06 February 2020

ҚАДРШИНОСИИ МЕҲНАТИ РӮЗНОМАНИГОР

Маросими ҷоизасупорӣ ба ғолибони озмуни «Хомаи созанда - 2019»

Санаи 5 - уми феврали соли 2020 дар Кохи Суғдиёни маркази вилоят бо иштироки Раиси вилояти Суғд Раҷаббой Аҳмадзода маросими ҷоизасупории озмуни вилоятии «Хомаи созанда - 2019» доир шуд.

Котиби матбуотии Раиси вилояти Суғд Музаффар Юнусов дар маросими ҷоизасупорӣ иброз дошт, ки Мақомоти иҷроияи ҳокимияти давлатии вилоят бахшида ба «Солҳои рушди деҳот, сайёҳӣ ва ҳунарҳои мардумӣ» ва бо мақсади дастгирии журналистон ва сари вақт хабардор кардани ҷомеа аз раванди рушду такомули соҳаҳои мухталифи хоҷагии халқ, шарҳу тавзеҳи воқеъбинона, ҳамзамон ҷалби таваҷҷӯҳи аҳли ҷомеа ба масъалаҳои ҳалталаб миёни журналистон барои беҳтарин маводи журналистӣ озмун эълон намуда буд.

Читать далее

ДАСТОВАРДҲОИ НЕК - БАЁНГАРИ РУШД ВА САТҲИ ХУБИ ЗИНДАГӢ

Гузориш аз нишасти матбуотии Раиси вилоят муҳтарам Раҷаббой АҲМАДЗОДА оид ба натиҷаҳои соҳаҳои иқтисодиву иҷтимоии вилоят дар соли 2019

Санаи 5 – уми феврали соли равон дар Кохи фарҳанги «Суғдиён» - и маркази вилоят нишасти матбуотии Раиси вилоят муҳтарам Раҷаббой Аҳмадзода оид ба натиҷаҳои соҳаҳои иқтисодиву иҷтимоии вилоят дар соли 2019 баргузор гардид, ки дар он муовинони Раиси вилоят, роҳбарони ташкилоту идораҳои вилоятӣ, намояндагони воситаҳои ахбори оммаи ватаниву хориҷӣ ширкат варзиданд.

Раҷаббой Аҳмадзода сараввал роҷеъ ба натиҷаҳои соҳаҳои иқтисодиву иҷтимоии вилоят дар соли 2019 маълумоти муфассал дода, дар маҷмӯъ соли 2019 – ро барои мардуми вилояти Суғд соли дастовардҳо ва комёбиҳои назаррас арзёбӣ намуд.

Читать далее

Панҷакент: КОРҲОИ ОБОДОНӢ БА ШАРАФИ ҶАШН ВУСЪАТ МЕЁБАНД

Нишасти матбуотии раиси шаҳри Панҷакент Шафеиён Ислом Зиёзода бо намояндагони воситаҳои ахбори умум оид ба ҷамъбасти натиҷаҳои иҷтимоию иқтисодии шаҳр дар соли 2019 баргузор гардид. Нахуст раиси шаҳр ба рӯзноманигорон дар бобати дастовардҳои соли сипарӣ маълумот дод. Аз ҷумла, зикр гардид, ки баҳри бо дастовезҳои шоиста истиқбол гирифтани ҷашни 5500 - солагии шаҳри бостонии Саразм, ки ин сана соли равон таҷлил карда мешавад, шаҳри Панҷакент ба як сохтмонгоҳи бузург табдил ёфта, ташкилоту муассисаҳо, коргоҳҳо, соҳибкорон ва ҳар як шаҳрванд баҳри он кӯшиш дорад, ки ба шарофати ин ҷашни бузург шаҳр обод, гулпӯш, тозаву озода бошад.

