January 2020

20 January 2020

ЯХОБМОНӢ - ОМИЛИ ФАРОВОНҲОСИЛӢ

Аз қадимулайём дар диёри азизи мо деҳқонони пуртаҷриба ба масъалаи яхобмонӣ - обёрии зимистона аҳамияти муҳим медоданд. Ба ҳамагон маълум, ки яхобмонӣ дар фасли зимистон якчанд хусусиятҳои мусбӣ дорад. Фасли зимистон замин, долу дарахтон, бо забони деҳқонӣ гӯем, дам мегиранд.

Аммо решаҳои дарахтони мевадиҳанда ва зироатҳои кишоварзӣ бедоранд, яъне доимо дар ҳоли рушд мебошанд. Чӣ қадар решаҳои дарахтони мевадиҳанда ва зироатҳои кишоварзӣ хуб ривоҷ ёбанд, ҳосилнокии боғот ва зироатҳо ҳамон қадар фаровон мешавад. Барои ҳамин обёрии зимистона, аввало озуқадиҳӣ, яъне қуввати табиӣ додан ба дарахтон ва зироатҳо мебошад.

 Маълум аст, ки солҳои охир се намуди кирми зироатҳо дар ҷуворимакка ва хусусан кирми ғӯза ба ҳосилнокии зироатҳо зарар расонида истодааст. Бахусус, ба пахта талафоти ҷиддӣ расониданаш имконпазир аст. Ҳашаротҳои зараррасон давраи сармо дар чуқурии аз 7 то 15 сантиметр зиндагӣ мекунад. Вақте, ки обёрии зимистона гузаронида мешавад, шабона ҳарорати хок паст фаромада, чуқурии замин ях баста, зочаҳои ҳашаротҳои зараррасон нобуд мешаванд ва миқдори онҳо дар тобистон хеле кам мегарданд.

Ҳосилнокии дарахтони мевадиҳанда ва зироатҳои кишоварзӣ аз зичии хок вобастагӣ дорад. Чӣ қадар замин мулоим ва зичии хок кам бошад, решаҳои дарахтони мевадиҳанда ва зироатҳои кишоварзӣ оксигенро хуб истифода мебарад. Аз ин лиҳоз, деҳқонони пуртаҷриба ҳаракат мекунанд, ки ҳама фасли сол замин мулоим бошад, яъне доимо коркарди лозимӣ гузаронида шавад. Ҳангоми коркарди байниқаторӣ дар давраи тобистон бояд замин аз алафҳои бегона тоза бошад.

Боришоти зимистона ва фасли баҳор, обёрии зимистона ба замин хуб ҷаббида мешавад. Ин имкон медиҳад, ки кишту кори баҳорӣ ва қад кашидани зироатҳои кишоварзӣ дар давраи кӯтоҳ ба амал ояд. Ҳосили зироатҳои кишоварзӣ, хусусан пахта аз миқдори кӯчат вобастагӣ дорад. Яхобмониро (обёрии зимистона) – ро бахусус дар ноҳияҳое, ки фасли тобистон аз оби полезӣ танқисӣ мекашанд, ҳамчун тадбири фоидабахш гузаронидан муҳим аст.

Инъом ҚОБИЛБЕКОВ,
номзади илмҳои кишоварзӣ,
ноҳияи Зафаробод

Читать далее

БЕМОРОН ЧӢ ГУНОҲ ДОРАНД?

Шуъбаи табобати нурии Маркази саратоншиносии вилоят кай ба фаъолият оғоз мекунад?

Бо чунин пурсишҳо корафтодагону беморон ба мутассадиёни соҳа ва бо зангҳои телефонӣ ба идораи рӯзнома борҳо муроҷиат намудаанд. Воқеан, ҳамагон огаҳ ҳастем, ки соли гузашта шуъбаи табобати нурии Маркази саратоншиносии вилояти Суғд расман ифтитоҳ ёфта буд, вале аз чӣ сабаб бошад, ки ин шуъба фаъолият надораду беморон ҳанӯз ҳам барои муолиҷа ба шаҳри Душанбе ва ҳатто берун аз кишвар мераванд. Барои равшанӣ андохтан ба масъалаи мазкур ба масъулини соҳа муроҷиат намудем.

Директори Маркази саратоншиносии вилоят Бахтиёр Орифов изҳор дошт, ки санаи 18 – уми августи соли 2019 бо иштироки роҳбарияти вилоят ва намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шуъбаи табобати нурии Маркази саратоншиносии вилояти Суғд расман ба фаъолият оғоз карда буд.

Қайд кардан ҷоиз аст, ки давоми солҳои соҳибистиқлолӣ дар вилоят садҳо иншооти соҳаи тандурустӣ таъмиру навсозӣ шуданд, ки бинои шуъбаи табобати нурии Маркази саратоншиносии вилоят аз қабили онҳост. Бинои мазкур соли 2014 бо маблағгузории Мақомоти иҷроияи ҳокимияти давлатии вилоят бунёд гардид. Дастгоҳи нурафкании “ТЕРАБАЛТ” ва дигар дастгоҳҳои зарурӣ ба ин шуъба аз ҷониби Ташкилоти байналмилалии МАГАТЭ ворид шуда, насби ҳамаи таҷҳизоти зарурӣ ба иҷро расонида шудааст. Рӯзҳои наздик ташрифи намояндагону коршиносон аз Агентии зиддиядроии ҷумҳурӣ ва филиали он дар шаҳри Бӯстон барои гузаронидани дозиметрия, яъне санҷиши сатҳи радиатсионии ҳам таҷҳизот ва ҳам дохили шуъбаву гирду атрофи он дар назар аст.

