December 2019

31 December 2019

Паёми шодбошии Президенти Ҷумҳурии Тоҷикистон ба муносибати фарорасии Соли нави мелодии 2020

Душанбе, 31.12.2019

Ҳамватанони азиз!

Ҳоло, ки мо дар остонаи соли нави мелодии 2020 қарор дорем, бо истифода аз фурсат кулли мардуми Тоҷикистон ва ҳамватанони бурунмарзиамонро ба ин муносибат табрик гуфта, ба ҳар фарди Ватани азизамон саломатӣ, умри бобаракат, саодату комёбӣ ва ба кишварамон пешрафту ободии бештар ва суботу оромии ҷовидона орзумандам.

Соли 2019 дар таърихи навини мардуми тоҷик ҳамчун соли дастовардҳои арзишманд сабт мегардад. Дар ин сол бо азму талоши сокинони мамлакат иқдому ташаббусҳои созанда вусъати бесобиқа касб карда, мардуми сарбаланди мо ба хотири боз ҳам ободу зебо гардонидани Ватани биҳиштосои худ сарҷамъу аҳлона ва беш аз ҳар вақти дигар заҳмат кашиданд.

Читать далее

Раиси вилоят Раҷаббой Аҳмадзода собиқадорони меҳнатро аёдат намуд

Дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомал Раҳмон имрӯз Раиси вилояти Суғд Раҷаббой Аҳмадзода дар шаҳри Хуҷанд чанде аз собиқадорони меҳнатро аёдат намуд.

Раиси вилоят аз ҷумла аз ҳоли Хосият Зокирова, Зубайра Файзуллина, Галина Поддубная ва Ҳусен Файёзов хабар гирифта, ба собиқадорон туҳфаҳои идона тақдим намуд ва онҳоро бо фарорасии Соли нави мелодӣ таҳният гуфт.

Читать далее

Паёми табрикии Раиси вилоят Раҷаббой Аҳмадзода бахшида ба Соли нави мелодии 2020

Ҳамдиёрони азиз!

Кулли сокинони вилояти Суғди бостониро бо фарорасии Соли нави мелодии 2020-ум шодбош гуфта, ба ҳамагон тансиҳатӣ, хотирҷамъӣ ва барори кору муваффақиятҳо таманно дорам.

Дар саҳифаҳои пурҷилои таърихи давлатдории навини халқи тоҷик соли 2019 бо музаффариятҳои беназир ва комёбиву пешравиҳои назаррас хотирмон боқӣ мемонад. Зеро дар ин сол таҳти сарварии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистони соҳибистиқлол ба нишондиҳандаҳои беҳтарин мушарраф гардид.

Читать далее

Раиси вилоят Раҷаббой Аҳмадзода аз ҳоли Аниса Насимзода хабар гирифт

Раиси вилояти Суғд Раҷаббой Аҳмадзода дар арафаи соли нави мелодӣ аз ҳоли сокини шаҳри Бӯстон Аниса Насимзода хабар гирифта, ӯ ва аҳли оилаашро бахшида ба соли нави мелодӣ табрик кард.

Раиси вилоят дар суҳбат бо Аниса Насимзода, ки моҳи августи соли равон бар асари як ҳодисаи нохуш зери қатора монда буд, таъкид кард, ки руҳафтода нагардида ба омӯзиши илму дониш машғул шавад.

Читать далее

Суҳбати телефонии Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Сооронбой Жээнбеков

Дирӯз ҳамчунин суҳбати телефонии Асосгузори сулҳу ваҳдати миллӣ,  Пешвои миллат,  Президенти  Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қирғизистон Сооронбой Жээнбеков доир гардид.

Сарони давлатҳо якдигарро бо фарорасии Соли нав табрик гуфта, ба унвони мардумони ҳарду давлат табодули таманниёти нек намуданд.

Читать далее

Суҳбати телефонии Президенти Ҷумҳурии Тоҷикистон Эмомалӣ Раҳмон бо Президенти Ҷумҳурияти Ӯзбекистон Шавкат Мирзиёев

Нимаи дуюми дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурияти Ӯзбекистон Шавкат Мирзиёев суҳбати телефонӣ анҷом доданд.

Зимни суҳбат сарони ду давлат дар фазои дӯстона якдигарро бо фарорасии Соли нав самимона табрик ва ба мардуми бародари тоҷику ӯзбек   бурдборӣ, сулҳ ва шукуфоӣ  орзу намуданд.

Читать далее

Боздиди Раиси вилоят Раҷаббой Аҳмадзода аз қисмҳои ҳарбии 01972 ва 051056

29 декабр Раиси вилояти Суғд Раҷаббой Аҳмадзода аз қисмҳои ҳарбии 01972 ва 051056 боздид намуда, афсарону сарбозони қисмҳои низомиро бахшида ба соли нави мелодӣ табрик намуд.

Зимни суҳбатҳо бо афсарону сарбозон Раиси вилоят таъкид намуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таҳкими иқтидори мудофиавӣ, таъминоти моддиву техникии қисмҳои низомӣ, фароҳам овардани шароити мусоид барои хизмати афсарону сарбозон пайваста кўшишу ғамхорӣ менамоянд.

Читать далее

Мулоқоти Раиси вилоят Раҷаббой Аҳмадзода бо собиқадорони меҳнат

28 декабр Раиси вилояти Суғд Раҷаббой Аҳмадзода дар толори меҳмонхонаи “Суғдиён”-и маркази вилоят бо собиқадорони меҳнат мулоқот намуд.

Зимни мулоқот Раиси вилоят аз таваҷҷуҳи доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати собиқадорони меҳнат ёдовар шуда, иброз дошт, ки меҳнатҳои фидокоронаи собиқадорони соҳаҳои гуногуни хоҷагии халқ доимо аз тарафи давлату Ҳукумат қадр карда мешавад.

Читать далее

30 December 2019

Маҷлиси навбатии Ҳукумати Ҷумҳурии Тоҷикистон баргузор гардид

30 декабр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар маҷлиси Ҳукумати мамлакат нахуст Нақшаи кори Ҳукумати Ҷумҳурии Тоҷикистон дар шашмоҳаи якуми соли 2020 мавриди баррасӣ қарор дода шуд.

Читать далее

Дар ярмарка-фурӯши маҳсулоти кишоварзӣ 136 тонна маҳсулоти гуногун пешниҳоди сокинон гардонида шуд

Бо ибтикори Мақомоти иҷроияи ҳокимияти давлатии вилояти Суғд рӯзи 28 декабр дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ баргузор карда шуд.

Раиси вилояти Суғд Раҷаббой Аҳмадзода 28 декабр ҷараёни баргузории ярмарка-фурӯши маҳсулоти кишоварзӣ дар шаҳри Хуҷандро мавриди таваҷҷуҳ қарор дода, таъкид кард, ки иқдоми мазкур дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ гардида, ҳадаф аз ташкили ярмарка пешниҳоди маводи ниёзи аввалия бо нархҳои нисбатан арзон мебошад.

Читать далее