Дар нишасти матбуотӣ аз ҷониби рӯзноманигорон суолҳо дода шуда ва роҳбарони сохторҳои марбута ба он посухҳои мушаххас доданд. Аз ҷумла, ба суол дар бобати афзудани хавфи баландшавии оби дарёи Зарафшон ва вазъи соҳилмустаҳкамкунӣ дар ин радиф раиси шаҳр посух дод, ки хавф асосан дар Ҷамоати деҳоти Хурмӣ эҳсос гардида, дар ин самт ҳоло кор дар сатҳи зарурӣ ба роҳ монда, саддҳои обшикан бунёд карда шуда истодаанд. Бо ин мақсад 300 ҳазор сомонӣ маблағ ҷудо гардида бошад ҳам, вале ин кофӣ нест. Бо ҷалби маблағгузорони хориҷӣ, соҳибкорон ва фардони саховатпеша ният дорем, соли равон тадбирҳои зарурӣ дар самти пешгирии ҳавфи баландшавии оби дарёи Зарафшон амалӣ карда шаванд. Ба суоли он, ки коргоҳи истеҳсоли мармар «Лада мармар», ки солҳои охир аз фаъолият бозмондааст, оё аз нав ба истеҳсолот шурӯъ мекунад, раиси шаҳр ҷавоб дод, азбаски ба маҳсулоти корхона вақтҳои охир талабот хеле кам аст, коргоҳ аз фаъолият бозмонд. Дар самти аз нав барқарор кардани фаъолияти он тадбирҳо андешида шуда истодааст.

Ҳамчунин аз ҷониби рӯзноманигорон бобати тадбирандешӣ ҷиҳати амалигардонии ҳадафи чоруми миллӣ-саноатикунонии мамлакат, маблағгузорӣ баҳри харидани китобҳо ба китобхонаи марказии шаҳр, норасоии китобҳо дар таълимгоҳҳо, бунёди коргоҳи истеҳсоли оби нӯшокӣ бо тамғаи “5500 - солагии Саразм”, ба танзим даровардани нақлиёт дар назди гузаргоҳҳои сарҳадӣ, бунёди китобхонаҳо, рафти омодагиҳо ба шарафи 5500 - солагии Саразм суолҳо дода шуданд. Раиси шаҳр ба суолҳо посухҳои мушаххас дода, ба роҳбарони ташкилоту муассисаҳои марбута ҷиҳати ҳалли мусбии мушкилоте, ки аз ҷониби рӯзноманигорон баён гардид, дастуру супоришҳо дод.

Рафоат МӮЪМИНОВА,
«Ҳақиқати Суғд»

Читать далее

Ба иғвои наҳзат дода намешавем!

Миллати башардӯсти тоҷик боандӯҳ ва таассуф солҳои ҷанги шаҳрванидро ба хотир оварда, як тоифа мардумеро, ки ба қадри ватан, миллат, бародарӣ, баробарӣ ва дигар муқаддасоти миллӣ нарасиданду бо дастгирию иғвогарии хоҷагони хориҷии худ, ҷомеаи тоҷиконро вайрон карданд, маҳкум менамоянд.

Ин иғвогарон Ҳизби наҳзат буда дар дил нақшаи нопоке доштанд, ки тибқи он дар ҷумҳурӣ табаддулоти давлатиро ташкил карда, Тоҷикистони моро ба кишвари ақибмондаи исломӣ табдил диҳанд. Ҳизби наҳзат ва пайравони он дар таълимоти худ ташкилкунии як давлати диниро пайравӣ мекунад. Айни ҳол роҳбарияти ин ҳизб ҳаматарафа боз як ҷунбиши террористиро бо номи “Ихвон-ул-муслимин» ҳаматарафа дастгирӣ намуда, фаъолияти онро ҷонибдорӣ намуда истодаанд.  Ҷунбиши “Ихвон-ул-муслимин» дар якчанд кишварҳои шарқ, хусусан дар Миср ҷомеаи тинҷу ободи мардумашро вайрон намуд.  Ихвон бо маблағгузориҳои хоҷаҳояш мехоҳад, сари қудрат ояд ва барои пиёдакунии мақсадҳои нопокаш аз ҳама тарзҳо истифода бурда истодааст.

Башардӯстони  тоҷик нағз медонанд, ки  ТТЭ ҲНИ ва ҷунбиши “Ихвон-ул-муслимин» мақсадҳои нопок доранд ва аз ғояи асосии худ – ғасби ҳокимияти сиёсӣ ва фирефтакунии шаҳрвандон ҳаргиз рўй нагардондааст.  Бинобар ин, мо ҳамеша ба қадри якпорчагии ватани азизамон мерасем ва ба онҳо фошофош мегӯем, ки ба иғвои онҳо дода намешавем. Чунки ки будани онҳо ва мақсаду ниятҳои разили онҳоро нағз медонем.  Мардуми Тоҷикистон ҳамеша тарафдори сулҳу ваҳдат ва тинҷиву оромист!