Танҳо дар сурати гирифтани хулосаи онҳо Ташкилоти байналмилалии МАГАТЭ барои фаъолияти шуъба ва истифодаи таҷҳизот иҷозатнома хоҳад дод. Аз санаи 24 –уми феврал то 6 – уми марти соли равон дар шаҳри Душанбе бо намояндагони ин ташкилот гузаронидани семинар – тренинг пешбинӣ шудааст. Дар семинар ҳамаи кормандоне, ки дар шуъбаи нурӣ фаъолият менамоянд ва ё бо он сарукор доранд, иштирок хоҳанд кард. Ҳамзамон, аз Маркази мо 6 нафар духтуру физикҳо ва кормандони хурду миёна дар он ширкат варзида, танҳо пас аз он иҷозати фаъолият дар шуъбаи нуриро мегиранд. Алҳол як духтур ва як физики мо дар шуъбаи нурии Маркази илмии ҷумҳуриявии саратоншиносӣ дар шаҳри Душанбе бозомӯзӣ доранд. Ҳадаф, пеш аз ҳама, ҳамаҷониба омода намудани мутахасссисон барои бехавф ва дуруст корбарӣ намудан ба таҷҳизот мебошад. Ҳамаи омӯзишу бозомӯзиҳо аз ҷониби ташкилот пурра дастгирӣ шуда истодааст. Умуман, тибқи нақшаи Ташкилоти умумиҷаҳонии МАГАТЭ, гузаронидани тадбирҳо ба моҳи марти соли 2020 рост меояд ва то он замон дар назар аст, ки корҳои баъзе ҳуҷҷатгузориҳои ҳуқуқӣ, дозиметрия ва омодагии кадрҳо ба сомон расонида шаванд.

Директори Маркази саратоншиносии вилоят Бахтиёр Орифов фаъолияти кунуни табобатгоҳро шарҳ дода, изҳор дошт, ки дар шуъбаҳои ҷарроҳӣ, кимиёвӣ дар маҷмӯъ 6700 бемор дар қайди Маркази саратоншиносии вилоят қарор дошта, соли 2019 ҳамагӣ 4525 бемор муолиҷа гирифтанд. Ҳамчунин, барои таъмири ҷории бому биноҳои беморхона ва ободонии гирду атрофи он як қатор корҳо ба сомон расонида шудааст.

- Дар заминаи дастуру супоришҳои Раиси вилоят Раҷаббой Аҳмадзода бо мақсади сазовор таҷлил намудани 30 - солагии Истиқлолияти давлатии Ҷумҳурии Тоҷикистон тибқи нақша - чорабиниҳо корҳои ободониву созандагӣ вусъат ёфта, боз ҳам дар сатҳи зарурӣ барои ҳифзи сиҳатии мардум кӯшиш менамоем, - мегӯяд Б.Орифов.

Бунёду азнавсозии муассисаҳои тиббӣ, бунгоҳу дармонгоҳҳо, бо дастгоҳҳои муосири ташхисиву табобатӣ таҷҳизонидани беморхонаҳо дар замони соҳибистиқлолии кишвар собит месозанд, ки солимиву ҳифзи тандурустии ҷомеа дар мадди аввали сиёсати иҷтимоии Ҳукумати мамлакат қарор дорад. Агар алҳол гирифторони бемории саратон барои ташхис ва муолиҷа ба муассисаҳои табобатии берун аз вилоят ва ё хориҷи кишвар раванд, боварӣ дорем, ки дар ояндаи наздик дар фаъолияти шуъбаи табобати нурии Маркази саратоншиносии вилоят вазъият тағйир меёбад, зеро муассисаи махсусгардонидашуда қодир аст, ташхису табобати ҳама гуна навъҳои ин бемориро ба роҳ монад.

Маъмурахон САМАДОВА,
«Ҳақиқати Суғд»

Читать далее

Сарчашмаи фаъолият ва омӯзиш

Тибқи дастуру супоришҳои Мақомоти иҷроияи ҳокимияти давлатии вилоят ва ноҳияи Бобоҷон Fафуров, гуруҳи тарғиботии вилоятӣ оид ба фаҳмонидани нуктаҳои асосии Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бо фаъолон, собиқадорони меҳнат, намояндагони соҳаҳои маорифу тандурустӣ дар толори Кооперативи тиҷоратии ба номи Ҷаббор Расулови ноҳияи Бобоҷон Fафуров вохӯрии судманд доир намуданд.

