November 2019

29 November 2019

Таджикистан. Заметки на полях Форума ОБСЕ в Варшаве, - С.Мирзорахматов

ПРАЗДНИК, КОТОРЫЙ... НЕ ВАШ!

(Заметки на полях Форума ОБСЕ в Варшаве)

Каждый год ребята из "Альянса" Кабири - мальчики бритые и не бритые, девочки с хиджабом и без - с нетерпением ждут праздника в Варшаве - Форум ОБСЕ по правам человека. Для них это самый любимый праздник.

Читать далее

Президенти Ҷумҳурии Тоҷикистон Эмомалӣ Раҳмон дар Вохӯрии дуюми машваратии сарони давлатҳои Осиёи Марказӣ иштирок намуданд

29 ноябр дар шаҳри Тошканди Ҷумҳурии Ӯзбекистон Асосгузори сулҳу ваҳдати миллӣ —  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Вохӯрии дуюми машваратии сарони давлатҳои Осиёи Марказӣ иштирок ва суханронӣ карданд.

Дар вохӯрӣ Президенти Ҷумҳурии Тоҷикистон муҳтарам Эмомалӣ Раҳмон, нахустин Президенти Ҷумҳурии Қазоқистон Нурсултон Назарбоев, Президенти Ҷумҳурии Қирғизистон Сооронбой Жээнбеков, Президенти Ҷумҳурии Ӯзбекистон Шавкат Мирзиёев ва Президенти Туркманистон Гурбангули Бердимуҳаммедов ширкат варзиданд.

Читать далее

Мулоқоти доираҳои тиҷоративу соҳибкории вилоятҳои Суғду Могилёв

27 ноябр ҳайати вилояти Суғд дар доираи сафари корӣ ба Ҷумҳурии Белорус дар шуъбаи могилёвии Палатаи савдо ва саноати Белорус бо доираиҳои тиҷоративу соҳибкории ин кишвар мулоқот намуд.

Дар ҷараёни мулоқот, ки бо ҳузури роҳбарияти вилоятҳои Суғду Могилёв ва Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод сурат гирифт, дурнамои ҳамкориҳо ва роҳҳои беҳтарсозии робитаҳои иқтисодиву тиҷоратӣ миёни ҷонибҳо баррасӣ гардид.

Читать далее

ИМТИҲОНИ ЗИНДАГӢ Ё ХУД НОКОМИИ РӮЗГОР

Бахшида ба «16 рӯзи алайҳи хушунат нисбати занон»

- Зодаи шаҳри Панҷакент ҳастаму бо амри тақдир сокини шаҳри Истаравшани бостониам. Дар ин ҷо соҳиби оила гардидам. Шукри беадад, Худованд бароям писарчаеро ато фармуд, ки боис шодмонӣ ва тасаллои қалби ғамолудаам гашт. Шунида будам, ки ба ҷанҷоли зану шавҳар остонаи дар механдад, аз ин боис ба нозу хостаҳои шавҳари бадхашмам тоқат мекардам. Маро омӯзонида буданд, ки ба ҳама вазнинии ҳаёт сабр намоям, аммо дар баъзе маврид таҳаммул кардан бароям даст намедод, - гуфт Бароатхон.

 Вақте бори аввал бо ин зан рӯ ба рӯ нишастам, гумон кардам, ки синну солаш аз панҷоҳ гузаштааст, зеро оҷангҳои рӯю абрувони хамида ва дастони дар меҳнати вазнин осебдидааш аз заҳмати сангин дарак медод. Чашмонаш пур аз дарду ҳасрат гӯё имдод меҷустанду аз ночориву хастагӣ ба ҳар тараф менигаристанд. Дар тан либоси одии тоҷикона, дар сар рӯймоли обшуста ва дар пой пойафзоли нав дошт. Самимона сӯям нигарист, гӯё ман ба ӯ неву ӯ бароям суол дошта бошад…

