06 January 2020

Машварати кории Раиси вилоят Раҷаббой Аҳмадзода

6 январи соли 2020 дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварати корӣ рафти омодагиҳо ба ҷашнҳои 5500 - солагии Саразми бостонӣ, 700 - солагии шоири номдори тоҷик Камоли Хуҷандӣ, Иди байналмилалии Наврӯз ва Рӯзи Ваҳдати миллӣ  мавриди баррасӣ қарор гирифт.

Читать далее

Чароғи нурбахши фардои дурахшон

Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар замоне сурат гирифт, ки мардуми тоҷик дар остонаи соле қарор доранд, ки он соли таърихӣ дар сарнавишти мардум маҳсуб мешавад.

Зеро соли 2020 чандин воқеаҳоро дар худ таҷассум хоҳад кард, ки онҳо марҳалаи наверо дар ҳамаи самтҳои зиндагии мардум оғоз хоҳад бахшид. Соли 2020, қабл аз ҳама, дар мавриди такмили худшиносии миллии тоҷикон арзишманд мешавад. Аз ҷумла, ҷашни 5500 - солагии Саразми бостон, 700 - солагии шоири тавонои тоҷик Шайх Камоли Хуҷандӣ чорабиниҳои меҳварии ин сол маҳсуб мешавад. Ин буд, ки дар Паёми навбатӣ дар баробари дигар масъалаҳо Пешвои миллат ба масоили худшиносии миллӣ, ватандориву мардумпарварӣ, омӯзиши донишу баланд кардани маърифати ҷомеа, умуман беҳдошти маънавияти мардум таваҷҷуҳ намуда, дастуру супоришот ва пешниҳодҳои воқеан судмандро ироа карданд.

Ба ибораи дигар, Пешвои миллат марҳалаи тозаи худсозиву бунёдкорӣ, худшиносиву худогоҳӣ, такмили муносибатҳои гуманистонаи инсонҳо, муносибати тоза ба таърих, илм, дониш ва китобро оғоз бахшиданд. Пешвои миллат ҷомеаро ба сӯи маърифати баланд, дониши амиқ, ки маҳз бо он метавонад, инсони муосир ба ҳадафҳои олии худ расад, раҳнамоӣ менамоянд.

Дар ин маврид Пешвои миллат ба соҳаҳои илм, маориф ва фарҳанг таваҷҷуҳ намуда, ояндаи ободи кишвар ва орому осудагии онро аз муносибати масъулон ва мутахассисони он нисбат ба рисолати касбиашон марбут донистанд. Ҷомеаи имрӯза, аз назари Пешвои миллат, ниёзманди маърифати баланд ва маънавияти ғанӣ маҳсуб меёбад. Агар, аз як ҷониб, илму маориф ва фарҳанг дар таҳкими пояҳои давлати демократӣ ва ҳуқуқбунёду дунявӣ нақши калидӣ дошта бошад, аз ҷониби дигар, он ба ояндаи обод ва саодати комил раҳнамоӣ менамояд.

Танҳо сарф кардани 500 миллион сомонӣ барои бунёди 130 муассисаи таҳсилоти умумӣ бо зиёда аз 32 ҳазор ҷойи нишаст ин ифодагари ғамхории воқеии давлату Ҳукумат нисбат ба маориф ва баланд бардоштани сатҳи таълиму тарбия дар ҷомеаи муосири мамлакат мебошад. Гузашта аз ин, дар Паёми Пешвои миллат муҳтарам Эмомалӣ Раҳмон қайд шуд, ки “То ҷашни 30 — солагии Истиқлолияти давлатӣ 128 муассисаи томактабӣ ва 338 муассисаи таҳсилоти умумӣ бунёд гардида, дар маҷмӯъ, 1332 муассисаи таълимӣ ва томактабӣ тармиму таҷдид карда мешавад”. Ин пайғоми Сарвари давлат водор мекунад, ки дар самти баланд бардоштани сатҳу сифати таълим ҳар як нафар корманди соҳа роҳҳои нави замонавӣ ва усулҳои тозаи тадрисро роҳандозӣ намояд ва дастуроти мазкурро амалӣ созад.