Дар вохӯрӣ мушовири калони шӯрои вилоятии Ҳаракати ваҳдати миллӣ ва эҳёи Тоҷикистон Мавҷуда Мирпоччоева, муовини раиси ноҳияи Бобоҷон Fафуров Дилором Турсунзода, роҳбари дастгоҳи кумитаи иҷроияи Ҳизби Халқии Демократии Тоҷикистон дар ноҳияи Бобоҷон Fафуров Алиҷон Зоҳиров иштирок намуданд.

- Ҳамасола Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ироа мегардад. Ҷиҳати фарқкунандаи Паёми имсола аз солҳои қаблӣ дар он буд, ки ҳисоботи ҳафтсолаи Ҳукумати мамлакат мавриди муҳокимаву баррасӣ қарор гирифта, барои ҳафт соли минбаъда вазифагузорӣ шуд. Паём барнома ва раҳнамои амали ҳар як шаҳрванди Ҷумҳурии Тоҷикистон ба ҳисоб меравад ва моро зарур аст, ҳар сатри онро сармашқи кори худ намоем, - иброз дошт Мавҷуда Мирпоччоева.

Қайд гардид, ки Сарвари давлат, пеш аз ҳама, ба соҳаи маорифу тандурустӣ диққати ҳамаҷониба дода, барои пурзӯр намудани назорати азхудкунии донишҳои замонавӣ ва ташвиқи наврасону ҷавонон ба мутолиаи китобҳои бадеиву илмӣ, тақвият бахшидани қобилияти эҷодии онҳо, таваҷҷуҳи бештар зоҳир кардан ба фанҳои табиатшиносию дақиқ ва риёзӣ, баланд бардоштани сатҳу сифати таълим дар ҳар як муассисаи таълимӣ ибрози назар карда, ба хотири боз ҳам бештар ба роҳ мондани омӯзиши илмҳои табиатшиносӣ, дақиқ ва риёзӣ солҳои 2020 – 2040 – ро «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон карданд.

 Супориши Сарвари давлат бо мақсади омӯзиши амиқи таърихи пурифтихори халқи тоҷик ва омӯхтани саҳифаҳои дурахшони қаҳрамониву диловариҳои гузаштагони худ, арҷгузорӣ ба мактаби бузурги худшиносӣ аз ҳисоби Фонди Президенти Ҷумҳурии Тоҷикистон чоп карда, то ҷашни 30 – солагии Истиқлолияти давлатӣ туҳфа намудани шоҳасари «Тоҷикон» ба ҳар як оилаи кишвар аз иқдомҳои нек ба шумор меравад. Муовини раиси ноҳияи Бобоҷон Fафуров Дилором Турсунзода дар бораи масъалаҳои таъсиси ҳарчи бештари ҷойи корӣ, рушди соҳибкории хурду миёна, диққати зарурӣ додан ба омӯзиши ҳунарҳои мардумӣ ва шуғли хонагӣ, таҳия ва татбиқи ҳадафҳо дар самти ҳунаромӯзии шаҳрвандон ҳарф зада, дастури махсуси Сарвари давлатро ба сохторҳои марбутаи давлатӣ расонид.

Ҳамчунин, гуфта шуд, ки барои шомил нашудани ҷавонону наврасон ба гурӯҳҳои ифротӣ ҳамарӯза корбарӣ намуда, дар ин самт бояд фаъолият ҷоннок шавад. Фикру мулоҳизаҳои аҳли нишастро дар доираи Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳозирин роҳнамои ҳаёт донистанд.

Боиси зикр аст, ки баргузории чунин вохӯриҳо дар ташкилотҳои дигари ноҳияи Бобоҷон Fафуров низ ба вуқӯъ пайваст.

Маърифат КАРИМОВА,
омӯзори МТМУ №33, ноҳияи Бобоҷон Fафуров

Читать далее

КАМОНВАРӢ: ривоҷ ва пешрафтро тақозо дорад!

Камонварӣ яке аз навъҳои машҳури варзиши миллӣ буда, таърихи қадима дорад. Лавозимоти асосии ин навъи варзиш камон ва тири он мебошад, ки онро аз чӯб ва дигар лавозимоти хамидаи абрӯшакл ва зеҳ месозанд. Чӯби хамидаро аз дарахтони зарбед, бед, санҷид ё газ сохта, ду нӯги онро бо устухон ё филизоти ранга оро медоданд. Зеҳи камонро аз ресмони абрешим ё рӯдаи ҳайвонҳои хонагӣ месохтанд.

иш дар Тоҷикистон хеле рушд карда буд. Мардуми тоҷик ба камонварӣ нисбат ба дигар намуди варзиш шавқи зиёд доштанд. Пас аз ноором гардидани фазои кишвар ба ин намуди варзиш аҳамияту эътибор коҳиш ёфт. Аз ин ҷост, то имрӯз нишондодҳои солҳои қаблӣ, ки варзишгарон ба даст оварда буданд, такрор наёфтааст. Мутаассифона, аксарияти мардум имрӯз аз мавҷудият ва фаъолияти мактаби варзишии камонварӣ дар вилоят огоҳ нестанд.

