13 January 2020

Дастовардҳо - баёнгари рушди иқтисодӣ, беҳдошти сатҳи зиндагии мардум!

Ҷаласаи фаъолони вилоят оид ба ҷамъбасти натиҷаҳои рушди иқтисодиву иҷтимоии вилоят дар соли 2019

Санаи 10 – уми январи соли равон дар маҷлисгоҳи калони Мақомоти иҷроияи ҳокимияти давлатии вилояти Суғд бо иштироки муовини якуми Сарвазири Ҷумҳурии Тоҷикистон Давлаталӣ Саид ва Раиси вилояти Суғд Раҷаббой Аҳмадзода ҷаласаи фаъолони вилоят оид ба ҷамъбасти натиҷаҳои рушди иқтисодиву иҷтимоии вилоят дар соли 2019 баргузор гардид.

Дар ҷаласа муовини якуми Раиси вилоят, муовинони Раиси вилоят, роҳбари дастгоҳи Раиси вилоят, роҳбарони воҳидҳои сохторӣ, мақомоти ҳифзи ҳуқуқ, раисони шаҳру навоҳӣ, ҷамоатҳои шаҳраку деҳот, намояндагони ташкилоту идораҳои вилоятӣ, аз ҷумла саноату кишоварзӣ, маорифу тандурустӣ, андозу гумрук ва дигар шахсони дахлдор ширкат варзиданд.

Читать далее

Фармонҳои Президенти Ҷумҳурии Тоҷикистон

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи аз вазифаи раиси
ноҳияи Фирдавсии шаҳри Душанбе
озод намудани Юсуфӣ М.

 

Мутобиқи моддаи 69 Конститутсияи Ҷумҳурии Тоҷикистон фармон медиҳам:
Юсуфӣ Муҳаммадраҳим бо сабаби ба кори дигар гузаштанаш аз вазифаи раиси ноҳияи Фирдавсии шаҳри Душанбе озод карда шавад.

Читать далее

Таъиноти кадрӣ дар сатҳи роҳбарӣ дар шаҳру навоҳӣ ва дигар шохаҳои ҳокимияти давлатӣ

Имрӯз дар Қасри миллат Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои сатҳи роҳбарӣ дар шаҳру навоҳӣ ва дигар шохаҳои ҳокимияти давлатӣ таъин гардиданд, ба ҳузур пазируфтанд.

Бо Фармонҳои Президенти Ҷумҳурии Тоҷикистон Олимзода Сӯҳроб аз вазифаи Сафири фавқулодда ва Мухтори Ҷумҳурии Тоҷикистон дар Ҷумҳурии Қирғизистон озод гардида, Ализода Назирмад ба ин вазифа таъин гардид. Раисони ноҳияҳои Фирдавсии шаҳри Душанбе, Қабодиёни вилояти Хатлон, Шуғнони ВМКБ ва Мастчоҳи вилояти Суғд бо сабаби ба кори дигар гузаштанашон аз вазифа озод гардида, ба ин вазифаҳо ҷавонони кордону мутахассисони варзида таъин гардиданд.

Читать далее

Пешгирии экстримизм дар байни ҷавонон - вазифаи дастаҷамъонаи ҷомеаи шаҳрвандӣ

Вақте сухан аз амният, субот, рушд ва тараққиёти ҷомеаву давлат  меравад, бидуни шак, зеҳни шахс хатарҳои зидди ин арзишҳо равонашударо низ таҳлил мекунад ва дар асоси он маълум мегардад, ки ҳар як арзиши дар ҷомеа буда дар сурати онро ҳифз накардан, саҳлангорӣ намудан, баҳри ҳифзи он ҷаҳд нанамудан метавонад осебпазир гардад. Инак, чӣ метавонад ба чунин арзишҳое аз қабили амният, субот, рушд ва тараққиёт халал эҷод кунад, онҳоро аз байн барад ва ҳамзамон фазои ҷомеаро гардолуд гардонад ? Албатта, хатару чолишҳо дар дунёи муосир зиёданд ва ҳар яки онҳо ба ин арзишҳо зиёноваранд, аммо хатари вуҷуд дорад, ки худ дар алоҳидагӣ метавонад ба дилхоҳ арзишҳои ҷомеаи муосир осеб ворид кунад ва он экстремизм аст.