Таваҷҷуҳи Пешвои миллат муҳтарам Эмомалӣ Раҳмон ба китоб, ки сарчашмаи саодати инсон аст, ҷомеаро ҳушдор медиҳад, ки мо миллати китобхон ва китобнавис ҳастем. Шояд камтар миллате дар рӯи ҷаҳон бошад, ки ин қадар дороиҳои маънавии беназир дошта бошаду ҳамзамон онҳо дар саҳфаҳои китобҳо насб гашта. Шубҳае нест, ки китобҳо ҳамчун хазинаи маънавият ва маърифат на танҳо ифодагари таърихи пешин, балки дорои афкору андешаҳо ва ҳикматҳои ҷовидонае ҳастанд, ки имрӯз низ моро ба роҳи рост ва бунёдкорӣ раҳнамун месозанд. Баргузории озмуни ҷумҳуриявии “Фурӯғи субҳи доноӣ...” намунаи олии таваҷҷуҳи Пешвои миллат ба маънавияти ҷомеа маҳсуб мешавад. Ин озмун бемуҳобот марҳалаи наверо дар худшиносии миллии ҷомеа оғоз бахшид ва он самараи хешро баъди чанд сол бештар ошкор хоҳад кард. Ҳадяи китоби “Тоҷикон” - и Бобоҷон Ғафуров ба ҳар як оила рамзи эҳтиром ба миллат, фарзандони фарзонаи миллат ва ҳар як нафар шаҳрванди Тоҷикистон аст.

Ҳадяи Пешвои миллат агар аз муҳаббати бепоёни эшон ба таърих ва тамаддуни кишвар бошад, пас мутолиаи он барои ҳар як нафар сокини ин диёр фарз аст. Эълон шудани солҳои 2020 -2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” аз ҷониби Пешвои миллат ин на танҳо масъулият ба дӯши кормандони Вазорати маориф ва илм, Академияи илмҳо ва дигар вазорату идораҳое, ки дар сохторашон муассисаҳои таълимӣ доранд, балки масъулияти ҳар як нафар шаҳрванди кишвар аст. Дар баробари ин, ба қавли Пешвои миллат, “Мо бояд забони шево ва шоиронаи тоҷикиро мисли модар ва Ватани худ дӯст дорем ва онро ҳамчун гавҳари бебаҳои ҳастиамон ҳифз кунем”.

Зеро забон нахустин ифодагари миллати мост ва расидан ба қадру қимати он вазифаи шаҳрвандии мост. Аз ҷониби дигар, маҳз забон моро ба олами маънӣ раҳнамун месозад ва тавассути ин забони ноб мо бо осори бузургони миллат ошно мешавем. Маҳз, кулли илми ҷаҳонӣ дар нигоштаҳои олимон, муҳаққиқон, адибон ва муаррихони классикии мо нуҳуфтааст ва забон калиди он ганҷинаҳои бебаҳои миллии мост. Пешвои миллат дар канори забони модарӣ донистани забонҳои дигарро низ муҳим мешуморанд, зеро барои дастёбӣ ба илмҳои дақиқ донистани забони англисӣ ва русӣ роҳи моро наздик мекунад. Дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайғоми тоза ва таърихӣ - ин аз ҷониби Конфронси генералии ЮНЕСКО қабул шудани қарор доир ба баргузории ҷашнҳои 5500 - солагии Саразми бостонӣ ва 700 — солагии шоири барҷастаи тоҷик Камоли Хуҷандӣ мебошад.

Ба қавли Президенти кишвар, “Ба оламиён муаррифӣ кардани осори илмиву адабӣ ва намунаҳои фарҳанги тоҷикон ҳамчун миллати соҳибмаърифату тамаддунсоз, шаҳрсозу шаҳрдор ва соҳиби девону дафтар аз ҷумлаи вазифаҳои муҳимтарини мо ба ҳисоб меравад”. Навид беҳтарин ҳадя барои олимону муҳаққиқон, донишмандону мутахассисон ва ҳар як нафар фарди худогоҳи миллат мебошад.

Ин маънии онро дорад, ки олам муқаддамӣ ва соҳибтамаддунии миллати моро расман пазируфт ва таърих бори дигар собит сохт, ки миллати тоҷик дар саргаҳи фарҳанг ва тамаддуни ҷаҳон қарор дорад. Ин барои мо танҳо ифтихор нест, балки масъулият дар мавриди меросбарӣ ва меросдорист. Ва талқин намудани Пешвои миллат ба китоб ва илму маърифат ба хотири дарки воқеии масъулияти меросдорӣ ифодагари маърифати баланди Сарвари давлати тоҷикон Эмомалӣ Раҳмон мебошад.

Ҳамин тариқ, Паёми навбатии Президенти Ҷумҳурии Тоҷикистон муҳтарам Эмомалӣ Раҳмон дар баробари таҳлили ҳамаи самтҳои хоҷагии халқи кишвар масъалаи маънавияти ҷомеаро фарогир буд, ки он ҳамчун чароғи нурбахши фардои миллат шоистаи эхтиром ва эътимоди мардуми Тоҷикистон аст .

