10 January 2020

Ҳадафҳои афзалиятбахш дар роҳи фаъолияти самарабахш

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон самтҳои бунёдии ҷомеаи муосирамон – кишвари соҳибистиқлоламон, аз ҷумла равандҳои иқтисодиву иҷтимоӣ, саноату энергетика, нақлиёту коммуникатсия, маорифу илм, фарҳангу сайёҳӣ, ҷавонон, варзиш, амнияту мудофиаро дар масири дастоварду саҳми шоистаи мардуми созандаву бунёдкори тоҷик мавриди таҳлили амиқ қарор доданд.

Ҳамчун як шаҳрванди Ҷумҳурии Тоҷикистон ифтихор аз ин Ватану ин миллат менамоям, ки дар даврони Истиқлолият ва фазои орому осоишта ба таълиму тарбияи насли навраси кишвар машғул ҳастам. Бо чашми ақлу эҳсоси шарарбори дил дидаву огаҳӣ дорем, ки бо сиёсати оқилонаи маорифпарварии Пешвои муаззам муҳтарам Президентамон барои устувор гардонидани пояҳои моддиву техникии муассисаҳои таълимӣ, баланд бардоштани сифати таълим дар ҳамаи зинаҳои таҳсилот, ҷалби боз ҳам васеи истеъдодҳои ҷавон ба омӯзишу бардошт аз технологияҳои муосир ва корҳои эҷодиву техникӣ пайваста ғамхориву дастгириҳои ҳадафмандона зоҳир менамоянд.

Мо, омӯзгорон, ифтихормандем, ки Пешвои муаззами миллат, Президенти маҳбубамон дар ҳар Паёми саодатбори солонаи худ ва дигар мулоқоту вохӯриҳои ҳадафмандашон ба соҳаҳои илму маориф эътибори аввалиндараҷа зоҳир менамоянд, дар ин раванд ба масъулони соҳа дастуру супоришҳои мушаххас медиҳанд. Мегӯянд, ки ислоҳотро дар ҳамаи зинаҳои таҳсилот бомаром идома медиҳем ва мушкилоти мавҷударо давра ба давра бартараф мекунем.

Бинобар ин, пеш аз ҳама, ба инкишофи зинаи таҳсилоти томактабӣ диққати асосӣ ва ҷиддӣ дода, бояд шумораи муассисаҳои томактабиро зиёд намуд ва барои рушди қобилияти зеҳнии кӯдакон шароити мусоид фароҳам овард.

Дар Паёми саодатбор зикр гардид: «То ҷашни 30 – солагии Истиқлолияти давлатӣ 128 муассисаи томактабӣ ва 338 муассисаи таҳсилоти умумӣ бунёд гардида, дар маҷмӯъ 1332 муассисаи таълимӣ ва томактабӣ тармиму таҷдид карда мешавад». Ин гуфтаҳо қалбҳои падару модарон, омӯзгорон ва кулли мардуми соҳибиқболи Тоҷикистони азизамонро болидаву пурфараҳ мегардонанд.

Ҳамчун як тан аз омӯзгорони даврони соҳибистиқлоли кишвар бо идроки баланди ҳувият ин суханҳоро дар саҳифаи «Ҳақиқати Суғд» - рӯзномаи дӯстдоштаи вилоятиамон менависам, то эҳсоси худшиносӣ исбот гардад: ислоҳоти соҳаи маориф ба марҳалаи сифатан нави таълиму тарбия ва пурсамар гардидани сохтори маорифи кишвар мусоидат намуд.

Дар пешрафти фаъолият, албатта, Қонуни Ҷумҳурии Тоҷикистон «Дар бораи маориф» ва «Стандарти давлатии таҳсилоти томактабӣ дар Ҷумҳурии Тоҷикистон» замина мегузоранд ва ба рушди бештари сатҳи омӯзиши шогирдон мусоидат мекунанд.

Мо, омӯзгорон имрӯз низ ва минбаъд ҳам дар баробари амалисозии ислоҳоти низоми маориф ва тарбияи насли дорои донишҳои муосир, донишу маҳорати касбиамонро равона менамоем. Миллати моро дар таърихи башар бо фарҳангу маънавиёти ғаниву рангоранги бунёдӣ ва шахсиятҳои барҷастаи илму фарҳангаш мешиносанду арҷ мегузоранд.

