтааст.

Инчунин, дар деҳаи Путхини ноҳия осоишгоҳи доктор Тоҳирӣ бо инфрасохтори замонавӣ амал менамояд, ки шумораи истироҳаткунандагонаш зиёд мебошанд. Ҳангоми суҳбат бо мо мутахассиси пешбари шуъбаи иқтисод ва савдои ҳокимияти маҳаллии давлатии ноҳия Шамсулло Шодиев иброз дошт, ки имрӯз дар хатсайрҳои сайёҳии ноҳия инфрасохторҳои лозимӣ аз тарафи соҳибкорон сохта шуда истодааст ва бо зиёд шудани теъдоди сайёҳони ватанию хориҷӣ хатсайрҳои нав ба нав кушода мешавад.

Дар мақомоти маҳаллии ҳокимияти давлатии ноҳияи Айнӣ бо роҳбарии раиси ноҳия Муқим Муродзода ва сохторҳои маҳаллии давлатӣ раисони ҷамоатҳо, зиёиён, соҳибкорон мизи мудаввар ташкил карда шуд. қайд гардид, ки ноҳияи Айнӣ дар самти сайёҳӣ, экологӣ, таърихӣ - фарҳангӣ, тиҷорат, табобатию этнографӣ ва туризми кӯҳнавардӣ хеле қулай мебошад. Инчунин, дар ноҳия шумораи масҷидҳо, кушкҳо, ғорҳо, мавзеъҳои таърихӣ, қалъаҳо зиёд буда, таърихи қадимаю бой доранд. Ба мутахассисон супориш дода шуд, ки таърих ва осори онҳоро омӯхта, ҷамъоварӣ намоянд. Ҳамзамон, харитаю сомонаи махсуси сайёҳӣ ташкил карда, китобу суратҳои роҳбалад, «буклетҳо» нашр ва барои боз ҳам таҳким бахшидан ба корҳои созандагию бунёдкорӣ ва барои сохтмони инфрасохтори сайёҳӣ маблағи муайян ҷудо шуд.

Он рӯз дур нест, ки ноҳияи Айнӣ дар ин соҳа низ ба дастовардҳо ноил гардида, хатсайрҳои нав ба нави сайёҳӣ ташкил меёбад ва шумораи сайёҳони ватанию хориҷӣ бамаротиб афзуда, ноҳия ба таври бояду шояд ба ҷаҳониён муаррифӣ карда мешавад.

 Бобоҷони НУРЗОД,
шоир аз деҳаи Вотаи
ноҳияи Айнӣ

Читать далее

Бояд, ки хешро ба сухан ошно намоем!

- Шарофати Истиқлолияти давлатии Ҷумҳурии Тоҷикистон ва сарчашмаву сароғоз, ташаббусу иқдомоти оқилона, сиёсати хирадмандонаи Асосгузори сулҳу ваҳдати миллӣ - Пешвои миллат, Президенти муаззаму маҳбубамон муҳтарам Эмомалӣ Раҳмон асосбунёду вусъатпазиранд, ки ҳаёти мамлакат, ҷомеа, мардуми софдилу ғайратманди диёр ба ифодаи бадеӣ - адабӣ тозакориҳоро мо чу оина рӯи нуру қаъри зиёбахши дил мебинем. Яъне, маърифат, дониш, ҳувият, асолат ҳар ҷо ҷилвагар гардад, хуш аст, иқбол асту равнақи дигаргун меёбад, рӯзгор давлати дигаргун маъно мегирад, - фикри худро муъҷаз изҳор дошт Аҳмадҷони Раҳматзод – Шоири халқии Тоҷикистон, барандаи Ҷоизаи давлатии Ҷумҳурии Тоҷикистон ба номи Абӯабдуллоҳи Рӯдакӣ. – Ҳамин тадбири миллӣ, ҳамин роҳнамои зиндагӣ ва ин иқдоми бунёдӣ барои мардуми мо – чӣ хурду чӣ бузургсол нақши тафаккур аст, қарину мӯниси китобхонӣ, луғатдонӣ, зеҳннишинии абёту ашъор, насру назм, бо як ифода туҳфаю ҳадяи тақдир гардид, ҳаст ва мемонад.

- Умуман, моро ба шавқ меоварад, завқ мебахшад, ба фазои ҷаҳонбинии бадеӣ фаро мегирад - меҳрубонона, бо муҳаббату фасоҳату сабоҳат.