Саидумрон САИДОВ,
дотсенти кафедраи адабиёти классикии тоҷики
Донишгоҳи давлатии Хуҷанд ба номи академик Бобоҷон Ғафуров

Читать далее

ҲАДАФҲОИ ОЛИИ ДАВЛАТИ СОҲИБИСТИҚЛОЛ

Дар Паёми навбатӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон раванди иҷрои барномаҳоро мавриди таҳлил қарор дода, бо пешкаш намудани рақамҳои аниқи рушди макроиқтисодии мамлакат таъкид доштанд, ки дар маҷмӯъ ҳадафҳои барномавии давлату Ҳукумат мунтазам иҷро шуда истодаанд.

Аз ҷумла таъкид гардид, ки дар ин давр суръати афзоиши маҷмӯи маҳсулоти дохилӣ ба ҳисоби миёна 7,5 фоизро ташкил дода, афзоиши маҳсулоти саноатӣ ба 13,4 фоиз баробар гардидааст. Ё худ, агар ҳаҷми маҷмӯи маҳсулоти дохилии кишвар соли 2013 ҳамагӣ 45,6 миллиард сомониро ташкил дода бошад, алҳол он ба 78 миллиард сомонӣ баробар гаштааст. Музди миёнаи ҳар корманд 2,4 баробар афзуда, даромади аҳолӣ ду баробар зиёд шудааст. Сатҳи камбизоатӣ то 27,5 фоиз паст гардида, сатҳи дарозумрӣ ба 75 сол расидааст ва аҳолии Тоҷикистон айни ҳол беш аз 9,5 миллион нафарро ташкил медиҳад, ки нисбат ба соли 2013 қариб 4 миллион нафар зиёд аст. Пешвои миллат изҳор доштанд, ки дар соли 2020 ҳаҷми маҷмӯи маҳсулоти дохилӣ ба 78,4 миллиард сомонӣ баробар гардида, дар 7 соли оянда ба 45 фоиз расонидани табақаи миёнаи аҳолӣ дар назар дошта шудааст.

Пешвои миллат хеле бамаврид таъкид намуданд, ки Кодекси нави андоз бо иштироки бевоситаи соҳибкорону дигар мутахассисони соҳибтаҷриба омода карда шавад ва тарҳи нави Кодекси мазкур бояд ба боло бардоштани ҳавасмандии соҳибкорон ҷиҳати истеҳсоли молу маҳсулоти дар бозор рақобатпазири содиротӣ, рушди босуботи иқтисодиёт, таъсисдиҳии ҷойҳои нави корӣ ва дар ин асос устувор гардонидани заминаҳои андозбандии буҷети давлатӣ мусоидат намояд. Ин шакли ироаи Паёми Президент низ нисбат ба паёмҳои қаблӣ фарқкунанда буд ва бори дигар мардуми кишвар боварӣ ҳосил карданд, ки Пешвои муаззами миллат Эмомалӣ Раҳмон ҳамеша аз иқдомҳои неки сокинони мамлакат огаҳӣ дошта, заҳмати он фардҳоеро, ки баҳри таъмини рушди босуботи иқтисодию иҷтимоии мамлакат саҳмгузор ҳастанд, мунтазам қадршиносӣ мекунанд.

Сардори давлат бори дигар диққати мутасаддиёни соҳаи маорифи кишварро ба зарурияти баланд бардоштани сатҳу сифати таълим дар тамоми муассисаҳои таҳсилоти миёна, касбию олӣ ҷалб намуда, хеле дуруст қайд карданд, ки дар оянда таваҷҷуҳи бештарро ба масъалаи омӯзиши фанҳои табиатшиносӣ, риёзӣ ва дигар илмҳои дақиқ равона кардан зарур аст. Бо пешниҳоди Сардори давлат, солҳои 2020–2040 «Бистсолагии омӯзиши фанҳои риёзӣ, табиатшиносӣ ва илмҳои дақиқ» эълон карда мешавад, ки инро иқдоми бузург баҳри ҳарчӣ тезтар ба давлати саноатию аграрӣ табдил додани Ҷумҳурии Тоҷикистон ҳисобидан мумкин аст.