Аз ин лиҳоз, мо вазифадорем, ки забону фарҳанг, расму ойин ва суннату анъанаҳои миллии худро гиромӣ дорем, бо онҳо ифтихор бинамоем ва маънавиёти насли ояндасозро бо арзишҳои миллати куҳанбунёдамон тавсеа бахшем ва ҳамзамон бо ин, зеҳну шуури онҳоро аз олудашавӣ бо унсурҳои бегона ҳифз намоем. Аҳли зиё ҳама дастҷамъона бояд рисолати хешро дар роҳи ҳифзу ободии Ватан ба иҷро расонем.

Саидбек МИРОВАТОВ,

омӯзгори Гимназияи №2,

деҳаи Далёни Поёни

ноҳияи Деваштич

Читать далее

Шукӯҳи хирад ва илму маърифат

Давлату миллате, ки рӯ ба илму маориф ва фарҳанг овардааст, ба ташаккули маърифати зеҳнии мардум таваҷҷуҳи хос зоҳир намуда, баҳри болоравии сатҳу сифати дониш, дастгирии наврасони ихтироъкор, ҳавасмандгардонии қишри зиёии ҷомеа ва ба ин васила дар пешрафти иқтисод, таҳкими шохаҳои ҳокимият, бунёди ҷомеаи ҳуқуқбунёд, беҳтар шудани сатҳи зиндагӣ, пойдории сулҳу субот комёб мегардад.

Аз ин лиҳоз, илм ва маърифат, хосатан, рӯ овардан ба маънавиёти пурғановати ниёгон ба воситаи китоб ва китобхонӣ муҳимтарин ва заруртарин омил дар ҳаёти инсон шуморида шуда, ин иқдоми шоиста ҳар фардро ба зиндагии саодатманд ва фаъолияти арзишманд роҳнамо мебошад. Ба ибораи дигар метавон гуфт, ки дар ҳама давру замон шукӯҳи хирад, илму маърифат боис гардидаанд, ки ҷомеа рӯ ба рушд оварда, дар ин замина беҳтарин ганҷинаҳои ақлонии башарият барои пешравиҳои назаррас нақши муассир гузоштаанд.

Дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паём ба Маҷлиси Олии Ҷумҳурии Тоҷикистон бори дигар собит сохт, ки Пешвои муаззами миллати мо Сарвари маърифатпарвар, фарҳангдӯст ва роҳбалади ҳаёти осоиштаи мардум мебошанд. Зеро дар суханрониҳои худ нуктаҳои муҳимеро чун ҳадяи китоби “Тоҷикон” - и аллома Бобоҷон Ғафуров ба ҳар як хонаводаи Тоҷикистон, таъсиси китобхонаҳо дар ташкилоту муассисаҳо ва бо ҳамин роҳ рӯ овардани шаҳрвандони мамлакат ба хониши асарҳои бадеӣ, таваҷҷуҳи бештари мақомоти давлативу муассисаҳои таълимӣ дар нашри китобҳои бадеӣ ва дар ин замина, ҳавасмандгардониву идома бахшидани озмуни ҷумҳуриявии “Фурӯғи субҳи доноӣ...” аз рӯи се самт: миёни тарбиягирандагон ва хонандагони муассисаҳои таҳсилоти томактабӣ ва миёнаи умумӣ, таҳсилоти ибтидоӣ, миёна ва олии касбӣ ва дар байни калонсолон аз тадбирҳои хушоянд ба ҳисоб мераванд.

Рӯй овардан ба китобдориву китобхонӣ ба ҳар инсон тавоноӣ, боварӣ ба худ, умед ба ояндаи нек, обрӯю эътибор мебахшад. Маҳз, тавассути донишандӯзӣ инсон дар ҳаёт аз нокомӣ ва ноумедиву рӯҳафтодагӣ раҳоӣ ёфта, ҳар лаҳзаи ҳаёташро зебо мегардонад, ба некӣ ва накӯкорӣ рӯй оварда, аз падидаҳои манфури ҷомеа дурӣ ҷуста, баҳри расидан ба қуллаи муроди хеш ҷидду ҷаҳд менамояд. Дониш аст, ки инсонро аз ҳар гуна хатарҳои ҷомеаи муосир эмин нигоҳ дошта, барояш дарҳои саодату комгорӣ ва некномиву хушрӯзиро боз менамояд.