 Ҳар кас барои иҷрои ин иқдомоти наҷибу пурманфиат ва устуворгардонии ғояи миллӣ, тафаккури миллии хешро дар баҳри китобу шеъру сухан ҳамчу мавҷ эҳсос мекунаду мепиндорад. Сухандониву маъниварзӣ, луғатдониву ҷаҳони каломи бадеӣ ин сайқали ақл, тафаккур, забон ва тарзи гуфтору баён буда, бунёди ҳастӣ аст, оташу сипанди шавқ ва шамъи барафрӯхта бувад. Бо ифодаи дигар нишон ва ҳастии миллат, фарҳангу адабиёт, маърифату ахлоқ пиндошта мешавад.

Дар ин радиф, ба хотир овардани тадбири хоси замони соҳибистиқлолӣ, ки қадами устуворест барои комёбӣ ба кас илҳому саодатмандӣ мебахшад.

Ифодаи «Фурӯғи субҳи доноӣ…» хосатан аз санаи нӯҳуми феврали соли дуҳазору нуздаҳ мантиқу мазмуни нав бардошт, ба таври раҳнамои зебоӣ, сухан, остонаи донишҳои миллӣ ва умумибашарӣ чеҳра гирифт, - баён дошт шоир Аҳмадҷони Раҳматзод.

Пешвои муаззами миллат муҳтарам Эмомалӣ Раҳмон аз баргузории озмуни ҷумҳуриявии «Фурӯғи субҳи доноӣ…» Амре ба имзо расониданд, ки бо таъбире – гул ба фарқи мо чу гулбун гардидааст. Яъне, чунин озмуни бонуфуз ва муҳташамро, ки ба ифтихори 30 – солагии Истиқлолияти давлатии Ҷумҳурии Тоҷикистон пешбинӣ шудаасту имрӯзҳо омодагиву баргузории он дар манотиқи кишвар, аз ҷумла илоятамон – Суғди ҷавоннерӯву маърифатгустар ҷараён дорад, пиру барно метавонанд ширкат варзанд, бо вусъату тантана ва мукофотҳову ҷоизаҳои зиёдаш, китобхонҳову китобдӯстон, ҳаводорони назму наср, завқмандони луғатдонону муштоқони дунёи маъонӣ ёд надоранд.

- Озмуни батамом миллӣ «Фурӯғи субҳи доноӣ…» ин ормону омоли чандинасраи аҳли илму фарҳанг, халқе, ки соҳиби адабиёти ҳазорсолаест, орзуи ҳазрати бузургмисол Абӯабдуллоҳ Рӯдакиву Фирдавсии бемисл, Исмоили Сомониву Бедилу Саъдиву Ҳофиз, Шоҳину Аҳмади Донишу устод Садриддин Айнӣ, Турсунзодаву Лоҳутӣ ва Лоиқу Фазлиддин Муҳаммадиев амалӣ гашт, - изҳори назар намуд Солеҳбой Кенҷаев – олими забоншинос, устоди Донишгоҳи давлатии ҳуқуқ, бизнес ва сиёсати Тоҷикистон. – Ба ин солҳои наздик ин қадар мукофоту ҷоиза, ҳатто Шоҳҷоизаро китобдӯсти тоҷик, шавқманди каломи ноби тоҷикӣ дар ёд надорад: дувоздаҳ ҷоиза ва ҳар кадоме аз понздаҳ то сӣ ҳазор сомонист, инчунин Шоҳҷоиза муқаррар шудааст, ки панҷоҳ ҳазор сомониро дарбар мегирад. Албатта, дар озмун онҳое сарбаланд хоҳанд шуд, ки асарҳои классикони адабиёти тоҷик, адибони муосир, адабиёти бачагонаро хонда ва аз адабиёти ҷаҳонӣ хабар дошта бошанд. Рӯйхати ин китобҳо ва адибон, ки аксарияташон машҳуру шиносанд, қайд шудааст.

Мегӯянд: - сухан, шуълаи идроки аҳли маънӣ аст. Сухани офоқтоб, ҳадафсоз, асосбунёд дарозумр аст, абадӣ ва ёдгор мемонад солҳову қарнҳо. Ба ин маънӣ шоири бедилшинос Зуфархон Ҷавҳарӣ гуфтааст: Гар сухан набвад чароғи маҷлиси ёдоварӣ, Баъди хомӯшӣ зи хотирҳо фаромӯшем мо.