Ҳақ бар ҷониби Роҳбари давлат, ки баҳри ҳаматарафа ташаккул ёфтани сатҳи дониши инсон, алалхусус мутахассисони соҳаҳои гуногуни хоҷагии халқ мавқеи китобхонӣ басо зиёд буданашро таъкид карданд ва дастур доданд, ки ба омӯзиши таърихи давлати тоҷикон ва дигар адабиёти касбию бадеӣ эътибори ҷиддӣ дода шавад. Мутолиаи китобу рӯзнома дар ҳақиқат, ҷаҳонбинии шахсро васеъ ва дониши ӯро мукаммалмегардонад. Вале имрӯзҳо аксари мардум, аз ҷумла, шахсони мансабдор, ҳатто, рӯзномаҳои давриро кам мехонанд, гарчанде дар мавсими обунашавӣ маблағҳои калон аз ҳисоби музди меҳнати кормандону захираҳоимолиявии давлатӣ ба ин мақсадҳо равона карда мешаванд. Ҳангоми бодиққат тамошо кардани Паёми навбатӣ бори дигар дарк кардам, ки Пешвои миллат, Сарвари давлат ҳамеша ғамхори халқи ниёзманд буданду мемонанд, зеро дар ҳар як баромадҳояшон ҷиҳати дастгирии шахсони камбизоат, оилаҳои ба дастгирии давлатӣ мӯҳтоҷ бо як эҳсосоти самимона ҳарф мезананд ва дастурҳои мушаххас медиҳанд.

Боварии комили Пешвои миллат ба қудрату тавоноии мардуми тоҷик ва сол аз сол беҳтаршавии нишондиҳандаҳои рушди макроиқтисодии мамлакат буд, ки тибқи Паёми навбатӣ, аз 1 сентябри соли 2020 ба андозаи 50 фоиз зиёд намудани нафақаи маъюбон, ба ҳисоби миёна то 15 фоиз зиёд намудани нафақаи дигар шаҳрвандон, ба андозаи то 10 фоиз баланд бардоштани музди меҳнати кормандони ҳифзи ҳуқуқ ва хизматчиёни ҳарбӣ ва то ба 15 фоиз зиёд намудани музди меҳнати кормандони муассисаҳои дигари буҷавӣ дар назар дошта шудааст.

Афзалияти Паёми имсола аз паёмҳои қаблӣ боз дар он аст, ки вазифаҳои асосӣ барои соли 2020 – соли маъракаҳои муҳими сиёсӣ (интихоботи вакилони парлумону мақомотҳои маҳаллии ҳокимияти давлатӣ ва интихоботи президентӣ) дақиқ муайян карда шуда, дар як вақт вобаста ба дурнамои рушди иқтисодию иҷтимоии кишвар ва сиёсати хориҷии мамлакат фикру мулоҳизаҳо, дастуру пешниҳодҳои судманди Пешвои миллат, Президенти Ҷумҳурии Тоҷикистон Эмомалӣ Раҳмон муфассал баён шудааст.

Карамулло ОДИЛОВ,
Корманди шоистаи Тоҷикистон

Читать далее

Шиносоии Раҷаббой Аҳмадзода бо ҷараёни корҳои ободонӣ дар Боғи ба номи Абӯмаҳмуди Хуҷандӣ

Дирӯз Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои ободонӣ аз Боғи ба номи Абӯмаҳмуди Хуҷандӣ боздид намуд.

Зимни муаррифии лоиҳаи иншоот ба Раиси вилояти Суғд Раҷаббой Аҳмадзода иттилоъ дода шуд, ки боғи мазкур дар масоҳати умумии 6 гектар азнавсозӣ гардида, ба истиқболи ҷашни 30-солагии Истиқлолияти давлатии Ҷумҳурии Тоҷикистон дар рӯзҳои таҷлили Наврӯзи байналмилалӣ мавриди баҳрабардорӣ қарор дода мешавад.

Читать далее

Дар Хуҷанд сарсабзу хуррамгардонии кӯчаву хиёбонҳои шаҳр идома дорад

Дирӯз бо иштироки Раиси вилояти Суғд Раҷаббой Аҳмадзода дар кӯчаи Гагарини шаҳри Хуҷанд беш аз 100 бех дарахтони навъи ардач шинонида шуд.

Раиси вилоят зимни иштирок дар маъракаи ниҳолшинонӣ таъкид кард, ки дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади дар сатҳи баланд пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон дар радифи бунёди иншооти гуногуни иҷтимоӣ ба сарсабзу хуррамгардонии кӯчаву хиёбонҳои шаҳру ноҳияҳои вилоят низ диққати махсус зоҳир гардида, мунтазам дарахтони ороишиву ҳамешасабз шинонида мешавад.

Читать далее