Лутфуллоев М.Д. – сармуаллими кафедраи
технологияҳои
 иттилоотӣ дар иқтисодиёти ДДҲБСТ

Читать далее

Шукронаи оромӣ ва неъматҳои истиқлолият намоем!

Воқеаҳои моҳи феврали соли 1990, дар шаҳри Душанбе ҳар замоне, ки банда ба айёми гузашта назар мекунам, он рӯзҳои мудҳиш ба ёдам мерасад ва ба худ савол медиҳам, ки барои чӣ дар он вақт   «февралмоҳи хунин" неву "баҳманмоҳи хунин" гуфтанд?  Ҳол он, ки мардуми Тоҷикистон ба ғайр аз чанд нафаре то ҳол намедонанд, ки Баҳманмоҳ  кадом моҳ аст. Барои чӣ шиорҳои таблиғотӣ аксаран асолати тоҷикӣ надошт? Ба майдон баромадан, шиор партофтан, аз куҷо ва  таҷрибаи кӣ аст? Иғвогарони пешбар киҳо ва дар паси парда хоҷагони асосӣ   киҳоянд?

Баъди эълони Истиқлолияти давлатии Ҷумҳурии Тоҷикистон  ноором гардидани кишвар ба ин саволҳо ҷавоб дод ва пардаро аз рӯи хиёнаткорон ва хоҷагони хориҷиашон бардошт, ки сабабгори саршавии ин бесарусомониҳо ТТЭ ҲНИ бо роҳбарии муассисонаш ва хоҷагони хоричиаш мебошад. Ҳадафи роҳбарони ин ҳизби террористӣ, ки аз хориҷ роҳнамои мегирифтанд, нопок буд.

Афсӯс, ки аксари он нафароне, ки аз дасти ин маккорон гумроҳ шуда, манфиати миллату кишварро пеши по мезаданд, дар ин издиҳом иштирок мекарданд ва аз суиистифода шудани дини ислом бехабар буданд ва баъдан ин майдонбароиҳо ба ҷанги шаҳрвандӣ оварда расонид ва сабаби рехтани хуни ҳазорон мардуми бегуноҳ гардид.

Аз ин ҳодисаҳо аллакай сӣ сол гузаштааст, аксари ҷавонони то сисола, ки дар замони тинҷу оромӣ зиндагонӣ мекунанд, онро аз саҳфаи таърих мехонанд.

Бояд имрӯз мо, мардуми Тоҷикистон шукронаи тинҷию оромии  давру замон ва шукронаи неъматҳои Истиқлолият кунем ва баҳри ободии Ватани худ, ҳифз намудани арзишҳои миллӣ, дастовардҳоямон саҳмгузор бошем, то мардуми Тоҷикистон дигар рӯи ҷангро набинад!
 

Ҳоҷӣ Ҳусайн МӮСОЗОДА,
номзади улуми суханшиносӣ

Читать далее

Зери ниқоби паймон

Бояд қайд намуд, ки Паймони миллии Тоҷикистон, ки моҳи сентябри соли 2018 дар хориҷ таъсис ёфт, аз Анҷумани озодандешони тоҷик, Ҷунбиши ислоҳот ва рушд, Ассосиатсияи муҳоҷирини Осиёи Марказӣ ва Ҳизби дар Тоҷикистон мамнӯи наҳзати исломӣ ташкил ёфтааст.

Додгоҳи олии Тоҷикистон Ҳизби наҳзати исломиро соли 2015 мамнуъ ва террористӣ эълон кард. Раҳбарияти ҳизб, ки дар хориҷа қарор дорад, онро рад мекунад. Раҳбарони се созмони дигар низ аз Тоҷикистон берун шуда, дар хориҷа ҳастанд.