Ниёгони маърифатпарвари миллати тоҷик дар ҳаёти бошууронаи худ бардавом ба сухан бовар доштанду муҳаббат овардаанд. Асарҳояшон, осорҳояшон, девону ашъорашон боиси ифтихордорист, ки бошуурона ба ҳарфу сухан меҳр бастаанд. Биноан, Қассоб мефармояд: Назди аҳли дил забондонӣ намедонем чист, Ҳар куҷо Қассоб, ҳарфе бигзорад гӯшем мо.

Озмуни дар бузургӣ қиёснопазир чӣ талаботе дорад, иштирокчиёни он ҷиддӣ эътибор диҳанд ва иҷрои онҳоро роҳандозӣ намоянд? Таъкид мешавад, ки иштирокчиёни озмун на камтар аз сад ғазал, яксаду бист рубоӣ ва дубайтӣ, сад мисраъ қасида, сесад мисраъ аз достон ва сад байт аз дигар навъҳои шеъри шоирони классику муосир ва хориҷӣ бояд аз ёд донанд. Асарҳои назмӣ ва насрии адибони классикӣ ва муосири тоҷик, аз ҷумла, адабиёти қадим, достонҳо, намунаҳои насри ривоятӣ, ҳикоя, навелла, драма, роман, достон, афсона, шеъри бачагона барои хондан пешниҳод шудаанд, ки номгӯяшон зиёд аст.

Озмун ин сабқат, мусобиқа ва азму талош аст барои эътирофдории истеъдод, зеҳн ва қобилияти болиғи ҳар фард – яъне иштирокчӣ, ҳаводори ин ҳамоиши ақлу заковат. Аз ин лиҳоз, ҳамчунин барои иштирокчии он хондану хуб донистан ва баён карда тавонистани мазмуни то панҷоҳ новелла, бист роман, сӣ повест, панҷоҳ асари ёддоштиву хотирот, бист афсона, даҳ асари насри ривоятӣ, даҳ асари дигар ва ба ҳамин миқдор осори адибони ҷаҳон шарт аст.

Ба довталабон барои шарҳи мухтасари асар, донистану шинохтани қаҳрамонони он, баёни лаҳзаҳои ҷолиб, озодбаёнӣ ва санъати суханварӣ, ҳунари ровӣ ва наққолӣ, қобилияти луғатдонӣ, дарки дурусти мазмуни китоб ва таассуроти бардошташуда баҳо дода мешавад.

Зикр карда мешавад: довталаб мунтазир бошад, ки ҳакамон савол низ медиҳанд, то дониши ӯро беҳтар имтиҳон карда тавонанд. Шарти дигар чунин мазмун пазируфтааст: довталаб барои аъзои китобхона буданаш низ хол мегирад, ҳатто тарғибгари китобу китобхонӣ буданаш аз мадди назар дур нахоҳад монд.

Озмуни пурмуҳтаво аз бузургмаъонӣ дар чаҳор давр баргузор мегардад ва ғолибони се даври нахустин охири сол дар муассисаи давлатии «Китобхонаи миллии Тоҷикистон» ҷамъ омада, зӯрозмоӣ, сабқат, мусобиқаву талошу идроки фитрӣ хоҳанд кард. Муваффақ шудану муваффақ будан дар ин базми шеъру сухан аст, агар майли маърифатпарварӣ, муҳаббати гарме ба китобу ашъор бошад.

Вақте осору ашъор ва китобҳои дилписанди маърифатпарварони миллатамонро мехонем, дар қалбу назарҳо равшанӣ меояд: достону манзумаҳо, ғазалу девонҳо, насри бадеии онҳо ба сони нақди адабӣ, ҳувияти инсонӣ, эҳсоси худшиносиву меҳнатдӯстӣ дар адабиёти чӣ классику чӣ муосири тоҷик аз чашмаи ҷовидонаи тамаддун қатра – қатра сабзу фараҳмаъонӣ шудаанд.