- Тақдири инсон басо аҷиб будааст, гаҳе ба само мебараду гаҳе ба замин мезанад, гӯё инсон худ барои имтиҳон офарида шуда бошад. Банда низ дар зиндагӣ бо рангорангии зиёде дучор омадаам, вале бештар «ранги хокистарӣ» маро думболагир буд. Рашки шавҳар дар ҳаёт маро бо азоби зиёде рӯ ба рӯ кард. Хостам аз хушдоман паноҳ ҷӯям, вале ӯ низ ба амалҳои фарзандаш чашм мепӯшид. «Зан бояд ба ҳама сахтиҳо тоб овараду аз гуфтаи шавҳар набояд қадаме гузорад» - мегуфт ҳар дам хушдоманам. Азбаски ҷавон будаму дар даст кӯдаки ширхора доштам, сабр кардам, зеро гуфтаанд «Поёни шаби сияҳ сафед аст», - мегӯяд Бароатхон.  

Ин зан ба хотири фарзанд рашки ноҷояи шавҳарро нодида мегирифт, то зиндагиашро бо талхӣ наомезад. Рӯзона кӯдак дар бағал ба саҳро мерафту меҳнат мекард, бегоҳ бо кору бори хона машғул мешуд ва шабона ба ҷои хобби орому истироҳат кардан, то субҳ аз шавҳар дашном мешунид.  

- Худованд бори дуввум бароям писарчаеро насиб гардонд ва гумон кардам, ки меҳри фарзанди дуввум шавҳарро дигаргун месозаду рашкаш кам мешавад, вале хато кардам. Акнун шавҳарам дубора рашк мекард, гӯё ба саҳро ба хотири хушҳолӣ кардан бо атрофиён мерафта бошам. Худ қазоват кунед, магар зане, ки соҳиби ду фарзанд асту бар замми ин шавҳари бадрашк дорад, метавонад бо дигарон хушҳолӣ бикунад?  - ашкрезон дарди дил кард Бароатхон.  

Баробари рашк кардан акнун шавҳар даст боло кард. Ӯ ҳамсарашро ончунон зери лагад мегирифт, ки нагуфтанӣ буд. Боварии шахс намеояд, ки мард метавонад ба ҷисми зани худ, ба он нафаре, ки фарзандонашро рӯи олам овардааст чунин амалҳои зиштро раво бинад? Охир мардон лоақал бояд занони худро ба хотири фарзандон эҳтиёт бикунанд. Таҳаммулпазирии Бароат ба хотири фарзандон буд, зеро намехост, ки тифлаконаш аз меҳри падарӣ дар канор монанду ба хотири номуросогии зану шавҳар ба қалбашон осебе расад.

- Агар ман аз он занони зебосанам мебудам, шояд рашки шавҳарро баҷо меҳисобидам, вале ин тавр нест. Бе пурсиши ӯ чизи нав ба бар намекардаму рӯймолам аз сарам дур намешуд. Ниҳоят кор то дараҷае расид, ки ду кӯдакамро гирифта, аз ҳавлии ғамзада ғайб задам. Гумон кардам, ки бе ӯ аз пайи ду кӯдакам гардида, зиндагиамро пеш мебарам. Вале, куҷое пинҳон шавам ӯ аз паям равон мешуд. Дубора ба ҳавлии бароям наҳс ба хотири фарзандонам баргаштам. Гумон кардам, ки аз карда пушаймон асту ислоҳ ёфтааст, вале хато кардам...

Боиси таассуф аст, ки аксар мардон имрӯз онро сарфи назар мекунанд, ки паси ҳар оилаи вайроншуда тақдири кӯдак меистад. Вақте оила пароканда мешавад кӣ фарзандони онҳоро тарбия мекунад? Албатта, кӯчаву хиёбонҳои сарду холӣ ва шахсони аз тарбия дурмондаву дарси одаму одамигарро наомӯхта, боз кӣ мебуд…

-Зиндагӣ нисбат ба ман бевафо аст, зеро ягона муттакои қалбам, хоҳари азизам, ки ҳамроҳам дар ҳама рӯзҳои сахтам буд аз ин дунё рафт. Марги бармаҳали ӯ боиси зиндаятим гаштани ягона духтаракаш буд. Аҳли хонаводаи шавҳараш аз духтари ноболиғи хоҳаракам даст кашид. Ба ӯ менигаристаму қалбам пора мегардид, зеро ончунон ба хоҳаракам монандӣ дошт, ки гӯё наздам духтараш неву худаш бошад. Ба вазнинии тақдир нигоҳ накарда, ӯро ҳамчун духтари худ қабул кардам, - Бароатхон нақлашро ба охир нарасонида, сарашро хам кард, гӯё гуноҳи азиме карда бошад.