Дар Қонуни Ҷумҳурии Тоҷикистон “Дар бораи мубориза бар зидди экстремизм” ин мафҳум чунин мушаххас шудааст: “ин изҳори фаъолияти ифротии шахсони ҳуқуқӣ ва воқеӣ ба даъвати нооромӣ, дигаркунии сохти конститутсионӣ дар давлат, ғасби ҳокимият ва тасарруфи салоҳияти он, ангезонидани наҷодпарастӣ, миллатгароӣ, бадбинии иҷтимоӣ, мазҳабӣ”, мебошад. Илова бар ин, экстремизм – шакли муборизаи ягон гурӯҳе бо роҳи хушунат аст. Он татбиқи мустақими нигаришҳои идеологии роҳбарони маънавию сиёсии ин ё он гурӯҳ ва созмон аст. Ин маънои онро дорад, ки амалкардҳое, ки барои ҷомеа хатарнок ҳастанд, асоси худро дар ҷомеа ҳамчун ғояе пайдо мекунанд, ки метавонад дар шаклҳои гуногун паҳн шавад. 

Бо назардошти виҷагиҳои сину солӣ, камолот, равонию ҷаҳонбинӣ ҷавонон дар доираи ҷалб гардидан ба гуруҳҳои экстримистию тундгаро ва хушунатомез зиёдтар осебпазиранд. Ва гуруҳҳои экстримистӣ ҳаминро ба инобат гирифта, барои амалӣ намудани амалҳои нопоки худ зиёдтар тавваҷҷуҳ ба ин гуруҳи аҳолӣ доранд. Бо назардошти ҳамин нукта дар Тоҷикистон “Стратегияи миллӣ оид ба муқовимат ба экстремизм ва терроризм барои солҳои 2016-2020” амал мекунад.

Дар Стратегияи мазкур қайд мешавад, ки таҷрибаи байналмилалӣ ва ватании муқовимат бо экстремизм ва терроризм собит менамояд, ки муваффақ шудан дар ин ҷода таҳия ва амалӣ намудани чорабиниҳои маҷмӯиро ба бартараф намудани омилҳои мафкуравӣ, иқтисодӣ - иҷтимоӣ, ҳуқуқӣ ва ниҳодии фаъолшавии онҳо равонашуда тақозо менамояд. Масалан гуфта мешавад, ки насли ҷавон, ки даҳшат, вазнинии тоқатфарсо ва маҳрумиятҳои ҷанги шаҳрвандии солҳои 90-умро аз сар нагузаронидааст, дар сурати таҳти таъсиррасонии шадиди унсурҳои ифротгаро қарор гирифтан, метавонад зӯровариро ҳамчун воситаи худнишондиҳӣ бипазирад, ки тамоюли зиёдшавии сатҳи шомил шудани ҷавонон ба созмонҳои экстремистию террористӣ аз ин гувоҳӣ медиҳад.

Албатта, умдатан, пешгирӣ ва барои экстримизм муайян намудани ҷазо, татбиқи он ва чораҷӯӣ намудан бар зидди он ин яке аз вазифаҳои муҳими мақомоти марбутаи давлат ва ба виҷа мақомоти ҳифзи ҳуқуқ мебошад. Аммо дар баробари онҳо, ниҳодҳои ҷомеаи шаҳрвандӣ низ бояд дар асоси қонунгузорӣ ва ҳадафҳои оинномавии худ аз ин раванд қафо намонанд ва нерӯӣ худро ба муқовимати ин падидаи манфӣ босамар ва касбӣ истифода намоянд.

Мавриди зикр аст, ки дар ин самт албатта аз ҷониби онҳо фаъолиятҳои мушаххас амалӣ шуда истодааст ва имрӯз метавон гуфт, ки як таҷрибаи хуби ҳамкорӣ ва мушоракати ташкилотҳои ҷамъиятӣ ва мақомоти давлатӣ оид ба муқовимат бо экстремизм имрӯз дар Тоҷикистон шакл гирифта истодааст. Вале ҳамзамон он самаранокӣ ва истифодаи роҳу усулҳои гуногун ва пешрафтаро тақозо дорад ва дар ин ҳошия албатта таҷрибаи ғании ҷаҳонӣ низ бояд ҳатман истифода шавад.