Дар ин робита олими нуктадону таърихшинос, нависанда ва публитсисти серзаҳмат, собиқ намояндаи мардумӣ дар Маҷлиси намояндагони Маҷлиси Олии мамлакат устод Усмонҷон Ғаффоров бароям нақли кӯтоҳу аммо пурмуҳтавое намуд, ки ба мавзӯи навиштаҳоям рабту низоме доранд:

- Аз хурдиям ба шарофату эътибори падари китобдӯсту китобдор, Муаллими хизматнишондодаи Тоҷикистон Абдуғаффор Ҳасанов меҳри на ин, ки ман, раҳматӣ бародарам ҳиндушинос, таърихшинос ва китобшинос шудем. Вақте бародари шарифам Абдуллоҷон Ғаффоров ба Ҳиндустон мерафт, падарам таъкид карданд, «ту ба макони китобҳо меравӣ, фақат китоб савғо биёр». Бародарам, хушбахтона, аз он мамлакати дур бештар аз ҳафтсад номгӯй ашъори классикони форсиро туҳфа овард. Ҳангоми донишҷӯй шуданам падар ба ман маблағ дода гуфтанд, «писарам, пулро барои ду чиз сарф намо: аввал, ҳамеша аз таомҳои беҳтарин баҳраманд бош, ки солимии ҷисму ҷон аст, дигар ин, ки фақат китобҳои хубтарину хонданӣ бигир, ғизои маънавият медиҳад».

- Дар хонаам назди рафҳои китобҳоям навиштае ҳамеша ба чашм нур мебахшад – «Хонаи бекитоб, рӯзи беофтоб», - суханашро идома дод узви Иттифоқи нависандагони Тоҷикистон Усмонҷон Ғаффоров. –Китоб қувваи бузургест, ки бе он нерӯ наметавон зист. Дар хонаам зиёда аз понздаҳ ҳазор номгӯй китобҳои гуногун ҷой доранд, ин ҳама боигарии ман буда, тамоми дастнависҳои нодир, луғатҳо, бештар биступанҷ номгӯй қомус ҳифозат карда мешаванд. Ҳар боре ба рафи китобҳоям наздик меоям, адабиётҳои нодиртаринро саҳфа мегардонам, бемуҳобот ҷаҳони илҳом ва тафохур оғӯшам мегирад. Ҳама осори устод Садриддин Айнӣ, Бобоҷон Ғафуров, Сотим Улуғзода, Фарзонабонуи Хуҷандӣ ва муҳим онҳоро бо соядасти худи муаллифон дорам. Китобҳо дар хонадонам муъҷизаву муқаддас ҳастанд. Озмуни бунёдии «Фурӯғи субҳи доноӣ…» дар сиёсати фарҳангпарваронаи Пешвои муаззамамон – Президенти муҳтарамамон Эмомалӣ Раҳмон мазмуни олӣ дорад – «сухану китобу маърифату идрок чу шоҳин баландпарвозанд».

Рисолати «Фурӯғи субҳи доноӣ…» аз ҳар бобат диққату таваҷҷуҳи хонандагонро, новобаста аз синну сол, ба китобу китобхонӣ ҷалб намудан, шавқи луғатдонӣ, тарзу услуби хониши бадеӣ пайдо кардан муҳим бошад, паҳлуи дигари ин тадбири маърифатӣ – озмуни миллии замони мо, роҳ сӯи китобхониву қаринӣ бо адабиёти соҳавию бадеӣ аст.

Аълочии маориф ва илми Ҷумҳурии Тоҷикистон Марҳабо Раҷабова, ки ӯ сарвари шуъбаи китобҳои тиббии Китобхонаи вилоятии оммавии ба номи Тошхоҷа Асирӣ мебошад, чунин мегӯяд: - шуъба давоми бисту се сол инҷониб ба адабиётдӯстон хизмат мерасонад, ки бештар аз ёздаҳ ҳазор нусха захираи китобҳои соҳавӣ дорад. Табибон ва муҳассилини соҳаи тиббиёт – донишҷӯёни донишгоҳҳои олии тиббӣ ва коллеҷҳои тиббӣ аз ин хазинаи бебадал баҳраманд мегарданд.

Бо гузашти вақт аз фаъолияти шуъба ва иқдомҳои сардори он – Аълочии фарҳанги Тоҷикистон Марҳабо Раҷабова аз наздик шинос шудем, ки мазмуни «имрӯз нақши китоб ва китобхона дар ҷомеаи мо боло рафта, мардум ба адабиёт руҷӯи дигаргуна доранд», падид омад.