Акнун бар зиммаи ӯ тарбияи ҷиянаш низ вогузошта шуда буд. Аз ин рафтори завҷааш шавҳар норозӣ шуд. Магар илоҷи дигаре буд? Ӯ роҳи баромадан аз ин вартаро намедонист. Вақте косаи сабри инсон лабрез мешавад ӯ роҳи гурезро пеш мегирад, зеро то кай зери мушти шавҳар хомӯш бояд истад. То ба кай саломатии худро аз бераҳмии шавҳар аз даст медиҳад. Ин даъфа шавҳари Бароат ба ҳайвони ваҳшӣ монандӣ дошт, зеро завҷаи худро то дараҷае зери мушту лагад гирифт, ки дастонаш шикастанду ранги танаш дигаргун гашт.  

- Вақте дастонамро шикаст, докапеч кардам, хостам ба беморхона равам, вале ӯ роҳ надод. Агар ба беморхона равӣ, фарзандонатро дигар намебинӣ, - гӯён таҳдид кард. Чанд муддат бо дарди тоқатнофарсои дастам  худмуолиҷа кардам. Интизори шифо ёфтан будам. Вале ба дастонам нигоҳ карда лоақал аз мушт боло кардан ором нагардид. Маънии рафторашро намефаҳмидам, охир нисбат ба ӯ меҳрам зиёд буд, вале рафтори ноодамонааш қалбамро шикаст, гумон мекунам, ки дубора бахшидан кори хато будааст, - гуфту дастони шикаставу каҷгаштаашро бароям нишон дод.

Аз нақли ин зан чунин хулосабарорӣ кардан мумкин аст, ки шавҳараш ақлан бемор аст, зеро боварии кас намеояд, ки инсони солим то дараҷае дар худ андешаҳои ҳайвони ваҳширо парварида бошад? Дигар тоқати Бароат тоқ гашт, ӯ се кӯдакро гирифту сӯи зодгоҳ, яъне ба шаҳри Панҷакент шитофт. Дар он ҷо падару модар, хешону пайвандон ва додараш умр ба сар мебурданд. Ба хотири аз шавҳар раҳоӣ ёфтан, ӯ роҳи гурезро пеш гирифт.

- Вақте ба зодгоҳам баргаштам аз фавти нобаҳангоми падару модар огоҳ ёфтам. Тасаллобахшандаи қалби ману фарзандонам ин ҳаётро падруд гуфтанд. Охир чаро ин қадар тақдир нисбат ба ман бераҳм аст? - дигар аз Бароат садое набаромад, зеро ӯ мисли кӯдаки хурдсол беист мегирист. 

Падару модарро ба хонаи охират гуселонду худ дар ҳавлии онҳо маскан гирифт. Илоҷе карду ҷойи корӣ ёфт, фарзандонашро ба мактаб ҷобаҷо кард. Гумон кард, ки акнун метавонад оромона умр ба сар барад. Метавонад, ормонҳои дар қалбаш маҳфузмондаро амалӣ созад ва барои хушбахтии минбаъдаи фарзандонаш зиндагиро идома диҳад.  

- Бегоҳ, вақте аз кор бармегаштам, фарзандонам сӯям мешитофтанду мегиристанд, - модарҷон аз ин ҷо равем, - илтиҷо мекарданд онҳо, вале сабабшро нагуфтанд. Дертар фаҳмидам, ки зани додарам ба онҳо, ҳатто бурдаи нон намедодааст. Дар ин бобат бо додарам Аскар ҳамсӯҳбат гардидам, вале ӯ ба суханонам бовар накард. Рӯз ба рӯз муносибати мо сард мешуд ва ҳолат то ҷое расид, ки додарам маро бо се фарзандам аз ҳавлии падариам ронд. Куҷо рафтанро намедонистам, ночор боз ба шаҳри Истаравшан баргаштам…