Пешвои муаззами миллат муҳтарам Эмомалӣ Раҳмон бо назардошти ин масъала ба масъулони соҳа дастур доданд, ки баҳри азхудкунии донишҳои замонавӣ ба насли наврас ва ояндасози ҷомеа шароити мусоид фароҳам оварда, онҳоро ба мутолиаи китобҳои бадеиву илмӣ ташвиқ намоянд, қобилияти эҷодиашонро тақвият бахшанд ва ба таълиму тадриси фанҳои табиатшиносӣ, дақиқ ва риёзӣ таваҷҷуҳи бештар зоҳир намоянд. Вобаста ба ин, пешниҳод намуданд, ки ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин тавсеаи тафаккури техникии насли наврас солҳои 2020 - 2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон карда шавад.

Дар маҷмуъ, таваҷҷуҳ намудани Сарвари давлат ба китобхонӣ ва рушди илму маърифат дар замони муосир бозгӯи он аст, ки аз мардуми кишвар, махсусан ҷавонони даврони истиқлол умедҳои калон доранд. Пешвои миллат ҷавононро ҳидоят менамоянд, ки онҳо аз таърихи гузаштаву имрӯзаи халқи тоҷик ва мутафаккирони барҷастаи он огоҳ ва аз мероси ғаноманди ниёгон бархурдор бошанд.

Фаридун ҲОДИБОЕВ,

номзади илмҳои фалсафа,

сардори маркази иттилоот

ва таҳлили Донишгоҳи

давлатии Хуҷанд ба номи

академик Бобоҷон Ғафуров

Читать далее

ДАСТОВАРДҲО, ИМКОНИЯТҲО ВА ДАСТУРҲО

Дар маҷлисгоҳи Прокуратураи вилоят маҷлиси ҳайати мушовараи Прокуратураи вилояти Суғд оид ба ҷамъбасти фаъолияти ин ниҳод дар соли 2019 бо иштироки муовини якуми Прокурори генералии Ҷумҳурии Тоҷикистон, мушовири давлатии адлияи дараҷаи 2 Назарзода Ҳотам Назрулло баргузор гардид. Ҷаласаро Прокурори вилоят, мушовири давлатии адлияи дараҷаи 3 Ҳабибулло Воҳидов ҳусни оғоз бахшид.

Мавсуф изҳор намуд, ки ба мақомоти прокуратураи вилоят дар соли 2019 - ум 11302 муроҷиат ворид гардида, аз ин 3711 ададашро бевосита кормандон баррасӣ намуда, 665 адади он қонеъ карда шудааст. Баҳри бартараф намудани қонунвайронкуниҳо ва тибқи санадҳои эътиноӣ 375 шахсони гунаҳгор ба ҷавобгарӣ кашида, 298 қарори ғайриқонунии мақомоти таҳқиқу тафтиш бекор, 129 парвандаи маъмурӣ ва 3 парвандаи ҷиноятӣ оғоз карда шудааст.

Дар самтҳои назорати умумӣ қонунгузориҳо дар бораи муроҷиатҳои шахсони воқеӣ ва ҳуқуқӣ оид ба замин, ҷамъоварии андозу пардохтҳои гумрукӣ, молия, дастгирии фаъолияти соҳибкорӣ ва сармоягузорӣ, бонкдорӣ, тандурустӣ, ҳифзи ҳуқуқи истеъмолкунандагон, ҳифзи амволи давлатию шахсӣ, маориф, масъулияти падару модар дар таълиму тарбияи фарзанд, шаҳрсозию меъморӣ, нотариати давлатӣ, ҳифзи меҳнат ва техникаи бехатарӣ, танзими асъор ва назорати он, анъана ва ҷашну маросим, пардохти маблағҳои истифодаи қувваи барқу об ва дигар қонунгузориҳо 1575 санҷиш гузаронида, 22937 қонунвайронкунӣ ошкор ва 8375 санади эътиноӣ бароварда, 13610 нафар ба ҷавобгарии мухталиф кашида, 952 парвандаи ҷиноятӣ оғоз карда шудааст.