Ниҳодҳои ҷомеаи шаҳрвандӣ метавонанд василаҳои гуногун ва нарми пешгирии идеологияи экстримистиро истифода намоянд. Ва яке аз самтҳои хуби ҳамкорӣ метавонад густариши ҳамкориҳо дар соҳаи маориф бошад. Дар ин ҷода имконоти истифоданашуда хеле зиёданд.  Ин нукта дар Стратегия низ ифода ёфта муҳимияти он таъкид гардидааст. Гуфта мешавад, ки зарфиятҳои соҳаи маориф оид ба огоҳонидани мафкураи тундгароӣ ва тарбияи асли таҳаммулгароӣ дар байни ноболиғон ва ҷавонон ба андозаи кофӣ истифода намешавад. Ба огоҳонидан аз тундгароӣ дар байни ноболиғон ва ҷавонон мебояд аз синну соли томактабӣ ва мактабӣ, ки  дар замири кӯдак ҳисси муҳаббат ба Ватан ва ватанпарастӣ ташаккул меёбад, машғул шуд. Дар мактабҳо бояд фанҳое омӯхта шаванд, ки мактаббачагонро дар рӯҳияи эҳтиром ба инсон ҳамчун шахсият, новобаста аз мансубияти миллӣ ё мазҳабии ӯ тарбия намуда, шароит фароҳам оварда шавад, ки кӯдакон тавонанд ба селоби иттилооти манфӣ вокуниши дуруст нишон дода, аз таъсири он худро ҳифз намоянд.

Ниҳодҳои ҷомеаи шаҳрвандӣ, махсусан ташкилотҳои ҷамъиятӣ имконоти пешниҳоди дониш ва малакаҳои аз ҳамсол ба ҳамсолро  имрӯз хуб дарк мекунанд ва таҷрибаи хуберо низ дар ин самт андӯхтаанд. Бидуни шак, шарти муҳими пешгирии тундгароӣ ва экстремизм дар байни ҷавонон сафарбаркунии худи онҳо ба корҳои огоҳонӣ бо ҳамсолони худ мебошад. Яъне вақте ин усул аз ҷониби ташкилотҳои ҷамъиятӣ босамар истифода шавад мо метавонем ба натиҷаҳои мусбии дилхоҳ расем. Гирифтани иттилоот ва таҷрибаи муваффақ аз ҳамсоли худ методи босамари таъсиррасонӣ ба шуур ва ҷаҳонбинии ҷавон мебошад, бо дигар сухан аз суханҳои зиёди назариявӣ як таҷрибаи амалии возеҳи ҳамсоли ӯ ба зеҳни ҷавон зудтар таъсир мекунад ва ин нукта бояд ҳатман ба инобат гирифта шавад.

Яке аз таҷрибаи мусбие, ки ташкилоти ҷамъяитӣ метавонанд аз он ҷиҳати пешгирии ақидаҳои экстримистӣ истифода намоянд ин аҳамияти хоса додан ба рушди ҷавонон мебошад. Яъне имрӯз  мо бояд ба имконоти оне, ки як ҷавони тоҷикистонӣ барои амалӣ намудани захираҳои инсонии худ дорад аҳамияти хоса диҳем. Афкоре вуҷуд дорад, ки нишон додани аксу манзараҳо ва филмҳои пешгирикунандаи пур аз тарс ва ваҳшат аз нуқтаи назари равоншиносӣ барои психикаи ҷавон зарар дорад ва метавонад натиҷаҳои манфӣ диҳад. Барои ҳамин хубтар, босамартар ва аз нуқтаи назари равонӣ безарартар мебуд, агар мо таҷрибаи имконоти рушди мусбати ҷавононро вобаста аз имконоти дар Тоҷикистон буда муаррифӣ намоем. Яъне, ҷои наворҳои пурваҳшат мо диқкати ҷавонро ба он имконоте, ки имрӯз дар Тоҷикистон ҷиҳати рушди нерӯи инсонии ҷавонон  вуҷуд доранд ҷалб намоем. Дар ин сурат дар ҷавон тафаккури интиқодӣ ва интихоби солим шакл мегирад, ки ин, бешак, ба фоидаи кор аст.  