Шавҳари Бароат аллакай зани дуввумро ба хона оварда буд ва бо ӯ қонунӣ ҷудо гашт. Шояд қалби зан он вақт ба дард даромад, зеро хуб медонист, ки ҳаёти боз як зани бегуноҳ шикаст хоҳад ёфт. Дар ҳақиқат ҳамин тавр ҳам шуд, зеро миш – мишҳои мардум то ба гӯши Бароат расонд, ки имрӯз ӯ ба ҳавлии худ арӯси чорумро овардааст…

Хурсандона акнун шавҳараш ба ӯ кордор нашуд ва Бароатхон бо меҳнати ҳалоли худ кӯдаконашро ба воя расонида истодааст. Фарзанди калониаш барои таҳсили илм ба Федератсияи Русия рафтаасту баробари таҳсил меҳнат карда, ба модар маблағ мефиристад. Духтари хоҳаракаш бо дӯзандагӣ машғул асту писари дуввумаш дар мактаби миёна таҳсил дорад. Гузашти моҳу сол инсонро ақлан бузургтар месозаду ҷисман заиф мегардонад.  

- Ягона масъалае, ки маро имрӯз ба ташвиш андохтааст ин набудани манзили истиқоматиам аст. Дар ҳавлии истиқоматии як нафар инсони гамхор умр ба сар бурда истодаем. Ростӣ, аз мо маблағи иҷораро намегирад, вале то кай дар ҳавлии шахси бегона умр ба сар мебурда бошам? Бар замми ин дасте, ки солҳои пеш шавҳарам шикаста буд, маро хеле азият медиҳад. Бо ин даст тамоман кор карда наметавонам. Вақте ба духтур муроҷиат кардам гуфтанд, ки бояд ҷарроҳӣ кард, вале барои он маблағи зиёде лозим аст, - ин суолҳо Бароати азияткашидаро ба ташвиш андохтааст.

Имрӯз ӯ аз имтиҳони сангини зиндагӣ халос гардидааст. Гумон мекунем, ки мушкилоти Бароатро сохторҳои дахлдор ба пуррагӣ омӯхта, барои гирифтани манзили истиқоматӣ ва табобати дастонаш кӯмак мерасонанд. Барои Бароати мубориз дар зиндагии минбаъдааш рӯзи равшану хотири ҷамъ ва тани солимро таманно дорем.

Шаҳбонуи СИДДИҚ,
«Ҳақиқати Суғд» 

Читать далее

Хавфи бемории ҳорӣ аз ҳайвонҳои бесоҳиб

- Вақте бегоҳ роҳ сӯи хона гирифтам, саге сари роҳ меистод. Ба ӯ аҳамияте надодам. Якбора саг сӯям давид. Хостам, аз саг худро дур кунам, вале дандонаш ба поям расид. Ростӣ намедонистам, ки соҳиби саг кӣ аст ва ноилоҷ сагро бо худ гирифтам. Сониян, ба нуқтаи шикастабандӣ шитофтам. Барои ба беморӣ гирифтор нашудан ба маблағи 110 сомонӣ сӯзандору гирифтам. Мебоист масъулини идораи бойторӣ ҳолати сагро санҷиш кунанд, вале давоми се рӯз аз онҳо хабаре набуд, - гуфт сокини шаҳри Хуҷанд А.Раҳимов.

Давоми нӯҳ моҳи соли 2019 дар миқёси вилоят захмдоршавии шаҳрвандон аз газидани ҳайвонот 3488 ҳодиса ба қайд гирифта шудааст, ки нисбат ба ҳамин даври соли сипаришуда 239 ҳодиса зиёд аст. Таҳлилҳо нишон медиҳанд, ки дар ноҳияҳои Айнӣ, Зафаробод, Спитамен, Мастчоҳ, Шаҳристон ва шаҳрҳои Панҷакент, Гулистон, Конибодому Хуҷанд ҳодисаҳои зарар дидани аҳолӣ аз газидани ҳайвонҳо зиёд ба қайд гирифта шудааст.