Ҳамзамон, бо ҳама самтҳои назорати прокурорӣ 179,4 миллион сомонӣ зарарҳои моддӣ рӯёнида шудааст, ки аз ин 88,5 миллион сомонӣ ба фоидаи буҷет ва 90,1 миллион сомонӣ ба манфиати шахсони воқеию ҳуқуқӣ мебошад.

Назорат дар самти иҷрои қонунгузории замин пурзӯр карда шуда, аз натиҷаи санҷишҳо 244 парвандаи ҷиноятӣ оғоз гардида, 4394,98 гектар қитъаи замини худсарона ишғолгардида ба ҳолати аввала баргардонида, ба 260 адад қарорҳои раисони шаҳру ноҳияҳо, ки аз ин 230 адад вобаста ба ҷудо кардани қитъаи замин мебошад, эътирозҳо оварда шудааст.

Бидуни ин дар ҷараёни санҷиши иҷрои қонунгузорӣ дар бораи муроҷиатҳои шахсони воқеӣ ва ҳуқуқӣ дар фаъолияти мақомоти давлатӣ ҳолатҳои вайрон кардани муҳлат, бе баррасӣ мондан ва аз натиҷаи баррасӣ ба муроҷиаткунандагон хабар надодан ошкор гардид, ки бар асари он 493 нафар ба ҷавобгарии мухталиф кашида, нисбати 7 нафар бо моддаи 163 Кодекси ҷиноятӣ парвандаҳои ҷиноятӣ оғоз карда шудааст.

Ҳамчунин, ҳолати иҷрои қонунгузорӣ дар бораи тандурустӣ санҷида, аз натиҷаи он 290 нафар ба ҷавобгарии интизомӣ ва маъмурӣ кашида, нисбати 33 нафар парвандаи ҷиноятӣ оғоз карда шудааст.

Аз натиҷаи санҷиши ҳолати иҷрои қонунгузориҳо дар бораи буҷет, моликияти давлатӣ, хариди давлатии мол, кор ва хизматрасонӣ 31 парвандаи ҷиноятӣ оғоз гардида, 2,4 миллион сомонӣ зарар ошкор ва барқарор карда шудааст.

Назорати қонунгузорӣ дар бораи фаъолияти бонкӣ ва назорати асъор пайваста ба роҳ монда шуда, 81 ҳуқуқвайронкунии маъмурӣ ва 69 ҷиноят ошкор гардидаанд.

Ҳолати иҷрои қонунгузорӣ дар бораи танзими анъана ва ҷашну маросим пайваста санҷида, ҳолатҳои гузаронидани маъракаи хатнасур, тӯйи домодию арӯсӣ, домодталбон ва арӯсбинон бо иштироки одамони зиёд ошкор гардида, 328 нафар ба ҷавобгарии интизомӣ ва маъмурӣ кашида шудаанд.

Дар рафти гузаронидани санҷиши вазъи риояи қонунгузорӣ оид ба бехатарӣ ва ҳифзи меҳнат дар корхонаю муассисаҳо қонунвайронкуниҳо ошкор гардида, дар асоси 254 амри прокурорӣ 42,4 миллион сомонӣ музди меҳнат пардохт гардида, 14 парвандаи ҷиноятӣ бо моддаи 1531 Кодекси ҷиноятӣ оғоз карда шуданд.

Вазъи иҷрои қонунгузории андоз санҷида шуда, бо 951 амри прокурорӣ 88,2 миллион сомонӣ маблағи андозҳо ба буҷет ворид карда шудааст, ки нисбати соли 2018 - ум 884 ҳазор сомонӣ зиёд мебошад. Ҳамчунин, 36 ҷиноят вобаста ба қонунгузории андоз ошкор карда шудааст.

Дар самти назорати иҷрои қонунгузориҳои нақлиёт ва гумрук 1396 ҳолати қочоқи молу маҳсулот ба маблағи 8,8 миллион сомонӣ ошкор гардида, шахсони гунаҳгор ба маблағи 2,3 миллион сомонӣ ҷарима, ба 3,1 миллион сомонӣ молу маҳсулот ба манфиати давлат мусодира карда шудааст. Ба вазъи иҷрои қонунгузорӣ дар бораи масъулияти падару модар дар таълиму тарбияи фарзанд таваҷҷуҳи хоса зоҳир намуда, барои вайрон кардани талаботи ин қонунгузорӣ бо моддаи 90 - и Кодекси ҳуқуқвайронкунии маъмурӣ 606 нафар ба ҷавобгарии маъмурӣ кашида шуданд.