Дар ин бора хостем, бобати фаъолият ва бурду бохти Муассисаи давлатии “Мактаби махсуси варзишӣ оид ба намудҳои камонварӣ” дар вилоят аз наздик шинос гардем. Муассисаи давлатии “Мактаби махсуси варзишӣ оид ба намудҳои камонварӣ” дар вилоят фаъолияти худро аз соли 2015 инҷониб ба роҳ мондааст. Бино ба иттилои директори он Абдуғаффор Рустамов имрӯз, 4 нафар мураббӣ дар 7 гурӯҳ ба 63 нафар варзишгар нозукиҳои ин навъи варзишро омӯзонида истодаанд. Ҳангоме ба саҳни мактаби варзишӣ ворид гардидем, аз сабаби сардии ҳаво касе машғули тамрин набуд. Дар толори машқу тамрин низ вазъ чунин буд. Ҳол он ки қарори Ҳукумати Ҷумҳурии Тоҷикистон аз 27 - уми марти соли 2019, №117 ва қарори Раиси вилояти Суғд аз 22 - юми апрели соли 2019, №181 “Дар бораи сари вақт омода намудани соҳаҳои иқтисодиёт ва иҷтимоиёти вилоят дар даври тирамоҳу зимистони солҳои 2019 - 2020” ба тавсиб расида буд. Вале, мутаассифона, масъулини ин соҳа нисбат ба иҷрои қарорҳои мазкур хунукназарӣ зоҳир намудаанд.

Дар чунин шароит чӣ гуна метавон бо варзишгарон машғулият гузаронд? Ё худ, ба қавли худи мураббиён, бо либоси зимистона аз лавозимоти мавҷуда истифода ва тамрин карда намешавад. Толор барои машқу тамрин ба талаботи имрӯза ҷавобгӯ набуда, беҳбудиро металабад. Зимни шиносоӣ аён гардид, ки ҳуҷраҳои мураббиён, ҷойи нигоҳ доштани тиру камон ва ҳуҷраи либосивазкунӣ ҳама дар як ҷо ҷой гирифтаанд. Аз ҳама аҷибу ҳайратовараш он буд, нишоне, бояд ҳар як варзишгар онро ба нишон гирад, аз картон, яъне коғази ғафс омода шуда, боз аз сабаби истифодабарии зиёд фарсуда гаштааст. Бино ба маълумоти Абдуғаффор Рустамов, то ҳол Мактаби камонварии вилоят ҷойи алоҳидаи худро надорад. Яке аз сабабҳои асосии камбудиҳои имрӯза маҳз ҷойи аниқ надоштани мактаб аст.

- Инчунин, барои ба камонварӣ ҷалб намудани хоҳишмандон норасоии тиру камон ба назар мерасад. Ҳарчанд машқу тамрин ройгон гузаронида мешавад, вале то ҳол норасоиҳои зиёд ба чашм мерасанд. Имрӯз ба се - чор нафар варзишгар як камон рост меояд.

 Алҳол арзиши камон хеле гарон буда, мо имконияти харидани онро надорем. Барои иштирок дар мусобиқаҳои сатҳи байналмилалӣ ва ҷумҳуриявӣ барои мо маблағ зарур аст. Дар баъзе мусобиқаҳо варзишгарон аз ҳисоби маблағи волидон иштирок мекунанд. Мо ин имкониятро кай пайдо мекунем, намедонам. Бинобар ин, дар сурати пайдо накардани маблағ ва дар шароити ҳозиразамон тамрин накардани варзишгарон имкон баҳри ба натиҷаҳои назаррас ноил гардидан хеле кам аст, - мегӯяд А. Рустамов.

Ба ҳамаи ин норасоиҳо нигоҳ накарда, варзишгарон ба камонварӣ диққати бештар дода, ба натиҷаҳои назаррас ноил гардида истодаанд. Давоми соли 2019 варзишгарони мактаб дар 3 мусобиқаи вилоятӣ, 3 ҷумҳуриявӣ ва 5 мусобиқаи сатҳи байналхалқӣ ширкат намуда, сазовори 101 медал, аз ҷумла 34 медали тилло, 32 медали нуқра ва 35 медали биринҷӣ гардиданд. Манучеҳр Шерғозиев ва Мавзуна Азимова варзишгароне мебошанд, ки дар мусобиқаҳои ҷумҳуриявию байналмилалӣ ширкат намуда, барои гирифтани зинаҳои ифтихорӣ мушарраф шудаанд.

Имрӯз омӯзиши ин навъи варзиш дар вилоят пурра ройгон мебошад. Мушкилии асосӣ ин мавҷуд набудани шароити машқу тамрин ва харидани тиру камон аст. Камонварӣ аз он намудҳои варзиш аст, ки новобаста аз синну сол шаҳрвандон ба он машғул мешаванд. Аз ин лиҳоз, имрӯз аз рӯи чор синну сол мусобиқаҳо баргузор карда мешавад.