Вақтҳои охир дар кӯчаву хиёбонҳои шаҳри Хуҷанд низ шумораи зиёди сагҳоро метавон дид, ки бо аккоси худ оромии атрофиёнро халалдор месозанд. - Дар торикии шаб гурӯҳи сагон дар кӯча зиёд шудааст. Соати яки шаб бароям доруворӣ зарур шуд. Ба дорухонаи наздик рафтан мехостам, аммо овози сагҳои дайду маро аз роҳам боздошт. Ноилоҷ субҳро интизор шудам, - мегӯяд сокини маҳаллаи Бофанда Марҳабо. Доир ба масъалаи мазкур муовини сардухтури Маркази назорати давлатии санитарию эпидемиологии вилоят Маҷнун Орифов иброз дошт, ки вазъияти баамаломада аз ҷониби сокинон риоя накардани қоидаҳои нигоҳдории ҳайвонҳои хонагӣ, зиёдшавии теъдоди сагу гурбаҳои дайду ва бесоҳиб, фаъолияти номукаммали муассисаҳои махсуси доштану безараркунии ҳайвонҳои бесоҳиб ва дар сатҳи зарурӣ қарор надоштани корҳо оид ба ташкили барӯйхатгирӣ, қайд, шиносномадиҳӣ ва эмкунии ҳайвонҳои хонагӣ ва хоҷагии деҳот мебошад.

- Давоми нӯҳ моҳи соли 2019 дар ҳудуди вилоят ду ҳодисаи бемории ҳорӣ дар ноҳияҳои Ҷаббор Расулов ва Мастчоҳ ба қайд гирифта шудааст. Ҷароҳатбардории аҳолии вилоят аз ҳайвонҳои гуногун зиёд гардида, айни ҳол барои сари вақт гузаронидани чораҳои зиддиэпидемикӣ баҳри пешгирии бемориҳои сироятии эпизоотӣ дастгир ва безарар кардани сагу гурбаҳои дайду ва дигар ҳайвонҳои бесоҳиб масъулини дахлдор аз ҷониби Мақомоти иҷроияи ҳокимияти давлатии вилоят вазифадор карда шудаанд, - афзуд номбурда. Масъалаи дигаре, ки имрӯз боиси нигаронии сокинон гардидааст, ин гарон будани нархи сӯзандору мебошад.

 Яке ба маблағи 99 сомонӣ ва дигаре ба маблағи 110 сомонӣ як сӯзандоруро мехаранд. Бар замми ин агар саг бесоҳиб бошад, миқдори харидани доруворӣ зиёд мегардад. - Барои нафароне, ки дар қайди давлат ҳамчун эҳтиёҷманд ва камбизоат мебошанд, доруворӣ ройгон аст, - гуфт Маҷнун Орифов. Ҷонишини сардухтури беморхонаи касалиҳои сироятӣ оид ба корҳои муолиҷавӣ Р.Бӯрибоев доир ба оқибат ва нишонаи бемории ҳорӣ гуфт, ки ҳар инсоне, ки саг ва ё дигар ҳайвон газидааст, бояд зуд ба духтур муроҷиат карда, сари вақт сӯзандоруро гирифта, дорувории тавсияшударо низ истеъмол кунад.

- Агар шахсро саги бемории ҳоридошта газида бошад, бояд ба мо муроҷиат кунад. Нишонаҳои бемории ҳорӣ, пеш аз ҳама, обтарсӣ, яъне бемор аз об метарсад ва онро наменӯшад, пайдо шудани тасфи баланди бадан, шамолтарсӣ, ҳатто, аз равшанӣ метарсаду баробари ба равшанӣ баромадан нафасгириаш тез мешавад. Бояд қайд кард, ки бемории ҳорӣ асосан бо луоби даҳони саги бемор ба инсон мегузарад ва пайдошавии беморӣ аз ҷойи газида вобаста аст. Агар ҷойи газидаи саг аз системаи марказии асаб дур бошад, ҳамон қадар давраи гузариш тӯл мекашад, табобат то 6 моҳ идома ёфтанаш мумкин аст.

Давоми нӯҳ моҳи соли равон ба беморхонаи мо танҳо як ҳолат аз ноҳияи Айнӣ муроҷиат карда буданд, ки дар ӯ тамоми нишонаҳои бемории ҳорӣ мавҷуд буд ва ӯ дар муддати се рӯз фавтид. Агар нафаре, ки аз саг ва дигар ҳайвонҳо осеб дидааст зуд ба духтур муроҷиат намояд, оқибатҳои ногувори онро пешгирӣ кардан мумкин аст, - иброз дошт Р.Бӯрибоев.