Таҳлили вазъи ҷинояткорӣ нишон медиҳад, ки дар соли 2019 ҳамагӣ 6378 ҷиноят ба қайд гирифта шудааст, ки нисбат ба соли 2018 - ум 295 адад зиёд буда, ошкоршавии ҷиноят 92,8 фоизро ташкил намудааст.

Дар ин давр аз тарафи муфаттишони мақомоти прокуратура 1840 парвандаи ҷиноятӣ вобаста ба ҳодисаҳои куштор, таҷовуз ба номус, ҷиноятҳои коррупсионӣ ва иқтисодии хусусияти коррупсионидошта ва ғайраҳо мавриди тафтиш қарор гирифта, бо 1167 адади онҳо тафтиши пешакӣ ба анҷом расонида, 983 адад ба суд ирсол шудааст.

Дар ин давр мақомоти прокуратураи вилоят назоратро аз болои таҳқиқу тафтиши парвандаҳои ҷиноятии дар пешбурди муфаттишон ва таҳқиқотчиёни мақомоти прокуратура, корҳои дохилӣ, коррупсия, амнияти миллӣ ва агентии маводи нашъаовар буда, ба таври дахлдор ба роҳ монда, бо омӯзиш ва тасдиқи фикри айбдоркунӣ 3024 парвандаи ҷиноятиро нисбати 3176 нафар барои баррасӣ ба судҳои вилоят ирсол намудааст, ки аз ин алҳол 2983 адад нисбати 3407 нафар мавриди баррасӣ қарор гирифтаанд.

Дар даври таҳлилӣ нисбати 224 нафар барои содир намудани ҷиноятҳои хусусияти террористӣ - экстремистидошта, эзоҳи моддаҳои 307 нишонаи 3 ва 401 нишонаи 1 Кодекси ҷиноятӣ татбиқ гардида, онҳо аз ҷавобгарии ҷиноятӣ озод карда шудаанд.

Дар самти назорати қонунӣ будани санадҳои судӣ оид ба парвандаҳои граҷданӣ, иқтисодӣ, оилавӣ ва маъмурӣ ба суд 292 аризаи даъвогӣ ба маблағи 74,1 миллион сомонӣ пешниҳод гардида, 278 адади онҳо ба маблағи 72,8 миллион сомонӣ баррасӣ ва қонеъ карда шудааст.

Прокуратураи вилоят дар асоси дастуру супоришҳои дар Паёми Президенти Ҷумҳурии Тоҷикистон ба Маҷлиси Олӣ, мулоқоти корӣ бо кормандони прокуратураи ҷумҳурӣ, вохӯрӣ бо кормандони соҳаҳои молия, андоз, гумрук, сармоягузорӣ ва бонкдории кишвар баёнгардида, назорати иҷрои қонунгузориҳо дар бораи муроҷиатҳои шахсони воқеӣ ва ҳуқуқӣ, замин, ҷамъоварии андозу пардохтҳои гумрукӣ, молия, дастгирии фаъолияти соҳибкорӣ ва сармоягузорӣ, бонкдорӣ, тандурустӣ, ҳифзи ҳуқуқи истеъмолкунандагон, ҳифзи амволи давлатию шахсӣ, маориф, масъулияти падару модар дар таълиму тарбияи фарзанд, шаҳрсозию меъморӣ ва мубориза бо ҷинояткорӣ, бахусус ҷиноятҳои вазнин ва махсусан вазнин ба муқобили ҳаёту саломатӣ, экстремистию террористӣ, коррупсионӣ ва муомилоти ғайриқонунии воситаҳои нашъаовар пурзӯр намуда, баҳри таъмини волоияти қонун, ҳимояи ҳуқуқу озодиҳои шаҳрвандон ва мубориза бар зидди ҷинояткорӣ чораҳои муассирро меандешад.

Гулҷаҳон МАҲКАМОВА,
“Ҳақиқати Суғд”

Читать далее

SCNS Press Center Reports About Tajik – Kyrgyz Border Provocation

Chorkuh

DUSHANBE, 10.01.2020. (NIAT Khovar) – On the evening of January 9, a large group of armed residents of the Kuktosh village of Aksay rural community of the Kyrgyz Batken district gathered near the house of Kyrgyz citizen Sultanbek Abdulloev, and blocked the passage of Tajik citizens on the road to the Somoniyon village of Isfara’s Chorkuh rural community.