Дар ниҳояти баррасии ин мавзӯи доғ ба як омил аҳамияти аввалиндараҷа дода шавад, ки пешгирӣ, муқовимат ва пешгирии экстремизм танҳо вазифаи давлат ва мақомоти он нест, тамоми нерӯҳои солими ҷомеа дар рафъи ин мушкилоти хатарзо бояд паҳлӯи ҳам истода, дар амалӣ намудани чорабиниҳои маҷмӯи ҳисси ҳамшарикӣ ва тафоҳум дошта бошанд. Дар ин сурат мо метавонем муқовимат бо идеологияи экстримистиро ба сатҳи боло бардошта, саҳми ниҳодҳои ҷомеаи шаҳрвандӣ ва махсусан ташкилоти ҷамъяитиро дар ин самт босамар ва қавӣ намоем.

Муллоев Дилшод,
номзади илми ҳуқуқ, коршиноси масоили сиёсӣ

Читать далее

ҶАМЪОВАРӢ, КОРКАРДИ ЛАМПАҲОИ КАММАСРАФ ЧӢ МУШКИЛӢ ДОРАД?

Хотиррасон бояд кард, ки қарори Ҳукумати Ҷумҳурии Тоҷикистон аз 3 - юми марти соли 2011, таҳти №97 «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор» қабул гардида буд. Бобати иҷрои қарори мазкур дар шаҳру ноҳияҳои вилоят чӣ тадбирҳо андешида мешаванд?

Тибқи иттилои сармутахассиси Раёсати ҳифзи муҳити зисти вилоят Носирҷон Яъқубов, дар шаҳру ноҳияҳо давоми соли 2019 - ум 188 санҷиши соҳавию амалиёт доир ба ҷамъоварӣ, интиқол, нигоҳдорӣ ва коркарди лампаҳои каммасраф гузаронида, барои бартараф намудани камбудиҳои ошкоргашта ба роҳбарони корхонаю муассисаҳо, соҳибкорон ва шаҳрвандон 187 пешниҳоди иҷроишаш ҳатмӣ дода шуд, ки то имрӯз бо назардошти пешниҳодҳои қаблӣ 158 ададаш иҷро гаштааст.

- Нисбат ба 46 нафар қонунвайронкунанда барои роҳ додан ба камбудиҳо дар самти ҷамъоварӣ, безараргардонӣ, нигоҳдорӣ, интиқол ва коркарди лампаҳои симобдор протоколҳои ҳуқуқвайронкунии маъмурӣ тартиб дода, тавассути татбиқи ҷазои маъмурӣ ба маблағи 11495 сомонӣ ҷаримабандӣ карда шуд, - гуфт номбурда.

Таҳлилҳо нишон дод, ки дар нуқтаҳои қабул давоми соли 2019 - ум 17235 адад ва аз соли 2011 то инҷониб 461108 адад лампаи каммасрафи симобдори азистифодабаромада қабул шудааст. Омӯзиши масъалаи мазкур нишон дод, ки бо сабаби гузаштан ба истифодаи лампаҳои каммасрафи ЛЭД (диодӣ) теъдоди истифодабарии лампаҳои каммасрафи симобдор аз тарафи аҳолӣ ва ташкилоту корхонаҳо кам гардидааст. Хотиррасон бояд кард, ки айни ҳол имконияти қабули лампаҳои симобдори корношоям дар анборҳои махсус маҳдуд буда, ҳалли фаврии коркарди онҳоро тақозо менамояд. Ҳангоми сафарҳои хизматӣ ба шаҳру ноҳияҳо аз фаъолияти ҷамоатҳои шаҳраку деҳот, иншооти марбути соҳаҳои маориф, тандурустӣ, кишоварзӣ, корхонаҳои саноатӣ ва ташкилоти сохтмонӣ мушоҳида намудем, ки дар баъзе аз ташкилоти номбурда масъалаи ташкили нуқтаи муваққатан нигоҳдории лампаҳои симобдори азистифодабаромада дар сатҳи зарурӣ ҳаллу фасл нагардидааст.