Мутаассифона, вақтҳои охир дар кӯчаву гузаргоҳҳо сагони зиёдеро дидан мумкин аст, ки ба сокинон халал эҷод мекунанд. Масъулинро мебояд, баҳри бартараф кардани оқибатҳои нохуш чораҳои зарурӣ андешанд. Баробари ин нафароне, ки дар хонаҳои худ ҳайвонҳоро нигоҳ медоранд, бояд сари вақт онҳоро аз ташхис гузаронанд, то ҳаёти одамони гирду атрофро зери хатар нагузоранд.

Шаҳбону ОЛИМОВА,
«Ҳақиқати Суғд»

Читать далее

Ҳадаф: РУШДИ ИМКОНИЯТҲОИ САЙЁҲӢ

Дар шаҳри Гулистон конфронси минтақавӣ дар мавзӯи “Рушди имкониятҳои сайёҳӣ ва баланд бардоштани сатҳи хизматрасонӣ” баргузор гардид.

Конфронс ба сесолаи “Солҳои рушди деҳот, сайёҳӣ ва ҳунарҳои мардумӣ” ва ҷиҳати татбиқи самараноки “Барномаи рушди сайёҳӣ дар Ҷумҳурии Тоҷикистон барои солҳои 2018-2020” бахшида шуда, бо ташаббуси Кумитаи рушди сайёҳӣ дар якҷоягӣ бо Мақомоти иҷроияи ҳокимияти давлатии вилоят ва шаҳри Гулистон баргузор гардид.

 Чорабиниро муовини раиси шаҳри Гулистон Ғайрат Оқилзода ифтитоҳ намуд. Сипас намояндаи Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода баромад карда, таъкид дошт, ки дар бозори хизматрасонии сайёҳӣ Тоҷикистон бо назардошти обҳои шифобахшу шаффоф, иншооти санаторию осоишгоҳҳо, мавзеъҳои таърихиву фарҳангӣ метавонад, ба сайёҳон маҳсулоти сайёҳиеро пешниҳод намояд, ки дар он рақобат вуҷуд надорад. Танҳо зарур аст, ки хизматрасонӣ ба сифати баланд ва арзиши дастрас ба сайёҳон пешниҳод гардад.

- Баҳри рушди соҳаи мазкур ташкили ширкатҳову инфрасохторҳои сайёҳӣ ва будубоши сайёҳони хориҷӣ, тибқи қарори Ҳукумати Ҷумҳурии Тоҷикистон, барои бунёди онҳо воридоти таҷҳизоти техникӣ, масолеҳи сохтмонӣ пурра аз андози арзиши иловашуда ва боҷи гумрукӣ озод карда шудааст, ки ин ҳавасмандии аҳолиро барои бунёди иншооти нав зиёд намуд, - зикр дошт Ҳ.Амирбекзода.

Ҳамчунин, мудири бахши рушди сайёҳии Мақомоти иҷроияи ҳокимияти давлатии вилоят Абдумаҷид Раҳимов дар мавзӯи “Имкониятҳои рушди сайёҳии самараноки фаъолияти сайёҳӣ дар вилоят”, намояндаи мақомоти маҳаллии шаҳр Маҳбуба Шодизода дар мавзӯи “Имконоти мусоиди ҷалби сармоягузорӣ ба рушди иқтисодиёт, аз ҷумла рушди инфрасохтори соҳаи сайёҳӣ дар шаҳри Гулистон”, директори ташкилоти ҷамъиятии Ассотсиатсияи сайёҳии Зарафшон Ҷамшед Юсупов, намояндаи осоишгоҳи “Баҳористон” Муродҷон Нарзиев, масъули бахши сайёҳии шаҳр Наргис Ӯрунова, устоди Донишгоҳи давлатии Хуҷанд ба номи академик Бобоҷон Ғафуров Раъно Сиддиқова оид ба мавзӯъҳои марбути соҳа маърӯза намуданд.