Аз расонаҳо маълум аст, то кунун тақрибан бист созмону ҷунбиш, аз ҷумла “Ҳизби Таҳрир”, “Ал-Қоида”, “Ҳаракати исломии Узбекистон”, “Толибон”, “Ҷамоаи Таблиғ”, “Тоҷикистони Озод”, “Салафия”, “Гуруҳи 24”, “Давлати исломӣ”, “Ҷабҳат-ут-нусра” ва “Ҳизби наҳзати ислом” ба ҳайси созмонҳои террористиву ифротӣ шинохта шудаанд. Даҳҳо нафар бо ҷурми пайравӣ ва тарафдорӣ аз ин созмонҳо боздошту зиндонӣ шудаанд. Раҳбарони ташкилотҳои аз Тоҷикистон берун, дар хориҷа  буда, қайд кардаанд, ки ҳадаф аз ташкили эътилоф, сарҷамъии нирӯҳои мухолифин, риояи ҳуқуқи башар, рушди демократия ва интихоботҳои озоду шаффоф будааст.

Тоҷикистони азизи ба ҷон баробари мо  дар арсаи ҷаҳонӣ ҳамчун давлатӣ ҳуқбунёд, дунявӣ, демократӣ ва осуда шинохта шуд.  Ҳоло осмони Тоҷикистон беғубор, мардумаш бо нанагу номус бо меҳнати ҳалоли худ зиндагӣ бурда истодааст, хоҷагии халқ рўз аз рушд карда истодааст,  аммо ҳастанд  шахсони алоҳида,  ба монанди Паймони миллии  Тоҷикистон  ва Муҳиддин Кабирӣ,  ки тинҷӣ ва осоиштагии миллатро намехоҳанд.

ТТЭ ҲНИ бо иқдоми ташкили паймони нав ба мисли найрангҳои солҳои навадум азм дорад амалҳои тахрибкорона ва террористиву эстремистияшро зери ниқоби ин паймон амалӣ созад.

Дуруст шуд, ки аз ҷониби Додгоҳи олии Тоҷикистон фаъолияти ташкилоти «Паймони миллии Тоҷикистон» иттиҳоди террористӣ-экстремистӣ  дар Ҷумҳурии Тоҷикистон манъ гардид,

Мо – устодон, намояндагони илму фарҳанг намегузорем, ки  ҳар  ташкилот ба монанди «Паймони миллии Тоҷикистон» ҳаёти осоиштаи моро вайрон намоянд.

Атоева М.М. – дотсенти
кафедраи забони русии ДДҲБСТ

Читать далее

Пароканда хасми душман!

Ҷомеаи Тоҷикистон дар давраи нави Истиқлолияти давлатӣ аз ҷониби душманони хориҷӣ ба дами муноқишаи шаҳрвандӣ кашида шуд. Лекин, дар ҷомеа нерӯи солиму созанда пойдор буд, ки дар он давра нагузошт, ки ватани азизамонро порча - порча созанд. Қувваҳои посдори сулҳи Иттиҳоди Давлатҳои Мустақил, миёнаравиҳои самарабахши Созмони Милали Муттаҳид, Созмони Амнияту Ҳамкории Аврупо, Созмони Конфронси Исломӣ, Кумитаи Байналмилалии Салиби Сурх барои барҳам додани муноқишаи тоҷикон нақши назаррас бозиданд.

Бархӯрди манфиатҳои давлатҳои абарқудрат, кӯшиши аз нав тақсим намудани ҷаҳон бо мақсади соҳибӣ ба сарватҳои табиӣ ва захираҳои ашёи хому бозори ҷаҳон рӯз ба рӯз шиддат меёбанд. Ба замми ин, терроризм ва экстремизм барои давлатҳо ба манбаи нави хатару таҳдид мубадал гаштааст. Дар чунин шароит, ки вазъияти дунё ҳар лаҳза дар ҳоли таъғйирёбист, дар дохили давлат таъмин будани Ваҳдати миллӣ, суботу амнияти ҷомеа, таҳамулпазирию ҳамдигарфаҳмӣ барои тинҷу осоишта меҳнату зиндагӣ кардани мардум кӯшиш мекунад. Вале, ҳама гуна мухолифат ва низоъ бо роҳи музокирот бояд ҳаллу фасл шавад. Таҳаммул карда тавонистани ақидаҳои гуногуни сиёсиву иҷтимоӣ, гузашт ва муросо муруввату мадоро, худдорӣ аз ҷаҳлу ҷидол аз хислатҳои неки миллати бофарҳанг ба ҳисоб мераванд.