Аз сабаби хуб ба роҳ монда нашудани корҳои ташвиқотию тарғиботӣ миёни аҳолӣ оид ба моҳияти масъалаи мазкур ва нокифоя ташкил кардани нуқтаҳои қабул аз тарафи шаҳрвандон фурӯзонакҳои корношоямгашта кам супурда шудааст. Қисми зиёди онҳоро дар партовгоҳҳо дидан мумкин аст, ки ин боиси ифлосшавии муҳити атроф аз моддаҳои симобдор мегардад. Ҳол он ки тайи чанд сол аст, ки дар Тоҷикистон истифодаи лампаҳои каммасраф ба ҷойи лампаҳои тафсон маъмул шудааст.

Аммо сокинон лампаҳои азистифодабаромадаро ба партовгоҳҳои умумӣ мепартоянд. Бархе онҳоро дар хонаҳои худ нигаҳ медоранд, ба умеде, ки рӯзе корхонае онҳоро ҷамъ хоҳад овард. Бино ба иттилоои масъулини Раёсати сармоягузорӣ ва идораи амволи давлатӣ, доир ба ташкил намудани системаи безараргардонӣ, ҷамъоварӣ, нигоҳдорӣ, интиқол ва коркарди лампаҳои симобдор дар заминаи ҶСК “Чароғ” - и шаҳри Исфара лоиҳаҳои сармоягузорӣ “Корхонаи истеҳсоли лампаҳои каммасраф” дар шаҳри Исфара ба маблағи 1 миллиону 100 ҳазор доллари амрикоӣ ва лоиҳаи сармоягузорӣ “Оид ба нест кардани ҷузъҳои лампаҳои каммасрафи люминисентӣ” дар шаҳри Исфара ба маблағи 155 ҳазор доллари амрикоӣ таҳия шуда, барои воридсозӣ ба Барномаи давлатии сармоягузориҳо ба Вазорати рушди иқтисод ва савдои Ҷумҳурии Тоҷикистон пешниҳод гардида, он ба Барномаи давлатии сармоягузорӣ, грантҳо ва сохтмони асосӣ барои солҳои 2016 - 2020, ки бо қарори Ҳукумати Ҷумҳурии Тоҷикистон аз 30 - юми декабри соли 2015, таҳти №772 тасдиқ шудааст, барои дарёфти сармоягузор ворид карда шуд. Тибқи маълумоти Маркази стандартизатсия, метрология, сертификатсия ва нозироти савдои вилоят, ҷиҳати риоя намудани ҳуқуқҳои истеъмолкунандагон, аз ҷумла ба таври дахлдор огоҳ намудани истеъмолкунандагон дар бораи қоида ва шартҳои ба таври бехатар истифода бурдани лампаҳои симобдор, нигоҳдорӣ ва безараргардонии онҳо, инчунин манъ намудани фурӯши мол дар ҳолати набудани тарҷумаи қоидаҳои истифодабарӣ ва ҳуҷҷатҳои техникӣ ба забони давлатӣ таъмин намуданд.

Дар соли 2019 аз ҷониби мутахассисони марказ ва Марказҳои ташхиси минтақавии шаҳрҳои Исфара, Конибодом, Истаравшан ва Панҷакент дар шаҳру ноҳияҳо 2134 лампаи каммасраф ба маблағи 11841,6 сомонӣ бе сертификати мутобиқат ва дарҷ нагардидани маълумот оид ба истифодабарӣ бо забони давлатӣ дар борҷома номутобиқ дониста, аз муомилот гирифта шудааст.

Айни ҳол дар вилоят ягон корхона ва ташкилоте, ки дорои технологияи безараргардонӣ, коркард ва имконияти истифодаи партовҳои симобдор тибқи қонунгузории амалкунанда дар онҳо ба роҳ монда шудааст, ташкил нагардидааст. Раёсати ҳифзи муҳити зисти вилоят як таҷҳизоти безараргардонии лампаҳои каммасрафи симобдори тамғаи “ЭКОТРОМ - 2” 150 - 300 истеҳсоли Федератсияи Россияро харид. Ҳамчунин, соҳибкори инфиродӣ Аҳрор Раҳимов низ баҳри тозагии муҳити зист, саломатии насли солим, пешгирии ифлосшавии муҳит иқдоми ҷамъоварӣ ва коркарди лампаҳои каммасрафи симобдор, аккумулятор, батареяҳоро пеш гирифтааст.