Мураббиён иброз медоранд, ки гарчанде шумораи варзишгарон нисбат ба солҳои пеш кам бошад ҳам, лекин бисёранд нафароне шавқу рағбати зиёд ба ин навъи варзиш доранд. Гуфтан ҷоиз аст, ки имрӯз ба он 63 нафар варзишгаре, ки дар чунин шароит машғули тамринанд, ҷойгузини Чемпиони мутлақи ҷаҳон (соли 1975 - Интерлакен), Ҷоизадори медали биринҷии Бозиҳои олимпии Монреал (соли 1976), Дорандаи медали нуқраи чемпионати ҷаҳон (соли 1977 дар Австралия), Чемпиони Аврупо (солҳои 1976 – Копенгаген, 1985 – Измир, 1986 – Париҷ), 15 карат Чемпиони Иттиҳоди Шӯравӣ ва 20 маротиба рекордсменкаи Аврупо, Иттиҳоди Шӯравӣ ва Тоҷикистон Зебунисо Рустамова кай пайдо мешуда бошад? Ин саволест, ки посухи худро металабад. Имрӯз яке аз сабабҳои дар сатҳи паст қарор доштани бархе аз намуди варзиш маҳз аз кам ҷудо намудани соатҳои дарсӣ дар мактабҳои миёнаву олӣ, нарасидани мутахассисони баъзе намудҳои варзиш ба ҳисоб меравад.

Бояд мактабҳои миёна ва олии касбии вилоят барои омода намудани мутахассисони соҳа таваҷҷуҳи бештар зоҳир намоянд, зеро барои пешрафти ин ё он соҳаи варзиш, маҳз мутахассисони баландихтисос лозиманд, ки шогирдони хубро тайёр намуда, ба натиҷаҳои назаррас ноил гарданд.

Варзиш омили муҳими солимии ҷомеа ба ҳисоб меравад. Ба таъкиди Абӯалӣ ибни Сино, агар одам дар баробари риоя намудани талаботи тартиби муътадил боз ба тарбияи ҷисмонӣ машғул шавад, ба истеъмоли дору дигар эҳтиёҷе намемонад.

Истамҷони НАҶМИДДИН,
«Ҳақиқати Суғд»

Читать далее

Раҷаббой Аҳмадзода ба ғолибони озмунҳои вилоятӣ беш аз 137 000 сомонӣ мукофотпулиҳо тақдим кард

17 январи соли 2020 дар толори қабули расмии мақомоти иҷроияи ҳокимияти давлатии вилоят маросими супоридани ҷоизаҳо ба ғолибони як қатор озмунҳои вилоятӣ баргузор гардид.

Раиси вилояти Суғд Раҷаббой Аҳмадзода зимни суханронӣ дар ҳузури ғолибони озмунҳои вилоятӣ таъкид кард, ки Ҳукумати мамлакат дар партави ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои арҷгузорӣ ба таъриху фарҳанг ва анъанаҳои неки ниёгон, муаррифии дастовардҳои миллат ва кишвар пайваста чораҷўӣ мекунад. Дар соли 2019 дар партави дастуру супоришҳои Пешвои муаззами миллат муҳтарам Эмомалӣ Раҳмон вобаста ба эълон гардидани “Солҳои рушди деҳот, сайёҳӣ ва ҳунарҳои мардумӣ” ва бо мақсади ҳавасмандгардонии донишҷўёну ҷавонон, муайян намудани беҳтаринҳо дар самти илмомўзӣ, китобхонӣ, ҳунармандӣ, зебоипарастӣ, худшиносию ватандўстӣ, иштироки фаъолонаи ҷавонон дар ҳаёти сиёсию ҷамъиятӣ як силсила қарорҳои Раиси вилоят ба имзо расида, мавриди иҷро қарор гирифтанд.

Читать далее

17 January 2020

Истаравшан: ПЕШРАФТИ САНОАТ НАЗАРРАС АСТ!

Дар даврони Истиқлолияти давлатии кишвар бо шарофати сиёсати хирадмандонаву бунёдкоронаи Пешвои муаззами миллат муҳтарам Эмомалӣ Раҳмон ва мардуми заҳматпешаи ин куҳандиёр симои шаҳр ба куллӣ дигар гашт. Инчунин, дар амалӣ гардидани ҳадафи чоруми миллӣ – саноатикунонии босуръати кишвар нақши муассир мегузорад.

Дар шаҳр чандин иншооти хурду бузург, корхонаҳои саноатӣ, муассисаҳои таълимӣ ва тандурустӣ, маҷмааҳои варзишиву хизматрасонӣ, кӯчаю хиёбонҳои нав бунёд ва ёдгориҳои таърихӣ таъмиру навсозӣ шуданд.

Аз баракати соҳибистиқлолии кишвар ҳунарҳои мардумӣ дар шаҳр эҳё гардида, мардум хусусан занону духтарон ҳунарҳои аҷдодиро сайқали тоза мебахшанд. Ҷиҳати бо шуғли доимӣ фаро гирифтани сокинон, махсусан бонувон, марказҳои омӯзиши ҳунарҳои мардумӣ, аз қабили атласу адрас, қолинбофӣ, гулдӯзиву зардӯзӣ таъсис ёфтанд. Соҳибкории хурду миёна дар қаламрави шаҳр равнақу ривоҷ ёфт.