Барои ҷомеаи муосири мо мазмуни ҳақиқатан милливу хоси тоҷикона «Фурӯғи субҳи доноӣ…» ин туҳфаи тақдир буда, албатта, аз сиёсату ташаббуси фарҳангсолоронаи Пешвои миллат сарчашма гирифта, муҷаллои таъриху тамаддун, пайванди қарнҳо ва наслҳост.

Хулосаи ин навиштаҳо ифодаест бо таъбири Ғании Кашмирӣ:

Аз фикр то сухан нашавад қобили рақам,

Монанди хома сар зи гиребон намекашам.

Файзулло Атохоҷаев,
«Ҳақиқати Суғд»

Читать далее

Содироти меваи хушк афзудааст!

Дар нишасти матбуотӣ бо кормандони Раёсати минтақавии гумрукӣ дар вилояти Суғд маълум гардид, ки дар нимсолаи аввали соли 2019 ҳаҷми умумии гардиши мол дар қаламрави гумруки вилоят ба 1 миллиарду 11 миллиону 886 ҳазор доллари амрикоӣ расид, ки ин нишондод нисбат ба нимсолаи аввали соли гузашта 0,7 фоиз зиёд буда, воридот 787 миллиону 407 ҳазор доллари амрикоӣ ва содирот 224 миллиону 478 ҳазор доллари амрикоиро ташкил медиҳад.

Дар шаш моҳи аввали соли равон аз қаламрави вилояти Суғд содироти семент, пиёз ва меваи хушк ба хориҷи кишвар зиёд гардида, содироти маъдан, консентрат, нахи пахта ва либосворӣ нисбат ба ҳамин даври соли гузашта кам ба қайд гирифта шудааст. Яъне аз ин нишондод содирот нисбат ба соли гузашта 57 миллион доллар ё ба андозаи 20,25 фоиз коҳиш ёфтааст.

– Савдои беруна 4,4 фоиз зиёд буда, гардиши мол бо давлатҳои хориҷи дур нисбат ба давраи соли 2018 - ум 11,77 фоиз кам шуд. Аз ҳаҷми умумии гардиши мол ба маблағи 1 миллиарду 312,1 миллион доллари амрикоӣ пардохтҳои гумрукӣ ситонида шуд, ки 2,7 фоиз нисбат ба шаш моҳи соли 2018 зиёд аст, – қайд намуд Баҳром Исматуллозода – сардори Раёсати минтақавии гумрукӣ дар вилоят.

Дар самти мубориза бар зидди ҳуқуқвайронкуниҳои гумрукӣ аз ҷониби кормандони Раёсат 1225 ҳодисаҳои қонуншиканӣ ба қайд гирифта шудааст, ки нисбат ба соли гузашта 456 ҳолат кам мебошад. Баҳри пешгирии воридоти молҳои пастсифат ва ба ҳаёту саломатии инсон зараровар кормандони Раёсат 3 ҳолати интиқоли мол ва маҳсулот, ки ба талаботи бехатарӣ ҷавобгӯ нестанд, ошкор карданд. Дар натиҷаи баррасии парвандаҳои ҳуқуқвайронкунии маъмурӣ 1019 нафар шахсони воқеӣ, ҳуқуқӣ ва мансабдор ба ҷавобгарии маъмурӣ кашида шуданд.

Оид ба самтҳои дигари соҳа рӯзноманигорон бо кормандони гумрук саволу ҷавоб карда, посух гирифтанд.

Гулҷаҳон Турсунзода,
«Ҳақиқати Суғд»

Читать далее

Конибодом: Саҳми соҳибкорон дар ободии роҳҳо

Имрӯзҳо дар ҳудуди шаҳри Конибодом таъмиру мумфаршкунии роҳҳо бомаром идома доранд. Дар мувозинаи муассисаи давлатии нигоҳдории роҳҳои автомобилгарди шаҳр 56,8 километр роҳи аҳамияти байналмилалидошта, 29,9 километр роҳҳои аҳамияти ҷумҳуриявӣ ва 202,9 километр роҳҳои аҳамияти маҳаллидошта мавҷуд буда, бояд мувофиқи нақша 104 километр роҳ аз таъмири ҷорӣ бароварда мешуд. То имрӯз аз нақша зиёд, яъне 114 километр аз таъмири ҷорӣ ва беш аз 6,2 километр роҳ аз таъмири асосӣ бароварда шуд.