Ин соҳибкор дорои иҷозатнома (литсензия) - и фаъолият оид ба ҳуқуқи ҷамъоварӣ, истифодабарӣ, безараргардонӣ, кашонидан ва ҷойгиркунонии партовҳои хатарнок буда, айни ҳол ба ҷамъоварии лампаҳои каммасраф машғул аст. Ба иттиллои бахши ҳифзи муҳити зисти шаҳри Исфара, соҳибкор А.Раҳимов то ин дам беш аз 520 ҳазор лампаи каммасрафи симобдори аз истифода баромадаро қабул ва дар анборҳои ҳудуди ҶСШК «Чароғ» - и шаҳри Исфара нигоҳдорӣ намуда истодааст.

 Имрӯз дар вилоят якчанд корхонаи истеҳсоли лампаҳои каммасраф мавҷуд аст. Аз ҷумла, дар шаҳрҳои Бӯстону Исфара чунин лампаҳоро ба фурӯш мебароранд. Аммо ба гуфтаи сокинон, сифати он лампаҳои каммасраф чандон хуб нест, зуд месӯзанду корношоям мегарданд. Ҳамин тариқ, мушкилии беосеб кардани лампаҳои корношоям дар вилоят ҳанӯз роҳи ҳалли худро наёфтааст. Фарида - ҷавонзане аз шаҳри Хуҷанд мегӯяд: “Лампаҳои каммасраф хуб аст, вале нархаш гарон. Як донааш аз 4 то 15 сомонӣ мебошад. Мехарем, зуд месӯзад. Мегӯянд, ки ба партовгоҳи умумӣ партоем, симобаш ба одамону табиат зарар дорад. Ҷойе қабул намекунад. Ба куҷо супорем, намедонем.” Чунин эродҳоро аз дигар шаҳру навоҳӣ низ сокинон иброз медоранд.

Бино ба иттилои масъулин, мушкилии аввал ин, ки дар вилоят ҳанӯз корхонаи демаркатсионӣ, яъне беосеб ва таҷзияи ҷузъҳои лампаҳои каммасраф вуҷуд надорад. Мушкилоти дигар, ин ҷамъ овардани лампаҳои каммасрафи корношоям аз аҳолӣ мебошад. Хуб, аз корхонаву муассисаҳо ҷамъ кардан то дараҷае мумкин мегардад, аммо роҳи аз аҳолӣ чӣ тавр ҷамъ овардан ҳал нашуда истодааст. Аз мушоҳидаҳо бармеояд, ки имрӯз дар ҷамоати деҳот ва шаҳраки аксари шаҳру ноҳияҳо нуқтаҳои қабули лампаҳои каммасраф дида намешавад. Имрӯз лампаҳои азкорбаромадаро дар кӯчаву паскӯча ва дигар ҷойҳои ҷамъиятӣ мебинем, ки мардум дониставу надониста партофтаанд. Агар масъулини шаҳру навоҳии вилоят корҳои фаҳмондадиҳиро оид ба ҷамъоварии лампаҳои каммасраф миёни сокинон амалан, самарабахш ва аз рӯи масъулият мегузарониданд, шояд имрӯз кор ранги дигар мегирифт.

Бояд зикр кард, ки дар таркиби лампаҳои каммасраф маҳлули симоб мавҷуд буда, дар сурати ба партовгоҳҳои маъмулӣ партофтани онҳо ба ҳавою хок паҳн шуда, ба саломатии сокинон ва муҳити зист зиён мерасонад. Симоб яке аз моддаҳои муҳими таркиби фурӯзонакҳои компактии каммасраф буда, сарчашмаи нуру равшании фоидабахш дар ин гуна лампаҳо аст. Аз рӯи классификатсия, симоб моддаи заҳрноки дараҷаи якуми кимиёвӣ маҳсуб меёбад. Ҳатто, фурӯзонакҳои каммасрафи хурдтарин 2 - 7 мг симоб доранд. Рӯйпӯши каме осебдида ва ё вайроншудаи фурӯзонакҳо буғҳои симоб хориҷ карда, заҳролудшавии баландро ба миён меорад.