Саҳми соҳибкорону тоҷирон дар ободию шукуфоии шаҳру деҳот бесобиқа аст. Айни ҳол дар шаҳр оид ба рушди соҳаи саноат, бунёди корхона ва коргоҳҳои хурди истеҳсолӣ тадбирҳои зарурӣ андешида мешавад. Бино ба иттилои Алишер Мамуров сармутахассиси шуъбаи рушди иқтисод ва савдои мақомоти иҷроияи ҳокимияти давлатии шаҳр, давоми соли 2019 ҳаҷми истеҳсоли маҳсулоти саноатӣ ба 529 миллиону 167,7 ҳазор сомонӣ расонида шуд, ки нисбат ба ҳамин даври соли 2018 - ум 95 миллиону 136 ҳазор сомонӣ зиёд мебошад.

 - Дар соли сипаригардида чор корхонаи истеҳсолии саноатӣ, аз ҷумла ҶММ «Тоҷикистон» - коркарди ғалла ва истеҳсоли орд, ҶДММ «Сифат 2017» - коркарди партовҳо ва истеҳсоли зарфҳои пластмассӣ, ҶДММ «Ҳайит Ваҳобов» - истеҳсоли хишти пухта, ҶДММ «Ҷобири Собир» - коркарди сангҳои ороишӣ ва ҳашт коргоҳи хурду миёна, аз ҷумла ду симтӯрбофӣ, як сехи ҷуроббофӣ, се сехи дӯзандагӣ, як сехи қаннодӣ ва як сехи истеҳсоли нони қолабӣ, ҷамъ бо 91 ҷойи корӣ ба фаъолият оғоз намуданд, - гуфт номбурда. Дар шаҳр оид ба истеҳсоли маҳсулоти воридотивазкунанда тадбирҳои зарурӣ андешида мешаванд. Дар соли сипарӣ ба маблағи 279 миллиону 300 ҳазор сомонӣ маҳсулот истеҳсол карда шуд, ки танҳо маҳсулоти ҶСП “Оби Зулол” 255 миллиону 898 ҳазор сомониро ташкил дод.

Ҳамзамон, дар корхонаҳои саноатии шаҳр бо зиёд шудани ҳаҷми истеҳсолот шумораи коргарон низ афзун гаштааст. Яке аз роҳҳои таъсиси ҷойҳои нави корӣ, махсусан барои занону духтарон ҳалли масъалаҳои маҳсулоти воридотивазкунанда, яъне дӯхтани сарулибос, махсусан сарулибоси ягонаи мактабӣ мебошад. Бо ин мақсад то имрӯз дар шаҳри Истаравшан зиёда аз 30 сехи дӯзандагӣ фаъолият бурда истодаанд ва дар соли хониши нави 2019 - 2020 беш аз 29266 ҳазор толибилмону омӯзгорон бо либосҳои мактабӣ таъмин шуданд. Имрӯз дар корхонаҳои саноатии шаҳр 824 нафар фаъолият доранд.

Тибқи маълумоти оморӣ, дар соли сипаришуда гардиши савдои чакана ба 1 миллиарду 486 миллиону 276 ҳазор сомонӣ ва ҳаҷми хизматрасонии пулакӣ ба 273 миллиону як ҳазор сомонӣ расид, ки мутаносибан ба 103,8 ва 100,1 фоизи ҳамин даври соли 2018 баробар аст. Соҳаи саноат дар бобати зиёд намудани ҷойҳои нави корӣ, таъмини амнияти озуқаворӣ ва даромади буҷети давлатӣ нақши арзанда дорад.

Нодир ТУРСУНЗОДА,
«Ҳақиқати Суғд»

Читать далее

Роҳнамои зиндагӣ

Соли 2011 бо супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шарофати 100 - умин солгарди академик Бобоҷон Ғафуров китоби “Тоҷикон” ба забони англисӣ тарҷума шуда, дар арафаи 20 - солагии Истиқлолияти давлатии Ҷумҳурии Тоҷикистон бо теъдоди 50 ҳазор нусха аз чоп баромад.

Аллома Бобоҷон Ғафуров дар шоҳасари худ сохти ҷамоати ибтидоӣ дар Осиёи Миёна, ҳаёти қавму қабилаҳои мухталифи аҷдоди тоҷикон дар давраи инкишофи муносибатҳои ғуломдорӣ, тақдири таърихии Осиёи Миёна дар давраи зуҳури муносибатҳои феодалӣ, вазъияти Осиёи Миёнаро дар давраи тараққиёт ва барқарорсозии сохти феодалӣ баён кардаанд. Аз қадимулайём миллати тоҷик дорои фарҳанги қадимаи давлатдорӣ буда, мавқеъ ва нақши он дар шоҳасари “Тоҷикон” таҷассум ёфтааст.