Ҳангоми муҳокимаронӣ пешниҳод гардид, ки бо назардошти имконоти мавҷуда мақомоти маҳаллиро зарур аст, то фаъолияти самараноки марказҳои хизматрасонии сайёҳиро мавриди таваҷҷуҳ қарор дода, маводи таблиғотиву иттилоотӣ бо забонҳои гуногуни хориҷӣ таълиф ва тариқи сомонаву фиттаҳо ташвиқ шавад. Таъкид гардид, ки мунтазам гузаронидани корҳои маркетингӣ ва пурсиши муштариён барои гирифтани иттилоот оид ба сатҳи хизматрасонӣ ва мавзеи истироҳат муҳим буда, дар самти беҳтар намудани муносибат оид ба хизматрасонии хушсифат басо зарур аст.

Дар чорабинӣ роҳбарону масъулини мақомоти маҳаллӣ, ширкатҳою сохторҳои марбутаи сайёҳӣ, осоишгоҳҳо, соҳибкорони маҳаллӣ ва ҳунармандон ширкат доштанд.

Маъмурахон САМАДОВА,
“Ҳақиқати Суғд”

Читать далее

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев мулоқот карданд

28 ноябр дар шаҳри Тошканд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Вохӯрии дуюми машваратии сарони давлатҳои Осиёи Марказӣ бо Президенти Ҷумҳурии Ӯзбекистон муҳтарам Шавкат Мирзиёев мулоқот карданд.

Дар ҷараёни мулоқот маҷмуи васеи масоили ҳамкории ду кишвар мавриди муҳокима қарор дода шуд.

Ҷонибҳо вазъ ва дурнамои равобити ҳамкориро дар соҳаҳои барои ҳарду ҷониб судманди тиҷорату иқтисод, нақлиёт, фарҳангию гуманитарӣ ва маориф баррасӣ намуданд.

Читать далее

Сафари кории Президенти Ҷумҳурии Тоҷикистон Эмомалӣ Раҳмон ба шаҳри Тошканди Ҷумҳурии Ӯзбекистон

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Вохӯрии дуюми машваратии сарони давлатҳои Осиёи Марказӣ аз шаҳри Бишкеки Ҷумҳурии Қирғизистон ба шаҳри Тошканди Ҷумҳурии Ӯзбекистон сафар карданд.

Дар ин сафар Президенти Ҷумҳурии Тоҷикистон Эмомалӣ Раҳмонро муовини Сарвазири Ҷумҳурии Тоҷикистон, вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд.

Читать далее

Президенти Ҷумҳурии Тоҷикистон Эмомалӣ Раҳмон дар иҷлоси навбатии Шӯрои амнияти дастаҷамъии Созмони Аҳдномаи амнияти дастаҷамъӣ иштирок намуданд

28 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бишкеки Ҷумҳурии Қирғизистон дар иҷлоси навбатии Шӯрои амнияти дастаҷамъии Созмони Аҳдномаи амнияти дастаҷамъӣ иштирок ва суханронӣ карданд.

Дар кори иҷлос Президенти Ҷумҳурии Тоҷикистон муҳтарам Эмомалӣ Раҳмон, Сарвазири Ҷумҳурии Арманистон Никол Пашинян, Президенти Ҷумҳурии Беларус Александр Лукашенко, Президенти Ҷумҳурии Қазоқистон Қосим Жомарт Токаев, Президенти Ҷумҳурии Қирғизистон Сооронбой Жеенбеков ва Президенти Федератсияи Россия Владимир Путин иштирок карданд.

Читать далее

28 November 2019

Вилояти Суғди Ҷумҳурии Тоҷикистон ва вилояти Могилёви Ҷумҳурии Белорус ҳамкориҳоро тақвият мебахшанд

27 ноябри соли 2019 Раиси вилояти Суғд Раҷаббой Аҳмадзода дар доираи сафари корӣ ба Ҷумҳурии Белорус аз вилояти Минск ба вилояти Могилёв ташриф овард.

Раҷаббой Аҳмадзода ва ҳайати ҳамроҳонашро муовини раиси Кумитаи иҷроияи вилояти Могилёв Валерий Малашко ва дигар шахсони расмӣ истиқбол гирифтанд.

Читать далее