At about 9.30 a.m. they threw stones at a Mercedes-Benz car belonging to a resident of the Khojai Alo village Zafar Azamov, and broken the glass of his car.

In response to their provocative actions, at 00:10, residents of Khojai Alo village threw stones at a Kyrgyz citizen’s car.

Representatives of the Isfara police department-2 and the Batken district police department arrived at the scene of the incident in time and took the situation under their control.
On January 10, at about 2 a.m., residents of the Kuktosh village fired a shot from the hunting rifle, but law enforcement officials and border guards of the two countries jointly suppressed this provocation.

Despite this, at about 4 o’clock, a personal vehicle of a police officer of Isfara city Farhod Ikromzoda was fired from a hunting rifle on the Kyrgyz side. Ikromzoda by a lucky chance was not injured, as a bullet hit the car door.

Currently, shooting has been stopped in this border region, the situation is under control. A joint investigative group of the Tajik and Kyrgyz law enforcement agencies is investigating the incident in order to find out its motives and identify the instigators.

Of particular concern are the frequent cases of the use of hunting weapons by individual Kyrgyz citizens for the purpose of provocations that pose a direct threat to the life and health of Tajik citizens, as happened on December 29, 2019 in relation to T. Safarova, a resident of Isfara’s Somoniyon village.

In this regard, the Tajik side declares that in such cases all responsibility assigns to the relevant authorities of the neighboring state.

Press Center of the Border
Troops of the State Committee
for National Security of Tajikistan

 
Читать далее

Тожикистон Республикаси Миллий хавфсизлик давлат комитети Чегара қӯшинлари матбуот маркази хабар беради

 

2020 йилнинг 9 январ куни кечки пайт Боткен ноҳияси Оқсой қишлоқ кенгаши Коктош қишлоғининг ов милтиқлари билан қуролланган аҳолиси катта гуруҳи Қирғизистон Республикаси фуқароси Абдуллаев Султанбек Исмаиловичнинг уйи ёнида тӯпланишиб, Тожикистон Республикаси фуқароларининг Исфара шаҳри Чоркӯҳ қишлоқ кенгаши Сомониён қишлоғи йӯли бӯйлаб ҳаракатланишига қаршилик кӯрсатишди.


 

Тахминан кечки соат 21:30ларда улар Хожаи Аъло қишлоғида яшовчи Азамов Зафарга тегишли «Мерседес-бенц» русумли автомашинани тошбӯрон қилишди. Натижада машинанинг шишаси синди.

Қирғизистон фуқароларининг бу иғвогарона амалларига жавобан соат 00дан 10 дақиқа ӯтганда Хожаи Аъло қишлоғи аҳолиси Қирғизистон Республикаси фуқаросининг автомашинасига тош улоқтиришди.

Исфара шаҳри 2-ички ишлар бӯлими ва Боткен ноҳияси ички ишлар бӯлими намояндалари воқеа жойига ӯз вақтида етиб келишиб, вазиятни назорат остига олишди.

2020 йилнинг 10 январ куни тахминан тунги соат 2да Коктош қишлоғи аҳолиси ов милтиғидан ҳавога ӯқ узишди. Аммо икки мамлакат ҳуқуқ муҳофазаси органлари ходимлари ва чегарачилари биргаликдаги ҳаракатлари билан ушбу иғвогарликнинг олди олинди.

Шунга қарамасдан, тахминан соат 4да Қирғизистон томонидан ов милтиғидан Исфара шаҳри 2-ички ишлар бӯлими ходими Икромзода Фарҳоднинг шахсий автомашинасига ӯқ узилди. Бахтли тасодиф туфайли унинг жони омон қолди, чунки ӯқ автомашинанинг эшигига келиб тегди.

Айни пайтда мазкур чегара ноҳияда ӯқ узиш тӯхтатилиб, вазият назорат остида турибди. Тожикистон Республикаси ва Қирғизистон Республикаси ҳуқуқ муҳофазаси органларининг муштарак тергов гуруҳи ҳодиса сабабу омиллари ва гуноҳкорлар шахсиятини аниқлаш мақсадида текширув олиб бормоқда.