- Ҷоиз ба қайд аст, ки имрӯз таъмири пурраи роҳи Конибодом - Патар аз ҷониби Бонки Рушди Осиё ба маблағи 48 миллион сомонӣ идома дорад. Роҳи мазкур, ки дарозиаш 6,7 километр ва паҳноияш 14 метр аст, то сарҳади Ҷумҳурии Ӯзбекистон таъмир карда мешавад, - иброз намуд Музаффар Тоҳиров, сардори муассисаи давлатии нигоҳдории роҳҳои автомобилгарди шаҳр.

- Дар Ҷамоати деҳоти Лоҳутӣ бо саҳмгузории сокинони саховатпешаву ватандӯст ва соҳибкорони муваффақ мумфаршкунии роҳҳо вусъати тоза мегирад. Бо иқдоми соҳибкори саховатманд Раҳматҷон Тошматов, ки дар Федератсияи Россия фаъолият дорад, 750 метр роҳ мумфарш гардид. Имрӯзҳо чунин иқдоми ҷавонмардонаи соҳибкоронро ба назар гирифта, дигар соҳибкорон мумфаршкунии роҳи кӯчаву маҳаллаи худро то роҳи асосӣ бо сифати баланд ба анҷом расонида истодаанд. Аз ҷумла, соҳибкори дигар Фаррух Нӯъмонов таъмири пурраи кӯча ва Искандарако ҳамроҳи фарзандони хеш маблағи ба сафари ҳаҷ ҷамъовардаашонро барои мумфаршкунии роҳ, ки дарозиаш беш аз 150 метр ва паҳноиаш 6 метрро дарбар мегирад, сарф намуданд, ки алҳол мумфаршкунӣ идома дорад, - мегӯяд зимни суҳбат Маҳмуд Бобокалонзода, раиси Ҷамоати деҳоти Лоҳутӣ.

Инчунин, дар идомаи суханаш қайд намуд, ки сокини кӯчаи ба номи Маҳмудҷон Воҳидов Ҳасанбой Ғаниев иқдоми соҳибкоронро дастгирӣ намуда, маблағи барои сафари ҳаҷ ҷамъовардаи худро барои мумфарш намудани роҳ сарф намуд. Ин иқдоми нахустини сокинон набуда, соҳибкорони муваффақ, ки дар хориҷи кишвар фаъолият доранд, дар ободу зебо намудани зодгоҳи хеш саҳми назаррас мегузоранд.

Алҳол тибқи маълумоти масъулини Ҷамоат беш аз 3 километр роҳҳои Ҷамоат бо дастгирии соҳибкорони бурунмарзии ин маҳал мумфарш шуданд. Рӯзҳои наздик боз дигар соҳибкорон тасмим гирифтаанд, ки бо таъмири роҳ ва бунёди иншооти хизматрасонии маишӣ саҳми худро дар ободонии Ҷамоат гузоранд.

- Солҳои 2019 - 2021 “Солҳои рушди деҳот, сайёҳӣ ва ҳунарҳои мардумӣ” эълон шудааст ва инро мардуми Ҷамоат дуруст дарк намуда, барои ободонии манзили зист, маҳалла ва деҳаи худ саъйу кӯшиш доранд. Шаҳрвандони Ҷамоат, ки дар Федератсияи Россия роҳбарии корхонаҳои саноатӣ, сохтмонӣ ва коммуналиро ба уҳда доранд, баҳри ободонии деҳаи худ саҳм гузошта истодаанд, - изҳор дошт раиси Ҷамоат Маҳмуд Бобокалонзода.

Зикр кардан бамаврид аст, ки имрӯзҳо ҷиҳати омодагӣ ба зимистонгузаронӣ идораи роҳҳои автомобилгарди шаҳр 450 мукааб маводи зиддилағзиш ва 1,5 ҳазор литр сӯзишвории дизелӣ захира намудааст.