Мо тоҷикону тоҷикистониён ҳамеша бояд дар хотир дошта бошем, ки чунин рӯзҳои сахту сангинро мо низ аз сар гузаронидаем. Дар ҷаҳони имрӯз ифротгароӣ ё экстремизми динӣ, терроризм ба рӯйдодҳои ҷаҳонӣ табдил ёфта истодаанд. Нуфузи ин ташкилотҳои террористӣ рӯ ба афзоиш аст. Ниҳоди террористии ба ном «Давлати Исломӣ» ва думравони онон ба монанди ташкилоти террористию экстремистии Ҳизби наҳзат кӯшиши зери тасарруф гирифтани ҳокимияти қонунии диёри азизамон бо минтақаҳои гуногун, паҳншавии ғояҳои тундгароӣ дар Афғонистони ҳамсоя моро ҳушдор медиҳад, ки ҳамеша ҳушёру зирак бошем, гирифтори дасисаву фиреби бегонагон нашавем, ваҳдату суботро боз ҳам устувортар гардонем.

Собиров М.С.
мудири кафедраи экология ва ҳифзи табиати факултети геоэкологияи
Донишгоҳи давлатии Хуҷанд ба номи академик Бобоҷон Ғафуров

Турсунова Н.А.,
сарлаборанти кафедраи экология ва ҳифзи табиати факултети геоэкологияи
Донишгоҳи давлатии Хуҷанд ба номи академик Бобоҷон Ғафуров

Читать далее

МАРҲАЛАИ ШИНОХТИ ТТЭ ҲНИ

Умуман соле, ки сипари  гашт, соле буд, ки барои миллати тоҷик чандин ҳақиқатҳои ногуфтаи таърихиро ошкор кард ва ҳамчунин ниқоб аз баъзе чеҳраҳои манфур бардошт. Ва ё ба ибораи дигар, воқеиятҳои ҳиллагарону ҳунармандони ниқобпӯшро, ки бо қабои гуногун миллатро гумроҳ карда, фиреб доданӣ мешуданд, ошкор сохт.

Зеро маҳз дар ҳамин сол баъзе маълумотҳои махфӣ аз фаъолияти ТТЭ ҲНИ ва амалҳои ҷиноятишон бар зидди миллати тоҷик дастраси омма гардид, ки  дар ин маводҳо ба таври бисёр ҳам мақбул аз ҳамкории ин ниҳод ва хадамоти махсуси Ҷумҳурии исломии Эрон аз нахустинрӯзҳои соҳибистиқлолии ҷумҳурӣ то ба имрӯз сухан мерафт ва ҳар як нукта бо далелҳои муътамад баён гардида буд.

Ҳарчанд ба таври бисёр ҳам кам аз ин маводҳо нашр шуд, вале ин маводҳо тавонистанд, ки чароғе дар масири торики шинохти ин тоифа бошанд. Зеро ин ифротиён ҳар лаҳза симо ва ниқоби худро дигар намуда, ҳамеша аз пайи ҷустуҷӯйи роҳҳои хиёнат ба миллати тоҷик ҳастанд ва инро мо то дербоз мушоҳида намекардем.

Вале имрӯз бараъло ошкор гардид, ки аъзои ТТЭ ҲНИ ба хотири пулу мол шуда, ба хизмати хоҷагони хориҷияшон гузаштаанд ва барои пулу мол омодаанд, ҳама супоришҳои хоҷагони хориҷияшонро бар зидди миллати тоҷик, мисли солҳои 90-уми асри гузашта иҷро кунанд.

Пас ин тоифаи бадгавҳарро чӣ тавр мешавад, душмани миллату Ватан наҳисобид?