Қирғизистоннинг алоҳида фуқаролари томонидан иғвогарлик қӯзғаш мақсадида ов милтиғидан фойдаланиш ҳолатларининг тез-тез мушоҳада этилаётгани алоҳида ташвиш уйғотади. Чунки улар 2019 йилнинг 29 декабрида Исфара шаҳрининг Сомониён қишлоғида яшовчи Т.Сафаровага нисбатан амалга оширилгани каби Тожикистон фуқароларининг ҳаёт ва саломатликларига бевосита таҳдид солмоқда.

Шу муносабат билан Тожикистон томони бундай ҳолатларда барча масъулият қӯшни давлатнинг тегишли органлари зиммасига юкланишини билдиради.

Тожикистон Республикаси Миллий хавфсизлик

давлат комитети Чегара қӯшинлари матбуот маркази.

Читать далее

Боздиди Раиси вилоят Раҷаббой Аҳмадзода аз шаҳраки Шӯроби шаҳри Исфара

8 январи соли 2020 Раиси вилояти Суғд Раҷаббой Аҳмадзода бо мақсади шиносоӣ бо вазъи кунунии шаҳраки Шӯроб ба шаҳри Исфара сафари корӣ анҷом дод.

Раиси вилоят зимни сафар дар толори Литсейи касби техникии саноати кӯҳӣ бо сокинони шаҳраки Шӯроб мулоқот намуда, иброз дошт, ки дар доираи нақшаи чорабиниҳои “Солҳои рушди деҳот, сайёҳӣ ва ҳунарҳои мардумӣ” ба корҳои ободонии шаҳрак таваҷҷуҳи зарурӣ зоҳир карда мешавад. Таъкид карда шуд, ки бо назардошти шаҳраки саноатӣ будани Шӯроб дар гузашта миллату қавмҳои гуногун дар он маскун гардида, дар шаҳрак то 15 ҳазор нафар аҳолӣ зиндагӣ мекард. Ҳоло бошад тибқи ҳуҷҷатҳои бақайдгирии аҳолӣ наздик 3000 нафар умр ба сар мебаранд. Яке аз сабабҳои асосии кӯч бастани сокинон набудани оби нӯшокӣ ба ҳисоб рафта, имрӯзҳо аҳолӣ обро тавассути нақлиёт дастрас менамояд ва барои мошинҳои обкашон маблағ пардохт мекунад.

Читать далее

ЗАЯВЛЕНИЕ Пресс-центра Пограничных войск ГКНБ Таджикистана

 

ДУШАНБЕ, 10.01.2020. /НИАТ «Ховар»/. Вечером 9 января 2020 года большая группа жителей села Коктош сельсовета Аксай Баткенского района, которые были вооружены охотничьим оружием, собрались возле дома гражданина КР Абдулаева Султанбека Исмаиловича и препятствовали проходу граждан РТ по  дороге села Сомониён сельсовета Чоркух города Исфары.


 

Примерно в 21 час 30 минут они закидали камнями легковую автомашину марки «Мерседес-бенц», принадлежащую жителю села Ходжаи Аъло Азамову Зафару, в результате чего, в ней было разбито  стекло.

В ответ на провокационные действия кыргызских граждан, в 00 часа 10 минут жители села Ходжаи Аъло закидали камнями автомашину гражданина КР.

Представители ОВД-2 города Исфара и ОВД Баткенского района своевременно прибыли на место инцидента и взяли ситуацию под  контроль.

10-го января 2020 г. примерно в 2 часа ночи жители села Коктош произвели выстрел в воздух из охотничьего ружья, однако сотрудники правоохранительных органов и пограничники двух стран совместными усилиями пресекли данную провокацию.

Несмотря на это, примерно в 4 часа с кыргызской стороны из охотничьего ружья была обстреляна личная автомашина сотрудника ОВД-2 города Исфара Икромзода Фархода, который, по счастливой случайности,  не пострадал, так как пуля попала в дверцу автомашины.

В  настоящее время в данном приграничном районе стрельба  прекращена, ситуация находится под контролем. Совместная следственная группа правоохранительных органов Республики Таджикистан и Кыргызской Республики проводит расследование инцидента с целью выяснения его мотивов и установления личностей зачинщиков.