Президенти мамлакат муҳтарам Эмомалӣ Раҳмон дар Паёми навбатӣ таъкид карданд, ки “таърихи пурифтихори халқи тоҷик мактаби бузурги худшиносӣ мебошад ва мо вазифадорем, ки ба он арҷ гузорем, саҳифаҳои дурахшони қаҳрамониву диловарии гузаштагони худро омӯзем ва онро ҳамчун асоси ғояи ватандӯстиву садоқат ба Ватан ташвиқ намоем”. Пешвои миллат муҳтарам Эмомалӣ Раҳмон ба Ҳукумати мамлакат супориш доданд, ки бо мақсади омӯзиши амиқи таърихи пурифтихори халқи тоҷик шоҳасари Бобоҷон Ғафуров - “Тоҷикон” - ро аз ҳисоби Фонди Президенти Ҷумҳурии Тоҷикистон чоп карда, то ҷашни 30 - солагии Истиқлолияти давлатӣ аз номи Роҳбари давлат ба ҳар як оилаи кишвар туҳфа намояд. Дар замони Истиқлолияти давлатӣ дастрасии китоби “Тоҷикон” эҳёи асолати миллӣ буда, он ба шарофати хирадпешагии Пешвои муаззами миллат рӯи кор омадааст. Миллати тоҷик Истиқлолияти давлатии Тоҷикистонро рамзи саодат, соҳибихтиёрӣ ва пойдорию бақои миллат дониста, такягоҳаш сулҳ мебошад. Дар Паёми худ Пешвои миллати тоҷикон ба соҳаи маориф низ диққати махсус дода, рушду нумӯи кишварамон ва саводноку бомаърифат гардидани наслҳои ояндаи миллатамонро дар мадди аввал гузоштанд.

 Сохтмони бинои мактабҳои замонавӣ, таъмиру таҷдид ва муҷаҳҳазгардонии даҳҳо муассисаҳои таълимӣ дар деҳаву маҳалҳои дурдасти аҳолинишин ҳоло ҳам идома дорад, ки ин мақсади ягонаи Ҳукумати Ҷумҳурии Тоҷикистон баҳри маърифатнокии насли имрӯз ва фардои миллат мебошад. Пешвои миллат, инчунин сохтмони муассисаҳои таълимиро, ки барои коҳиш додани норасоии ҷойҳои нишаст мусоидат мекунад, тавсия доданд. Боз таъкид сохтанд, кимуассисаҳои таҳсилоти миёнаи умумӣ бо беҳтарин шароити таълиму тарбия фаро гирифта шаванд. Дар ин бобат дар Паём омадааст: “Мо то имрӯз барои пешрафти соҳаҳои илму маориф, тандурустӣ, ҳифзи иҷтимоии аҳолӣ, фарҳанг, татбиқи сиёсати ҷавонон, занон ва оила ва рушди варзиш корҳои зиёдеро ба анҷом расонидем.

Дар марҳалаи кунунии пешрафти Тоҷикистон ба соҳаҳои илму маориф афзалияти аввалиндараҷа дода мешавад, зеро онҳо дар таҳкими пояҳои давлати демократӣ ва ҳуқуқбунёду дунявӣ нақши калидӣ мебозанд. Соли ҷорӣ ба маблағи 500 миллион сомонӣ 130 муассисаи таҳсилоти умумӣ бо зиёда аз 32 ҳазор ҷойи нишаст ба истифода супорида шуд”. Боиси ифтихор ва сарбаландии мо, омӯзгорон мебошад, ки Пешвои муаззами миллат ба соҳаи маориф эътибори ҳамаҷониба медиҳанд. Инчунин, Президенти мамлакат муҳтарам Эмомалӣ Раҳмон натиҷаи заҳмати созандаи сокинони ҷумҳуриамонро мусбат баҳогузорӣ карда, таъкид намуданд, ки барои омӯзиши илмҳои дақиқ, риёзӣ ва табиатшиносӣ аҳамияти хоса дода шавад.

Саодати халқи тоҷик аст, ки дар доираи ироа гардидани Паёмҳои равшаниафрӯзи Президенти мамлакат ҳамасола он роҳнамои муҳими зиндагии шоиста ва шарафёб гардидан ба комёбиҳои нав тарҳрезӣ мегардад.

Шаҳноза САНГИНОВА,
номзади илмҳои филологӣ,
устоди факултети забонҳои хориҷии Донишгоҳи давлатии Хуҷанд
ба номи академик Бобоҷон Ғафуров

Читать далее

САМАРАИ НЕКИ ИСТИҚЛОЛИЯТ

Истиқлолият волотарин ва пурарзиштарин дастоварди давлату миллати тоҷикон аст. Ин неъмати бузург баробари ба даст овардани нуру зиё, меҳру вафо, ободию озодӣ, ҳамфикрию ҳамзистӣ ва осоиштагиву абадиятро ба мардуми Тоҷикистон овардааст.

Дар Паёми навбатии худ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз доштанд, ки то ҷашни муқаддасу бузурги 30 - солагии Истиқлолияти давлатии Тоҷикистони маҳбубамон ҳар як оила ба масъалаи таҷдиду азнавсозӣ, тозаву озода ва ободу зебо гардонидани манзили зист, кӯчаву хиёбон ва ҳамаи маҳалҳои аҳолинишин кӯшиш намояд. Мо бояд ин ҷашни мубораки миллиамонро дар шароити аз имрӯза беҳтар ва бо дастовезҳои арзандаи миллати некномамон истиқбол намоем.