Чӣ тавре ки гуфтем,  соли сипаригардида, соле буд, ки саҳифаи навро дар шинохти ТТЭ ҲНИ боз кард ва, ин албатта, охири кор нест, зеро ҳамон гуна, ки мушоҳида мешавад, онон ҳоло ниқоб иваз намуда, мехоҳанд бо шиорҳои нав амал намоянд ва барои ҳамин ҳам созмони дигари террористии ПМТ-ро таъсис додаанд, ки дар он ҳам Кабирии палиду разил ҳамчун роҳбар таъин гардидааст.  

Албатта ин ҷо чанд сабаб ҳаст, ки наҳзатиёнро водор кардааст, зери ниқоб баромад кунанд ва ақидаҳову андешаҳои ғайриинсонии худро пинҳон доранд. Зеро онон аз ҷониби хоҷагони хориҷияшон идора мешаванд.  

Яъне бо тағйири ном пайравони ТТЭ ҲНИ мехоҳанд, ки бештар гуноҳҳову амалҳои содирнамудаашонро дар солҳои 90-ум пинҳон кунанд ва аз ҷониби дигар бо номи нав бештар ҷавононро гумроҳ созанд.

Аз ин рӯ, ҷавононро мебояд, ки аз ин рафтори ифротгароён эҳтиёт бошанд ва фирефтаи доми онон нашаванд.

Меҳвар АБДУСАЛОМОВ,
омӯзгори ДКМТ

Читать далее

Пешгирии ҷалби ҷавонон ба ташкилоти террористӣ

Терроризм ва ифротгароӣ вабои аср аст, зеро имрӯз ҳадафи он ба амалӣ намудани манфиатҳои абарқудратҳои ҷаҳонӣ ва минтақавӣ нигаронида шудааст. Аз амалҳое, ки вақтҳои охир дар бисёр давлатҳо рух дода истодаанд, маълум мегардад, ки барои афроди террористу ифротгаро ягон муқаддасот – Ватан, миллат, дин, мазҳаб арзише надорад. Барои расидан ба ҳадафҳояшон онҳо аз ягон амал даст намекашанд. Нерӯи асосии ҷангандаи онҳоро аксаран ҷавонон ташкил медиҳанд. Ҷавонон ба сабаби як силсила омилҳо чунин гурӯҳи иҷтимоие мебошанд, ки дар баробари ғояҳои ҳаракатҳои радикалӣ таъсирпазир ва ҳассос ҳастанд ва ба гурӯҳҳои экстремистӣ-террористӣ шомил гардида, оқибат фирефта шудани худро нафаҳмида мемонанд.

Ҳамаи мо огаҳии комил дорем, ки ҳанӯз 2-3-юми майи соли 2018 дар шаҳри Душанбе дар ҳамкорӣ бо Созмони Милали Муттаҳид, Иттиҳоди Аврупо ва шарикони дигари рушд Конфронси байналмилалии сатҳи баланд дар мавзӯи “Муборизаи муштарак бо терроризму ифротгароӣ ва тундгароии хушунатомез” доир гардида буд, ки баҳои баланди байналхалқиро сазовор шуд.

Ҳоло ки терроризм ва ифротгароии хушунатомез ҷуғрофияи худро васеъ намудааст, боиси нигаронии ҷомеаи ҷаҳонист. Аз ин лиҳоз, зикри онро салоҳ медонам, ки терроризм ва ифротгароӣ дар байни табақаҳои мухталифи ҷомеа, махсусан миёни ҷавонон яке аз муаммоҳои ҳалталаб мебошад.

Барои аз байн бурдани ин раванди ниҳоят хавфнок ва таъмини боэътимоди амният зарур аст, ки заминаҳо ва омилҳои зуҳури он муайян карда шаванд. Барои ин тадбирҳои ҳадафманди пешгирӣ, садди роҳ гардидан ва корҳои фаҳмондадиҳиро байни ҷавонон ҷоннок кардан лозим аст. Биноан, бо дарназардошти хатару омилҳое, ки боиси шомилшавии ҷавонон ба ҳизбу ҳаракатҳои террористиву экстремистӣ ва иштироки онҳо дар муқовиматҳои ҷангии хориҷи кишвар гардидааст, Ҳукумати Ҷумҳурии Тоҷикистон дар доираи «Стратегияи муқовимат ба терроризм ва экстремизм барои солҳои 2016 - 2020» дар байни аҳолӣ гузаронидани як қатор чорабиниҳои пешгирикунӣ-профилактикӣ ва фаҳмондадиҳиро ба роҳ мондааст.