 Истамҷони НАҶМИДДИН,
Улуғбек ХУДОЙБЕРДИЕВ,
“Ҳақиқати Суғд”

Читать далее

Муаррифии фарҳанг ва таҳкими равобит

Бо шарофати Истиқлолияти давлатии Ҷумҳурии Тоҷикистон имрӯз кишварамон риштаҳои дӯстиву ҳамкориҳои судмандро бо аксар мамолики ҷаҳон пайвастаасту тавассути иқдомоти хирадмандонаи Асосгузори сулҳу ваҳдати миллӣ – Пешвои миллат, Президенти муаззамамон муҳтарам Эмомалӣ Раҳмон дар равзанаву амали сиёсати «Дарҳои кушод» равобити мутақобила рушду таҳким мепазирад.

Дӯстиву ҳамкориҳо ва муносибати иқтисодӣ дар самти фарҳангу иҷтимоиёт, саноату коммуникатсия байни Ҷумҳурии мо – Тоҷикистон ва Ҷумҳурии Мардумии Хитой самараҳои неку фараҳбахш ба бор оварда истодааст, ки хеле гувороянд.

Ҷумҳурии Мардумии Хитой, агар ба забони факту далелҳо ифода намоем, имрӯз ин ҳамсоядавлати мо дорои 60 миллион ҷойи кории шомили соҳаи сайёҳӣ мебошад, ки аз ин 70 фоиз ё 40 миллион ҷойи корӣ ба намуди сайёҳии дохилӣ рост меояд. Ё худ, сайёҳи Хитой Хои Чао, ки соли ҳафсаду бисту шаш ба Хуросон – Вароруд сафар доштааст, маълумот медиҳад, ки дар Хатлон пахта кошта, ток парвариш карда мешудааст. Аз ин маълумот ва факту далелҳо бармеояд, ки равуо, сайру сайёҳати мардуми ҳамсоядавлатамон - Ҷумҳурии Мардумии Хитой аз даврони қадим асос гирифта, имрӯз бо шаклу мазмуни нав, талаботи замони муосир тақвият мегирад.

Яке аз масъалаҳои муҳим, ки ҳамчун воситаи аёнии муаррифии фарҳанг ва тамаддун арзёбӣ гардида, шавқу рағбат ва таваҷҷуҳи бевоситаи ҷавонони кишвари моро ҷалб намудааст, ин омӯзиши пурраи забони хитоӣ дар донишкадаҳои Хитой таҳсили илму донишро муваффақона идома бахшида, чун мутахассисони талаботи ҷаҳонӣ шинохта шудан аст. Чорабинии пурмуҳтаво ва бузурге, ки дар Ҷумҳурии Мардумии Хитой бо номи «Як камарбанд – як роҳ» доир гардид ва дар ин ҳамоиши сатҳи ҷаҳонӣ Пешвои муаззами миллати мо муҳтарам Эмомалӣ Раҳмон иштирок намуданд, дар таъмини рушди устувору бемайлони иҷтимоию иқтисодии кишварҳо, муносибатҳои дӯстию ҳамкории кишварҳои шарики стратегӣ – Тоҷикистону Хитой, саҳми Тоҷикистону давлати ҳамсоя дар таҳкими ҳамкории минтақавӣ ба манфиати мардумони ду кишвар, инчунин дигар самтҳои равобити дуҷониба асос гузошта, мазмуну муҳтавои нав пайдо намудааст.

Тоҷикистону Хитой дар арсаи байналмилалӣ ҳамкории босамарро ба роҳ монда, аъзои ташкилотҳои бонуфузи олам, аз ҷумла Созмони Ҳамкории Шанхай мебошанд. Боиси ифтихори мо - мардуми соҳибистиқлоли Тоҷикистон мебошад, ки кишварамон яке аз давлатҳои фаъоли узви Созмони Ҳамкории Шанхай ва Президенти Ҷумҳурии Тоҷикистон муҳтарам Эмомалӣ Раҳмон яке аз роҳбарони ташаббускори ҳалли мушкилоти байналмилаливу минтақавӣ, инчунин саҳмгузори рушди муносибатҳои ҳамкорӣ байни кишварҳои аъзо ҳастанд.

Кишвари мо – Тоҷикистон ҷиҳати рушду тавсеаи бештари ҳамкории иқтисодию тиҷоратӣ дар доираи ташаббуси таърихии «Як камарбанд – як роҳ» ва эҳёи «Роҳи бузурги абрешим» ҳавасмандии зиёде зоҳир менамояд.

Маърифатхон Ғаниева,
донишҷӯи Донишгоҳи
давлатии Хуҷанд ба номи
академик Бобоҷон Ғафуров

Читать далее