Дар замони соҳибистиқлолӣ бо дарназардошти афзоиши шумораи аҳолии мамлакат ва бо мақсади ҳалли мушкилоти иҷтимоии мардуми кишвар 135 ҳазор гектар замин барои бунёди манзили истиқоматӣ тақсим карда дода шуд. Тибқи фармони Сарвари давлат, ҳангоми бунёди манзилҳои истиқоматӣ ва иншооти гуногун бояд санъати меъморӣ риоя гардида, барои боз ҳам зебоии симои шаҳру деҳот кӯшиш ба харҷ дода шавад. Масъулонро зарур аст, ки барои таъмини рушди соҳаи сохтмон ҷиҳати ба стандартҳои муосир мутобиқ гардонидани сифати иншооти сохташаванда ва омода намудани кадрҳои сатҳи баланди соҳаи меъморӣ дар дохил ва хориҷи кишвар тадбирҳои иловагӣ андешанд.

Омодагиҳо ба ин ҷашни таббаррук тақозо месозад бовар намоем, ки то ҷашни муқаддасу бузурги миллиамон - 30 - солагии Истиқлолияти давлатӣ мо боз корҳои зиёди бунёдгаронаро амалӣ гардонем, тамоми захираву имкониятҳоро барои бунёди корхонаҳои хурду бузург сафарбар намоем, барои ҳамватанонамон ҷойҳои нави корӣ муҳайё созем ва сатҳи некӯаҳволии халқамонро боз ҳам беҳтар гардонем. Истиқлолият барои мо рамзи олии Ватану ватандорӣ, бузургтарин неъмати давлатсозию давлатдории мустақил, кору пайкорҳои пайгиронаи созандагӣ буда, дар як вақт ҳаёти озодонаи ҳар фард ва олитарин дараҷаи бахту саодати воқеии миллатро таъмин намуд.

 Самараи неки истиқлол аст, ки имрӯз Тоҷикистон дар дунё чун давлати сулҳхоҳу сулҳпарвар шинохта шудааст. Мо бояд бо ин миллати некном биболему барои боз ҳам беҳтар гардидани он саъю талош намоем.

Шаҳноза ҲОМИДОВА,
“Ҳақиқати Суғд”

Читать далее

Боздиди кории Раиси вилоят Раҷаббой Аҳмадзода аз ноҳияи Бобоҷон Ғафуров

16 январ Раиси вилояти Суғд Раҷаббой Аҳмадзода зимни боздиди корӣ аз ноҳияи Бобоҷон Ғафуров бо ҷараёни корҳои ободониву созандагӣ шинос гардид.

Раиси вилоят нахуст фаъолияти фермаи хоҷагии деҳқонии ба номи Бобоҷон Махсудро мавриди таваҷҷуҳ қарор дод. Чуноне иттилоъ дода шуд, роҳбарияти хоҷагӣ ният дорад, ки фермаи молиро навсозӣ намуда, теъдоди моли калони шохдорро зиёд намояд. Дар фермаи мазкур, ки 9 гектар масоҳат дорад, 324 сар моли калони шохдор, аз ҷумла 120 сар модагов нигоҳубин карда шуда, 26 нафар кормандон фаъолият мебаранд.

Читать далее

16 January 2020

Hola! Would you like to receive automatic updates and unlock premium support? Please activate your copy of Visual Composer.

SCNS

DUSHANBE, 15.01.2020. (NIAT Khovar) – The Chief of Directorate of National Security (DNS) of Afghanistan Ahmad Zia Siraj visited Tajikistan from January 14 through January 15.


 

While on his visit, Siraj met with the Chairman of the State Committee for National Security (SCNS) of Tajikistan Saimumin Yatimov.

The meeting focused on the issues relating to the enhancing effective bilateral cooperation in ensuring regional security, peace and stability in neighboring Afghanistan, joint fight against international terrorism, border protection, preventing drug trafficking and other important issues.

The Afghan side, which is at the forefront of the fight against terrorism and extremism, has stated that it will strengthen fruitful cooperation with Tajik military and security bodies in the interest of both states and the region in the face of new geopolitical, real and potential threats.

“The territory of Afghanistan, with the intervention of certain international forces, was turned into a war zone, which poses a threat to the neighboring countries,” the parties expressed their concern.

In connection with the occurred situation, it was noted a direct threat of international terrorist organizations, including al-Qaeda, the Islamic State, the Islamic Renaissance Party, Ansarullah, Islamic Movement of Eastern Turkestan, Islamic Movement of Turkestan and others.

The Tajik side expressed its gratitude to the Afghan DNS for the disclosure and merciless fight against terrorist groups, which had been trained and instructed to carry out terrorist acts in Tajikistan.

The two parties also reaffirmed their commitment to further deepen cooperation to ensure the security of the Tajik-Afghan border in the areas of combating terrorism, extremism, arms and drugs trafficking.

The meeting was held in a friendly atmosphere and mutual understanding, which will contribute to the further development of partnership relations in the current and future conditions.

Following the meeting, Siraj expressed satisfaction with the results of his visit to Tajikistan and invited Yatimov to visit Afghanistan at a convenient time. The invitation was accepted.

Читать далее