 Таркиби мӯътадили мавҷудияти симоб дар фазо ва ҳавои манзилҳои истиқоматӣ, ҷойҳои ҷамъиятӣ 0,0003 мг - м3 мебошад. Дар шароити ҷойҳои пӯшида дар натиҷаи осеб дидани чунин фурӯзонак таркиби буғҳои симоб мумкин аст, ки аз меъёр 160 баробар изофа гардад. Инчунин, дохилшавии симоб ба организм аксар вақт ҳангоми нафас гирифтани буғҳои он ба амал меояд, ки он бӯй надорад, вале ба заҳролудшавии организми инсон, аз ҷумла системаи марказии асаб, ҷигар, гурда, меъдаву рӯдаҳо оварда мерасонад. Бинобар ин зарур аст, дар маркази ҷамоатҳо ва корхонаҳои хизматрасонии коммуналӣ нуқтаҳои қабули лампаҳои каммасраф ва ҷои махсуси нигоҳдории он ҷиҳозонида шавад, то ки аҳолӣ фурӯзонакҳои аз истифода баромадаро ба партовгоҳ ва кӯчаҳо напартояд ва ба ин васила ба беҳдошти саломатии ҷомеа хатар эҷод накунанд.

Имрӯз ҳар яки моро мебояд, маърифати баланди экологиро соҳиб гашта, баҳри ҳифзи беҳдошти муҳити зист аз хатари симоби фурӯзонакҳои каммасраф эмин бошем, дар истифодаи онҳо эҳтиёткориро пеша намуда, ба ҷони худу атрофиён ҷабр накунем.

Нодир ТУРСУНЗОДА,
«Ҳақиқати Суғд»

Читать далее

БУНЁДИ ГУЗАРГОҲИ ЗЕРИЗАМИНӢ ВА ТАЪМИНОТ БО ҶОЙИ КОРӢ

 

 

 

 

Дар доираи 1300 рӯзи ободонӣ ба истиқболи 30 - солагии Истиқлолияти давлатии Ҷумҳурии Тоҷикистон дар саросари кишвар корҳои ободониву созандагӣ, бунёди иншооти мухталиф ба роҳ монда шудааст.

Дар назди бозори «Панҷшанбе» низ корҳои ободониву созандагӣ бомаром ҷараён доранд. Аз моҳи апрели соли 2018 сохтмони гузаргоҳи зеризаминӣ дар ин мавзеъ оғоз гардида буд. Баробари ба назди гузаргоҳ расидан аён гардид, ки сохтмончиён саргарми кор буда, барои дар сатҳи зарурӣ ба анҷом расонидани кор ҷаҳд доранд.

Рангуборчиён аллакай ба рангкунии даромадгоҳҳо оғоз кардаанду қисми зиёди корҳои сохтмонӣ ба итмом расидааст. Биризвон Машарифова, ки солҳои тӯлонӣ дар бозор ба савдо машғул аст, гуфт, ки солҳои охир аксар сокинон тариқи савдо шароити иқтисодии худро беҳтар гардонида истодаанд. Бозор ҷоест, ки ҳамарӯза ҳазорон нафар меоянду дастранҷи марди деҳқон ва чизҳои лозимаро харид мекунанд. Бунёди нуқтаҳои савдо дар гузаргоҳи зеризаминӣ барои савдогарони бозор иқдоми нек хоҳад буд, зеро боз нафарони зиёде соҳиби ҷойи корӣ хоҳанд шуд.

- Аслан бозор ва ободу замонавӣ гардидани он барои мардуми тоҷик манфиатовар аст, зеро ҳар сайёҳ ва меҳмони хориҷиву дохилие, ки вориди бозор мешавад, ба шаҳрдории мо баҳогузорӣ мекунад, - иброз дошт номбурда.

Сохтмони гузаргоҳи зеризаминиро сохтмончиёни ҶДММ «Сохтмончиёни Суғд» ба уҳда гирифтаанд. Тавре роҳбари ҶДММ «Сохтмончиёни Суғд» Аҳадҷон Ҷӯраев иттилоъ дод, дар гузаргоҳ дар се баст беш аз 60 нафар сохтмончӣ фаъолият карда истодаанд. Аз оғози корҳои сохтмонӣ барои дар сатҳи баланд ба анҷом расонидани иншоот беш аз 180 нафар ҷалб шудаанд.