Особую тревогу вызывают участившиеся случаи использования охотничьего оружия отдельными гражданами Кыргызстана в целях провокации, которые несут непосредственную угрозу жизни и здоровью граждан Таджикистана, как это произошло 29 декабря 2019 г. в отношении жительницы села Сомониён города Исфары Сафаровой Т.

В связи с этим, таджикская сторона заявляет, что в подобных случаях вся ответственность возлагается на соответствующие органы соседнего государства.

Пресс-центр ПВ ГКНБ РТ

Читать далее

Маркази матбуоти Қӯшунҳои сарҳадии КДАМ ҶТ хабар медиҳад

 

ДУШАНБЕ, 10.01.2020. /АМИТ «Ховар»/. Шоми 9-уми январи соли 2020 гурӯҳи калони сокинони маҳаллаи Коктоши ҷамоати деҳоти Оқсойи ноҳияи Бодканди ҶҚ, ки бо силоҳи шикорӣ мусаллаҳ буданд,  дар назди хонаи сокини маҳаллӣ Абдулаев Султанбек Исмаилович ва бинои Шуъбаи минтақавии корҳои дохилии Коктош ҷамъ омада, барои аз роҳи деҳаи Сомониёни ҷамоати деҳоти Чоркӯҳи шаҳри Исфара гузаштани шаҳрвандони Ҷумҳурии Тоҷикистон монеа эҷод карданд. Тахминан соати 21.30 дақиқа онҳо автомошинаи сабукрави тамғаи «Мерседес бенс»-ро, ки ба сокини деҳаи Хоҷаи Аъло Аъзамов Зафар тааллуқ дорад, сангборон карда, оинаи онро шикастанд.


 

Дар посух ба ин амали иғвогарона, тахминан соати 00.10 дақиқа, сокинони деҳаи Хоҷаи Аъло воситаи нақлиёти қирғизҳоро бо санг заданд.

Намояндагони ШВКД-2 шаҳри Исфара ва ШВКД ноҳияи Бодканд сари вақт ба макони ҳодиса ҳозир шуда, вазъиятро зери назорат гирифтанд.

Такрибан соати 02.00 дақиқаи 10-уми январи соли 2020, сокинони маҳаллаи Коктоши ҷамоати деҳоти Оқсой бо истифода аз силоҳи оташфишони ҷангӣ ва шикорӣ ба ҳаво тир холӣ карданд. Бо дахолати кормандони мақомоти корҳои дохилӣ ва сарҳадбонони ҳарду ҷониб, тахминан соати 02:30 иғвогарии мазкур қатъ карда шуд.

Бо вуҷуди ин, тахминан соати 04, аз самти Қирғизистон бо истифода аз камони шикорӣ ба ҷониби автомошинаи шахсии корманди ШВКД-2 шаҳри Исфара Икромзода Фарҳод тир холӣ карда шуд. Хушбахтона, тир ба дари автомошина бархӯрда, ба худи ронанда зарари ҷисмонӣ нарасидааст.

Айни замон тирпарронӣ қатъ гардида, вазъият таҳти назорат қарор дорад. Гурӯҳи тафтишотии муштараки мақомоти ҳифзи ҳуқуқи Тоҷикистон ва Қирғизистон барои муайян кардани сабабу омилҳои қазия ва шахсияти гунаҳкорон фаъолият бурда истодаанд.

Боиси нигаронӣ аст, ки вақтҳои охир аз тарафи  шаҳрвандони алоҳидаи Қирғизистон истифодаи камони  шикорӣ тамоюл ба афзоиш оварда, ба ҳаёт ва саломатии шаҳрвандони Ҷумҳурии Тоҷикистон хатари ҷиддӣ эҷод мекунанд. Аз ҷумла, 29-уми декабри соли 2019 сокини деҳаи Сомониён Сафарова Т. ҳадафи тири камони шикорӣ қарор гирифт.

Бинобар ин, тарафи Тоҷикистон изҳор менамояд, ки дар сурати такрор шудани ҳолатҳои мазкур тамоми масъулият ба дӯши мақомоти дахлдори кишвари ҳамсоя хоҳад буд.

Маркази матбуоти Қӯшунҳои сарҳадии  КДАМ ҶТ

Читать далее