Ва дар ин самт баҳри иҷрои корҳои ҳадафманд мо бояд саҳмгузор бошем. Талқин намоем, ки ҷавонон аз ҳар гуна ташкилоту гурӯҳҳои ифротӣ ҳазар карда, ба таъмини якпорчагии давлату миллат ва сулҳу ваҳдати комил, ободу зебо гардондани кишвари азизамон – Тоҷикистон саҳм гузоранд.

 Фирӯза ҲУВАЙДУЛЛОЕВА,
устоди Коллеҷи тиббии ноҳияи
Бобоҷон Ғафуров

Читать далее

Аз фиребу макр дурӣ ҷӯй…

Ҳоло яке аз масъалаҳои муҳим, ки ҷомеаи ҷаҳонӣ ва ҷумҳурии моро низ ба ташвиш овардааст, терроризм ва ифротгароӣ мебошад. Терроризм ва ифротгароӣ яке аз зуҳуроти номатлуб дар замони имрӯза ба шумор меравад, зеро зуҳуроти мазкур боиси ба миён омадани оқибатҳои нохуш мебошад.

Ифротгароии динӣ аз ҷиҳати динӣ асосноккунии фаъолияти бо дин рӯйпӯшкардашудае аст, ки ба халалдор кардани истиқлолият ва якпорчагии давлат, барангехтани душманӣ равона шудааст.

Имрӯзҳо, мутаассифона, шомилшавии баъзе аз ҷавонони гумроҳ ба ин гуна ҳаракатҳои ифротӣ ба назар мерасад, ки сабаби он камдонишӣ, надоштани саводи кофии диниву дунявӣ мебошад.

Дар баъзан маврид надонистани сарнавишти таърихи миллати худ, фориғболию бехабарӣ ва носипосӣ нисбати мероси маънавӣ - фарҳангӣ он шахсро ба инкори ҳақиқат гузошта, ба бегонапарастию қадр накардани қиммати дастовардҳои Истиқлолияти миллӣ оварда мерасонад.

Мо ҷавононро бояд дар рӯҳияи ватанпарварӣ, ахлоқи ҳамида, дӯст доштани сарзамину миллати худ тарбия кунем. Яке аз омилҳои муҳими мубориза бар зидди ифротгароӣ дарки аҳамияти омӯхтани фарҳанги миллӣ ва арзишҳои воқеии исломӣ дар тарбияи ватанпарварӣ мебошад.

Ҳамаи бузургони адабиёти мо инсониятро ба ватандӯстиву ахлоқи пок талқин кардаанд. Ҳар кас аз Ватани худ рӯй гардонад, нафратзадаву бенангу номус мебошад.

Ҷавонони моро душманону хоинони Ватан бо роҳи макру фиреб гумроҳ мекунанд.

Дар шаҳри мо - Истаравшан ҳам баъзе ҷавонон ёфт шудаанд, ки ба фиребу найранги ифротгароён дода шудаанд. Онҳо падару модари худро хуноб кардаанд. Мо пеши роҳи онҳоро бояд гирем, найрангу дасисабозии ин ифротгароён ҳадафҳои нопоки онҳоро фаҳмонем. Онҳоро аз роҳи хато баргардонем.

Паямбари Ислом Муҳаммад (с.с.) дӯст доштани Ватан ва мардуми диёри худро дар ҳадиси худ борҳо таъкид кардаанд: - Дӯст доштани Ватан аз имон аст, Ватани худро дӯст доред ва ризқу рӯзии худро аз он ҷо биҷӯед. Агар инсон озодии иродаро эътироф кунад, ба ақлу хирад такя менамояд. Шахси ахлоқӣ будан аз ваҳдати хираду эътиқод бармеояд.

Аз ин рӯ, ҳушёрӣ ва зиракиву худшиносӣ метавонад, яке аз омилҳои пешгирикунандаи ифротгароӣ шавад.

Барои мо озодиву оромӣ, сулҳу амнияти кишварамон беҳтарин неъмат аст.

Субҳӣ Ҷавҳаризода,
шаҳри Истаравшан

Читать далее