- Ҳоло наздик 85 фисади корҳои сохтмонӣ аз рӯи нақша ва лоиҳаи пешниҳодгардида ба анҷом расидааст. Боиси қайд, ки гузаргоҳи зеризаминӣ бо паҳноии 18 метру дарозии 260 метр бунёд мегардад. Барои ҳолатҳои фавқулодда низ корҳои бехатарӣ пешбинӣ гардида, аз ду тарафи гузаргоҳ даҳ роҳи даромаду баромад сохта шуда истодааст.

- Ҳамзамон, пас аз ба истифода додани гузаргоҳ 75 нуқтаи савдо бо беш аз 230 ҷойи корӣ ба фаъолият оғоз хоҳад кард, - гуфт Аҳадҷон Ҷӯраев. Дар рафти суҳбат зане бо дарёфти ҷойи корӣ муроҷиат кард.

Ӯ гуфт, ки вазъи оилавиаш хуб набуда, фарзандаш маъюб аст ва ӯ мехоҳад, ба ҳайси рӯбанда ба кор шурӯъ кунад. Он зан шукрона кард, ки баробари сохтмони иншоотҳои иҷтимоӣ корафтодагон метавонанд, соҳиби ҷойи корӣ гарданду вазъи оилавиашонро ҳам беҳ намоянд. Ҳамчунин, сохтмончӣ - хиштчин Абдусамад Воҳидовро саргарми кор дарёфтем. Ӯ, ки пештар барои дарёфти ризқу рӯзӣ ба Федератсияи Россия мерафт, як сол инҷониб дар бунёди гузаргоҳи зеризаминӣ фаъолият дорад. Соҳиби 4 фарзанд буда, бо меҳнати ҳалол оилаашро таъмин мекунад. - Ростӣ, солҳои пешин ба муҳоҷирати меҳнатӣ мерафтам.

Дур будан аз кишвар, падару модар ва фарзандон бароям мушкил буд. Имрӯз, хушбахтона, дар шаҳри худ ҷойи корӣ бо маоши баланд насибам гардиду маблағи дар муҳоҷират пайдомекардаамро дар ин ҷо ба даст оварда истодаам. Ба нафароне, ки дар ҷустуҷӯи кор ҳастанду мақсади ба муҳоҷират рафтанро доранд, ҳаминро гуфтаниам, ки алҳол барои корҷӯён ҷойи корӣ ва маоши хуб мавҷуд аст, зеро дар ҳар гӯшаву канори вилоят корҳои сохтмонӣ идома доранд, - гуфт Абдусамад Воҳидов. Боиси қайд аст, ки чанде пеш Раиси вилояти Суғд Раҷаббой Аҳмадзода аз ҷараёни корҳои сохтмонӣ дар ин мавзеъ дидан карда, ба масъулин бобати сари вақт ва бо сифати баланд анҷом додани корҳои сохтмонӣ ва ҳарчи зудтар барои равуои мардум шароит муҳайё сохтан дастуру супоришҳо дода буданд.

Баробари ин масъулин бобати мумфаршкунии кӯчаи Шарқ, чароғонкунӣ бо усули муосири ду қадди роҳ, сохтмони ҷӯйбор, умуман ободу зебо гардонидани кӯчаи мазкур вазифадор шуданд. Доир ба ин масъала Аҳадҷон Ҷӯраев гуфт, ки то баргузории ҷашни байналмилалии «Наврӯз» - и соли равон тамоми корҳо ба сомон расонида хоҳанд шуд.

Ҷоизи зикр аст, ки дар шаҳри Хуҷанд ба истиқболи 30 - солагии Истиқлолияти давлатии Ҷумҳурии Тоҷикистон сохтмон, азнавсозӣ ва таъмиру таҷдиди беш аз 510 иншооти соҳаи хоҷагии халқ, аз ҷумла бунёди коргоҳҳои истеҳсолию саноатӣ, сохтмон ва таъмиру азнавсозии муассисаҳои маориф, фарҳанг ва тандурустӣ, сохтмони хонаҳои истиқоматии баландошёна ва маъмурию хизматӣ, сохтмони ҳаммом, чойхона, толори ҳусн, марказҳои хизматрасонӣ ва ғайраҳо дар назар дошта шудааст, ки то соли 2021 ба истифода дода мешаванд.

Шаҳбону ОЛИМОВА,
«Ҳақиқати Суғд»

 

 

 

 

Читать далее